فوضى الكورنيش والخروج من عنق الزجاجه

[لـبـيـه]

الكل لاحظ الزحمه في شارع الكرنيش تمتد على طول الشارع بمسافات كبيره خاصه في اوقات الذروه

والسبب عنق الزجاجه امام حديقة البدع

قبل البدء في اي عمليه صيانه او حفر لابد من طرق بديله فاين هي يا اشغال ام انكم تعودتو على الشكاوي وعدم الرد والتطنيش

اتمنى وقف العمل في اوقات الذروه وفتح الطريق الي الشغل فيه داخل الجزيره وازالة الحواجز البلاستيكيه مع وضع اشارات امان جنب الرصيف

لتفادي الاصطدام بلرصيف وابعاد الحفارات والشياول من الطريق اوقات الذروه فقط كلها ساعه او ساعتين

[بومحمد المطاوعه]

ياريال
راقدين على عينهم

من بدت المدارس
قامو يشتغلون

استغفرالله مادري شفيهم ,,

والكورنيش مكان لايطاق صار من الزحمه

[لـبـيـه]

ياريال
راقدين على عينهم

من بدت المدارس
قامو يشتغلون

استغفرالله مادري شفيهم ,,

والكورنيش مكان لايطاق صار من الزحمه

فعلا لايطاق

على حسبتي امس

بدون مبالغه كل 500 متر اخذها في 15-25 دقيقه

[بومحمد المطاوعه]

فعلا لايطاق

على حسبتي امس

بدون مبالغه كل 500 متر اخذها في 15-25 دقيقه

صح
لاني امس طحت فيها واليوم بطيح فيها
مجبور

من متحف الأسلامي لين اشاره الأعلام

والسيارات تمشي على ريس المكينه

والسبب اشغال وتعاستهم

[ضوى]

يحليلها تشتكي توها تقول طالعة من ست ونص من البيت وللحين ماوصلت شغلي بووه عيل متى يطلعون الناس ؟

[لـبـيـه]

يحليلها تشتكي توها تقول طالعة من ست ونص من البيت وللحين ماوصلت شغلي بووه عيل متى يطلعون الناس ؟

وانتي الصاجه مايطلعون لين اليوم الثاني الين يخلصون اشغال شغلهم

[بانغ بانغ]

توي اتفاجأ بالتحويلة الجديدة عالكورنيش

ساعة ونص من خط الوكرة !!!!!

[لـبـيـه]

توي اتفاجأ بالتحويلة الجديدة عالكورنيش

ساعة ونص من خط الوكرة !!!!!

اذا من الوكره لين نص الكورنيش في ساعه ونص اعتبرك مسوي انجاز احسدك عليه

[brooq]

حسبنا الله ونعم الوكيل .. كان عندي موعد أسنان امس الصبح ... فقلت لنفسي أفضل طريق للعبور إلى شمال الدوحة من جنوبها هي الكورنيش ..

اطلعت روحي لين زرقت من الزحمة ودخلت من ورا سوق واقف و يا ليتني ما سويتها .. اكتشفت إني طلعت من دحديرة وطحت بحفرة عودة ... جيت أبغي أعود من صوب الديوان إلا وأشوف الزحمة إللي على الكورنيش مرة ثانية .. زين ما جاني ضيق تنفس وزهايمر ..

المهم الموعد فاتني لكن الدكتور عطف علي ودخلني .. قال لي أدري إنك بغيت تموت لين وصلت .. وأدري إنه اطلعت روحك لين حصلت موقف .. يعني ايش تتوقع مني أسوي!؟ ... أردك على أعقابك خاسراً؟؟ يعني أحكم عليك بالاعدام ..

المهم أشفق علي ودخلني الموعد الله يعطيه العافية


حسبي الله على من خطط ها المشروع.

[مختلف جداََ]

مدة المشروع شهرين إذا ما خاب ظني .

كان ممكن يسوون المشروع في الإجازة الصيفيه براحتهم .

بس طبعاً لا يمكن يكونون أشغال إذا سووها في الصيف و العالم مسافرة، بالله عليكم اشلون الناس يعرفون انه اشغال مسويه مشروع في شهرين أو أقل إذا ما شافوه بعيونهم ومروا منه كل يوم .

عجبي !!!!!

[][ الوحيد ][]

اااااخ يالقهههههر بس :) !!!!


من رمضااان محد فيهم فكر يشتغل او يسوي شي فالشوارع ..

خلصو اجازاتهم و ارجعو المكاتب و قالو يلا نلعب فالشوارع شوي ,,,

اشغااااااال !!

كفااايه والله كفااايه ..
وينكم من قبل رمضان يوم اغلب العالم مسافرين ؟
ولا انتوا بعد معاهم مسافرين !!


طريق الدوام كنت اخذه في 30 دقيقه كحد اقصى !
اوصل الدوام الحين في ساعه و20 دقيقه !

الزحمه مب طبيعيه !! شي خيااالي ..
يعني شنو تبونا نطلع من البيت الساعه 5 عشان خاطر عيونكم الزرقه ؟

لاتشوفون دعاوي الناس عليكم والله ..

[لـبـيـه]

فيض من غيض

[][ الوحيد ][]

اذا من الوكره لين نص الكورنيش في ساعه ونص اعتبرك مسوي انجاز احسدك عليه

اي والله انك صاادق ..
من الوكره لين نص الكورنيش اذا مابتصيد ولا دوار قبل يعني تطلع من دوار عبدالغني على طول على خط الوكره و سرعتك فوق ال120 وماتخف الا عند الرادار بتوصل صوب المينا او بعده ب شوي في ساعه :)

[حسن]

شوف الزحمه في وقت الذروه معقوله لانها في جميع دول العالم والكورنيش والله دائما سالك
ولكن هناك توسعه في الشارع وهي مسببه عرقله اتوقع
فتره بسيطه وبيفتحونه

[لـبـيـه]

شوف الزحمه في وقت الذروه معقوله لانها في جميع دول العالم والكورنيش والله دائما سالك
ولكن هناك توسعه في الشارع وهي مسببه عرقله اتوقع
فتره بسيطه وبيفتحونه

في زحمه اوقات الذروه معقوله وفي زحمه اوقات الذروه غير معقوله

الي عندنا مانسميها زحمه الي عندنا نسميها شلل

[بوخميس]

لا ويجيك قطري ينتقد حادث تدافع منى

واحنا مب قادرين نضبط شارع

[حسن]

في زحمه اوقات الذروه معقوله وفي زحمه اوقات الذروه غير معقوله

الي عندنا مانسميها زحمه الي عندنا نسميها شلل

ههههههه
شنسوي هانك سوء تخطيط وقد اقترحنا اقتراحات لو نتطبق على الاقل كتجربه
منها تغير الدوامات لان الوضع ترا لين الحين ماشفتو شي
ولا تنسى يالبيه هناك مشاريع كبيره في البلد مهب بس ملاعب هذه اشوفها ماسوت اي زحمه
لانها برع البلد لكن العمار اللي شغال ولا تنسى مافي مواصلات اخري مثل القطار وغيره
ولا تنسى الوضع المعيشي جدا مرتفع فالجميع اصبح يقدر يملك سيياره القصاب الحلاق
الكهربشي الكل
ولا تنس تمركز الوزارات والمؤسسات وغيرها على خط واحد وسببت زحمه كثيفه
ولا تنسى زحمه المدارس في ضل الناس ماتستخدم باصات يعني كل بيت كم تطلع من الصبح
من السيارات
اعتقد الباصات كانت بتسوي علاج شوي وحل بسيط ولكن له فائده كبيره
وهذا القرار لم يطبق حسب علمي ان كان هناك قرار
خلاص الزحمه هذه في جميع دول العالم ويجب ان نتقبلها بصدر رحب

[A bin M]

الله يكون في العون

[Qtr37]

استغفر الله العظيم
طلعت اليوم 6 عشان اقدر اوصل 7 ونص ، ووصلت 7و40 دقيقة
المشكلة هذا طريقي ما قدر اغيره!!
الله يهديهم بس

[المحاميه]

روح مبنى اشغال كلمهم وقدم شكوى رسميه


لكن مواضيع الزحمه اهني صارت شي روتيني
كثرت التحندي ماراح تقدم ولا تأخر وبتأثر علينا بشكل سلبي

خلاص كل الشوارع زحمه
الحل ياانك تطلع بدري
او اتصبر مع العالم وتروق اعصابك وقول حق الدوام السموحه عالتأخير بس انتو اخبر بشوارعنا :)

[المحاميه]

روح مبنى اشغال كلمهم وقدم شكوى رسميه


لكن مواضيع الزحمه اهني صارت شي روتيني
كثرت التحندي ماراح تقدم ولا تأخر وبتأثر علينا بشكل سلبي

خلاص كل الشوارع زحمه
الحل ياانك تطلع بدري
او اتصبر مع العالم وتروق اعصابك وقول حق الدوام السموحه عالتأخير بس انتو اخبر بشوارعنا :)

[المحاميه]

روح مبنى اشغال كلمهم وقدم شكوى رسميه


لكن مواضيع الزحمه اهني صارت شي روتيني
كثرت التحندي ماراح تقدم ولا تأخر وبتأثر علينا بشكل سلبي

خلاص كل الشوارع زحمه
الحل ياانك تطلع بدري
او اتصبر مع العالم وتروق اعصابك وقول حق الدوام السموحه عالتأخير بس انتو اخبر بشوارعنا :)

[بومحمد المطاوعه]

روح مبنى اشغال كلمهم وقدم شكوى رسميه


:)

ههههههههههههههههههه

بموت من الضحك

تدرين انا مقدم على مطبه
11-11-2014

ف اشغال واليوم كلمتهم يقولون تم رفض الطلب

لو طالب عماره يمكن استلمت مفتاحها الحين


تخبط فالاداره وفالشوارع للأسف

[بومحمد المطاوعه]

روح مبنى اشغال كلمهم وقدم شكوى رسميه


:)

ههههههههههههههههههه

بموت من الضحك

تدرين انا مقدم على مطبه
11-11-2014

ف اشغال واليوم كلمتهم يقولون تم رفض الطلب

لو طالب عماره يمكن استلمت مفتاحها الحين


تخبط فالاداره وفالشوارع للأسف

[المحاميه]

^

طيب
اولا مايضحك
ثانيا اللي عنده حاجه او مطلب يسعى وراها
ثالثا جان قعدتلهم قعده وماطوفت الموضوع

[وحيد-الشوق]

يليتني عندي تجارة كنت قعدت في البيت وارتحت من الزحمة وبلاويها الحمدلله على على كل حال :(

ارحمونا يا اشغال يكفي جهل وتقصير واوقات خاطئة والي يرحم امكم

[][ الوحيد ][]

روح مبنى اشغال كلمهم وقدم شكوى رسميه
لكن مواضيع الزحمه اهني صارت شي روتيني
كثرت التحندي ماراح تقدم ولا تأخر وبتأثر علينا بشكل سلبي
خلاص كل الشوارع زحمه
الحل ياانك تطلع بدري
او اتصبر مع العالم وتروق اعصابك وقول حق الدوام السموحه عالتأخير بس انتو اخبر بشوارعنا :)

الدوام الرسمي يبدأ 7 .. اطلع من البيت 6 اوصل 7:30 !
يعني على كلامج اطلع من البيت بعد صلاة الفجر و خلاص :) ,,

[بومحمد المطاوعه]

^

طيب
اولا مايضحك
ثانيا اللي عنده حاجه او مطلب يسعى وراها
ثالثا جان قعدتلهم قعده وماطوفت الموضوع

وشدراج اني طوفت المووضوع ,.؟
وشدراج اني ماقعدت لهم قعده

الحمدلله سعيت للموضوع لين اللجنه واخرتها تم الرفض

[بنت شرق]

اشغال كل ما اشتغلوا بالكورنيش يحسسوني أنهم بيسون معجزة للشارع وبتخف الزحمة بشكل خرافي ، وتقاطع الإشارات ماراح يكون معبى سيارات والاشارة مولعة أخضر للسيد الثاني
وكل الي بيصير تعديل بسيط مايستدعي كل هالتخبيص في شارع الكورنيش وهاي أن دل على شي فيدل على أن اشغال ماعندهم لا الرؤية ولا الخبرة اللازمة لتخطيط شارع حيوي ، فقصروا على عمركم واستعينوا بالله ثم بشركات ومهندسين فاهمين لأن تمخمخ اشغال للشوارع طايح حظه ،،،
علشان جيه أبي أقول لاشغال جيم أوفر

[سعود العمادي]

السلام عليكم

اشغال الصراحهـ عليها مليون علامه استفهام

الناس كانوا في اجازة لمده اربع شهور مافكروا يسون توسعة الكورنيش الا الحين مع الدوامات

مثل ماقال احد الاعضائ الي فالمكاتب خلصوا وستانسوا في الاجازة

وعقب فكروا يشتغلون فالكورنيش !! انزين ليش ماسويتوا التوسعه من البدايه !!!

اشغال شرركة فاشله بمعنى الكلمه

مب الكورنيش بس في اغلب الاماكن

ويعطيكم العافيه

[ameeer3]

اذا بتروح بتشتكي عندهم مافي فايده ،،،

لابد في جهة عليا مثل مجلس الوزراء ، ويتم عرض مشاكل اشغال وهي :

ظ،- تسيبهم وطول فترة انجاز العمل ، مقارنة بالدول المجاورة.
ظ¢- بدء مشاريع الطرق مع بدء دوام المادرس اي بعد احازة الصيف.
ظ£-عدم توفير طرق بديله عند تسكير الطريق.
ظ¤-انشاء الطرق بمواصفات فااااااااااشله وغير مدروسه مما يترتبت على ذلك عدة مشاكل والعودة لتعديل الطريق مره اخرى.
ظ¥- التاخير في الانجازات.

نناشد الجهات العليا بمحاسبة العاملين المسؤولين في اشغال واستبدلهم باشخاص اكفاء ذووو خبره، لان البوق عيني عينك في المناقصات الفاشله.!!!!!!!

[مشاكل]

اتمنى تحويل شارع الكورنيش الى اتجاه واحد ( رايح تجاه الابراج ) وتحويل الشارع الموازي من خلف الابراج الى اتجاه عكسي باتجاه الجنوب
وباذن الله بتنحل مشكلة الزحمة ع الاقل لنسبة كبيرة

[معماري قطري]

الكل لاحظ الزحمه في شارع الكرنيش تمتد على طول الشارع بمسافات كبيره خاصه في اوقات الذروه

والسبب عنق الزجاجه امام حديقة البدع

قبل البدء في اي عمليه صيانه او حفر لابد من طرق بديله فاين هي يا اشغال ام انكم تعودتو على الشكاوي وعدم الرد والتطنيش

اتمنى وقف العمل في اوقات الذروه وفتح الطريق الي الشغل فيه داخل الجزيره وازالة الحواجز البلاستيكيه مع وضع اشارات امان جنب الرصيف

لتفادي الاصطدام بلرصيف وابعاد الحفارات والشياول من الطريق اوقات الذروه فقط كلها ساعه او ساعتين

اللي أعرفه الجزيرة كبيرة ومزروعة زراعة زينة وهذا الحل واضح إنه فاشل بكل المقاييس

بيسبب قطع للطريق الثاني ومعروف شغل أشغال تقاطع اشارات والحل المفروض شامل وسريع وللكورنيش ككل بتوسعته جهة البحر واستحداث ممشى حديث للناس بينه وبين الشارع حديقة تغطي الضجيج والتلوث .. حل يكون طويل المدى مب ترقيع .. سووا توسعات بسيطة ومداخل غير وبعدها اكتشفوا الفشل .. وسووا اشارت وتقاطعات واحد في الثاني واكتشفوا الفشل كذلك .. وبيسوون هذا الحل .. يحليلهم والله يلعبون.

محد ينكر إن الكورنيش هو أهم شارع سياحي ومحوري رئيسي في الدوحة وتطويره لم يرتقي ولن يرتقي للمطلوب بهذي الترقيعات .. النص نفق ونص جسر معبر شرق تكلفة تصميمه مليار ريال والله يستر على التكلفة بعد ترسية المشروع .. وشوية ترشيد انفاق نقدر نرتب الكورنيش صح وممكن نسوي مواقف اضافية حق الأبراج .. يعني حل مشكلة الكورنيش مرتبط مع منطقة الأبراج والشوارع المحاذية له وتطويرها .. مثل شارع البدع وشارع الريان.

بعدين شغلة بسيطة لو نفترض بنسويها وبتحل كل المشاكل .. الشغل فيها سهل جداً .. يشتغلون داخل الجزيرة وبعزل وحواجز مع حد الرصيف ولو يبون يسكرون لين كامل ممكن في الليل ويرجعون يفتحونه الفجر .. وياخذون راحتهم في الشغل ويفتحونه كامل وجاهز .. العملية بسيطة وتافهة وشفناها تستوي في دول كثيرة وفي فترة بسيطة.

[لـبـيـه]

الود ودي اخلي شارع الكورنيش هاي وي يعني فتره الصبح اسكر الاشارات واخلي الطريق ون وي رايح وراد بس

[بومحمد المطاوعه]

الود ودي اخلي شارع الكورنيش هاي وي يعني فتره الصبح اسكر الاشارات واخلي الطريق ون وي رايح وراد بس


ههههههههههههه
من صجك انت

ليش في هاي وي ناجح ف قطر
ههههههههههه

[حسن]

اليوم انا راح الكورنيش وتوني راجع البيت

الشارع جدا سلس والمنظر جميل

وسعو بالكم واتركو العصبيه الوارثيه عنكم

:)

[H H]

اليوم انا راح الكورنيش وتوني راجع البيت

الشارع جدا سلس والمنظر جميل

وسعو بالكم واتركو العصبيه الوارثيه عنكم

:)

الاربعاء والخميس كان الوضع مصخره , اليوم تحسن كثير

[حسن]

الاربعاء والخميس كان الوضع مصخره , اليوم تحسن كثير

مسخره


:omg:

شلون اي نوع من المسخره اللي في بالي ولا اللي في بتايا

:)

[معماري قطري]

اليوم انا راح الكورنيش وتوني راجع البيت

الشارع جدا سلس والمنظر جميل

وسعو بالكم واتركو العصبيه الوارثيه عنكم

:)

أما رايح الفجر أو بعد الزحمة .. انت معروف ما تداوم الا بعد الوزير ما يدخل مكتبه والكل يدخل خلاص

[يعقوب ذياب]

طلعت اول يوم دوام بعد العيد الساعه 6وعشرين دقيقه وصلت الساعه 8 صرت اطلع من الساعه 5 عشان اوصل 6 ولا اتم بالزحمة اللي ترفع الضغط

[بانغ بانغ]

صادني الدسك هاليومين .... والركبة والارقبة ... من الزحمة

يالربع هل اقدر اقاضي اشغال ؟؟؟

[Qtr37]

شرايكم بتواصل جهات العمل مع اشغال؟؟؟؟؟
مب حل اني اصحى ساعتين او اكثر قبل الدوام !!! واطلع 6 عشان دوام يبدأ 7 ونص! صار دوامنا كأنه 10 ساعات ع الاقل مب 7 او 8 ساعات،،، للاسف في مسؤولين في الدوام لو نقولهم عن الزحمة كأنهم ما يدرون عنها!! اللي ما يواجه الزحمة يقول الحمدلله مب يستنكر وكأن نألف كلام من عندنا او كأن نطلع قبل دوامنا بدقيقتين!!
المسؤولية مشتركة :)

والله ولي التوفيق :) :)

[lion66]

استحملوا ...

محد يأذن في خرابة ...

يقول الخرجي استحملوا 4 سنين

[Qtr37]

^
طيب ممكن اقول لمسؤولنا في العمل: استحمل تاخيرنا ظ¤ سنوات؟؟؟

[كاشف الغطاء]

ههههههههههههههههههه

بموت من الضحك

تدرين انا مقدم على مطبه
11-11-2014

ف اشغال واليوم كلمتهم يقولون تم رفض الطلب

لو طالب عماره يمكن استلمت مفتاحها الحين


تخبط فالاداره وفالشوارع للأسف

اتمنى انهم مايحطون أي مطبة كفاية الشوارع المكسرة والمطبات الموجودة كفاية الله المستعان

[معماري قطري]

اتمنى انهم مايحطون أي مطبة كفاية الشوارع المكسرة والمطبات الموجودة كفاية الله المستعان

لو انت تعاني من سرعة السيارات وأصواتها بتطلب حل وربعنا حلولهم بدائية .. ولا انا اتمنى كيمرات وأي حد يمشي على اللفة بسرعة ويحفص وصوت سيارته يبط الاذن ينسحب ويتحاسب .. هذيلا المطبات ما تسوي شيء فيهم .. بس المطبات حل رخيص ومعقول .. أقل شيء تقدر تطلع سيارتك من البيت

[معماري قطري]

شرايكم بتواصل جهات العمل مع اشغال؟؟؟؟؟
مب حل اني اصحى ساعتين او اكثر قبل الدوام !!! واطلع 6 عشان دوام يبدأ 7 ونص! صار دوامنا كأنه 10 ساعات ع الاقل مب 7 او 8 ساعات،،، للاسف في مسؤولين في الدوام لو نقولهم عن الزحمة كأنهم ما يدرون عنها!! اللي ما يواجه الزحمة يقول الحمدلله مب يستنكر وكأن نألف كلام من عندنا او كأن نطلع قبل دوامنا بدقيقتين!!
المسؤولية مشتركة :)

والله ولي التوفيق :) :)

لو يسوون الدوام الحكومي من 6 لين 3 وعلى شفتين أفضل .. منها الشغل كله ماشي ومنها الدوام يستوعب عدد موظفين أكثر

المدارس يخلون دوام كل مرحلة نص ساعة غير ويكون ينتهي الساعة وحدة بالكثير

[معماري قطري]

صادني الدسك هاليومين .... والركبة والارقبة ... من الزحمة

يالربع هل اقدر اقاضي اشغال ؟؟؟

سلامتك والله .. تقدر بس بتتعب يبي لك محامي زين واثباتات وتقاضي أشغال والمرور والبلدية

[معماري قطري]

صادني الدسك هاليومين .... والركبة والارقبة ... من الزحمة

يالربع هل اقدر اقاضي اشغال ؟؟؟

سلامتك والله .. تقدر بس بتتعب يبي لك محامي زين واثباتات وتقاضي أشغال والمرور والبلدية

[بوخالد911]

الكورنيش حجم الرصيف وايد عود بين الشارعين
وبالذات من الداخلية لين الديوان
يا ريت لو يصغرونه
وبتكون المسارات 5 بكل اتجاه.

[معماري قطري]

الكورنيش حجم الرصيف وايد عود بين الشارعين
وبالذات من الداخلية لين الديوان
يا ريت لو يصغرونه
وبتكون المسارات 5 بكل اتجاه.

هذي جزيرة تجميلية وبعدين لو سووها وصغروها بيجي باقي الشارع جزيرته صغيرة .. الحل الناجح ولفترة طويلة توسعة الكورنيش جهة البحر .. لا تنسون المنطقة ذي كلها مدفونة

[بوحارب]

بالفعل الشغل عند حديقة البدع صار في وقت غلط جدااااااا

[لـبـيـه]

^
طيب ممكن اقول لمسؤولنا في العمل: استحمل تاخيرنا ظ¤ سنوات؟؟؟

سؤال وجيه جدا

[لـبـيـه]

الكورنيش حجم الرصيف وايد عود بين الشارعين
وبالذات من الداخلية لين الديوان
يا ريت لو يصغرونه
وبتكون المسارات 5 بكل اتجاه.

اتوقع والعلم عند الله ان هذا الي صاير تصغير الجزيره العملاقه واستبدالها بمسارات لاكن وين تودي مادري

[لـبـيـه]

بالفعل الشغل عند حديقة البدع صار في وقت غلط جدااااااا

هني نقطة الخلاف

[بومحمد المطاوعه]

اتمنى انهم مايحطون أي مطبة كفاية الشوارع المكسرة والمطبات الموجودة كفاية الله المستعان

ليش مايحطون مطبه !!

الشوارع ف منطقتنا نظيفه وجديده

وبعدين ليش حددت كفايه .؟

هل سويت دراسه للشارع ولا شفت وضعي امام بيتي ,؟

[بومحمد المطاوعه]

الحين الكورنيش الحمدلله

سلس صار اشوي

[sweet qatar]

أشغال تنرفززززز

[معماري قطري]

اتوقع والعلم عند الله ان هذا الي صاير تصغير الجزيره العملاقه واستبدالها بمسارات لاكن وين تودي مادري

بيسوون لفة وتقاطع جديد واشارات وشغل لخبطة أكثر مما هو ملخبط .. على ما قال يبي يكحلها عماها

[بانغ بانغ]

الحين الكورنيش الحمدلله

سلس صار اشوي

الل يطول بعمرك شيخنا بومحمد لا يكون اتداوم بكوبتر ....

[حسن]

أشغال تنرفززززز

اشربي عصير ليمون مع نعناع

يهدي الاعصاب

والحمدلله على السلامه

[بومحمد المطاوعه]

الل يطول بعمرك شيخنا بومحمد لا يكون اتداوم بكوبتر ....

هههه وعمرك
لا وين
بس من بعد مافتحو
اشاره الاعلام
صار اشوي سلس

[لـبـيـه]

بيسوون لفة وتقاطع جديد واشارات وشغل لخبطة أكثر مما هو ملخبط .. على ما قال يبي يكحلها عماها

:omg: بعد اشارات

شلوووووووووووووووووووووون على قولة عبدالناصر درويش

[sweet qatar]

اشربي عصير ليمون مع نعناع

يهدي الاعصاب

والحمدلله على السلامه

الله يسلمك لو شربت جيك ما روقت من عمايلها

صج صج تحررر عبالها مدرسة تداوم مع المدارس !!!

للحين الزحمة تخنق .. :(

[ya3coub]

الدوام بالدراجة احلى شي بس امس ذبحتني الرطووووبة :rolleyes2:

[معماري قطري]

:omg: بعد اشارات

شلوووووووووووووووووووووون على قولة عبدالناصر درويش

هههههههه عيل تحسب في شهرين بيسون شبكة جسور .. أصلاً مشروع مثل هذا ما تصير عليه ضجة ولا حد يدري به في دول كثيرة يصير في فترة قياسية وبدون عرقلة للسير وشغل بس آخر الليل.

[بوخالد911]

هذي جزيرة تجميلية وبعدين لو سووها وصغروها بيجي باقي الشارع جزيرته صغيرة .. الحل الناجح ولفترة طويلة توسعة الكورنيش جهة البحر .. لا تنسون المنطقة ذي كلها مدفونة
الأفضل التفكير بحل معاناة المواطنين بدلاً من الاهتمام بالجزيرة
مب مشكلة يشيلون الجزيرة عشان الناس ترتاح ويصير عندنا مسارات أكبر والحركة المرورية تمشي بكل اريحية.

[bu_yousef]

هذي جزيرة تجميلية وبعدين لو سووها وصغروها بيجي باقي الشارع جزيرته صغيرة .. الحل الناجح ولفترة طويلة توسعة الكورنيش جهة البحر .. لا تنسون المنطقة ذي كلها مدفونة

من 3 سنين كنت اقول ليش مايصير تطوير ضخم يكون ل 200 سنة قدام مب لو سنتين وشهر حق الكورنيش بحيث التوسعة تصير من جهة البحر بما ان الكورنيش دفان اساسا

والكورنيش منطقة حيوية ويصير فيها حفل اليوم الوطني يعني بيخدم ! بس يحبون الجزيرة تكون كيلو × كيلو واضربها انتر لوك :anger1:

[bu_yousef]

هذي جزيرة تجميلية وبعدين لو سووها وصغروها بيجي باقي الشارع جزيرته صغيرة .. الحل الناجح ولفترة طويلة توسعة الكورنيش جهة البحر .. لا تنسون المنطقة ذي كلها مدفونة

من 3 سنين كنت اقول ليش مايصير تطوير ضخم يكون ل 200 سنة قدام مب لو سنتين وشهر حق الكورنيش بحيث التوسعة تصير من جهة البحر بما ان الكورنيش دفان اساسا

والكورنيش منطقة حيوية ويصير فيها حفل اليوم الوطني يعني بيخدم ! بس يحبون الجزيرة تكون كيلو × كيلو واضربها انتر لوك :anger1: