المساعد الشخصي الرقمي

مشاهدة النسخة كاملة : يطلع بسيارة هله مع ربعه !!!!


مضارب دوسري
23-09-2015, 01:57 PM
السلام عليكم ورحمة الله وبركاته

بغيت اتكلم عن موضوع اللي يطلع بسيارة اهله مع ربعه
سواء امه او اخته او زوجته

وطبعا بعض الشباب او الربع ما يحتاي يحفظ السياره واللون واخر كم رقم
ويسوي لهم save فالسستم الدماغي عنده

المشكله الان
تلاقي الشباب لما يشوفون السياره فالشارع يسون لها دزه وسلام بالهرانه
وفالاخير اللي يسوقون اهله :telephone:


انزين ليش تطلع بسيارة اهلك مع ربعك وتخليهم كانهم تحت المراقبه :rolleyes2:


انتوا شرايكم؟


ملاحظه
اللي ياخذ سيارة اهله لتخليص بعض المشاوير لا اقصده بالموضوع


انا اقصد اللي يستعمل سيارة هله في طلعه شبابيه تماشيه مع الربع
او حتى بعد لزيارة مجالس شبابيه


المايك عندكم :secret:
بريق الحق
23-09-2015, 02:02 PM
صح كلامك مرات تنحرج يوم تسلم واخر شي وحده وقد يكون في سوء تفاهم
لانه مرات اذا جفت حد من الربع يعني يقعد يكبس لك او يهرن اهني صج بتاكل هواء
ضوى
23-09-2015, 02:07 PM
هااااااا


ليش طالع بعبايتها والا ملابسها !!

معقول تفكيركم جذي !؟

مايصير سيارته خربانه واضطر يطلع بسيارة اهله عازم ربعه على مطعم والا طلعه !؟

مدري الصراحه اشلون تفكرون
ابو خليفه
23-09-2015, 02:12 PM
شدعوه عادي ياما طلعنا بسيارة البيت والسبب ان موتري خربان ومتعطل وبايع وانتظر موتر جديد ، لكن الربع يحفظون الرقم هذا مب رفيق وحنا كنا نعد بنات فريجنا مثل شوفاتنا ولا نرضى عليهم ..

صف النيه ترى النيه مطيه
حسن
23-09-2015, 02:24 PM
هههههههههههههه

موضوعك يضحك يامضارب

شدعوه لا يكون السياره حاطه مكيب ولا روج ولا لابسه عبايه مزركشه
خخخخخخخ

كلها زياره وبس وبعدين الكل الحين سيارته دفع ربباعي والتويتا اكثر شي

بس تعال يعني ماحددت سيارته هله شنهو الالول فوشي ولا حمر دمي ولاشنوعها
علشان نعرف

وبعديت خير ياطير سلم واي فيها
مضارب دوسري
23-09-2015, 02:27 PM
تخيلوا الموقف
واحد يطق هرانه يبي يسلم على رفيجه طلعوا هله

حلو !

الشخص اللي ما يعرف لا هذا ولا ذيك فالشارع يمشي
وش بيقول عن اللي تسوق ؟
بيقول اها يتحرش فيها
او او او
جبر ال جبر
23-09-2015, 02:28 PM
يريال واحد ماخذ لمرته سياره بنص بمليون ورقم ثلاثي !!! يعني هالشي شتقول فيه بعد اوكي في موضوع السياره بصرك خذ لها ان شاءالله بمليون بس سالفه الارقام هذي المميزه احسها تلفت الانتباه اكثر والحين من سوالف البيرسكوب والسناب شات يصورن السيارات ويحطون تعليقات تحتها
مضارب دوسري
23-09-2015, 02:29 PM
هااااااا


ليش طالع بعبايتها والا ملابسها !!

معقول تفكيركم جذي !؟

مايصير سيارته خربانه واضطر يطلع بسيارة اهله عازم ربعه على مطعم والا طلعه !؟

مدري الصراحه اشلون تفكرون

ماما اقري الموضوع
مضارب دوسري
23-09-2015, 02:33 PM
من فيكم مستانس انه ربعه يشوفون هله ؟؟

اللي مستانس طبعا بهالشي طبعا يصف على جنب

ويروح يبحث هل هو ذكر او رجل

يعني تخيل
مضارب دوسري
23-09-2015, 02:35 PM
يريال واحد ماخذ لمرته سياره بنص بمليون ورقم ثلاثي !!! يعني هالشي شتقول فيه بعد اوكي في موضوع السياره بصرك خذ لها ان شاءالله بمليون بس سالفه الارقام هذي المميزه احسها تلفت الانتباه اكثر والحين من سوالف البيرسكوب والسناب شات يصورن السيارات ويحطون تعليقات تحتها

هذي مشكله ثانيه
ضوى
23-09-2015, 02:41 PM
ماما اقري الموضوع

ماتوقعت ردك جذي معاي

مافصرت واسفه عالمشاركه
مضارب دوسري
23-09-2015, 02:45 PM
ماتوقعت ردك جذي معاي

مافصرت واسفه عالمشاركه

وردج الاول ما توقعته منج
بانغ بانغ
23-09-2015, 03:11 PM
الاشكالية الوحيدة تكمن في ان لو كان في السيارة اغراض خاصة وشخصية بالزوجة ... افضل ان ايشلها اذا بيطلع في سيارة زوجته
سعود.
23-09-2015, 03:47 PM
الاشكالية الوحيدة تكمن في ان لو كان في السيارة اغراض خاصة وشخصية بالزوجة ... افضل ان ايشلها اذا بيطلع في سيارة زوجته


اتفق معك 100%
ممنوع اللمس
23-09-2015, 04:15 PM
ماعرف حسيت الموضوع مادري شلون

يعطيك العافيه على كل حال
Qtr37
23-09-2015, 04:18 PM
عفوا
بس يبين اذا اللي يسوق رجل او امرأة!!!
معقوله بيهرن ويسلم وما فرق اذا اللي يسوق رجل او امرأة؟!
monatee
23-09-2015, 04:54 PM
خلاص شباب لحد يسلم
الاسطوره
23-09-2015, 05:13 PM
متاااابع بصمت
aloosh
23-09-2015, 06:08 PM
موضوع ليس له راس من كرياس
وتفكير دوني لبعد حد
اهل قطر صار فيهم كل شي ما خليتو عيب ما ركبتوه اهل قطر

صدق ان بلاء البلد يجي من اهلها
العقل المدمر
23-09-2015, 06:22 PM
وهو ليش مرافج ناس عيونهم زايغة ومايصدقون يشوفون سيارة هله
المفروض هله مثل اهلهم ودام عارفين انها سيارة هله مايمشون ويصيحون هران
ولا اعتقد في واحد طالع فسيارة هله وهو مستانس وماعنده سالفة ويبي يريح سيارته بس اكيد عنده ظروف
عيل بعد المفروض ولا واحد يطلع مع اخته والا مرته بروحهم لا يحسبونهم الناس حبايب مو متزوجين
بنقعد نفكر فالناس شبيفكرون فيه ما بنخلص
ya3coub
23-09-2015, 07:21 PM
أخوي مضارب الدوسري

الموضوع الأغلب يستنكره و يفهمه غلط انا فاهم نقطته أخوي بس هاي تنحصر بفئة الشباب و مو كل الشباب أخوي

صحيح أغلب شباب هل قطر يحفظون السيارة صم و كم رقم منها و ينقشونها لو بين خمسين سيارة .<<< الله يحفظ شبابنا ولا يحرمهم من قوة الملاحظة بالسيارات و غيرها مما يستهويهم




نجي للفئة الي تسلم بهرن او لو شاف رفيجه بالشارع راح و شطفه او هرن له او عطاه ليتات <<< ممكن تفهمني ليش ؟؟؟

ترا مافيها شي اتشوف واحد من ربعك بالشارع "احتمال اهله يكونون راكبين معاه محد فكر بهالشي" ترفع سماعه التلفون و تتصل فيه تسلم عليه و اتقوله خوش صدفه الي الشارع جمعني فيك. او اذا من زمان ما شفته تتصل تسئل عنه و اتقوله انك شفته. <<<< طبعا هاي للسيارات الي فيها مخفي او ما فيها المفروض كل واحد عيونه على الشارع مو الي داخل سيارات خلق الله.



نجي للي يطلع بسيارة اهله و انا فبعض الأحيان تشملني هالفئة. اشتري السيارة و عقب اهديها للوالدة "ما ترضى تسوقها إلا لما استخدمها" و اهي توزع الله يحفظها و يطول بعمرها سيارة عندها و سيارة عطتها لأختي.

الشباب يعرفون سيارتي الشخصية و يعرفون سيارات البيت و متأكد مليون فالمية الي بيشوف سيارة الأهل بالشارع لا بيقرب ولا بيبتعد ولا بيهرن ولا بيسوي حركات لأني اصلن ما اتعامل بهالطريقه حتى كشاب مع ربعي و الشباب الي اماشيهم.

لربما اذا شخص غير صحبته او تصرفاته مع ربعه اهم بعد شوي شوي بيتغيرون للأفضل. كلنا او اغلبنا قطريين اهني بالمنتدى و كلن ما يرضى على اهله بس متأكد انه الأغلب يعرف سيارات ربعه و سيارات اهل ربعه او الدريول.
مرات ممكن تنتبه لسيارة معينة مسويه حادث. او بنت فريجكم تعرف السيارات الي متواجدة بالفريج لما اتشوفها محتاجة مساعدة او مسويه حادث تقدر تتصل بأخوها و توصفله بالظبط المكان و الخ.

الي يمشي عدل أخوي ما يحاتي شي و يعرف اهله بعد سيدا بدون لف و دوران و سوالف ما عليهم خوف و شبابنا فيهم البركة. اللهم فئة اقلية الي ليلحين يتعاملون بهالشي و الي توهم بعد ماخذين اللياسن بعد فتره فكرهم بيوعى و يكبر لما يتفشل مرة و مرتين بيوقف هالحركة.
Mohammed2
23-09-2015, 08:10 PM
تحاولون اطلعون مشكله او موضوع من لاشيء

وبس هذا اللي عندي :)
Dana’1
23-09-2015, 08:12 PM
عـــادي جدا جدا
أخــذ سيـارة زوجي وزوجي يـاخذ سيارتي في بعض الظروف مثلا السيارة بالتشييك والعكس
ولا صادفت احد يسلم من ربعه !
ولو صادف احد وسلم ،، السلام لله ،، اكيد لا شاف وحده بيصد بعينه وغير كذا من بعيييد والحمدلله مستتريين

ماقد جاء على بالنا مثل هالأمور!
بوحارب
23-09-2015, 08:13 PM
يطلع في الموتر مب مشكلة بس ماله داعي يركب ربعه الموتر

يمكن السيارة فيها أشياء خاصه بزوجته


!
ya3coub
23-09-2015, 08:27 PM
يطلع في الموتر مب مشكلة بس ماله داعي يركب ربعه الموتر

يمكن السيارة فيها أشياء خاصه بزوجته


!

انا سيارات بيتنا ما اتعبث فيها

ما اعتقد احد بيركب مع رفيجه بسيارة بيقعد يتعبث بالدرج او يشوف شالي فيها

الواحد يركب و يسولف و ينزل حده يحط جوالخ و مفتاحه بالنص مكان الكاسات و بس
مضارب دوسري
23-09-2015, 08:38 PM
escape

اطالب باغلاق الموضوع

الظاهر البعض صار عادي رفيجه :rolleyes2:

خلني ساكت بس

الظاهر الانفتاح وصل توب :telephone: