مطلوب ترشيح فندق في اسطنبول؟؟؟؟؟؟؟؟؟؟؟؟ [الأرشيف]

مستثمر رشيد

03-10-2015, 08:44 AM

وليف الشوق

03-10-2015, 09:05 AM

فندق ماريوت على بعد 30 كيلو من مطار صبيحه وانا كنت فيه بالاضافه الا ان مكانه مميز وقريب من كل شي

مستثمر رشيد

03-10-2015, 04:30 PM

فندق ماريوت على بعد 30 كيلو من مطار صبيحه وانا كنت فيه بالاضافه الا ان مكانه مميز وقريب من كل شي

شكرا على الرد اخوي وليف ..... دخلت على الماريوت وشفت الصور .... الفندق جيد جدا ولكن انا ابحث عن فندق يكون فيه إطلالة على البحر وفخم وقريب من المطاعم والكافيهات وألاسواق

بوخالد911

03-10-2015, 11:47 PM

بوخالد911

04-10-2015, 12:08 AM

من تطلع من هالفندق تاخذ يسار وتمشي حول 4دقايق
بتشوف نفسك بمنطقة تقسيم

سهم عتيج

04-10-2015, 12:42 AM

الاخوة الأعضاء .... السلام عليكم ورحمة الله وبركاته

ان شاء الله مسافر اسطنبول هذا الشهر لمدة 3 ليال

ممكن ترشيح فندق ذو فخامة وموقع متميز بالقرب من الأماكن السياحية في اسطنبول .....

وكم يبعد مطار صبيحة عن وسط اسطنبول بالسيارة

ولكم جزيل الشكر

اتوقع سويسأوتيل تتوفر فيه الشروط اللي تبغيها ،، فندق فخم ومطل على البوسفور وقريب من الاماكن السياحية ومجدد بالكامل ،، سكنت فيه وكان رائع جدا

ولكن اذا بغيت فندق عملي وفخم ،، عندك cvk مثل ماقاللك بوخالد ،، وتقدر تاخذ غرفة مطلة على البوسفور ،، فطورهم رائع وخاصة الشاي التركي اللي يسوونه ،، شي عجيب بصراحة ،،

عندك شانغريلا على البوسفور وقريب من كل شي

اسطنبول فنادقها رائعة بصراحة طب وتخير

والله يوفقك

كاشف الغطاء

04-10-2015, 03:00 AM

اذا تهمك السعة والفندق يكون فخم خذ لك في اسكودار في القسم الاسيوي والتنقل بالعبارة 3 ليرة
على طول تنزلك عند المكان اللي تبيه بدال المشي اللي بتمشيه في القسم الأوروبي
مطار صبيحة في القسم الآسيوي وهذي ميزة السكن في هالقسم

عتيج الصوف

04-10-2015, 03:02 AM

ياهلا باخوي مستثمر رشيد ,,مع ان من زمام مادخلنا المنتدى ,,بس اول ماشفت استفسارك ,,حبيت ارفق لك هذا الرابط به فندق ولا اروع

http://www.booking.com/hotel/tr/ciragan-palace-kempinski-istanbul.ar.html?aid=356980;label=gog235jc-searchresults-ar-XX-district_1133-nobrand-qa-com-L%3Aar-O%3Aunk-B%3Aunk-N%3AXX-S%3Abo-U%3Ac;sid=436f837fe008da17fdd4158ae719e4c1;dcid=1; ucfs=1;room1=A,A;srfid=b429a3d6be92e5b2b9eeb1577ef bd262254d8bf0X1;highlight_room=

وهذا في منطقة اورتاكوي رائعة جدا على البسفور , وقريبة من منطقة تقسيم والسلطان احمد ,,واسعاره حلوة

http://www.booking.com/hotel/tr/the-house-bosphorus.ar.html?aid=356980;label=gog235jc-searchresults-ar-XX-district_1133-nobrand-qa-com-L%3Aar-O%3Aunk-B%3Aunk-N%3AXX-S%3Abo-U%3Ac;sid=436f837fe008da17fdd4158ae719e4c1;dcid=1; ucfs=1;room1=A,A;srfid=b429a3d6be92e5b2b9eeb1577ef bd262254d8bf0X6;highlight_room=#rt-lightbox-open

الجـــوديّ

04-10-2015, 04:02 AM

هلا
انا سكنت بفندق cvk بارك بوسفور
ممتاززززززززز
قريب جداً من منطقة الاستقلال وشارع تقسيم
حوالي 350 متر
والفندق صار سنة ونص من انفتح
جرررربه وما راح تندم

http://www.booking.com/hotel/tr/cvk-hotels-resorts-park-bosphorus.ar.html?aid=325251;label=cvk-hotels-taksim-RfJRLW5sRaI7cOGmz8T6vgS6583512123%3Apl%3Ata%3Ap1%3 Ap2%3Aac%3Aap1t1%3Aneg%3Afi%3Atikwd-20875732923%3Alp2634%3Ali%3Adet%3Adm;sid=307d8e924 ff0519e9071082bdadf5b6e;dcid=1;dist=0;sb_price_typ e=total;srfid=06fa45371f5474340a0f22f6678676db05bf 2a6bX2;type=total;ucfs=1&
تفضل الرابط عن الفندق

فعلاً .. فندق يطيب الخاطر .. وأجواءه عائلية حلوة .. أنصحك فيه
شي مهم في تركيا ان موظفينه والطاقم يتكلم انجليزي وخدمتهم زينة
فيه ميزه.. الريحة الحلوة اللي تهف عليك قبل لا تدخله.... اللوبي فخم ومريح ..
اطلالته حلوة على البحر لانه في قلب اسطنبول.

Dana’1

04-10-2015, 06:43 AM

اذا بالقسم الاسيوي كروان بلازا قريب من صبيحه وبعد تحته فيابورت اوتلت العاب وكوفيات ومطاعم

اذا بالاروبي الخيارات كثيييره ومتنوعه بالاسعار
هيلتون اسطنبول البسفور احد هالخيارات مو عالبسفور على طول بس له بلوكونات مطله عالبسفور وقريب من التقسيم

اذا افخم شوي من عيلتون وعالبسفور على طول
شيراغان بالاس گمبنسگي

ورحله موفقه و ممتعه^_^

ماجد البدر

04-10-2015, 10:57 AM

الاخوة الأعضاء .... السلام عليكم ورحمة الله وبركاته

ان شاء الله مسافر اسطنبول هذا الشهر لمدة 3 ليال

ممكن ترشيح فندق ذو فخامة وموقع متميز بالقرب من الأماكن السياحية في اسطنبول .....

وكم يبعد مطار صبيحة عن وسط اسطنبول بالسيارة

ولكم جزيل الشكر

مع شديد احترامي الاخوه انت بتكون في الجانب الاسيوي من اسطنبول الماريوت بعيد عن مطار صبيحة وتعبر الجسر المعلق حتى تصل وزحمة الطريق

فندق cvk بارك بوسفور
و الي ذكره بوخالد ايضا في الجانب الاوربي بعيد عن المطار
يبغيلك تبحث في الفنادق الجانب الاسوي المطل على البسفور

ماجد البدر

04-10-2015, 11:10 AM

فندق ويندهام غراند اسطنبول كالاميس مارينا
من الجانب الاسوي يبعد عن مطار صبيحة نص ساعة تقريبا خمس نجوم مطل على البحر

وحيد-الشوق

04-10-2015, 11:14 AM

Cvk في شارع تقسيم الجديد خمس نجوم وفخم وليس الاربع ممتاز جداً وغرف واسعه ومكانه حلو وقريب من الساحة ومب وسطها عند الازعاج عن تجربه طبعا

qatarman8008

04-10-2015, 11:52 AM

رائع سي في كي..
لكن ليس مطل عالبسفور..!!

ماجد البدر

04-10-2015, 12:50 PM

Cvk في شارع تقسيم الجديد خمس نجوم وفخم وليس الاربع ممتاز جداً وغرف واسعه ومكانه حلو وقريب من الساحة ومب وسطها عند الازعاج عن تجربه طبعا

صحيح ولكن ليس في اسطنبول الاسيوية وهو يحتاج فندق قريب من مطار صبيحة

مستثمر رشيد

04-10-2015, 01:42 PM

الاخوة الكرام ..... بوخالد.... سهم عتيج..... كاشف الغطاء ..... عتيج الصوف....... الجودي............Dior........... وحيد الشوق ..... ماجد البدر.......... Qatarman

تشرفت بردودكم في الموضوع وشكرا على النصايح القيمة .........

من خلال مقترحاتكم التي تفضلتم بها سينحصر الاختيار على احد هذه الفنادق :

* شينغيريلا اسطنبول.
*CVK
*سويس
* ويندام غراند

ومن خلال مشاهداتي لصور تلك الفنادق وتقيمات الزائرين لها وجدت نفسي اميل لاحدى هاذين الفندقين :

شينغيريلا و CVK

فاي فندق ترجحون من حيث الاطلالة على البحر والفخامة والقرب من الاماكن الرئيسية

علما بأن زيارتي لاسطنبول بتكون لمدة 3 ليال بغرض السياحة ......

ماجد البدر

04-10-2015, 02:00 PM

شينغيريلا
افخم طبعا مع العالم انه بالجانب الاوربي وانت في الجانب الاسوي من مطار صبيحة

طموحي عالي

05-10-2015, 12:46 PM

من كم سنه وانا ماسكن الا في مارتي حلو واحبه

المهاجر

05-10-2015, 12:53 PM

اخوي عندك فندق رافلس ممتاز

http://www.booking.com/hotel/tr/raffles-istanbul.ar.html?aid=318615;label=New_Arabic_AR_52 26349225-PO97EGm1WodTI1xqzWik2QS73336523665%3Apl%3Ata%3Ap1% 3Ap2%3Aac%3Aap1t1%3Aneg;sid=a30358056bf042ded224ec 5ba73d6f19;dcid=1;dist=0;room1=A%2CA;sb_price_type =total;srfid=8cabe60b387ca9f07d135a392e6062dcf27da e17X1;type=total;ucfs=1&

غير البشر

05-10-2015, 04:43 PM

مرحبا اخوي

جزاهم الله خير الاخوان ماقصرو في الخيارات

بالنسبه للفنادق على البسفور بحاول اقرب لك الصوره
البسفور يفصل تركيا بين الجانب الاسيوي والاوروبي
ويوجد جسر اسطنبول الشهير
وعلى البسفور في عدد من الفنادق الراقيه
ونبدأ من اقربهم للجسر الى ابعدهم
فندق غراند كمبنسكي
وفندق الانتر
وفندق شانغريلا

هذي ارقى الفنادق على البسفور وكلهم على خط واحد
هالمكان يميزه الهدوء والاطلاله الجميله
لكن تقريبا يبغيلك ربع ساعه بالسياره لمنطقه الاسواق والمطاعم وهي تقسيم والاستقلال
المكان قريب لكن الزحمه في هالمنطقه تاخذ لك وقت للوصول

اما منطقه الاسواق في تقسيم والاستقلال
نفس ماقالو لك الاخوان فندق CVK Park Bosphorus
طبعا ابو خمس نجوم

http://www.booking.com/hotel/tr/cvk-hotels-resorts-park-bosphorus.ar.html?aid=318615;label=New_Arabic_AR_5 226349225-PO97EGm1WodTI1xqzWik2QS73336523665%3Apl%3Ata%3Ap1% 3Ap2%3Aac%3Aap1t1%3Aneg;sid=70bdcc8d70211f2b711e16 654d3d268d;dcid=4;checkin=2015-11-24;checkout=2015-11-25;atlas_src=hp_iw_title

لان في واحد جنبه اربع نجوم بنفس الاسم

وفندق سي في كي في منطقه التقسيم خلف فندق مرمره
وهالفندق هو عباره عن نظام غرف وشقق وممتاز جدا جدا
والشقق عندهم من غرفه واحده الى اربع غرف
والفندق مش على البسفور لكن قريب منه اشوي
وبعض الغرف والشقق مطله على البسفور

اذا تبغي تجمع البسفور ومنطقه الاسواق
الافضل السكن فيه واختيار غرفه او شقه مطله على البسفور

وتحياتي وبالتوفيق
ومعظم رؤساء الدول والاجتماعات والمؤتمرات تكون فيه

مستثمر رشيد

05-10-2015, 08:28 PM

الأخوة الكرام..... طموحي عالي.......المهاجر.......غير البشر ....

مشكورين وماقصرتوا على ردودكم ومقترحاتكم القيمة الي قدمتوها. ......

بصراحة في البداية كنت محتار بين فندقين هم شينغيريلا وcvk

لكن بعد ماشفت الصور والتقيمات الخاصة بفندق رافلز أصبحت في حيرة أكبر. ......

والآن محتار بين الثلاثة فنادق شينغيريلا ورفلز وcvk

وبما أن زيارتي لاسطنبول بتكون قصيرة 3 ليالي فقط وبرفقة عائلة وأطفال اتمنى ان اجد مكان يكون فخم وقريب من أماكن الترفيه للكبار والأطفال كالاسواق والمطاعم والمولات والالعاب. .....

ساعدوني في الاختيار بين هالفنادق الثلاثة جزاكم الله خير .....

وسامحوني لاني ثقلت عليكم.......

غير البشر

05-10-2015, 11:52 PM

العفووو اخوي

الثلاث فنادق لو حجزت بواحد منهم ماراح تندم ان شاء الله كلهم حلوين وكلن له مميزات

ونفس ماقلت لك على طلبك الانسب لك سي في كي
قريب من المحلات والاسواق والمطاعم والتمشي
بس اماكن الترفيه للأطفال كلها بعيده من بعض
ممكن تخصص يوم للترفيه وراح اعطيك اماكن الترفيه ان شاء الله

وهالخارطه ان شاء الله تقرب لك الصوره اكثر

http://up.arabseyes.com/uploads2013/05_10_15144407830778031.png (http://up.arabseyes.com/) العاب (http://games.arabseyes.com)

ولك الاختيار :omen2:

حرف

06-10-2015, 11:46 PM

نصيحه لا تخسر في فنادقهم الخمس نجوم عندهم مثل الثلاث نجوم في فنادق دبي
بعدين اذا انت وايح سياحة ماراح احتاج للفندق الا وقت النوم وباقي اليوم في الخارج

تعجبني سياحة اخوانا الكويتيين والسعوديين

للصبر اخر

07-10-2015, 08:28 AM

انا كنت في اسطنبول من شهر
وسكنت في رافلز
ماحبيت اطلع منه من فخامته
وتحتنا مجمع تجاري
وماركات عالميه
مكان ولا ارووووووع
رائع بمعنى الكلمة

للصبر اخر

07-10-2015, 08:29 AM

فندق رافلز يعتبر بعيد عن الاماكن الحيوية مثل الصوره اللي حطها اخوي غير البشر
السكن في تقسيم للعائله افضل شي
بس الشارع زحمه

المهاجر

07-10-2015, 08:40 AM

مع تقديري لكلام اختي للصبر آخر

بس ما انصحك تسكن في تقسيم زحمه ومشاكل وخصوصا السورين الحين تارسين الشارع وسرقات

وامور ثانيه ما ابي اخوض فيها

انا واحد كرهت اروح تقسيم من اللي يصير في هالمنطقه

واذا تحب مكان للسكن راقي وحلو وقريب من الفيالاند مدينة الالعاب مثل ديزني لاند مع مول في كل شي

ايضا تحت هالمكان كل شي تحتاجه من محلات وسوبرماركت ومطاعم

هو عباره عن شقق فندقيه بس فعلاً راقي وكل اللي يروح له يمدحه ويرتاح فيه عائلي وجميل

بس بعيد عن البحر

شوفه على هالرابط

http://www.booking.com/hotel/tr/avrupa-residence-suites.ar.html?aid=318615;label=New_Arabic_AR_5226 349225-PO97EGm1WodTI1xqzWik2QS73336523665%3Apl%3Ata%3Ap1% 3Ap2%3Aac%3Aap1t1%3Aneg;sid=a30358056bf042ded224ec 5ba73d6f19;dcid=4;dist=0;room1=A%2CA;sb_price_type =total;srfid=edadf7eea2c91037d0826046fca0d3be1adad 733X1;type=total;ucfs=1&

وانصحك انك تستاجر سياره مع السائق يوديك كل مكان تبيه والأجار اليومي ما يزيد عن 150 دولار شامل البترول

تحياتي لك

للصبر اخر

07-10-2015, 09:00 AM

اخوي المهاجر
انا ماسكنت في تقسيم وماحبيت لاشارع بكبره رحت له نص ساعه وطلعت من الزحمه
فندق رافلز بعيد كل البعد عن تقسيم
والحمدالله اختيار كان اكثر من روعة بهذا الفندق

للصبر اخر

07-10-2015, 09:03 AM

http://www.booking.com/hotel/tr/raffles-istanbul.ar.html?aid=318615;label=New_Arabic_AR_52 26349225-PO97EGm1WodTI1xqzWik2QS73336523665%3Apl%3Ata%3Ap1% 3Ap2%3Aac%3Aap1t1%3Aneg;sid=b3a04ad09be63deb7f2452 d35661b059;dcid=1;dist=0;group_adults=2;room1=A%2C A;sb_price_type=total;srfid=edadf7eea2c91037d08260 46fca0d3be1adad733X23;type=total;ucfs=1&

وهذا الفندق في بوكنج

المهاجر

07-10-2015, 11:18 AM

صحيح اختي للصبر آخر وانا رشحت له فندق رافلس لانه فندق راقي وروعه وبعيد عن تقسيم وانتي جربتيه وشفتي شلون راقي وحلو

وبما انه ذكر انه مع عائلته فرشحت له الشقق الفندقيه لانها تناسب العائله وروعه بكل المقايس سواء من ناحية النظافه

وقربها من مدينة الالعاب وتوفر المحلات والمطاعم تحت الشقق

بخصوص تقسيم اللي يبعد عنها افضل مثل ما ذكرتي انها زحمه ودوشه ومشاكل فيها وخلينا اقول ان المكان غير محترم

الجـــوديّ

07-10-2015, 11:58 PM

تقريباً كل اماكن الاطفال الترفيهة بعيدة الا اذا جيت رافلز المول لاصق فيه

اقل مشوار نص ساعة واذا زحمة ساعة

عندك ملاهي فيالاند لاتفوتونها وايد حلوة

الاكواريوم .. في اسطنبول فورم قريب المطار .. وااااايد حلو وممتع والمول نفسه بعد حلو

عرض الدلافين بعد حلو وممتع وفي المنطقة المقابلة مينيتورك ..

جواهر مول ملاهييهم حلوة وكبيرة

وفي كل مكان بتلقون حديقة والعاب حق اليهال .. حلوة حق العصاري يركضون اليهال ويستمتعون بالهوا والشمس.

مستثمر رشيد

08-10-2015, 09:25 AM

الاخ غير البشر .......... شكرا جزيلا على شرحك المفصل حول الفنادق المحيطة بمنطقة اسطنبول وكذلك على الخريطة المرفقة المحدد فيها المسافات .... بالفعل استفدت منها كثيرا في اتخاذ قرار اختيار الفندق المناسب

الاخ حرف ..... شكرا على المشاركة في الموضوع ... وجهة نظرك احترمها وعلى عيني وراسي ..... ولكن في اعتقادي ان السكن في فندق راقي وفخم يشكل 70% من الاستمتاع بالسفرة حتى لوكانت المدينة المقصودة للزيارة عادية.

الاخت الفاضلة للصبر اخر ......... اقتراحك للسكن في فندق رافلز مع تأييد بعض الاخوة الاعضاء هنا ... جعلني اعيد النظر في عملية الاختيار بالرغم ان فندق رافلز لم يكن مطروحاً في البداية من ضمن الخيارات ولكن في النهاية اقتنعت فيه ووقع عليه الاختيار .... خاصة بعد ما قريت بعض التعليقات في موقع بوكينغ وترب ادفايزر ..

الاخ / المهاجر .......... كنت ارغب في البداية السكن بمنطقة تكون قريبة من تقسيم ولكن بعد نصيحتك بخصوص المشاكل الموجودة هناك غيرت رأيي ... لاني مسافر فترة بسيطة ولا احب ان اتعرض لمشاكل ومضايقات

الاخ/ الاخت الجودي .......... شكرا جزيلا على المشاركة والرد في الموضوع وعلى الاماكن المقترحة للزيارة في اسطنبول خاصة للعائلة والاطفال.

في النهاية لا يسعني الا ان اشكركم فردا فردا على تعليقاتكم ومشاركتكم الايجابية والفعالة في الموضوع .....

استفدت كثيرا من مقترحاتكم بخصوص الفنادق والاماكن التي تستحق الزيارة في اسطنبول .........

في امان الله وحفظه

للصبر اخر

11-10-2015, 02:37 PM

في حفظ الله
ولاتنسى تعطينا تقرير

Qatari.36

12-10-2015, 10:34 AM

السلام عليكم
اذا تدور فخامة وبحر لاتسكن غير كمبينسكي اخوي مافي افضل منه في اسطنبول.

الاستاندر

18-10-2015, 06:38 PM

انا سكنت في السلطان احمد في فندق غير مصنف اسمه امباير سويت
ماله حل

مستثمر رشيد

01-11-2015, 07:47 AM

الحمد لله رجعت البارحة من زيارة سريعة لاسطنبول استغرقت 3 ليال ...

وانتهز هذه الفرصة لاشكر جميع الاعضاء ..... بالفعل كان فندق رافلز اختيار موفق من حيث الفخامة والموقع والخدمة وتعامل الموظفين ..... حاولت في هذه الزيارة برغم قصرها ان اغطي جميع الاماكن السياحية .... والحمدلله زرت اغلبها ..... الشي السلبي فقط في اسطنبول هو زحمة التطرق في اغلب الاماكن ..... كذلك هو الحال بالنسبة للانتقال من مطار اتاتورك الى اسطنبول استغرق حوالي ساعة ونصف بسبب الزحام ..... في حين ان الانتقال من اسطنبول الى صبيحة لم يستغرق سوى اربعين دقيقة برغم بعده مقارنة بمطار اتاتورك ..........

شكرا لكم مرة اخرى