رياضه المشي بالمجمعات التجاريه

[حمد 2002]

السلام عليكم ورحمه الله وبركاته

رياضه المشي بالمجمعات التجاريه

انتشرت بالفتره الاخيره بالمجتمع القطري قيام بعد الاشخاص (( وانا منهم )) ، بمارسه رياضه المشي بالمولات التجاريه ، حيث نجد بان بعض المولات تلك بها مساحات شاسعه ، تشجع على المشي بها .

فما رأيكم بتلك الظاهره ؟ هل تؤيدونها ام لا ؟ وهل يشكلون بعض الناس الذين يمارسون رياضه المشي بالمجمعات التجاريه مضايقه على مرتاديه ؟


شكرا لكم ..

[راجي الْعفو]

وعليكم السلام و رحمة الله و بركاته

والله يالكاتب الصحفي المجمعات ما حطوها في الاصل للتمشايه حسب ما اعرف

تخلص غرضك و تمشي

اتوقع التمشايه فيها مضايقه للناس و ربما سببت مشاكل


ارض الله واسعة ، ممكن الواحد يمشي فيها مثل ما يحب ..


تحياتي التوفيّـــة

[شيخ الديرة]

السلام عليكم ورحمه الله وبركاته

رياضه المشي بالمجمعات التجاريه

انتشرت بالفتره الاخيره بالمجتمع القطري قيام بعد الاشخاص (( وانا منهم )) ، بمارسه رياضه المشي بالمولات التجاريه ، حيث نجد بان بعض المولات تلك بها مساحات شاسعه ، تشجع على المشي بها .

فما رأيكم بتلك الظاهره ؟ هل تؤيدونها ام لا ؟ وهل يشكلون بعض الناس الذين يمارسون رياضه المشي بالمجمعات التجاريه مضايقه على مرتاديه ؟


شكرا لكم ..

اشجعك, وأتمنى ادارة المجمعات يقومون باتخاذ اجراءات تشجع هذه الظاهرة, مثل وضع خطوط ارضية تمثل مسارات لممارسي الرياضة, علامات مسافات, غرف تبديل ملابس, الخ ..

[بالول]

يعتمد على الوقت الي تمشي فيه داخل المجمع؟؟؟؟

غالباً اختار وقت الظهر او اول العصر او الصباح مع تفادي ايام الخميس والجمعة .....

خاصة لم يكون الجو حار تعتبر المولات المكان المناسب للمشي ..........

ادارة ازدان مول جزاهم الله خير يوفرون عبوات المياه المجانية والتفاح الاخضر لممارسي رياضة المشي داخل المول ...........

[R 7 A L]

دام يمشي ومايضيق على خلق الله مافيها شي بالعكس شي طيب والكل مستفيد

[بومحمد المطاوعه]

هههههههه

لاتعليق

ثوب وجوتي رياضه مثلآ
هههههههههههه


وبعدين الله يهديك
المجمعات في بعض الناس
لا لباسهم عدل ولا حاشمين الناس ,,

والأرضيه غير مساعده للمشي ,,

انصحك ب سباير ,,

وكلامي من كلام اخوي راجي العفو
ولا ازيد على الكلام شيء

تحياتي

[بعيد النظر]

هـ الظاهرة موجودة فـ الكويت ..
عاد مادري اي مجمع .. كلهم جواتي رياضة (وانتو بكرامة ) ..
ومششششششي !


عن نفسي ما راح اسويها .. ولا حتى افكر فيها !

[بوخميس]

قال صلى الله عليه وسلم: (أحب البلاد إلى تعالى مساجدها، وأبغض البلاد إلى الله أسواقها) رواه مسلم

وقال سلمان الفارسي رضي الله عنه : (لَا تَكُونَنَّ إِنْ اسْتَطَعْتَ أَوَّلَ مَنْ يَدْخُلُ السُّوقَ ، وَلَا آخِرَ مَنْ يَخْرُجُ مِنْهَا ، فَإِنَّهَا مَعْرَكَةُ الشَّيْطَانِ ، وَبِهَا يَنْصِبُ رَايَتَهُ) رواه مسلم

وقال القرطبي رحمه الله :

"في هذه الأحاديث ما يدل على كراهة دخول الأسواق ، لا سيما في هذه الأزمان التي يخالط فيها الرجال النسوان ، وهكذا قال علماؤنا ، لما كثر الباطل في الأسواق وظهرت فيها المناكر : كره دخولها لأرباب الفضل والمقتدى بهم في الدين ، تنزيها لهم عن البقاع التي يعصى الله فيها ، فحق على من ابتلاه الله بالسوق أن يخطر بباله أنه قد دخل محل الشيطان ومحل جنوده ، وأنه إن أقام هناك هلك ، ومن كانت هذه حاله اقتصر منه على قدر ضرورته ، وتحرز من سوء عاقبته وبليته" انتهى .

"الجامع لأحكام القرآن" (13/16) .


هذي الاماكن الواحد ما يدخلها الا للحاجة، مب تستوي مكان للترفيه. الله المستعان

[شبح الصمت]

تبي تحرق ما راح المجمع ينفعك في المشيء ..

لانه تبي تحرق سعرات حرارية في جسمك ..

ترى خط الرفاع زين

واتمنى انه يفتحون قاعات المدراس المغلقه للمشيء للناس الي ما يتحملون الحر ...


انا اشوف افضل واحسن حل ..

ويخصصون يوم للنساء ويوم للرجال ..


وشكراً كابتن حمد

[بعيد النظر]

تبي تحرق ما راح المجمع ينفعك في المشيء ..

لانه تبي تحرق سعرات حرارية في جسمك ..

ترى خط الرفاع زين




وش علاقة حرق السعرات بالمشي فـ المجمع ؟!
وليش ما راح يحرق في مجمع وبيحرق في خط الرفاع ؟!

[شبح الصمت]

وش علاقة حرق السعرات بالمشي فـ المجمع ؟!
وليش ما راح يحرق في مجمع وبيحرق في خط الرفاع ؟!



على حسب كل جسم ياخوي ..

لانه المكان راح يكون مكيف ومصكر فالجسم راح يتآخر في انه يحرق ..

غير انه يوم يمشي في جو مكشوف راح يحرق اسرع

[راجي الْعفو]

قال صلى الله عليه وسلم: (أحب البلاد إلى تعالى مساجدها، وأبغض البلاد إلى الله أسواقها) رواه مسلم

وقال سلمان الفارسي رضي الله عنه : (لَا تَكُونَنَّ إِنْ اسْتَطَعْتَ أَوَّلَ مَنْ يَدْخُلُ السُّوقَ ، وَلَا آخِرَ مَنْ يَخْرُجُ مِنْهَا ، فَإِنَّهَا مَعْرَكَةُ الشَّيْطَانِ ، وَبِهَا يَنْصِبُ رَايَتَهُ) رواه مسلم

وقال القرطبي رحمه الله :

"في هذه الأحاديث ما يدل على كراهة دخول الأسواق ، لا سيما في هذه الأزمان التي يخالط فيها الرجال النسوان ، وهكذا قال علماؤنا ، لما كثر الباطل في الأسواق وظهرت فيها المناكر : كره دخولها لأرباب الفضل والمقتدى بهم في الدين ، تنزيها لهم عن البقاع التي يعصى الله فيها ، فحق على من ابتلاه الله بالسوق أن يخطر بباله أنه قد دخل محل الشيطان ومحل جنوده ، وأنه إن أقام هناك هلك ، ومن كانت هذه حاله اقتصر منه على قدر ضرورته ، وتحرز من سوء عاقبته وبليته" انتهى .

"الجامع لأحكام القرآن" (13/16) .


هذي الاماكن الواحد ما يدخلها الا للحاجة، مب تستوي مكان للترفيه. الله المستعان

هذي الزبدة

جزاك الله خير ..

[بعيد النظر]

على حسب كل جسم ياخوي ..

لانه المكان راح يكون مكيف ومصكر فالجسم راح يتآخر في انه يحرق ..

غير انه يوم يمشي في جو مكشوف راح يحرق اسرع


يعني تقصد لو مشيت في الشتا ..
فـ الجو المكشوف ما راح تحرق ؟

[شبح الصمت]

يعني تقصد لو مشيت في الشتا ..
فـ الجو المكشوف ما راح تحرق ؟



لا طبعاً راح تحرق بس في اجسام ما تعرق بسرعه

يعني تتوقع واحد يبي يحرق بسرعة مشيء سريع بيسويها في مجمع بين العالم ويلف يمين ويسار ..


او احسن له في قاعة مغلقه يركض .. !!1

كمنظر فقط يعني ما نبي العالم تتوجه صوب المجمعات وتزاحم العالم ..

صالات المدارس اقتراح اشوفه جيد للفئتين

رجال ، ونساء

[بعيد النظر]

لا طبعاً راح تحرق بس في اجسام ما تعرق بسرعه



انا ما اتكلم عن المشي سواء ف مجمع ولا في فريج ولا قاعة مدرسة !!
انا اجوف وجهة نظرك في سالفة المشي والتعرق والحررررق .. انت رابطهم ببعض !

يعني لو ما عرقت .. ما حرقت ؟ هاللي فهمته ..


بالنسبة للـ مجمع رايي من رايك ..
اي مكاان الا المجمعات بروحها مب ناقصة !

[شبح الصمت]

انا ما اتكلم عن المشي سواء ف مجمع ولا في فريج ولا قاعة مدرسة !!
انا اجوف وجهة نظرك في سالفة المشي والتعرق والحررررق .. انت رابطهم ببعض !

يعني لو ما عرقت .. ما حرقت ؟ هاللي فهمته ..


بالنسبة للـ مجمع رايي من رايك ..
اي مكاان الا المجمعات بروحها مب ناقصة !



ليش تتوقع الجسم الي ما يحرق ويعرق جسم قابل انه يضعف !!!

لانه لو ما يضعف راح يشد الجسم

فيدني يمكن انا مب فاهم في هالامور او

الجسم تدري انه يحرق بعد 25 دقيقة مشيء او جري يبدأ يشتغل ..

[بعيد النظر]

ليش تتوقع الجسم الي ما يحرق ويعرق جسم قابل انه يضعف !!!

لانه لو ما يضعف راح يشد الجسم

فيدني يمكن انا مب فاهم في هالامور او

الجسم تدري انه يحرق بعد 25 دقيقة مشيء او جري يبدأ يشتغل ..



لان العرق ماله اي علاقة بالحرق من الاساس ..
هي مجرد املاح تطلع من جسمك .. مب نسبة من الدهون حرقتها !

مثل ما تفضلت .. كل شخص وكل جسم .. وكل عمر له حسبة ..
اما سالفة الـ 25 دقييقة .. كنت اسمعها وايد ! وهالكلام ماله اي اساس !
نفس سالفة لو ما عرقت يعني ما حرقت !!

جرب احسب ... 220 - عمرك = اقصى حد لدقات قلبك !
اظرب الجواب في 0.6 و 0.75 .. هالدقات اللي لازم تحافظ عليها خلال المشي / جري / هرولة / سيكل / اي رياضة..
عشان تبدا تحرق .. ومب شرط تعرق ابدا .. مب كل الغدد متشابهه !

[المحاميه]

أأيد
المشي زين
والواحد يمشي ف مجمع احسن من القعده

اعتقد اغلب الناس قامت تمشي فالمجمعات منها اتسوق ومنها اتمشى

مثلا مجمع ازدان حاط فالشاشات كم كالوري تحرق لما تمشي فالمجمع وهالشي حلو وحافز

واعتقد المجمع يعطي حافز للمشي خصوصا للي يتسوق ويندمج < نفسي
مب تسون زحمه عاد :tease: بالدور

[العلياا]

اشجعك, وأتمنى ادارة المجمعات يقومون باتخاذ اجراءات تشجع هذه الظاهرة, مثل وضع خطوط ارضية تمثل مسارات لممارسي الرياضة, علامات مسافات, غرف تبديل ملابس, الخ ..

اتفق معاك

طبعا مؤيدين للمشي فالمجمعات ولا فيها أي نوع من المضايقات لان الاعداد تكاد لا تذكر
حياة بلازا نشوف الشيبان لابسين جواتي رياضية (مكرم القارئ) وثوب ويمشون

ان شاءالله نلاقي اهتمام بعض الجهات في تحفيز الشباب على المشي فالمجمعات

يعطيكم العافيه

[شبح الصمت]

لان العرق ماله اي علاقة بالحرق من الاساس ..
هي مجرد املاح تطلع من جسمك .. مب نسبة من الدهون حرقتها !

مثل ما تفضلت .. كل شخص وكل جسم .. وكل عمر له حسبة ..
اما سالفة الـ 25 دقييقة .. كنت اسمعها وايد ! وهالكلام ماله اي اساس !
نفس سالفة لو ما عرقت يعني ما حرقت !!

جرب احسب ... 220 - عمرك = اقصى حد لدقات قلبك !
اظرب الجواب في 0.6 و 0.75 .. هالدقات اللي لازم تحافظ عليها خلال المشي / جري / هرولة / سيكل / اي رياضة..
عشان تبدا تحرق .. ومب شرط تعرق ابدا .. مب كل الغدد متشابهه !



انزين يا كووتش كان من البداية اختصرت علي المسافة ووضحت لي

اشكرك على المعلوومه ..

بروح اركض ورجع لك

escape

[شبح الصمت]

ان مشينا في المجمعات قالوا الشباب ما عندهم شغل ..


وطالعين خز ونازلين خز !!
انا مش مؤيد

وبالذات البنات

الي تتمشى ولابسه لقينز ومبطله العبايه مع احتراامي لارائكم ..

اشوف انه غلط واكبر غلط ..



عاد كيفكم وجهة نظر والي بيزعل من كلامي عنده

وقت الشاي

[شبح الصمت]

رآآيي
كل فريج في مدارس ..

يفتحون القاعات للرجال والنساء ..


افضل حل ..


فوق زحمة المجمع يمر عليك واحد يركض مشطف لك ..

مب شيء كلش وكاشخ غتره وعقال وجوتي يكرم الحاضرين

[بعيد النظر]

انزين يا كووتش كان من البداية اختصرت علي المسافة ووضحت لي

اشكرك على المعلوومه ..

بروح اركض ورجع لك

escape

هههههههههههههههههههههههههههههه ..
العفو :nice:


بغيتك تصخن عشان تحرق زيادة :tease:

[بومحمد المطاوعه]

رآآيي
كل فريج في مدارس ..

يفتحون القاعات للرجال والنساء ..


افضل حل ..


فوق زحمة المجمع يمر عليك واحد يركض مشطف لك ..

مب شيء كلش وكاشخ غتره وعقال وجوتي يكرم الحاضرين

ولا فوق هذي

مـــــصن :nice:
الله يعزكم

كلش ماله داعي المشي فالمجمع

حبكت يعني

الله عطانا عقل
المجمع للمشترى مب للمشي وللشو والهياط

الله يهديهم

[راجي الْعفو]

عاد قاعد أتخيل ان المجمعات تصير: شوفني و اشوفك

[بومحمد المطاوعه]

عاد قاعد أتخيل ان المجمعات تصير: شوفني و اشوفك

موجود هالشي يالذيب

شوفني واشوفك
قديمه الحين

الحين اشطفني واشطفك

[راجي الْعفو]

موجود هالشي يالذيب

شوفني واشوفك
قديمه الحين

الحين اشطفني واشطفك

لحد يطيح ع ويهه بس

عيل اشطفني و اشطفك ها

[بومحمد المطاوعه]

لحد يطيح ع ويهه بس

عيل اشطفني و اشطفك ها

ههههههههه
اي والله بعيد الشر

في ناس ماتوخر اذا انت تمشي في الممر
تبي تطوف

تقول طوفه مار عليك
لايفسح لك الدرب ولا شي

طبعآ البعض
ومنهم نساء بعد والعياذ بالله

من جذي اقولك المجمع ماينفع للمشي ,,

لأن البعض لالباسهم مثل الأوادم ,,
ولا المكان يصلح للمشي ,,

[ذكي جدااا]

ما شوف انها تساعد على الرياضه اكثر من انها تقضية لوقت الفراغ بجو مكيف وبارد. وبالاخير بعد ماتمشي ساعه وتحرق 100 سعره حرارية توقف عند كوفي شوب بالمجمع وتطلب كيك وقهوة وخذ لك 500 سعره حرارية بالاخير المحصلة زيادة بالوزن

[حليتان*]

ضد وبقوه اول شي مزاحمه لخلق الله الي عنده شغل ومقاضي مابيحصل موقف لاني انا ماخذ موقف واسوي رياضه

شي ثاني منظر الرياضي غلط شماله بالتريننق وفمجمع وله شورت وفانيله وفمجمع
انا مره ودوني جرير بالصدفه وعلي شورت كنت بنزل بحر حسيت نفسي مينون

عندك الكورنيش وعندك خط الرفاع وعندك سباير غير ملاعب الفرجان وملاعب النوادي والمسارات المخصصه للمشي فكذا مكان فالدوله(فالخور عندنا 2مثلا)

[وحيد-الشوق]

لست ضد المشي في المجمعات لكن ضد الثوب والغتره مع جوتي الرياضة :)

[aloosh]

مشي بدون ما يعرق جسمك ما منه فايده

[دايموند]

الرياضه لها اماكن مخصصه لها اما المجمعات للتسوق والفراره وللمشي !!

اللي يبي يمشي رياضه عنده اسباير زون والكورنيش. والنوادي

[رجل مثالي]

دام يمشي ومايضيق على خلق الله مافيها شي بالعكس شي طيب والكل مستفيد

[شيخ الديرة]

الرياضة لا تستوجب لبس معين, المهم شي مريح, ونعال تكرمون من النوع الاسفنجي مثل فت فلوب, وهناك مكانات داخل الأسواق ما بيها ازدحام ...
وكذلك هناك اوقات وأيام مثل ماذكر أحد الأعضاء تكون مناسبة ...

[راجي الْعفو]

هذا مثل الشخص اللي يقول لك

وش رايك نتريض في الدائرة الحكومية الفلانية ، او افي احد المستشفيات

[شبح الصمت]

وين رايح

رايح المجمع الفلاني اتمشى

من وين جاي

جاي من المجمع الفلاني كنت اسخن حق المجمع الثاني ما عجبني المجمع الاول في بلاطه ناقزه ..


هاهاي

[PowerQ]

ليش تتوقع الجسم الي ما يحرق ويعرق جسم قابل انه يضعف !!!

لانه لو ما يضعف راح يشد الجسم

فيدني يمكن انا مب فاهم في هالامور او

الجسم تدري انه يحرق بعد 25 دقيقة مشيء او جري يبدأ يشتغل ..


العرق يجي بسبب سخونة الجسم فوق الحد الاقصى، فالجسم يتعرق لتبريد الجسم..
ماله علاقة بالحرق

[شبح الصمت]

العرق يجي بسبب سخونة الجسم فوق الحد الاقصى، فالجسم يتعرق لتبريد الجسم..
ماله علاقة بالحرق


اشكرك على المعلومة

بس اش رايك يا كوتش في المشيء ..

هل المكان مصكر افضل
او المفتوح !!

[راجي الْعفو]

وين رايح

رايح المجمع الفلاني اتمشى

من وين جاي

جاي من المجمع الفلاني كنت اسخن حق المجمع الثاني ما عجبني المجمع الاول في بلاطه ناقزه ..


هاهاي

شفت شلون

حتى ككلام مب راكب

[PowerQ]

اشكرك على المعلومة

بس اش رايك يا كوتش في المشيء ..

هل المكان مصكر افضل
او المفتوح !!

انا شخصياً ما احب اطلع كثير فأتمرن بالبيت، فيه ناس يحبون المجمعات وفيه ناس يحبون اماكن مفتوحة..
برأيي اهم شي يمشون!

[شبح الصمت]

راجي اشفيها لو افتحو صالات المدارس المستقلة

يوزعون هالمدرسة صالتها للرجال ..

وهالمدرسة صالتها للنساء ..


ويمشوون دام يبون البراد ..

ولا يزاحمون العالم في المجمعات ..

[شبح الصمت]

انا شخصياً ما احب اطلع كثير فأتمرن بالبيت، فيه ناس يحبون المجمعات وفيه ناس يحبون اماكن مفتوحة..
برأيي اهم شي يمشون!


كوتش يعني اشلون تتمشى في مجمعات تبي خط سيده

تستن عليه مب تلف يمين ويسار


بتصير كانك سوبر ماريو
يمين يسار

يسار يمين

[راعي الكورفت]

السلام عليكم ورحمه الله وبركاته

رياضه المشي بالمجمعات التجاريه

انتشرت بالفتره الاخيره بالمجتمع القطري قيام بعد الاشخاص (( وانا منهم )) ، بمارسه رياضه المشي بالمولات التجاريه ، حيث نجد بان بعض المولات تلك بها مساحات شاسعه ، تشجع على المشي بها .

فما رأيكم بتلك الظاهره ؟ هل تؤيدونها ام لا ؟ وهل يشكلون بعض الناس الذين يمارسون رياضه المشي بالمجمعات التجاريه مضايقه على مرتاديه ؟


شكرا لكم ..

اشترك في صاله حديد وامشي على الجهاز المتحرك افضل من المشي في المجمع لان المشي بالمجمع مايخليك تركز ويمكن تحصل ناس تعرفهم ويوقفونك ويسالفون ويملقون عليك وجذي التدريب بيضيع :rolleyes2:

[المهاجر]

بروحنا نكره الوقت اللي نروح فيه المجمعات عشان نشتري شي من المناظر اللي نشوفها

بعد نروح نمارس رياضة المشي فيها!!

قلت الأماكن ولا هي موضه وطالعه وما نصدق نتبعها

الظاهر الرياضه صارت كشخه بعد!!

[عثرة جواد]

لو يفتحون صالات المدارس ابرك من الاسواق

الي ماوراها الا الصداع

[العقل المدمر]

ضد
ماتخيل وانا امشي باكياسي شوي الا واحد شاخط مع رياضته وخابطهم لي وهو رايح
المشي له اماكن خاصة فيه
ماله داعي يسوون زحمة فمجمع اغلب من فيه حريم وعوايل

[بومحمد المطاوعه]

بعد كم شهر

بينزل موضوع

نطالب
اماكن مخصصه للشواء
داخل المجمع ,,

[راجي الْعفو]

راجي اشفيها لو افتحو صالات المدارس المستقلة

يوزعون هالمدرسة صالتها للرجال ..

وهالمدرسة صالتها للنساء ..


ويمشوون دام يبون البراد ..

ولا يزاحمون العالم في المجمعات ..




والله يا شبح هو مقترح ، و في مقترحات كثيره

تغنينا عن مثل هالموضات الغريبه العجيبه

وتحفظ للرجال خصوصياتهم و الحريم حشمتهم و سترهم

[همس البراكين]

السلام عليكم ورحمة الله وبركاته.
الله لايحوجكم حق الاسواق.
حبكت يعني ؟

[النهار]

بعد كم شهر

بينزل موضوع

نطالب
اماكن مخصصه للشواء
داخل المجمع ,,

http://store1.up-00.com/2015-09/1442927739731.gif (http://www.up-00.com/)[/URL]http://store1.up-00.com/2015-09/1442927739731.gif (http://www.up-00.com/)[URL="http://www.up-00.com/"]

:eek5::eek5::eek5:
يسويها خلوووني مشرف بس عليه كل مانزل موضوعلى على طول :protest: