لنبدا سياسه التقشف من اليوم

[حمد 2002]

السلام عليكم ورحمه الله وبركاته

لنبدا سياسه التقشف من اليوم ..

قالوها الاوليين وصدقوا خش فلسك الأبيض حق اليوم الأسود ..


ومد ريولك على قد الحافك ..


الحين الدوله كما سمعنا بأنها قلصه الميزانيه والانفاق بمختلف الجهات ..

وتم تسريح الكثير من الأجانب ..

وأسعار البترول نازله ويمكن تنزل أكثر الله اعلم !!


وماندري الأيام الجايه شنو خاشه لنا !! ..


في ظل إنخفاض البترول وتدهور الإقتصاد العالمي .. ومانلاحظه من أثر على الدول المجاوره وعلى المجتمع ككل !! ..

ماهو دورنا كمواطنين وهل يجب أن نقتصد ونتقشف في الإنفاق من اليوم ؟!


شكرا للجميع ..

[ولد العرب]

على يدك ياحمد2002
اقترح علينا بعض الامور اللي تخفف عن الدوله

[حمد 2002]

حبيبييييي ولد العرب منور المنتدى ..


اشتقت لك حييييل يالحب ..


ويييييين مختفي :weeping: ..


والله فقدناااك يالغاليييي

[أم محمد 90]

اي تقشف والعالم حاطة الفلوس ف حضنها وتصور وترسل حق سناب توب بيبي :)
والمشكلة يجون يقولون لاااا ليش نزلوا الراتب بدري بنقعد بدون فلوس ؟!


امرهم عجيب وغريب

[ولد العرب]

حبيبييييي ولد العرب منور المنتدى ..


اشتقت لك حييييل يالحب ..


ويييييين مختفي :weeping: ..


والله فقدناااك يالغاليييي

لو سمحت عن لكاعه خلك بصلب المووضوع

تبي تسولف تعال مجلس الرياجيل

[راجي الْعفو]

وعليكم السلام و رحمة الله و بركاته

شكرا يالصحفي المحنك البارع صاحب الافكار النيرة و الاسطر الخيّرة

فكرة طيبه حتى نكون على أهبة الاستعداد <حلوه الأهبه هذي

تحياتي الكنافية

[بومحمد المطاوعه]

اي تقشف والعالم حاطة الفلوس ف حضنها وتصور وترسل حق سناب توب بيبي :)
والمشكلة يجون يقولون لاااا ليش نزلوا الراتب بدري بنقعد بدون فلوس ؟!


امرهم عجيب وغريب

اي والله

امرهم غريب

[R 7 A L]

المفروض انقلل الطلعات يعني من الدوام للبيت ومن البيت للدوام وباقي الشاوير انخليها في الشهر مره
وانكنسل وجبات العشاء الي ما منها فايدة

[qtr qtr]

وعليكم السلام ورحمة الله وبركاته
رسالتك هاذي اخوي حمد تتوجه لاصحاب ومدمني المفوشر والسفر في كل ويكند .. واللي نبيه بعد ونتمناه خفض اسعار السلع عشان الواحد يقدر يوفر القرش الابيض فاليوم الاسود

[المحاميه]

مرحبا حمد وعيدك مبارك مقدما

عندي ملاحظات بسيطه ..

فالعنوان كاتب حضرتك لنبدأ وفي ختام موضوعك الشيق كاتب هل يجب يعني استفسار .. طيب مش هذا تناقض؟ ليش تحثنا على التقشف مثل ماسميته وعقب تسألنا؟

بعدين ليش اخترت كلمة تقشف بدال نقتصد او ننتبه؟


نقطه اخيره ..

ماشاء الله من رجعت تداوم والهواجس بدت تلاحقك وتعكسها ف مواضيعك اليوميه المتجدده ..


والسلام خير ختام :)

[أم محمد 90]

مرحبا حمد وعيدك مبارك مقدما

عندي ملاحظات بسيطه ..

فالعنوان كاتب حضرتك لنبدأ وفي ختام موضوعك الشيق كاتب هل يجب يعني استفسار .. طيب مش هذا تناقض؟ ليش تحثنا على التقشف مثل ماسميته وعقب تسألنا؟

بعدين ليش اخترت كلمة تقشف بدال نقتصد او ننتبه؟


نقطه اخيره ..

ماشاء الله من رجعت تداوم والهواجس بدت تلاحقك وتعكسها ف مواضيعك اليوميه المتجدده ..


والسلام خير ختام :)

متاكده ملاحظات بسيطة هههه انتي لا يحطون مديرة يمه يمه :shy:

[وحيد-الشوق]

مواضيعك وايد ياحمد خف اللعب شوي :)

[مختلف جداََ]

لو سمحت عن لكاعه خلك بصلب المووضوع

تبي تسولف تعال مجلس الرياجيل


خف على الريال يالذيب


الحين بيجيك اللي يشوف شي الناس ما تشوفه عشان يفزع له


وتعال رقع عاد

هههههههه

[بن يوسف الثقفي]

الحمد لله انا من امس بديت كل السراويل اللي عندي قمت اسوي لها أعادة تدوير اشل الاستك القديم وركب بدله جديد عشان ماينصل ههههههههههه وعيدكم مبارك الجميع
escape

[.قطر.]

اي تقشف والعالم حاطة الفلوس ف حضنها وتصور وترسل حق سناب توب بيبي :)
والمشكلة يجون يقولون لاااا ليش نزلوا الراتب بدري بنقعد بدون فلوس ؟!


امرهم عجيب وغريب
كل ماشوفهم اخاف حد يحسدهم :(

[راعي الكورفت]

طرق كثيره لتقليل الصرفيه:


1- تستخدم بترول ممتاز بدل السوبر
2- تقلل من المشاوير والطلعات عشان ماتاخذ مخالفات لان المرور بشد حيله
3- تاكل في المعصره بدل المطاعم والفنادق
4- تشرب كرك ب1 ريال بدل كابتشينو من ستاربكس
5- اشتر لك كورولا او عراوي بدل اللاند كروزر
6- لما تتصل باحد عطه رنه وسكر عشان الرصيد مايخلص وخله هو يرد يتصل عليك
7- المواد الاستهلاكيه اشتروها من الحسا
8- الاستغناء عن الخدم والسواق وتوفير رواتبهم للصرف على العائله
9- تفنيش الحريم من جميع القطاعات لانهم اصلا مايشتغلون (بطاله مقنعه)
10- عدم شراء للاطفال الاجهزه الالكترونيه الباهظة الثمن مثل الايفون والسوني 4 واستبداله بكره قدم ب10 ريال




هذا كله اتوقعه بيصير لو سعر البترول نزل الى ال20 دولار للبرميل :secret:

[المحاميه]

متاكده ملاحظات بسيطة هههه انتي لا يحطون مديرة يمه يمه :shy:

هههه
ايه والله
احس الكل بيسبني

[المحاميه]

خف على الريال يالذيب


الحين بيجيك اللي يشوف شي الناس ما تشوفه عشان يفزع له


وتعال رقع عاد

هههههههه

هههه عدل

[حسن]

كل المؤشرات الاقتصاديه المتوقعه لا تبشر بالخير
والايام حبلى من جميع النواحي الاقتصاديه والامنيه والكل شايف وعارف
تدهور اسعار البترول حتى في ضل الحروب وانهيار الانظمه
السنه هذه في تخفيضات على ميزانيه الوزرارت وهذا شي طبيعي
حتى بعض المشايع الكبري سوف تتاثر
الى الان اوضع اوكيه الحمدلله لكن لو تم الاقتراب من الباب الاول اللي هو الرواتب والاجور
هني ياحمد بيتغير الوضع 180 درجه وبتشوف الناس تضرب بريك قوي
وقت الرخي محدا بيسمعك ولكن وقت الازمات بتشوف الناس كيف تبحث عن المعلومه
ابحث عن البديل وحافظ على الموجود

[شبعان]

كل المؤشرات الاقتصاديه المتوقعه لا تبشر بالخير
والايام حبلى من جميع النواحي الاقتصاديه والامنيه والكل شايف وعارف
تدهور اسعار البترول حتى في ضل الحروب وانهيار الانظمه
السنه هذه في تخفيضات على ميزانيه الوزرارت وهذا شي طبيعي
حتى بعض المشايع الكبري سوف تتاثر
الى الان اوضع اوكيه الحمدلله لكن لو تم الاقتراب من الباب الاول اللي هو الرواتب والاجور
هني ياحمد بيتغير الوضع 180 درجه وبتشوف الناس تضرب بريك قوي
وقت الرخي محدا بيسمعك ولكن وقت الازمات بتشوف الناس كيف تبحث عن المعلومه
ابحث عن البديل وحافظ على الموجود



ياحسن لاتخاف ولاتحاتي "بند الراتب والاجور" للقطريين محد بقرب صوبه..
بس ممكن ان يتم تأجيل "التعديلات المقترحه"على قانون الموارد البشريه حتى اشعار اخر.

الحكومه ماقصرت والرواتب بعد الزيادات الاخيره تكفي وزياده..

المفروض ان كل موظف قطري يوفر على الاقل 40% من الراتب(اذا ماكان مديون غير اقساط بنك التنميه).

انا معاك ان المؤشرات الاقتصاديه ماتبشر بالخير ولكن في اعتقادي ان الدوله ماراح تتأثر وايد بانخفاض اسعار البترول الا اذا الازمه استمرت مده طويله على هالاسعار( 50 دولار للبرميل).

الدوله عندها استثمارات خارجيه وداخليه بمئات المليارات من الدولارات ولكن في المقابل الدوله عندها مشاريع كاس العالم واللي حسب تصريحات سعادة رئيس مجلس الوزراء ان تكلفتها في حدود ال 200 مليار دولار!!

بالاضافه الى ان الدوله عليها ديون داخليه وخارجيه.

حجم الديون : 158 مليار دولار(576 مليار ريال)

المصدر:

https://www.cia.gov/library/publications/the-world-factbook/rankorder/2079rank.html

[دايموند]

المفروض انقلل الطلعات يعني من الدوام للبيت ومن البيت للدوام وباقي الشاوير انخليها في الشهر مره
وانكنسل وجبات العشاء الي ما منها فايدة

ونقلل من استخدام النت والمنتدى
والتلفزيون والمايكرويف
ونقلل من شرب الكرك

[المخفي]

هل تم تخفيض الرواتب بعد حرب الخليج عام 90

[جبر ال جبر]

ش الله حادنا ياريال الخير وايد ولاتشغل بالك بالمستقبل وايد تراك بتتعب واصرف ومتع نفسك وركز في علاقتك مع ربك وابشر بالخير والرزق ولاتشغل بالك بالايام السود عسى ايامنا كلها بيض وخير انا اعرف ناس تخش وتخش وتخش وش حصل قبر وعياله لعبو بالفلوس وضاعو وازن نفسك احلى شي الوسطيه

[توشيبا]

المثل الثاني غلط

[ضوى]

ابتدي بنفسك واهل بيتك والله ياجرك خير بتوفر عالحكومه

[معماري قطري]

طرق كثيره لتقليل الصرفيه:


1- تستخدم بترول ممتاز بدل السوبر

أفكر في الديزل وايد يطول

2- تقلل من المشاوير والطلعات عشان ماتاخذ مخالفات لان المرور بشد حيله

لازم تكون قانوني حدك

3- تاكل في المعصره بدل المطاعم والفنادق

تعلم الطبخ ولا خل حد يطبخ لك في البيت

4- تشرب كرك ب1 ريال بدل كابتشينو من ستاربكس

لا ذيه ولا ذيه سو لك دلة في البيت أو المجلس وريح راسك .. ولا تشتري المونة الا من الحسا

5- اشتر لك كورولا او عراوي بدل اللاند كروزر

الكورولا عجيبة والحين بعد البريوس الهجينة 40 كيلو متر للتر

6- لما تتصل باحد عطه رنه وسكر عشان الرصيد مايخلص وخله هو يرد يتصل عليك

هذي ذبحتني ضحك

7- المواد الاستهلاكيه اشتروها من الحسا

قلتها قبل لاقراها

8- الاستغناء عن الخدم والسواق وتوفير رواتبهم للصرف على العائله

حط سواق واحد وخدامه وحدة

9- تفنيش الحريم من جميع القطاعات لانهم اصلا مايشتغلون (بطاله مقنعه)

بالعكس فنش الرجاجيل طلعاتهم وايد واستهلاكهم للشاي والقهوة زايد وشغلهم قليل

10- عدم شراء للاطفال الاجهزه الالكترونيه الباهظة الثمن مثل الايفون والسوني 4 واستبداله بكره قدم ب10 ريال

معاك في ذي


هذا كله اتوقعه بيصير لو سعر البترول نزل الى ال20 دولار للبرميل :secret:

نسيت شيء بعد لا تكثرون اللحوم صالونة عدس ولا خضرة موسمية ورخيصة بعد مفيدة

[ممنوع اللمس]

اقترح علينا انت لو عندك فكر ممكن تفيد
بالنسبه للسفرات والامور هذي
دام الله منعم علي امتع نفسي ليش لا

[خوي الدرب]

من يقنع النساء بذلك ؟