مترو دبي

[العفراء]

اليوم بعلمكم كيف تستخدمون مترو دبي

شوفوا سلمكم الله

الواحد بييي من المطار سوا مبنى رقم واحد او ثلاثه

يروح مخرج المترو

و بيلقى مكتب المترو من هناك يشتري بطاقة نول هالبطاقة يستخدمونها للمترو و البطاقة نوعين

بطاقة ذهبية هذي يعني فيرست كلاس تدخل العربه الخاصة و المسكره عن الباجيين و تنفع حق العوايل و الخصوصية

بطاقة فضيه هذي بتركب من خلالها باجي العربات مع عامة الناس

بحط لكم بالمسا صور لاهم المحطات اللي يوقف بها المترو

و التسعيرة

و بشرح لكم الخط الاحمر و الاخضر

الحين بظهر مع الاهل بنروح المارينا و قلنا بنستخدم المترو كنوع من المغامرات اللي ع قدنا

[مختلف جداََ]

في انتظار التقرير

موفقين

[دايموند]

توني ادري ان المترو يوصل المطار

[.قطر.]

ننتظر التقرير ويعطيج العافيه :nice:
احنا للحين ماصار المترو مالنا :shy:

[وليف الشوق]

شي طيب روحك الرياضيه والمتعه في التعرف على الخدمات المقدمه من المطار الى داخل دبي والتعرف على جميع الخدمات المقدمه واشكرك من كل قلبي لموافتنا بنوعيه هذه القطارات وكيفية حجزها وماهي الطرق المؤديه من المطار الى داخل مدينه دبي وننتظر باقي التفاصيل

[العفراء]

هلا بالطيبين و الطيبات :shy:
بحط لكم ان شاء الله تقرير بسيط يمكن يعيبكم المترو وتستخدمونه اذا يييتو دبي

دايموند شي محطات بالمطار و طيران الامارات بس الحلو لو تركبين ع الدرجة الذهبيه علشان تلقين مكان مريح و فيه خصوصية

اول شي انواع البطايق مثل ما قلت نوعين بطاقة فضية و ذهبية ويسمونها نول

94810

و شي بعد بطاقة نول زرقا و شي حمرا لكن ما فهمت اشقايل يستخدمونهم اظن للاستخدام مره وحدة

المهم البطاقة الفضية هذي لو بغيتوا تركبون بالعربات العامة

البطاقة الذهبية هذي لو بغيتوا تركبون بالعربة اللي يسمونها الدرجة الذهبية

الحلو بالبطاقة الفضيه انهم مخصصين عربتين للنساء و مول ما تستوي زحمة فيهم و العربه الاولى اتكون فيها خصوصية اما العربة الثانيه تكون مكشوفه للعربات العامة لكن ممنوع يوقفون فيها او يقعدون فيها غير النساء و الاطفال

اما البطاقة الذهبية فهي مخصصه للعربة الذهبية اللي تكون لها خصوصية بس بصراحة اليوم شفت انها تنترس من الركاب لما يوصل المترو صوب برج خليفه و انتم رايحين للمارينا اما فباقي المحطات فتكون شبه فاضيه و مريحه و للي يبون الذهبيه و هم ظاهرين من المطار بيرتاحون لان فيها خصوصية و تكون شبه فاضيه

المترو تحريته بيكون سريع لكن يمكن لان يوقف بكل محطة فعلشان جذيه احس الوقت يكون طويل بس الحلو فيه انكم ما تعلقون بالزحمة و الاحلى لما يمر بين الابراج بشارع الشيخ زايد

و ياخذكم لاهم الاماكن بدبي خاصة السياحيه و بعد لاهم المولات بدبي يعني لاحظت ان المولات اللي ما يمر عليهم المترو هم ستي سنتر مردف اب تاون مردف و الفيستفال ستي و المركز العربي و ميركاتو جميراو الاوتليت و اما المولات الباجيه فيمر عليهم كلهم و اما دبي مارينا و الجي بي ار فتنزل من الموتروا فبحيرات جميرا و تركب الترام و ياخذك لين هالاماكن

و المترو نوعين شي خط احمر و شي خط اخضر

الخط الاحمر ياخذكم من الراشديه لين جبل علي و من بينهم يوقف بوايد محطات مرفقه بالصورة و كلهن محطات تعتبر معالم سياحيه او اماكن تسوق مهمة بدبي

الخط الاخضر ياخذكم لمناطق مثل ديره و الاسواق الجديمه مثل سوق نايف و سوق مرشد و سوق الذهب و المرقبات و الخور و صوب حياة ريجنسي ديره و هالاماكن اللي ما تجذب الخليجيين وايد

صورة توضيحيه للخط الاحمر

http://www12.0zz0.com/2015/10/03/20/820384943.jpg (http://www.0zz0.com)

وهذا الرابط يدليكم على اهم المعالم و الاماكن اللي ترومون تروحون لها من خلال المترو سوا بالخط الاحمر او الاخضر


http://www.godubai.com/dubaimetro/dubaimetromap.html

بالنسبه للاسعار

سعر بطاقة نول الذهبية و الفضيه اول ما تشتريهم

ب 36 درهم

ويكون فيهم رصيد 30 درهم

البطاقة الذهبية تخصم ضعف اللي ينحسب ع الفضيه مثلا

ركبت محطة الراشديه و تبي تروح برج خليفه و دبي مول

بالفضيه بيخصم عنك 7 دراهم

بالذهبيه بيخصم عنك 14 درهم

اليهال اللي اعمارهم اقل من 7 سنين مجانا و كاتبين للي الاطفال اللي طولهم اقل من 60 سم بعد استخدام المترو ببلاش

بخصوص اللي عندهم سيارات وحابين يستخدمون المترو يقدرون يستخدمون مواقف السيارات بالمحطة الرئيسية بالراشديه مجانا للي عندهم بطاقة نول بس بشرط انهم يستخدمون المترو ذهاب واياب لان لما يبون يظهرون بالسياره بيبن بالبطاقة لو هم استخدموا المترو فما يحسبون عليهم تسعيرة مواقف بس في شغله مهمه اول ما تبركنون عندكم ساعة كاملة علشان تركبون المترو لو ما ركبتوا و كملتوا ساعة بيحسبون عليكم غرامة موقف بجيمة خمسين درهم و لما ترجعون وتسجلون خروج من المترو بالراشديه عندكم بعد ساعه كامله علشان اتظهرون السيارة من المواقف والا بيحسبون غرامة خمسين درهم و الغرامة تزيد كلما زاد الوقت

المترو حلو للي ما يحب زحمة دبي و للي ما يدل دبي او ما يبي يأجر سياره بالنسبه للسياح خاصة لو يسكن بفندق يكون قريب على محطة من محطات المترو و انا اليوم جربت لاني من زمان كان بخاطري اركب المترو كان فيني فضول :(

و جذا السالفه :p

الشو رايكم بالشرح؟

[مختلف جداََ]

هلا بالطيبين و الطيبات :shy:
بحط لكم ان شاء الله تقرير بسيط يمكن يعيبكم المترو وتستخدمونه اذا يييتو دبي

دايموند شي محطات بالمطار و طيران الامارات بس الحلو لو تركبين ع الدرجة الذهبيه علشان تلقين مكان مريح و فيه خصوصية

اول شي انواع البطايق مثل ما قلت نوعين بطاقة فضية و ذهبية ويسمونها نول

94810

و شي بعد بطاقة نول زرقا و شي حمرا لكن ما فهمت اشقايل يستخدمونهم اظن للاستخدام مره وحدة

المهم البطاقة الفضية هذي لو بغيتوا تركبون بالعربات العامة

البطاقة الذهبية هذي لو بغيتوا تركبون بالعربة اللي يسمونها الدرجة الذهبية

الحلو بالبطاقة الفضيه انهم مخصصين عربتين للنساء و مول ما تستوي زحمة فيهم و العربه الاولى اتكون فيها خصوصية اما العربة الثانيه تكون مكشوفه للعربات العامة لكن ممنوع يوقفون فيها او يقعدون فيها غير النساء و الاطفال

اما البطاقة الذهبية فهي مخصصه للعربة الذهبية اللي تكون لها خصوصية بس بصراحة اليوم شفت انها تنترس من الركاب لما يوصل المترو صوب برج خليفه و انتم رايحين للمارينا اما فباقي المحطات فتكون شبه فاضيه و مريحه و للي يبون الذهبيه و هم ظاهرين من المطار بيرتاحون لان فيها خصوصية و تكون شبه فاضيه

المترو تحريته بيكون سريع لكن يمكن لان يوقف بكل محطة فعلشان جذيه احس الوقت يكون طويل بس الحلو فيه انكم ما تعلقون بالزحمة و الاحلى لما يمر بين الابراج بشارع الشيخ زايد

و ياخذكم لاهم الاماكن بدبي خاصة السياحيه و بعد لاهم المولات بدبي يعني لاحظت ان المولات اللي ما يمر عليهم المترو هم ستي سنتر مردف اب تاون مردف و الفيستفال ستي و المركز العربي و ميركاتو جميراو الاوتليت و اما المولات الباجيه فيمر عليهم كلهم و اما دبي مارينا و الجي بي ار فتنزل من الموتروا فبحيرات جميرا و تركب الترام و ياخذك لين هالاماكن

و المترو نوعين شي خط احمر و شي خط اخضر

الخط الاحمر ياخذكم من الراشديه لين جبل علي و من بينهم يوقف بوايد محطات مرفقه بالصورة و كلهن محطات تعتبر معالم سياحيه او اماكن تسوق مهمة بدبي

الخط الاخضر ياخذكم لمناطق مثل ديره و الاسواق الجديمه مثل سوق نايف و سوق مرشد و سوق الذهب و المرقبات و الخور و صوب حياة ريجنسي ديره و هالاماكن اللي ما تجذب الخليجيين وايد

صورة توضيحيه للخط الاحمر

http://www12.0zz0.com/2015/10/03/20/820384943.jpg (http://www.0zz0.com)

وهذا الرابط يدليكم على اهم المعالم و الاماكن اللي ترومون تروحون لها من خلال المترو سوا بالخط الاحمر او الاخضر


http://www.godubai.com/dubaimetro/dubaimetromap.html

بالنسبه للاسعار

سعر بطاقة نول الذهبية و الفضيه اول ما تشتريهم

ب 36 درهم

ويكون فيهم رصيد 30 درهم

البطاقة الذهبية تخصم ضعف اللي ينحسب ع الفضيه مثلا

ركبت محطة الراشديه و تبي تروح برج خليفه و دبي مول

بالفضيه بيخصم عنك 7 دراهم

بالذهبيه بيخصم عنك 14 درهم

اليهال اللي اعمارهم اقل من 7 سنين مجانا و كاتبين للي الاطفال اللي طولهم اقل من 60 سم بعد استخدام المترو ببلاش

بخصوص اللي عندهم سيارات وحابين يستخدمون المترو يقدرون يستخدمون مواقف السيارات بالمحطة الرئيسية بالراشديه مجانا للي عندهم بطاقة نول بس بشرط انهم يستخدمون المترو ذهاب واياب لان لما يبون يظهرون بالسياره بيبن بالبطاقة لو هم استخدموا المترو فما يحسبون عليهم تسعيرة مواقف بس في شغله مهمه اول ما تبركنون عندكم ساعة كاملة علشان تركبون المترو لو ما ركبتوا و كملتوا ساعة بيحسبون عليكم غرامة موقف بجيمة خمسين درهم و لما ترجعون وتسجلون خروج من المترو بالراشديه عندكم بعد ساعه كامله علشان اتظهرون السيارة من المواقف والا بيحسبون غرامة خمسين درهم و الغرامة تزيد كلما زاد الوقت

المترو حلو للي ما يحب زحمة دبي و للي ما يدل دبي او ما يبي يأجر سياره بالنسبه للسياح خاصة لو يسكن بفندق يكون قريب على محطة من محطات المترو و انا اليوم جربت لاني من زمان كان بخاطري اركب المترو كان فيني فضول :(

و جذا السالفه :p

الشو رايكم بالشرح؟


العفراء

استمتعت بالتقرير المبسط و الواضح

شكرا

[.قطر.]

ماشاء الله شرح وافي :nice:
يعطيج العافيه

[السيف5]

الصراحة استفدت منه وايد

وعلى كثر روحاتي لدبي ماقد استخدمته

الله يعطيك العافية على التقرير

[بوحارب]

من زمان خاطري اتعلَّم على مترو دبي

برجع للموضوع بعدين

ويسلمو أيتها العفراء

[مختلف جداََ]

بو حارب
سولك كبينة كرك عند المترو اللي هناك

تالي لي سوو المترو هني افتح فروع
شنو بتدخل ذهب

[العفراء]

ممنوع الاكل و الشرب بالمترو غرامه ميتين درهم
حتى مضغ اللبان ممنوع بالمترو ما ادري ليش؟
و شي زر كاتبين للحالات الطارئة فقط و غرامه الفين درهم للضغط دون مبرر
اتحملوا من هالزر بالذات مدام غرامته الفين درهم يعني شي كبير وراه

[غير البشر]

ماشاء الله معلومات مفيده وقيمه جدا عن مترو دبي

الف شكر لج على هالمعلومات

وان شاء الله بعد مايشوفونه الاعضاء ويخلص الموضوع بالكامل راح انقله لقسم السياحه والسفر :unsure:

[العفراء]

خذ راحتك ابوويه غير البشر الموضوع اعتبره موضوعك

[غير البشر]

جعلج تسملين يا العفراء
اعجبتني مواضيعج الي تنزل تباعا ومعلوماتها الحلووه

عساج على القوه وااصلي :nice:

[العفراء]

اشكرك ههه ترى محصله هزاب من بعض الاعضاء على بعض المواضيع بس مواصله افا عليك 😁

[ya3coub]

استخدمته و حللته كل المطات روحة و رجعه و فادني بشغلي وايد<<< شغال على اصدار الدوحة :telephone:

بس الوقت بين المطار و المارينا او سكن الـــJBR ما يقارب الساعة

و سمعت عن التوسعه للشارجة هل سووها ولا ليلحين ؟؟

[بومحمد المطاوعه]

عجييب الميترو

مره طلعت من الفندق مع العيال
سندروني يبون يركبونه قلت يالله

طلعنا من الفندق لين مول دبي
مادري امارات مول
ماتذكر

المهم خلصنا الساعه 12 ونص من المول

سكر الميترو
هههههههههه

رجعنا بتكسي للفندق

علمآ ان موتري صاف ف الفندق :nice:

لم انسى هذا اليوم

[العفراء]

هيه صج انزين ياخذ وقت لين يوديك للجي بي ار لان يوقف بالمحطات
ما سمعت عن توسعة الشارجه و الشارجه ما اطبها خير شر بسبة الزحمه
بس يقولون ان بيسون رحلات دايركت من دون توقف باي محطات بس ما اعرف كيف نظامها هالرحلات

بو محمد زين انك ما كنت مستخدم مواقف المترو و الا حان غرموك و المترو فعلا يوميا يصكرون الساعه 12 تكون اخر رحله

[بومحمد المطاوعه]

هيه صج انزين ياخذ وقت لين يوديك للجي بي ار لان يوقف بالمحطات
ما سمعت عن توسعة الشارجه و الشارجه ما اطبها خير شر بسبة الزحمه
بس يقولون ان بيسون رحلات دايركت من دون توقف باي محطات بس ما اعرف كيف نظامها هالرحلات

بو محمد زين انك ما كنت مستخدم مواقف المترو و الا حان غرموك و المترو فعلا يوميا يصكرون الساعه 12 تكون اخر رحله

لالا
صاف داخل مواقف الفندق ..

والمترو لاصق فالفندق

بس عجيب

اتمنى 24 ساعه

[العفراء]

اترى بالنسبه للسياح افضل شي يسكنون بفنادق تكون قريبه من محطات المترو علشان ما يشلون هم المواصلات وجذا
بس للي يعلق باي مكان بدبي و بيحتاج تكسي لازم يتصل على مواصلات دبي و يطلب تكسي و بيسالونه وين واقف بالضبط و اقل من خمس دقايق بيكون التكسي واصل
بو محمد من الساعه 12 لين خمس الفير وقت الصيانة بالمترو*
لان سالناهم ليش مب 24 ساعه

[بومحمد المطاوعه]

اترى بالنسبه للسياح افضل شي يسكنون بفنادق تكون قريبه من محطات المترو علشان ما يشلون هم المواصلات وجذا
بس للي يعلق باي مكان بدبي و بيحتاج تكسي لازم يتصل على مواصلات دبي و يطلب تكسي و بيسالونه وين واقف بالضبط و اقل من خمس دقايق بيكون التكسي واصل
بو محمد من الساعه 12 لين خمس الفير وقت الصيانة بالمترو*
لان سالناهم ليش مب 24 ساعه

عاد الامارات بلادي الثانيه ومولود فيها
ماعتبر سايح انا :shy:
عندي بيت ف العين :nice:

وبخصوص الميترو
موضوعه ناجح والله ماشاءالله

وايد حلو
بس الصيانه اهو الي معرقل الوقت

يمكن في الايام الجايه يسوون جنبه ميترو اخر
وفي هذي الحركه بيكون شغال 24 ساعه

يعني 12 ساعه عمل لميترو رقم 1
و 12 ساعه لميترو رقم 2

[العفراء]

عزيزين و غالييين ما قصدتكم طبعا كلنا اهل و ارحام الامارات و قطر

[بومحمد المطاوعه]

عزيزين و غالييين ما قصدتكم طبعا كلنا اهل و ارحام الامارات و قطر

الله يعز غالييج

صادقه
ونعم فالجميع

ادري ماتقصديني
بس انا اقول اني عارف شوارعها عدل
ههههه

وكنت ادري ان الساعه 12 يسكر الميترو
بس سبحان الله طار الوقت

ورجعنا بتكسي ههههههههه

بس هذي السفره كانت متعه لأن سويت اكشنات شكثر :nice:

[العفراء]

والله زين اترى الحياة ما تحلا الا بالمغامرات هههه
يلا قوموا الصلاة دهديه :shy:

[ولد العرب]

جعلج تسملين يا العفراء
اعجبتني مواضيعج الي تنزل تباعا ومعلوماتها الحلووه

عساج على القوه وااصلي :nice:

اتعبت الناس من بعدك يامشرفنا :rolleyes2:

[بوحارب]

بو حارب
سولك كبينة كرك عند المترو اللي هناك

تالي لي سوو المترو هني افتح فروع
شنو بتدخل ذهب

والله فكرتك مال امها حل

جاري التفكير في الخطه ولَك 20% من الأرباح

[ولد العرب]

والله فكرتك مال امها حل

جاري التفكير في الخطه ولَك 20% من الأرباح
تلعب علي انت :anger1: ماقلت لك نفتح ونسميه كرك بوحارب ويكفي نوفا 95 بتربحك :rolleyes2:

[مختلف جداََ]

والله فكرتك مال امها حل

جاري التفكير في الخطه ولَك 20% من الأرباح

صار
ولك علي أحلى حملة تسويق

[مختلف جداََ]

تلعب علي انت :anger1: ماقلت لك نفتح ونسميه كرك بوحارب ويكفي نوفا 95 بتربحك :rolleyes2:


انت تأخرت و ما وقعت العقود

راحت عليك:tease:

[بومحمد المطاوعه]

والله زين اترى الحياة ما تحلا الا بالمغامرات هههه
يلا قوموا الصلاة دهديه :shy:
ههههههه صادقه


الله يجزاكي خير