فيلادلفيا امريكا

[الخيالة]

سلام عليكم

اضطريت احط اهني لان احتاج مساعده

اللي عندهم ناس في هالمنطقه ضروري يكلموني
Philadelphia.Pennsylvania
‎واللي يدرسون في هالجامعة في نفس المنطقة
Villanova university

[أبورودي]

انا زرتها قبل شهر المكان امن وجمسله جدا تبعد عن نيوجيرسي ساعه بالسياره

[المحاميه]

عليكم السلام

شنو استفسارج اختي تفضلي؟

[الخيالة]

لا لان بنت اختي اهناك تدرس
ابي اشوف اذا في حد يساعدنا غرف للاجار قريبه من الجامعه بسعر معقول لان ماعندنا اي فكرة عشان هاي ابي اعرف اذا حد اهناك او قريب او لهم معارف و خبرة

[المحاميه]

اختي كل جامعه يكون حولها سكن خاص للطلاب وبعضهم يفصلون بين البنات والشباب ..

تقدرين تدورين فالنت وبيطلعلج كذا اختيار وانواع للغرف ..

لكن ماتقدرين تحكمين عدل الا اذا رحتي هناك وشفتي المكان واقتنعتي ..

الا اذا فيه طالب هناك وممكن يرشح مكان بحد ذاته ..

دامها هناك اقترحي عليها كمن مكان تشوفهم .. والراي عندج

[الخيالة]

أهيه اهناك و قاعده تدور
بس تقول غالي وانا قلت من اهني ادور واشوف يمكن اقدر أساعدها و بما ان ماعندي فكرة قلت أحط موضوع و استفسر

[المهندس عبدالعزيز]

لا لان بنت اختي اهناك تدرس
ابي اشوف اذا في حد يساعدنا غرف للاجار قريبه من الجامعه بسعر معقول لان ماعندنا اي فكرة عشان هاي ابي اعرف اذا حد اهناك او قريب او لهم معارف و خبرة

ادخل على موقع zillow

http://www.zillow.com/homes/for_rent/University-City-Philadelphia-PA/house,condo,apartment_duplex,townhouse_type/271225_rid/39.963865,-75.16908,39.935736,-75.22487_rect/14_zm/

[المحاميه]

نعم السكن مرتفع فيها نسبيا

[الخيالة]

المشكلة من قبل حصلنا يعني عن طريق النا السعر كان مكتوب شي و يوم راحت اهناك انصدمت السعر كان دبل :(

مشكوره اختي


اخ عبدالعزيز شكرًا راح اشوف الموقع

[aloosh]

عيالنا هناك بسأل لك بس مدري في اي مدينه بالضبط

[aloosh]

ارسلتك لك عناوين القي عليها نظره

[بن رحال]

انا كنت فيها قبل شهر مدينة جميلة والناس فيها محترمين بس عندهم مشكلة السكن سكنت في فندق وتعبت وانا ادور على شقق فندقية وماحصلت على العموم اعتقد اذا دراسة في عندك منطقة الجامعة فيها سكن بس الشقق الحلوة في الداون تاون اتصل على السفارة وبيعطونك رقم شخص يتعاملون وياه المكتب الطبي اسمه بحرسوداني رجل محترم ومايقصر عنده سيارات ليموزين وراح يوفر لكم ان شاءالله سكن .الله يعينكم على التاكس انتبه الاسعار دائما بدون تاكس وعقب يضيفونها على الفاتورة وبالتوفيق ان شاءالله

[وليف الشوق]

كلميني خاص وابشري

[معماري قطري]

الله يوفقها ويعينها على الدراسة

[الخيالة]

شكرا ع الرد

اهيه الحين حصلت سكن و اهيه في هالمنطقة و تدور اكل حلال مطاعم حلالا ممكن اذا تعرفون تخبروني؟اسم المنطقه byrne mawr

واللي اعرفه في طلاب مخلصين دراساتهم فيبيعون اغراضهم اذا في حد خبروني

[الخيالة]

من يوم وصلت تاكل جبن و تونه تبي اكل حلال قريب من نفس المنطقة تخاف تروح بروحها :(
اتمني اذا تعرفون حد اهناك و تقدرون تساعدون لاتبخلون خبروني امانه انا بعيده عنها و احاول أساعدها باللي اقدر

[وليف الشوق]

خليها تروح جمعيه كازان على بعد 5 كيلو تقريبا وعندك سوبر ماركت مكه كلهم حلال من اللحم والدجاج والكفته وجميع اللحوم والتموين الخليجي والعربي
ونصيحه لما تدخل جمعيه كازان تطلب مساعده من اي احد او تطلب الاخ / شاكر يساعدها في التموين وعندي سواقين اعرفهم ممكن تكلمهم يجيبون لها التموين واللحم والدجاج الحلال وانا من صوبي راح اكلمهم اذا تبين اوصيهم واهم من الاخوه السودانيين اللي ماننسى فضلهم بعد الله


والمفروض ولا تزعلين علي انكم تسافرون معاها وتأمنون لها كل شي من سكن وحاجات لها لين تتأكدون ان الامور طيبه عقب ترجعون قطر
احنا ماخلصنا من السكن والحين رجعتي على موضوع الاكل !!!
وانا ماحبيت هالطريقة ان البنت بروحها وماتقدر تدبر نفسها من سكن واكل !! لكن وين اهلها وليش يخلونها بروها على هالحال

[الخيالة]

خليها تروح جمعيه كازان على بعد 5 كيلو تقريبا وعندك سوبر ماركت مكه كلهم حلال من اللحم والدجاج والكفته وجميع اللحوم والتموين الخليجي والعربي
ونصيحه لما تدخل جمعيه كازان تطلب مساعده من اي احد او تطلب الاخ / شاكر يساعدها في التموين وعندي سواقين اعرفهم ممكن تكلمهم يجيبون لها التموين واللحم والدجاج الحلال وانا من صوبي راح اكلمهم اذا تبين اوصيهم واهم من الاخوه السودانيين اللي ماننسى فضلهم بعد الله


والمفروض ولا تزعلين علي انكم تسافرون معاها وتأمنون لها كل شي من سكن وحاجات لها لين تتأكدون ان الامور طيبه عقب ترجعون قطر
احنا ماخلصنا من السكن والحين رجعتي على موضوع الاكل !!!
وانا ماحبيت هالطريقة ان البنت بروحها وماتقدر تدبر نفسها من سكن واكل !! لكن وين اهلها وليش يخلونها بروها على هالحال


مشكوره ع الرد اختي
اهيه مع ريلها و مابي اكتب كل التفاصيل
طلبت بعض المساعدات و الحمدالله حصلت شغل و بما انهم يداد مايعرفون أماكن الاكل الحلال فرجعت سالت مره ثانيه باقي الأمور ان تايدون البنت تسافر بروحها او لا وووو امور خاصه اتمني محد يفتح هالموضوع موضوعي في البدايه كانت عن السكن و الحمدالله ناس كلموني و حصلت سكن و رجعت سالت عن ألاكل

[المحاميه]

قوقل ماب مايقصر