كلية المجتمع , بدت تنحرف عن مسارها

[أم محمد 90]

السلام عليكم .,,


تم افتتاح مبنى جديد للكلية , مبنى جميعنا كنا بانتظاره بنات وبنين .

كان فينا امل كبير بحكم ان 90% من طلاب كلية المجتمع (موظفين وأولياء أمور) يعني :

الصبح (موظف)
العصر (طالب)
المساء ( أم أو أب )

أملنا الكبير تحطم وبدأ يتخبر من بداية طرح المواد لهذا الفصل ..
عندما انشأت الكلية كان جزء من توجهها أنها تكون للطلبة الموظفين يعني ؟

اتاحة مواد بعد ساعات العمل بحيث ان الموظف يكون متفرغ ؟ّ!

فصل ورى فصل المواد تقل وعدد الطلاب ؟

في ازدياد ...

المواد جداً قليلة مقارنه بعدد الطلاب والمشكلة ؟ أوقات المواد .. تغيرت بزيادة هالفصل ..
فالفصول الاخرى كان في مواد الساعه 5 و 7 و 8 !

الحين نسبة كبيرة من المواد تبدأ 12 ونصف و 2 ونصف !!
(اتكلم عن مواد تخصص وليس متطلبات عامة كالعربي والتاريخ والثقافة الاسلامية!)
والمشكلة الأكبر ان اغلب المواد تبدأ نفس الوقت ؟؟

يعني مثلا الفلسفة والتسويق والعلاقات الدولية يبدأون 2 ونصف يوم الاحد والثلاثا ؟ شلون اقدر اسجل ليش مافي مجموعات ثانية ؟

هذا مثال عشان اوصل نقطتي ان واجهنا صعوبة كبيرة ف التسجيل والسبب ان المواد تبدأ ف نفس الوقت
مما يسبب تعارض في اوقات المحاضرات ويعرقل التسجيل !



وفي أول يوم للكلية تفاجأنا بأن :-

المبنى هو مبنى مدرسة .. مقابلة مبنى البنين ؟ّ!

والبنين مساكين ماعندهم مواقف يصفون ف الشارع ويقطعون الشارع عشان يدخلون الكلية !

هذا غير عن مكان الكلية والشوارع الغير معبدة وللحين في حفريات واعمال فيها ...!

والمفروض ادارة الكلية عارفة ان الدوام الرسمي ف الدولة للموظفين اغلبه ينتهي 2 ّ!!!

تخلون المحاضرات 2 ونص والمكان جدا بعيد وشارع فيه اعمال وحفريات وشاحنات منو بيوصلكم في نص ساعه ؟!!

وغير هذا يجيك مدرس يدري انك موظف وتطلع من اقصى الدوحة عشان توصل الكلية ويقولك سوري ما احسبك حضور انته متاخر ..

وبعد ؟ ان طلاب وايد غير موظفين يسجلون بمواد العصر والمساء مفروض الاولوية تكون للموظفين
والكلية اساسا بكبرها تكون اولويتها للطلاب الموظفين أو اللي شهادتهم الثانوية قديمة او اللي انطردو من الجامعة او اللي ماجابو نسبة

مش اللي توهم فرش مخلصين ثانوية وعندهم فرص كبيرة وعديدة ف كل مكان !!!

الين اليوم اسال نفسي الى متى يتم افتتاح اماكن جديدة ما تم الانتهاء منها بشكل تااااااااااام !

منطقياً ! اغلب الموظفين فالكلية على الدرجة الثامنة والبعض فيهم ع الدرجة السابعه حتى ورواتب قوية

ولكن ليش نكمل دراستنا ؟ عندنا طموح ! نبي نوصل لهدف معين ..

ولكن على اتجاه الكلية الحالي ... اظن انها بدت تنحرف عن مسارها واتوقع انسحاب كبير للطلاب الموظفين منها ..

لانها فعلا ماقاعدة توفر لنا اللي احنا سجلنا عشانه فيها ..

يعني انا مفروض تخرجي شهر 5 الحين مضطرة انتظر صيف او خريف 2016 !!

سنة كاملة زيادة بس عشان قلة المواد !!!

وفي اخر الموضوع أقول ..


الله كريم , والله المستعان

[مــاي ورد]

المبنى فعلا ما كان متوقع نهائيا و المواد قليلة هالكورس المجميع كلها فل وفي وايد مواد ما انطرحت

الله المستعان

[وحيد-الشوق]

الله كريم

انا بروحي متكدر من مكانها الجديد مشوار من الوكرة لين لوسيل هذا وانا مأجل الكورس عشان ظروف المبنى القديم والكل كان يتشكى منه مستغرب متى يفتحون مباني في مناطق عدله افتحوا فروع للجامعات مانبي كل شيء متمركز في الدوحة !!!!

الكلية فيها امور بعد بايخه منها حتى الاعذار ماتنقبل ابداً عندك 5 ايام غياب لكل مادة اذا طفت المدة المسموحة خلاص راحت عليك عيد الكورس سلامات لو صارلي حادث او مرض لازم تدوام والغريب الي سمعته حتى اجازة العزاء ماتنقبل والله مب صاحيين

[قطري 777]

ياحي الفلات والله كانت الامور عندهم سهلات ويقدرون السبب انهم اجانب وامريكان يتفهمون ويستحون اممممم مب متاثر بالادراه يهمه يكسب الطالب والاداره الربع الي عندنا معهم فوبيا من الاداره ويغيبك علشان يطلع انه الدكتور الصارم وخمس ايام ع الكورس اشوفها قليله و فعلا كلام ام محمد صح انا اصف موتري واقطع الشارع هههههه والبنات بصراحه سواقتهم ماطمن خايف لايدعموني في يوم من الايام ع العموم الله كريم ونخلص ع خير هههههاي .

[أم محمد 90]

المبنى فعلا ما كان متوقع نهائيا و المواد قليلة هالكورس المجميع كلها فل وفي وايد مواد ما انطرحت

الله المستعان

الله كريم يا اختي ولنا الأجر على المشوار اليومي والصداع والتعب..

[أم محمد 90]

الله كريم

انا بروحي متكدر من مكانها الجديد مشوار من الوكرة لين لوسيل هذا وانا مأجل الكورس عشان ظروف المبنى القديم والكل كان يتشكى منه مستغرب متى يفتحون مباني في مناطق عدله افتحوا فروع للجامعات مانبي كل شيء متمركز في الدوحة !!!!

الكلية فيها امور بعد بايخه منها حتى الاعذار ماتنقبل ابداً عندك 5 ايام غياب لكل مادة اذا طفت المدة المسموحة خلاص راحت عليك عيد الكورس سلامات لو صارلي حادث او مرض لازم تدوام والغريب الي سمعته حتى اجازة العزاء ماتنقبل والله مب صاحيين

صحيح !

الله يعينك من الوكرة لين الوسيل !

صج صج صج درررررب والله ,, ربي المستعان انا دوامي ف الدفنة و عالزحمة اوصل ف 50 دقيقة والله العظيم شلون انت

[أم محمد 90]

ياحي الفلات والله كانت الامور عندهم سهلات ويقدرون السبب انهم اجانب وامريكان يتفهمون ويستحون اممممم مب متاثر بالادراه يهمه يكسب الطالب والاداره الربع الي عندنا معهم فوبيا من الاداره ويغيبك علشان يطلع انه الدكتور الصارم وخمس ايام ع الكورس اشوفها قليله و فعلا كلام ام محمد صح انا اصف موتري واقطع الشارع هههههه والبنات بصراحه سواقتهم ماطمن خايف لايدعموني في يوم من الايام ع العموم الله كريم ونخلص ع خير هههههاي .

نصيحة اوجهها لك رغم اني بنت , ترى بنات هالوقت مب صاحيين حاسب حاسب حاسب منهم
كل وحدة تسوق ذاك الموتر ولسانهم طووووووووووووييييييييل ههههههههههههههههههههههههههههههه

[بومحمد المطاوعه]

كنت بسجل فيها

بس شنوو قريب من بيتي

مشي اروح له ههههههههههه


الله يعينكم

[Qt.1]

بصراحه انا عندي تحفظ على مكان الكليه من الااساس , ياخي شلون كليه في وسط بيوت يعني مافكرو قبل هم ليقرورن بالزحمه الي ممكن اتصير على خط واحد بس رايح وجاي !! معقوله مافكرو قبل !! مكان الكليه غلط من البدايه , استانسنا يوم شفنا المبنى وقلنا زين قريبه منا المدارس حق عيالنا انسجلهم فيها لكن للاسف انصدمنا انها كليه وياريتهم ماحطوها هناك ,,

[خزامئ]

ماقصرتي ام محمد
جبتي كل الي نبي نقوله كل مالهم وينزلون للاسوا
واخر شي رايحين اخر الدوحه وحتا المكون موب لهم ولا يستوعب العدد الي في ازدياد
ولا فيه تغطيه عدله
وممنوع الخدم يدخلون الكليه
الحين لو بنت معها شغاله وماعندها كون كلاس واحد وش اتسوي في شغاله تنطر في الشارع
او مع سواق ساعه كامله
ماعرف من يسوي ذي القرارات

[Right]

من طلب العلا ، ضرب الخطوط :nice:

[شموخ دائم]

,

,


مرحبا

اتمنى يتجاوبون معاكم خاصه للي مرتبط بدوام ويتم تعديل الاوقات لتناسب الجميع


سؤال خارج النص

ماهي التخصصات الي عندهم ؟؟
وهل الشهاده بكالريوس !!
وهل ينصح فيها لخريج الثانويه هذي السنه !!
لهم متطلبات معينه؟

,

,

[العقل المدمر]

نصيحة اوجهها لك رغم اني بنت , ترى بنات هالوقت مب صاحيين حاسب حاسب حاسب منهم
كل وحدة تسوق ذاك الموتر ولسانهم طووووووووووووييييييييل ههههههههههههههههههههههههههههههه


وانا بعد مع احترامي لنفسي :tease:

[دااانة قطر]

وعليكم السلام. .جزاج الله خير عزيزتي أم محمد..موضوعك عبر عن أغلب الطلبه من الجنسين

بالنسبه لي الحمدلله وافقوا لي عالتفرغ فمرتاحه من سالفة البهدلة والخط والتأخير
لكن جد المبنى والمواد ومواعيدها سببت لي ازمه في بداية الكورس.. بس الحمدلله قدرت أخذ المواد المهمه حتى آخر يوم الحذف والاضافه ..سمعت أن الشكاوي وصلت للاداره لاني اذكر اني دخلت كلاس متاخره وكان عندنا مدير ووووومجموعة من المسؤؤلين يستفسرون عن المشاكل والإقتراحات ..مامداني اسال لأنهم خلصوا وطلعوا. .وأن شاء الله اللي كانوا موجودين أبدوا رأيهم والكلاسات الثانيه بعد..وقريت عبر تويتر شكاوي الطلبه ولجريده ..وان شاء الله يكون في حل ..اتمنى تغيير المبنى ومكان المبنى ..
ألحين كل همي واللي يجيب لي المرض من بعد آخر اشارہ والخط لين الكليه..في الروحه والرده. .بس
والله المستعان

[حرف]

الا صارت احسن بعد قرار ان فيها بكالريوس

[mr_qtr]

يعطيج العافيه ام محمد قلتي كل اللي في الخاطر

وانا الحمدلله تخرجت بس للحين موقفين شهادتي على مادة وحدة بس!
مع انهم عادلوها للي كانوا معاي، بس مادري ليش وقفت علي انا
والحمدلله اني الحين ماشي في مواد البكالوريوس والله يوفقنا كلنا ان شاءالله

لو فيها مشاكل واخطاء ان شاءالله كل شي وبيتعدل، الحمدلله ان حصلنا كلية نقدر نكمل فيها،،،
بدل شهادة الثانوية اللي مابتزيد لنا شي
وتفائلوا بالخير ان شاءالله وفي امور بتتغير وان شاءالله تكون للأفضل بما ان الكلية للحين جديدة
وان شاء الله في تطور دائم،،، وان شاءالله تكون الاولوية دائماً للموظفين بما انها اصلاً فتحوها للموظفين.

الله المستعان
والله يوفق الجميع ان شاءالله

[mr_qtr]

ياحي الفلات والله كانت الامور عندهم سهلات ويقدرون السبب انهم اجانب وامريكان يتفهمون ويستحون اممممم مب متاثر بالادراه يهمه يكسب الطالب والاداره الربع الي عندنا معهم فوبيا من الاداره ويغيبك علشان يطلع انه الدكتور الصارم وخمس ايام ع الكورس اشوفها قليله و فعلا كلام ام محمد صح انا اصف موتري واقطع الشارع هههههه والبنات بصراحه سواقتهم ماطمن خايف لايدعموني في يوم من الايام ع العموم الله كريم ونخلص ع خير هههههاي .





وانا بعد مع احترامي لنفسي :tease:

ههههههههههههههاي مساكين البنات

الواحد يخاف البنت تلف عليه ويكون لسانها طويل


بيروح فيها

بيصير هو غلطان ومايعرف يسوق و&ظھ$@#$#ظھ$$@#$# :anger1: ههههههههه

حسابوا ياشباب :nice: