في أمس الحاجة ..

[الحياة الخالدة]

السلام عليكم و رحمة الله و بركاته

مع تزايد عدد النساء اللاتي يقدن السيارات .. أعتقد أصبحت الحاجة ملحـــــة لإعطاء من ترغب منهن .. دورات تدريبية في كيفية التعامل مع السيارة
و كيفية مواجهة الحالات الطارئة البسيطة التي قد تواجهها من أعطال فنية تتعلق بالمكينة أو الإطارات أو غيرها
و كذلك في حالة الحوادث المفاجئة أو انفجار الإطارات
و كل ما يمكن أن يساعد في القيادة الآمنة التي تضمن سلامة القائدة ... و سلامة مرتادي الطريق

تنبيه مهــــــم :
الموضوع كما تم التوضيح .. و ليس عن رأيكم في قيادة المرأة للسيارة أو حكمها
فتلك أمور تم النقاش و الجدل فيها بإسهاب .. و كل منا يتحمل مسؤولية قراره

و عذراً لحذف أي مشاركات خارجة عن الهدف من الموضوع

تحياتي للجميع

[شبح الصمت]

وعليكم السلام ورحمة الله وبركاته ،،،

شيء طيب صراحة اعطاء مثل هالدورات للاستفادة


وليش بس لكم حتى الشباب محتاجين مثل هالامور ...


عنصرية يالحياه ..

:secret:

[R 7 A L]

ما يحتاج
تتصل على اي شركة عندها سطحات وتحمل السيارة وهم يودونها للصيانه

[الحياة الخالدة]

وعليكم السلام ورحمة الله وبركاته ،،،

شيء طيب صراحة اعطاء مثل هالدورات للاستفادة


وليش بس لكم حتى الشباب محتاجين مثل هالامور ...


عنصرية يالحياه ..

:secret:

ههههههه شكراً يا شبح
بغيت أقول .. بس قلت انتو أخبر بالسواقة و أعلم
خفت يزعلون الشباب و يعتبرونها إهانة لهم :nice:

والا بيني و بينك .. الكل محتاج .. حتى اللي ماخذين الليسن من سنين
محد يكره شي فيه فايدة للجميع

خلاص انت معانا في أول دورة تنطرح
بس أكيد الدورات منفصلة .. و من غير اختلاط

حياك الله يا شبح

[شبح الصمت]

لا انا ابي بس مكانيكا

اما ضرب جيك وهالامور وفي شغلات بعد الواحد يعرفها في الماكينه وخذ خبرات من كثر ما تعطل ..
بس ما يقدر يسويها بنفسه الا بعده وخبره ومتمكن


الحين الجيل الجديد يالحياه مواتر جديده ماشاء الله
ربي يبارك لهم ويحفظهم

قبل احنا على مواتر قديمه نياسين تمشين يرقص فيج نفضه وتلفينه يمين ويسار ..
يبنشر بالكثير 10 دقايق الا انتي خالصه ..

[الحياة الخالدة]

ما يحتاج
تتصل على اي شركة عندها سطحات وتحمل السيارة وهم يودونها للصيانه

حتى هالشي يبي له دورة تدريبية
بدال ما تنقع في الشمس لحد ما تستوعب اللي صار و تعرف تتصرف
و مب كل وحدة تسوق عندها حد بيتصرف و يتكفل بها
الهدف دورات تدريبية شاملة .. مب بس حق الأمور اللي تحتاج سطحة

حياك الله أخوي رحال

[شبح الصمت]

لا تحاتين يالحياه على الوحده اهنيه

بس من يخترب موترها تحصلين الف موتر واقف لها ..

خلي واحد من الشباب يتعطل موتره يمرون عليه ما تشوفين الا رقبه طالعه تشوفه ويكملوون


لا لا ما عليك بيدبر نفسه

هاهاهاهاهاي


البعض ترى والا الباقيين فيهم خير وبركه حق ربعنا

[الحياة الخالدة]

لا انا ابي بس مكانيكا

اما ضرب جيك وهالامور وفي شغلات بعد الواحد يعرفها في الماكينه وخذ خبرات من كثر ما تعطل ..
بس ما يقدر يسويها بنفسه الا بعده وخبره ومتمكن


الحين الجيل الجديد يالحياه مواتر جديده ماشاء الله
ربي يبارك لهم ويحفظهم

قبل احنا على مواتر قديمه نياسين تمشين يرقص فيج نفضه وتلفينه يمين ويسار ..
يبنشر بالكثير 10 دقايق الا انتي خالصه ..



شقول لك أخوي شبح
يعني لازم تطلع فضايحنا
بعضنا حتى هالمصطلحات ما تعرفها جيك و أشياء أخرى ( أسماء أجزاء السيارة مثلاً كأبسط مثال ) :secret:
يعني لو الدورة تتضمن المصطلحات بعد نكون ممتنين

[R 7 A L]

حتى هالشي يبي له دورة تدريبية
بدال ما تنقع في الشمس لحد ما تستوعب اللي صار و تعرف تتصرف
و مب كل وحدة تسوق عندها حد بيتصرف و يتكفل بها
الهدف دورات تدريبية شاملة .. مب بس حق الأمور اللي تحتاج سطحة

حياك الله أخوي رحال

ممكن تذكرين انواع العطالات الي تحتاج تدريب ؟

بعدين اذا حاولت تصلح شي ماراح تتبهذل ؟

[الحياة الخالدة]

لا تحاتين يالحياه على الوحده اهنيه

بس من يخترب موترها تحصلين الف موتر واقف لها ..

خلي واحد من الشباب يتعطل موتره يمرون عليه ما تشوفين الا رقبه طالعه تشوفه ويكملوون


لا لا ما عليك بيدبر نفسه

هاهاهاهاهاي


البعض ترى والا الباقيين فيهم خير وبركه حق ربعنا



يا ابن الحلال .. احنا من غير محد يوقف و مب خالصين
لا يا أخي .. مافي أحسن من الاعتماد على النفس .. أو تنتظر حد من أهلها ينقذها

الكل خير و بركة

[بعيد النظر]

انا اجوف ..
الاهم التدريب الزين في الشارع !
وتعرف اذا شب ليت ف الطبلون .. شـ معناته ؟
وتعرف اذا الموتر بنجر شلون يمشي ..
لان مرت علي حالة اجوف وحدة ماشية بتاير بمنجر فوق ال 10 كيلو ..
أأشرلها التاير .. وهي تحسب اني اغازلها !!!

اما سوالف انها تبطل البانة وغيره .. ما اتوقع من مهامها ولا اهتماماتها !




يعطيج العافية

[النهار]

أعتقد أصبحت الحاجة ملحـــــة لإعطاء من ترغب منهن .. دورات تدريبية في كيفية التعامل مع السيارة

الحين الشباب في الاول خليهم يعرفون اشلون يفكون بلوط التاير لوبنشر التاير وهاي من ابسط امور الاعطال
تحصلين صف على جنب واتصل في حد من ربعه يجيب له بنشرشي علشان يبدل له التاير
عاد شوفي ام الاستغلال من اصحاب الورش مايجي الا على 100 ريال حامل محمول

[JN000N]

مع وبقوة
ان شاء الله ينتبهون لهالنقطه ويسوون دورات للبنات اللي يسوقون
يعطيج العافيه خوش موضوع تطرقتي له
يبيله نطرش نسخه منه للجهة المعنية شرايج


شبح الصمت
مافي دورات لكم يلا برا هههه حتى ف هذي بتنشبون تبون مثلنا :p

[الحياة الخالدة]

ممكن تذكرين انواع العطالات الي تحتاج تدريب ؟

بعدين اذا حاولت تصلح شي ماراح تتبهذل ؟

يعني شقول لك يا رحال
أنا مرة اتصلت بالوكالة عشان يطرشون لي حد وانا في بيتنا : السيارة ما تشتغل من الصبح ( وقت طلعتي للدوام ) .. و ناديت أبوي فديته ما يعرف حق السيارات الحديثة ( بس وقف متضامن معاي )
و قعدت أنتظر لين وصلت السطحة و نزل السايق ياني يسألني وش فيها .. قلت له فريت المفتاح و ما اشتغلت .. قام فر المفتاح في الاتجاه الثاني و رد شغلها اشتغلت :shy::secret:

طبعاً مب المفتاح نفسه .. أقصد هذا اللي جنب السكَّان مادري شيسمونه
و مرة السيارة صارت بطيئة و شوي شوي تمشي لين بالغصب وصلت البيت عقب ما انقص ويهي و العالم يطقون لي هرنات .. ولا عرفت ايش فيها
غير لما يبنشر التاير شوي أو يقل الضغط فيه ما نعرف شنسوي نسوق السيارة لين نوصل والا نوقف

مثل هالأمور يعني

[شبح الصمت]

الله يذكره بالخير البريدي الي وقف لي على خط الهفوف ..

قطعه وفالليل وانا مع آهلي والا احد يوقف لنا وموتري مبنشر ..

الا ذاك الطيب وقف


شفنا مافي فايده وامشي على الرنق لين محطة ساسكووو


وحلف علي عقب ما عدلت التاير انه يمشي وراي لين البيت


الله يجزاه خير ويرحم والديه وين ما كان


من 7 سنين هالسالفه والرجال في بالي وانقطعت اخباري فيه ..

[النهار]

لا تحاتين يالحياه على الوحده اهنيه

بس من يخترب موترها تحصلين الف موتر واقف لها ..

خلي واحد من الشباب يتعطل موتره يمرون عليه ما تشوفين الا رقبه طالعه تشوفه ويكملوون


لا لا ما عليك بيدبر نفسه

هاهاهاهاهاي


البعض ترى والا الباقيين فيهم خير وبركه حق ربعنا



ياريال حتى الدوريه تمر عليك تقول حرك حرك وشوف لك مكان صف سيارتك
عاد الشباب ياربي لوبنشر موتره يخليه بس يشوف بنت محتاجه مساعده يصير لها هالك هوجن مستعد يصير جيك للموتر

[الحياة الخالدة]

إي و بخصوص سؤالك يا رحال انها تتبهدل
لو كانت في مكان بعيد نسبياً محد يشوفها بتسوي دام مضطرة
و يمكن تحسب حسابها تحط ملابس خاصة بس لوقت تبديل التاير
عاد هذا بالضبط الهدف من الدورات .. تحل المشاكل اللي تصادفها بأقل بهدلة ممكنة :(

[شبح الصمت]

شوفي يالحياه السيارة اذا تقطع اول شيء شوفي البترول لين وين

اذا مافي فايده

نزلي وبطلي بانة السيارة الامامية على حسب موترك مكينته وين او البطارية وين مكانها

شوفي في نفس الدائرة واغلب البطاريات اي سي ديلكو اذا شفتي داخل الدائرة علامة خضره يعني اوكي اما اذا بيضه خلاص منتهيه


وذا كانت العلامة خضره في البطارية عرفه انه ديمنة المكينه فيها شيء ويمكن الفحمات محترقه او خلاص يبي لها تبديل ..


واذا شفتي المكيف قام يحتر وما يبرد شوفي علامة قدامك فالشاشه


تبدا من تحت c وفوق الـ h

الحين المواتر كلها في الوسط العلامة تكون اذا تعدت فوق الوسط اعرفي انه الموتر فيه شيء ..

[شبح الصمت]

مع وبقوة
ان شاء الله ينتبهون لهالنقطه ويسوون دورات للبنات اللي يسوقون
يعطيج العافيه خوش موضوع تطرقتي له
يبيله نطرش نسخه منه للجهة المعنية شرايج


شبح الصمت
مافي دورات لكم يلا برا هههه حتى ف هذي بتنشبون تبون مثلنا :p




:eek5:

[الحياة الخالدة]

انا اجوف ..
الاهم التدريب الزين في الشارع !
وتعرف اذا شب ليت ف الطبلون .. شـ معناته ؟
وتعرف اذا الموتر بنجر شلون يمشي ..
لان مرت علي حالة اجوف وحدة ماشية بتاير بمنجر فوق ال 10 كيلو ..
أأشرلها التاير .. وهي تحسب اني اغازلها !!!

اما سوالف انها تبطل البانة وغيره .. ما اتوقع من مهامها ولا اهتماماتها !



يعطيج العافية

صح كلامك أخوي بعيد النظر .. مافي مثل التدريب العملي
أنا ما عرفت المقصود بالطبلون الا من فترة قصيرة :secret:
المهم .. تشب أشياء و ما ندري شسالفتها
و كلامك بعد بخصوص فتح البانة ( زين علمتني المقصود فيها ) .. أصلاً أخاف أفتحها .. مادري عندي تصور ( يمكن من الأفلام ) أن لو أفتحها بتفقع المكينة في ويهي :rolleyes2: .. فطبعاً مستحيل أسويها
الوالد الله يحفظه لما يسألني عن الماي أو الآيل .. يصير ويهي جذي :rolleyes2:

أخوي ذاك اليوم يقول لي عادي تخلين المكيف شغال لما تطفين سيارتج .. قلت له أخبر يقولون ما يصير
قال لا الحين السيارات اليديدة عادي
و المكيف كنت أفتحه من أول ما اشغل السيارة .. لكن بعض السيارات يقولون لا .. لازم تمشي السيارة مسافة قبل لا تشغلينه
مادري يعتمد شنو نوع السيارة أكيد

يعني أشياء جذي .. يمكن تكون بديهية بالنسبة للبعض .. لكنها للبعض الآخر ما يدري عنها

الله يعافيك أخوي

[الحياة الخالدة]

أعتقد أصبحت الحاجة ملحـــــة لإعطاء من ترغب منهن .. دورات تدريبية في كيفية التعامل مع السيارة

الحين الشباب في الاول خليهم يعرفون اشلون يفكون بلوط التاير لوبنشر التاير وهاي من ابسط امور الاعطال
تحصلين صف على جنب واتصل في حد من ربعه يجيب له بنشرشي علشان يبدل له التاير
عاد شوفي ام الاستغلال من اصحاب الورش مايجي الا على 100 ريال حامل محمول

والله ياخوي يالنهار أنا مادري عن الشباب .. يتراوى لي يعرفون كل شي
يمكن يعرفون بس يتكيسلون .. أو ما يبون يخربون الكشخة .. البرستيج ما يسمح :nice:

[الحياة الخالدة]

مع وبقوة
ان شاء الله ينتبهون لهالنقطه ويسوون دورات للبنات اللي يسوقون
يعطيج العافيه خوش موضوع تطرقتي له
يبيله نطرش نسخه منه للجهة المعنية شرايج


شبح الصمت
مافي دورات لكم يلا برا هههه حتى ف هذي بتنشبون تبون مثلنا :p

الله يعافيج حبيبتي
يلا ضبطينا و طرشي نسخة .. أدري بج واصلة :secret:

يمكن انتي ما تسوقين .. بس حتى السواق يبي له دورات تدريبية ههههههههههه
لا تحاتين .. بنسوي لهم دورات منفصلة

[الحياة الخالدة]

الله يذكره بالخير البريدي الي وقف لي على خط الهفوف ..

قطعه وفالليل وانا مع آهلي والا احد يوقف لنا وموتري مبنشر ..

الا ذاك الطيب وقف


شفنا مافي فايده وامشي على الرنق لين محطة ساسكووو


وحلف علي عقب ما عدلت التاير انه يمشي وراي لين البيت


الله يجزاه خير ويرحم والديه وين ما كان


من 7 سنين هالسالفه والرجال في بالي وانقطعت اخباري فيه ..




الله يجزاه خير .. و يفرج همه وين ما كان

[الحياة الخالدة]

ياريال حتى الدوريه تمر عليك تقول حرك حرك وشوف لك مكان صف سيارتك
عاد الشباب ياربي لوبنشر موتره يخليه بس يشوف بنت محتاجه مساعده يصير لها هالك هوجن مستعد يصير جيك للموتر

هذا اللي قاطع قلبك .. لا تحاتي .. خل تخترب سيارتك .. و البنات بيوقفون لك :tease:

[بومحمد المطاوعه]

ماتخيل
بنت تضرب جيك للموتر


اهو شي طيب تاخذ دورات ولكن ماعتقد في حد بتطبق

يعني مثلآ لو بنجر موترها
هل بتنزل وتضرب جيك للموتر ؟

اشوف حالات فالشارع
تحصلها واقفه وحد من اهلها يبدل لها التاير

او احدى الشركات الحين موفرين سياره
تبدل لك التواير وين ماكنت

[الحياة الخالدة]

شوفي يالحياه السيارة اذا تقطع اول شيء شوفي البترول لين وين

اذا مافي فايده

نزلي وبطلي بانة السيارة الامامية على حسب موترك مكينته وين او البطارية وين مكانها

شوفي في نفس الدائرة واغلب البطاريات اي سي ديلكو اذا شفتي داخل الدائرة علامة خضره يعني اوكي اما اذا بيضه خلاص منتهيه


وذا كانت العلامة خضره في البطارية عرفه انه ديمنة المكينه فيها شيء ويمكن الفحمات محترقه او خلاص يبي لها تبديل ..


واذا شفتي المكيف قام يحتر وما يبرد شوفي علامة قدامك فالشاشه


تبدا من تحت c وفوق الـ h

الحين المواتر كلها في الوسط العلامة تكون اذا تعدت فوق الوسط اعرفي انه الموتر فيه شيء ..




جزاك الله خير على المعلومات المفيدة أخوي شبح

طيب سؤال :
صج سيارات الحين ما تحتاج تسخين في الشتا .. يعني عادي نشغلها و نمشي ؟؟

[الحياة الخالدة]

ماتخيل
بنت تضرب جيك للموتر


اهو شي طيب تاخذ دورات ولكن ماعتقد في حد بتطبق

يعني مثلآ لو بنجر موترها
هل بتنزل وتضرب جيك للموتر ؟

اشوف حالات فالشارع
تحصلها واقفه وحد من اهلها يبدل لها التاير

او احدى الشركات الحين موفرين سياره
تبدل لك التواير وين ماكنت

كلامك صح أخوي بومحمد
بس ما يضرها لو تعلمت .. لوقت الحاجة .. سبحان الله الواحد ما يدري شنهي الظروف اللي ممكن تصيده
و بالفعل صار في شركات لهالأمور .. حتى من نشتري السيارة يحطون لنا أرقامهم مع الملكية و كتالوج السيارة


جزاك الله خير

[بعيد النظر]

صح كلامك أخوي بعيد النظر .. مافي مثل التدريب العملي
أنا ما عرفت المقصود بالطبلون الا من فترة قصيرة :secret:
المهم .. تشب أشياء و ما ندري شسالفتها
و كلامك بعد بخصوص فتح البانة ( زين علمتني المقصود فيها ) .. أصلاً أخاف أفتحها .. مادري عندي تصور ( يمكن من الأفلام ) أن لو أفتحها بتفقع المكينة في ويهي :rolleyes2: .. فطبعاً مستحيل أسويها
الوالد الله يحفظه لما يسألني عن الماي أو الآيل .. يصير ويهي جذي :rolleyes2:

أخوي ذاك اليوم يقول لي عادي تخلين المكيف شغال لما تطفين سيارتج .. قلت له أخبر يقولون ما يصير
قال لا الحين السيارات اليديدة عادي
و المكيف كنت أفتحه من أول ما اشغل السيارة .. لكن بعض السيارات يقولون لا .. لازم تمشي السيارة مسافة قبل لا تشغلينه
مادري يعتمد شنو نوع السيارة أكيد

يعني أشياء جذي .. يمكن تكون بديهية بالنسبة للبعض .. لكنها للبعض الآخر ما يدري عنها

الله يعافيك أخوي

انا يمكن اكثر واحد متعقد من فتح البانة ..
انبط الرديتر والله ستر علي احترقت ريلي وسلم ويهي ..
والحمدلله يات على جي !


بالنسبة للمكيف ..
عن نفسي ما ابنده خير شر ..


اما الايل .. على حسب الموتر ..
يا 10.. يا 5 .. واخليهم يجيكون الماي وباقي الامور ..

[JN000N]

الله يعافيج حبيبتي
يلا ضبطينا و طرشي نسخة .. أدري بج واصلة :secret:

يمكن انتي ما تسوقين .. بس حتى السواق يبي له دورات تدريبية ههههههههههه
لا تحاتين .. بنسوي لهم دورات منفصلة

اي والله الدريوليه بالهندي يبيلهم بعد
دريولي سافر والثاني يعور فيني بالسياره اوصل الدوام اتهوع جني حامل:rolleyes2::eek3:
انا تعلمت من دريولنا ان لين بنجر التاير ما يطق بريك خخخخخخ
ولا يهمج بيوصل ان شاء الله :shy:

[الحياة الخالدة]

انا يمكن اكثر واحد متعقد من فتح البانة ..
انبط الرديتر والله ستر علي احترقت ريلي وسلم ويهي ..
والحمدلله يات على جي !


بالنسبة للمكيف ..
عن نفسي ما ابنده خير شر ..


اما الايل .. على حسب الموتر ..
يا 10.. يا 5 .. واخليهم يجيكون الماي وباقي الامور ..

الحمد لله على سلامتك أخوي .. و هذا دافع قوي لي .. مافي أمل افتح البانة بعد :rolleyes2:
شنو يعني 10 .. 5 ؟؟ شلون نعرف :telephone:

[بومحمد المطاوعه]

كلامك صح أخوي بومحمد
بس ما يضرها لو تعلمت .. لوقت الحاجة .. سبحان الله الواحد ما يدري شنهي الظروف اللي ممكن تصيده
و بالفعل صار في شركات لهالأمور .. حتى من نشتري السيارة يحطون لنا أرقامهم مع الملكية و كتالوج السيارة


جزاك الله خير

صحيح
وبالعكس والله بادره طيبه لو تتعلم البنت في هذي الأمور
وطبعآ مب خطأ على الأقل الوحده تعرف شتسوي لأمس الحاجه مثلآ
وتكون عارفه للشي يحتاج تبديل او تصليح
لتفادى بعض النصابين في المحلات

تصدقين من كثر ماشتغل على مواتري فالبيت

علمت ام العيال حتى على اغراض اي داخل المكينه
واقولها هذي شنو وهذي اسمه جذي
وبعض الأحيان اخليها تشتغل معاي

بس للحين ماعلمتها تضرب جيك
هههههه

شكلي بشوف وقت مناسب بعلمها

فكره طيبه
جزاكي الله خير

[الحياة الخالدة]

اي والله الدريوليه بالهندي يبيلهم بعد
دريولي سافر والثاني يعور فيني بالسياره اوصل الدوام اتهوع جني حامل:rolleyes2::eek3:
انا تعلمت من دريولنا ان لين بنجر التاير ما يطق بريك خخخخخخ
ولا يهمج بيوصل ان شاء الله :shy:

بالمبارك حبيبتي .. الله يجعله من الذرية الصالحة :tease:

إيوة .. هذا دايماً نسمعه : لين بنجر التاير لا تمسكون بريك .. عشان جذي يصيدنا تبلد حسي من الخرعة أول ما نعرف انه مبنشر .. ما نعرف شنسوي .. نمشي والا نوقف

بانتظار وصول الرسالة :victory:

[JN000N]

بالمبارك حبيبتي .. الله يجعله من الذرية الصالحة :tease:

إيوة .. هذا دايماً نسمعه : لين بنجر التاير لا تمسكون بريك .. عشان جذي يصيدنا تبلد حسي من الخرعة أول ما نعرف انه مبنشر .. ما نعرف شنسوي .. نمشي والا نوقف

بانتظار وصول الرسالة :victory:

:looking::looking:

انت بديت وانت اتحمل
والا نسيت ان الزمن مثلك تحول

[الحياة الخالدة]

صحيح
وبالعكس والله بادره طيبه لو تتعلم البنت في هذي الأمور
وطبعآ مب خطأ على الأقل الوحده تعرف شتسوي لأمس الحاجه مثلآ
وتكون عارفه للشي يحتاج تبديل او تصليح
لتفادى بعض النصابين في المحلات

تصدقين من كثر ماشتغل على مواتري فالبيت

علمت ام العيال حتى على اغراض اي داخل المكينه
واقولها هذي شنو وهذي اسمه جذي
وبعض الأحيان اخليها تشتغل معاي

بس للحين ماعلمتها تضرب جيك
هههههه

شكلي بشوف وقت مناسب بعلمها

فكره طيبه
جزاكي الله خير

وياك أخوي
صج زين تسوي .. حتى لو ما كانت مرتك تسوق .. بس عالأقل تعرف للحالات الطارئة بعيد الشر
و طبعاً ما يحتاي تقول .. أكيد علمت عيالك الله يحفظهم و يخليهم لك

[بعيد النظر]

الحمد لله على سلامتك أخوي .. و هذا دافع قوي لي .. مافي أمل افتح البانة بعد :rolleyes2:
شنو يعني 10 .. 5 ؟؟ شلون نعرف :telephone:

عداد الموتر ..
اللي يحسب كم كيلو مشيتي .. من شريتي الموتر ..
يوم تبدلين ايل .. تذكري عقب 5 الاف كيلو ان يبيلج تبدلين ايل بعد !
طبعا" على حسب الموتر في مواتر 5 الاف وفي مواتر 10 ..

[الحياة الخالدة]

عداد الموتر ..
اللي يحسب كم كيلو مشيتي .. من شريتي الموتر ..
يوم تبدلين ايل .. تذكري عقب 5 الاف كيلو ان يبيلج تبدلين ايل بعد !
طبعا" على حسب الموتر في مواتر 5 الاف وفي مواتر 10 ..

آهاااااا .. قول جذي من الأول :shy:
يعني احنا مالنا شغل في الآيل .. مع التشييك هم يسوون كل شي

جزاك الله خير

[ضوى]

هلا هلا بالمواضيع الفلة والمبتكرة


نعم أييد وبقوة انه يكون في دورات للسائقات اقلها يعرفون اساسيات في السيارة ، انا ليومج ماعرف اشلون يبطلون البانة لاتضحكين ، حدي البترول وبس ، واتذكر مرة مشيت والتاير مشقوق من قلب القلب لين واحد ولد حلال عالاشارة قالي خطر تسوقين التاير منتهي بالمرة وبيروح لج الدرام ويل ، طبعا مافهمت طلعت من الاشارة اتصلت بابونا جا مع السايق نزلني الشغل وتعابل هو بالسيارة

[الحياة الخالدة]

هلا هلا بالمواضيع الفلة والمبتكرة


نعم أييد وبقوة انه يكون في دورات للسائقات اقلها يعرفون اساسيات في السيارة ، انا ليومج ماعرف اشلون يبطلون البانة لاتضحكين ، حدي البترول وبس ، واتذكر مرة مشيت والتاير مشقوق من قلب القلب لين واحد ولد حلال عالاشارة قالي خطر تسوقين التاير منتهي بالمرة وبيروح لج الدرام ويل ، طبعا مافهمت طلعت من الاشارة اتصلت بابونا جا مع السايق نزلني الشغل وتعابل هو بالسيارة

هلا هلا بالغالية

وصلتي خير .. التواير و ما أدراك ما التواير
انا مادري ان التواير عقب فترة تحتاج تبديل كامل
سيارتي كملت ثلاث سنين و انا عادي مكملة معاها لحد ما أخوي قال لي توايرج رايحة فيها متى بتبدليها ؟؟
قلت له لازم يعني ؟؟ قعد يضحك علي يقول طبعاً لازم تتبدل
قمت بعت السيارة بكبرها هههههههههههههه
لأن التواير بتكون بالشيء الفلاني و انا بروحي متسببة بغير السيارة

[شبح الصمت]

هلا هلا بالمواضيع الفلة والمبتكرة


نعم أييد وبقوة انه يكون في دورات للسائقات اقلها يعرفون اساسيات في السيارة ، انا ليومج ماعرف اشلون يبطلون البانة لاتضحكين ، حدي البترول وبس ، واتذكر مرة مشيت والتاير مشقوق من قلب القلب لين واحد ولد حلال عالاشارة قالي خطر تسوقين التاير منتهي بالمرة وبيروح لج الدرام ويل ، طبعا مافهمت طلعت من الاشارة اتصلت بابونا جا مع السايق نزلني الشغل وتعابل هو بالسيارة



اتوقع كان يقصد انه الي بيروح عليج الرنق مش الدرامويل ..

لانه الدرامويل يكون داخل الرنق وهو الي ماسك الرنق ومحطوط فيه السفايف الي تمسكوون فيها بريك ..


واذا سمعتوو يالحريم صوت صو صو صو يوم تمسكون ابريك

اعرفو انه سفايف سيارتكم رايحه فيها ويرجى التوجه لاقرب مكان لتبديلها ..


وشكرا

[ضوى]

بيني وبينك يا شبح فكرة الحياة تجنن ، بس للامانة انا ماقدر مابي اتعلم شي خلاص وقف مخي عن التعلم والتدريب ، ولا ابي اعور راسي بشي

[النهار]

بالمبارك حبيبتي .. الله يجعله من الذرية الصالحة :tease:

إيوة .. هذا دايماً نسمعه : لين بنجر التاير لا تمسكون بريك .. عشان جذي يصيدنا تبلد حسي من الخرعة أول ما نعرف انه مبنشر .. ما نعرف شنسوي .. نمشي والا نوقف

بانتظار وصول الرسالة :victory:

اشلون ماتمسكين بريك لازم تمسكين بس في طريقه لمسك البريك في حالة البنشر او المطر او في رمل في الشارع او ايل مسكوب
مسك البريك فجائه يمكن يقلب الموتر او تطلعين من حاره للحاره الثانيه او يمكن الشارع المعاكس
مسك البريك يكون بتسلسل يادوب لمس خفيف وهد ولمس وهد لين ما الموتر يهداء للاخر ومسك السكان بيدين والتحكم فيه

[الحياة الخالدة]

شبح .. جزاك الله خير يا مستشارنا الفني .. في ميزان حسناتك

ضوى :: العرج اللي فيج لازم تدورين له حل :secret:

[JN000N]

بيني وبينك يا شبح فكرة الحياة تجنن ، بس للامانة انا ماقدر مابي اتعلم شي خلاص وقف مخي عن التعلم والتدريب ، ولا ابي اعور راسي بشي

البامبو في كياني :)

[شبح الصمت]

وترى ضوى من بعد الاماكن كل شيء قريب منج

الواحد يتكلم في مناطق قطعه خطوط طوويله ما فيها لا بشر ولا حتى قطوو يمر ..

يعني لو بنتكلم مثل السعودية شوارعها طويله ..

احنا شباب ونتوهق حتى البركدون ما يعطينا ويه ..

التأمين اوقات يسحبون على وجيهنا ..

اهنيه الواحد مرتاح والحمد لله ..
تلفون يجيك ريلها
اخوها
ولد عمها ولد خالتها

شباب الدوحة
البركدونات

ناس وايد فيهم خير ما راح تتعطل ..

الواحد يتكلم عن طرقات كبيرة ..

انا صراحة وتبين الصج ..

البنت في انوثتها حلاته مب نازله تحت الموتر والا تضرب جيك

جذيه خلاص راحت الانوثه ..


خلوووكم على قولة احلام

الملكة

هاهاي

[الحياة الخالدة]

اشلون ماتمسكين بريك لازم تمسكين بس في طريقه لمسك البريك في حالة البنشر او المطر او في رمل في الشارع او ايل مسكوب
مسك البريك فجائه يمكن يقلب الموتر او تطلعين من حاره للحاره الثانيه او يمكن الشارع المعاكس
مسك البريك يكون بتسلسل يادوب لمس خفيف وهد ولمس وهد لين ما الموتر يهداء للاخر ومسك السكان بيدين والتحكم فيه

آهاااااااا .. عليك نووووور
شفت شلون .. وينك يا رحال
هاذي هي الأمور اللي انتو تشوفونها بديهية .. البعض منا ما يعرفها
و هذا هدفي من الموضوع

جزاك الله خير يالنهار

[العلياا]

وعليكم السام ورحمة الله


شخصياً وبكل امانة ما عندي استعداد اتعلم زين مني اسوق :rolleyes2:
واذا وقفت السيارة لاي سبب اتصل في حدى اخواني يجي يشوف وين المشكلة وانا ارجع البيت

والتشيك الدوري طويل العمر ما يقصر

يعطيج العافيه

[ضوى]

من صجك شبح ؟ زين من مني اسوق من البيت للدوام ومن الدوام للبيت واذا احتديت الجمعية والا صيدلية وكلهم جنب البيت يعني ابدا مافي جدوى من التعلم بالنسبة لي عالاقل

[ضوى]

البامبو في كياني :)


من زمااان ومب بس انا والدليل جدامج

[الحياة الخالدة]

وترى ضوى من بعد الاماكن كل شيء قريب منج

الواحد يتكلم في مناطق قطعه خطوط طوويله ما فيها لا بشر ولا حتى قطوو يمر ..

يعني لو بنتكلم مثل السعودية شوارعها طويله ..

احنا شباب ونتوهق حتى البركدون ما يعطينا ويه ..

التأمين اوقات يسحبون على وجيهنا ..

اهنيه الواحد مرتاح والحمد لله ..
تلفون يجيك ريلها
اخوها
ولد عمها ولد خالتها

شباب الدوحة
البركدونات

ناس وايد فيهم خير ما راح تتعطل ..

الواحد يتكلم عن طرقات كبيرة ..

انا صراحة وتبين الصج ..

البنت في انوثتها حلاته مب نازله تحت الموتر والا تضرب جيك

جذيه خلاص راحت الانوثه ..


خلوووكم على قولة احلام

الملكة

هاهاي

ما عاد فيها ملكة و أميرة يا شبح :(
و انتو ما مسكتوا إلا على الجيك ههههههههههه
بس نتعلم الفكرة و عقب يصير خير
من صجك يعني بنقعد نبدل التاير قدام العالم .. أنا قلت نتعلم احتياااااااااط :nice:

[الحياة الخالدة]

وعليكم السلام ورحمة الله


شخصياً وبكل امانة ما عندي استعداد اتعلم زين مني اسوق :rolleyes2:
واذا وقفت السيارة لاي سبب اتصل في حدى اخواني يجي يشوف وين المشكلة وانا ارجع البيت

والتشيك الدوري طويل العمر ما يقصر

يعطيج العافيه

هلا هلا .. وين القمر من زمان ما بان

حبيبتي الله يخلي لج إخوانج ولا تحتاجين ولا تتبهدلين
و إخواننا بعد كلهم خير و بركة و ما يقصرون
لكن أحياناً يكون عندهم شغل أو في دواماتهم صعب يطلعون
و في البعض ما عنده حد .. الناس ظروفهم تختلف وانا اختج

الله يعافيج يالعليا .. خل نشوفج عاد :nice:

[JN000N]

من زمااان ومب بس انا والدليل جدامج

:happy::happy::happy:
ابتلشنا فيكم يالافارقه

[الحياة الخالدة]

البامبو في كياني :)


من صجك شبح ؟ زين من مني اسوق من البيت للدوام ومن الدوام للبيت واذا احتديت الجمعية والا صيدلية وكلهم جنب البيت يعني ابدا مافي جدوى من التعلم بالنسبة لي عالاقل





من زمااان ومب بس انا والدليل جدامج

لو سمحتوا .. خلكم في صلب الموضوع .. و إلا :anger1:

[qatarman8008]

اعتقد نظام المرور الجديد يلزم مدارس تعليم السواقة باعطاء مثل هذه الدروس للمتدربات..
وعلى اساسها يدخل التقييم في الامتحان النظري..
كان من فترة عندي سواقة وديتها المدرسة تاخذ ليسن وفعلا شفت بنفسي هالشي يطبقونه بشكل سليم..
الحين اللي خذوا الليسن من قبل وماتعلموا هالشغلات شنسوي معاهم.. هنيه محور الحديث..
انا اشوف انه يرجعون الى مدرسة تعليم السواقة ويطلبون هالكورس..
لنه يتم شرحه من قبل مختصين بطريقة شيقة ومفيدة وباكثر من لغة وفيه ايضا كتيبات يتم توزيعها على المتدربين..
الطريقة الثانية هي ان نقوم بالاستعانة باحد الاقارب.. اخ او زوج او اي حد لتقديم مثل هذه المساعدة..
لكن تبقى مدرسة تعليم السواقة هي الافضل..

[العلياا]

هلا هلا .. وين القمر من زمان ما بان

حبيبتي الله يخلي لج إخوانج ولا تحتاجين ولا تتبهدلين
و إخواننا بعد كلهم خير و بركة و ما يقصرون
لكن أحياناً يكون عندهم شغل أو في دواماتهم صعب يطلعون
و في البعض ما عنده حد .. الناس ظروفهم تختلف وانا اختج

الله يعافيج يالعليا .. خل نشوفج عاد :nice:

صدقيني صارت فيني انتظرته مايقارب 35 دقيقة
صحيح في ناس وقفت لي تبي تساعد وانا أأشر لهم شكرا شكرا خايفه انزل الدريشة :rolleyes2:

كلج ذوق يالغالية وان شاءالله دوم بنكون متواجدين معاكم :o

[الحياة الخالدة]

اعتقد نظام المرور الجديد يلزم مدارس تعليم السواقة باعطاء مثل هذه الدروس للمتدربات..
وعلى اساسها يدخل التقييم في الامتحان النظري..
كان من فترة عندي سواقة وديتها المدرسة تاخذ ليسن وفعلا شفت بنفسي هالشي يطبقونه بشكل سليم..
الحين اللي خذوا الليسن من قبل وماتعلموا هالشغلات شنسوي معاهم.. هنيه محور الحديث..
انا اشوف انه يرجعون الى مدرسة تعليم السواقة ويطلبون هالكورس..
لنه يتم شرحه من قبل مختصين بطريقة شيقة ومفيدة وباكثر من لغة وفيه ايضا كتيبات يتم توزيعها على المتدربين..
الطريقة الثانية هي ان نقوم بالاستعانة باحد الاقارب.. اخ او زوج او اي حد لتقديم مثل هذه المساعدة..
لكن تبقى مدرسة تعليم السواقة هي الافضل..

كلامك سليم يالغرفاوي
احنا عاد من اللي خذوا الليسن و ما تعلموا :secret:
يعني انت شايف الحل نرد مدارس تعليم السواقة و نطلب الكورس
ممكن .. حل طيب

جزاك الله خير

[بومحمد المطاوعه]

وياك أخوي
صج زين تسوي .. حتى لو ما كانت مرتك تسوق .. بس عالأقل تعرف للحالات الطارئة بعيد الشر
و طبعاً ما يحتاي تقول .. أكيد علمت عيالك الله يحفظهم و يخليهم لك

اللهم امين وياج ،،

صحيح علمتهم بعد واخليهم يشتغلون معاي

[qatarman8008]

كلامك سليم يالغرفاوي
احنا عاد من اللي خذوا الليسن و ما تعلموا :secret:
يعني انت شايف الحل نرد مدارس تعليم السواقة و نطلب الكورس
ممكن .. حل طيب

جزاك الله خير

وجزاك الله خير ايضا ..

[النهار]

:happy::happy::happy:
ابتلشنا فيكم يالافارقه

لاتخربين الموضوع صج معروف عنكم دائما تخربون المواضيع
ترى صج الموضوع مهم للجميع
السؤال موجه للشباب
كيف تتصرف لو سلب عيك الموتر بسبب الرمل او الايل او حتى ساعات الماي
واخطرهم تسليبت الايل
تمسك بريك
هاند بريك
تشيل ريلك من على دعست البترول ولا تدعس
تمسك السكان ولا تهده تخلي الموتر يأخذ وضعيته بعد التسليب
يالله شباب روني مهارتكم في مثل هذه الحاله الطارئه الي تأخذ ثواني

[حليتان*]

ما اتخيل وحده نازله وتضرب جيك ههههههههه

مره وحده مادري شداعمه وكفر الونش تم متدلدل من الصدام وانا طالع من الجامعه الا اشوفها فنص الشارع تتعابل معاه نزلت لها قلت لها شفيج تقول هاي يحك فالارض ويطلع صوت بطلته لها وحركت

[النهار]

ما اتخيل وحده نازله وتضرب جيك ههههههههه

مره وحده مادري شداعمه وكفر الونش تم متدلدل من الصدام وانا طالع من الجامعه الا اشوفها فنص الشارع تتعابل معاه نزلت لها قلت لها شفيج تقول هاي يحك فالارض ويطلع صوت بطلته لها وحركت

ياحنين لو مسكين فقير واحد مثلي كان صديت عنه وحركت
اماف من يومين شفت نفس موترك في مدينة خليفه
انزين جاوب على سؤالي الي فوق ردك

[Dana’1]

فكره حلوه المفروض فعلا نعرف عن السياره أكثر
ابشرك انا اعرف كيف افتح البانه ومكان تعبية ماء تنظيف الزجاج اذا نقص اخلي الشغاله تجيب جيك ماء وتصبه ماشاءالله علي ^_^

[المحاميه]

انا ماسوق

يعني بتفيدني الدوره؟

وهل قصدج الدوام يطرحها لنا ولا شلون؟


لان الدوام ماراح يطلعنا وقت الدوام ويعذرنا عشان نروح نحضر دورات وطبعا مب مستعده احضر بعد الدوام :)

[المحاميه]

فكره حلوه المفروض فعلا نعرف عن السياره أكثر
ابشرك انا اعرف كيف افتح البانه ومكان تعبية ماء تنظيف الزجاج اذا نقص اخلي الشغاله تجيب جيك ماء وتصبه ماشاءالله علي ^_^

والله زين :nice: احييج

والله انا ميح احس مابي اتعلم شي ف السياره لان الموضوع مايهمني :tease:

[حليتان*]

ياحنين لو مسكين فقير واحد مثلي كان صديت عنه وحركت
اماف من يومين شفت نفس موترك في مدينة خليفه
انزين جاوب على سؤالي الي فوق ردك
لا ياخي كفر ونش سير تبطله وتشله وهي متوهقه فيه هاي المقصد وعلى قكره انا بنفسي اذا بنجرت ما اوقف حق نفسي تبيني اوقف حق العالم بس للامانه اذا حد مبنجر وله متعطل واقدر اوقف له ما اكون مشغول ولا شي اذا قالي خد بيجيني اركبه معاي الموتر لين مايجيه حد او اوصله وخبرك فالصيف العالم كلهم مواترهم حراره قايمه اما اروح اضرب جيك حق واحد من الشباب عسا ماشر يبي سبير اذا سبيري يركب له يبشر به اما اضربله جيك
كنت رايح البيطري اخذ كبسوولات حق الطير بداية الرقم خمسه واخره خمسه

[ya3coub]

بما انه أغلبية المجتمع النسائي محبين للقرائة

بلا دورات ولا اي شي تفتحون الدرج الي بالسيارة و في الدليل للسيارة كاملة

و بتحصلون فيها حلول كل المشاكل الي قد تحدث للسيارة حتى بعض فنين الوكالات ما يقرونها.


و عن الدورة الي مع النظري بمدارس السواقة ما منها فايدة كلش كلش.


الي عليكم تسونه ترجعون البيت الحين خفت الرطوبة و الجو تعدل و لله الحمد و تجربون ترفعون اسليارة بالجيك و تفتحون بلوط تاير و ترجعونه.

[حليتان*]

لاتخربين الموضوع صج معروف عنكم دائما تخربون المواضيع
ترى صج الموضوع مهم للجميع
السؤال موجه للشباب
كيف تتصرف لو سلب عيك الموتر بسبب الرمل او الايل او حتى ساعات الماي
واخطرهم تسليبت الايل
تمسك بريك
هاند بريك
تشيل ريلك من على دعست البترول ولا تدعس
تمسك السكان ولا تهده تخلي الموتر يأخذ وضعيته بعد التسليب
يالله شباب روني مهارتكم في مثل هذه الحاله الطارئه الي تأخذ ثواني

ريس ياحبيبي ريس ودروله لازم تثبت السكان وماتكسر له مره وحده ترا لعبتنا التسلب ههههههههههههه وله اذا خلاص خلاص مافي فايده ماعندك غير الريوس هههههههه

لا شوف معروف اذا شاح عليك الموتر وضربت بريك الموتر بيروح بروحه فالرمل ممكن ارحم بس فالمغي او الايل انسا يا تصدف ويوقف بروحه او ما بيوقفه الا ليت وله صبيه وله ضربت رصيف وومكن تقلبك اذا كانت على سرعات عاليه

اما لو تصرفت بحكمه ووازنت سرعة السياره ماتزيدها ولا تنقصها وتحاسب على كسرت السكان وياحبذا لو قير عادي عطه نمره فوق او نمره تحت على حسب الموقف



الموضوع يبيله شرح والذكي هو الي بيعرف يتصرف بعد امر الله

[ضوى]

شحدانا يعقوب على هالشقا !؟

[حليتان*]

بما انه أغلبية المجتمع النسائي محبين للقرائة

بلا دورات ولا اي شي تفتحون الدرج الي بالسيارة و في الدليل للسيارة كاملة

و بتحصلون فيها حلول كل المشاكل الي قد تحدث للسيارة حتى بعض فنين الوكالات ما يقرونها.


و عن الدورة الي مع النظري بمدارس السواقة ما منها فايدة كلش كلش.


الي عليكم تسونه ترجعون البيت الحين خفت الرطوبة و الجو تعدل و لله الحمد و تجربون ترفعون اسليارة بالجيك و تفتحون بلوط تاير و ترجعونه.

كدينا خير باجر بنحصل تواير اطير قدامنا فالشارع


لا لا بس في مواتر مايصير يبطلون توايرها الا الوكاله ! واغلب الحريم مواترهم كشخه وجديده

[JN000N]

لاتخربين الموضوع صج معروف عنكم دائما تخربون المواضيع
ترى صج الموضوع مهم للجميع
السؤال موجه للشباب
كيف تتصرف لو سلب عيك الموتر بسبب الرمل او الايل او حتى ساعات الماي
واخطرهم تسليبت الايل
تمسك بريك
هاند بريك
تشيل ريلك من على دعست البترول ولا تدعس
تمسك السكان ولا تهده تخلي الموتر يأخذ وضعيته بعد التسليب
يالله شباب روني مهارتكم في مثل هذه الحاله الطارئه الي تأخذ ثواني

قوم اطلع برا
الحين بيلصق سمعته التعبانه فيني
محد يخرب المواضيع الا انتو
بعدين كيفي موضوع حبييبتي بعد عمري الحياه

[ya3coub]

شحدانا يعقوب على هالشقا !؟

ثقلفه عامة ما تدرين متى ممكن تحتاجينها

و تمارين رياضية

+ أغلبكم عندكم وظايفكم فمافيها شي الواحد ينوع يجرب شي جديد فقط من اجل التجربة تحدي مثلا فالبيت مافيها شي.

طبعا ما بتحتاجون تسونها فالشارع ان شاء الله. بس اتكونون على دراية بالمطلوب.

[راعي الكورفت]

السلام عليكم و رحمة الله و بركاته

مع تزايد عدد النساء اللاتي يقدن السيارات .. أعتقد أصبحت الحاجة ملحـــــة لإعطاء من ترغب منهن .. دورات تدريبية في كيفية التعامل مع السيارة
و كيفية مواجهة الحالات الطارئة البسيطة التي قد تواجهها من أعطال فنية تتعلق بالمكينة أو الإطارات أو غيرها
و كذلك في حالة الحوادث المفاجئة أو انفجار الإطارات
و كل ما يمكن أن يساعد في القيادة الآمنة التي تضمن سلامة القائدة ... و سلامة مرتادي الطريق

تنبيه مهــــــم :
الموضوع كما تم التوضيح .. و ليس عن رأيكم في قيادة المرأة للسيارة أو حكمها
فتلك أمور تم النقاش و الجدل فيها بإسهاب .. و كل منا يتحمل مسؤولية قراره

و عذراً لحذف أي مشاركات خارجة عن الهدف من الموضوع

تحياتي للجميع


ماتحتاجين الى دوره .. الموضوع يحتاج فقط الى قراءه وتدريب ذاتي .. والمعلومات عن السيارت بتحصلينها في منتديات السيارات وانا عضو في منتديات كثيره للسيارات واعرف نص كراجات الدوحه والصناعيه .


اسأليني اي سؤال وانا بجاوبك :secret:

[الحياة الخالدة]

فكره حلوه المفروض فعلا نعرف عن السياره أكثر
ابشرك انا اعرف كيف افتح البانه ومكان تعبية ماء تنظيف الزجاج اذا نقص اخلي الشغاله تجيب جيك ماء وتصبه ماشاءالله علي ^_^

تسلمين يا ديور
ما شاء الله عليج .. و ليش ما تصبين بروحج :tease:
إن شاء الله بتتعلمين أكثر من هالموضوع .. الشباب ما قصروا

حياج الله حبيبتي

[الحياة الخالدة]

انا ماسوق

يعني بتفيدني الدوره؟

وهل قصدج الدوام يطرحها لنا ولا شلون؟


لان الدوام ماراح يطلعنا وقت الدوام ويعذرنا عشان نروح نحضر دورات وطبعا مب مستعده احضر بعد الدوام :)

هلا المحامية
يمكن تفيدج .. لو طلعتي مع الدريول و تعطلت السيارة لأي سبب من الأسباب و هو ما يعرف
لا ما أقصد الدوام .. أقصد المرور .. أو حتى أي دورات خاصة نفس باقي الدورات اللي تنطرح في كل المجالات

و هي دورة مثلها مثل غيرها .. محد مجبور عليها .. للفائدة الشخصية .. و لمن يرغب فقط

حياج الله أختي

[الحياة الخالدة]

بما انه أغلبية المجتمع النسائي محبين للقرائة

بلا دورات ولا اي شي تفتحون الدرج الي بالسيارة و في الدليل للسيارة كاملة

و بتحصلون فيها حلول كل المشاكل الي قد تحدث للسيارة حتى بعض فنين الوكالات ما يقرونها.


و عن الدورة الي مع النظري بمدارس السواقة ما منها فايدة كلش كلش.


الي عليكم تسونه ترجعون البيت الحين خفت الرطوبة و الجو تعدل و لله الحمد و تجربون ترفعون اسليارة بالجيك و تفتحون بلوط تاير و ترجعونه.

هلا أخوي يعقوب
محبين للقراءة نعم .. بس وين الوقت
و مافي أحسن من الدروس العملية

شنهو بلوط ؟؟!!
و ترا للحين ما خفت الرطوبة ولا تعدل الجو :weeping:

حياك الله أخوي يعقوب

[Dana’1]

تسلمين يا ديور
ما شاء الله عليج .. و ليش ما تصبين بروحج :tease:
إن شاء الله بتتعلمين أكثر من هالموضوع .. الشباب ما قصروا

حياج الله حبيبتي


الله يسلمك^ـ^
سؤالك وجيه يالغاليه...ليش ما أصب بنفسي؟!
لأن افتح البانه ومكان تعبيه سائل التنظيف وهي تجي بيدها جيك الماء فأخليها تكمل جميلها وتصبه ههههه وهي ما تقصر الله يعطيها العافيه ^ـ^
وقد سويتها بنفسي مره حسيت انجاز
وهي كلها على بعضها مرتين تقريبا ^ـــ^

[h9466]

الحقيقة موضوع مهم لكن اضيف عليه توعيتهم بمكونات ماكينة السيارة...فأكثر الناس اللي ينضحك عليهم من طرف محلات تصليح السيارات والميكامنيكية هن النساء فلو عطل السيارة كان فقط في تبديل بلكات او بوجيات المكينة يقول لها الميكانيكي مضخة البنزين او فلاتر المكينة او او.نحن الرجال اللي عندنا فكرة عن مكوناتها ينضحك علينا فما بالكم بالبلي ماعندها خلفية ..فانصح بشدة كل سيدة تثقف نفسها وتاخذ فكرة عن مكونات مكينة السيارة واعطالها وكيفية اصالحها..
موضوع جميل شكرا لك_

[الحياة الخالدة]

عفواً أخوي يعقوب
مشاركتك الأخيرة طالعة طلاسم .. إذا ممكن تصلح الخلل

[ya3coub]

هلا أخوي يعقوب
محبين للقراءة نعم .. بس وين الوقت
و مافي أحسن من الدروس العملية

شنهو بلوط ؟؟!!
و ترا للحين ما خفت الرطوبة ولا تعدل الجو :weeping:

حياك الله أخوي يعقوب

السموحة ضغط شغل و سايت اليوم... و الحين بريك غدا :)

البلوط جمع بلط باللغه العامية الا و هي بلط بعد شنو بجيب صورته و يكون سبب تثبيت الرنقات بالمركبة على حسب المركبة يوجد 4,5,6,8 بلوط يدخلون بالــ"studs"

كلامج صحيح بس اساس كل شي عملي لازم ولو القليل من النظري.


الطلاسم الي فوق متحسف اني كتبتها

كنت كانت الي يشتغل تحت الأرض ما يحتاج ارصاد علشان يعرف الجو و الرطوبه يحس فيها. امس و اول امس من السبت زادت بشكل مرتفع جدا الحرارة و الرطوبة بينما الأسبوع الي طاف إلى يوم الجمعه كانت بإعتدال.


ووووووو بس هاذي صورة البلط "مفرد البلوط"

http://g03.a.alicdn.com/kf/HTB1Wv4XJXXXXXaSXpXXq6xXFXXXz/20Pcs-set-multi-function-Silicone-Wheel-Lugs-Nuts-Bolts-Covers-Hub-Screw-DUST-Protective-Caps-19mm.jpg

http://pics.driftworks.com/media/catalog/product/cache/1/image/9df78eab33525d08d6e5fb8d27136e95/w/h/wheel-nuts-steel_3.jpg

http://ecx.images-amazon.com/images/I/51OYfeP7O%2BL._SY300_.jpg

السيارات الألمانية البي ام و المرسدس فيها نظام غير تجي بالعكس و بعد موجودة بالصور تحت الستد و البلط واحد

http://www.turnermotorsport.com/image/wheels/wheel_tms_bolts_black_group_1.jpg

[الحياة الخالدة]

ماتحتاجين الى دوره .. الموضوع يحتاج فقط الى قراءه وتدريب ذاتي .. والمعلومات عن السيارت بتحصلينها في منتديات السيارات وانا عضو في منتديات كثيره للسيارات واعرف نص كراجات الدوحه والصناعيه .


اسأليني اي سؤال وانا بجاوبك :secret:

كلامك مضبوط يا راعي الكورفت .. أنا أحس إن انتو الشباب تستمتعون بهالشي
أما احنا نتعلم عشان ما نتوهق بس :shy:

خلاص أي شي أبي أعرفه بحط السؤال لك هني .. عشان الكل يستفيد
جزاك الله خير أخوي و رحم الله والديك

[الحياة الخالدة]

لو كنت تقود السيارة وهي من النوع الاتوماتيك وبسرعة في طريق عام وفجأة تعطلت مكابح الفرامل ، فكيف تتصرف ؟ خاصة فيما لو تعطلت دواسة البنزين وانت في هذه السرعه فما هي افضل طريقة للتصرف الحكيم ؟
....
اليك الحل ، مع ملاحظة ان الأخطاء القاتلة هي .!!"
1- استخدام الكابح اليدوي ( الجلنط-الچير ) ... يعني انقلاب مميت

2- إطفاء السيارة ... يعني تعطل مقود السيارة

الحل الانسب هو التالي ؟؟ .....

يستحق المشاهدة.

http://safeshare.tv/v/ss566cf4731f360

-انشرها قد تساعد في إنقاذ ارواح الاخرين.

[ya3coub]

^^^^^^^^^^^^ ما يفتح عندي الرابط بس عارف الحل

و هالشي للجميع

و الأهم من هذا كله الإنتباااااااااه للسيارات و الدراجات "المركبات" الأخرى فالطريق.

ليلحين في ناس تمشي فالنص تاخذ مسارين

[المبرمج صلاح]

يجب على كل قائد السيارة ان يكون ملم بالصيانة الدورية وليس شرط ان يعرف حل كل مشكلة لان بعض المشاكل تظهر وما يحلها الا متخصصين

المهم ان يتبع الصيانة الدورية حتى يقلل من المشكلات اللي تواجهه لاقل قدر ممكن وهذه بعض النصائح اللي ممكن اذكرها لكم من تجاربي الشخصية
وخاصة في جو قطر مع الرطوبة والغبار والحرارة المرتفعة

الصيانة الدورية


1- تغيير زيت الماكينة مع فلتر مكينة كل 5 الاف كيلومتر
2- تشييك عهواء ضغط الاطارات كل 10 الاف
3- تغيير فلتر الهواء المكينة كل 20 الف كيلو متر (لو ماغيرته راح يأثر على البخاخات تبع السيارة ويمكن تحتاج تغيرها )
4- البواجي او البلكات كل 30 الف كيلومتر
5- فلتر المكيف كل 30 الف كيلومتر
6- عمل ميزانية لاذرع الاطارات وميزانية الاطارات نفسها كل 30 الف كيلومتر
7- فلتر بنزين كل 50 الف تقريباً أو حسب نظافته
8- سيووور المكينة أعتقد على 70 الف إذا ماني غلطان وبعض السيارات ما تحتاج تغيره
9- زيت الجيربوكس ( يجب تغييره في الوكاله افضل لانه حساس ويجب تغيير الزيت القير والفلتر القير وكاسكيت القير معا كل مرة )
اول مرة على 80 الف كيلومتر وبعدين كل 50 الف


لو لاحظنا يمكن ان نجمع كل الخطوات من 2 الي 7 تكون عند كل 30 الف كيلومتر وهي الصيانة الدورية السنوية


ولو غيرت هالشغلات وحافظت على سيارتك كل ماخربت قطعة رحت صلحتها
بتظل السيارة عزمها و بعافيتها وتكون مثل الوردة المفتحة

وإن شاء الله أكون أفدتكم بشي بسيط

[بصمة قطرية]

يعني لو بنجرت بتوقف تضرب جيك ..!!!
أعتقد الإتصال بصديق أفضل و أأمن لها ..

[بوخالد911]

الحين معظم الوكالات موقعين مع شركات خدمة الطريق
لو تعطل الموتر تتصلين عليهم
ويجون عندج