«المقاصف المدرسية». انتهاك لحقوق الطلبة في الغذاء السليم

[بيرق_المجد]

بسم الله الرحمن الرحيم



في الوقت الذي يطالب فيه أولياء الأمور (( المجلس الاعلى لتعليم )) إلزام المدارس بتوفير الغذاء الصحي ومنع كل ما يضر بصحة الطلبة، لا تزال عمليات بيع المنتجات الفقيرة غذائياً تتواصل في المدارس دون توقف، مع استمرار روتين الوجبات المتكررة الذي لم يطرأ عليه أي تغيير منذ سنوات طوال برغم مطالبات مختصي التغذية المستمرة بإعادة النظر في وضع المقاصف المدرسية وما تقدمه من وجبات غذائية للطلبة والطالبات، مؤكدين أنها تضعف جهاز المناعة وتعرضهم للأمراض السريعة كالأنفلونزا والإسهال، وتسهم في تحجيم مستوى الذكاء وتوقف النمو لديهم، مع اعتبارها ضارة على الطلبة ولا تحقق لهم أي تكامل غذائي صحي تحتاج إليه أجسامهم وعلى أقل تقدير هي لا تحمل أي قيمة غذائية، مرجعين الغرض من بيعها إلى الربحية فقط.هل المراقبين لهم دور في المدارس لمنع بعض المنتوجات المضرة مثل الحلويات والشوكولاتة ورقائق الشيبس والسندويشات المحفوظة التي لا تحتوي على أية قيمة غذائية ومليئة بالدهون، أصاب بعضها العفن، مقاصفها تخلو من مأكولات صحية تساهم في بناء جسم صحيح، بالإضافة إلى البيئة غير الصحية لتخزين المأكولات، بسبب سوء المراقبة

[A-Alansari]

راحت ايام الزعتر وغرشه الفلفل من البيت مخشوشه:nice:

[حسن]

والله ماااعرف عنها شي

العيال مايطلعون للمدرسه الا ومتريقين وغير السندويشات معاهم
ماخبر يشترون من داخل المدرسه
هذا افضل حل اكل البيت صحي ومفيد

[عثرة جواد]

كثير من المقاصف مب بس الاكل مب صحي

وفية بعض الملاحظات من عدم النظافة او قلة الكمية

غير الي ياخذون الباقي ..

عسااك ع القوة

[JN000N]

ليش الحين شيبيعون لهم؟

[ضوى]

اللي اعرفه من وقت عيالي بالابتدائي ومموع الجبس والمشروبات الغازية والحلويات ، سندويشات وسلطات وورق عنب وعصاير ولبن وحليب اللي في المقاصف

[حمد بن سعد]

:nice:
راحت ايام الزعتر وغرشه الفلفل من البيت مخشوشه:nice:

:nice:

[حراير قطر]

اللي اعرفه من وقت عيالي بالابتدائي ومموع الجبس والمشروبات الغازية والحلويات ، سندويشات وسلطات وورق عنب وعصاير ولبن وحليب اللي في المقاصف

بالضبط هذا اللي بالمقصف ...

[حراير قطر]

كثير من المقاصف مب بس الاكل مب صحي

وفية بعض الملاحظات من عدم النظافة او قلة الكمية

غير الي ياخذون الباقي ..

عسااك ع القوة

اطلبي قائمة الاسعار من المدرسة

[عثرة جواد]

اطلبي قائمة الاسعار من المدرسة

اعرف الاسعار بس المشكلة انه العاملات مافيهم امانة

عادي تطربخ ريال او ريالين

تسلمين

[حراير قطر]

اعرف الاسعار بس المشكلة انه العاملات مافيهم امانة

عادي تطربخ ريال او ريالين

تسلمين

يسلمج هذا حقج اذا تبينه روحي الادارة وبلغيهم وبيردونه لج

انا مره بلغت وردو الباقي مع آميرتي

واذا ما تبينه اعتبريه صدقه وفي ميزان حسناتج ...

[كازانوفا]

والله ماااعرف عنها شي

العيال مايطلعون للمدرسه الا ومتريقين وغير السندويشات معاهم
ماخبر يشترون من داخل المدرسه
هذا افضل حل اكل البيت صحي ومفيد


صح كلامك وهاي اللى اتبعه مع اطفالي

[عثرة جواد]

يسلمج هذا حقج اذا تبينه روحي الادارة وبلغيهم وبيردونه لج

انا مره بلغت وردو الباقي مع آميرتي

واذا ما تبينه اعتبريه صدقه وفي ميزان حسناتج ...

انا اعتبرتها صدقة ....بس تخيلي مني ومن غيري اشلون الوضع بيصير

[حسن]

صح كلامك وهاي اللى اتبعه مع اطفالي

مرحبا ياكازانوفا الحمدلله على السلامه

هذا متبع عندي من يام الروضه الى الابتدائيه وريوق الصبح لازم وحتى الخبز نعمله في البيت
واحيانا نسوي اضافيه لزميلات البنت لان مساكين امهاتهم غير مهتمين فيهم
احيانا تسير صفقات مع بنتي تلقى تجيب جبس ولا كوافي اقولها يبا
من وين هذا تقول البنات امهاتهم يعطونهم مادري الخدامات المفروض يكون هناك ثقافه لدي الامهات
والمفروض ادراه المدارس تركز على هذا الشي من خلال مجلس الامهات ومتابعه الطلبه

[بانغ بانغ]

راحت ايام الزعتر وغرشه الفلفل من البيت مخشوشه:nice:

والصفيحة !!!!

[blackjacket]

بنتي كانت في الروضة كنا نحط لها سندويشات وعصاير
تخيلو مشرفة الروضة جات كلماني قالت عط بنتك فلوس عشان تشتري نفس البنات
عاد قلتلها ماعندي مشكله اني اعطيها فلوش المشكله في الي تبيعونه
والله كانو يبيعيون ارخص واردي انواع الحلويات بس عشان يربحون.
الصراحة يعجيوني المدرسة الهندية ماعندهم شي اسمه مقصف
اكل عيالك لازم يجي من البيت واذا حطيت شيبس في اكلهم حطو لك ملاحظة في دفتر الولد عشان
تقراه

[بوخميس]

12 سنة درست فيها في المدارس، يمكن ما شريت من المقصف الا 10 مرات. طابور المقصف والزحمة والاكل اللي يلوع الجبد ما استسيغه.

كنا ناكل بقصم وحليب في البيت ونروح المدرسة ونرد نتغدى في البيت والامور تمام.

انتوا تدلعون اليهال وايد هالايام. مب لازم ياكلون ريوق ترا. ولين الحين انا ما اتريق لا قبل الدوام ولا في الدوام.

[حمد 2002]

أخبر كنا نشرد ونطلب من المعصره :weeping:

[معماري قطري]

والله ماااعرف عنها شي

العيال مايطلعون للمدرسه الا ومتريقين وغير السندويشات معاهم
ماخبر يشترون من داخل المدرسه
هذا افضل حل اكل البيت صحي ومفيد

انت عيالك مثاليين يا بو علي .. الله يحفظهم يركبون الباص ولا يعتمدون على الخدم وياخذون سندويشات من البيت ويتريقون قبل ليطلعون .. عيالي أيام كان مكدونالدز جارنا يطرشون الدريول بالخش يجيب سندويشات من هناك وانا مسكين ما ادري .. طلع مكدونالد ريوق وغدا وعشا

[معماري قطري]

12 سنة درست فيها في المدارس، يمكن ما شريت من المقصف الا 10 مرات. طابور المقصف والزحمة والاكل اللي يلوع الجبد ما استسيغه.

كنا ناكل بقصم وحليب في البيت ونروح المدرسة ونرد نتغدى في البيت والامور تمام.

انتوا تدلعون اليهال وايد هالايام. مب لازم ياكلون ريوق ترا. ولين الحين انا ما اتريق لا قبل الدوام ولا في الدوام.

يحيك شاطر .. انا بس ثانوي نص خدمتك في المدارس .. 6 سنين والاعدادي 4 سنين والابتدائي 7 سنين ولا اذكر اني جبت شيء من البيت كله قتال في المقصف وبعض المرات يكون المقاتل واحد ثاني يتبرع يشتري لنا

[حليتان*]

اخبر كانو يسون كلاب وشبس مايحتاي فالمدرسه وهمبرقه ونقانق ودياي ميونيز واحيانا شورما واحنا مبسوطين السنه الي عقبها بلفيت قلبو اكل صحي فطاير جبن بدون جبن ههههههه وزعتر ولبنه سلامات الشيخ المهم قمنا نشرد نروح صديق ويوم يحبسون لنا وله الشرده صعبه حد منا يكلم دريولهم ويروح يجيب لنا ههههه

[حسن]

انت عيالك مثاليين يا بو علي .. الله يحفظهم يركبون الباص ولا يعتمدون على الخدم وياخذون سندويشات من البيت ويتريقون قبل ليطلعون .. عيالي أيام كان مكدونالدز جارنا يطرشون الدريول بالخش يجيب سندويشات من هناك وانا مسكين ما ادري .. طلع مكدونالد ريوق وغدا وعشا

هلا هلا

حيالله معماري
شلونك عساك طيب لك وحشه
ياخوك لهوب مثاليين ولا هم يحزنون المثاليه هذا وهم لكن نحاول قدر الامكان نغرس فيهم
المبادي والقيم والاخلاق والاعتماد على النفس
ماتدري يابن الحلال متى الواحد يودع الدنيا
الحمدلله يقوموون بدري ويتريقون في البيت ومن عقبها يروحون والحمدلله مدارسي كلها في قطر 2 كيلو
قريبه من البيت
هذولا مسؤليتي يابوعبدالله نحاول نقوم بواجباتنا قدر المستطاع ليش نتعتمد على الغير
واذا نعتم على الغير فلازم يكون محدود
الكثير ريوق عياله جبس وكتكات وحلويات يسون بعض البنات مع بنتي مقاصه
تعطيهم سندويش يعطونه شبس
:)
80 الى 90 % من طلبه المدارس الابتدائيه عندنا الخدم هم المسؤلين عنهم
هذا ماشوفه من خلال السائقين والخادمات اولياء الامور من اب ولا ام نسبه قليله جدا
هذا الواقع واذا تبي اصور لك فيديو حاظرين
الاطفال نعمه فلازم نحافظ عليها بقدر المستطاع ونضحي الغالي والنفيس لاجلهم
جمع الفلوس والتفكير في ملذات الدنيا والهياته والسفرات هذه دليل على انحدار الثقافه
وانحسار العلم والقادم ادهى وامر
الله يصلح الحال

:)

[مضارب دوسري]

12 سنة درست فيها في المدارس، يمكن ما شريت من المقصف الا 10 مرات. طابور المقصف والزحمة والاكل اللي يلوع الجبد ما استسيغه.

كنا ناكل بقصم وحليب في البيت ونروح المدرسة ونرد نتغدى في البيت والامور تمام.

انتوا تدلعون اليهال وايد هالايام. مب لازم ياكلون ريوق ترا. ولين الحين انا ما اتريق لا قبل الدوام ولا في الدوام.

عشان جذي مب مركز وقت البورصه ههههههههه

[بوخميس]

وين نركز بو محمد الشغل ما يخلص

كل نص ساعة او ساعة نقز الشاشة شوي، وأحياناً المراجع يكون قدامي بس شنسوي، نباري حلالنا.

النسكافيه مال حميدوه يعوضك عن الريوق

[حراير قطر]

12 سنة درست فيها في المدارس، يمكن ما شريت من المقصف الا 10 مرات. طابور المقصف والزحمة والاكل اللي يلوع الجبد ما استسيغه.

كنا ناكل بقصم وحليب في البيت ونروح المدرسة ونرد نتغدى في البيت والامور تمام.

انتوا تدلعون اليهال وايد هالايام. مب لازم ياكلون ريوق ترا. ولين الحين انا ما اتريق لا قبل الدوام ولا في الدوام.

هذا على ايامنا يوم نرجع البيت 12 ونص وعلى 1

اما الحين نوصل البيت على 2 واكثر وين ما تبيهم يتريقون فالمدرسة مساكين

[رجل مثالي]

انا اشوف تنعاد ايام اول من توزيع الفطور على الطلاب من قبل المجلس الاعلى بالمجان على الطلاب ويكون نظيف وبدون مشاكل