مقارنه بين اللاندكروزر والنيسان باترول ( ايهما تفضل) [الأرشيف]

لمت أب

10-09-2006, 12:23 PM

السلام عليكم روحمة الله وبركاته
بما أن أكثر السيارات أنتشارا عندنا في قطر هي سيارات الدفع الرباعي وخصوصا(التيوتا والنيسان)

حبيت اعرض لكم مقارنه بين هاتين السيارتين حيث أنهما بمثابة (العدوتين اللدودتين) بسبب المنافسه الشرسه التي تسعى لها كلا الشركتين من حيث التطوير والتعديل

وهذا ماقدرت أجمعه من معلومات عن الكرورز والباترول
واذا كان عند أحدٍ منكم أي أضافه أتمنى أنه مايبخل علينا فيها بالأضافه الى ارآئكم حول هالسيارتين من حيث المميزات والعيوب... وايهم تفضل

لنبدأ أولا بـ ((اللاند كروزر (gx , gxr )....))

http://www.syarty.com/ver2/images/K434L.JPG

محرك سعة 5ر4 لتر

6 اسطوانات

24 صماماً بزوج من الكامات العلوية

حقن إليكتروني للوقود يولد قوة مقدارها 240 حصاناً

القير : 4 سرعات (اتوماتيك)

الطول :489سم

العرض:194سم

الارتفاع:188سم

قاعدة العجلات:285سم

المكابح:امام: اماميه :اقراص مهواة -- خلف : اقراص

الفرامل المانع للنغلاق ABS : اساسي

الوزن: 2770 كيلو

أما بالنسبه للنيسان باترول (vtc)

http://www.mekshat.com/pix/upload/images15/mk16233_6135c1c2ee.jpg

المحرك: 4,8 ليترات, 6 اسطوانات (سلندر) 280 حصان

24 صمام (TWINCAM) مكينه مصنوعه الألمونيوم(تخفيف الضجيج وخفة المحرك)

الدفع: رباعي

القير : عادي وبنفس الوقت توماتيك

الطول:508سم

العرض: 194سم

الارتفاع: 185سم

قاعدة العجلات: 297سم

المكابح : امامي ديسكات: خلف ديسكات

الفرامل المانع للنغلاق ABS : اساسي

وزن السيارة:2555كيلوا

bnb

10-09-2006, 12:48 PM

Land Cruiser الاختيار الصحيح:nice:

http://www.toyota.com/images/vehicles/2007/landcruiser/gallery/exterior/photo_7.jpg
http://www.toyota.com/images/vehicles/2007/landcruiser/gallery/exterior/photo_2.jpg

مافيا قطر

10-09-2006, 12:53 PM

انا عندى الاكروزر احسن من النسيان كافيه شيك فى المخبه ولا يصرف نفس النسيان

انسان حساسي

10-09-2006, 01:14 PM

الكروزر اخوي ... النيسان تتفوق بس بحاجتين الشي الاول المكينه والشي الثاني وزنها وخفتها

والكروزر تتفوق بباقي الاشيا مثل الفخامه والدليل نوع التيك اللي بالكروزر تحصله ماخوذ من اللكزس عكس النيسان نوع التيك رددددددددييييء جدا جدا والكروزر بيعيش معاك اكثر ولو تبي تبيعه يجيب لك سعر اكثر من النيسان ..

واسمح لي عالقصور ..

راعي النيسان

10-09-2006, 01:23 PM

اخوي النسيان افضل ،، خرابه بالنسبة لي قليل ونادر ،، كد ومد ،، مو كل يوم يحن يبغي تبديل سفايف بمبلغ وقدره ....؟؟؟؟ ،، وانا كل سنة ابدل موتري النيسان يعني سنة بسنة اخذ موتر جديد شد وكالة ،، بسبب ان سعره رخيص ومعقول مقارنة بالكرورز سوبر سفاري كامل الموصفات 165 الف بينما في اكس ار عادي يوقف علي بسعر 200 الف إذا مو اكثر بعد ،، اللي اهو غالي على فاضي ،، مواصفات النيسان عندي افضل خصوصا عزم الماكينة 4800 سي سي على كل الموديلات فئة الباترول ((بينما الفرق في الكرورز 4500 الجي والجي اكس والجي اكس أر والوحيد اللي اسمه موتر بالكروز الفي اكس هو 4700 ولا طبلون مقفل بعد ))، ونظام فيتك فوول انجكتر والجير الاتوماتيك خمسه غيار ،، يعني ما يحن علي في الخط نفس الكرورز 4 غيار وبس :funny: ، هذا غير عن المواصفات الموجودة فيه من ناحية اللايتات الزينون والدفي دي والكروز سيتيم متوفرة بمعظم موديلات النيسان مب حكر على موديل معين نفس الكرورز ما تحصل مواصفات عدلة إلا اذا شريت في اكس ار ،،

بخصوص الصرفية ،، شي عادي اي موتر ترفسه بالشارع بيرفسك صوب الشيشة ،، بالنسبة لي انا افول التناكي كل خمس ايام مرة وتانكي واحد مب اثنين وبسعر 60 ريال تقريبا ..

النيسان اخف في الحركة والقومة والفزة مالته مشاء الله ،، يعني بالعربي ريف لللاستخدام ،، ثاني شي تلغيمه اسهل شي ،، وتصليحه لو خرب لقدر الله يتصلح باي محل ،، ومو لازم وكالة ..

وفي النهاية ما يعرف للنيسان غير اللي يسوقه ،، الناس تحكم بس على الاسم بس لو جربوا الاثنين اكيد الخيار بيكون نيسان من دون اي كلام:deal: ..

يعني بالعربي لو بغيت تقطع اي كرورز بالشارع مالك إلا نيسان ،، وذا بسوالف الطعوس بعد مافي غير ملك الطعوس نيسان والدليل سيلان وخور العديد وياما كرورزرات تشلخت هناك

في النهاية يقولون توياتا وبس ،، اقولهم نيسان توب وبس :strong

مافيا قطر

10-09-2006, 01:28 PM

:dance انزين اعرض موترك النسيان والفكسار او الجكس ووف من اللى يروح اول شى

والنسيان ضيق من داخل والجكس اوسع منه حتى فى الشنطه اما التلغيم يما جيات قطعت النسيان تقطيع والنسيان صف يمين عندها كافيه رزته:app:

زمان الصمت

10-09-2006, 01:37 PM

النيسان ك أستعمال وريافة وسفرات وطعوس وبعد كشخة
الكروزر استعما كشخة نوعا ماء بس الي يميزة عند البيعة راعية مايتعطل

Al-Kuwari

10-09-2006, 02:45 PM

والله انا احب الأثنين
وجربت الأثنين
كان عندي كروزر
وسقت موتر رفيجي النيسان كم مررره
الصراحه احب النيسان كشكل وقوه
لكن افضل التويوتا بشكل عام :)

لمت داون111

10-09-2006, 02:54 PM

شباب لاتعبون انفسكم ولاتقعدون تسوون دعايه لمواتركم لاجيب لكم رنج يقطع الموترين :p <<< أمزح لحد يزعل :D

الناس اذواق وكل واحد وذوقه :dance

وانا عن نفسي اقول تويوتا وبس

وتسلم علي الموضوع الحلو اخوي لمت اب:nice:

M O 7 A M M E D

10-09-2006, 04:53 PM

تويوتا ,,

(بوطلال)

11-09-2006, 01:10 AM

الميزه الوحيده في الكروزر أنه لين جيت تبي تبيعه يتصرف بسرعه بسسسسسسسس
شي ثاني تقارنه مع النيسان مافي وجه مقارنه
النيسان اقوى واسرع فالشارع والرمله واريف ويتحمل الكرف حتى لو مشيت فيه 500 الف كيلو يتم جنّه جديد وعلى كثر مايلغمونه الشباب مايصير فيه شي من مكينه وجير ودفرنش
لكن تعال شوف العيب فالكروزر من يوم استوى وهو يحرق آيل
اتحدى حد عنده جي أي موديل يمشي فيه اكثر من 10 لآف كيلو
يروح يجوف الجيج مال الآيل والله اقل شي ينقص فيه الربع..هذا اذا كان جديد بعد
وطبعا من سابع المستحيلات النيسان يستوي معاه هالشي لو مشيت فيه كم مامشيت
بس المشكله عندنا العالم تقليد في تقليد
يعني خلاص كروزر وبس
بذمتكم يالربع الواحد يروح يدفع تقريبا 165 الف علشان ياخذ جي اكس ار فل ابشن وبالاخير مافيه حتى مثبت سرعه ولاكراسي توماتيك والمخمل جنّه برنوص مال الشرطه والكرونه لو حكيتها شوي طبّت والبدي تعبان جنه قرطاس والمقصات مصيبه وخصوص اذا طامرت فيه فشح على طول والموتر كله كبس في كبس مستوي جنه امريكي مافيه براغي والسفايف حدث ولاحرج وغيرها من المشاكل الكثيره والكبيره
وبعدين اللي يقول صرفية النيسان ازود من الجي غلطان بصراحه
تعرفون ليش لأن خزان النيسان اصغر بوايد وعلشان جذيه تشوف البترول ينزل عندك بسرعه
اذا تبي تقارن الصرفيه قارن كم لتر تستخدم في الكيلو متر
ولحد يزعل من الحق
وشكرا على الموضوع الحلو

رحال

11-09-2006, 01:45 AM

تيوتا وبس وتصيد الون اللؤلؤي بعـــــــــــد ياسلام وياعيني على الصوت !!!

سهم حار

11-09-2006, 01:56 AM

نيســــــــان على كل لســــــــــــــــــــان

سهم طايح

11-09-2006, 01:12 PM

النيسان طبعا

لمت داون111

11-09-2006, 02:13 PM

الله يهداكم يالربع شوي وتتضاربون crazy

صاحب الموضوع حط المقارنه عشان كل واحد يشوف شالفرق الي بين الموتر الثاني ومافيه بموتره من ناحيه وزن وخفه وطول وألخ وألخ

اما بالنسبه للشكل والديكور الداخلي يعتمد علي الشخص نفسه ورغبته ;)

بس ارد واقولكم تويوتا وبس << دام انقلبت هواش وياكم :D

كفايه مبيعات الكروزر اكثر من النيسان ولين تروح بتشتري مابتحصل كله مبيوعيين ولازم تطلب وتنطر وهالشي يدل علي نجاح الكروزر وهم يجيبون كميات كبيره وتخلص بسرعه

روح وكاله النيسان احجز سفاري الصبح وطلعه العصر !! <<< وين الزباين هههههههههههه ماعمري سمعت حد مشتكي انه النيسان مب متوفر لانه مب مرغوب كثر الكروزر

هذا غير عن انه وكاله النيسان والله باذني في الصناعيه اسمع الشكاوي عليهم وبطئ الشغل وجدامي والله شله شباب قالو للمهندس بالوكاله انهم متحسفين انهم شاريين نيسان ويقولون طربه وتحسفنا عليها !! << وهذي كلام الي مجربينه مب مني

ووكاله التويوتا والله من كثر المواتر فيه بينبط بس لو يفتحون لهم كراج ثاني بتشوفون المبيعات بتزيد اكثر من جذيه !!

وتعال عند الاسعار السوبر سفاري الي تشتريه ب 170 الف ماتمر سنه الا تبيعه ب 120 << عسى ماشر !!

الجكسار الي علي قولت بعض الناس تشتريه ب 170 الف تبيعه عقب سنه ب150 وهو مكروف كرف بعد<< اهنيه الفرق ياحبيبي :nice:

والنيسان قطع غياره ناار وعلي الفاضي عكس التويوتا والله اقرب كراج وموضوعك خالص !!:court:

كفايه الصدام الامامي لل2005 بالوكاله ب 3 الاف وصدام الكروزر مع الصبغ ب600 ريال << يالربع والله فرق !! وفيه اشياء كثيره بعد:anger1:

والكروزر مشكلته شي واحد بس وهو السفايف وهذي الي ذابحنا :eek3:

والي يقول النيسان حق تلغيم <<< خير انا بشتري فور ويل ولا طياره ؟؟ ههههههههه

والي يقول بدي الكروزر جنه قرطاس <<< خف علينا ليكون النيسان مدرعه وانا مادري ؟؟ هههههههههههه

الياباني بكبره سواء كان تويوتا ولا نيسان ولا مازدا ألخ ألخ ماعاد حديدهم نفس اول والكل عارف هالشي وميزه وحده بالالماني تعجبني انه البدي يجيك حديد قوول وفعل !!

واخر شي اقولكم كفايه اكشخ الارقام واطقعها تحصلها مركبه علي كروزرات و روحو النصر خذو لكم فره وشوفو:strong

تدرون شلون عشان محد فيكم يزعل انا اقول الكيياان والرنج وبس :D :D

لمت داون111

11-09-2006, 02:24 PM

الميزه الوحيده في الكروزر أنه لين جيت تبي تبيعه يتصرف بسرعه بسسسسسسسس
شي ثاني تقارنه مع النيسان مافي وجه مقارنه

دام فيه كل الخرابات الي قلتها ليش عيل يتصرف بسرعه وسعره مايطيح نفس النيسان :con2:

تراك تناقض نفسك اخووي :strong

@@ديزل@@

11-09-2006, 02:46 PM

تويوتا بس والباااااقي خيااااار مش خس

khaldoon

11-09-2006, 02:53 PM

جزاكم الله جميعا كل خير على هذا الموضوع الرائع
كثروا منها دائما

OTOsan

12-09-2006, 09:18 AM

في نقطه حبيت اذكرها في المقارنه .. دام السالفه مقارنه في مقارنه ..
وهذي نقطه سمعتها من اكثر من شخص ،
في الحصى والطرق الجبليه .. النيسان صفر عالشمال للاسف
محد يثبت جدارته في هالسالفه الا التويوتا .. واسالو بنفسكم وتاكدو ..

(بوطلال)

12-09-2006, 11:33 AM

دام فيه كل الخرابات الي قلتها ليش عيل يتصرف بسرعه وسعره مايطيح نفس النيسان :con2:

تراك تناقض نفسك اخووي :strong
شفيه شاد حيله الحبيبomen

بعدين يابوالشباب مب تقتبس نص الكلام وتترك الكلام الباقي:deal:
انا قلت في كلامي ان العالم تقليد في تقليد
يعني العالم لو خذت بيجو كلن بياخذ بيجو
وعلشان جذيه التيوتا يتصرف بسرعه
وبخصوص الآيل والمقصات والكبس اشوفك ماجاوبت وجنه السالفه مب للك
وبعدين تقول جراج التيوتا بينفجر من كثر الكروزرات اللي فيه...هذي بصراحه صدقت فيها تعرف ليش؟؟ من كثر الخرابات اللي فيه ولاتنسى تمر على جراج دكا ودكار شارع 10 فالصناعيه وجوف الكروزرات المحذفه كلها تغيير بساتن وصبابات
ولاتنسى أن معظم الحوادث اللي ماتوا فيها الشباب الله يرحمهم برحمته من ورى هالكروزرات اللي لي جيت تسرع فيه ولفيت شي بسيط على طول يختل توازنه ويلعب بك وماتوعى الا راعيه منقلب الله يكافينا الشر وهالمشكله معروفه وأسأل العالم اللي تفهم عن السبب اللي هو العيب في عمود التوازن
ياحبيبي نيسان وبس
واسأل العالم الخبره اللي تعرف فالمواتر مب تسألي حمود وعبود اللي توهم مخلصين ثانويه وقبل يومين كانوا يسوقون سياكل
والحين أفتروا عليه الحريم بعد

وبعدين اذا بتحكم على الشي بالكثره والعدد
جاوب على سؤالي (وشهو أكثر الغنم ولاّ لذيابه) الله يعزك ويعز الجميع
والسموحه منكم على هالمثل بس حبيت أضرب لك مثل أن الشي بمحتواه ومضمونه مب بكثرة العدد

واللي مايعرف الصقر يشويه:strong

لاتزعل الشيخ
والله انك عزيز وغالي
بس حزّات كلمة الحق تزعّل
وبالأخير مهما أختلفنا نبقى اخوان
وهالمواتر كل ابوها تفدى ثرك...الاّ وصخ دنيا الله يعزك
سلام:nice:

(بوطلال)

12-09-2006, 11:38 AM

']في نقطه حبيت اذكرها في المقارنه .. دام السالفه مقارنه في مقارنه ..
وهذي نقطه سمعتها من اكثر من شخص ،
في الحصى والطرق الجبليه .. النيسان صفر عالشمال للاسف
محد يثبت جدارته في هالسالفه الا التويوتا .. واسالو بنفسكم وتاكدو ..
هههههههههههههههههههههههههههههههه
شكلك تبي تصرف موترك:funny:

']تويوتا جي اكس 2002
سبيرين
ابيض
جير عادي
فتحه .. مكيفين .. ثلاجه
دف لوك .. بس الدفلوك مفصول وممكن يرجع
ماشي حول 180000

مطلوب فيه 730000 قابل

واللي له خاطر يراسلني على ايميلي باكون واسطه بينه وبين راعيه ،،

lonely-qtr@hotmail.com
:deal: :deal:
الله يوفقك الشيخ:nice:

OTOsan

12-09-2006, 11:57 AM

هههههههههههههههههههههههههههههههه
شكلك تبي تصرف موترك:funny:

:deal: :deal:
الله يوفقك الشيخ:nice:

اول شي مدري شسالفتك اخوي .. يعني تبي تحرجني ولا شنو ؟؟ مع ان الموضوع هذا ماله خص بالثاني ..
بس انا باخذ بحسن النيه .. ودام انك صرت كونان باوضح لك شغلتين صغار وياليت تفهمهم :

اول شي الموتر والله العظيم مب موتري .. ولو قريت الاعلان عدل كان عرفت .. بس شكلك
استانست وقلت ( صادوه ) ..

ثاني شي الشيخ انا والله احب النيسان اكثر من التويوتا وربعي كلهم يعرفون .. ومافي داعي انت تعرف بس هذا انت عرفت وخلاص ..

ثالث شي طويل العمر انا بداية كلامي قلت .. دام انها مقارنه في مقارنه ، وماقلت ان التويوتا احسن من النيسان .. فيا اما تقول لي كلامك صح .. يا اما تقول لي كلامك غلط .. وخلاص

عموما مافي داعي لكل هالكلام .. اذا المقارنه غلط قول لي انت غلطان .. ولا تربط شي بشي

والله يوفقك يالغالي ..

زمان الصمت

12-09-2006, 12:39 PM

']اول شي مدري شسالفتك اخوي .. يعني تبي تحرجني ولا شنو ؟؟ مع ان الموضوع هذا ماله خص بالثاني ..
بس انا باخذ بحسن النيه .. ودام انك صرت كونان باوضح لك شغلتين صغار وياليت تفهمهم :

اول شي الموتر والله العظيم مب موتري .. ولو قريت الاعلان عدل كان عرفت .. بس شكلك
استانست وقلت ( صادوه ) ..

ثاني شي الشيخ انا والله احب النيسان اكثر من التويوتا وربعي كلهم يعرفون .. ومافي داعي انت تعرف بس هذا انت عرفت وخلاص ..

ثالث شي طويل العمر انا بداية كلامي قلت .. دام انها مقارنه في مقارنه ، وماقلت ان التويوتا احسن من النيسان .. فيا اما تقول لي كلامك صح .. يا اما تقول لي كلامك غلط .. وخلاص

عموما مافي داعي لكل هالكلام .. اذا المقارنه غلط قول لي انت غلطان .. ولا تربط شي بشي

والله يوفقك يالغالي ..
الله يهديكم طولوا بالكم على بعض

زمان الصمت

12-09-2006, 12:43 PM

شفيه شاد حيله الحبيبomen

بعدين يابوالشباب مب تقتبس نص الكلام وتترك الكلام الباقي:deal:
انا قلت في كلامي ان العالم تقليد في تقليد
يعني العالم لو خذت بيجو كلن بياخذ بيجو
وعلشان جذيه التيوتا يتصرف بسرعه
وبخصوص الآيل والمقصات والكبس اشوفك ماجاوبت وجنه السالفه مب للك
وبعدين تقول جراج التيوتا بينفجر من كثر الكروزرات اللي فيه...هذي بصراحه صدقت فيها تعرف ليش؟؟ من كثر الخرابات اللي فيه ولاتنسى تمر على جراج دكا ودكار شارع 10 فالصناعيه وجوف الكروزرات المحذفه كلها تغيير بساتن وصبابات
ولاتنسى أن معظم الحوادث اللي ماتوا فيها الشباب الله يرحمهم برحمته من ورى هالكروزرات اللي لي جيت تسرع فيه ولفيت شي بسيط على طول يختل توازنه ويلعب بك وماتوعى الا راعيه منقلب الله يكافينا الشر وهالمشكله معروفه وأسأل العالم اللي تفهم عن السبب اللي هو العيب في عمود التوازن
ياحبيبي نيسان وبس
واسأل العالم الخبره اللي تعرف فالمواتر مب تسألي حمود وعبود اللي توهم مخلصين ثانويه وقبل يومين كانوا يسوقون سياكل
والحين أفتروا عليه الحريم بعد

وبعدين اذا بتحكم على الشي بالكثره والعدد
جاوب على سؤالي (وشهو أكثر الغنم ولاّ لذيابه) الله يعزك ويعز الجميع
والسموحه منكم على هالمثل بس حبيت أضرب لك مثل أن الشي بمحتواه ومضمونه مب بكثرة العدد

واللي مايعرف الصقر يشويه:strong

لاتزعل الشيخ
والله انك عزيز وغالي
بس حزّات كلمة الحق تزعّل
وبالأخير مهما أختلفنا نبقى اخوان
وهالمواتر كل ابوها تفدى ثرك...الاّ وصخ دنيا الله يعزك
سلام:nice:
عز الله انك صدقك في قولتك ان اكبر عيب في الكروزر ان السيفتي فيه جدا تعبان والكثير من الشباب الذين توفوا بسبب الكروزرات وال اكسل بحيث انك لو بنشر التاير عندك وانت بمعدل سرعة 140كم راحت عليك
وشهادة حق في النيسان من هالناحية لو بنشرت وانت تمشي 180كم حافظ الموتر على توازنة :nice:

بنك الريان

13-09-2006, 12:52 PM

قطع الغيار النيسان اغلا بس مايستهلكه بسرعه
قطع الغيار التويوتا تنزلك مع الراتب ولا فيه احد يقدر ينكر هذا الشي
النيسان كلن يعرف انه افضل من التويوتا في الرمل والحصى والجبال وحتى في الشارع اريف من التويوتا لن التويوتا يلعب مع الهواء وانا مجربه في كذاسفره ويسحب البترول سحب على قولت واحد مسافر فيه مكه يقول احسن وصف للتويوتا ( مطحة وقود متنقله )
اما النيسان فعيبه الوحيد شي تافه إلا وهوا سعره بعد الاستخدام
اربع سنوات مجرب النيسان واللحين انا سيارتي من ثلاث سنوات تويوتا وكل شهلا الى شهرين ابدل السفايف وبعض الاحيان ابدل درام الويل واللي تاعبني وياه كل ما ابي اعبي بترول لازم اعبي زيت الباور ( اللي ما يصدقني يروح يشوف المعارض اللي في شارع سلوى ويبطل قطا المحرك لازم يحصل علامة الجوده من شركة تويوتا وهي علبة باور هههههههه)) عندي وعند اوخي واخوي الكبير ولد عمي وشبااب اعرفهم كلهم من مدمنين زيت الباور ههههههههههههههه

بنك الريان

13-09-2006, 12:55 PM

كل اللي ابي اعرفه ليش قالو ان التويوتا اقوى من النيسان في الحصا والجبال وبعد قولو الرمل!!!!!!!!

اذا التويوتا يفصل معك الدبل ؟؟؟؟ كيف راح تصعد؟؟؟؟؟
وفي الرمل انا مطلعهم وسيارتي تويوتا والكل المشكله الدبل فاصل ؟؟؟؟ ((وهقه))
وفي سيللين التويوتا ما تشوفه واقف لازم مسرع اذا وقف فضايح تطلع ههههههه

انا بقول شي واحد اذا سيارتك نيسان (( امش فيها مراح يمنعها من الوقوف إلا بحر بعمق متر)) لاتقول جبل سهل وادي رمل حصى قمض عيونك وتوكل على الله

راعي النيسان

13-09-2006, 02:43 PM

ههههههههههههههه وبعده النيسان على كل لسان وزمان .. :deal:

والدليل حتى الشباب اللي يسوقون التوياتا يزكون النيسان ..

الصراحة ما دريت انه الموضوع بيتطور لهذه الدرجة ... بس بصراحة ميزة اللي يسوق النيسان ما يرضى له بالمهانة وصعب اللي يسوق النيسان يتنازل عنه وياخذ له موتر ثاني ،،، ،، على قولة القايل الحب من اول نظرة ..

صح النيسان رخيص بسعره ، بس غالي بسمعته ورزته .. من الكبسولة القديمة بداية الثمانينات ، لين الكينج روود في التسعينات، لين جيل الفتيك من 98 - 2004 ، لين الشكل الجديد 2005 - 2007 ...

عصر ذهبي بمعنى الكلمة ...

على فكرة اللي يقول انه النيسان طايح بقطر ،، رووح اعرض نيسان باترول بالامارات او بالسعودية ... :strong ينباع من عند باب المعرض ..

Qatary

14-09-2006, 01:37 AM

طبعاً الـ V8

Vx-r

BURBERRY

14-09-2006, 02:28 AM

انا كان عندي فتك 2005

ريف على الخط و الرمل

سواقته خفيفه

بصراحه الكروزر اثقل ..

النيسان خراباته قليله .. استعملته سنه و الحمدلله لاسفايف تبدلت ولا شي

النيسان مب مثل الكروزر بعض المواصفات محكوره بس حق الفكسار على عكس النيسان انا ماخذ النيسان سفاري على 134 الف فل ابشن و مثبت سرعه و تحكم فالمسجل على السكان

بس بقول شي .. بيجي يوم الناس بتعاف الكروزر و بيطيحون في شي ثاني لان مافي شي يتم على حاله إلا رب العالمين

:)

keep calm

14-09-2006, 08:44 AM

نيسان وبس يا أحبتي في الله التويوتا كلام فاض مصنوع من كراتين خضره صدقوني وبعدين لعبته حرق الاآيل كل مشوار يبي لك قوطي آيل تكبه في بطنه غير التلوث الي يسببه للبيئه وثالث شي قاصين على العالم وكاله التويوتا شغالين ضحك على الذقون وتحسين اللحا . اما النيسان اشتر وانت مغمض ومايصح الا الصحيح ...............وهيهات يا التويوتا .
Nissan is my life

راعي النيسان

15-09-2006, 12:51 AM

ههههههههههه راحت عليهم ويا الكروزر الجديد :funny: :funny: :funny: :funny: :funny: :funny: :funny: :funny: :funny:

{راشد}

15-09-2006, 01:07 AM

تويوتا وبـــــــــــــــــس:nice:

سهم طايش

15-09-2006, 01:10 AM

http://www.toyota.com/images/vehicles/2007/landcruiser/gallery/exterior/photo_7.jpg

:nice:

سيف قطر

15-09-2006, 06:18 PM

انا مجرب الاثنين
وكل وحدة احسن من الثانية

المخلب

15-09-2006, 06:27 PM

غير الاند لا تسحب هـند ..

:) :) :) :) :)

لمت أب

16-09-2006, 03:26 PM

يعطيكم العافيه ياأخوان
نقاش أخوي جميل ومدعم بالحجج والبراهين
وكنت أتمنى أن أشارك في النقاش
ولكن بما أنني صاحب الموضوع
أرتأيت أن أقف موقف المحايد وأن أحتفظ برأيي لنفسي
بارك الله فيكم
وجزاكم الله خير

المزن الرياني

16-09-2006, 03:46 PM

انا أفضل الرنج
بس للحين مالقيت واحد نظيف :eek3: :eek3: :eek3:

سهم طايح

16-09-2006, 05:57 PM

كم كم النتيجة ؟

hamoor4ever

17-09-2006, 03:49 PM

النيسان الاول في الرمل بلا منازع ...

اما الكرروز ماشاء الله مرغوب عند البيع ويحتفظ بسعره وقطع غياره رخيصه

واستغرب من اللي يقول ان خراباته كثيره .. عيل لو يجربون الامريكي شنو يقولون

..
الحق يقال انا ماجربت النيسان بس اشوفه بسيلين اقوى من الكروزر وهالشي الكل يعرفه ..

بس كشكل عمري ماحبيته ... كأنه كارتون مستطيل يمشي ..
وغير جذيه سعره يطيح ..
وانا لي من ال 96 وانا اسوق كروزر وغيرته للجديد بعدين ... وماشفت منه شي الا السفايف وهالمشكله بسيطه مقارنه بمشاكل السيارات الثانيه ..
بعدين مهما نقول عن التويوتا وحتى اني ماحبها .. بس هي الشركه الاولى عالميا
حتى بأمريكا ...

hamoor4ever

17-09-2006, 04:01 PM

ههههههههههه راحت عليهم ويا الكروزر الجديد :funny: :funny: :funny: :funny: :funny: :funny: :funny: :funny: :funny:

من قال يعني الحين الشكل القديم بعد راحت عليهم ؟؟؟؟

قالوا جذيه من قبل وشوف اسعار ال 97 ماشاء الله للحين غالي

مافي خوف حتى لو تغير الشكل بتلاقي ناس تدور الموديلات الحاليه ...

التويوتا يتم تويوتا .. يعني في ناس تاخذه من غير فحص ..

Dubai.Zone

18-09-2006, 11:22 PM

الكروزر

وبدون منافس

لمت داون111

21-09-2006, 03:55 PM

عز الله انك صدقك في قولتك ان اكبر عيب في الكروزر ان السيفتي فيه جدا تعبان والكثير من الشباب الذين توفوا بسبب الكروزرات وال اكسل بحيث انك لو بنشر التاير عندك وانت بمعدل سرعة 140كم راحت عليك
وشهادة حق في النيسان من هالناحية لو بنشرت وانت تمشي 180كم حافظ الموتر على توازنة :nice:
حبيبي الموتر يحافظ علي توازنه بالدروله مب بنوع السياره:deal:

لحد يقص عليك يالغالي :D

لمت داون111

21-09-2006, 03:56 PM

http://www.toyota.com/images/vehicles/2007/landcruiser/gallery/exterior/photo_7.jpg

:nice:
ياولــــد :nice: :nice: :nice:

معليك ياسهم طايش قاعد لهم قعده اليوم :D :D

لمت داون111

21-09-2006, 04:02 PM

شوفو يالربع عشان مانطول الموضوع وهو قصير خلونا ناخذ الموضوع من وجهه نظر الاغلبيه ممكن ؟؟omen

بسألكم سؤال وابيكم تجاوبوني عليه يا اصحاب النياسين

دام الكروزر بنظركم فيه كل هالخرابات وانه كجره ويخترب ويحرق آيل ويبنجر ومادري شنو ووووو ألخ ألخ وماخليتو عله الا طلعتوها بالسياره

ابي حد يفهمني ليش سعره فووق ومايطيح نفس النيسان ؟؟ :con2: علما انه الدوحه بتنبط من الكروزرات وينباعوون اكثر من النيسان ومع ذي سعره فوق ما شاء الله :strong

يعني معقوله موتر رووعه علي قولتكم مثل النيسان ومايخترب ومن احسن مايكون وسعره طايح ؟؟ يعني تهقون الدنيا تمشي ريوس :p

ولحد يقولي مثل بعض الناس انه الشباب كله تقليد في تقليد وماشيين ورا بعض .. خلونا نحكم بالعقل وعطوني اجابه منطقيه وتدخل الراس !!

ومن باجر ابيع كروزري واضرب لي فتك وكاله بس لحد يطلع كلام من عنده;)

واقولكم من الحين لحد يقص علي نفسه ويقول سعر النيسان مايطيح وماظن حد فيكم غشيم عن سوالف المواتر واسعارهم !!

والله حتي الباجيرو يمكن مايطيح سعره نفس النيسان :funny:

.. ئال نيسان ئال :strong .. صل علي النبي بس

وعلي فكره انا اعترف للنيسان بشي واحد بس انه اخف بالرمله من الكروزر بشي بسيط << والاعتراف بالحق فضيله :D

عتيج الصوف

21-09-2006, 04:31 PM

للأستعمال على الشارع العادي الكروزر افضل ,,,اما من ناحية الرمال فأشوف النيسان افضل ,,,اما كأستعمال شخصي بالنسبه لي اشوف احلى شيء الهامر :nice:

واحد في حاله

21-09-2006, 05:55 PM

انا استعملت الاثنين وبحاول اذكر العيوب والمزايا

النيسان 2005 للأسف لعوزني بخرابه كل يوم مشكله

اول مشكله طلعت لي السنسور والحمد لله كان على الضمان ولا كان راحت علينا
ثاني مشكله المكيف فجأه اخترب علي تقول حمام سونا مب سياره والحمد لله بعد على الضمان
ثالث مشكله التواير فيه رقله مع المطبات الصغيره
حزات القير يعلق مايبدل اذا حولته عادي يعني اذا بدلت من 3 الى 4 يتم عالق في 3 مع ان الرقم طالع عندي في الطبلون 4
وفيه كم شغلتين بعد ضايقوني
الاولى السياره ضيقه من داخل الواحد ماياخذ راحته مادري شعليه حاطين طاولات
والشغله الثانيه السياره وعره في الطريق من اضرب اصغر مطب كل شي عندي يطب
والشغله الثالثه السياره تصرف بترول اكثر من الكروزر بشي بسيط

هذا بخصوص العيوب

المزايا :
عزمه اوكي يعني قوي في الشارع وفي القومه مو مثل الكروزر التماتيك اذا واقف عند الدوار وتبي تدش تطلع روحه واهو للحين مادش الدوار

اذا حملت السياره اغراض ثقيله مايتأثر ولايختل توازنه على عكس الكروزر الي ينزل من ورى ويختل توازنه على الطرق السريعه

اهل القنص يرغبونه لانه دفرنشين مو اكسلات ويقولون قوي فالرمل والحصى

ماياكل سفايف يعني تاخذ معاك من 8 شهور الى سنه على حسب الاستعمال

اما الكروزر بصراحه جيد جدآ

مريح - وسيع - مافيه مشاكل او عيوب فنيه الا نادر -

العيوب :

مثل ما ذكرت قبل ياكل سفايف - الهيكل ضعيف نوعا ما - ماتقدر تحمله اغراض ثقيله

القير التماتيك 4 غيار وضعيف جدآ خصوصآ 2006 لانه دفع رباعي تحس مركبين مكينة طراد
على السياره

هذا الي اشوفه في السيارتين .. ارجو اني اضفت شي واسمحو لي على الاطاله

سلمان

21-09-2006, 07:29 PM

بس ماراح أنخلص هذا بيقول الكروزر أوكى وهذا بيقول النيسان أوكى

وانا اقول الناس اذواق وكل واحد له راي في الكروزر او نيسان

وانا عن نفسي افضل نيسان اكثر من الكروزر وهذا رايي الشخصي

وكل واحد وله راي في الموتر الي يفضله ..

راعي النيسان

21-09-2006, 09:26 PM

ومازلوا الشباب يفاضلون على النيسان ... اخوي اللي سال عن سبب سقوط سعر النسيان ،، الصراحة هذا السوال اللي ما عندي جواب عليه ...

بس يمكن انه مو ماخذ حقه من الاهتمام من الناس على انه موتر موتر ،، واحد يقول كروزر الباقي يقولون كروزر

مجرد تقليد من دون اي معني ,, وبجيب لك امثلة ،، طبعا تخبر قبل النيسان والكرورز شنو كان الموتر المحبوب عند الشباب ،، كان بالطبع الجميس والسوبربان ، وتمت الناس تشتري جميسات وسوبربانات بالهبل واذا شريت كرورز او نيسان طاحوا فيك طنازة ومسخرة ياباني مافي حديد ومافيه عزم ومن هلاكلام،، بس وينهم الحين مضى عليهم الزمن وانتهى .. وصارت الناس كله كرورز ونياسيين

فاللي نشوفه هنيه بين الشباب اهو مجرد تقليد وبس لا اكثر ولا اقل ..

لمت داون111

21-09-2006, 10:40 PM

ومازلوا الشباب يفاضلون على النيسان ... اخوي اللي سال عن سبب سقوط سعر النسيان ،، الصراحة هذا السوال اللي ما عندي جواب عليه ...
بس يمكن انه مو ماخذ حقه من الاهتمام من الناس على انه موتر موتر ،، واحد يقول كروزر الباقي يقولون كروزر

مجرد تقليد من دون اي معني ,, وبجيب لك امثلة ،، طبعا تخبر قبل النيسان والكرورز شنو كان الموتر المحبوب عند الشباب ،، كان بالطبع الجميس والسوبربان ، وتمت الناس تشتري جميسات وسوبربانات بالهبل واذا شريت كرورز او نيسان طاحوا فيك طنازة ومسخرة ياباني مافي حديد ومافيه عزم ومن هلاكلام،، بس وينهم الحين مضى عليهم الزمن وانتهى .. وصارت الناس كله كرورز ونياسيين

فاللي نشوفه هنيه بين الشباب اهو مجرد تقليد وبس لا اكثر ولا اقل ..
احنا قلنا نبي سبب منطقي بدون تقليد وتقليد لانه مب عذر:court:

والكلام الي بالاحمر هو جوابك علي النيسان يالغالي
:deal:

ومهما قلنا ولا سوينا مالنا غنى عن هالكروزر والفتك وهالشي اكيد;)