المساعد الشخصي الرقمي

مشاهدة النسخة كاملة : ريموت نيسان باترول 2010 اسعارهم عندنا و برمجتهم


fantasy
16-09-2015, 11:12 AM
السلام عليكم
عندي نيسان بترول 2010 لي شريته كان فيه ريموت واحد للاسف و ابغي اسوي ريموت ثاني ماينفع جي اسلمه الدريول و اخذه منه. اتصلت امس الوكاله قالوا الريموت بدون برمجه ب 800 اظن قالوا و البرمجه 450 يعني والله حرام اش دعوه بحدود 1200 بادفع حق ريموت صج مصخره
قريت مواقع ان ارخص بكثير في السعوديه والامارات بس ماعرف مصداقية اللي قريته و ابغي اهل الخبره يفيدونا هل محلات عاديه للزينه مثلا بالامارات يقدرون يسوون هالشي من عندهم ريموت و يبرمجونه و يشتغل نفس الاصلي؟ اللي قريت عنه ان الاسعار تحت ال 150 شامله البرمجه في السعوديه و قريت في ناس تاخ من السكراب الريموت باقل من ميه و تروح تبرمجه بعد بحدود خمسين
اتمنى الافاده الله يوفقكم لكل خير
الزجاجي
16-09-2015, 12:45 PM
شوف شركة المحري للمفاتيح
مثلا مفتاح الندكروزر ب 900 ريال الريموت والبرمجه بالدوحه جديد.. انا شريت ريموت مستعمل بالامارات مع البرمجه ب 350 ريال
eXpert*
16-09-2015, 12:50 PM
عزيزي برمجة الريموت ما تحتاج شئ ترى لاحد يغافلك بالأسعار .

أهم شئ الريموت يكون عندك شوف بالسكراب ولا تلاقي حد عنده ريموت موتره اللي باعه والبرمجة موجودة في اليوتيوب .

والـ 450 مالت البرمجة اللي بتوفرها طرشها لي بالويسترن يونيون :)


بالتوفيق
النهار
16-09-2015, 12:53 PM
ياخوي مر على محلات المحري في سوق العلي انا مسوى مفتاح ريموت تش لسيارة افولون 2013
ب 700 ريال ومسوي حق جي اكس ار 2011 600 ريارل
محاسب
16-09-2015, 01:04 PM
الشراء عن طريق النت ب200 ريال لاند كروزر
عليك تبحث في المواقع الأمنه
وطريقة البرمجه موجوده في اليوتيوب