كلمات شبه منسيه

[العفراء]

شوفوا ترى وايد كلمات الاوليين كانوا يطرونها في رمستهم بس مثل ما تقولون جيل الاي بي سي دي تجاهلوها
هنا نبي نرد نحيي هالكلمات اوكي

الحين انا بحط كلمه وابي اشوفكم بتعرفون شو نطري بها والا ما تعرفون

اللي يعرف المعنى يحط الكلمة اللي على باله و بنشوف شو معناتها و جذيه اوكي

يلا نبدا انزين

الكلمة هي

ضرس الخيل


شو كانوا يقصدون بها الاوليين

[النهار]

يمكن نوع من انواع الحلويات
او البيدان : لانها تشبه ضروس الخيل

[بن غيث]

صحيح كلام "النهار"

[العفراء]

النهار و بن غيث قربتوا بس في معنى ادق هههه

[بن غيث]

من انواع المكسرات .

[العفراء]

بن غييث شكلك اتعرف الشو بس ما تبا تقول صح

[بن غيث]

لو قلت الاجابه .. بيقولون بن غيث من العصر الحجري

[النهار]

هههههههههههه
البيدان هو اللوز يالعفراء من المكسرات

[العفراء]

بن غيث خلهم يقولون برايه : ) كلنا يايين من نفس آلة الزمن

النهار ياخي مب البيدان ههههههههه هو صح نوع من انواع المكسرات بس مب اللوز

[النهار]

بن غيث خلهم يقولون برايه : ) كلنا يايين من نفس آلة الزمن

النهار ياخي مب البيدان ههههههههه هو صح نوع من انواع المكسرات بس مب اللوز

انزين قولي لنا الاسم اكيد هاي ضرس الحصان كان يطلق على نوع معين
لايون طعامة اللوز هههههههههههههههههههه

[العفراء]

خلنا نتريا حد بيجاوب هو سهل والله اشقا ما عرفت اظنك بالعيد ماكل ضرس الخيل

[النهار]

ترى يالعفراء قبل ماكنا نعرف المكسرات خير شر
المكسرات الي كانت معروفه البنك والحبه الخضره حب البطيخ الاسود كان يجينا من الهند او ايران
وقت القرنقعوا كان يجي زق سبال بالاضافه الي البنك والحبه الخضره والبرميت ومخلوط معاهم الحب ونخي

[العفراء]

النهار :eek5: هاي كانت مثل المكسرات و احنا صغار كان يمر بفريجنا العصر ريال هندي بسيكل و يبيعها
تبا بنص درهم يشق لك ورقة من المجلة ويلفها ويحط فيها النخي و البنك
تبا بدرهم يحط لك بكيس بني و كان يبيع سمبوسه بعد

[بن غيث]

متابع ...

[العفراء]

انا بظهر حول الساعه و برد لو محد عرف بحط الجواب مع كلمة يديدة

[النهار]

يمكن الفستق

[العفراء]

صح النهار ضرس الخيل هو الفستق يالله انت اختار كلمه

[دايموند]

ياخي قولوا بستك ابرك من ضرس الحمار مندري الحصان

[العفراء]

النهار شكله حط راسه و نام
بنحط كلمه يديده

يضعن

[معماري قطري]

لو قلت الاجابه .. بيقولون بن غيث من العصر الحجري

ههههههههه يبي يصغر نفسه

[معماري قطري]

النهار شكله حط راسه و نام
بنحط كلمه يديده

يضعن

يبعد أو يهاجر

[معماري قطري]

عويزة من يعرفها

[حسن]

النهار شكله حط راسه و نام
بنحط كلمه يديده

يضعن

يضعن تعني يشد
وفي اغنيه تقول شدو الضعاين ياسعد
على مااضن
وبعدين ترا النهار هو اكبر عضو من الاعضاء الموجودين

[حسن]

عويزة من يعرفها

عساك بتجيب لي عويزه من المانيا

:)
والله نسينا يامعماري
تعني شي حاجه ماء مادري هديه او صوغه

[معماري قطري]

عساك بتجيب لي عويزه من المانيا

:)
والله نسينا يامعماري
تعني شي حاجه ماء مادري هديه او صوغه

قربت اخوي بو علي بس ما صدت المعنى

[معماري قطري]

انا ناسيها شلون طرت علي ما ادري

[العفراء]

صباح الخير معماري و حسن
الشو عويزه معماري اظن جواب حسن صح الصوغه او الهديه

[حسن]

صباح الخير معماري و حسن
الشو عويزه معماري اظن جواب حسن صح الصوغه او الهديه

العويزه تعني شي قيم ولا هديه
اخبر الياهل احيانا انقوله تعال باعطيك عويزه
اعتقد مش محدده حلاوه ولا مصاصه هذه تعتبرعويزه

[العفراء]

هلا اخويه حسن
انزين حط كلمه و الا احط انا من راسي كلمة ؟ اترى اشوف شي انت ما تشوفه 😝

[حسن]

هلا اخويه حسن
انزين حط كلمه و الا احط انا من راسي كلمة ؟ اترى اشوف شي انت ما تشوفه ��

ابشري

بس في بعض الكلمات تكون عندكم واحنا عندنا مسماها غير

باذكرلك كلمه قديمه ويمكن الحين قل مانسمعها الى كان عن العيايز
وذكرتني فيها جنون بموضوعها
معني كلمه

غميضه

:)

[النهار]

ابشري

بس في بعض الكلمات تكون عندكم واحنا عندنا مسماها غير

باذكرلك كلمه قديمه ويمكن الحين قل مانسمعها الى كان عن العيايز
وذكرتني فيها جنون بموضوعها
معني كلمه

غميضه

:)

ههههههههههههههه

[حسن]

ههههههههههههههه

غميضه

وشفيك تضحك شاق الحلج

:omg:

[النهار]

غميضه

وشفيك تضحك شاق الحلج

:omg:

تو الميت مابرد جسمه تروح تسدحه مره ثانيه http://store2.up-00.com/2015-09/1443681136651.gif (http://www.up-00.com/)

[حسن]

تو الميت مابرد جسمه تروح تسدحه مره ثانيه http://store2.up-00.com/2015-09/1443681136651.gif (http://www.up-00.com/)

:)

احنا نمشي على المثل المصري
نئتل الائتيل ونمشي في جنازته
:)

[العفراء]

ضحكة النهار هذي وراها شي لا و بعد يقول توه الميت ما برد بسم الله شو بلاكم حسن و النهار انتو ناوين ع الشر و الا الشو

غميضه شكلها حسن علشان نعرف معناها ترى يا ع بالي اكثر من معنى
و قول انت شو معنى
بالراضه

[حسن]

ضحكة النهار هذي وراها شي لا و بعد يقول توه الميت ما برد بسم الله شو بلاكم حسن و النهار انتو ناوين ع الشر و الا الشو

غميضه شكلها حسن علشان نعرف معناها ترى يا ع بالي اكثر من معنى
و قول انت شو معنى
بالراضه

بالراضه

والله ماعرف مصطلحاتكم يمكن عندنا اسمها غير
وبعدين النهار يحب يشاغبني
فاخذي الوضع عادي

[العفراء]

لا اكيد عادي افا عليك هههه بس انت قول للنهار بالراضه يمكن ما يشاغبك

[كشمه]

تنطق بيذان وليس بيدان , وزق السيبال عندنا سمبل

[حسن]

زين

شنهو يعني

كشمه

:)

[النهار]

صعبه وايد يمكن شي يدخل في تكوين مكاين الديزل

[حسن]

يمكن تقصد منطقه براكه

:)

[العفراء]

بالراضه يعني شوي شوي
كشمه نظاره و الا

انزين شو معناة
دهديه

[.قطر.]

زين

شنهو يعني

كشمه

:)
نظاره :discuss:

بالراضه يعني شوي شوي
كشمه نظاره و الا

انزين شو معناة
دهديه

دهديه :con2:
يعني د. هديه يعني دكتوره هديه <<< فهمتوها :unsure:
خ خلاص اخر مره والله escape

[العفراء]

قطر فكر شوي اتوقع هالكلمه معروفه حتى بقطر
دِهْ دِيه

[معماري قطري]

العويزه تعني شي قيم ولا هديه
اخبر الياهل احيانا انقوله تعال باعطيك عويزه
اعتقد مش محدده حلاوه ولا مصاصه هذه تعتبرعويزه

يعني جبتها صح بس شيء قيم لا هي حلاوة للياهل .. يمكن غالية عنده

[معماري قطري]

قطر فكر شوي اتوقع هالكلمه معروفه حتى بقطر
دِهْ دِيه

انتوا العفراء عندكم كلمات شوي تختلف وحتى من منطقة لمنطقة عندكم كلمات انتوا ما تعرفونها

[العفراء]

صدقت يا اخويه و الكلام يختلف من امارة الى امارة و مثلا هل الفجيرة رمستهم تختلف عنا و عندك بعد الشحوح لهم لهجه تختلف
دهديه يعني بسرعه و تنقال كأمر بتنفيذ الشي ع وجه السرعه
مثلا
قوموا للصلاة يلا دهديه دهديه
😁

[العفراء]

منيوب

معناتها تم جلبه

مثلا

صوغه منيوبه من الهند

يعني

هدايا تم جلبها من الهند

[مختلف جداََ]

انزين أبي كلمه أعرفها عشان أجاوب :)

[العفراء]

المشكله في اختلاف بالهجة حتى انا تمر علي كلمات قطريه ما اعرف معناها
انزين نجرب هالكلمه علشانك هههه


بزيه

[العفراء]

بحط لك مثلا

ترى هالبنت بزيه

[مختلف جداََ]

بحط لك مثلا

ترى هالبنت بزيه


البنت شايفه نفسها

[العفراء]

والله انت قربت من المعنى و يمكن تنحسب انها نفس المعنى لكن بشكل ادق نقولها للبنت الدلوعه
انزين شو معناة زلاعه

مثال

يختي عن الزلاعه

[معماري قطري]

منيوب

معناتها تم جلبه

مثلا

صوغه منيوبه من الهند

يعني

هدايا تم جلبها من الهند

من ياب ييب فهو منيوب

[معماري قطري]

والله انت قربت من المعنى و يمكن تنحسب انها نفس المعنى لكن بشكل ادق نقولها للبنت الدلوعه
انزين شو معناة زلاعه

مثال

يختي عن الزلاعه

اعتقد لا تشوفين نفسج .. خقاقة يعني بالاماراتي الفصيح

[معماري قطري]

من معاشرتنا للاماراتيين وقت الدراسة والكويتيين والبحرينيين والسعوديين واليمنيين وبعض باقي العرب بس هؤلاء اللي اذكرهم لأنهم أكثرية تعلمنا لهجات بعض .. وكنا نضحك ونقلد بعض في الكلام .. مثل يا معود ليش تتعود .. واللهجة الجداوية .. إشبك يا بويه

[العفراء]

اكيد كل لهجه لها مذاقها الخاص اخويه معماري
الزلاعه يعني المصاخه : )

انزين الشو الكرفاية؟ و الدروازه ؟ و الشاطوحه ؟

[@north_star@]

الكرفاية= السرير ...........
الدروازة= الباب
الشاطوحة ما عرفتها

[العفراء]

الاجابة الاولى و الثانيه صح يا نورث
شطور يا المصور المحترف :nice:

[@north_star@]

الاجابة الاولى و الثاني صح يا نورث
شطور يا المصور المحترف :nice:

مشكورة اختي بس مافي جوائز ؟ ههههههه:deal:

[العفراء]

هههه الجوايز بس بشهر رمضان :tease:

[معماري قطري]

الكرفاية= السرير ...........
الدروازة= الباب
الشاطوحة ما عرفتها

الدروازة أصلها فارسي .. واعتقد مشتقين منها كلمة الدريشة .. كذلك الدنجل والبادقير وهذا معناه ثقافة البناء القديمة عندنا مقتبسة منهم ولا شرايكم؟

[العفراء]

صبااح الخير المعمااري
احتا ع بالنا ان الكلمه مشتقه من اللغة الهنديه
لكن اكيد ان اللغة لازم تتأثر بكلمات من
كل الثقافات اللي حوالينا و اظن وايد مفردات نستخدمها تكون اصولها فارسيه او هنديه
و العكس صحيح في
مفردات

عربيه
للحين يستخدمونها الهنود و الايرانين

بس ششو سالفة الهنود يقولون ارباب خل يولي
الحين منو ماخذ هالكلمه من الثاني

[aum ahmed]

دائما نقول ما تعرف لا من كوعك ولا من بوعك
الكوع وين والبوع وين

[العفراء]

منوره يا ام احمد
انا عارفه الكوع و البوع من كثر ما يقولونها لي هههه
بننطر حد يجاوب
بس للحين محد قال شو الشاطوحه

[حسن]

سرير الطفل
:)

[العفراء]

حافظ عليك حسن
انزين بننطر حد يجاوب على سؤال ام احمد
ما تعرف كوعك من بوعك

[حسن]

هذا مثل معروف عندنا
الكوع والبوع

[العفراء]

وين الكوع ووين البوع
الكوع اللي بمفصل الذراع
و البوع
خليت لكم الصعب

[معماري قطري]

صبااح الخير المعمااري
احتا ع بالنا ان الكلمه مشتقه من اللغة الهنديه
لكن اكيد ان اللغة لازم تتأثر بكلمات من
كل الثقافات اللي حوالينا و اظن وايد مفردات نستخدمها تكون اصولها فارسيه او هنديه
و العكس صحيح في
مفردات

عربيه
للحين يستخدمونها الهنود و الايرانين

بس ششو سالفة الهنود يقولون ارباب خل يولي
الحين منو ماخذ هالكلمه من الثاني

الله أعلم مزيج الثقافات قديم وصعب تأريخه .. حتى كلمة دريشة ممكن من الهنود وممكن من الفرس بس للفرس أقرب وممكن مشتقة من دروازه

[معماري قطري]

سرير الطفل
:)

المنز .. والكوع والبوع مكانين في اليد وين بالضبط نسيت .. شوفوا هذا الكوع وهذا البوع

[معماري قطري]

حسن هذي كلمتين من أهل شمال قطر ابي معناهم .. متعضرط ومتضعضع .. كلمات شوي غلجه

[العفراء]

بنترياه الشمالي يجاوب
و البوع للحين محد جاوب

[العفراء]

تصبحون على خير

[السيف5]

البوع عظمة في ابهام الرجل

متضعضع حالته تعبانه
ومتعضرط يعني بعد نافخ نفسه ومتكبر مسوي له راس

[العفراء]

يعطيك العافيه اخويه السيف منور الموضوع و الله
ما حطيت لنا كلمه ندور معناها ؟
انزين شو معناة ثبان

[العفراء]

ثبان يعني حضن

انزين شو معناة كرفايه

[العفراء]

اووه قلناها قبل سوري داير راسي

[العفراء]

انزين شو معناة مسطاح

[حسن]

انزين شو معناة مسطاح

الأرض المنبطحه

[العفراء]

هلا خااالي شي معنى ثاني ادق فكر شوي
و اسمح لي اليوم حشيت فيك هههه بس الموضوع انحذف اظن بسبتي كنت محتجه
المهم شو معناة مسطاح

[العفراء]

مسطااااح

تصبحون على خير يا سيدات و يا سادة باجر نلتقي بكم ان الله احيانا

[العفراء]

مسطاح
هو المكان اللي ينحط فيه الرطب عسبة تضربه الشمس يوم يسووون التمر

[العفراء]

شو معناة غرشوب

[طلعة الروح]

شو معناة غرشوب

أظن جميل أو حلو

[العفراء]

و انتي صصح طلعة الروح

الشو انزين معناة كرخانه

[طلعة الروح]

و انتي صصح طلعة الروح

الشو انزين معناة كرخانه

كرخانة اتوقع مكينة خياطه

[نفسي عزيزه]

انا كيووت من عصر الايباد ماعرف شي وعليه علي ماعندي هيستوري بحياتي :weeping:

وين اروح ماعندي ربع يطلعون هالحزه :weeping:


بشارك معاكم ان شاء الله تريوني :tease:

[نفسي عزيزه]

مسطاح
هو المكان اللي ينحط فيه الرطب عسبة تضربه الشمس يوم يسووون التمر

مسطاح عندنا يعني الارض السيده ومساحتها كبيره مساطييييح

[العفراء]

طلعة الروح انتي صحح يا الشطوره

نفسي عزيزه منور المكان والله و زين انك تعرف معناة اتريوني ههه

انزين شو معناة مكروف

[الحياة الخالدة]

مكروف : من كلمة الكرف أو الكراف
يعني مشغلينه لين انهد حيله

[العفراء]

و انتي صح ياالحيااااااه

انزين شو معناة نهيت

مثلا

نهيت دبي او بنهى دبي

[نفسي عزيزه]

طلعة الروح انتي صحح يا الشطوره

نفسي عزيزه منور المكان والله و زين انك تعرف معناة اتريوني ههه

انزين شو معناة مكروف

اي شلون عيل ماعرف قلت لج شايب ماتصدقين شو اسوي انا بعمري :shy:

مكروف

مكروف كرف يعني مكروف هههههههههههههاي مشتغلين عليه عدل تعبوه :tease:

يلا بعد نبي نبي نلعب :app::app::app::app:

[نفسي عزيزه]

وباه عليج بويه شو هالرمسه هاي اماراتيه هييه :telephone:

[طلعة الروح]

و انتي صح ياالحيااااااه

انزين شو معناة نهيت

مثلا

نهيت دبي او بنهى دبي

يمكن رايح ادور ف دبي

[السيف5]

سهلة يالعفراء

نهيت يعني ندور بدون هدف ..مجرد الدواره

نهيت دبي ..يعني نتفرفر بدبي

[العفراء]

و انت صصصح السيف 2

بس تنقال للروحات بدون ما تكون ع الفاضي ههه

و اغلبية اللي يقولونها هم الشحوووح

بنهى اليبل

بروح الجبال

نهيت البر

رحت البر


انزين شو معناة منحاز

[طلعة الروح]

و انت صصصح السيف 2

بس تنقال للروحات بدون ما تكون ع الفاضي ههه

و اغلبية اللي يقولونها هم الشحوووح

بنهى اليبل

بروح الجبال

نهيت البر

رحت البر


انزين شو معناة منحاز




الهاون الي يطحنون فية الاكل

[العفراء]

انتي شطوووره طلعة الروح

الشو معناة العسو انزين ؟

[طلعة الروح]

انتي شطوووره طلعة الروح

الشو معناة العسو انزين ؟




سعف النخل وكان يستخدم قديما للتلشيط لول

[العفراء]

ههه انتي دومج شطووره طلعة الروح

اممم انزين شو معناة منطاخ