انتخبوني و راح ادعم التعدد

[العفراء]

في واحد كان مرشح عمره للانتخابات بالمجلس الوطني عندنا بالامارات
المهم هذا دعايته تقول انتخبوني و انا راح اشجع التعدد
و ليست بواحدة او اثنتين او ثلاثة بل باربع زوجات

و الحمد لله و الشكر ان رب العالمين فك الخلق من شره و ما فاز بالانتخابات و الا جان هدم بيوت هو ودعايته

[بن غيث]

هذه مب دعاية انتخابية .. هذه دعاية اعلان مبيد حشري

[العفراء]

هههههه هيه والله اخوي باقي بس يلبس بالطو ابيض و يشل قوطي فليت

[رآعي موآجيب]

طلعتي انثى بحت يالعفراء ،، اتابعش بصمت وانتي من الأقلام اللي تستاهل المتابعه

ولكن اذا تعتقدين ان اخوانا في الامارات ما رشحوه خوفا من هدم البيوت !! فهذا خطأ

اللي بيعدد مش محتاج من أي شخص يمهد له

ولكن لم يتم انتخابه لأنه شخص لا يستحق صوت المواطن اللي محتاج حد يمثله في كل اموره ومتطلباته واحتياجاته وإيصال مالا يصل للمسؤولين الكبار اللي حاشيتهم تعيق اغلب اخبار و أوضاع المواطنين

فـ شي طبيعي شخص بروشوره الانتخابي بهذة الصيغه !! معروفه عقليته ولا يمكن ان ينتخب حتى لو ان كل الشعب يبغي يعدد .

[aloosh]

شفيكم الرجال يبي يزيد عدد السكان:):)
ما عنده حنكه في سياسه اكثر ما ينتخب الحريم كان قال وحده وبس:)

[حسن]

هذا وينا احنا بندعمه حاظرين
الرجل عنده نظره بعيده وتعدى شوفي

:)

[معماري قطري]

ههههههه العفراء تقول الحمد لله ما فاز خايفة من التعدد .. يا ناس المرأه تحتاج للراحة من إزعاج الرجل لذلك الله سبحانه شرع التعدد

بس هذا مسكين فاشل .. أول شيء الحريم كيدهن عظيم وبيشتغلون ضده وهم نص المجتمع .. وبيخلون رجالهم ينتخبون غيره .. وثاني شيء نص المجتمع بيكون ضده فعادي بيخسر

[العفراء]

يزاك الله خير اخويه راعي المواجب على حسن الظن و نظرتك التقديرية هذي على عيني و راسي والله تسلم
شوف من شوي ربيعتي تكلمني ع الواتساب تبارك لي اقولها على الشو قالت ما انتخبوه هذاك اللي يدعم التعدد
والله ضحكت من الخاطر
بس انا لما شفت دعايته الانتخابيه مب بس انصدمت الا انصعقت كيف هذا يبي ياخذ مكان بالمجلس و هذا مستوى تفكيره بس تبا الصج احس انه انضحك عليه وحليله

[العفراء]

ياليت كل الناس عندهم بعد نظرك اخويه علوش هههه جان احن بخير والله
سلامي عليك يالطيب و ترى انا اتفق معاك اكثر اللي ينتخب الحريم بس قول ان كل سوالف الحريم
الفترة اللي طافت عن الانتخابات عاد تصدق انا ابغض اللي تدش الانتخابات احس هالمكان مب مكانا احن هذا المكان للرياييل و بس

[العفراء]

حسن يا راعي البحر انا احس انك تدعم اي عمل يساهم في رفع ضغط الحريم هههه انت تبي تحر منو بس اعتررف
و على طاري البحر قبل سمعت شعر عن الظروف و الحياة الصعبه

البحر يلطم دوم ما يهدا
الله يعين اهل السنابيك الصغيره

[العفراء]

اخويه معماري هذا ترى ذكرني بواحد كان له منصب بالدوله بس ناسيه شو بالضبط المهم هالريال دعا للتعدد على اساس انه يقلل من زواج المواطنات من الوافدين رغم ان النسبه مب كبيره و شرعا مب حرام ياخي انته تبا تعدد بكيفك بس ما يخصك فباقي الناس على اساس ياب حل للقضاء على العنوسه بس اليوم الثاني قاموا له الحريم بالاذاعه و الجرايد و المقالات و بصراحه من وقتها ما سمعنا له اي حس هههه

[العفراء]

تصبحون على خير

[شالح بن هدلان]

هذا المرشح ما عنده سالفة اذ كان هذا برنامجه الانتخابي ع ما قريت



بس


انا متزوج وابي اتزوج الأمور طيبه دام فيه إمكانية وان شاء الله ما اظلم

وأبوي قبل 4 اشهور متزوج وأموره طيبه


وهذا شرع الله وفي خير للناس وإلا ما كان الله شرعه للناس

[معماري قطري]

اخويه معماري هذا ترى ذكرني بواحد كان له منصب بالدوله بس ناسيه شو بالضبط المهم هالريال دعا للتعدد على اساس انه يقلل من زواج المواطنات من الوافدين رغم ان النسبه مب كبيره و شرعا مب حرام ياخي انته تبا تعدد بكيفك بس ما يخصك فباقي الناس على اساس ياب حل للقضاء على العنوسه بس اليوم الثاني قاموا له الحريم بالاذاعه و الجرايد و المقالات و بصراحه من وقتها ما سمعنا له اي حس هههه

جبان طلع وانسحب من أول الحرب

اليوم جاني مقال على الوتس أب بما معناه إن اللي يتكلمون عن التعدد جبناء وما يقدرون .. وعندنا واحد يستوي ولد عم جدي وهو صغير ودوم يقول انا عمكم الكبير ومن المعددين .. قلت له خلاص انت الشجاع الوحيد فينا وعمنا ونعترف لك بس عطنا منحة كل واحد مليون .. وان شاء الله يلين راسه وما يقصر معانا

[العفراء]

الله يوفقك اخويه شالح و احتا بالتاكيد استغربنا من البرنامج الانتخابي يعني هذا الله يهديه صدمنا بتفكيره
قال بفوز بالانتخابات بهالطريقه على باله الناس ما تفكر الله يهديه بس

[بانغ بانغ]

حق اريد به باطل

[LSBU]

الواحد وحدة ومغتث
اخ بس يالعزوبية

[بومحمد المطاوعه]

المفروض
يكون في احترام للأعلانات الانتخابيه
وفيه رقابه قبل النشر فالشوارع والجرايد ,,

نفس الي عندنا ف قطر

شفنا وضحكنا على الاعلانات

الله يهديهم بس

[QtrGate]

لايستحق حتى صوت واحد

لكن اهنئ الامارات حكومةً وشعبً بفوز المرشح سعيد الرميثي
وأتمنى ان يفسحُ له المجال ليعطي كل ماعنده

[حسن]

هذه المشكله يا بومحمد

بحكم انا احنا جداد على هذه الامور الانتخابيه والبرلمانات الجديده القادمه
فا من هب ودب حسب الدستور انك تقدر ترشح نفسك
المهم ماعليك بعض السوابق من بعض الجرائم حسب علمي
ومافي حد للمؤهلات العلميه والمستوى العقلي والنفسي
اذا تبي تشوف نموذج ادخل اليوتوب واكتب على شمطوط
عضو البرلمان البحريني السابق وشوف
وبعدين هذا اللي قال بادعم التعدد مانعرف شنهو برنامجه الانتخابي وشلون طريقه الدعم
علشان نقدر نقيم تجربته
بحكم كثره الوافدين وقله شعوب الخليج مثل قطر دبي الجاليات طاغيه فيها بنسبه خطيره
فالرجل يمكن يبي يوازن التركيبه المعادله السكانيه وحفاضا على الهويه من الانقراض
وكثره الغير متزوجات هذا اصبح واضح
ورب العالمين يقول انكحو ماطاب لكم
ماقال شر لكم
يعني النكاح شي طيب مهب شي سئ فا النساء هذه الكلمه تزعجهم جدا وهذا يؤدي
الى تقليم اظافر الكثير منهم بحيث الزواج من اخري يؤدي الى التوازن البئي لقوه شخصيه الزوج
وعوده الرجول المفتقده في زمان الخذلان
فاالكثير من النساء قدرو ان يسون فوبيا للكثير من الازواج بحكم ان كيدهن عظيم لا خلاف

الصراحه هذا المرشح عنده رؤيه ثاقبه

[ضوى]

لايستحق حتى صوت واحد

لكن اهنئ الامارات حكومةً وشعبً بفوز المرشح سعيد الرميثي
وأتمنى ان يفسحُ له المجال ليعطي كل ماعنده

اتفق معك تماما ، مب علشان نقطة التعدد لانه هذا شرع الله مب هو اللي بيسن هالشي ، لكن الاسلوب رخيص ومبتذل وللاسف اظهر الرجال بصورة بشعه

[بومحمد المطاوعه]

اتفق معك تماما ، مب علشان نقطة التعدد لانه هذا شرع الله مب هو اللي بيسن هالشي ، لكن الاسلوب رخيص ومبتذل وللاسف اظهر الرجال بصورة بشعه

الذكور وليس برجال

[مختلفة عقليا]

السلام عليكم

كل اناء بما فيه ينضح ., !!

القصه اللي ذكرها ع الايراني اللي في موضوع ( الاعلام الايراني يسب العرب ) دليل ان هالشي صح

في ناس همهم الزواج والبنات وهاي واقع .,

ويسلموو

[mr_qtr]

الصراحة في اماراتيين الواحد يتمنى لو يقدر يصوت لهم
رجال قول وفعل
لكن ما باليد حيله

واما بخصوص دعاية البف باف :) فـ الحمدلله ان مافاز بالانتخابات شكله كان يبي يسوي خصومات 70% على المبيدات الحشرية

اللي بيتزوج مايحتاج اشاره من حد...

:nice:

[شبيه الريح]

هذي داعية لنفسه ويعرف انه ماراح يفوز ولكن يبي الناس تتكلم عنه

السؤال هل احد منع التعدد عشان يقول بيدعمه ؟

وهذا الدليل انه عشان نفسه والناس تتكلم عنه وبس

[شبح الصمت]

مسكين ما عرف يختار العبارات الصحيحة ..


كان ثبت نفسه بعبارت جميلة وحلووه تصل إلى قلب الشباب بطريقة مختلفه

وعقب دخل مقترح التعداد ضمن الافكار المطرووحه من تحت الطاووله ..

هاهاي


ونقول له هارد لك يا معلم ..


:secret:

[حسن]

مادري ليش من شفت العنوان تكذكرت مسرحيه انتخبو ام علي

مادري ليش

من ادش موضوع يتسلسلون وراي كان انا البلدوزر اللي تفتح لهم الطريق

هاهاهاهاها

[غايه الطواش]

صديقتي متزوجه معدد وهي رقم 3 الصراحه جدا مرتاحه وتقول احس ان عندي وقت لنفسي

[حسن]

صديقتي متزوجه معدد وهي رقم 3 الصراحه جدا مرتاحه وتقول احس ان عندي وقت لنفسي

الله يهنيها
التعدد في سعاده للكل

الصراحه مادري ليش ينظرون للتعدد كانه من الكبائر
ولو يشوفون الخلاعه عادي الوضع يايز
والله هذا المرشح المفروض يكون عندنا محتاجينه
الله يقول انكحو ماطاب لكم مثنى وثلاث ورباع
مسوينها مصيبه والحياه سهله
والله اعرف بلوشي معدد 3 مغربيتين وحده اثويبيه وراتبه 8000 يضحك علينا والله في الميلس
يقول انتو يبيلكم تصريح

:(

[Abdulraman]

التعدد راحه للمرأه ولكن الحريم اغبياء
بعض الحريم عندهم يزني زوجها زلا يتزوج عليها ( جهل)

[حسن]

التعدد راحه للمرأه ولكن الحريم اغبياء
بعض الحريم عندهم يزني زوجها زلا يتزوج عليها ( جهل)

ههههههه

خليتني اضحك

[معماري قطري]

الله يهنيها
التعدد في سعاده للكل

الصراحه مادري ليش ينظرون للتعدد كانه من الكبائر
ولو يشوفون الخلاعه عادي الوضع يايز
والله هذا المرشح المفروض يكون عندنا محتاجينه
الله يقول انكحو ماطاب لكم مثنى وثلاث ورباع
مسوينها مصيبه والحياه سهله
والله اعرف بلوشي معدد 3 مغربيتين وحده اثويبيه وراتبه 8000 يضحك علينا والله في الميلس
يقول انتو يبيلكم تصريح

:(

بو علي انت رفيجي في السفر بعد ما صدتك في ميونخ خلاص السفرة الجاية نروح المغرب عند رفيجنا رجل تعليم

[qatarman8008]

دعم التعدد بمثابة دق سلف للمشاكل..
بيدعم التعدد وبس..
وبيترك الزوجة الاولى تكمل الدعم للاخر هههههه..

[معماري قطري]

مادري ليش من شفت العنوان تكذكرت مسرحيه انتخبو ام علي

مادري ليش

من ادش موضوع يتسلسلون وراي كان انا البلدوزر اللي تفتح لهم الطريق

هاهاهاهاها

وانت تحسب نفسك شوي

[معماري قطري]

كنت ضد التعدد كقناعة بس هالموضوع فتح عيوني ناوي على 3 مرة وحدة وعلي وعلى أعدائي

[العفراء]

و الله كلن و له رايه الخاص بموضوع التعدد و انا مع اختي ضوى بكلامها لا مانع من التعدد بس لكل شي اسلوبه مب مثل هاللي رشح عمره و بغى يستغل الناس بدعايته العبيطه

و بعد شي واحد سخييف و شكله مدمن مخدرات و دوم ينزل فيديوهات يتمصخر ع المرشحين للانتخابات على اساس انه لو رشحوه بيفتح بارات و مراقص و بيدعم بيع الخمور اعوذ بالله منه هذا شكله من اخوان الشياطين المهم اليوم قريت خبره و يابوا اجله نيابة بوظبي و اخليكم مع الخبر

أمرت النيابة العامة في أبوظبي بالقبض على شخص بتهمة استخدام مواقع التواصل الاجتماعي في الإساءة إلى المجلس الوطني الاتحادي .

وأوضحت النيابة العامة في أبوظبي أن القانون الجزائي في دولة الإمارات العربية المتحدة يحفظ حرية الرأي والتعبير المنصوص عليها في دستور الدولة ، ولكنه يضع ضوابط تحترم الحدود الأخلاقية والدينية لأساليب التعبير ، والتي تؤكد على استخدام تعابير لائقة، واحترام الآخر وعدم الاساءة للغير.

مشيرة إلى أن المجلس الوطني الاتحادي واحد من السلطات الثلاث للدولة وفق الدستور ، وأن الناخبين والمرشحين في انتخاباته يمثلون صوت الإمارات، ويسعون إلى الارتقاء بمستقبل الدولة، حاملين هم الوطن والمواطن ساعين إلى تقديم الأفضل.

وكانت وسائل التواصل الاجتماعي قد تناقلت خلال فترة الانتخابات، مقطع فيديو يظهر فيه شخص وهو من غير المرشحين، وكان يتندر بشكل مسيء على الحملات الانتخابية للمرشحين ، وذلك بأن ردد خلال المقطع عبارات تعني أنه سيقوم بالسعي والتحريض على الجرائم والفواحش والفجور في حال وصوله للمجلس الوطني.

من جهته أكد النائب العام لإمارة ابوظبي ،المستشار علي محمد عبدالله البلوشي، على ضرورة توخي الحذر خلال استخدام مواقع التواصل الاجتماعي، وعدم نشر أو اعداد أو انتاج أو استخدام أو نشر أو إرسال أي ألفاظ أو عبارات أو اشارات أو رموز أو رسوم أو تصوير أو تسجيل أو كتابات سواء كانت مرئية أو مسموعة أو مقروءة بما يمس أو يسيء للمجتمع أو للنظام العام، وشدد على دور النيابة العامة في بسط الحماية القانونية على القيم الاجتماعية والأخلاقية والدينية للمجتمع، ومؤكداً أن هذا الاجراء لا يتعارض مع حرية الرأي والتعبير التي يحميها الدستور.

وأوضح المستشار البلوشي ، أن النيابة العامة تقوم بحملات توعية متواصلة حول قانون الجرائم الالكترونية، والمحاذير القانونية في استخدام مواقع التواصل الاجتماعي، مشيراً إلى أن المادة 29 للعام 2012 من قانون العقوبات بشأن جرائم تقنية المعلومات، تجرم بوضوح نشر الاشاعات على شبكة المعلومات بقصد السخرية والاضرار بسمعة وهيبة إي من مؤسسات الدولة، كما تجرم الماد 198 من نفس القانون بث دعايات مثيرة من شأنها إلحاق الضرر بالمصلحة العامة، بينما تشير المادة 312 إلى جريمة تحسين المعصية باستخدام مواقع التواصل الاجتماعي.

[حسن]

كنت ضد التعدد كقناعة بس هالموضوع فتح عيوني ناوي على 3 مرة وحدة وعلي وعلى أعدائي

هههههههههههههه

جيبهم من عندك هناك بس جيب اوراق شهاده المنشاء والطول

وامورك بالروب
طقه وحده

[حسن]

وانت تحسب نفسك شوي

والله مادري يامعماري قمت اشك بنفسي
:eek5:

تلقى موضوع ثابره عن المايه من ادخله الى تشوف الله وكيلك مالك مريال
شدعوه عباره لكم انا

:(

[العفراء]

كنت ضد التعدد كقناعة بس هالموضوع فتح عيوني ناوي على 3 مرة وحدة وعلي وعلى أعدائي


اقول خاليييي خلك من رمسة حسن احس به يبغي يورطكم ههههه الشو التعدد ع مغربيات و اثيوبيات مع احترامي لهن ما يتقارنن بالخليجيات و بعدين حسن يقول انه قصده من ورا التعدد ايجاد توازن لتركيبة المجتمع فكيف يباكم تتيوزون من الخارج ما تلاحظون انه تناقض الله وكككبر يا انه هذا راعي البحر من يوم شفته كاتب اشوف شي انتم ما تشوفونه و انا ايدي ع قلبي احس به داهيه و يضرب من تحت الطاوله و يعرف اشقايل يدسون السم بالعسل

[معماري قطري]

اقول خاليييي خلك من رمسة حسن احس به يبغي يورطكم ههههه الشو التعدد ع مغربيات و اثيوبيات مع احترامي لهن ما يتقارنن بالخليجيات و بعدين حسن يقول انه قصده من ورا التعدد ايجاد توازن لتركيبة المجتمع فكيف يباكم تتيوزون من الخارج ما تلاحظون انه تناقض الله وكككبر يا انه هذا راعي البحر من يوم شفته كاتب اشوف شي انتم ما تشوفونه و انا ايدي ع قلبي احس به داهيه و يضرب من تحت الطاوله و يعرف اشقايل يدسون السم بالعسل

يقولون الصاحب ساحب

شسوي انا بريء وهو يدس السم في العسل .. ألحين زوجتي بتدري وبتسوي لي مشكلة وانا ما سويت شيء

خلاص باقطع العلاقات السفرية مع حسن وباخلي العلاقة في المنتدى وبس

[مختلف جداََ]

يقولون الصاحب ساحب

شسوي انا بريء وهو يدس السم في العسل .. ألحين زوجتي بتدري وبتسوي لي مشكلة وانا ما سويت شيء

خلاص باقطع العلاقات السفرية مع حسن وباخلي العلاقة في المنتدى وبس

سر يا معماري و نحن من وراءك

[معماري قطري]

فيه مثل سوداني يقول الحداس ما سواي

الحداس = الحداث = المتحدث .. ويعني اللي يقول بسوي ما يقدر في الحقيقة

[معماري قطري]

سر يا معماري و نحن من وراءك

حالف عليك انت أول

[مختلف جداََ]

حالف عليك انت أول


أفااااا
مافي ثقه :weeping:

[معماري قطري]

أفااااا
مافي ثقه :weeping:

الثقة موجودة بس انت الكبير سير ونحن وراءَك

[مختلف جداََ]

الثقة موجودة بس انت الكبير سير ونحن وراءَك


واللي يقول لك تم اتخاذ الخطوة الأولى من يومين . :victory:

[معماري قطري]

واللي يقول لك تم اتخاذ الخطوة الأولى من يومين . :victory:

بالمبارك مقدماً والله يوفقك .. بس هشكل حكرتني في زاوية ضيقة .. لازم اتبعك وانت سبقتني وسبقت حسن

[ضوى]

اسمحوا لي بس هذا المرشح طلع الرياييل بهايم همهم الزواج الثاني كأنه التعدد اخر هموم الامه ، اللي يبي يعدد عيب عليه اصلا يشاور في احد اذا كان مقتدر وعارف انه بيعدل بما يرضى الله ، التعدد امره منتهي من رب العالمين مدري متى الرياييل بيفهمون هالشي

[حمد 2002]

انا ناوي أعدد اذا انصلحه الأحوال ..


اصلا هاي حق الرجل الشرعي ..

وأنا بإذن الله ناوي أطلق حمله قويه بتويتر حول التعدد ..


وبحاول أحث كل هل قطر حول التعدد ..

والله التعدد مافي أحلى منه للمقتدر ..


يارب أجوف كل هل قطر معددين ..



يااارب

[حبر وقرطاس]

الي يبي يعدد المجال مفتوح لا هو ممنوع شرعا ولا المحاكم ههههه بس بعض الرجال واضح انه مب كفو له لانه يبحث عن دعم المجتمع له ههههه

[حبر وقرطاس]

الحقوق واجد ياخوي بس لها وقت . ودواعي. مثل حق العمل للمراه هل تركض له وهي ماتحتاج ؟ههههه

[مختلف جداََ]

بالمبارك مقدماً والله يوفقك .. بس هشكل حكرتني في زاوية ضيقة .. لازم اتبعك وانت سبقتني وسبقت حسن

الله يبارك فيك
يا خوي الله يحفظ لكم حريمكم انت و حسن

السالفه مهب سباق و لا تنافس.

كل و ظروفه و أسبابه.

الله لا يغير عليكم

[مختلف جداََ]

اسمحوا لي بس هذا المرشح طلع الرياييل بهايم همهم الزواج الثاني كأنه التعدد اخر هموم الامه ، اللي يبي يعدد عيب عليه اصلا يشاور في احد اذا كان مقتدر وعارف انه بيعدل بما يرضى الله ، التعدد امره منتهي من رب العالمين مدري متى الرياييل بيفهمون هالشي


انه هالكلام يطلع من أنثى ، انا اشهد انه اللي رباج رجل ونعم فيه .

بوركتي

[حبر وقرطاس]

انا واحد عندي سياره .وقررت اشتري سياره ثانيه هل اطلب دعم من الي حولي واكتب فالنت واشجع غيري يشتري سياره ثانيه ؟بالذمه حد يسوي كذا ونعتبره واثق وفاهم هو وش يبي بالضبط .التعدد قرار فردي لكل متزوج مايحتاج تشجيع ولا حملات .الحمدلله والشكر اصلا بسبب سوء استخدام حق النعدد كرهتوا الحريم فيه لان اغلب الرجال ينادون به كعقاب وليس كتكافل شوهوا النظره الاجتماعيه له سبحان الله ..

[مختلف جداََ]

الي يبي يعدد المجال مفتوح لا هو ممنوع شرعا ولا المحاكم ههههه بس بعض الرجال واضح انه مب كفو له لانه يبحث عن دعم المجتمع له ههههه

يمكن !!!

[مختلف جداََ]

انا واحد عندي سياره .وقررت اشتري سياره ثانيه هل اطلب دعم من الي حولي واكتب فالنت واشجع غيري يشتري سياره ثانيه ؟بالذمه حد يسوي كذا ونعتبره واثق وفاهم هو وش يبي بالضبط .التعدد قرار فردي لكل متزوج مايحتاج تشجيع ولا حملات .الحمدلله والشكر اصلا بسبب سوء استخدام حق النعدد كرهتوا الحريم فيه لان اغلب الرجال ينادون به كعقاب وليس كتكافل شوهوا النظره الاجتماعيه له سبحان الله ..

111111111111+

[qatara]

ميايحتاج الغي قانون الحضانه الي بهدل الاسره

وشوف التعدد بدون أي مجهود وتلقائيا

[طلعة الروح]

انا واحد عندي سياره .وقررت اشتري سياره ثانيه هل اطلب دعم من الي حولي واكتب فالنت واشجع غيري يشتري سياره ثانيه ؟بالذمه حد يسوي كذا ونعتبره واثق وفاهم هو وش يبي بالضبط .التعدد قرار فردي لكل متزوج مايحتاج تشجيع ولا حملات .الحمدلله والشكر اصلا بسبب سوء استخدام حق النعدد كرهتوا الحريم فيه لان اغلب الرجال ينادون به كعقاب وليس كتكافل شوهوا النظره الاجتماعيه له سبحان الله ..

أتفق مع هذا الراي

واذا افترضنا ان الواحد من هؤلاء الذكور تجرأ وأخذ قرار التعدد ووافقت عائلته وزوجته، نادر جدا أن نجد من تقبل الزواج برجل متزوج وعن قناعه تامه.

[الحاقول]

هذا الشخص خسر صوت المرأه في الانتخابات
وشئ عادي ان يفشل
لو كسب صوت المراه ربما فاز في الانتخابات
النصف الثاني بيده النجاح او الفشل في الانتخابات للرجل

[qatara]

هذا الشخص خسر صوت المرأه في الانتخابات
وشئ عادي ان يفشل
لو كسب صوت المراه ربما فاز في الانتخابات
النصف الثاني بيده النجاح او الفشل في الانتخابات للرجل


صوت المراه حتا للندا للصلاه مايجوز يطلع

لاكن الله المستعان على فتن اخر الزمن

شاورها روح عكس شورها وبذن الله بتفلح

[حسن]

بل هل كثر ردود بعد دخولي الموضوع

:eek5:

[معماري قطري]

الله يبارك فيك
يا خوي الله يحفظ لكم حريمكم انت و حسن

السالفه مهب سباق و لا تنافس.

كل و ظروفه و أسبابه.

الله لا يغير عليكم

اللهم آمين والزواج خير وبركة وستر للجميع

انا مع التعدد لكن ما اقدر عليه

[معماري قطري]

بل هل كثر ردود بعد دخولي الموضوع

:eek5:

انت يا بو علي مثير




بس للفتن

[رآعي موآجيب]

شاورها روح عكس شورها وبذن الله بتفلح


هذا آخر كلام !؟ :nice: