موضوع هام جدآ و الكل يعطيني رايه

[super2015]

السلام عليكم ورحمه الله وبركاته

انا طالب في بريطانيا سنه اولى هندسه ميكانيكيه ادرس على حساب مجلس الاعلى للتعليم .

حاب اني اغير بعثتي و احولها على الشركات الثانيه قدمت على قطر البترول قالولي احنا عندنا طلاب وايد ماخذينهمم من اول ماخلصو الثانويه .

قدمت على قطر غاز قالو لي تخصصك والله متشبعيين منه و مانبيه .

و قدمت بعد على شركات ثانيه مثل ميرسك ماردو علي. قابكو قالو لي ها السنه مابنتعث حد مسكريين

قدمت على شركه اسمها قطر ستيل وقبلوني (قطر للحديد و الصلب) هي شركه تابعه لقطر للبترول بس مميزاتها اقل يسمونهم Down stream

انا بتخرج ان شاء الله سنه 2018 هل تنصحوني اخذ سبونسر من قطر ستيل و اكمل معاهم ، ولا انطر لين ماحصلي شركه ممتازه و لا ابقى مع مجلس الاعلى للتعليم مرتاح

ماارتبط مع شركه لين مااخلص دراستي .


شكرا و اتمنى الكل يعطيني رايه ف الموضوع . :victory::victory:

[بانغ بانغ]

نفس حالتك واحد من اعيال خالتي في امريكا

رايح عن طريق المجلس وبينتظر لين يتخرج وماحب يرتبط بسبونسر ... يدرس تخصص في مجال علوم شرطية

اسأل حد في المجلس احسن لك

اموفق ان شاء الله

[حليتان*]

انت مرتاح مع المجلس الاعلى ؟؟ اذا مرتاح لاتربط نفسك مع شركة معينه وباجر لما تتخرج بيكون السوق مفتوح قدامك خاصه اذا كان تخصصك مطلوب

[super2015]

نفس حالتك واحد من اعيال خالتي في امريكا

رايح عن طريق المجلس وبينتظر لين يتخرج وماحب يرتبط بسبونسر ... يدرس تخصص في مجال علوم شرطية

اسأل حد في المجلس احسن لك

اموفق ان شاء الله


اي بس يفضل الشخص ياخد سبونسر راتب دبل راتب المجلس الاعلى + وظيفه مضمونه يوم يخلص دراسته و مب محتاج يدور .

[super2015]

انت مرتاح مع المجلس الاعلى ؟؟ اذا مرتاح لاتربط نفسك مع شركة معينه وباجر لما تتخرج بيكون السوق مفتوح قدامك خاصه اذا كان تخصصك مطلوب


اي انا مرتاح مع المجلس الاعلى للتعليم اني اقدر اغير السبونسر اي وقت ابي ، و ما اكون مرتبط مع شركه ثانيه ، و اخلص و اقدم علي الشركات الي ابيها

بس فواىد الشركه انه الراتب السبونسر عالي و مغري :nice:

[R 7 A L]

خلك مع المجلس الاعلى وخل تفكيرك صوب الحكومة
واترك منك الشركات انا اشتغلت فيها ومجربها لاتقدير ولا احترام ولا اجازات مع الناس تحس كانك اجنبي وبتعتزل العالم

[دايموند]

قطر ستيل لا رواتبهم ضعيفه
انطر وحاول تقدم ع قطر للالمنيوم/راس غاز /قطر غاز/كيو بي
اذا هالسنه عندهم اكتفاء السنه الجايه جرب...
بس قطر ستيل و وقود تعبانين

[super2015]

خلك مع المجلس الاعلى وخل تفكيرك صوب الحكومة
واترك منك الشركات انا اشتغلت فيها ومجربها لاتقدير ولا احترام ولا اجازات مع الناس تحس كانك اجنبي وبتعتزل العالم

تخصصي هندسه و لزم اشتغل في شركات البترول و الغاز و الصناعات .....

القصد اخذ بعثه من قطر ستيل ولا استمر مع المجلس لين ماحصلي شركه زينه او اتخرج واكون حر .

[super2015]

قطر ستيل لا رواتبهم ضعيفه
انطر وحاول تقدم ع قطر للالمنيوم/راس غاز /قطر غاز/كيو بي
اذا هالسنه عندهم اكتفاء السنه الجايه جرب...
بس قطر ستيل و وقود تعبانين


اي والله عرضو علي الراتب الي يوم اتخرج ضعيف جدا مقارنه بالشركات الثانيه قطر البترول و راس غاز و قطر غاز

[رجل الجزيرة]

عندك الريل وسهيل سات، بس مثل ماقالوا الإخوان خلك مع المجلس لين تخلص.

[ameeer3]

نصيحة ابعد عن شركات البترول ، انه اول ما بديت اشق طريقي توظفت في شركة الفينيل وتميت تقريبا شهرين وبعدها جاتني البعثه على امريكا ، بس رفضت وطلعت من البترول بسبب العنصريه والظلم الي شفته ، وعلى طول رحت كلية الطيران ، والحمد لله توفقت ،،،،،

من وجهت نظري دام تخصصك هندسة ميكانيكيا ، حاول اتشوف الجيش ، لان عندهم قسم الميكانيكا.
وبالتوفيق اخوي

[super2015]

عندك الريل وسهيل سات، بس مثل ماقالوا الإخوان خلك مع المجلس لين تخلص.

اي انا ببقى عل مجلس لين ما احصل لي شركه زينه استفيد منها و تتطورني

بس ماعرف اذا شركه قطر ستيل بتطورني و بستفيد منها نفس الشركات الثانيه

[R 7 A L]

تخصصي هندسه و لزم اشتغل في شركات البترول و الغاز و الصناعات .....

القصد اخذ بعثه من قطر ستيل ولا استمر مع المجلس لين ماحصلي شركه زينه او اتخرج واكون حر .

عادي هندسة
في كل وزارة ادارة هندسة وراح يكون لك فيها مستقبل افضل من الشركات

[super2015]

نصيحة ابعد عن شركات البترول ، انه اول ما بديت اشق طريقي توظفت في شركة الفينيل وتميت تقريبا شهرين وبعدها جاتني البعثه على امريكا ، بس رفضت وطلعت من البترول بسبب العنصريه والظلم الي شفته ، وعلى طول رحت كلية الطيران ، والحمد لله توفقت ،،،،،

من وجهت نظري دام تخصصك هندسة ميكانيكيا ، حاول اتشوف الجيش ، لان عندهم قسم الميكانيكا.
وبالتوفيق اخوي

شكرا على ردك .

اي طبعا الجيش الاعلى ف الرواتب و الامتيازات و الترقيات بعدها شركات البترول والغاز مثل مانسمع دايما .

[super2015]

عادي هندسة
في كل وزارة ادارة هندسة وراح يكون لك فيها مستقبل افضل من الشركات


قصدك يعني وزاره العمل و وزاره العدل سمعت انه رواتبهم جدا ضعيفه و والله اول مره اسمع انه ياخذون مهندسين

وزاره الداخليه ممتازه الراوتب و الامتيازات عاليه و افضل من الشركات بعد .

[R 7 A L]

قصدك يعني وزاره العمل و وزاره العدل سمعت انه رواتبهم جدا ضعيفه و والله اول مره اسمع انه ياخذون مهندسين

وزاره الداخليه ممتازه الراوتب و الامتيازات عاليه و افضل من الشركات بعد .

اذا صرت مدير ادارة في وزارة حكومية راتبك بيكون ممتاز بالاضافة الى الراحة
بعكس القطاع الخاص بيضيع عمرك فيه وفي الاخير اذا تقاعد الواحد ماراح يمشي له الا الاساسي والاجتماعية
والشركات اكثر مايرفع رواتبها هي العلاوات وفور تقاعد الموظف تطير العلاوات

[معماري قطري]

ما بقى لك سوى سنتين تقريباً وكل جهة يبي لها تعب لين يفكرون بس يشوفون أوراقك واتوقع بعضهم بيقولون لك تخرج وتعال .. باركز لك على أماكن ما حد ذكرها .. مثل الدفاع المدني .. لخويا وربعي هناك في إدارة القسم الهندسي والمرور .. ما ادري اذا تخصصك ينفع ولا لا .. الجيش سلاح المهندسين أو سلاح الصيانة وكلهم مقرهم في السيلية.

المشكلة كثرت الجهات .. درع الوطن الأمني عندك بعد والبحرية وسلاح الجو .. بس الشغل العسكري شوي متعب والتزام .. المدني عندك التخطيط العمراني والبلدية.

جهات كثيرة .. المهم تركز على ان يكون معدلك جيد وتطلب ماجستير أفضل لك وفي التخصص اللي هم يبونه .. حتى المستشفيات محتاجين مهندسين أجهزة طبية .. وميكانيكال والكتريكال والماجستير يخليك متخصص أكثر وجاهز لشغلة معينة.

فيه عندك هندسة نظم الأمان سواءً للبناء أو للمرور أو للمنشآءات الكبيرة .. هذي المفروض تبعث لها الدولة بدون تردد لأَن المفروض أي منشأة فيها مهندس مسؤول عن السيفتي والأمان.

دخلت مرة التخطيط العمراني وكان مكتب فوق غير عن مناطق الجمهور بس أتوقع يجونه مراجعين .. دورت مخرج الطواريء الا جدامه بارتشنات وعراقيل حتى لافتته ما تشوفها .. وهذا التخطيط العمراني يعني باب النجار منتف.

[super2015]

اذا صرت مدير ادارة في وزارة حكومية راتبك بيكون ممتاز بالاضافة الى الراحة
بعكس القطاع الخاص بيضيع عمرك فيه وفي الاخير اذا تقاعد الواحد ماراح يمشي له الا الاساسي والاجتماعية
والشركات اكثر مايرفع رواتبها هي العلاوات وفور تقاعد الموظف تطير العلاوات

صحح كلامكك .

شكرا و ننتظر رد باقي الاعضاء

[super2015]

ما بقى لك سوى سنتين تقريباً وكل جهة يبي لها تعب لين يفكرون بس يشوفون أوراقك واتوقع بعضهم بيقولون لك تخرج وتعال .. باركز لك على أماكن ما حد ذكرها .. مثل الدفاع المدني .. لخويا وربعي هناك في إدارة القسم الهندسي والمرور .. ما ادري اذا تخصصك ينفع ولا لا .. الجيش سلاح المهندسين أو سلاح الصيانة وكلهم مقرهم في السيلية.

المشكلة كثرت الجهات .. درع الوطن الأمني عندك بعد والبحرية وسلاح الجو .. بس الشغل العسكري شوي متعب والتزام .. المدني عندك التخطيط العمراني والبلدية.

جهات كثيرة .. المهم تركز على ان يكون معدلك جيد وتطلب ماجستير أفضل لك وفي التخصص اللي هم يبونه .. حتى المستشفيات محتاجين مهندسين أجهزة طبية .. وميكانيكال والكتريكال والماجستير يخليك متخصص أكثر وجاهز لشغلة معينة.

فيه عندك هندسة نظم الأمان سواءً للبناء أو للمرور أو للمنشآءات الكبيرة .. هذي المفروض تبعث لها الدولة بدون تردد لأَن المفروض أي منشأة فيها مهندس مسؤول عن السيفتي والأمان.

دخلت مرة التخطيط العمراني وكان مكتب فوق غير عن مناطق الجمهور بس أتوقع يجونه مراجعين .. دورت مخرج الطواريء الا جدامه بارتشنات وعراقيل حتى لافتته ما تشوفها .. وهذا التخطيط العمراني يعني باب النجار منتف.


شكرا على ردك معماري قطر

[معماري قطري]

شكرا على ردك معماري قطر

العفو يا اخوي .. والله يوفقك السعي للعمل الكريم ضروري

[بعيد النظر]

انا نفس تخصصك تخرجت سنة ال 2010 ..
ورحت ودرست على حساب المجلس الاعلى ..

كنت اعاني صراحة بسبة قلة الراتب ..
لكن الحمدلله يوم تخرجت .. كنت شيخ ..
اتنقى بين الشركات واجوف الاوفر اللي يعجبني !
محد يلزمني اداوم في مكان معين ؟ يعني يغصبوني على دخان ولا لفان ولا مسيعيد !!


وسبحان الله خذت اصعب وظيفة اللي هي اوف شور ..
وكنت اقعد بالـ 3 اسابيع هناك .. واللهم لك الحمد اكتسبت خبرة ..
وطلعت من الشركة والحين في لفان ..


كل شي يعتمد عليك انت ؟ بتستحمل كمل ؟
اما اذا ودك بـ سبونسر فـ الله يوفقك ..

وفي شركات ثانية .. تجيكم لندن كل سنة ..

اما بالنسبة للقطاع العسكري ..
عندك لخويا + الجيش .. وعندك خفر السواحل ..
يدورون ..


والكلام ان رواتب هل العسكرية اكثر من رواتب المهندسين في قطاع خاص غير صحيييييييح !!
ربعي تخرجو معاي ويداومون هناك .. وتقريبا" نفس الراتب بفرق شي بسيط ما ينذكر .. مع بدل ال ra





وموفق يالشيخ

[super2015]

انا نفس تخصصك تخرجت سنة ال 2010 ..
ورحت ودرست على حساب المجلس الاعلى ..

كنت اعاني صراحة بسبة قلة الراتب ..
لكن الحمدلله يوم تخرجت .. كنت شيخ ..
اتنقى بين الشركات واجوف الاوفر اللي يعجبني !
محد يلزمني اداوم في مكان معين ؟ يعني يغصبوني على دخان ولا لفان ولا مسيعيد !!


وسبحان الله خذت اصعب وظيفة اللي هي اوف شور ..
وكنت اقعد بالـ 3 اسابيع هناك .. واللهم لك الحمد اكتسبت خبرة ..
وطلعت من الشركة والحين في لفان ..


كل شي يعتمد عليك انت ؟ بتستحمل كمل ؟
اما اذا ودك بـ سبونسر فـ الله يوفقك ..

وفي شركات ثانية .. تجيكم لندن كل سنة ..

اما بالنسبة للقطاع العسكري ..
عندك لخويا + الجيش .. وعندك خفر السواحل ..
يدورون ..


والكلام ان رواتب هل العسكرية اكثر من رواتب المهندسين في قطاع خاص غير صحيييييييح !!
ربعي تخرجو معاي ويداومون هناك .. وتقريبا" نفس الراتب بفرق شي بسيط ما ينذكر .. مع بدل ال ra





وموفق يالشيخ


شكرا على ردك الجميل بعيد النظر

مشكله احس احين تخصص الهندسه الميكانيكيه وحده من التخصصات الي اغلبيه الشركات متشبعه منه و ماتبيه

ف خايف سنه 2018 اتوهق و ماحصل مكان اشتغل فيه الا الشركات الجديده الي بتطلع توها

اي والله كلامك صح اذا خذت سبونسر من احين ف بنجبر على كيف الشركه وين توديني ، اما اذا بعدين بيكون

الاختيار لي .

[super2015]

للرفع

[super2015]

السلام عليكم ورحمه الله و بركاته

انا مهندس ميكانيكي و ادرس في بريطانيا حاليا على حساب المجلس الاعلى .

جاني اوفر من قطر ستيل ( قطر للحديد و الصلب ) قاسكو .

هل الشركه زينه ولا لا لني محتار اغير ولا ابقى عل مجلس

ارجوو تعطوني اقتراحاتكم .

[معماري قطري]

كنه مر علي هالموضوع من يومين وبنفس الاسم ولا انا حلمان

[super2015]

كنه مر علي هالموضوع من يومين وبنفس الاسم ولا انا حلمان


صححححح بس ماستفدت ماقلتولي الشركه اذا زينه او لا

[دايموند]

اعتقد قلت لك مب زينه !!!

[qatarman8008]

مرحبا اخوي..
ترى السبونسر مع شركات البترول ممتاز..
رواتب واغراءات ووظيفتهم ثابته ومضمونة..
ولكن.. لازم تكون متاكد انك بتحب الشغل معاهم وبتشتغل مب اقل من خمس سنوات او على حسب المدة اللي عطوك فيها سبونسر..
انا شخصيا اعرف شباب خذوا سبونسر وبعد التخرج انصدموا باشياء كثير ة ما كانوا يدرون عنها..
حاولوا تغيير القسم وتصعبت الامور..
حاولوا يقدمون استقالاتهم بعد تصعبت..
اذن انت لازم تتاكد من اشياء كثيرة قبل لا تقرر انك تتوظف في هالشركة او ذيك.. هذا اولا..
ثانيا تخصص الميكانيكا هو من اكثر التخصصات طلبا في جميع شركات البترول وخصوصا في قسم الصيانة والهندسة وادارة المشاريع..
لكن يبي لك تتعرف على شخص او تتحين الفرص للتوظيف..
واتمنى لك التوفيق..