بالي اندونيسيا

[الخيالة]

سلام عليكم

عندي استفسار بخصوص السفر الي جزيرة بالي سياحه مب شهر عسل و هالسوالف بس للسياحه
اي منتجع تنصحون ومابي فلل اللي كم غرفة ومطبخ و وين المكان اللي فيه الدلافين

اذا عندكم فكرة او سافرتوا من قبل و من وين يحجزون و مضمون؟

[sos 12]

أنا رحت لها سنه 2011، لمده 5 ايام ... سكنت في الدبليو ... نظامه فلل بركه سباحه خاصه ... أنا والعيال ... بصراحه ماعجبتني ... وحط في بالك أغلى من ماليزيا وتايلاند ... ومن ضمن الأشياء الي خلتني ماانصح فيها هي :
غاليه وعلي الفاضي
ماتنفع حق عرب ... هذي ألجزيره حق الاستراليين لركوب الامواج
شوارعها وأماكنها وصخه مثل جزيره السلاحف ... آخرتها مشوار ساعه علي قفاص 3 سلاحف
مااتخذ راحتك مع هلك وعيالك بسبب الاستراليين وعاداتهم الوصخه مثل الشرب في الشوارع ... وغيره
أنا أفضل تايلاند او ماليزيا أحسن من بالي ... هذا عن تجربتي وباقي الأعضاء ماراح يقصرون

[بومتعب]

زرتها العام الماضي .....

الجزيرة جدا عادية وليست مثل مايظهرونها في الإعلام والدعايات. ....
منتجعاتها بمستوى متوسط إلى جيد .... بعيدة ولاتستاهل العنوة للسفر إليها. ....
مطاعمهم مستواها متوسط باستثناء الي بالفنادق. ......
صراحة لا أفكر في الرجوع إليها مرة أخرى. ....

نصيحة لك اذا تحب منتجعات راقية وسوالف بحر ..... روح المالديف .... منتجعات خيال وبحر وشواطىء نظيفة.... وإذا عزمت عليها رايح ارشحلك منتجع راقي جدا ورايح يعجبك أن شاء الله

[الخيالة]

شكرًا ع الرد

مالديف رحت مرتين فقلت نجرب بالي المشكلة وايد منتجعات في بالي الي قريب المدينة الي في الغابه اللي ع البحر عشان هاي احترت و في أسعار مختلفه في غالي في رخيص

[بعيد النظر]

انا رحت بالي شهر 5 اللي طاف .. 11 يوووم ..
وللامانة استانست لابعد حد فيها ! ورحتها استجماااام ..
ما طلعت الا مرتين او 3 ..

وكللش كلللللش مب غالية !!
يعتمد على جوكم انتو وش تبون من البلاد ؟


بالنسبة للترشيح هي اذواق وميزانيات .. في مقبول وفي خيااااال !!
انا عن نفسي دخلت بوكنق وحطيت 5 نجوم .. واخترت الريتنق 9 ونص .. وفوق ..
وعقب اخترت الفلل .. والحمدلله توفقت واستانست !

وفي بعد موقع " ايجنسي " حجزت منه فلة ..


احب انوه ان .. عامل الجو جدا" مهم ..
لا تروحون موسم امطار + تاكدو من وجود مكيفات في الفلة او المنتجع !
+
التخطييط .. قبل السفر .. ومعرفة شالنشاطات المتوفرة ..
وتقدرون تعرفون هالشي .. عن طريق موقع ترب ادفايزور !

بالنسبة للمطاعم .. نفس الشي ..
ترب ادفايزور يسهل الامور ويعطيج الزبدة !!

وقواج الله ..

[saeed2005]

ما تستاهل

[مزعله النساء]

السلام عليكم ورحمه الله وبركاته

الجزيره تستاهل الزيارة ورخيصه واجد
سكنت في بالجاري و w الاخير روعه
توكل على الله

[وحيد-الشوق]

كلام الاخوان مايشجع للسفر لها رغم اني كنت افكر ازورها وحتى اذا زرتها شكلي بيكون غلط هناك عزابي ورايح مع ربعه

ساعات احس السفر لجزر حكره ومضيعه فلوس عالفاضي حلاته في السفر تتنقل وتمشي وتشوف الدنيا وتتسوق بعد :) اما حكره وماي وجزيرة عندكم البنانا وخشوا فلوسكم لديرة ثانية

[bohilal191]

انا افضل بوكيت فقط لاغير أحلى خمس ايام تقضيها في بوكيت

[ابراهيم 2012]

لانكاوي في ماليزيا فندق دانا لانكاوي :thumbup1::thumbup1::thumbup1:

[بنسل]

كنت فيها قبل ظ£ شهور وهي احلى سفره ف حياتي
والله جزيره من اروع ما يكون ونظيفة وشعب ودود
بس عانيت من المطاعم ، كنت اكل من مطاعم هنديه او سي فود

[بوشاهين2]

أنا رحتها شهر 10/2015 أولا أذا بتروح بتاخذ من قطر لجزيرة بالي 9:45 دقيقه وثاني حاجه لازم تاخذ 3 تطعيمات من قطر لأن أذا بتنزل جزيرة بالي بتمر ع المزارع وفيها نامس وغيرها من الحشرات ف لازم تاخذ من هنا التطاعيم والله ماتستاهل أولاً بتعاني بسالفة الأكل والله أني ماكنت أكل إلا الفطور بالفندق وبعدها والله ماتحصل أكل نفس العالم وطحت على مطعم هندي (هندوسي ) أسمه كوين أوف أنديا ( ملكات الهند) وقلت في نفسي والله لو أكل حرام لو شنو باكل يعني باكل وكل أيامي أكلي من عندهم ومافي فيها ألا مجمعين الأول ديسكفري وماركات وغالي عالفاضي والثاني نسيت أسمه عند البحر والمجمع على شكل قبه من قش وحديقة الحيوان وأنتو بكرامة ماتسوى ومافيها شي .. من الأخر روح بانكوك أو أي بلد ثاني أحسن لك وأذا حبيت أفيدك زياده عن جزيرة بالي راسلني ع الخاص.

[قوت القلوب]

انا رحت بالي وقعدت في منتجع ايانا روعه جدا خذت الفله الكبيره ، طلعت مرتين فالاماكن السياحيه وماعجبتني شوارع تعبانه وبلاد بدائيه ، لكن المنتجع يكفيك ثلاث ايام تسترخي فيه وتستمتع فالمطاعم اللي فيه والاجواء

وبعدها خذت طياران الى سنغافوره بلاد جدا راقيه وروعه عندك فتدق مارينا باي تكفيك فيها 4 ايام

وبعدها رحت تايلند بانكوك حق شوبينغ 4 ايام في فندق كنبنسكي سيام تحفه