OTOsan
10-09-2006, 10:50 AM
هذا مطعمي الخاص للبيتزا في عام 2030 .. وحوار بين احد موظفي المطعم واحد الزباين ،
اقرو الحوار وشوفوا المطاعم في ذاك الوقت اشلون بتصير
الموظف : شكرا لاتصالكم بمطعم لونلي بيتزا .. تفضل بشنو ممكن اخدمك ؟
الزبون : اهلين .. ممكن اطلب لو سمحت
الموظف : عطني رقم بطاقتك الشخصية لو سمحت
الزبون : ايه .. لحظه شوي .. 8958735460 – 9898-02
الموظف : اها .. معاي الاخ خالد علي .. حضرتك ساكن في الدفنه شارع غسان .. رقم تلفون بيتكم 9098458 ورقم تلفون مكتبك 9044476 ورقم جوالك 9709898 .. من أي رقم فيهم تتصل اخوي ؟
الزبون : اشلون جبت ارقامي كلها ؟
الموظف : احنا مرتبطين بالشبكة المحلية
الزبون : زين زين .. جهز لي بيتزا باللحم حجم عائلي لو سمحت
الموظف : انا ما انصحك فيها
الزبون : ليش ؟ عسى ماشر ؟
الموظف : والله طبقا للمعلومات اللي عندي حضرتك تعاني من ارتفاع بضغط الدم وعندك نسبة كوليسترول عاليه
الزبون : انزين اشتنصحني فيه يعني .؟
الموظف : انصحك ببيتزا الخضار .. انا متاكد انها راح تعجبك
الزبون : وشاللي يخليك واثق لهالدرجه ؟
الموظف : الاسبوع اللي طاف استعرت كتاب بعنوان ( فوائد الخضار من الالف الى الياء ) من المكتبة الوطنية واكيد عرفت فوايدها
الزبون : انزين .. عطني بيتزا بالخضار حجم عائلي ..
الموظف : خلهم اثنين حجم عائلي .. لان واحد ماراح يكفي لاسرتك المكونه من ستة اشخاص
الزبون : طيب .. كم قيمتهم ؟
الموظف : هذول بيكلفونك 120 ريال
الزبون : انزين .. اقدر ادفعهم بالفيزا ؟
الموظف : والله ما اعتقد .. الفيزا عندك مافيها الا 86 ريال وماراح تغطي .. هذا غير انك مديون فيها للبنك بثلاثة الاف ريال .. يعني بتزود على نفسك فوايد
الزبون : عيل باروح اسحب لكم من الصراف اللي جنب البيت الحين وبتجون والفلوس جاهزه
الموظف : ماراح تقدر .. انت اليوم الصبح ساحب عشرة الاف ريال وبالتالي ماراح تقدر تسحب منها زياده
الزبون : خلاص يبه .. خلهم يجيبون الطلب وبادبر لهم فلوسهم كاش .. بس خلصني ، كم يبيلهم لما يوصلون ؟
الموظف : حول النص ساعه .. بس اذا ما تبي تنطر ممكن تجي وتاخذ الطلب بسيارتك الكروزر .. او بالكامري اذا حبيت
الزبون : شنو ..!!!
الموظف : حسب المعلومات اللي موجوده بالسستم انت ماعندك الا هالسيارتين .. الكرورز موديل 2015 ورقم لوحتها ...
الزبون : بس يبه بس !!!
الموظف : شي ثاني حاب تطلبه ؟؟
الزبون : لا ولا شي .. بس مدري الثلاث علب بيبسي اللي مذكوره باعلانكم بتعطوني اياها مع الطلب ؟
الموظف : احنا العاده نعطيها .. بس المشكله انه حسب المعلومات اللي هني انت عندك سكري وبالتالي ...
الزبون : الله لايعطيك عافيه يا #$%^$#
الموظف : اخوي احسن لك تنتبه لالفاظك .. ولا تحب اذكرك في 12/4/ 2023 .. يوم انحجزت يومين عشان سبيت الشرطي اللي وقفك ؟؟؟
---
ايميل جاني بالانجليزي وترجمته لكم بتصرف شديد جدا جدا .. واتمنى انه عجبكم .. :)
اقرو الحوار وشوفوا المطاعم في ذاك الوقت اشلون بتصير
الموظف : شكرا لاتصالكم بمطعم لونلي بيتزا .. تفضل بشنو ممكن اخدمك ؟
الزبون : اهلين .. ممكن اطلب لو سمحت
الموظف : عطني رقم بطاقتك الشخصية لو سمحت
الزبون : ايه .. لحظه شوي .. 8958735460 – 9898-02
الموظف : اها .. معاي الاخ خالد علي .. حضرتك ساكن في الدفنه شارع غسان .. رقم تلفون بيتكم 9098458 ورقم تلفون مكتبك 9044476 ورقم جوالك 9709898 .. من أي رقم فيهم تتصل اخوي ؟
الزبون : اشلون جبت ارقامي كلها ؟
الموظف : احنا مرتبطين بالشبكة المحلية
الزبون : زين زين .. جهز لي بيتزا باللحم حجم عائلي لو سمحت
الموظف : انا ما انصحك فيها
الزبون : ليش ؟ عسى ماشر ؟
الموظف : والله طبقا للمعلومات اللي عندي حضرتك تعاني من ارتفاع بضغط الدم وعندك نسبة كوليسترول عاليه
الزبون : انزين اشتنصحني فيه يعني .؟
الموظف : انصحك ببيتزا الخضار .. انا متاكد انها راح تعجبك
الزبون : وشاللي يخليك واثق لهالدرجه ؟
الموظف : الاسبوع اللي طاف استعرت كتاب بعنوان ( فوائد الخضار من الالف الى الياء ) من المكتبة الوطنية واكيد عرفت فوايدها
الزبون : انزين .. عطني بيتزا بالخضار حجم عائلي ..
الموظف : خلهم اثنين حجم عائلي .. لان واحد ماراح يكفي لاسرتك المكونه من ستة اشخاص
الزبون : طيب .. كم قيمتهم ؟
الموظف : هذول بيكلفونك 120 ريال
الزبون : انزين .. اقدر ادفعهم بالفيزا ؟
الموظف : والله ما اعتقد .. الفيزا عندك مافيها الا 86 ريال وماراح تغطي .. هذا غير انك مديون فيها للبنك بثلاثة الاف ريال .. يعني بتزود على نفسك فوايد
الزبون : عيل باروح اسحب لكم من الصراف اللي جنب البيت الحين وبتجون والفلوس جاهزه
الموظف : ماراح تقدر .. انت اليوم الصبح ساحب عشرة الاف ريال وبالتالي ماراح تقدر تسحب منها زياده
الزبون : خلاص يبه .. خلهم يجيبون الطلب وبادبر لهم فلوسهم كاش .. بس خلصني ، كم يبيلهم لما يوصلون ؟
الموظف : حول النص ساعه .. بس اذا ما تبي تنطر ممكن تجي وتاخذ الطلب بسيارتك الكروزر .. او بالكامري اذا حبيت
الزبون : شنو ..!!!
الموظف : حسب المعلومات اللي موجوده بالسستم انت ماعندك الا هالسيارتين .. الكرورز موديل 2015 ورقم لوحتها ...
الزبون : بس يبه بس !!!
الموظف : شي ثاني حاب تطلبه ؟؟
الزبون : لا ولا شي .. بس مدري الثلاث علب بيبسي اللي مذكوره باعلانكم بتعطوني اياها مع الطلب ؟
الموظف : احنا العاده نعطيها .. بس المشكله انه حسب المعلومات اللي هني انت عندك سكري وبالتالي ...
الزبون : الله لايعطيك عافيه يا #$%^$#
الموظف : اخوي احسن لك تنتبه لالفاظك .. ولا تحب اذكرك في 12/4/ 2023 .. يوم انحجزت يومين عشان سبيت الشرطي اللي وقفك ؟؟؟
---
ايميل جاني بالانجليزي وترجمته لكم بتصرف شديد جدا جدا .. واتمنى انه عجبكم .. :)