+ قطر تستحق الافضل +

[شبح الصمت]

السلام عليكم ورحمة الله وبركاته ....


الله أكبر الله أكبر الله أكبر

لا اله الا الله


-----


كلنا شفنا هالاعلانات في انحاء الطرقات ( قطر تستحق الافضل )

اي بالله تستحق الافضل والافضل والافضل والاحسن والحمد لله

أمير والد حكمها ويمشي على نهجه امير شاب وحاكم ربي يحفظهم ويطول باعمارهم ..
ويرزقهم البطانه الصالحه
ويحفظ قطر من كل سوء وشر
ويحفظ الخليج والامة الاسلامية من كيد الكائدين والحاقدين

الدولة تمشيء على مسيرة بناء وتطوير البلد وبناء وتطوير المواطن ..


لكن يآلمني والله الشيء الي نشوفه من مشاريع كبيرة وبمبالغ كبيرة تصرف لهذه المشاريع التي نرى فيها الامل والتطوير ..

الدولة
تصرف مليارات للبنيه التحتية
تصرف مليارات لامور كثيرة ومن اهمها وهي الاهم الانسان ( المواطن ) تعليمه وتطويره لكي يشرف على مشاريع دولته وعلى امور كثيرة والاكتفاء بهم لخدمة الوطن ..

هل حان الوقت للاكفتاء بالمشاريع التي نراها بنظرة اضخم المشاريع وفي بداية عملها نراها تتساقط ونتحسر على الاموال التي صرفت عليها .. !!!



لماذا
هل الخلل من المسؤول
هل الخلل من صاحب المشروع
هل الخلل من اعطى االامانة وخانها !!


سمعنا من ايام عن مشروع كبير وتم اكتشاف اخطاء فيه .

لا نقول انه ليس هناك اخطاء ولكن تكرار الاخطاء في المشاريع شيء غريب ..
ولماذا لا نرى المشاريع فالدول الخارجية عند اول افتتاح لها تنهار ..

هل لانه العامل عليها انسان يخاف الله
او انه يخاف على وطنه ..


هل لو مثل كل شخص امام القضاء او مثلة اللجنة التي اشرفت على المشروع لما كان هناك اخطاء متكررة من الاشخاص الذين يفكرون انه يعطى لهم مشروع وبعد فتره نراه ينهاار ..


يمكن خانني التعبير بس حبيت اعبر عن ما بداخلي ..

[بانغ بانغ]

تحياتي شبح

المشكلة المشاريع كثيرة وكبيرة

المسئولين معدودين

الميزانية صندوق كنز مفتوح


الحكومة تنحرج في اخر لحظة واتمشي المشاريع لين تنتهي

بالعربي الفصيح البوقات والمؤامرات مدروسة ... اخر الشغل عشان الحكومة تتوهج واتقولنا ... خلصونا بس

نفس المطار ..

معقولة مطار عادي وعادي جدا ايكلف 47 مليار ريال ....

ولا مليون مادري .. لان الارقام قامت تتشابه علينا

[بانغ بانغ]

الظاهر ربعنا عيب عندهم ايحققون في بوقات مشارع حكومية عشان محد ايقولهم """ ابخله """

من كذا انا سألت سؤال من فترة عن دور هيئة الشفافية اللي اختفت بعد تعديل هيكلها .

[شبح الصمت]

بو بانغ

اشكرك على مشاركتك ..

ما اتوقع انه تكون في جلسه وصنفوو يلا نسوي هالمشروع ويسوونه !!

لازم في دراسة كاملة متكامله عن المشروع وعن نسبة النجاح ونسبة الفشل او الاخطاء الي راح تصير لو تقريبيه يا بانغ ..


المطار للامانة شيء رهيب لو كان في اخطاء بسيطة ولكنه مشرف ولو نفكر قبل المطار الصغير اشلون كان يتسع لهالعالم ..

والحين نشوف اشلون الاعداد الكبيرة الي تستقدم والي تسافر ..


وعن المشاريع الاخرى كثيرة ياخي وكل مره نشوف في اخطار متكررة ..

مثال الجسور والمياه الي غرقتها !!

شالسبب ما كان في دراسة ..

او انهم حطو في بالهم اوووه من صجك الدوحة ما يجيها المطر الا في الموسم كامل 3 ايام ويوقف يعني عادي الموضوع !!

كم يوم والناس تنسى ..

الشوارع والزحمة ..

اليوم في كيف اصبحت اسلوو مهندس
المشاريع تتآخر ليش ..

قال انه اشغال متشاركه مع كهرماء واريدو يعني يمكن في جهة تبي تخلص والجهة الثانية المواد مش موجودة فيتآخرون لين توصل هالمواد ..


يعني احنا نلومهم لكن في شغل قائم ..

لكن بعد هالشغل هالمشروع نضمن انه ما راح يتم عمل مره اخرى فيه لاجل خطأ جهه معينه !

[JN000N]

لان في ضمير غائب ومستفيد خفي
عشان جي حتى ولو كنت بذمتك وضميرك تكد لازم يمر شي من تحتك وانت خبر خير
الله يعين

[شبح الصمت]

لان في ضمير غائب ومستفيد خفي
عشان جي حتى ولو كنت بذمتك وضميرك تكد لازم يمر شي من تحتك وانت خبر خير
الله يعين


مش لازم يتحاسب الضمير الغائب والمستفيد الخفي ..


صدقيني يا جنون لو كان في محاسبه وامتثال امام القضاء على اقل شيء اتوقع راح يكون في محاسبه من النفس الدنيئة الي تبي تسوي الغلط ..

[عثرة جواد]

السلام عليكم

ابدعت اخوي شبح الصمت

عزائنا ان تكون هناك لجنة متابعة لكل المشاريع

ويكون فيها ثواب وعقاااب .....

عساك ع القوة

[JN000N]

مش لازم يتحاسب الضمير الغائب والمستفيد الخفي ..


صدقيني يا جنون لو كان في محاسبه وامتثال امام القضاء على اقل شيء اتوقع راح يكون في محاسبه من النفس الدنيئة الي تبي تسوي الغلط ..



اي قضاء الله يهديك
قضاء يطلع حقك من عينك عقب ما يشيب عمرك؟
وهو حقك لك مب حق غيرك
والا محاسبة من بالضبط
اذا شريحة مستفيده كلن بيغطي عالثاني
نفس سالفة الفلل السكنيه اصحابها اعترضو على تعديل قانون الموارد البشريه الي يحول غير القطري من عسكري لفني مدنني لان بيستفيد من مميزات وايد
القطري مايقدر يستفيد منها ولو ان راتبه اقوى
شريحة اعترضت وشريحه وقفت ضدهم لانهم مستفيدين
شنسوي!

[Charisma]

يصبحك بالخير اخوي شبح ،

وباختصار / الشخص الأمين الغيور ، "محارب" من ضعاف النفوس .

لابد من تفعيل قوانين حازمه وصارمه و انشاء لجنه تملك الصلاحيات لمراقبة ومتابعة ومحاسبة جميع الجهات .

[بعيد النظر]

الميزانية مفتوحة ..
والمحاسبة والمراقبة غايبة !

المستفيد الاكبر ..
صاحب الشركة اللي طاحت المناقصة عليه ..


والشغل اللي يصير مش حالك ..
وعقبها بسنة .. رقع الغلط بـ غلط ..
وعلى هـ المنوال ..



السؤال .. عطني مشروع واحد في قطر .. متكاامل ؟ ومافيه مشاكل ؟

[شبح الصمت]

السلام عليكم

ابدعت اخوي شبح الصمت

عزائنا ان تكون هناك لجنة متابعة لكل المشاريع

ويكون فيها ثواب وعقاااب .....

عساك ع القوة



وعليكم السلام ورحمة الله وبركاته ،،

يا مرحبا يا عثرة ..

اتوقع يوجد لجان لكل المشاريع
ولكنن هل توجد لجان بعد انتهاء المشاريع .

لجان تقييم كل مشروع ..

اتمنى في تخصصات تجبر فيها الدولة الطلاب انهم يدرسونها

نبي ناس تمسك من هل البلد ناس تخاف الله ..
ناس تبني وتعمر مش ناس يجون يلحسووون ويمشوون وهم ماشيين ..

او ناس غاب الضمير ..

[شبح الصمت]

اي قضاء الله يهديك
قضاء يطلع حقك من عينك عقب ما يشيب عمرك؟
وهو حقك لك مب حق غيرك
والا محاسبة من بالضبط
اذا شريحة مستفيده كلن بيغطي عالثاني
نفس سالفة الفلل السكنيه اصحابها اعترضو على تعديل قانون الموارد البشريه الي يحول غير القطري من عسكري لفني مدنني لان بيستفيد من مميزات وايد
القطري مايقدر يستفيد منها ولو ان راتبه اقوى
شريحة اعترضت وشريحه وقفت ضدهم لانهم مستفيدين
شنسوي!



ما عندي علم في هالموضوع جنون ..

اتمنى الكل ياخذ حقه

[شبعان]

تحياتي شبح

المشكلة المشاريع كثيرة وكبيرة
المسئولين معدودين
الميزانية صندوق كنز مفتوح
الحكومة تنحرج في اخر لحظة واتمشي المشاريع لين تنتهي
بالعربي الفصيح البوقات والمؤامرات مدروسة ... اخر الشغل عشان الحكومة تتوهج واتقولنا ... خلصونا بس
نفس المطار ..



معقولة مطار عادي وعادي جدا ايكلف 47 مليار ريال ....


ولا مليون مادري .. لان الارقام قامت تتشابه علينا


تكلفة المطار الجديد 17 مليار دولار يعني 62 مليار ريال !!!!؟؟؟؟



Hamad International Airport in Qatar cost $17 billion and is six years late

المصدر:



http://www.news.com.au/travel/travel-updates/hamad-international-airport-in-qatar-cost-17-billion-and-is-six-years-late/story-e6frfq80-1226895307701

[شبح الصمت]

يصبحك بالخير اخوي شبح ،

وباختصار / الشخص الأمين الغيور ، "محارب" من ضعاف النفوس .

لابد من تفعيل قوانين حازمه وصارمه و انشاء لجنه تملك الصلاحيات لمراقبة ومتابعة ومحاسبة جميع الجهات .



ويصبحك بلي يسر خاطر ياكابتن ..

صدقت
ولهدرجة يا كابتن مافي اشخاص غيورين ومحسوبين وعدد الناس الي يحاربونهم اكثر !!!


والله تحز فالخاطر هالكلمات .

وصلنا انه عدد الناس الي تبي مصلحتها قبل مصحلة البلد اكثر من الي يحبون يشوفون ازدهار وتطور البلد ..

لا حول ولا قوة الا بالله

[شبح الصمت]

الميزانية مفتوحة ..
والمحاسبة والمراقبة غايبة !

المستفيد الاكبر ..
صاحب الشركة اللي طاحت المناقصة عليه ..


والشغل اللي يصير مش حالك ..
وعقبها بسنة .. رقع الغلط بـ غلط ..
وعلى هـ المنوال ..



السؤال .. عطني مشروع واحد في قطر .. متكاامل ؟ ومافيه مشاكل ؟


ميزانية مفتوووحه
هالكلمات اشكثر نسمعها ..

انزين ميزانية مفتوحه لمشروع يبيض الوجه ما عندك اي مشكلة
لكن ميزانية مفتوحه واخرتها تطلع اخطاء فيه ..


تدري هذه الكلمة اهي الي اطمع اصحاب النفوس المريضة انها تسوي هالشغل التعبان .
وتلف وادور

دااام يمشوون تحت

ميزانية مفتوحه