هل في قانون او طريقة أقدر اجبر كفيل ينقل كفالة مكفوله لي؟؟؟

[fantasy]

السلام عليكم اخواني
خلوني اشرح لكم الموضوع: في تركي شغال في مطعم و صارله وياهم سنتين و سبع شهور و لا مزودين راتبه ولا ماعطينه اللي يستحقه جيت قلت له ابغيك
مستحيل طبعا بينقلون كفالته رغم مماطله بأنهم بيعطونه ورقة و اكذبوا عليه عموما الحين قالوا له تعال استلم جوازك و طبعا مافهم شنو المقصد بس اكيد انهم ماراح يعطونه اخلاء طرف

سوالي هو في طريقه لان سمعت اللي قالي واحد مره يقدر هالرجال انه يشتكيهم في العمل و ياخذ حقه.. ياليت الافاده الله يبارك فيكم

[المهاجر]

عليكم السلام ورحمة الله وبركاته

اذا وقع عليه ظلم او تعسف من الكفيل يقدر يروح ادارة حقوق الانسان التابعه لوزارة الداخليه

ويشرح لهم وضعه مع ما يثبت كلامه ويقدم طلب بنقل كفالته وهم بيحققون في الموضوع

واذا ثبت صحة كلامه بيقومون بالاجراء الازم معاه

[البحار00]

أولا راتبه يأخذه أولا وهل الي هو متفق علية في العقد

وبعدين اذا أثبت انه يأخذ راتبه غير المتفق عليه ممكن انه يشتكي

ويأخذ حقه

وبعدين موضوع انه يطالبهم في زياده هالشي يكون كبند موجود

بالعقد أن بعد كذا سنه تكون له زيادة بالراتب

أما موضوع نقل كفالته ما يجوز نقل كفالته إلا بموافقة الكفيل

ولو الغى إقامته ماتقدر تجيبه إلا بكتاب عدم ممانعة من الكفيل

لكن لو مضى على إلغاء الإقامه أكثر

من سنتين ممكن انك اتجيبه على كفالتك بدون ماترجع للكفيل

السابق

[fantasy]

مشكورين ماقصرتوا، لا هو راتبه يستلمه بس من يوم اشتغل مازودوه ريال
للاسف معناه مافي طريق الا نقل الكفاله اللي مستحيل يصير و الله يعين

[H H]

مشكورين ماقصرتوا، لا هو راتبه يستلمه بس من يوم اشتغل مازودوه ريال
للاسف معناه مافي طريق الا نقل الكفاله اللي مستحيل يصير و الله يعين

ادفع للكفيل عشر الاف وبينقل لك كفالته . كلمه شخصياً وباسلوب طيب وبيوافق على العشر الاف.
اغلب العمّال الممتازين ماتقدر تجيبهم لمحلك الا بهالطريقه.

[بوخميس]

حسب القانون الحالي لازم موافقة الكفيل، في القانون الجديد في حال اقراره بمجرد انتهاء العقد يقدر يتعاقد مع جهة أخرى.

كلم كفيله ودياً لان مافي طريقة ثانية، أما موضوع انه يشتكي فانسى، ممكن ياخذ سنين وبيقعد بدون شغل، والقانون مب في صالحه

[بوخميس]

حسب القانون الحالي لازم موافقة الكفيل، في القانون الجديد في حال اقراره بمجرد انتهاء العقد يقدر يتعاقد مع جهة أخرى.

كلم كفيله ودياً لان مافي طريقة ثانية، أما موضوع انه يشتكي فانسى، ممكن ياخذ سنين وبيقعد بدون شغل، والقانون مب في صالحه

[توشيبا]

السلام عليكم

اخوي انت عندك مطعم ورحت مطعم ثاني وقلت حق الموظف تعال اشتغل عندي وازيد راتبك

ولا هالموظف صاحب لك وتبغي تساعده تنقل كفالته من كفيله الحالي وتشوف له شغل مع راتب اعلا


ان كان القصد من اول سطر كتبته صحيح ترضى احد يجي مطعمك ويقول حق موظفك ابغيك وانقل على كفالتي ؟

[بومحمد55]

لو عندك سايق يشتغل عندك في البيت وشايل البيت كله وراتبه 1500 وبعد سنتين زياده 50 ريال

وجاء واحد قاله بعطيك 1650 تعال عندي .

هل بترضى أن ياخذه غصباً عنك

[المحاميه]

مع اخر ردين
لكن كل شي بالاتفاق والكلام الطيب ممكن

اما تجبره بالقانون او بالتحايل؟

[رُفق المجنّا]

قانونياً ما اعتقد فيه ولكن اما انك تكلم الكفيل بشكل ودي او يسافر وينتظر فترة ويجي ع كفالتك

[دايموند]

اتفق مع توشيبا وبومحمد

اشكره من كلامك تبي تبوق الريال من كفيله

واذا عالزياده هل فالعقد مكتوب له زياده سنويه؟!!!

والله عيب عليك

[حليتان*]

هالحركه الي مخربه العالم علينا وعقب نتشكى ان العمال يشردون

[محمد سعيد]

بحكم خبرتي في مجال حقوق الانسان

مهندس مدني يعمل لدى احدى الشركات الي يديرها نفس جنسيته وديانته طبعا راس المال قطري لكن مافي معلوم بس يقبض اخر الشهر

توقف عن الراتب شهر عشرة الي راح وارسل اميل يطلب فيها الراتب عبارة عن ثلاثة الاف ريال قطري فقط والسكن والمواصلات عليهم

تم المهندس ساكت لين ماكمل 3 شهور وطبعا كل يرسل اميل يسال ليش مانزلتوا الراتب يخبرونه ان عندهم مشاكل في المشروع وراح يعوضونه التاخير

المهم المهندس اشتكى عندي وووديته وزاة العمل يشتكي عليهم طلع ان هم بلغوا عليه ان هربان ولازم يروح الابعاد

وراح الابعاد وتم في الابعاد خمس ايام

وتم عرض المهندس المسكين على القاضي وخبر القاضي ان ماكان هربان وان يداوم يوميا وان ماسلموه راتبه

فافرج عنه القاضي حتى يتم النظر في القضية والادلة الي راح تقدم من قبل المدعي وهي الشركة

خرج هذا المهندس بلا سكن ولا مواصلات ولا راتب

سكن عند شخص من جنسيته مهندس لكن في شركة ثانية

وراح حقوق الانسان الي صوب الدوحة الجديدة وفتحوا له ملف

وبعد شهريين حولوا الملف لحقوق الانسان التابع للداخلية

وراح تابع حقوق الانسان التابع للداخليه عشان يطلب منهم الموافقة على نقل الاقامة عشان يقدر يعيش حتى تنتهي قضيته الي اجلوها له لين شهر 1-2015

طبعا المهندس تم يتابع حقوق الانسان لين ماطلعت عينه في شهر 2 ععطوه موافقة ان ينقل اقامته لشركة اخرى

اما المحكمة عرض اميل للقاضي ان كان يتواصل مع العمل عن طريق الاميل ولشركة عرضة وصولات مزورة بتوقيعه ان استلم الراتب

حكمة المحكمة لصالحة ودفعت الشركة راتب المتاخر وغرامة تاخير حول 5000 ريال


وخذ فلوسه

واستمرت الشركة تنصب على غيره من قبل نفس الجالية الي من جنسيته


وراعي الحلال الله بالخير

سؤال يسدح نفسه

لو ماحصل مأوى لين تنتهي القضية وياخذ حقوقه من الشركة ! ومعطوه نقل كفالة عن طريق حقوق الانسان في الداخليه الي تاخرت بسبب اللجنة الي تجتمع كل كم لكم

شنو مصيرة...؟

[مختلف جداََ]

يا جماعة الخير ما اختلفنا إنه القانون في صف الكفيل

و إنه مب عدله تحاول انك تستميل موظف أو عامل بمبلغ زياده عشان يشتغل عندك

بس الحق ينقال في حالات وايد اعرفها شخصياً تجيهم صج عروض قوية مب خمسميه ولا ألف ريال زيادة .

والكفيل لا هوب راضي يزيده لو زياده بسيطة ولا هوب راضي إنه ينقل له كفالته .
والعامل أو الموظف يتم سنين على نفس الراتب .
انزين في هالحاله شالحل .

يعني الموظف اذا اشتغل وهو عزوبي براتب معين .

وبعد كم سنه تزوج تلاقي صاحب الشغل باليا الله يزيده ألف و لا ألف وخمسميه بدل سكن .

انزين هذي شتسوي له .


ومع ذلك ما ننكر إنه في ناس وايد عندهم موظفين وما يقصرون معاهم .

[المحاميه]

لا حول ولا قوة الا بالله

معقوله فيه ناس جذي
تاكل مال حرام اشكره عيني عينك؟

شلون يكملون يومهم؟ مافي احساس ولا الضمير ميت ..

طيب اذا فلت من عقاب الدنيا اشلون بتواجه الجبار؟

[fantasy]

اتفق مع توشيبا وبومحمد

اشكره من كلامك تبي تبوق الريال من كفيله

واذا عالزياده هل فالعقد مكتوب له زياده سنويه؟!!!

والله عيب عليك

هههههه والله ضحكتوني يا جماعة قلبتوها عيب وماعيب و خليتوا اللي يسأل هو نفسه المجرم
اش سالفتكم ياخي شاركوا بكلام طيب مفيد او لا تعبون نفسكم سبحان الله
خل اوضح لكم القصه عشان مايصير تطاول علي والله ماتسوى علي كتيت المشاركه
للتوضيح وللي مب فاهم هو قالي اصلا بيرجع بلاده خلاص زهق منهم جيت تدخلت بموضوع نقل الكفاله
فهمتوا يالطيبين و يا دايموند اللي مشالله عليك علا طول صرت قاضي و حكمت؟؟؟

[دايموند]

ههههههه...بعد مارقعتها...يعني ليحين يعني مصر تبوق الريال :tease:

[fantasy]

:omg:
حسستني مالك مطاعم مكدونلدز

و يبي يتوسع
اشكرك على روحك الطيبة و ابشرك الرجال راح بلا رجعة
اكيد من دعاويك بس مسامحينك

[دايموند]

يا ولد الحلال خيره لك ..ماتدري

شوف لك واحد فرش ابرك لك وانت تعلمه ع قوانينك الي يجيك وهو مشتغل في مكان ثاني بيقعد يتفلسف عليك وغالبا بيخون فيك..

لا تزعل منا...

[fantasy]

أفا عليك والله أزعل من اخوي
الله يوفق الجميع يارب

[وليف الشوق]

انا ماادري الناس ليش تخرب على الناس
وليش انت من الاساس تاخذه مع اني جايبه وتعبان فيه وشغال في المحل ونافعني وتجي انت تغريه وتاخذ ؟
ليش ياعالم هالطريقة هذي وقطع ارزاق العالم ونغري فلان وعلان وليش الاسلوب هذا بيننا لما نشوف واحد عجبنا نحاول ناخذه بأي طريقه
والشي الثاني اللي لازم الكل يعرفه اني مثلا جايبه بعقد وراتبه بيكون 1000 ولا 2000 ريال بدزن زيادة بالرابط المربوط او زيادة في العلاوات مستقبلا"


قانونا وشرعا مايجوز انك تغري اي شخص وتاخذه من الكفيل ايا كان الثمن

[H H]

ههههههههههههههههههههههههههه.

ياجماعة الخير الاسواق الحره ماتشتغل الا بهالطريقه!
السوق عرض وطلب , اذا عرض الرجال اقوى اكيد الموظف بيترك كفيله ويجيه! والي ماعندوش مايلزموش!
بس المشكله ان عقود العمل عندنا مستحيل تعطي العامل الحق انه يجيني اذا عرضت عليه راتب افضل!
بالعكس تعطي كفيله الحالي الحق والقوه انه يجبره يشتغل معه او يسفّره ويمنعه من دخول البلاد كم سنه.

الواحد فينا ان لقى عرض وظيفي افضل بزياده 30% الى 40% شل اغراضه وقالهم الله يستر عليكم!
فليه نمنع هالشي عن هالفقارى , عموماً:

استمر في محاولاتك اخوي , لكن بالطرق القانونيه , وان ماقدرت تجيبه , لاتخرب على كفيله الحالي.
حاول فقط انك تكون رجل اعمال يتصرف بطريقه احترافيه وحط عرضك عالطاوله.

[H H]

على طاري الكفاله , في اخبار عن تغير نظام الكفاله وعن ربط العامل بعقد فقط , وبنهاية العقد من حقه ينتقل لعمل آخر.
بس للحين ماندري عن هالنظام وعن صحة هالكلام وتاريخ صدوره.



الله يوفقكم جميع.

[hany7403]

بالتراضي مع الكفيل