غميضة ما سافرنا

[JN000N]

السلام عليكم ورحمة الله وبركاته


،


،


عيدكم مبارك وعساكم من عواده


،



الموضوع ولو ان ثلاث ارباع المواطنين مبتليين فيه حالهم حالنا ومستصيبين ولايعه جبودهم من الوضع الي صاير صج صج (يللللووووععع اللجججججججبد)


اعنبوه شهالزحمه عليه! انا اقول صكو الحدود وصكو المطار خلوه ذهاب وصكو العوده
لاحد يدش مافي مكان مزنووطين

تقولون لا تسافرون ف العيد
والله ان احط فلوسي افسفسها ف دوله اووبيه والا امريكا والا اي مكان اشتري فيه راحة بالي ونفسيتي ولا اقعد دقيقه وحده هني!
ياليت بس على زحمه وضيق ومالنا محط ريل
لالا
الموضوع اكبر من جذي
الاسعار!
ناااااااااااااااار
خمسين الف في ثلاث ليالي مثلا مثلا ف البنانا!
والله خمسين الف تسفرني تركيا اسبوع اتمتع بالطول والعرض واشتري صوغ بعد منها واعود وتزيد
مب بس البنانا
الفنادق يا مافي حجوزات يا صج الاسعار خيال

مهرجانات مسوين لنا يبلفيت عاد غير انها بالانجليزي وعيالنا يطامرون مايدرون شاللومي
قلنا الحين بنطلع اليهال بيستانسون
ننزل من السياره من صوب ونركب من الصوب الثاني
هاي اصلا لو لوووو وصلت ف الوقت بسبة الزحمه زين بعد الدريوليه موجودين ينزلونا ويحوسون بالموتر لين الله يجوف لهم
لا هاي بعد لو نزلنا واذا نزلنا (في ام حد خير يدش ف زحمة الناس)
اليهال يصيحون يبون يدشون يجوفون فعاليات
مانقدر ندخلهم افترينا ورجعنا السياره
ان دخلنا اليهال مب طالعين
جنهم حجاج كلن يدفع ف الثاني ويتدرفعون ويتداززون
مافي شي اسمه حريم لهم مثلا مثلا اماكن والرجال اماكن
لا تعالو تلصقو ف بعض
عاد حظك نصيبك من يلصق فيك

مجمعات حدث ولا حرج
تعالو عن الالعاب بس شوي جوفو اللويه
مرات تحس نفسك في بمبي
موالمشكله بعض الجنسيات عادي عندها تتلصق فيك وتزاحمك وتدزك بعد ولين بتصد حد منهم يسوي نفسه مايجوفك ويدزك ويروح
شنو يعني نلبس حدايد والا صدامات عشان نتدازز وياهم بعد
والله الوضع جدا لا يطاق
لا ولا عاد وعليه عليها الحامل يايبه اليهال يلعبون وعيزت بتقعد راحت قعدت عالمرسي الا هاده فيها المصريه قومي هاي مكان بنتي
طيح الله حظج انتي وبنتج ! لا وترادد بعد تقولها الحامل زين بنتج محد لين يات بقوم برتاح شوي
تقوم المصريه تتحلطم محد يدري شاخربط هي
والله خراطه


بعدين زيارات ما زيارات بتقولون لا تطلعون زورو اهلكم من الاخر يعني لحد يتعنى ويكتب هالكلمتين لان زيارات وزرنا واهل ووصلنا
غير ان كل ويكند اصلا واصلين ف بعض ف هو روتين اسبوعي عادي متعودين عليه الكبار والصغار
ومعروف وقت الاجازات مالنا الا نطلع اليهال نونسهم
اذا ماقدرنا نونسهم ف الدوحه وين بالله نونسهم عالقمر؟



وملاحظة اخيره

شوارعنا واشاراتنا تفتح النفس تحسسك بالانسيابيه والسهوله ف السواقه
ابدا اشاره المرور ماتوقف ربع ساعه
كلها دقيقه وتطوف ماشاءالله
عايشين بنعمه بس مب حاسين فيها


خلاص قررنا نحتفل بالعيد نقعد ف البيت ونشتري سطل كنتاكي سبايسي دامهم الوحيدين الي اسعارهم زينه وتكفي الكل ونطالع مسرحية ليلى والذيب

[بومتعب]

اختي حسستيني أن احنا عايشين في القاهرة مو الدوحة .....
الحل لتفادي الزحمة بكل بساطة خلوا طلعتكم انتوا والعيال فترة الضحى أو العصر وتجنبوا الخروج بعد المغرب. ...الحمدلله الخيارات كثيرة وبلادنا يقصدونها الجميع ومثل ماتشوفين الخليجين تارسين الديرة ومستمتعين عندنا ....فقط يبقى عليج اختيار الوقت المناسب للطلعة. ..

[JN000N]

اختي حسستيني أن احنا عايشين في القاهرة مو الدوحة .....
الحل لتفادي الزحمة بكل بساطة خلوا طلعتكم انتوا والعيال فترة الضحى أو العصر وتجنبوا الخروج بعد المغرب. ...الحمدلله الخيارات كثيرة وبلادنا يقصدونها الجميع ومثل ماتشوفين الخليجين تارسين الديرة ومستمتعين عندنا ....فقط يبقى عليج اختيار الوقت المناسب للطلعة. ..

لحظة بس
قولي انت وين عايش اول؟
بعدين هل انت تجابل اليهال وتطلعهم وتلعبهم وتمشيهم والا لا!
لان رايك اشكره بين لي انك خبر خير ماتدري شصاير برا
خذ لك فره الله يخليك ف الحدايق والمجمعات وكتارا وسوق واقف والكورنيش بعد
وتعل عقب قولي موضوعي ف القاهره والا ف الدوحه

[bohilal191]

قلب متروسه

الله المستعان

[JN000N]

قلب متروسه

الله المستعان

لا شوارع متروسه
مجمعات متروسه
حدايق متروسه
حتى مواقف متروسه

[ضوى]

خواتي مودين عيالهم ازدان الظهر يقولون مالنا محط ريل وتيتي تيتي مثل مارحتي جيتي وهاي الظهر بعد

[مضارب دوسري]

يوم الاحد الكورنيش يمكن يطلع من حلجه من الزحمه

حفلة خالد عبد الرحمن



هههههههه

[مضارب دوسري]

انا عن نفسي متعايش مع الوضع
حشره مع الناس عيد

بس التوقيت ايضا مهم
رحت مع العيال سوق واقف من 4 ونص الى 6 وربع المغرب
غيرنا جوووو والفعاليات خصوصا الشعبيه حلوووه

ولما بدت الزحمه طلعنا


واحلى مجمع احب اروح له
اللاغونا
تحس انه بعيد عن الحشره والزحمه

[JN000N]

خواتي مودين عيالهم ازدان الظهر يقولون مالنا محط ريل وتيتي تيتي مثل مارحتي جيتي وهاي الظهر بعد

والله ظهر والا ليل كله واحد
اتوقع لو المجمعات 24 ساعه
بعد بتلاقينهم الفير مرتزين
نصهم يطقون ليتاتهم وكهربتهم ويتمون طول اليوم برا (توفير كهربا)

[aziz4z]

الله يعينج ياجنون
صج الفنادق وايد غالية و مبالغين ، عن نفسي مستحيل ادفع هالمبلغ على الفنادق على الطول أسافر
في العيد البيت و المياليس

[النهار]

قعدي في البيت ايش مطلعج في اللغلاغه لا الجو يساعد والا الناس الي محتكرين كل شبر حتى الاسياف ترس

[ameeer3]

الزحمه اصلن في العيد وغير العيد ،،

والحل بالنسبه غير موجود من الاساس.

ننتظر عيد الاضحى بعد كأس العالم، ان شاء الله الوضع يكون احسن :weeping:

[JN000N]

يوم الاحد الكورنيش يمكن يطلع من حلجه من الزحمه

حفلة خالد عبد الرحمن



هههههههه

اتوقع بيخفق ف البحر

[JN000N]

انا عن نفسي متعايش مع الوضع
حشره مع الناس عيد

بس التوقيت ايضا مهم
رحت مع العيال سوق واقف من 4 ونص الى 6 وربع المغرب
غيرنا جوووو والفعاليات خصوصا الشعبيه حلوووه

ولما بدت الزحمه طلعنا


واحلى مجمع احب اروح له
اللاغونا
تحس انه بعيد عن الحشره والزحمه

طلعناهم العصر
جربنا معظم الاوقات
ماعدا الساعه ظ¦ الصبح لحين ماجربنا صراحه

اما الاغونا مافيه حشره! الا زحمه وهيله

[JN000N]

الله يعينج ياجنون
صج الفنادق وايد غالية و مبالغين ، عن نفسي مستحيل ادفع هالمبلغ على الفنادق على الطول أسافر
في العيد البيت و المياليس

وايد اوفر الاسعار
صج من المينون الي يقط خمسين الف في ثلاث ايام ف هالحر
خمسين الف استغلها ف مكان ثاني ابرد واونس وزحمه اخف

[JN000N]

قعدي في البيت ايش مطلعج في اللغلاغه لا الجو يساعد والا الناس الي محتكرين كل شبر حتى الاسياف ترس

واليهال؟
اذا علينا الكبار ترى قعدتنا ف البيت اونس لنا واريح واااايد
انا لو تخيرني بين اقعد اسوي العشا ف البيت والا نروح مطعم اختار القعده ف البيت وادش اعفس المطبخ
لكن بعد اليهال لهم حق علينا وعيد واجازه ويبون يطلعون
يجوفون التلفزيون ويشفون عالطلعه
بعدين مب حل نقول نقعد ف البيت وننحرم
وين الي يقول طلعو وزاحموهم هذي حقكم يلا خل ايون يجوفون اشكالنا بينهم

[JN000N]

الزحمه اصلن في العيد وغير العيد ،،

والحل بالنسبه غير موجود من الاساس.

ننتظر عيد الاضحى بعد كأس العالم، ان شاء الله الوضع يكون احسن :weeping:

لا ياخوي جان زين لكن ابشرك ان الزحمه عقب 2022 بتكون دبل هالوقت
لان احنا كل مالنا ورايحين ف ازدحام
قطر قبل 2006 كانت شي وعقبها راحت ف طفره
الحين جوف شبيصير عقب 2022

[الوسيط العقاري]

لحظة بس
قولي انت وين عايش اول؟
بعدين هل انت تجابل اليهال وتطلعهم وتلعبهم وتمشيهم والا لا!
لان رايك اشكره بين لي انك خبر خير ماتدري شصاير برا
خذ لك فره الله يخليك ف الحدايق والمجمعات وكتارا وسوق واقف والكورنيش بعد
وتعل عقب قولي موضوعي ف القاهره والا ف الدوحه


ههههههه هدي اعصابك

:)

[Tomford_qtr]

مثل ما تفضلتي زحمه غير طبيعية ..... أمس مطاعم كتارا معظمها وييتنغ بنصف ساعه وفوق

[بوخالد911]

أكثر الجهات اللي مستفيدة هي المطاعم.
اليوم رحت اللاند مارك. ما كان زحمة ولاشي

[طبيب قطري]

الجلف مول زحمه موت وخصوصا بعد ماافتحوا الالعاب ..

[معماري قطري]

صراحة قريت لين وصلت تحس نفسك في بمبي وما استحملت اقرا الباقي صادني احباط نفسي

توني من ساعتين اكلم ولدي وربعه في اللؤلؤة وكلهم يشتكون من الحر والزحمة

الفنادق في ميونخ بعضها 150 وبعضها أَكثر شوي وبسبب المهرجان عندهم لين اسبوع من 10 مهرجان الشيسمونه .. تكثر الاسعافات في الليل يشيلوون من هالسكارى

[حسن]

صراحة قريت لين وصلت تحس نفسك في بمبي وما استحملت اقرا الباقي صادني احباط نفسي

توني من ساعتين اكلم ولدي وربعه في اللؤلؤة وكلهم يشتكون من الحر والزحمة

الفنادق في ميونخ بعضها 150 وبعضها أَكثر شوي وبسبب المهرجان عندهم لين اسبوع من 10 مهرجان الشيسمونه .. تكثر الاسعافات في الليل يشيلوون من هالسكارى

مهرجان وشو عندهم الحين هناك ؟

حشره مع الناس عيد مع العلم اني ماطلعت ولا شبرت من غير منطقتنا
بالنسبه لنا الميالس ابرك وقعده وشوفه الربع
الناس عيد

:)

[معماري قطري]

مهرجان الخمور يا بو علي

بس لك يومين غايب شكلك رحت منيه ولا منيه وأخاف وصلت بلاد بعيدة

[الحياة الخالدة]

و عليكم السلام و رحمة الله و بركاته
صادقة يا جنون
احنا ما ودينا اليهال غير بيوت الأهل .. حتى عيال أختي يقولون لها يمه في فعاليات وايد في المكان الفلاني و العلاني .. قالت لهم : هالفعاليات مب لنا .. وين نروح احنا نتغلغص وسط هالعالم
و كلامها صح .. لا احنا اللي بنقدر نوسع صدورهم ولا بيقدرون يشوفون شي ولا يلعبون براحتهم
طبعاً غير العصبية و التوتر اللي بنكون فيه و احنا نشق طريقنا وسط الجموع الغفيرة

أكيد اللي متعود على الدز و المدازز .. ما عنده أي مشكلة .. أما احنا فشنهو اللي حادنا : رايحين نونس العيال والا داشين حرب .. مثل اللي يلعب لعبة الكراسي الموسيقية تدورين لج مكان تقعدينهم فيه أو تقعدين ( كمثال المرة الحامل اللي ذكرتيه ) .. و تسمعين كلام من ناس ما تحشم .. و عايشة طول حياتها في الزحمة و الصراع من أجل البقاء

يقولون اقعدوا في بيوتكم .. و الا اوصلوا أرحامكم .. زين احنا الكبار فهمنا و سوينا هالشي و خذنا عيالنا معانا
و بعدين : وين الفرحة و الوناسة عندهم ؟؟ اليهال أساس وناستهم اللعب .. و شنهو يكون شعورهم لما يشوفون البقية طالعين و مستانسين و احنا نقول لهم لا .. اقعدوا في بيوتكم .. فعاليات العيد برا كلها زحمة و سندارة .. من اللي بيقنعهم بهالسبب ؟؟!!

[Dana’1]

تصدقين غالبا ناخذ بنتي مع عيال خالاتها او عمامها قبل العيد بكم يوم
يلعبووون ونوديهم الي ودهم لين يطيح إلي براسهم الله يحفظهم^_^

ومفهمينهم إن بالعيد بالذات اول الايام زحمه وماراح تنبسطون والدور يطول بشكل شي
وهم اساسا عاشو هالجو وانزعجو فتشوفينهم اشوا يسمعون

وهالشي مو معناته ما نطلعهم بالعيد بس مانطلع للألعاب نروح لغير أماكن نأكلهم برا او شاليهات
او حتى طلعه للعزبه بالذات اذا صادف العيد ايام براد ينبسطووون بجمعتهم مع بعض كأطفال ويلعبون ويتهاوشون طبعا ويردون يلعبون ههههه

ومع ذالك
ولزحمه فعلا لا تطاااق إن كان بالطرق والا الاماكن

[نمر بن عدوان]

من خلال تجربتي امس وصلت الستي سنتر الساعه3 العصر مافيه اي زحمه مثل الايام العاديه صفيت فالطابق الثاني فااضي .دخلت معا لعيال رحنا المطاعم تغدينا ومرينا على الالعاب ولعبوا بكل سهوله ازحم لعبه قدامهم اثنين او ثلاثه وبعدين مرينا الكوفي شوب واحنا طالعين. الزحمه ابتدت تقريبا من الساعه 6.30 يعني الي يبي يستانس يروح بدري شوي .

[العلياا]

وعليكم السلام ورحمة الله

معاج حق العيال امس يصيحون يبون الالعاب وبعد جدال طويل طلعتهم
وخذت الدريول عشان زحمة المواقف وصلنا لين اشارات المناصير من الزحمة الاشارة حمرا والعالم واقفين بنص الاشارة قلت للدريول يعود ولا تشوفين المناحة اللي صارت : (

احنا سلمنا للامر الواقع قاعدين في بيوتنا ولا طلعنا بس هالعيال شاللي بيرضيهم !!

[lion66]

الغلاء و الزحمة لها علاج



لكن



المخرج عاوز كده

[Rashid554]

الموضوع اوفر ومبالغ فيه وماعتقد الدوله بتفضي المجمعات عشان حضره جنابج تستانسين
مثل ماتبين عيالج يستانسون بعد الناس يبون عيالهم يستانسون .
مادري شبتسون وقت الحروب لما يطلبون منكم تسعفون الجرحى

[مضارب دوسري]

اللي تبي تطلع عيالها
بعد فشل الاستعانه بالدريول مع الزحمه
والناس
هل جربتوا تطلعون مع ابو العيال والعيال ؟؟؟؟


جربوها بتلقون النتيجه معكوسه :nice:

ابو العيال مش متوفر !
انزين خال العيال او جدهم

[النهار]

اللي تبي تطلع عيالها
بعد فشل الاستعانه بالدريول مع الزحمه
والناس
هل جربتوا تطلعون مع ابو العيال والعيال ؟؟؟؟


جربوها بتلقون النتيجه معكوسه :nice:

ابو العيال مش متوفر !
انزين خال العيال او جدهم

كل لاهي بدنياه والله ساعات اشوف الام بروحها مع عيالها الفقيره تلحق على من ولا ومن فيهم
ساحبه وراها 5 او 6
الحين يجيك وقت التخيم لاتشوف ابوالعيال ولا خالهم والعيال الكبار بعضهم من العنه الي الدوام ومن الدوام على العنه

[حرف]

ساعة لين وصلت لجنغل زون مع ان البيت يبعد اقل عشرة كيلو

الوضع الحالي الي شفت من الاباء خمسة او سته و وضعنا غير جيد نظرات الحريم لنا كانهم معصبين
والحل ؟
نخلي عيالنا مع الدريول يروحون ؟

[white bird]

هههههههههههههه

للحين ماطلعت بس قبل العيد بيومين طلعت
كانت زحمة غريبة و كل شي ابيه مخلص :shy:
..
الواحد يحس بالحياة مع الناس بس الزحمة اللي جذي
تعور الراس ^-^

[مضارب دوسري]

كل لاهي بدنياه والله ساعات اشوف الام بروحها مع عيالها الفقيره تلحق على من ولا ومن فيهم
ساحبه وراها 5 او 6
الحين يجيك وقت التخيم لاتشوف ابوالعيال ولا خالهم والعيال الكبار بعضهم من العنه الي الدوام ومن الدوام على العنه

((كُلُّكُمْ رَاعٍ وَكُلُّكُمْ مَسْؤول عَنْ رَعِيَّتِهِ، الإِمَامُ رَاعٍ وَمَسْؤولٌ عَنْ رَعِيَّتِهِ، وَالرَّجُلُ رَاعٍ فِي أَهْلِهِ وَهُوَ مَسْؤولٌ عَنْ رَعِيَّتِهِ، وَالْمَرْأَةُ رَاعِيَةٌ فِي بَيْتِ زَوْجِهَا وَمَسْؤولَةٌ عَنْ رَعِيَّتِهَا، وَالْخَادِمُ رَاعٍ فِي مَالِ سَيِّدِهِ ومَسْؤولٌ عَنْ رَعِيَّتِهِ، -قَالَ: وَحَسِبْتُ أَنْ قَدْ قَالَ: وَالرَّجُلُ رَاعٍ فِي مَالِ أَبِيهِ وَمَسْؤولٌ عَنْ رَعِيَّتِهِ- وَكُلُّكُمْ رَاعٍ وَمَسْؤولٌ عَنْ رَعِيَّتِهِ))


مب دايما يكون 100% على الدريول
الدريول في حالات معينه يتم استخدامه دوام العيال فالمدارس او شي جذي مشاوير خفيف خفيف للسوبر ماركت او مشاوير استثنائيه ضروريه في حين الاب برى البيت او بعيد

ما صارت يالنهار

الام شغلها في البيت مع العيال نعم
بس ما تقدر تسيطر على عيالها في وسط الزحمه

بس الاب هو اللي المفروض يحس على دمه شووووي
بس شووووي

[ضوى]

الا غميضه وغميضتين وعشر
لا عاد اسمعج ياجنون تقولين لي لا تسافرين باسلم عليكم صبح العيد والضحى باطير ولا انغمت بالبيت لاني واحدة ماحب لا انا ولا عيالنا الحشره والتلزق
الوعد العيد الجاي ان شاء الله لا وقبلها الربيع يالله تحيينا بخير

[حرف]

تقابلت من شوي مع مقيم عربي وقعدنا انسولف قلت له شف الزحمة غير طبيعية
قال لي لو انا قطري مستحيل اطلع اولادي هالايام قلت ليش قال احنا مجبورين نطلع هالايام على شان الاجازة والراتب انتم ماشاء الله طول ايام السنة الفلوس والوقت متوفرة !

[(بوطلال)]

الله يرحم ايام طلعات الكورنيش وحفلات الهبان في بوهامور واذا كلش كلش السفر للحسا او كوشكنار

[ضوى]

كف كفاه ورب عماه عطيته كوعي العسم لا حس ولا نسم

الله يبعد شرهم عنا وحسدهم

[بريق الحق]

الواحد يسافر افضل له لانه الوضع اهني مقزز الصراحه حفلات الاغاني شوهت المنظر
الواحد يروح دول شرق اسيا ويحجز له شاليه هو وهله افضل والله
كان الله في عونكم

[النهار]

الواحد يسافر افضل له لانه الوضع اهني مقزز الصراحه حفلات الاغاني شوهت المنظر
الواحد يروح دول شرق اسيا ويحجز له شاليه هو وهله افضل والله
كان الله في عونكم

هههههههههه
ياخوي الدول الي ذكرتها الفساد ينخر فيها نخر ومناضر الي تشوفها مقززه
قصدك يحجز شاليه من المطار الي الشاليه ومن الشاليه الي المطار
عيل ابرك له يقعد في البيت
الحمد قطر ارحم واهون من اي دوله اخرى ليش كل مكان عندنا حفلات غنائيه ياخي تجنب تروح هناك
وبعد الحفلات معروف وقتها من بعد صلاة العشاء روح قبل هالوقت واستمتعت
ياخوي كل ديره فيها مقبره تختلف في احجامها

[حسن]

غميضه

شبلاهم كله مهب مستحملين الناس
مساعه اشوف التلفزيون سوق واقف عمران فل بشر
وكتارا يقولون بعد فل بشر
عندنا ضيوف من كل مكان الله يحيهم أحيوا بلادنا سرنا نحس
من الدول السياحيه
يزاهم الله خير سوى لنا طماشه
غميضه

ماضيفناهم

:)

[مـراحـب]

مرحبا ،،، كلامك صح جنون

ما نقدر نستانس ولا نطلع ،،، هذانا مقعدين في البيت

[panda]

Home sweet home
احسن ما فعلتي جنون كنتاكي و المسرحية و راحة البال.

[aloosh]

الزوار ينعشون اقتصاد البلد بالعكس
والمقيمين حالهم حال اهل البلد يبون يطلعون عيالهم فتره عيد واجازه
اكيد بيكون كل شي زحمه
وقطر الحمدلله اهل الخليج يحبون يزرونها شعب طيب واسواق مفتوحه

[JN000N]

ههههههه هدي اعصابك

:)
ان شاء الله :weeping:

مثل ما تفضلتي زحمه غير طبيعية ..... أمس مطاعم كتارا معظمها وييتنغ بنصف ساعه وفوق
عيل اليوم ابشرك انها ساعه بدون مبالغه هههه

أكثر الجهات اللي مستفيدة هي المطاعم.
اليوم رحت اللاند مارك. ما كان زحمة ولاشي
امس رحت الاند الا موت زحمه
متى رايح انت الصبح؟
سالفة المصريه والحامل اصلا صارت ف الاند

الجلف مول زحمه موت وخصوصا بعد ماافتحوا الالعاب ..
واليوم ذبحه بالذات ف الالعاب وعند العروض

صراحة قريت لين وصلت تحس نفسك في بمبي وما استحملت اقرا الباقي صادني احباط نفسي

توني من ساعتين اكلم ولدي وربعه في اللؤلؤة وكلهم يشتكون من الحر والزحمة

الفنادق في ميونخ بعضها 150 وبعضها أَكثر شوي وبسبب المهرجان عندهم لين اسبوع من 10 مهرجان الشيسمونه .. تكثر الاسعافات في الليل يشيلوون من هالسكارى

زين احجز لنا بنييكم نملغ عليكم هناك

[JN000N]

و عليكم السلام و رحمة الله و بركاته
صادقة يا جنون
احنا ما ودينا اليهال غير بيوت الأهل .. حتى عيال أختي يقولون لها يمه في فعاليات وايد في المكان الفلاني و العلاني .. قالت لهم : هالفعاليات مب لنا .. وين نروح احنا نتغلغص وسط هالعالم
و كلامها صح .. لا احنا اللي بنقدر نوسع صدورهم ولا بيقدرون يشوفون شي ولا يلعبون براحتهم
طبعاً غير العصبية و التوتر اللي بنكون فيه و احنا نشق طريقنا وسط الجموع الغفيرة

أكيد اللي متعود على الدز و المدازز .. ما عنده أي مشكلة .. أما احنا فشنهو اللي حادنا : رايحين نونس العيال والا داشين حرب .. مثل اللي يلعب لعبة الكراسي الموسيقية تدورين لج مكان تقعدينهم فيه أو تقعدين ( كمثال المرة الحامل اللي ذكرتيه ) .. و تسمعين كلام من ناس ما تحشم .. و عايشة طول حياتها في الزحمة و الصراع من أجل البقاء

يقولون اقعدوا في بيوتكم .. و الا اوصلوا أرحامكم .. زين احنا الكبار فهمنا و سوينا هالشي و خذنا عيالنا معانا
و بعدين : وين الفرحة و الوناسة عندهم ؟؟ اليهال أساس وناستهم اللعب .. و شنهو يكون شعورهم لما يشوفون البقية طالعين و مستانسين و احنا نقول لهم لا .. اقعدوا في بيوتكم .. فعاليات العيد برا كلها زحمة و سندارة .. من اللي بيقنعهم بهالسبب ؟؟!!

المشكله اليهال يجوفون التلفزيون ويقعدون يحنون يبون يروحون
ومن اركب معاهم السياره غير سندارتهم وهيلتهم تعالي الضيق ف الشوارع والازعاج والزحمه والمدازز
انا هالاجواء تنرفزني ماقعد فيها
ان طلعت صاحو وان تميت مالعبو ولا خذو راحتهم
والمشكله ان على ان في بعض الفعاليات الاساسيه الا ان اشهر مكانين سوق واقف وكتارا
باقي الاماكن مسرح واغاني يهال وبعد زحمه عليه
ياليت اليهال الي مسوين زحمه
المشكله كبار
اليهال واقفين عند المسرح واحنا ورا مسوين مسافه شوي الا يوم بدا العرض ياو الجنسيات الاخرى ووقفو ورا اليهال زين بنطلع عيالنا يالطيبين
مانقدر من اللويه
الا اذا بتدزينهم واحد واحد عشان تمرين وتاخذين اليهال
المشكله يخلص العرض ويتمون واقفين ينطرون غيره وخذي عاد انتي

بعدين شسالفة قعدو ف البيت ووصلو رحمكم
نموت يعني نموت؟ مانطلع مانرز ولا نفر
خلاص عيل خل تصرف الدوله لكل مواطن ارض اكبر من الي تعطيهم ويكون فيها الحريه ان نسوي فيها حتى لو مجمع مصغر حق عيالنا ههههه عقب مب قايلين بنطلع
بنسوي مهرجانات داخليه

[JN000N]

تصدقين غالبا ناخذ بنتي مع عيال خالاتها او عمامها قبل العيد بكم يوم
يلعبووون ونوديهم الي ودهم لين يطيح إلي براسهم الله يحفظهم^_^

ومفهمينهم إن بالعيد بالذات اول الايام زحمه وماراح تنبسطون والدور يطول بشكل شي
وهم اساسا عاشو هالجو وانزعجو فتشوفينهم اشوا يسمعون

وهالشي مو معناته ما نطلعهم بالعيد بس مانطلع للألعاب نروح لغير أماكن نأكلهم برا او شاليهات
او حتى طلعه للعزبه بالذات اذا صادف العيد ايام براد ينبسطووون بجمعتهم مع بعض كأطفال ويلعبون ويتهاوشون طبعا ويردون يلعبون ههههه

ومع ذالك
ولزحمه فعلا لا تطاااق إن كان بالطرق والا الاماكن

المشكله عيالنا فطنو بالمهرجانات ويدرون ان في فعاليات وجراخيات والعاب وهدايا وهالسوالف
يشفون ودهم بالوناسه حالهم حال غيرهم بس مانقدر
نوديهم ونستحمل عشانهم بس هم نفسهم تيتي تيتي مثل مارحتي جيتي

[ضوى]

اي فعاليات !!!

الخياس اللي تداوله اليوم في الواتس ابد!؟ عرض مول الخليج !؟؟ امحق فعاليات الا ينثبرون في البيت ابرك من انهم يشوفون هالحقاره

[JN000N]

من خلال تجربتي امس وصلت الستي سنتر الساعه3 العصر مافيه اي زحمه مثل الايام العاديه صفيت فالطابق الثاني فااضي .دخلت معا لعيال رحنا المطاعم تغدينا ومرينا على الالعاب ولعبوا بكل سهوله ازحم لعبه قدامهم اثنين او ثلاثه وبعدين مرينا الكوفي شوب واحنا طالعين. الزحمه ابتدت تقريبا من الساعه 6.30 يعني الي يبي يستانس يروح بدري شوي .

كنت بوديهم مساعه المجمع العصر
بجوف جان باجر
شكلي جي بطلعهم الظهر وبرجعهم قبل المغرب

[JN000N]

وعليكم السلام ورحمة الله

معاج حق العيال امس يصيحون يبون الالعاب وبعد جدال طويل طلعتهم
وخذت الدريول عشان زحمة المواقف وصلنا لين اشارات المناصير من الزحمة الاشارة حمرا والعالم واقفين بنص الاشارة قلت للدريول يعود ولا تشوفين المناحة اللي صارت : (

احنا سلمنا للامر الواقع قاعدين في بيوتنا ولا طلعنا بس هالعيال شاللي بيرضيهم !!

نفس اختي بتييب لي بنتها امس ولاقدرت توصل من الزحمه
انا لعبت الباقي وخلصت وهي ماوصلت
طنقرت وردت هههه

[JN000N]

الغلاء و الزحمة لها علاج



لكن



المخرج عاوز كده

:rolleyes2:

[JN000N]

الموضوع اوفر ومبالغ فيه وماعتقد الدوله بتفضي المجمعات عشان حضره جنابج تستانسين
مثل ماتبين عيالج يستانسون بعد الناس يبون عيالهم يستانسون .
مادري شبتسون وقت الحروب لما يطلبون منكم تسعفون الجرحى

اصلا عشان حضرة جنابي لازم كل شي يصير :oops:

[ابن البيطار]

الواحد يسافر افضل له لانه الوضع اهني مقزز الصراحه حفلات الاغاني شوهت المنظر
الواحد يروح دول شرق اسيا ويحجز له شاليه هو وهله افضل والله
كان الله في عونكم

شاليه وفي شرق اسيا ماذا سيشاهد غير العراه والاباحيه في اللبس والتصرفات ؟

[Dana’1]

المشكله عيالنا فطنو بالمهرجانات ويدرون ان في فعاليات وجراخيات والعاب وهدايا وهالسوالف
يشفون ودهم بالوناسه حالهم حال غيرهم بس مانقدر
نوديهم ونستحمل عشانهم بس هم نفسهم تيتي تيتي مثل مارحتي جيتي


صحيح أنا قصدت كألعاب( ملاهي ) ما نوديهم ابالعيييد أما برا العاب ناريه او غيرها اذا فيه نوديهم يتفرجون ولاهي دايم


ترى حتى برا أغلب الدول العابهم وفعالياتهم زحمه حييل ،،، لكن هناك عندهم خدمات حلوه بمقابل مادي تدفع زياده صح بس تشتري راحتك ووقتك مثلا بمدن الالعاب اذا زحمه تقدر تاخذ الفلاش باس،، او سكيب لاين. يعني تتخطى الطابور

[معماري قطري]

ان شاء الله :weeping:

عيل اليوم ابشرك انها ساعه بدون مبالغه هههه

امس رحت الاند الا موت زحمه
متى رايح انت الصبح؟
سالفة المصريه والحامل اصلا صارت ف الاند

واليوم ذبحه بالذات ف الالعاب وعند العروض


زين احجز لنا بنييكم نملغ عليكم هناك

خلينا نبدل .. بس يا حي الزحمة هنيه الناس كل واحد محترم القانون والاشارة تمشي الكل .. الترام وأهل السياكل والمشاة وأهل السيارات وكل فئة لها مسار خاص ولا تسمعين هرن ولا حد يوقف وسط التقاطع ما جنه يدري شالقصة .. زحمة سلسة.

[بريق الحق]

شاليه وفي شرق اسيا ماذا سيشاهد غير العراه والاباحيه في اللبس والتصرفات ؟

الي كنت اقصده ويعلم الله ماقول شهيد في ماليزيا الكل مدحها تناسب العائلات
انا فديت خشمك مالي الا مكه والمدينه تكفيني وتريح فوادي

[Charisma]

سؤال بريء ،


هل وناسة الأطفال في العيد محصوره في فعاليات ومهرجانات ؟

[بوحارب]

السالفة مب في الزحمه

المشكلة ان محد عطاني عيدية هالعيد :(

[ضوى]

سؤال بريء ،


هل وناسة الأطفال في العيد محصوره في فعاليات ومهرجانات ؟

العاب سياكل كورة بحر لكن كلها مزحومه وشخصيا ماتقبل احشر نفسي وسطهم ولا ارضى احشر عيالي كذلك ادفع زياده واونسهم بمكان في اي بي

[ابن البيطار]

الي كنت اقصده ويعلم الله ماقول شهيد في ماليزيا الكل مدحها تناسب العائلات
انا فديت خشمك مالي الا مكه والمدينه تكفيني وتريح فوادي

صادق جزاك الله خير بس حتى ماليزيا فيها مفاسد اكثر مما تشاهده هنا لان اغلب زوارها سياح اجانب ومثل ماقلت خير بقاع الارض مكه والمدينه نسئل الله يبلغنا زيارتهم قريب

[بريق الحق]

صادق جزاك الله خير بس حتى ماليزيا فيها مفاسد اكثر مما تشاهده هنا لان اغلب زوارها سياح اجانب ومثل ماقلت خير بقاع الارض مكه والمدينه نسئل الله يبلغنا زيارتهم قريب
مازرتها تبي الصج ولا لي حاجه في زيارتها خلني فالدوحه ابرك الواحد يروح برع مايضمن نفسه ( اتكلم عن نفسي )

[Charisma]

العاب سياكل كورة بحر لكن كلها مزحومه وشخصيا ماتقبل احشر نفسي وسطهم ولا ارضى احشر عيالي كذلك ادفع زياده واونسهم بمكان في اي بي

طيب وليش ماتكون هالفعاليات في البيت ؟ مع بقية الاطفال وحتى اطفال الجيران ، ترتيب وتنسيق جدول لهم .

طيب والطلعات البريه / البحريه بعيدا عن الزحمه .

مافيهم وناسه ؟ بعيدا عن العروض ( الممله ) في المجمعات والحشره ؟

[ضوى]

طيب وليش ماتكون هالفعاليات في البيت ؟ مع بقية الاطفال وحتى اطفال الجيران ، ترتيب وتنسيق جدول لهم .

طيب والطلعات البريه / البحريه بعيدا عن الزحمه .

مافيهم وناسه ؟ بعيدا عن العروض ( الممله ) في المجمعات والحشره ؟

هالنشاطات عيالنا يسوونها في البيت يوميا ، من حقهم تغير اماكن ووجهات ، البحر الاسياف مزحومه بعد مانقدر نروح اخر الدنيا عشان كم ساعه ، الا نسافر ونتمتع ايام ابرك

[Charisma]

هالنشاطات عيالنا يسوونها في البيت يوميا ، من حقهم تغير اماكن ووجهات ، البحر الاسياف مزحومه بعد مانقدر نروح اخر الدنيا عشان كم ساعه ، الا نسافر ونتمتع ايام ابرك


الله يحفظهم ، الحمدلله يعني مستانسين ، اللي اعرفه ان العيال يستانسون في اي مكان وزمان وبـ( أبسط الاشياء) ان تواجد الترتيب والتنسيق من الكبار .

يجوز مصطلح "تغيير جو " عذر ودافع من الكبار ، مغلف برغبات الصغار !

[ضوى]

الله يحفظهم ، الحمدلله يعني مستانسين ، اللي اعرفه ان العيال يستانسون في اي مكان وزمان وبـ( أبسط الاشياء) ان تواجد الترتيب والتنسيق من الكبار .

يجوز مصطلح "تغيير جو " عذر ودافع من الكبار ، مغلف برغبات الصغار !

مو غلط
نتمتع ونمتعهم
نكرف طول السنه بين تدريس ومجابل ومحاتاه الخ ، ومن حقنا وحفهم تغير جو

[Dana’1]

سؤال بريء ،

هل وناسة الأطفال في العيد محصوره في فعاليات ومهرجانات ؟

كل طفل والي يحب
بس بالغالب الي اشوفه يحبون يجتمعون مع بعض ويلعبون سواء بالبحر او بالمزرعه والبركه اوالعزبه ويوووه لو فيها خيل أو غنم أبل ..يلعبون معها وكذا متعه عالأخر
مثلا اليوم طلعناهم معنا للعزبه وقبل كم يوم للخيول وقبل كم يوم عالكورنيش عروض جويه بمناسبة اليوم الوطني وحييل انبسطوا الحمدلله ^_^

[حرف]

على بحر سلوى مشروع ضخم على البحر للي حاب حركات شليهات وسيف بحر وكلها ساعة زمان ويوصل

[الحياة الخالدة]

يا جماعة ترا مب الكل حوش بيته أو بيت حد من اهله أو جيرانه اللي يمون عليهم أو يتوالم معاهم كبير و يسمح بتنظيم فعاليات خاصة بهم .. في ناس امكانياتها محدودة
و أيضاً مب الكل عنده عزبة أو خيول .. أو يتحمل تكاليف شاليهات بالذات في ايام العيد و الاجازات توصل إلى مبالغ لا يستهان بها

[Dana’1]

يا جماعة ترا مب الكل حوش بيته أو بيت حد من اهله أو جيرانه اللي يمون عليهم أو يتوالم معاهم كبير و يسمح بتنظيم فعاليات خاصة بهم .. في ناس امكانياتها محدودة
و أيضاً مب الكل عنده عزبة أو خيول .. أو يتحمل تكاليف شاليهات بالذات في ايام العيد و الاجازات توصل إلى مبالغ لا يستهان بها
بالنسبه لردي والي ذكرت فيه العزب والخيول وغيرها،، كان على سؤال بايلوت


هل وناسة الأطفال في العيد محصوره في فعاليات ومهرجانات ؟


والجواب كان بالعموم سواء بالعيد او غيره حتى^_^

[Qtr37]

الله يرحم ايامنا قبل كانوا يودونا في الاعياد والويك اند اما البر او البحر او الكورنيش
ما عرفنا غير هالاماكن للترفيه!!! الحين ما عاد البر مثل قبل ولا البحر ولا الكورنيش مثل قبل!!

الزحمة جابت لنا الاعصاب لو مب مجبورين ما كنا بنطلع اصلا من بيوتنا
اباءنا كانوا يبذلون المجهود على قدهم عشان يونسونا
اما ازواجنا حاليا واخوانا نفسي نفسي وحدث ولا حرج!!

الوناسه ننتظرها في السفر بس
وعن نفسي اختار اوقات السفر في غير المواسم بعيد عن الزحمة،،
واللي يبي بلاد زينه وخفيفه وما تكلف فالخيارات كثيره :)

[النهار]

اختي مع احترامي لموضوعج مكانه الاستراحه لأنه مجرد فضفضه كلام لوك لوك لوك ..


شكرا ..

غميضه انت ليش ماسافرت توك معرس جديد ياخي افتل بسك من التكنيز لين متى انت بتخش

[معماري قطري]

خلصت الاجازة فكروا شبتسون أول يوم دوام

اليوم جاني خبر حزين .. كنت استعد للعودة للدوحة وقال الطبيب لا اصبروا لين 19 10 شيء يقهر

[طبيب قطري]

خلصت الاجازة فكروا شبتسون أول يوم دوام

اليوم جاني خبر حزين .. كنت استعد للعودة للدوحة وقال الطبيب لا اصبروا لين 19 10 شيء يقهر

سلامات يامعماري.. خير ؟

[مدور عقلي]

الحمدلله اني مسافر ،، خفت الزحمه عشان ارجع ولا 😅

[ابن البيطار]

الحمدلله اني مسافر ،، خفت الزحمه عشان ارجع ولا ��

اذا بترجع بعد 2022 ان شاء الله بتكون الزحمه خفت

[للصبر اخر]

تدرين جنون
اول امس طلعنا بحر
الزحمه واصله لين السافلييه
والله لو تشوفين اليخوت والسكوترات قدام السافليه
شي يقهرر
ومسخره مابعدها ممسخرررررة
الله يحفظ الجميع

[ضوى]

بوووو للصبر اخر وصلوا السافلييه بعد


الله المستعان

[للصبر اخر]

بوووو للصبر اخر وصلوا السافلييه بعد


الله المستعان

وصلوا وبس
احنا من الزحمه وقفنا بعييد
الكابتن يقول لنا لو شنو مارحت هناك

[ضوى]

شفتي ياجنون

الا غميضتين وعشر انه ماسافرنا

[شبح الصمت]

الحمد لله طلعنا واستانسنا ..

الواحد شيسووي يغلغص نفسه يا جنون ..

رحنا سوق واقف فعاليه وزحمة بس استانسوو اليهال ..
وكان لهم نصيب في الظهور في قناة الريان ..

ووديناهم كمن مجمع بعد استانسو
ووديناهم سيلين
ووديناهم الغارية



يقولج حشراً مع الناس عيد
:shy:

والله يعطيهم الصحة والعافيه صراحة المرور ..

لو مب اهم كان سواق واقف ما يقدر الواحد يمشي بس مخلينهم للعائلات فقط ..

العماله واقفين ينتظرون يبون يدخلوووون ..
صج مساكين يبون يستانسوون بس الاولية للعائلات ..


شكراً وزارة الداخلية من سعادة الوزير لاصغر فرد على تعب افرادكم وتسهيل الحركة ..

[عاشق العديد]

سلام عليكم ..

والله زين جوي من بداية الاجازه ماتعديت محيط عشره كيلو ..

اما عن الزحمه وهالامور هاي خلاص صار شي معروف والي يبط الجبد ياليت زحمه بس بالمكان داخل زحمه بشارع والباركن وبالمكان نفسه يعني شسوي اطير .؟
فا نصيحه الي عنده جم بيزه ويبي يتفسح لايقول بنانا ولا غيره تذكره ويروح له أي مكان يغير جو لو يومين ابرك له من الزحمه .. وسلام عليكم ..

[شبح الصمت]

سلام عليكم ..

والله زين جوي من بداية الاجازه ماتعديت محيط عشره كيلو ..

اما عن الزحمه وهالامور هاي خلاص صار شي معروف والي يبط الجبد ياليت زحمه بس بالمكان داخل زحمه بشارع والباركن وبالمكان نفسه يعني شسوي اطير .؟
فا نصيحه الي عنده جم بيزه ويبي يتفسح لايقول بنانا ولا غيره تذكره ويروح له أي مكان يغير جو لو يومين ابرك له من الزحمه .. وسلام عليكم ..



صديقي العزيز الغالي ..

صدقت اقط في بنانه ما بين 10 لين 15

ازيد عليها 15 وروح سريلانكا ..

والا ماليزيا

طبيعة

[Qtr37]

الحمدلله اني مسافر ،، خفت الزحمه عشان ارجع ولا 😅

لا للحين !! اليوم عشان اوصل الدوام احتجت ساعتين!!!!!

[شبح الصمت]

لا للحين !! اليوم عشان اوصل الدوام احتجت ساعتين!!!!!



وانا احتاج لين اوصل دوامي ثلث ساعة ووصلت قبل 7.30


الحمد لله

[حمد 2002]

الحمد لله اني ماسافرت. .


قمه الراحه والاستمتاع والله ..

[عاشق العديد]

صديقي العزيز الغالي ..

صدقت اقط في بنانه ما بين 10 لين 15

ازيد عليها 15 وروح سريلانكا ..

والا ماليزيا

طبيعة



بالعكس والله مستعد اوديك سرلانكا لمدة أسبوع سكن في منتجع فخم مع سايق ب 5000 .. 15 اوديك فيها اوربا ..

[شبح الصمت]

بالعكس والله مستعد اوديك سرلانكا لمدة أسبوع سكن في منتجع فخم مع سايق ب 5000 .. 15 اوديك فيها اوربا ..

صادق ياخوي

بس اتكلم عن رحلة عائلية

لشخصين بالغين واثنين او 3 من اليهال ...

[Qtr37]

وانا احتج لين اوصل دوامي ثلث ساعة ووصلت قبل 7.30


الحمد لله
الحمدلله :)

[محمد سعيد]

انصحكم بالبوسنة شباب رخيصة وحلوة وسهلة المنال :)