استفسارين: الايباي وشاشة الايفون 6 بلس

[السكين]

السلام عليكم ورحمة الله وبركاته

حبيت استفسر في شغلة حيرتني بخصوص موقع ebay اسوي بحث عن شغلة تطلع شحنها مثلاً عشرة دولار وعلى جهاز غيري يطلع الشحن مجانًا، لدرجة ارسلوا لي الرابط طلع الشحن غير مجاني ونفس الرابط عندهم طلع مجاني.

شفت الاعدادات طلع نفس الشي والبلد مختارينها قطر والاسعار تطلع بالقطري بس الشحن يفرق !!

شغلة ثانية انكسرت شاشة ايفوني 6 بلس للمرة الثانية بدلتها قبل ست شهور بالف وثلاثمائة ريال ، واليوم قالوا لي بسبعمائة وخمسون ريال ، بالنت رخيصة ما تتعدى ميتين وخمسين. بس متردد اشتريها وينصبوا علي اصحاب المحل بتركيبها، ولو حد يعرف مكان رخيص الله يجزاه ويجزاكم خير.


وسامحونا فاعد اكتب من الايفون واضطريت اكتب الارقام بالفصحى وعدوا اي بدلية هههه 😀

[لبيبة]

وعليكم السلام ورحمة الله وبركاته،

ممكن رابط المنتج اللي سعر الشحن فيه يختلف. ابي اجرب علشان اعرف السبب.

ما عندي فكرة عن تركيب شاشة الايفون، بس نصيحة لحماية الشاشة تجيب كفر للايفون يغطيه مثل كتاب، فيحمي الشاشة. اما تخليه بدون كفر او كفر خلفي بس ما ينفع.

[بعيد النظر]

سالفة ebay .. اول مرة تمر علي ..
بيني وبينك صرت من النادر جدا" اشتري من هـ الموقع ..
مع انه ماشي زي الحلاوة معاي .. بس حاليا" امازون ماكل الجو !


بالنسبة للشاشة .. اتوقع ركبتها بـ 1300 ..
اول ما نزل الايفون 6 او بعدها بكم شهر ؟

الحين نزل سعرها .. لانها توفرت بشكل كبير ..
وعقب سنة او اقل بتحصلها ب 400 ..

هـ الحركة صارت ف الايفون 5 اس ..
مبدل الشاشة 6 مرات ..
ودفعت الـ 750 .. و 600 500 و 400 والحين ب 250 ..
وتكاسره و يركبلك ب 200 .. لان نزلت اصدارات جديدة وعنده كمية يبي يخلصها ..


بالنسبة .. للشاشة من النت شريتها مرة وللاسف ما ركبت ..
واضطريت اركب شاشة من عنده !

[السكين]

وعليكم السلام ورحمة الله وبركاته،

ممكن رابط المنتج اللي سعر الشحن فيه يختلف. ابي اجرب علشان اعرف السبب.

ما عندي فكرة عن تركيب شاشة الايفون، بس نصيحة لحماية الشاشة تجيب كفر للايفون يغطيه مثل كتاب، فيحمي الشاشة. اما تخليه بدون كفر او كفر خلفي بس ما ينفع.

الرابط (http://www.ebay.com/itm/2-BOXS-BEAN-BOOZLED-Spinner-Game-3-5oz-Jelly-Belly-HIGH-DEMAND-/361091753751?hash=item5412bee717)

تفضلي هذا الرابط طلع لي بـ 18 دولار الشحن

شغلة ثانية جربت من الايباد طلع لي الشحن مجاني ولما سجلت دخول طلع الشحن 18 دولار !!

[السكين]

سالفة ebay .. اول مرة تمر علي ..
بيني وبينك صرت من النادر جدا" اشتري من هـ الموقع ..
مع انه ماشي زي الحلاوة معاي .. بس حاليا" امازون ماكل الجو !


بالنسبة للشاشة .. اتوقع ركبتها بـ 1300 ..
اول ما نزل الايفون 6 او بعدها بكم شهر ؟

الحين نزل سعرها .. لانها توفرت بشكل كبير ..
وعقب سنة او اقل بتحصلها ب 400 ..

هـ الحركة صارت ف الايفون 5 اس ..
مبدل الشاشة 6 مرات ..
ودفعت الـ 750 .. و 600 500 و 400 والحين ب 250 ..
وتكاسره و يركبلك ب 200 .. لان نزلت اصدارات جديدة وعنده كمية يبي يخلصها ..


بالنسبة .. للشاشة من النت شريتها مرة وللاسف ما ركبت ..
واضطريت اركب شاشة من عنده !

والله يا خوي طلبتىها وبشوف لما توصل ، سعرها حصلتها ب 200 ريال تقريباً ، وبعد ما دفعت حصلت سعرها اقل بعد ههههه قرادة الله يسلمك .

عموماً بجرب واشوف ولو ما ضبطت يكون درس نستفيد منه كلنا.

[ya3coub]

الرابط (http://www.ebay.com/itm/2-BOXS-BEAN-BOOZLED-Spinner-Game-3-5oz-Jelly-Belly-HIGH-DEMAND-/361091753751?hash=item5412bee717)

تفضلي هذا الرابط طلع لي بـ 18 دولار الشحن

شغلة ثانية جربت من الايباد طلع لي الشحن مجاني ولما سجلت دخول طلع الشحن 18 دولار !!

عادي أخوي لأن قبل ما تسجل دخول انت تعتبر ضيف و ما يعرف انك تبي تشحنه لقطر

فيحطلك الأسعار على اساس انك ببريطانيا او امريكا يعتمد على العنوان و الأغلب امريكا.

اذا انك بأمريكا الشحن مجاني لكثير من الأشياء هناك بعضها مشروطة و بعضها لا

بس لما تسجل دخول يطلع انه قطر لازم تدفع

نادر تحصل شحن دولي ببلاش إلا اذا شاري بكمية كبيرة جدا جدا.

[لبيبة]

الرابط (http://www.ebay.com/itm/2-BOXS-BEAN-BOOZLED-Spinner-Game-3-5oz-Jelly-Belly-HIGH-DEMAND-/361091753751?hash=item5412bee717)

تفضلي هذا الرابط طلع لي بـ 18 دولار الشحن

شغلة ثانية جربت من الايباد طلع لي الشحن مجاني ولما سجلت دخول طلع الشحن 18 دولار !!

عادي، الشحن بشكل افتراضي يكون على امريكا ومجاني، لما تسجل دخول يعطيك سعر الشحن لعنوانك في قطر، جربت الرابط بحسابي وبدون حسابي، كله ب 18 دولار لقطر.

اللي يدخل حسابه ويعطيه شحن مجاني تلاقيه حاط عنوان الشحن الاساسي عنوان امريكي فيحسبه له مجاني.

[السكين]

لبيبة،يعقوب

الف شكر لكم واتضحت الرؤية والله يجزاكم ووالدينكم خير.

[السكين]

بالنسبة .. للشاشة من النت شريتها مرة وللاسف ما ركبت ..
واضطريت اركب شاشة من عنده !

أبشرك شريتها من النت وركبتها وآخر حلاوة بأقل من نص كلفة المحلات .

[TechQA]

بخصوص شاشات الآيفون , أذا أنكسرت وتبدلت الشاشه ف تأكد أن أحتمالية أن ينكسر أكثر عن قبل
شركة أبل تستبدل الآيفون اللي شاشته مكسوره ب آيفون يديد بقيمة الشاشه بس
وحتى أهنيه ف الدوحه ف قسم الصيانه - فودافون

[السكين]

بخصوص شاشات الآيفون , أذا أنكسرت وتبدلت الشاشه ف تأكد أن أحتمالية أن ينكسر أكثر عن قبل
شركة أبل تستبدل الآيفون اللي شاشته مكسوره ب آيفون يديد بقيمة الشاشه بس
وحتى أهنيه ف الدوحه ف قسم الصيانه - فودافون

لو هالكلام صحيح فهو عرض ممتاز، يعني الحين لو رحت ابدله يوافقوا بعد ما يعرفوا اني غيرتها ؟ واذا ممكن لازم اكون شاريه من فودافون صح ؟ انا شاريه من اوريدو