حمله صفق له !!! [الأرشيف] - منتديات شبكة الأسهم القطرية

حسن

30-09-2015, 11:55 AM

السلام عليكم ورحمه الله وبركاته

موضوعي اليوم حمله صفق له

وانا اتجول في شوارع الصناعيه الجميله جدا وكنت استمع الى اذاعه البحرين
وانا استمع للبرنامج

تقول المذيعه قامو مجموعه من شباب البحرين لاي واحد يوقف مكان المعاقين
امام المجمعات وغيرها
ينزلون ورا المخالف ويصفقون وراه لين يشيل السياره ويتعلم النظام
:)

الصراحه استغربت من الاسلوب ومعالجه الخطاء رغم انها طريقه جميله جدا
وراقيه
شرايكم نسوي حمله

صفق له

:)

هل انتم مؤيدون ولا لا ؟

اسمع اراكم في حمله صفق له بكل سرور

:)

شبح الصمت

30-09-2015, 11:57 AM

qatari911

30-09-2015, 12:10 PM

حسن

30-09-2015, 12:17 PM

صعبة شبابنا يسوووونها انسى ..

واذا بتسوي هالشيء لازم بتسوي لك جمعية او تجمعات لشباب يومياً يفترون عند المجمعات ..

وشغلتهم بس صفق ..

ياخي احس فالبحرين هالامور مقبوله
بس عندنا اتوقع يروووس عليهم ويطرقعهم كلهم ..

لانه بيحس انهم مستهزين فيه ..

ريوس اثنين حركات واحد اعرفه عند هدد 95

ههههههههههههه

شوف البحرين بحكم احتاكي بهم من خلال بعض الاهداف لي
شعب بسيط عايش واقعه ومزوح ويحب البساطه وكل شي انجوي
تيكيت ايزي
احنا مانعرف وش نبي اقولك تذكرني من المجلس الاعلى تقدم قدام صاحو عليه
يرجع ورا صاحو عليه
قايلهم وطني الحبيب هذا يجب ان يلغى اصبح لغير القطرين !
لا لا ياشبح
رسمت في خيالي ان شبابنا جنغليه شدعوه يرويس عليهم وين احنا قاعدين
في الرس ولا في الزلفى
هاهاها

لا ياخي مافيها شي بالعكس المفروض يفتشل على نفسه ولا متعودين على المخالفات وحجز بوهامور

ياخي انا والبحرين سيم سيم بس احنا عندنا بيزات اكثر منهم

:)

بومحمد المطاوعه

30-09-2015, 12:22 PM

https://youtu.be/bnidn9n6RRI

في منتصف قلب كل شخص يصف في موقف ذوي الاحتياجات الخاصه

شبح الصمت

30-09-2015, 12:23 PM

لا صج يالنوخذه تخيل هالموقف يصير

انت موقف موترك وانت مع اهلك فرضاً

وجووك وراك يصفقون لك شنهي ردة الفعل ..

مب سالفة جنقل مكرمين الشباب وربعنا ..

بس احنا اكلمك عن شيء انت تشوفه واحنا نشوفه

ما اتوقع حد يتقبلها ..

ذكرتني في سالفة صايره فالكويت وصراحة اشوفها حركة نذاله وناس ما تستحي وانتشرت ..

الي توقف سيارتها وتطلع مع واحد

يرشون على موترها طالعه مع واحد ..

ياخي
من ستر على مسلم ستر الله عليه يوم القيامة ..

ما نقارون فعل التصفيق بموضوعك
بس هل هالحركات لو صارت

شنهي المشاكل الي راح تكون من وراها ..

لا تشوف الايجابيه
شوف السلبية في الموضوع ويتم معالجتها ..

مختلف جداََ

30-09-2015, 12:23 PM

شرايكم لو أي حد يصف في مكان معاقين

يتصور موترة من قبل المرور

والمرور نفسهم يطرشون رقم الموتر واسم راعيه رسايل sms لكل الشعب

عشان فضيحته تصير على رؤوس الأشهاد.

اذا طبقوا هالنظام أبي أشوف من الشجاع اللي بيخالف .

بومحمد المطاوعه

30-09-2015, 12:27 PM

https://youtu.be/uLmc9f5xbAM

هذي الحمله يابوعلي

شبح الصمت

30-09-2015, 12:29 PM

يالربع ترى اهي سالفة اخلاق واحترام

وصراحة حالياً اشوف قلة هالسوالف ..

قلة قليلة الي ما يحترم ..

بس عتيبي مش على الي يوقف

عتبنا تدرون على من !!!

على الي يستخدم موتر المعاقين ويطلع فيه ويوقف مكان المعاقين وينزل وما فيه شيء ..

هذا الانسان عنده تصريح لكن مافيه شيء ..

اهنيه المشكلة هذه الي مستغل الاستيكر في اموره الشخصية ..

ولحد يقول مافي اعرف ناس يسوونها

حمد 2002

30-09-2015, 12:32 PM

حمله صفق له لكل شخص مايسافر برع قطر ويقضي السياحه بفنادق ومرافق بلاده ..

حمله صفق لكل إنسان يلتزم بالصلاه بالمسجد. .

حمله صفق له لكل ام ضحه بعملها في سبيل أن تكون ربه بيت ممتازه ..

حمله صفق له لكل اب يرعى مصالح بيته ويجوف مطالب أسرته ..

وتستاهل صفقه حاااره يابوعلي من جميع الأعضاء على مواضيعك الرائعه والمبتكره والهادفه. .

شكرا لك استاذي الفاضل الشيخ حسن المهندي. .

شبح الصمت

30-09-2015, 12:34 PM

https://youtu.be/bnidn9n6RRI

في منتصف قلب كل شخص يصف في موقف ذوي الاحتياجات الخاصه

مقطع يعور القلب ..
ومؤثر لمن في قلبه الرحمه

:weeping:

بومحمد المطاوعه

30-09-2015, 12:38 PM

مقطع يعور القلب ..
ومؤثر لمن في قلبه الرحمه

:weeping:

اي والله ياخوي

قسم بالله شي محزن ولكن من يحس

الا من رحم ربي ,,

حسن

30-09-2015, 12:40 PM

https://youtu.be/uLmc9f5xbAM

هذي الحمله يابوعلي

هلا هلا

بيض الله ويهك يابومحمد ماقصرت والله على هذا الرابط
الصراحه سمعتها في الراديو مع نوره ابو الشوك الصوت العذب
:)

بومحمد المطاوعه

30-09-2015, 12:45 PM

هلا هلا

بيض الله ويهك يابومحمد ماقصرت والله على هذا الرابط
الصراحه سمعتها في الراديو مع نوره ابو الشوك الصوت العذب
:)

وجهك ابيض يارب ,,

والله بادره طيبه منهم

حمله حلوه الصراحه

السكين

30-09-2015, 12:59 PM

موضوع رائع وفكرة الشباب راقية وجميلة وفي الصميم ، التوعية والنصح لو صل بطريقة راقية الأغلب بيلتزم.

اسمح لي اشارك بهذا الفيديو لنفس الموضوع ولكن بفكرة مختلفة وأكثر استفزازية هههههه :nice:

https://www.youtube.com/watch?v=y7fWYxRq34g

A bin M

30-09-2015, 01:04 PM

اركب رصيف وله اصف في موقف معاق

اللهم لك الحمد ولك الشكر

شبح الصمت

30-09-2015, 01:06 PM

بومحمد المطاوعه

30-09-2015, 01:09 PM

صراااحه اقهروووه

بس كنا نبي نشووف اشلون حطو الاستكريات على موتره ..

https://youtu.be/dCwXZJi_9nc

شبح الصمت

30-09-2015, 01:12 PM

تسلم بومحمد حصلته ..

حمد 2002

30-09-2015, 01:14 PM

:app2::app2:

بومحمد المطاوعه

30-09-2015, 01:31 PM

تسلم بومحمد حصلته ..

يسلمك ربي

معماري قطري

30-09-2015, 02:05 PM

ووين المرور عنهم .. الوقوف غلط بحيث واحد يسد طريق مرور السيارات أو مخرج طواريء أو الوقوف في موقف مخصص للمعاقين أو للشرطة المفروض مخالفته تصاعدية وسريعة .. وتنسحب السيارة ويتبهدل راعيها .. والمفروض الموقف يبين واضح بالخطوط الأرضية وباللافتة

عندنا شفنا الشرطة يستغلون هذي المواقف .. بعدين بعض المواقف ممكن تكون مزدوجة الإستعمال وعندنا هذا الشيء مفقود .. أوقات نشوف مواقف معاقين زيادة والمفروض يكون جزء منها لكبار السن + المعاقين + الحوامل من السائقات مثلاً ويبقون موقف أو إثنين للمعاقين .. ويكون محدد بالضبط منهو المعاق ومنهو كبير السن والحامل لازم تبين بوضوح .. وواجب الشرطة متابعة هذي الحالات ومخالفتها أو إعطاء تصريح مؤقت للمركبة ولسائق المركبة .. ما يصير نشوف شاب يسوق سيارة والده ويوقف في موقف المعاقين ولو حصل هذا الشيء فيه كاميرات تثبت وشهود ودوريات شرطة مدنية وشرطة عادية المفروض يؤدون واجبهم صح وبدقة.

حسن

30-09-2015, 02:11 PM

https://youtu.be/dCwXZJi_9nc

هههههههههههههههه
الصراحه خسسو فيه
ضحكت ضحك عليه والله يبيلهم جذي

ذكي جدااا

30-09-2015, 02:33 PM

الصراحة الحمدلله احنا بقطر ماشوف هالمخالفات كثير. يمكن قلة قليلة جداااا لاتذكر.

طلعة الروح

01-10-2015, 03:09 AM

المفروض ان تكون هناك مخالفه للصفه العويه في المواقف او اللي يتلصق وايد ف الموتر الي احذاه (قانون ترك المسافه) لاحظت انه اغلب يسونها من الذكور عموما بدون ذكر جنسية محدده وهالتصرفات تدل على قلة الذوق وعدم احترام حق مرور الاخرين وتجلب له مشاكل من غير مايحس لانه الي يسوى هالحركات فاقد احساس اصلا.

Sunqatar

01-10-2015, 06:10 AM

ليس كل خطا يستحق ان يغرم عليه الشخص من اول مرة او ان يكون علاجة القوة والشدة لان لو غابة سلطة القانون لن تجد اصحاب مسؤولية اوحس اخلاقي التوعية وغرس الذوق العام واداب الطريق امور مطلوبه قبل العقاب والغرامات والشدة

بانغ بانغ

01-10-2015, 10:13 AM

اتذكر ايام برنامج " الشرطة معك " كان وايد فيه توعية لان الناس كانت طيبة

بانغ بانغ

01-10-2015, 10:14 AM

اتذكر ايام برنامج " الشرطة معك " كان وايد فيه توعية لان الناس كانت طيبة

بانغ بانغ

01-10-2015, 10:16 AM

اتذكر ايام برنامج " الشرطة معك " كان وايد فيه توعية لان الناس كانت طيبة

بانغ بانغ

01-10-2015, 10:17 AM

اتذكر ايام برنامج " الشرطة معك " كان وايد فيه توعية لان الناس كانت طيبة

المحاميه

01-10-2015, 10:29 AM

وانت تكتب الموضوع ش حسيت فيه؟

المهم انا اليوم باصف مكان غلط
تعالوا صفقوا لي وذي ويهي ان ريت عليكم او غيرت مكاني

ها اشرايك؟

بومحمد المطاوعه

01-10-2015, 10:31 AM

اتذكر ايام برنامج " الشرطة معك " كان وايد فيه توعية لان الناس كانت طيبة

صدقت

الحين الا من رحم ربي

اقل شي البعض لو تكلمه يقولك شلك خص

حسسني الموقف بأسمه

على حياة ابوي الله يرحمه
كان ضرير الوالد وعندنا بطاقه وتصريح لموقف ذوي الاحتياجات الخاصه

ابوي الله يرحمه كان يهاوشنا لو نوقف ف موقف ذوي الاحتياجات الخاصه
يقول انا اقدر امشي في ناس محتاجه الموقف بدالي ’’

اذا مافي مواقف اوقف
اما لو في مواقف مستحيل اوقف مكان ذوي الاحتياجات الخاصه
مع اني التصريح موجود ولي الحق

وحزات اشوف مواتر صافه ولا عليها استيكرات
اتصل وابلغ ويتخالف الشخص الي واقف

ولكن الحين لو تكلم اي شخص واقف البعض بيسمعك كلام يكدر الخاطر للأسف

بومحمد المطاوعه

01-10-2015, 10:32 AM

وانت تكتب الموضوع ش حسيت فيه؟

المهم انا اليوم باصف مكان غلط
تعالوا صفقوا لي وذي ويهي ان ريت عليكم او غيرت مكاني

ها اشرايك؟

بصور موترج وبطرش مطراش 2

بومحمد المطاوعه

01-10-2015, 10:36 AM

وانت تكتب الموضوع ش حسيت فيه؟

المهم انا اليوم باصف مكان غلط
تعالوا صفقوا لي وذي ويهي ان ريت عليكم او غيرت مكاني

ها اشرايك؟
https://youtu.be/bnidn9n6RRI

يمكن تتأثرين من المقطع

ابوالكلام

01-10-2015, 04:13 PM

بادرة ممتازة وكم انبح صوتي في تويتر على مواقف المعاقين ولاكن للاسف في بلدنا ماتحصل ناس تتفاعل معاك كل واحد همه نفسه

ابوعلي

01-10-2015, 05:26 PM

بصور موترج وبطرش مطراش 2

وتعتقد اخوي بيسون شي

صورت من قبل وطرشت مطراش 2 وشرحت الحالة وللاسف ماشفت خالفوا الشخص او اي شخص تواصل معاي

حسن

02-10-2015, 12:57 PM

وتعتقد اخوي بيسون شي

صورت من قبل وطرشت مطراش 2 وشرحت الحالة وللاسف ماشفت خالفوا الشخص او اي شخص تواصل معاي

انا مره صورت دوريه امنيه واقفه في موقف المعاقين واعتقد نزلتها هني
كنت خاطري اشوفها في شبك الصناعيه تنفيذا للقانون

:)

بانغ بانغ

02-10-2015, 01:49 PM

صدقت

الحين الا من رحم ربي

اقل شي البعض لو تكلمه يقولك شلك خص

حسسني الموقف بأسمه

على حياة ابوي الله يرحمه
كان ضرير الوالد وعندنا بطاقه وتصريح لموقف ذوي الاحتياجات الخاصه

ابوي الله يرحمه كان يهاوشنا لو نوقف ف موقف ذوي الاحتياجات الخاصه
يقول انا اقدر امشي في ناس محتاجه الموقف بدالي ’’

اذا مافي مواقف اوقف
اما لو في مواقف مستحيل اوقف مكان ذوي الاحتياجات الخاصه
مع اني التصريح موجود ولي الحق

وحزات اشوف مواتر صافه ولا عليها استيكرات
اتصل وابلغ ويتخالف الشخص الي واقف

ولكن الحين لو تكلم اي شخص واقف البعض بيسمعك كلام يكدر الخاطر للأسف

الله يرحمه وايغمد روحه الينة ويجمعكم معه

معماري قطري

02-10-2015, 03:04 PM

وتعتقد اخوي بيسون شي

صورت من قبل وطرشت مطراش 2 وشرحت الحالة وللاسف ماشفت خالفوا الشخص او اي شخص تواصل معاي

إذا شيء واضح يخالفونه بدون ما يتصلون بك ولا يزعجونك

معماري قطري

02-10-2015, 03:07 PM

وانت تكتب الموضوع ش حسيت فيه؟

المهم انا اليوم باصف مكان غلط
تعالوا صفقوا لي وذي ويهي ان ريت عليكم او غيرت مكاني

ها اشرايك؟

انتي أقوى وحدة في المنتدى ويمكن في قطر كلها وانا انصح أي واحد يكون حذر جداً في التعامل معاج

انا لو تهاوشت ولا دخلت في أي مشكلة ما لي الا المحامية

معماري قطري

02-10-2015, 03:16 PM

الله يرحم ابوك يا بو محمد المطاوعة .. شيابنا طيبين وقلوبهم حية .. أذكر وديت الوالد العصر سوق واقف وكانت المواقف شبه فاضية وقربت باوقف قريب .. عصب علي وقال وقف خلنا نمشي ونزل معصب وخلاني احاول الحقه .. هو جاته جلطة وكان يمشي بصعوبة الله يحفظه ويحفظ والديكم ويرحم المتوفين منهم.

ما كنت عارف إن سوق واقف تم تجديده بنفس الممرات القديمة وحاولوا حتى اعادة الدكاكين لأَصحابها مثل قبل .. وكان الوالد منقطع عن السوق حول 20 سنة لكن ما شاء الله يذكر من فيه ومر كم محل يسأل عن أصحابها .. محل قالوا له هاجر راح دبي ومحل قالوا له توفى من زمان .. وانا مستغرب شلون يدل هذي المحلات وعرفت بعدين التخطيط نفسه .. هو يضيع شوي بس يوصل للمحل .. واحنا طالعين الا واحد شيبة من الحماليين قاعد على الأرض يوم شاف الوالد رفع راسه ويقول له مسا الخير عبدالله .. الوالد رد وهو مكمل مشيه ولا كلمه أكثر وانا متعجب شلون هذا يذكر ابوي من زمان.

aloosh

02-10-2015, 09:51 PM

عندنا لا صفت له بيفحط في الموقف يفكر تشجعه
اذا الانسان ما اقتنع بنفسه لو تسوي له الف حمله:)

مشاكل

02-10-2015, 11:47 PM

اتمنى من ادارة المرور والدوريات منح موظفي الامن في المجمعات والاسواق وكافة الجهات اللي تحتوي على مواقف ومن ضمنها مواقف ذوي الاحتياجات الخاصة ،،، اتمنى منحهم دفتر مخالفات يتم تسجيل كافة السيارات المخالفة للقانون واعتمادها وتصديقها من قبل ادارة المرور

بومحمد المطاوعه

04-10-2015, 07:33 AM

الله يرحم ابوك يا بو محمد المطاوعة .. شيابنا طيبين وقلوبهم حية .. أذكر وديت الوالد العصر سوق واقف وكانت المواقف شبه فاضية وقربت باوقف قريب .. عصب علي وقال وقف خلنا نمشي ونزل معصب وخلاني احاول الحقه .. هو جاته جلطة وكان يمشي بصعوبة الله يحفظه ويحفظ والديكم ويرحم المتوفين منهم.

اللهم امين يارب
جزاك ربي الجنه ’’

الله يعطيه طولة العمر ويحفظه ويحميه يارب

ما كنت عارف إن سوق واقف تم تجديده بنفس الممرات القديمة وحاولوا حتى اعادة الدكاكين لأَصحابها مثل قبل .. وكان الوالد منقطع عن السوق حول 20 سنة لكن ما شاء الله يذكر من فيه ومر كم محل يسأل عن أصحابها .. محل قالوا له هاجر راح دبي ومحل قالوا له توفى من زمان .. وانا مستغرب شلون يدل هذي المحلات وعرفت بعدين التخطيط نفسه .. هو يضيع شوي بس يوصل للمحل .. واحنا طالعين الا واحد شيبة من الحماليين قاعد على الأرض يوم شاف الوالد رفع راسه ويقول له مسا الخير عبدالله .. الوالد رد وهو مكمل مشيه ولا كلمه أكثر وانا متعجب شلون هذا يذكر ابوي من زمان.

سبحان الله
ماشاءالله عليه

ياخوك القلوب صافيه
وعقل الشيبان غير عن عقولنا
الله يحفظه لك :)

بومحمد المطاوعه

04-10-2015, 07:34 AM

وتعتقد اخوي بيسون شي

صورت من قبل وطرشت مطراش 2 وشرحت الحالة وللاسف ماشفت خالفوا الشخص او اي شخص تواصل معاي

على حسب
بعض الاحيان يخالفون من مطراش وبعض الاحيان مايسوون شي ,,

والاحسن مايتواصلون معاك لانهم بيسندرونك
كل اشوي بيتصلك واحد ,, وبيسألك نفس الي قبله