المساعد الشخصي الرقمي

مشاهدة النسخة كاملة : " نظام جديد " تستخدمة شركة ( انترتيك ) سامسونج للهواتف


محمد11
29-09-2015, 06:51 AM
" نظام جديد " تستخدمة شركة ( انترتيك ) سامسونج للهواتف

الحذر يا اخوان ..

في حالة وجود اي شمخ ف الجوال يسقط الضمان !!!

والحجه بان الهاتف سقط !!

امس كنت عندهم .. الجوال خربان طلعوا لي شمخ قالوا لي ان طاح ..
والجوال عمره ماطاح .. وان راح يتصلح على حسابي !!!

وايضا واحد من الربع شاشته اختربت خلال 4 ايام من شراء الجوال قالوا له الجوال طايح ومافي اي اثار على الجوال
مختلف جداََ
29-09-2015, 12:44 PM
غصب عنهم يصلحونه على الضمان

اذا رفضوا

حماية المستهلك بيسنعونهم


وما يمنع إيميل للشركة الأم
qtr qtr
29-09-2015, 08:23 PM
غصب عنهم يصلحونه على الضمان

اذا رفضوا

حماية المستهلك بيسنعونهم


وما يمنع إيميل للشركة الأم

مشكلتي نفس مشكلت اخونا محمد 11 قوالوا فيه ضربه والضمان يسقط حاولت معامهم والله اني وديت لهم جوال سامسونج شاشته مكسره وضروب من كل صوب وحالته حاله وشغال اخر حلاوه كن مافي فايده وكلمت الشركه الام بعد مافي فايده يقولون هذا قانون الشركه مذكور في كتيب الجهاز ان اي ضربه او كسر يطيح الضمان فعلا مصخره اللي قاعد يصير .
قلت لهم الحين لو عندي سياره عالضمان وسويت حادث وصلحته وعقب شهر المكينه اختربت هل راح الوكاله بقولون لي ماراح نصلح لك المكينه لانك سويت حادث ويطيح الضمان .

حدثوا العاقل بما يعقل ياسامسونج .
محمد11
29-09-2015, 09:48 PM
اخوي كلمت حماية المستهلك !!
بوخالد911
30-09-2015, 12:33 AM
هل بلغتوا حماية المستهلك؟!؟!؟
monatee
30-09-2015, 06:14 AM
الله يخلي شركه ابل ، طبعا اللي عند الاجانب مب عندنا

اذا جوالك طاح وانكسر حتى لو شاريه من دوله اخرى ،، يبدلونه لك ابلاش على اساس ضمان الشركه الام عالمي

الامانه والنزاهه عندهم ،، البوق والكذب عندنا
A bin M
30-09-2015, 09:21 AM
قدم شكوى ،،

وشوف هل في الكتيب مذكور هالشي وله لا
محمد11
30-09-2015, 02:16 PM
صادق والله
كان عندي ايفون 6 ماخذه من دبي وبدون ضمان
ومغير لون الكفر صابغه اصفر ..
اخترب وانا في امريكا .. وديته لهم على اساس انهم يعدلونه ..
خذ الجوال 3 دقايق جايب لي واحد جديد.
ولاسألني ليش لونه اصفر ولا وين كفر الشركة ..

جوالك مايتعدل واحنا نتأسف وخذت الجوال الجديد ..
قالي احنا اهم شي الزبون يطلع وهو مرتاح من السلعه الي ماخذها بملغ كبير ..

وهني مستغلينا احنا والعرب ..
انا خلاص0 من يوم ورايح باخذ ضمان الامارات ..

المفروض حماية المستهلك تدخل في امور وضع قوانين الضمان في المنتحات الالكترونيه .. مثل ماعدلت ضمان وكالات السيارت
Mr 3idany
01-10-2015, 08:41 AM
حماية المستهلك تطلع وتطلع فتره وعقب فتره وجودها والعدم واحد

يعني النشاط اللي عندهم مجرد موسم وينتهي ويرجعون مثل قبل مجرد اسم فقط ههههههههههههااااي =d
qtr qtr
01-10-2015, 12:34 PM
اول امس اتصلت بالسامسونج الوكيل في دبي للمره الثانيه وبنشوف اخرتها لوين ..

ملاحظه الكتيب اللي بكرتون الجوال مافيه اي شي يذكر عن شروط الضمان .حتى الفاتوره ما اذكروا اي شي عن شروط الضمان
محمد11
02-10-2015, 01:14 AM
اخوي كم رقم الوكيل في دبي
وشقالوا لك

وكلمت حماية المستهلك
qtr qtr
02-10-2015, 11:42 PM
هذا رقم الوكيل في دبي
8002255
لحد الان ماتصلت بحماية المستهلك بخليهم بنهاية الزبده اذا ماشفت اي نتيجه منهم بروح لهم وبرويهم الجهاز والفاتوره والكتيب .