:: الــســفــر فـي العيــــــــد ::

[Charisma]

السلام عليكم ورحمة الله وبركاته ،









الموضوع : السفر في العيد ( يتضمن اول ايام العيد )
الهـــــدف : مجرد استطلاع
المـطــلوب: المشاركـــــــه





العيد ، لاتكتمل فرحته ألا بصلة الرحم من زيارات للأهل والأصحاب ، ومن الملاحظ في الآونه الأخيره ، قضاء الأغلبيه لعطلة العيد خارج البلاد ، بعيدا عن الأهل والأصحاب ، لن استرسل في وجهة نظري ولكن افتح الموضوع لابداء مختلف وجهات النظر .







اسألة للمشاركين ،





ما رأيك في السفر خلال عطلة العيد ؟ ( السؤال في الأستطلاع )

وما الفرق بين قضاء العيد في البلاد ، وخارج البلاد ؟

هل يعتبر السفر اثناء العيد ، تهميش لمكانة وأهميه قضاء العيد بين الأهل والأصحاب ؟

هل أصبح العيد ، مجرد "اجازه" تستغل في السفر فقط ؟

هل هنالك أسباب تستدعي السفر لقضاء العيد في الخارج ؟

[Mohammed2]

في فرق بين السفر في اول يوم في العيد وبين عطلة العيد

انا اول العيد طبعا احب اكون مع هلي كلهم وسلام عيد
وثالث او رابع العيد اسافر عادي
اكون عيدت مع هلي وسافرت بعدها واستانست

[بوحارب]

تم التصويت ؛ حرية شخصية

[العقل المدمر]

يعني نقضي العيد برى ؟
والا بعد العيد نكمل العطلة برى ؟
لان الجواب يفرق

[Charisma]

تم توضيح المقصود / العطله متضمنه اول ايام العيد ،

شكرا لكم وراجع لكم باذن الله .

[Mohammed2]

بعد التوضيح انا غير مؤيد

[مشاكل]

بالنسبة لي ماحب السفر فالعيد
بس البلشة عيالك ماتدري وين توديهم

[مختلف جداََ]

كل عام و انتوا بخير

توجد عندي ملاحظة على الإستبيان .
وهو بخصوص الحرية الشخصية.

يا شيخ بايلوت كل واحد حر إنه يسافر في العيد أو ما يسافر ( المفروض ما تنحط من ضمن الخيارات لأنه مفروغ منها).

الصح في رأيي المتواضع إنه مؤيد أو غير مؤيد بدون خيار ثالث .

وشوكران

[الحاقول]

بعض الناس تسافرعن العيد
والله عيب
الهروب عن العيد
ماتبي تعطي عيديه حق اليهال
او تشتري فوالة-العيـــد
خلاص
لا تعطي عيديه لا تشتري فوالة العيد
بس عيد عندنا

[شموخ دائم]

,

,

مرحبا
شكرا على الموضوع

ما رأيك في السفر خلال عطلة العيد ؟ ( السؤال في الأستطلاع )

حريه شخصيه

وما الفرق بين قضاء العيد في البلاد ، وخارج البلاد ؟

خارج البلاد خيارات اكثر وترفيه اكثروتسوق اكثر
والعائله تكون مع بعض فيها متعه اكثر

وداخل البلاد فرحه و له صله الارحام والتواصل مع الاقارب والاصدقاء والاحساس بالعيد وله عاداته وتقاليده المحببه
فلكل مكان متعته

هل يعتبر السفر اثناء العيد ، تهميش لمكانة وأهميه قضاء العيد بين الأهل والأصحاب ؟

لا طبعا
لكل مكان متعته ونكهته

هل أصبح العيد ، مجرد "اجازه" تستغل في السفر فقط ؟

مسئله نسبيه عند البعض وعند الاخرين لا

هل هنالك أسباب تستدعي السفر لقضاء العيد في الخارج ؟

نعم
السبب الرئيسي هو ( الماده ) والوضع المادي عند الناس اصبح جيد جدا بفضل من الله والحمدالله
وهو سبب السفر وعلى الدرجه الاولى ايضا
:)

قبل عشر سنوات السفر كان نادر في العيد وكان من يذهب هو ( الشباب ) دبي والبحرين والسعوديه والكويت

الماده نقلت الناس الى كل دول العالم واصبح الناس اكثر اطلاع مع توافر وسائل الاتصال الحديثه والانفتاح على العالم

على فكره انا لا اسافر بالعيد الا نادر

,

,

[بوخالد911]

غير مؤيد بأول يوم

[ya3coub]

ما رأيك في السفر خلال عطلة العيد ؟ ( السؤال في الأستطلاع )
التصويت كان حرية شخصية... بس بعد ما قريت الردود و شمل أول يوم فيها لا طبعا غير مؤيد

وما الفرق بين قضاء العيد في البلاد ، وخارج البلاد ؟

كلشيي يفرق بس أول يوم هو الأساس صلاة العيد و لفه العيد و غدا العيد.

هل يعتبر السفر اثناء العيد ، تهميش لمكانة وأهميه قضاء العيد بين الأهل والأصحاب ؟

أذا اول العيد نعم و لكن يعتمد أيضا على سبب السفر

هل أصبح العيد ، مجرد "اجازه" تستغل في السفر فقط ؟

أكيد طالما حر و مافي شي يكون و توفر المادة و لله الحمد, أول يومين المواصل و الواجب و عدم قطع العادة و المزاور و بعدها كل واحد حر.
الدوائر الحكومية و بعض شبه الحكومية تعطي اجازة أسبوع او اكثر الأكيد من حق المستفيدين من استغلالها <<< ليس حسدا بل لأن اجازتي ثلاث ايام العيد فقط و لو كانت اكثر جان سافرت

هل هنالك أسباب تستدعي السفر لقضاء العيد في الخارج ؟

نعم اولها اماكن ترفيهية عيل دولة ما شاء الله علينا عندنا كل مقومات التطور و الإنشائات و محد فكر بمدينة ملاهي صغيرة او مؤقته تنبني. نسافر للدول المجاورة علشان نلعب و نلعب عيالنا !!!
تغير جو الهرب من الزحمة و الروتين و نفس المناظر
تجربة السكن بفندق او شقق حيث تجربتها بالدوحة خسارة فلوس و ملل زايد
التعرف على انظمة جديدة او ثقافه لربما استكشاف مناطق جديدة قريبة بالدول المجاورة

[Dana’1]

حريه شخصيه

[ضوى]

حريه شخصيه

[بريق الحق]

حرية شخصيه

[بوحارب]

تم توضيح المقصود / العطله متضمنه اول ايام العيد ،

شكرا لكم وراجع لكم باذن الله .

اذا كان ابوه او امه موجودين

غير مؤيد للسفر اول يوم قبل السلام عليهما


وكل عام وأنتم بخير جميع ;)

[الحياة الخالدة]

حرية شخصيـــــــة

[حسن]

عيييييييييييييييييييب

:)

[Azizuk]

اولا عيدكم مبارك على الجميع

غير مؤيد بشدة

العيد حالة خاصة بالنسبة لي أني أعيد في البلاد مهم مهم جداً

اول يوم وثاني يوم بين اهلي وربعي وخاصة بعد الزواج وتكوين الاسرة

من ثالث يوم تبدأ الحرية الشخصية

حتى يوم كنت خارج البلاد لدراسة أجي أعيد وارجع ثاني يوم

اهم شي أعايد على الوالدين

وعندي بصراحة ومن غير زعل ويكرمون السامعين والقراء والاعضاء اللي يتعمد ان يسافر كل عيد خارج البلاد إنسان تافه وعنده نقص

ممكن أعذرة اذا وقته ضيق ولازم عياله يسافرون هذا معذور بس مب يتعمد ان مايحضر العيد عشان الناس تسال عنه وين فلان والله فلان مسافر

وفلان وفلان وفلاتان كلهم مسافرين

صارت عاده وامفوشر الواحد يسافر قبل العيد يابلافيت فلان كسر العادة وانه بطران

لان قبل منقود اللي يسافر في العيد

[النهار]

غير مؤيد ايش هالسفره الي مدتها 4 او 5 ايام
حلات العيد بين الاهل والاصدقاء

[Charisma]

بداية ، أستغل الفرصه لتهنئة جميع الأعضاء بمناسبة عيد الأضحى المبارك ، أعاده الله علينا وعليكم وعلى الأمة الأسلاميه بالخير واليمن والبركات ، ونسأل الله ان يتقبل من حجاج بيته الكريم وأن يحفظهم ويردهم لأهلهم سالمين غانمين .

اللهم امين .


الموضوع استطلاعي بشكل عام ، ونقاشي في جوانب محدوده ، مثل هالمواضيع لاتفرض فيها الأراء ولانملك الحق في انتقاص وجهات النظر ، مجرد وقوف عند بعض الأسباب واراء الأعضاء .

[Charisma]

في فرق بين السفر في اول يوم في العيد وبين عطلة العيد

انا اول العيد طبعا احب اكون مع هلي كلهم وسلام عيد
وثالث او رابع العيد اسافر عادي
اكون عيدت مع هلي وسافرت بعدها واستانست


بعد التوضيح انا غير مؤيد


مراحب اخوي محمد ،

شكرا على المشاركه ، بالنسبه للمؤيدين هل تعتقد ان عندهم اسباب وجيهه للسفر ؟ مثلا / عدم وجود فعاليات مناسبه للاطفال وللأسره بشكل عام ، بالعامي " مافي جدول " ، هل ممكن تكون مثل هالأسباب كافيه لتبرير التغيب عن أول أيام العيد ؟

[Charisma]

تم التصويت ؛ حرية شخصية




اذا كان ابوه او امه موجودين

غير مؤيد للسفر اول يوم قبل السلام عليهما


وكل عام وأنتم بخير جميع ;)


مراحب اخوي بو حارب ، افتقدنا حماسك في المنتدى. :cool:


وانت بخير وصحه وسلامه ، وعساك من العايدين ،


الاراء الغير مؤيده ، تراعي في ذلك ، تحسس الأقرباء مثلا / كبار السن ومن لهم حق عليهم ، غيابهم في العيد يترك فراغ كبير في قلوبهم ، والبعض حتى لايشعر بالعيد إلا في تواجدهم ، " شرايك " ؟

[Charisma]

يعني نقضي العيد برى ؟
والا بعد العيد نكمل العطلة برى ؟
لان الجواب يفرق

تم التعديل والتوضيح أختي ، العيد متضمن أول يوم .

[Charisma]

بالنسبة لي ماحب السفر فالعيد
بس البلشة عيالك ماتدري وين توديهم

مراحب اخوي مشاكل ،

اسمح لي أتعمق شوي في توجيه الأسأله ، العيد فرحه للكبير والصغير ولقائات وزيارات ، "كفة" الأطفال وفرحتهم ، هل ممكن ترجح على "كفة" الزيارات وصلة الرحم في كل من لهم حق علينا ؟ وهل هنالك بدائل "متواضعه" تسد نقص "الفعاليات" المخصصه للاطفال ؟ مثال / رحلات بريه ، استراحات ، شاليهات ، ..إلخ .

[Charisma]

كل عام و انتوا بخير

توجد عندي ملاحظة على الإستبيان .
وهو بخصوص الحرية الشخصية.

يا شيخ بايلوت كل واحد حر إنه يسافر في العيد أو ما يسافر ( المفروض ما تنحط من ضمن الخيارات لأنه مفروغ منها).

الصح في رأيي المتواضع إنه مؤيد أو غير مؤيد بدون خيار ثالث .

وشوكران


حيا الله مختلف ، وانت بخير يالغالي . ،

وجزاك الله خير عالتنبيه ، تعمدت وضع خيار " حرية شخصيه " ، لفرز الأراء اللتي تملك أسباب " مؤيد او غير مؤيد " ، من الاراء اللتي لاترى في هذا الموضوع أهميه " حرية شخصيه " .

[Charisma]

بعض الناس تسافرعن العيد
والله عيب
الهروب عن العيد
ماتبي تعطي عيديه حق اليهال
او تشتري فوالة-العيـــد
خلاص
لا تعطي عيديه لا تشتري فوالة العيد
بس عيد عندنا

مراحب اخوي الحاقول ،

البعض يقولك ، مافي فعاليات ، مافي جدول ، ماقدر استغل اجازة العيد و " أونس العيال " اذا اظطريت أني أقضي أول يوم عيد في الدوحه ، في الخارج تتعدد الخيارات واذا سافرت من أول يوم أجازه ، راح نغير جو و"نستانس" والأهل "لاحقين عليهم " <- ردك على مثل هالأسباب ؟

[Charisma]

,

,

مرحبا
شكرا على الموضوع

ما رأيك في السفر خلال عطلة العيد ؟ ( السؤال في الأستطلاع )

حريه شخصيه

وما الفرق بين قضاء العيد في البلاد ، وخارج البلاد ؟

خارج البلاد خيارات اكثر وترفيه اكثروتسوق اكثر
والعائله تكون مع بعض فيها متعه اكثر

وداخل البلاد فرحه و له صله الارحام والتواصل مع الاقارب والاصدقاء والاحساس بالعيد وله عاداته وتقاليده المحببه
فلكل مكان متعته

هل يعتبر السفر اثناء العيد ، تهميش لمكانة وأهميه قضاء العيد بين الأهل والأصحاب ؟

لا طبعا
لكل مكان متعته ونكهته

هل أصبح العيد ، مجرد "اجازه" تستغل في السفر فقط ؟

مسئله نسبيه عند البعض وعند الاخرين لا

هل هنالك أسباب تستدعي السفر لقضاء العيد في الخارج ؟

نعم
السبب الرئيسي هو ( الماده ) والوضع المادي عند الناس اصبح جيد جدا بفضل من الله والحمدالله
وهو سبب السفر وعلى الدرجه الاولى ايضا
:)

قبل عشر سنوات السفر كان نادر في العيد وكان من يذهب هو ( الشباب ) دبي والبحرين والسعوديه والكويت

الماده نقلت الناس الى كل دول العالم واصبح الناس اكثر اطلاع مع توافر وسائل الاتصال الحديثه والانفتاح على العالم

على فكره انا لا اسافر بالعيد الا نادر

,

,

مراحب اخوي شموخ ، وأشكرك على اجاباتك للأسأله .

واسمح لي اوجه لك نفس السؤال اللي وجهته لاخوي بوحارب ، الاراء الغير مؤيده ، تراعي في ذلك ، تحسس الأقرباء مثلا / كبار السن ومن لهم حق عليهم ، غيابهم في العيد يترك فراغ كبير في قلوبهم ، والبعض حتى لايشعر بالعيد إلا في تواجدهم ، " شرايك " ؟

[Charisma]

غير مؤيد بأول يوم


مراحب اخوي بوخالد ،


وإذا سمح وقتك ياليت تشاركنا بأجوبتك على الأسأله ، او شرح أسباب عدم التأييد .

[Charisma]

ما رأيك في السفر خلال عطلة العيد ؟ ( السؤال في الأستطلاع )
التصويت كان حرية شخصية... بس بعد ما قريت الردود و شمل أول يوم فيها لا طبعا غير مؤيد

وما الفرق بين قضاء العيد في البلاد ، وخارج البلاد ؟

كلشيي يفرق بس أول يوم هو الأساس صلاة العيد و لفه العيد و غدا العيد.

هل يعتبر السفر اثناء العيد ، تهميش لمكانة وأهميه قضاء العيد بين الأهل والأصحاب ؟

أذا اول العيد نعم و لكن يعتمد أيضا على سبب السفر

هل أصبح العيد ، مجرد "اجازه" تستغل في السفر فقط ؟

أكيد طالما حر و مافي شي يكون و توفر المادة و لله الحمد, أول يومين المواصل و الواجب و عدم قطع العادة و المزاور و بعدها كل واحد حر.
الدوائر الحكومية و بعض شبه الحكومية تعطي اجازة أسبوع او اكثر الأكيد من حق المستفيدين من استغلالها <<< ليس حسدا بل لأن اجازتي ثلاث ايام العيد فقط و لو كانت اكثر جان سافرت

هل هنالك أسباب تستدعي السفر لقضاء العيد في الخارج ؟

نعم اولها اماكن ترفيهية عيل دولة ما شاء الله علينا عندنا كل مقومات التطور و الإنشائات و محد فكر بمدينة ملاهي صغيرة او مؤقته تنبني. نسافر للدول المجاورة علشان نلعب و نلعب عيالنا !!!
تغير جو الهرب من الزحمة و الروتين و نفس المناظر
تجربة السكن بفندق او شقق حيث تجربتها بالدوحة خسارة فلوس و ملل زايد
التعرف على انظمة جديدة او ثقافه لربما استكشاف مناطق جديدة قريبة بالدول المجاورة

مراحب اخوي يعقوب ، تروح وترد بالسلامه .

أشكرك على اجاباتك للأسأله ، هل عدم توافر اماكن ترفيهيه " بالمستوى المطلوب " ، سبب وجيه للسفر في العيد ( متضمن أول أيام العيد ) ، ؟ او بمعنى اخر ، هل يسقط " العتب " من المقربين بمجرد ذكر هذا السبب ؟ ( حسب رأيك طبعا ) .

[Charisma]

حريه شخصيه


حريه شخصيه




حرية شخصيه



حرية شخصيـــــــة


شكرا على المشاركه ، هنالك اسألة أن احببتم الأسترسال في وجهات النظر .

[Charisma]

عيييييييييييييييييييب

:)

مراحب يالنوخذه ،


وضح أكثر .

[Charisma]

Azizuk ، النهار


راجع لكم بأذن الله .

[مضارب دوسري]

انا عن نفسي غير مؤيد للسفر فالعيد
لان بين الاهل احلى خصوصا اذا العائله تجتمع
وهي فرصه للتواصل الاسري وصلة الارحام


بالرغم من اني غير مؤيد لكن صوت باني اراها حريه شخصيه
لانها فعلا حريه شخصيه

[حسن]

مراحب يالنوخذه ،


وضح أكثر .

هلا هلا

عيدك مبارك يابايلوت انت والجميع
عيب ان اسافر في العيد واحنا مسلمين دون سبب علاج او دارسه انما مجرد لهو !!
وعيب تو العالم مسافره وجايه من الاجازه ماصار لها اسبوع !!!
وعيب ان اتهرب من القاء والسلام على الاهل بحجه السفر وهذا لاحظتها بشكل كبير !!!
وعيب اصبح الناس ماتهتم بالاعياد حتى الموجودين ماعاد يتواصلون الا قله نادره !!!
هذا الواقع شرحته لك باختصار
الناس عندنا تغيرت كثيرا كثيرا وماعاد تعرف لغه العيب !!
هذا لب الموضوع

وكل عام وانتم بخير جميعا

وشكرا لك يابايلوت على الموضوع الجميل

[نمر بن عدوان]

اذا كان السفر لبلد اسلامي وبيأدي فيه شعائر العيد ويكون برضى والديه اقول حريه شخصيه مع اني ما احبذه لكن لو كان لبلد غربي من بلاد الكفار فهذا نقص في الوازع الديني للاسف وبعيد كل البعد عن شعائر الله سبحانه والله يهديه

[Charisma]

اولا عيدكم مبارك على الجميع

غير مؤيد بشدة

العيد حالة خاصة بالنسبة لي أني أعيد في البلاد مهم مهم جداً

اول يوم وثاني يوم بين اهلي وربعي وخاصة بعد الزواج وتكوين الاسرة

من ثالث يوم تبدأ الحرية الشخصية

حتى يوم كنت خارج البلاد لدراسة أجي أعيد وارجع ثاني يوم

اهم شي أعايد على الوالدين

وعندي بصراحة ومن غير زعل ويكرمون السامعين والقراء والاعضاء اللي يتعمد ان يسافر كل عيد خارج البلاد إنسان تافه وعنده نقص

ممكن أعذرة اذا وقته ضيق ولازم عياله يسافرون هذا معذور بس مب يتعمد ان مايحضر العيد عشان الناس تسال عنه وين فلان والله فلان مسافر

وفلان وفلان وفلاتان كلهم مسافرين

صارت عاده وامفوشر الواحد يسافر قبل العيد يابلافيت فلان كسر العادة وانه بطران

لان قبل منقود اللي يسافر في العيد

مراحب اخوي Azizuk ،


وشاكر لك مشاركتك ، بس اخوي عزيز ، العالم تشتكي من الزحمة وقلة الفعاليات وان قضاء العيد في الدوحه ( ملل ) ، انت شرايك ؟ وهل الوناسه مرتبطه بـ ( السفر ) ؟

[Charisma]

غير مؤيد ايش هالسفره الي مدتها 4 او 5 ايام
حلات العيد بين الاهل والاصدقاء

يصبحك بالخير اخوي النهار ،

اجازات العيد غالبا ماتكون أكثر من أسبوع ، لو مثلا الأجازه اكثر من أسبوع هل بتعتبر الموضوع عادي ؟ ولا عدم التأييد فقط لقلة عدد الأيام ؟

[Charisma]

انا عن نفسي غير مؤيد للسفر فالعيد
لان بين الاهل احلى خصوصا اذا العائله تجتمع
وهي فرصه للتواصل الاسري وصلة الارحام


بالرغم من اني غير مؤيد لكن صوت باني اراها حريه شخصيه
لانها فعلا حريه شخصيه


مراحب اخوي مضارب ،


لو لاحظت أن اخوك أو أبنك أو أي شخص عزيز عليك يسافر وقت الأعياد ، ماراح "تعتب" عليه ؟

[Charisma]

اذا كان السفر لبلد اسلامي وبيأدي فيه شعائر العيد ويكون برضى والديه اقول حريه شخصيه مع اني ما احبذه لكن لو كان لبلد غربي من بلاد الكفار فهذا نقص في الوازع الديني للاسف وبعيد كل البعد عن شعائر الله سبحانه والله يهديه

مراحب اخوي نمر ،


وشكرا على المشاركه ، الأخوان ، الأصحاب ، والأقرباء عموما ، هل لهم حق في هذا الجانب ؟

[Charisma]

هلا هلا

عيدك مبارك يابايلوت انت والجميع
عيب ان اسافر في العيد واحنا مسلمين دون سبب علاج او دارسه انما مجرد لهو !!
وعيب تو العالم مسافره وجايه من الاجازه ماصار لها اسبوع !!!
وعيب ان اتهرب من القاء والسلام على الاهل بحجه السفر وهذا لاحظتها بشكل كبير !!!
وعيب اصبح الناس ماتهتم بالاعياد حتى الموجودين ماعاد يتواصلون الا قله نادره !!!
هذا الواقع شرحته لك باختصار
الناس عندنا تغيرت كثيرا كثيرا وماعاد تعرف لغه العيب !!
هذا لب الموضوع

وكل عام وانتم بخير جميعا

وشكرا لك يابايلوت على الموضوع الجميل

هلا بك زود يالنوخذه ، علينا وعليك يتبارك ، وعساك من العايدين .

سلامي عليك ، أحد أهداف موضوعي هو لفت الأنتباه للعيد و "مكانـته" وأهمية تواجد الشخص بين أهله وربعه ، اذا بستغل العيد في السفر ، بحجة الأبناء وتغيير الجو ، واذا راح أهمّل واجبي تجاه كل من له حق علي ، فأنا قاعد أشوة صورة العيد الحقيقيه في تفكير الأبناء ، والمتمثله في صلة الرحم والزيارات ، ولك أن تتخيل تأثير هالشيء في نفوسهم مستقبلا ، ونظرتهم لأهمية صلة الرحم والزيارات وخصوصا في العيد .

شكر خاص لمشاركتك .:victory:

[Azizuk]

مراحب اخوي Azizuk ،


وشاكر لك مشاركتك ، بس اخوي عزيز ، العالم تشتكي من الزحمة وقلة الفعاليات وان قضاء العيد في الدوحه ( ملل ) ، انت شرايك ؟ وهل الوناسه مرتبطه بـ ( السفر ) ؟

انا معاك ان قلة الفعاليات وهذا غير الزحمه في المجمعات وكثرة تواجد الأجانب يضيق على الواحد

بس انا ايام العيد. مخصصه للاهل والاصدقاء والزيارات المنزلية

يوم العيد سلام على بيت الوالدين في الصباح

غداء العائلة عند كبيرنا وقبل الغداء زيارات الأهل

الليل تجمع العائلية عندي في البيت على العشا

ثاني يوم الصباح الباكر تجمع الأصدقاء على فطور بيت ولد العم

الظهر غدا بيت اخوي هذا غير الزيارات بين الفطور الى موعد الغداء

بعد المغرب عند كبير العائلة مره ثانية

بعد صلاة العشاء بيت العم

اليوم الثالث سكينة في البيت مع العيال لتناول الافطار معاهم

بعدين بيت الوالد عشا

اليوم الرابع تصير الحرية الشخصية :victory:

اذا بطلع العيال يمكن أطلعهم رابع يوم او خامس يوم لتجنب الزحام

في السابق في الزمن البعيد يوم العيد كنت اروح العصر الكورنيش لحضور العرضة القطرية

وجنبنا كان في مراده حريم وبعد كنت اشوف عرضة البتاااااان وفي ليوه وهبان

راحت ايام الطيبين والنفس الطيبة

يوم كانت افوالت العيد زلابية وخبيص وبلاليط وخنفروش ورهش وقوطي أناناس مصدي :nice:

وتجمع العيدية وتروح الدكان

الحين العيال يتعمدون يدخلون أغلى سينما حتى لو مايبون الفلم التذكرة ب 75 ريال أقول لهم ليش يقولون اكشخ


وبخصوص الناس اللي تتعمد تسافر في العيد قامت تسافر حتى اذا عندك مناسبة عرس وخاصه الحريم

ليش عشان يسألون عنهم في العرس وين فلأنه قالو مسافرة باريس وإلا لندن

وصار الشي واضح كثرة فئة معينه بين الناس تتعمد تسافر في المناسبات لتبتعد عن الظهور قدام الناس

حتى في العزاء قامت الناس تتفاخر وتفوشر استغفر الله يالله لاتعاقبنا

سبب القضب على الشعوب وكثرة الحروب هو التكبر والطغيان على الخلق

وسلامتك يالبايلوت هذا برنامج العيد عندي وآسف على الاطالة

[النهار]

يصبحك بالخير اخوي النهار ،

اجازات العيد غالبا ماتكون أكثر من أسبوع ، لو مثلا الأجازه اكثر من أسبوع هل بتعتبر الموضوع عادي ؟ ولا عدم التأييد فقط لقلة عدد الأيام ؟

لو عشرايام ومالي حاجه ماسه مثل ماذكر اخونا حسن ماسافرت ولاخليت حد من هلي يسافر
العيد في السنه مرتين احنا بعيدين عن بعض طول السنه والاسباب معروفه نخلي للعيد متعه اللقاء والتراحم والتواصل
شوف العالم اشلون قاعده تصيح المعاش نزل قبل الموعد ب 10 ايام الشهر الي بعده مفلسين هذول هم الفئه الاكبر من الناس الي قاعدين يسافرون
انا ايش حادني ادفع مبلغ وقدره على تذاكر ومصاريف السفر تحصلهم عليهم اقساط وديون ومتأخرات على الناس ياخي ادفع الي عليك وخفف عب الدين
واحد يقول لي الحمد الله سافرنا واستانسنا رحنا كذا دوله جم صرفت يابو محمد تقدر تقول 350 الف جم :eek5:انزين انت كل سنه تسافر وتحمل نفسك ديون
ماكان اولى ان تدفع الدين الي عليك للبنك بدال ماهم قاعدين يخصمون عليك وعلى زوجتك كل شهر مبلغ وقدره
ياااااه دامهم يخصمون خلهم يخصمون انا اهم شي راحتى وراحة هلي لومت بأخذ شي معاي
ترى هذي مثال واحد لعشرات الامثله الي مرت علي

[Charisma]

انا معاك ان قلة الفعاليات وهذا غير الزحمه في المجمعات وكثرة تواجد الأجانب يضيق على الواحد

بس انا ايام العيد. مخصصه للاهل والاصدقاء والزيارات المنزلية

يوم العيد سلام على بيت الوالدين في الصباح

غداء العائلة عند كبيرنا وقبل الغداء زيارات الأهل

الليل تجمع العائلية عندي في البيت على العشا

ثاني يوم الصباح الباكر تجمع الأصدقاء على فطور بيت ولد العم

الظهر غدا بيت اخوي هذا غير الزيارات بين الفطور الى موعد الغداء

بعد المغرب عند كبير العائلة مره ثانية

بعد صلاة العشاء بيت العم

اليوم الثالث سكينة في البيت مع العيال لتناول الافطار معاهم

بعدين بيت الوالد عشا

اليوم الرابع تصير الحرية الشخصية :victory:

اذا بطلع العيال يمكن أطلعهم رابع يوم او خامس يوم لتجنب الزحام

في السابق في الزمن البعيد يوم العيد كنت اروح العصر الكورنيش لحضور العرضة القطرية

وجنبنا كان في مراده حريم وبعد كنت اشوف عرضة البتاااااان وفي ليوه وهبان

راحت ايام الطيبين والنفس الطيبة

يوم كانت افوالت العيد زلابية وخبيص وبلاليط وخنفروش ورهش وقوطي أناناس مصدي :nice:

وتجمع العيدية وتروح الدكان

الحين العيال يتعمدون يدخلون أغلى سينما حتى لو مايبون الفلم التذكرة ب 75 ريال أقول لهم ليش يقولون اكشخ


وبخصوص الناس اللي تتعمد تسافر في العيد قامت تسافر حتى اذا عندك مناسبة عرس وخاصه الحريم

ليش عشان يسألون عنهم في العرس وين فلأنه قالو مسافرة باريس وإلا لندن

وصار الشي واضح كثرة فئة معينه بين الناس تتعمد تسافر في المناسبات لتبتعد عن الظهور قدام الناس

حتى في العزاء قامت الناس تتفاخر وتفوشر استغفر الله يالله لاتعاقبنا

سبب القضب على الشعوب وكثرة الحروب هو التكبر والطغيان على الخلق

وسلامتك يالبايلوت هذا برنامج العيد عندي وآسف على الاطالة

ربي يسلمك ، رد "من الآخر" خصوصا موضوع الأناناس :funny:،

تغيرت مفاهيم الوناسه اخوي عزيز وأتوقع انها ارتبطت ارتباط كبير بـ (المظاهر) ، والمجاراة السلبيه للعامه ، ولا الوناسه وكل الوناسه ، قعده مع هلك ولا ربعك وسوالف وعلوم تسعد الصغير والكبير .

اهداء لك ،


https://www.youtube.com/watch?v=AQ2rSomqJ8w

[Charisma]

لو عشرايام ومالي حاجه ماسه مثل ماذكر اخونا حسن ماسافرت ولاخليت حد من هلي يسافر
العيد في السنه مرتين احنا بعيدين عن بعض طول السنه والاسباب معروفه نخلي للعيد متعه اللقاء والتراحم والتواصل
شوف العالم اشلون قاعده تصيح المعاش نزل قبل الموعد ب 10 ايام الشهر الي بعده مفلسين هذول هم الفئه الاكبر من الناس الي قاعدين يسافرون
انا ايش حادني ادفع مبلغ وقدره على تذاكر ومصاريف السفر تحصلهم عليهم اقساط وديون ومتأخرات على الناس ياخي ادفع الي عليك وخفف عب الدين
واحد يقول لي الحمد الله سافرنا واستانسنا رحنا كذا دوله جم صرفت يابو محمد تقدر تقول 350 الف جم :eek5:انزين انت كل سنه تسافر وتحمل نفسك ديون
ماكان اولى ان تدفع الدين الي عليك للبنك بدال ماهم قاعدين يخصمون عليك وعلى زوجتك كل شهر مبلغ وقدره
ياااااه دامهم يخصمون خلهم يخصمون انا اهم شي راحتى وراحة هلي لومت بأخذ شي معاي
ترى هذي مثال واحد لعشرات الامثله الي مرت علي

اشكرك على توضيحك ، وصدقني الخلل في هالموضوع اهو في تفسير "الوناسه" ، السفر كان شبه معدوم وقت العيد "ومنقود" مثل ماذكر اخوي عزيز ، وتدريجيا اصبح الموضوع "عادة" ، وتدريجيا حتى الجار مايدري عن جاره في عيد ولا غيره ، وتدريجيا اصبح التواصل والتراحم بالواتس اب ، وتدريجيا اصبحت الزيارات " تكليف" ، وتدريجيا اصبح العيد حاله حال أي اجازه "عاديه" ، الموضوع يحتاج وقفه "عقلانيه" ، بين الشخص ونفسه ، ولا الأراء لايمكن نهائيا ان تُفرض او تلزم الشخص بفكرة معينه.

[Azizuk]

ربي يسلمك ، رد "من الآخر" خصوصا موضوع الأناناس :funny:،

تغيرت مفاهيم الوناسه اخوي عزيز وأتوقع انها ارتبطت ارتباط كبير بـ (المظاهر) ، والمجاراة السلبيه للعامه ، ولا الوناسه وكل الوناسه ، قعده مع هلك ولا ربعك وسوالف وعلوم تسعد الصغير والكبير .

اهداء لك ،


https://www.youtube.com/watch?v=AQ2rSomqJ8w


تسلم على هالشيلة والقصيد الطيب

جاءت في وقتها وفي محلها

[Charisma]

تسلم على هالشيلة والقصيد الطيب

جاءت في وقتها وفي محلها

الله يسلمك ، http://2.bp.blogspot.com/-4ziBItPXqas/U0xDRjc-grI/AAAAAAAAB-M/kfYBDBfDcZ8/s1600/fb-like-icon-small.png