هندي مقيم في قطر فاز بسيارة العام وفاز بسيارة السنة

[معماري قطري]

أتابع برنامج صدى الملاعب ومن شوي المذيع ذكر الخبر .. يقول مرسل 300 رسالة حق يفوز هذي المرة.

[حرف]

انا عندي فوق 2000 كوبون سحب في انصار سيتي وكل شهر اشارك بميتين كوبون وللحين مافزت حتى بقلم

[بانغ بانغ]

انا عندي فوق 2000 كوبون سحب في انصار سيتي وكل شهر اشارك بميتين كوبون وللحين مافزت حتى بقلم

الله يكتب لنا الحظ في الاخرة

انا اجزم يقينا لو كل الصندوق فيه كوبوناتي الا وحدة ..... هي اللي بتفوز

الحمدلله عالصحة

اصلا ايقولون هاي نوع من القمار

[معماري قطري]

انا عندي فوق 2000 كوبون سحب في انصار سيتي وكل شهر اشارك بميتين كوبون وللحين مافزت حتى بقلم

حظوظ شتسوي .. معانا في الشغل سوداني وهندي اظن اشتركوا في تذكرة اللي ينسحب عليها في المباريات اظن وفازوا بسيارة وباعوها وتقاسموا قيمتها

[معماري قطري]

الله يكتب لنا الحظ في الاخرة

انا اجزم يقينا لو كل الصندوق فيه كوبوناتي الا وحدة ..... هي اللي بتفوز

الحمدلله عالصحة

اصلا ايقولون هاي نوع من القمار

شتقول عاد كل هنود الدوحة بيشاركون المرات القادمة وكل واحد يتمنى يفوز

[بوخالد911]

حظه

لا نيأس يالربع.

[durra]

اذا تعدداهم ضعف عدد القطريين
فطبيعي يفوز هندي

[امـ حمد]

(وَفِي السَّمَاءِ رِزْقُكُمْ وَمَا تُوعَدُونَ )
كل واحد بيأخذ نصيبه من هل الدنيا

[مختلف جداََ]

صدقوني مب نفسه
بس من كثرهم عادي تلاقي عشرة منهم عندهم نفس الإسم الثلاثي :tease:

الله يرزقنا بالحلال

[معماري قطري]

(وَفِي السَّمَاءِ رِزْقُكُمْ وَمَا تُوعَدُونَ )
كل واحد بيأخذ نصيبه من هل الدنيا

صحيح كلٍ رزقه على الله

[وحيد-الشوق]

ما احب هالكوبونات والجوائز خاصة مالت القطرية تدفع 1000 ريال او دولار وانت حظك يا تربح او تطلع غبي من من دون شيء والعالم مستانسين عالفلوس الحرام الله يبعدنا عن الشبهات والحرام

[حمد 2002]

انا يوم كنت صغير بالعمر اشارك ..
بس يوم كبرت ماشارك ..


ولا مره فزت ..



مممممم


يمكن هم لهم اسبابهم انهم يشاركون. .


واحنا لنا اسبابنا ..



شكرا لك يالذيب ..

[معماري قطري]

انا اذا شاري شيء وعطوني كوبون اشارك لكن اشارك بأني اشتري ولا اتصل بتعرفة كبيرة لا هذا قمار واضح في رايي

[بانغ بانغ]

روح شوف اللي في دبي .... ما شاء الله مب حظ ... الا كسارة انفاق

بنتليات بورشات لمبرغينيات وفي الاخير اتلاقيه عامل

[ساعي الخير]

فوز هذا ((الهندي)) مرتين يؤكد ماكنا نظن به من أن تلاعبا في هذه الجوائز يكون قد حصل! وأنا بدوري أتمنى أن تحقق الجهات المسؤولة في أمر كهذا ولا تتركه يمر دون مساءلة لخطورته.

[خليفـة]

مرات اقول السالفى فيها لعبه
ومرات اقول الحظ له دور كبير

انا شاري من فترة من احد المجمعات اغراض بقيمة تتجاوز ال30 الف ريال
وخذت دفاتر كوبونات
وتميت اعبي البيانات لين فحيت

وفي النهاية
فزت بخلاط .. ولما شغلته طلع خربان
:weeping:

[طلعة الروح]

خلنا ع العروض نفس اشتر 3 وخذ 1 مجانا
وايد أحسن لنا

[qatara]

الله يكتب لنا الحظ في الاخرة

انا اجزم يقينا لو كل الصندوق فيه كوبوناتي الا وحدة ..... هي اللي بتفوز

الحمدلله عالصحة

اصلا ايقولون هاي نوع من القمار

صحيح اذا كان متوجه مستقصد الكوبنات

الله يغنينا بحلاله عن حرامه

[مخطط قطري]

ياخي ليش مستغرب الجاليه الهندية بحسب الاحصاءات الرسميه اكبر جاليه في قطر وعددهم فوق النص مليون عادي يفوزون في مثل هالجوائز ناهيك عن قطاع التجزئه والجمعيات والدكاكين والمعاصر هم الي يتحكمون فيه

[رجل مثالي]

انا عندي فوق 2000 كوبون سحب في انصار سيتي وكل شهر اشارك بميتين كوبون وللحين مافزت حتى بقلم


نعم احنا نفس الشي الله يسلمك المسألة فيها

شئ اكيد ولا قطري يفوز اشدعوة دائماً هم

يفوزون وين المراقبين

[عيون الدوحة]

انا قطرية وفزت بسيارة مجمع الحياة بلازا ايام المخازن الكبرى

ووحدة من قرايبا بعد فازة بسيارة من الخازن الكبرى وقطرية بعد

[معماري قطري]

يالربع هو فائز في برنامج ام بي سي الرياضي صدى الملاعب ومشترك برسائل

السيارة الثانية 300 رسالة مرسل شكله أدمن ودخلها مقامرة .. ال 300 رسالة هذي تكلفتها يمكن 600 ريال والسيارة قيمتها 70 ألف وهو رابح بس اتوقع ربحه قمار وحرام

[معماري قطري]

انا قطرية وفزت بسيارة مجمع الحياة بلازا ايام المخازن الكبرى

ووحدة من قرايبا بعد فازة بسيارة من الخازن الكبرى وقطرية بعد

تستاهلين وهي تستاهل وربحكم حلال إن شاء الله كوبونات وسحب .. لكن هذا برسائل وشكله مدمن وفاز مرتين وفي سنتين وشو حظه