ياحيك عندك ناس تجيك في المجلس

[حسن]

السلام عليكم ورحمه الله وبركاته

موضوعي اليوم عن المجالس القطريه

امس بعد المغرب اتصلي فواز وهو من الربع ورايح البحر
فقال وين مارحت البحر قلت له رحت البحر العصر صوب السافليه
وياريت مارحت البحار حار ومدلخ كلش بسبب تاثير دمار البيئه اللي صار لمشروع اللؤلؤه
ورجعت المجلس والحين الكل موجود
قال ياحي عندك ربع يجونك في المجلس

فهذه الكلمه رنت في اذني
وقام يتشكى الحال ان الناس ماعاد تقعد في المجلس ولا حد يجيك

هل فعلا المجالس عندنا بدات بالاندثار ؟ وليش ماهي الاسباب ؟


بالنسبه لي واللي اشوفه نعم انحصرت كثيرا

والاسباب كثيره

شاركونا بارائكم في الموضوع

تحياتي للجميع

:)

[مختلف جداََ]

هلا بالنوخذه

باختصار

قلوب الناس ضاقت ، فضاقت مجالسها و هي واسعة .

[aloosh]

هلا حسن
المشكله انه الان لما تجي المجلس تحصل كل واحد لاهي في تلفون
وبعض المجالس ما تلقى فيها سوالف تخليك منتبه لسالفه

[النهار]

الحريم يهتمون بكل صغيره وكبيره في المنزل والرجال يهتمون بتفخيم المجالس وصرف مبالغ طائله عليها
تم المجالس مسكره ماحد يدشها لفترات طويله العناكب تعشش في كل ركن من اركانها
تبي الصراحه يابو محمد المجالس كان لها دور في تربية النشء الاباء كانوا في السابق يحرصون عليها
لانها تعلمهم السنع وسلوم الرجال اذا كان الجيل الجديد من الاباء يراد له تربيه بالله عليك كيف تريد للمجالس دور
وبعدين الحين الواحد يخاف يروح لها كرامته اهم عليه من يجيك واحد غير متربي يكون متواجد من ضمن الحضور
لايحترم الصغير ولا الكبير وبعدين في اشياء اخرى مافي داعي لذكرها اكتفي بهذالقدر

[مضارب دوسري]

المشكله
لا صاروا اللي يجونك المجلس
هذا بزقارته
وهذا بالدومنه
وهذا بالورقه
وهذا بالبلاي ستيشن

هذولي فرقاهم عيد

[حسن]

المشكله
لا صاروا اللي يجونك المجلس
هذا بزقارته
وهذا بالدومنه
وهذا بالورقه
وهذا بالبلاي ستيشن

هذولي فرقاهم عيد

يارجل الجنه بدون ناس ماتنداس
احنا للي يدخن حطينله كرسي برع وكلك حمر في رمل حديد علشان طفي فيه
التتن
عادري يارجل لازم ترضى جميع الاذواق الا الخمر لانه يبق ويسوي حريجه
بالنسبه لنا ماعندنا هل الشغلات ومحد يقدر يتابع جواله لان الحدث احسن
منه

شكرا يامضارب نورت وشرفت الموضوع

[حسن]

الحريم يهتمون بكل صغيره وكبيره في المنزل والرجال يهتمون بتفخيم المجالس وصرف مبالغ طائله عليها
تم المجالس مسكره ماحد يدشها لفترات طويله العناكب تعشش في كل ركن من اركانها
تبي الصراحه يابو محمد المجالس كان لها دور في تربية النشء الاباء كانوا في السابق يحرصون عليها
لانها تعلمهم السنع وسلوم الرجال اذا كان الجيل الجديد من الاباء يراد له تربيه بالله عليك كيف تريد للمجالس دور
وبعدين الحين الواحد يخاف يروح لها كرامته اهم عليه من يجيك واحد غير متربي يكون متواجد من ضمن الحضور
لايحترم الصغير ولا الكبير وبعدين في اشياء اخرى مافي داعي لذكرها اكتفي بهذالقدر

كفيت وفيت يالنهار
بس مقدمه بن خلدون اللي طرحتها بدايه حديثك
صراحه
النسوان احسن منا بوايد في المواجيب وهم اللي يوجبون بالزيارت والتواصل اكثر
في وقتنا ذي
والله يالنهار كفايه القعده فيه تسر الناظرين وتشرح الصدر
شاهيك عندك قهوتك عندك اخوانك حواليك جماعتك ربعك هذا داش وهذا طالع
ابركه
بدال هل الهياته في السكيك والمجمعات
تصدق احيانا تلقى الربع من الساعه 4 يجون بروحهم وين نروح
في هل الزحمه
مخلصين اشغالنا بدري والدوحه من الزحمه ماتنطاق كفايه الصبح عليها

[حسن]

هلا حسن
المشكله انه الان لما تجي المجلس تحصل كل واحد لاهي في تلفون
وبعض المجالس ما تلقى فيها سوالف تخليك منتبه لسالفه

هلا هلا

ياعلوش

والله مادري شاقولك الحمدلله ماعدنا شغل التلفون الا مانددر
لان الربع يبون يسولفون وكل واحد يبي يناقش
احنا عاد اذا قدرت تتكلم زين لان عندنا واحد دكتاتور اذا يسولف
عاد انسى انك تقاطعه ولا تاخذ حقك
انا بس اقط كلمه واحد هو يقعد يرد علي نصف ساعه
شي غير طبيعي
شنسوي عاد في المتقاعدين ومخلفات العسكر نخليهم على راحتهم
يفضفضون

احنا ساعات نصور النقاش لانه مايتعوض نهائيا
واحد واقف واحد قاعد
شي شي

تقعد تضحك الى يوم الدين
عندي عتاويه الحوار والمعايا ماتشوف صار عندي مناعه من الهجوم المضاد

هههههههههه

حياك الله ياعلوش

[شموخ دائم]

,

,

مرحبا

شكرا على الموضوع الطيب

بارك الله فيك

في الحقيقه انت فتحت موضوعين مهمين
دمار البيئه البحريه
وما زال مستمر والبيئه تتفرج خاصه في الجزر الجديده قريب سميسمه تفرج هناك على الدمار والدفان الي يصير فوق الفشوت
والقوعه والبيئه تتفرج هناك حدهم ملاحقه اهل العزب وكم طابووقه حاط او كم حديده
:)

نرجع للموضوع الاصلي

اعتقد ان المجالس الحمدالله ما زالت بخير ومستمره وفيها الكثير من الفائده وجمعه الناس
الي حصل ان المجتمع انقسم ( قسمين )

قسم الكافيهات والشيشه

و

قسم اصحاب المجالس

وقسم المجالس ما شاء الله كل يوم تزيد اكثر

بس للاسف ان كثره المجالس فرقت الناس كل واحد يبني مجلس ببيته ويجلس فيه ومعاه 3 او 4 اشخاص
عاده يكون اخوانه ووالقرايب

بالسابق كانت المجالس قليله ومعروفه مكان التجمع لكل الفريج والربع الي حولهم
مجلس فلان ومجلس فلان الفلاني

الحين كل واحد عمل مجلس كبير وجلس هو والاخوان
لذلك قل التواصل في المجالس ( بعضها )

والمجالس المعروفه بالسابق ما زالت التجمعات فيها ما شاء الله

كبرت المجالس وزادت فخامه وصار يحطون جدامها سيارات كلاسيك
:)
وقلت الناس الي فيها

الجمعه ما تبي مجلس فخم وواسع
المجالس تبي صدور ( واسعه ) واهل خير طيبين يرحبون بالجميع

ان شاء الله عاده طيبه عند اهل قطر وما تنقطع يارب

,

,

[حسن]

هلا بالنوخذه

باختصار

قلوب الناس ضاقت ، فضاقت مجالسها و هي واسعة .

هلا هلا

هلا بالحبيب
:)

حيالله مختلف جدا جدا

:)

السموحه قلت بارجع ريوس للردود كله والله من مضارب مسوي لي مشاكل هل الولد

على العموم
انا سعيد بمشاركتك واول مشاركه لي في موضوعي
:)
بس لاتزعل علينا عاد كلش ولا زعلك
ههههههههه

صحيح اتفق معاك ان الناس اصبحت صدورها ضيقه غير عن الاول لذالك
تلقاهم دائما في ضجر من الحياه
المجلس لنا انا واخواني مقدس بعادته وين نروح
:(
يوميا ماعدا الخميس والجمعه وقت بدايه موسم التخيم فقط
تصدق هذه احس نها نعمه لنا وتبعد عنك الكثير من الامراض النفسيه
اللي يعاني منها الكثير
وغير افاده معلومات كثيره بحكم النقاشات والاحداث اليوميه لمرتاديه

شكرا لك على المشاركه
والسموحه على التاخير الغير مقصود يامختلف

تحياتي


:victory:

[بوحارب]

مرحبا حسن

بالفعل خفت روحة الناس للمجالس
وطلع لنا جيل المجمعات والقهاوي والكلام الفاضي

وبالنسبة لمجلسكم العامر يا حسن والله ان من احسن المجالس
اللي دخلتها وتعلمت فيها الكثير وتعرفت على ناس والنعم فيهم

صج بعض الاحيان فيه ناس بشمرقه بس عادي يسليك الوضع

تحياتي وعطني واحد كرك من مجلسكم ;)

[مختلف جداََ]

هلا هلا

هلا بالحبيب
:)

حيالله مختلف جدا جدا

:)

السموحه قلت بارجع ريوس للردود كله والله من مضارب مسوي لي مشاكل هل الولد

على العموم
انا سعيد بمشاركتك واول مشاركه لي في موضوعي
:)
بس لاتزعل علينا عاد كلش ولا زعلك
ههههههههه

صحيح اتفق معاك ان الناس اصبحت صدورها ضيقه غير عن الاول لذالك
تلقاهم دائما في ضجر من الحياه
المجلس لنا انا واخواني مقدس بعادته وين نروح
:(
يوميا ماعدا الخميس والجمعه وقت بدايه موسم التخيم فقط
تصدق هذه احس نها نعمه لنا وتبعد عنك الكثير من الامراض النفسيه
اللي يعاني منها الكثير
وغير افاده معلومات كثيره بحكم النقاشات والاحداث اليوميه لمرتاديه

شكرا لك على المشاركه
والسموحه على التاخير الغير مقصود يامختلف

تحياتي


:victory:

ما قصرت يا حسن و حصل خير
مممممم


طيب قول توبه هههههه

خلاص باسامحك لأنه صدري جنوبي :tease:

[MAZEN37]

الناس تجي حق اصحاب النفوس الطيبه والمتواضعه
وين مجلسكم ياحسن

[بانغ بانغ]

بوعلي المشكلة الاساسية الدوام

سواء للطلاب والموظفين

متى بتلحق على الزيارات او امور البيت او او او

الصراحة لازم يتم تخفيف الدوام لاولويات الناس مب بس ميالس لا والله حتى المواعيد الطبية والمواعيد العامة ووو

هذا ما يحضرني

[بانغ بانغ]

ما قصرت يا حسن و حصل خير
مممممم


طيب قول توبه هههههه

خلاص باسامحك لأنه صدري جنوبي :tease:

يبغيلك غلاص عصير تفاح بارد .. ايريح

[مختلف جداََ]

يبغيلك غلاص عصير تفاح بارد .. ايريح


شفت شلون زعلني حسن :weeping:

قوله يشتري لي عصير تفاح بارد .


لاااااااااااا بعدين تطلعون علي إشاعات.


خل ياخذلي كرك من عند بوحارب

[بانغ بانغ]

شفت يا مختلف .... حتى انا النوخذة ما رد علي

المهم نرجع للموضوع الاصلي ... انا هالايام اذا باتجمع مع الربع اما الشيراتون او اي قهوة محترمة او سيغار بار ( مب بار عشان محد يمسك علي شي ) او لاونج لان للاسف المجالس مب مثل لول .... مثل ما قالوا الشباب كل واحد ماسك جواله او غروبات وامصاصر ....

جبت موضوع مهم بوعلي ولاتزعل امزح معك ومع مختلف

[مختلف جداََ]

حبيب يا بانغ بانغ

مواضيعك دوم أتابعها

شوف بالنسبة للنوخذه قد قلت له قبل اني بعض أحيان أحسه مغرور شوي .

ياخي هالرجل يشوف أشياء ما نشوفها !!!

[العفراء]

السلام عليكم
اخويه حسن كيف امسيت طويل العمر

موضوعك هذا ذكرني بموضوع يمكن ماله صلة باللي تقوله لكن تصدق ذكرني بسوالف العزا

ملاحظة ان عزا الحريم انجلب من مظاهر صمت و احترام لقدسية الميت و الخ الى مظاهر ترف و لبس احدث الموديلات للعزا
حتى بسالفة الخيم و استقطاب صبابات الشاي و القهوة و خدمات السبع نجوم و مظاهر اللبس غير عن انشغال البنات بالتيلفون والتصوير علشان ينزلن بتويتر وسناب شات

وهذا غيض من فيض مثل ما يقولون وين حياتنا اول كانت ارحم

[مخطط قطري]

المجالس مدارس

[دااانة قطر]

موضوعك خااص بمجاالس الرجال





الحريم يهتمون بكل صغيره وكبيره في المنزل والرجال يهتمون بتفخيم المجالس وصرف مبالغ طائله عليها
تم المجالس مسكره ماحد يدشها لفترات طويله العناكب تعشش في كل ركن من اركانها
تبي الصراحه يابو محمد المجالس كان لها دور في تربية النشء الاباء كانوا في السابق يحرصون عليها
لانها تعلمهم السنع وسلوم الرجال اذا كان الجيل الجديد من الاباء يراد له تربيه بالله عليك كيف تريد للمجالس دور
وبعدين الحين الواحد يخاف يروح لها كرامته اهم عليه من يجيك واحد غير متربي يكون متواجد من ضمن الحضور
لايحترم الصغير ولا الكبير وبعدين في اشياء اخرى مافي داعي لذكرها اكتفي بهذالقدر


الحال من بعضه .. حتى في مجاالس الحريم


الله المستعاان

[البحار00]

الميالس مرامس

راحت مع أهلها

[معماري قطري]

المجالس أو الميالس على لهجة بني تميم .. على من يكون فيها .. اللي طيب ويراعي الكل مثل ما قلت يا بو علي يجونه الناس ويعزونه .. والناس استووا حساسين أكثر من اللازم .. أوقات يزعل شخص من كلمة بسيطة ويروح ولا تشوفه ولا يبين لك حتى انه زعلان.

انت ما شاء الله عليك واصل الكل وعلاقاتك كثيرة ولازم مجلسك عامر .. بس شسالفة الخمر لو ما يبق كان جبته .. هذي ذبحتني ضحك.

[حسن]

اشكر كل من قرا الموضوع وعدى علي والوقت بين انتظار وصمت

راجع لكم
بس مزاجي مهب رايق بالرد عليكم مشوش شوي
رغم ان ردودك تونس وتضحك بعضها
هههههههههه
لان في رد لشموخ يبيلي افض فض فيه بسبب تدمير البيئه القطريه

ال بي باك

بكره

[aloosh]

هلا هلا

ياعلوش

والله مادري شاقولك الحمدلله ماعدنا شغل التلفون الا مانددر
لان الربع يبون يسولفون وكل واحد يبي يناقش
احنا عاد اذا قدرت تتكلم زين لان عندنا واحد دكتاتور اذا يسولف
عاد انسى انك تقاطعه ولا تاخذ حقك
انا بس اقط كلمه واحد هو يقعد يرد علي نصف ساعه
شي غير طبيعي
شنسوي عاد في المتقاعدين ومخلفات العسكر نخليهم على راحتهم
يفضفضون

احنا ساعات نصور النقاش لانه مايتعوض نهائيا
واحد واقف واحد قاعد
شي شي

تقعد تضحك الى يوم الدين
عندي عتاويه الحوار والمعايا ماتشوف صار عندي مناعه من الهجوم المضاد

هههههههههه

حياك الله ياعلوش

الله يديمه عمار بوجودكم

[حسن]

الله يديمه عمار بوجودكم

جزاك الله خير اخي علوش

تشرفنا طال عمرك

:)

[حسن]

المجالس أو الميالس على لهجة بني تميم .. على من يكون فيها .. اللي طيب ويراعي الكل مثل ما قلت يا بو علي يجونه الناس ويعزونه .. والناس استووا حساسين أكثر من اللازم .. أوقات يزعل شخص من كلمة بسيطة ويروح ولا تشوفه ولا يبين لك حتى انه زعلان.

انت ما شاء الله عليك واصل الكل وعلاقاتك كثيرة ولازم مجلسك عامر .. بس شسالفة الخمر لو ما يبق كان جبته .. هذي ذبحتني ضحك.

هههههههههههههههه

هلا هلا

حيالله معماري قطر

قلنا شوي نلطف الجو ونسوي بهجه في قلوب متابعيني
المهم انك عايش من بعد الضحك
اقولك يقولون يبق ماشت الصور انت وبعدين حرام ياخوك مايجوز
يعني انا قلت اسمح بكل شي لهم الخمر
انشد غانم عن مجلسنا هههههههه الصراحه هو بعد مايقصر
جمعه اخوان وربع وعيال عم
وين روح يا بوعبدالله قولي بس

[حسن]

الميالس مرامس

راحت مع أهلها

والله ماراحت يالبحار اللي فيه خير بصمد
وبيمسك سلك هله اما اذا هو مهب قدها فمن نفسه والمجلس يبيله
شخص متواجد وصدر يرحب بالناس
ويكون باله طويل وسيع يعني شخصيته تكون مرنه
الصبر حكمه من رب العالمين ولازم تصبر

شكرا لك يالبحار

[حسن]

السلام عليكم
اخويه حسن كيف امسيت طويل العمر

موضوعك هذا ذكرني بموضوع يمكن ماله صلة باللي تقوله لكن تصدق ذكرني بسوالف العزا

ملاحظة ان عزا الحريم انجلب من مظاهر صمت و احترام لقدسية الميت و الخ الى مظاهر ترف و لبس احدث الموديلات للعزا
حتى بسالفة الخيم و استقطاب صبابات الشاي و القهوة و خدمات السبع نجوم و مظاهر اللبس غير عن انشغال البنات بالتيلفون والتصوير علشان ينزلن بتويتر وسناب شات

وهذا غيض من فيض مثل ما يقولون وين حياتنا اول كانت ارحم

مرحبا بالعفراء

والله الدنيا من زمان انا شايفها من جلبه علينا
خليها على الله

يقولون حريه شخصيه
عاد سالفه التصوير هذه كلش ماحبيتها اشوفها شكر تحسسني بعقليه فارغه من المحتوى

شكرا للك على الاضافه ياختيه العفراء

[حسن]

المجالس مدارس

انا اشهد يامخطط قطري

الحمدلله على السلامه

وين مالك حس ولا نس

:)

[حسن]

موضوعك خااص بمجاالس الرجال







الحال من بعضه .. حتى في مجاالس الحريم


الله المستعاان


مرحبا بالدانه
والله طرحت وجاء صدفه بعد مكاله فواز بن سعود فقال لي كلمه ياحيك عندم مجلس ويجونك العرب
لان الحين الناس ماعاد تجي لحد
:)
فاخذي راحتك الموضع موضوعك اطرحي ما تشتهين فيه يا دانه
مواضيعي شعبيه كانا في مجلس قناه الريان
تيكت ايزي
انتو اهل الدار واحنا الضيوف

:)

[حسن]

حبيب يا بانغ بانغ

مواضيعك دوم أتابعها

شوف بالنسبة للنوخذه قد قلت له قبل اني بعض أحيان أحسه مغرور شوي .

ياخي هالرجل يشوف أشياء ما نشوفها !!!

هلا هلا

حياالله مختلف

هههههههههههه

انت تضحكني ردودك هل الايام وايد تنظن ضنون في غير محله
تعال المجلس بارويك العينه اللي اقعد معاهم
الفقراء وابن السبيل والمنبوذين في المجتمع
:(
شاسوي الله مسخرني لهم والبعض البعض يقول المفروض تشوتهم برع
ههههههههههههههه

لا لا

ياخوك الحمدلله انا متواضع جدا تلقاني مع ناطور المدرسه اصحاب ومع سواق الاتوبيس اخوان
ومع البنغال اصدقاء
بس يمكن الحساسيه عندك عاليه شويه
بعدين ترا المنتدي يخليك تاخذ صوره غير حقيقيه عن الشخص
يعني كنت اضن ان بوحارب خال طلع بوحارب ابيض من القرطاس
شفت شلون

هاهاهاها

تابعني وفالك طيب

:)


اوف تعبت من الردود يااخوانا

[بومحمد المطاوعه]

بعض المجالس والعياذ بالله

تدخلها

تحصل
شله يلعبون سوني
وشله يلعبون ورقه
وشله على التلفونات

وكم شخص فقط يرحب بك ويقهويك ومن هالسوالف

[حسن]

بعض المجالس والعياذ بالله

تدخلها

تحصل
شله يلعبون سوني
وشله يلعبون ورقه
وشله على التلفونات

وكم شخص فقط يرحب بك ويقهويك ومن هالسوالف

بس يارجل بركه انك حصلت من يقهويك
وسيب سيكو فيحاله

:)

[بومحمد المطاوعه]

بس يارجل بركه انك حصلت من يقهويك
وسيب سيكو فيحاله

:)

والله
حزات ادخل مجالس
الكل لاهي
ههههههه

اذا حصلت جذي
اطرح الغتره وادخل في جوهم

كيرم ولا بيبي فوت ولا وسوني
اي شي
المهم اني اشغل نفسي معاهم

[حرف]

العرب انعرفوا بالمجالس وللحين موجودة ولكن الله يستر من القادم

[بومحمد المطاوعه]

العرب انعرفوا بالمجالس وللحين موجودة ولكن الله يستر من القادم

صحيح
والحمدلله موجودين

لكن نتكلم عن المجالس الشبابيه ,,
الصغيره

اما مجالس الشيبان
ولله الحمد شي يشرح الصدر لو الواحد يزورهم

[مختلف جداََ]

هلا هلا

حياالله مختلف

هههههههههههه

انت تضحكني ردودك هل الايام وايد تنظن ضنون في غير محله
تعال المجلس بارويك العينه اللي اقعد معاهم
الفقراء وابن السبيل والمنبوذين في المجتمع
:(
شاسوي الله مسخرني لهم والبعض البعض يقول المفروض تشوتهم برع
ههههههههههههههه

لا لا

ياخوك الحمدلله انا متواضع جدا تلقاني مع ناطور المدرسه اصحاب ومع سواق الاتوبيس اخوان
ومع البنغال اصدقاء
بس يمكن الحساسيه عندك عاليه شويه
بعدين ترا المنتدي يخليك تاخذ صوره غير حقيقيه عن الشخص
يعني كنت اضن ان بوحارب خال طلع بوحارب ابيض من القرطاس
شفت شلون

هاهاهاها

تابعني وفالك طيب

:)


اوف تعبت من الردود يااخوانا


هلا هلا بالنوخذة

اتغشمر وياك شدعوة

بس تبي الصج فعلا الحساسية زايدة عندي هاليومين .

بو حارب أبيض احلف ، ماصدق!!!! :tease:

نتشرف نمرك المجلس نتقهوى ،
لا هنت يالذيب

[حسن]

هلا هلا بالنوخذة

اتغشمر وياك شدعوة

بس تبي الصج فعلا الحساسية زايدة عندي هاليومين .

بو حارب أبيض احلف ، ماصدق!!!! :tease:

نتشرف نمرك المجلس نتقهوى ،
لا هنت يالذيب

الله يحيك لنا الشرف طال عمرك يالذيب
بس جيب معاك واقي رصاص
:(

[حمد 2002]

بوعلي لاتستغرب انه مجلسك ايكون مزدحم لأنه مجلس هل الطيب والكرم وأعلم الرجاجيل. .


واسمحلي أمد ح مجلسك بهالابيات المتواضعه. .

مجلسهـم انــا اشـهـد إنــه يـبـري العـلـه = غالـيـن والـلـي يجيـهـم واحـــدن غـالــي
الــكــذب مابـيـنـهـم مــأحـــدن بـيـنـزلــه = الـكـل منـهـم صـــدق بـاالـقـول لاقـالــي
ولامنهـم الـلـي سخـيـف الـهـرج نهجـلـه = كـلامـهــم مـايـجـيـك أيــكـــدر الـبــالــي
الطيـب الـلـي كـلامـه جــاك فــي حـلـه = يــازن كـلامـه قـبـل مــن فـمـه ينقـالـي
المـجـلـس الـزيــن ماتـقـبـل بـــه الـزلــه = والــزل لامايـجـي مـــن نـــاس عـقـالـي

[معماري قطري]

هههههههههههههههه

هلا هلا

حيالله معماري قطر

قلنا شوي نلطف الجو ونسوي بهجه في قلوب متابعيني
المهم انك عايش من بعد الضحك
اقولك يقولون يبق ماشت الصور انت وبعدين حرام ياخوك مايجوز
يعني انا قلت اسمح بكل شي لهم الخمر
انشد غانم عن مجلسنا هههههههه الصراحه هو بعد مايقصر
جمعه اخوان وربع وعيال عم
وين روح يا بوعبدالله قولي بس

وزير العدل السابق حدثني مرة عن برنامج أعتقد اسمه مجالس قطر .. تسجل فيه وين مكان تواجدك وفي أي مجلس خصوصاً للمناسبات وتقدر تنزله مجاني من مخزن أبل للبرامج .. ما جربته ولا ادري إذا تفعل أو لا

[معماري قطري]

بوعلي لاتستغرب انه مجلسك ايكون مزدحم لأنه مجلس هل الطيب والكرم وأعلم الرجاجيل. .


واسمحلي أمد ح مجلسك بهالابيات المتواضعه. .

مجلسهـم انــا اشـهـد إنــه يـبـري العـلـه = غالـيـن والـلـي يجيـهـم واحـــدن غـالــي
الــكــذب مابـيـنـهـم مــأحـــدن بـيـنـزلــه = الـكـل منـهـم صـــدق بـاالـقـول لاقـالــي
ولامنهـم الـلـي سخـيـف الـهـرج نهجـلـه = كـلامـهــم مـايـجـيـك أيــكـــدر الـبــالــي
الطيـب الـلـي كـلامـه جــاك فــي حـلـه = يــازن كـلامـه قـبـل مــن فـمـه ينقـالـي
المـجـلـس الـزيــن ماتـقـبـل بـــه الـزلــه = والــزل لامايـجـي مـــن نـــاس عـقـالـي

صح الله لسانك ومجلس حسن مجلسنا