عيال امريكا بغيتكم ف سالفه ..

[المحاميه]

السلام عليكم


عندي كمن جهاز ماخدتهم من امريكا
المهم مايشتغلون على البلك اللي عندنا لان اللي عندي بو 3 وهم اجهزتهم بو 2

حد يعرف وين احصل بلك (محول) الخ بو ثلاث بس فيه فتحتين عشان اقدر استخدم الجهاز اللي عندي؟


عيال امريكا ساعدوني ..
وشكرا

[المحاميه]

صوره توضيحيه




شوفوا اللي مكتوب عليها us
جذي شكل الجهاز اللي عندي
طبعا مايركب عندنا




http://i01.i.aliimg.com/wsphoto/v0/1625471831/20pcs-drop-shipping-USB-font-b-Adaptor-b-font-universal-power-converter-GB-font-b-American.jpg

[بعيد النظر]

اي محل كهربا ولا جمعية متوفر هـ البلك !

[طالب]

اي محل كهربا ولا جمعية متوفر هـ البلك !

صحيح
نفس هذي
94699
94700

[المحاميه]

^

بس انت فهمت قصدي؟



انا ابي شي جي


https://www.110220volts.com/media/catalog/product/a/d/adapter-plugsss405ng.jpg

[المحاميه]

يعني يحول من امريكي لين بريطاني


بليز ساعدوني

وين احصله :weeping:

[المحاميه]

لا ركزوا معاي بليز


الجهاز بو اثنين
والمحول مالنا بو 3

يعني لازم احصل بلك فيه فتحتين بس يكون هو بوثلاث عشان يشبك ف الكهرب

[المحاميه]

شوفوا هالجهاز شلون من تحت

جذي اللي عندي

اشلون اشغله عندنا؟؟



http://i01.i.aliimg.com/wsphoto/v1/1718668523_1/New-KEMEI-8000-Professional-Curly-Hair-Blow-Hairdryer-800W-Hot-Air-Style-Auto-Rotation-Hair-dryer.jpg

[المحاميه]

الفيوز هلون شوفوا ..




http://i00.i.aliimg.com/photo/v0/60067774336/american_type_extension_cord_with_fuse_power.jpg



شالحل؟؟؟؟؟؟؟؟؟؟؟

[بعيد النظر]

جوفي الله يسلمج ..
روحي اي جمعية .. وبتحصلين ..
نووع .. فيه مليون فتحة ..
بالطول وبالعرض .. مستطيل ومدور ..


وكللللللللللللله يركب !!
اهم شي .. لا تاخذين بلك بو 3 دواير بس !!

[بعيد النظر]

94701

ظاهرة الصورة عندج ؟

جفتي الفتحتين الي مجابلين بعض بالعرض ؟
تنفع وتركب وتشغل واللي تبينه !

[قلم صادق]

عند جرير نفس اللي تبينه وعند فيرجن

[المحاميه]

شكرا لكم كلكم

باروح ادورهم ف الاماكن اللي قلتوها لي

:nice:

[رجل الجزيرة]

مثل ما قالوا في جرير، واحد من الربع أعطاني محول الكهرباء وسألته من وين إلا قال لي من جرير.

[وكر الذيب]

ترى قوة كهربة امريكا تختلف عن الدوحة ( امريكا 120 الدوحة 220 ) يبغيلج محول للكهربا يحول 120 الى 220 وهذا بتحصلينه عند راديو شاك وعقبها البلك ابوراسين و اذا شغلتي الاستشوار من دون محول بيخترب الاستشوار

[المبرمج صلاح]

هل اختى خلي بالك جدا من هذه النقطة

هل الجهاز اللي انت شريتيه يدعم كهرباء قطر 240 فولت اذا كان يدعمها فانتي مش محتاجة الا مجرد بلك عادي بس عشان الفيشة تدخل في السوكت القطري
وهذه متوفرة في اي مجمع قسم الاسلاك الكهربائية ب 15 ريال مثل هالصورة

http://www.egoodeal.com/images/GDLYD03.jpg

ولكن اذا ما بيدعم الا 110 فولت اللي كهرباء امريكا لازم محول كهرباء يحول الفولت الي 240 وهذا موجود في جرير

http://www.roadking.co.uk/user/Images/Products/Electrical/uk2us-converter-100w.jpg

لانك لو ركبتي الجهاز في الكهرباء وما بيدعمها سوف ينحرق او ينفجر في ثواني

تقدري تعرفي قوة الفولت بسهولة في ظهر الجهاز اللي انت اشتريته من امريكا هتلاقي مكتوب كما في الصورة

http://i00.i.aliimg.com/img/pb/849/046/491/491046849_296.jpg

input : 110-240v

هذا معناته بيدعم امريكا وقطر وانت مش محتاجة اي محول مجرد بلك بلاستيك

اما

input : 110v only

فهنا انتي محتاجة محول وليس بلك عادي

[المحاميه]

جزاكم الله خير عالتوضيح القييم


ماقصرتوا ف ميزان حسناتكم

شكرا المبرمج صلاح شرحك وافي
ووكر الذيب شكرا لك بعد

[بو راشد 1]

انا خذت بلاكات من ايكيا، شكلهم احسن كواليتي من اللي في الجمعية.

[المحاميه]

^

شكرا عالمعلومه اليديده

[وليف الشوق]

السلام عليكم


عندي كمن جهاز ماخدتهم من امريكا
المهم مايشتغلون على البلك اللي عندنا لان اللي عندي بو 3 وهم اجهزتهم بو 2

حد يعرف وين احصل بلك (محول) الخ بو ثلاث بس فيه فتحتين عشان اقدر استخدم الجهاز اللي عندي؟


عيال امريكا ساعدوني ..
وشكرا

هلا فيج وانا مثلج جبت من امريكا تقريبا 10 اجهزة كترونيه مختلفه خاصه للبيت ومااشتغلت وللاسف تحطمت لكن سبحان الله اشتغلت لاني جبت بلك صغير يركب على بلك الجهاز وبحجم بلك الجهاز والحمدلله اشتغل
اشتري بلك او محول نفس نوع بلك الجهاز اللي عندج وشوفي النتيجه

[أم محمد 90]

هلا المحامية ,,

حبيبتي والله عن تجربة اي شي خذتيه من امريكا لا تستخدمينه ع كهربتنا حتى لو لقيتي ساكت يدخل فيه البلك !!

اجهزتهم ماتتحمل كهربتنا والله اني مرة طلبت استشوار وركبته وفقع ف يدي زين ما احترقت
وما تبت وشريت منظرة فيها ليتات وركبتها وانفقعوا الليتات ع طووول نفس الوقت ..


الحل لين جيتي بتطلبين استشوار / اي شي كهربائي اطلبيه من امازون (uk) مش us
وبيوصلج مناسب لكهربتنا ......

[ya3coub]

ترا ما يبيلها شي اي محد و الأحسن و الأفظل

تجيبين كهربائي او اي احد فالبين يجيب موس و مقص


تقصين راس الالبلك و الواير بيكون داخله 3 وايرات و تحطين راس الي عندنا بالخليج الي اهو النظام البريطاني

و بيشتغل من احسن ما يكون علشان ما يكون موضوع البلكات موب متساية او تفصل بحاله الحركة

[ya3coub]

هلا المحامية ,,

حبيبتي والله عن تجربة اي شي خذتيه من امريكا لا تستخدمينه ع كهربتنا حتى لو لقيتي ساكت يدخل فيه البلك !!

اجهزتهم ماتتحمل كهربتنا والله اني مرة طلبت استشوار وركبته وفقع ف يدي زين ما احترقت
وما تبت وشريت منظرة فيها ليتات وركبتها وانفقعوا الليتات ع طووول نفس الوقت ..


الحل لين جيتي بتطلبين استشوار / اي شي كهربائي اطلبيه من امازون (uk) مش us
وبيوصلج مناسب لكهربتنا ......

الأجهزة الجديدة اغلبها صارت Universal يعني تشتغل على كهربت امريكا 110

و كهربتنا 220V 50Hz تلقين بالجهاز اذا فيه محول صغير نفس شاحن التلفونات و البطاريات للكيمرات و ايضا للابتوب مكتوب فيه الرانج من كم فولت لكم فولت يستحمل.


و حتى لو الجهاز مهم و على 110 بس في Transformer يركب يحول الكهربا من 220 إلى 110 عندنا فالبيت اجهزة لين اليوم شغالة من سنة 90 على هالمحولات و من احسن ما يكون.

[توشيبا]

في الدكان اتصلي له ويجيج ويشوف البلك اللي عندج ويجيب بو ثلاثه يركب فيه اثنين

اكثر الاغراض بالاخص المحولات او الاجهزه من الصين نظام اثنين ومشتري بلك بو ثلاثه ونركب فيه