استفسار بخصوص ليتات led

[بوخالد911]

مرحباً بكم
حبيت اسأل عن هالليتات
هل فعلاً يوفرون طاقة؟
رحت بروة لمحل صيني
قالي فيه بسعر 45 ريال حجم صغير. الفريم المونيوم. وفي فريم بلاستيك بسعر 35 ريال
والكبير 75 ريال
وضمان سنة.
اللي ركب هالنوعية يا ريت يفيدني من مدى كفاءة هالنوع
وبعد متى متوقع يحترقون؟
وشكراً للكل.

[معماري قطري]

اخوي خالد إضاءَة الإل اي دي متطورة وبعضها تبقى شغالة حول 25000 ساعة حسب نوعها وجودتها

يعني حول 3 سنين ولو تشغلها 12 ساعة في اليوم توصل 6 سنين .. بعضها تجي أقوى وتشتغل أكثر وتستهلك طاقة قليلة وباردة حرارتها كلش بسيطة.

شوف الدرويش بعد عندهم ونوعية زينة .. المشكلة كلهم صيني لكن تاخذ ماركة مثل جنرال الكتريك ولا شارب ولا أي ماركة معروفة اتوقع بتكون جودتها مضمونة.

دورت في أمريكا العام كل اللي عندهم صناعة الصين .. بس اطلاع وادري كهربتهم غير عن اللي عندنا

[بوخالد911]

اخوي خالد إضاءَة الإل اي دي متطورة وبعضها تبقى شغالة حول 25000 ساعة حسب نوعها وجودتها

يعني حول 3 سنين ولو تشغلها 12 ساعة في اليوم توصل 6 سنين .. بعضها تجي أقوى وتشتغل أكثر وتستهلك طاقة قليلة وباردة حرارتها كلش بسيطة.

شوف الدرويش بعد عندهم ونوعية زينة .. المشكلة كلهم صيني لكن تاخذ ماركة مثل جنرال الكتريك ولا شارب ولا أي ماركة معروفة اتوقع بتكون جودتها مضمونة.

دورت في أمريكا العام كل اللي عندهم صناعة الصين .. بس اطلاع وادري كهربتهم غير عن اللي عندنا
بيض الله وجهك
دوووم ما تقصررر

[السمسمه]

مرحباً بكم
حبيت اسأل عن هالليتات
هل فعلاً يوفرون طاقة؟
رحت بروة لمحل صيني
قالي فيه بسعر 45 ريال حجم صغير. الفريم المونيوم. وفي فريم بلاستيك بسعر 35 ريال
والكبير 75 ريال
وضمان سنة.

اللي ركب هالنوعية يا ريت يفيدني من مدى كفاءة هالنوع
وبعد متى متوقع يحترقون؟
وشكراً للكل.
صراحه led انا مركبه في الفيلا ممتاز شاريهم من الشعله السعر تقريبا نفس الشي مركب الليتات تقريبا عددهم 350 ليت والليتات ثانيه كلها حق الفيلا شاريهم بعد من عندهم مع الحدائق عددهم ثلاث حدائق اسعارهم بالنسبه لي ممتازه

[السمسمه]

اخوي خالد إضاءَة الإل اي دي متطورة وبعضها تبقى شغالة حول 25000 ساعة حسب نوعها وجودتها

يعني حول 3 سنين ولو تشغلها 12 ساعة في اليوم توصل 6 سنين .. بعضها تجي أقوى وتشتغل أكثر وتستهلك طاقة قليلة وباردة حرارتها كلش بسيطة.

شوف الدرويش بعد عندهم ونوعية زينة .. المشكلة كلهم صيني لكن تاخذ ماركة مثل جنرال الكتريك ولا شارب ولا أي ماركة معروفة اتوقع بتكون جودتها مضمونة.

دورت في أمريكا العام كل اللي عندهم صناعة الصين .. بس اطلاع وادري كهربتهم غير عن اللي عندنا


بيض الله وجهك يامعماري قطر الله يوفقك ويوفق الجميع ان شاء الله

[بوخالد911]

صراحه led انا مركبه في الفيلا ممتاز شاريهم من الشعله السعر تقريبا نفس الشي مركب الليتات تقريبا عددهم 350 ليت والليتات ثانيه كلها حق الفيلا شاريهم بعد من عندهم مع الحدائق عددهم ثلاث حدائق اسعارهم بالنسبه لي ممتازه
الف شكر لكم
ما تقصر

[معماري قطري]

بيض الله وجهك
دوووم ما تقصررر


بيض الله وجهك يامعماري قطر الله يوفقك ويوفق الجميع ان شاء الله

الله يرحم والديكم ووجيهكم بيض ويوفقكم ويوفق كل من يبني

الإل إي دي إضاءَة حديثة وانتاجها رخيص ومرشحة إنها ترخص في فترة بسيطة .. في أمريكا نوعيات جيدة كماركات وعلى حسب العمر الافتراضي والقوة يكون السعر .. بعضها ب 3 دولارات وفيه كشافات قوية ال اي دي تستهلك كهرب قليل وتنور نور قوي 1000 واط وحولها .. وفيه نوعيات مثل التيوب المرن وبمختلف السماكات وتناسب للزوايا حتى على السجاد وللسقف مخفية أو مرئية وللزراعة .. شفت منها تنحط تحت الكراسي .. دخلت في الديكور بشكل واسع.

مكتشفين الال اي دي واحد ياباني وواحد كوري حصلوا جائزة نوبل للسلام.

[(عبدالله)]

لي مشاركة سابقة عن تجربتي في بيتي الجديد بنفس الموضوع أنقلها مع بعض التعديل:

ال LED تقنية دخلت السوق بقوة وطريقة عملية لتوفير الطاقة والمال والصيانة وفرص حدوث الحريق الناتج عن شدة الحرارة وزيادة الكهرباء

طقم السبوت لايت عبارة 3 مكونات: اللمبة + الفريم + الهولدر

اللمبة في الدوحة أفضل مكان برايي شركة NVC في قرية بروة ويعطونك ضمان لمدة سنة ان احترقت ترد وتبدل بوحدة جديدة. أعتقد اللمبة الوحدة 4-7 واط بقيمة 40-50 ريال والفريم ب15-20 ريال والهولدر ب4-5 ريال
يعني الطقم الواحد يكلف 55-75 ريال

السبوت لايت خذت موديلين من دبي.. الأول SYV قال لي صناعة ألمانية لكن طلع قاص علي ممكن قطعة من مكوناته أو تصميمه ألماني وصناعته ماليزي طلع علي ب 45 ريال الواحد ضمان 3 سنوات، من أصل 275 سبوت يمكن 6 أو 7 طلعوا خربانين

والموديل الثاني ماركة V-tac شركة بريطانية صناعة الصين.. قوة السبوت 6 واط واشعاع الاضاعة على ما اذكر 450Lm وزاوية التوزيع 120 درجة ب12 ريال مع ضمان 3 سنوات لحد الان من سنة ما اخترب اي ليت منهم

أما الفريم فخذت نوع زينك ب 10 درهم أماراتي والهولدر صناعة هندية بدرهمين

يعين الطقم كامل طلع علي للنوع الأول (SYV) ب57 درهم والنوع الثاني VATC ب24 درهم

ليتات الحوش خذت ماركة Fumagalli صناعة ايطالية وكيلهم في الشارقة (كريستال القصور) لهم فرع في الدوحة لكن المصري اللي فيه نصاب في الاسعار مقارنة بالل يلقيته في الشارقة ولما حكرت له عطاني نفس سعر الشارقة +10% زيادة اتعاب جمارك وشحن
بس اللمبة نوع فورسنت ما تطول أكثر من 6 شهور إلى سنة بالكثير لذلك قبل اسبوع مريت السوق الصيني في بدي على محل عنده وكالة لمبات LED صينية خذت اللمبة ب 11 درهم اماراتي مع ضمان سنة


الليتات المخفية داخل اسقف الجبس strip Light خذت ماركة V-max من دبي طلع علي ب9 ونص درهم اماراتي ع المتر مع ضمان سنة والمحول الاضافي ب 4 درهم للواحد، في قطر لقيته في قرية بروة المتر ب 20 ريال والمحول ب 12 ريال!!
بيتي كبير في المساحة ولله الحمد وعندي بيسمنت وبينت هاوس لذلك احتجت 600 متر طلعوا علي ب 6000 ريال من دبي بدال 12000 من الدوحة.. لحد الآن سنة شغالين عندي وما واجهت أي مشاكل.


والله يوفقك

[معماري قطري]

مشكور يا عبدالله على التوضيح الكامل

اللومنز lm هي شدة الإضاءَة وتقاس على سطح على بعد معين من اللمبة .. والخاصية المهمة الثانية هي درجة زاوية انتشار الضوء .. للارتفاع العالي ما لها أهمية كبيرة لكن للارتفاع العادي 2.5 متر وحولها مهمة حتى نمنع تكون أجزاء غير منيرة ومعتمة.

شيء مهم في الاضاءَة لازم نحطه في اعتبارنا اللي هو لون الإضاءَة وتغيرها .. يعني نركب عدة نوعيات وكل نوع بمفتاح بروحه حتى نسوي تغيير حسب الحاجة .. لغرف النوم مثلاً مهمة الإضاءَة الهادية والمخفية والغير مباشرة لعين النائم أو المسترخي على السرير .. كذلك البعض يهتم بنور مركز وقوي لوقت التنظيف أو الجلوس لو كان يحب يجلس في غرفة النوم .. قرب التسريحة وفي غرفة الملابس .. داخل الكبتات مع نظام تشغيل تلقائي مع فتح الكبت .. وتكون جاية قرب الباب وتنور على الملابس ما تكون تنور وجه اللي فاتح الكبت.

تخطيط الاضاءة فن وهندسة وحسابات صعب أي واحد يتقنه خصوصاً للأَماكن العامة والكبيرة يسونه ناس مختصين .. وعندنا مشاريع إضاءَة بعضها جيد وبعضها فاشل فشل ذريع .. الإضاءَة التزينية حق مباني المحطات الفرعية لكهرماء كان المفروض تكون نوعية ال اي دي وشوي خفيفة ( يناشدون بالتوفير وحاطين طعش طعش ليت على مبنى صغير ) وكذلك انارة شارع الوعب مأساة يعني عادي لو شفت حد يلبس نظارة شمسية في الليل وهو على هذا الشارع.

[بوخالد911]

لي مشاركة سابقة عن تجربتي في بيتي الجديد بنفس الموضوع أنقلها مع بعض التعديل:

ال LED تقنية دخلت السوق بقوة وطريقة عملية لتوفير الطاقة والمال والصيانة وفرص حدوث الحريق الناتج عن شدة الحرارة وزيادة الكهرباء

طقم السبوت لايت عبارة 3 مكونات: اللمبة + الفريم + الهولدر

اللمبة في الدوحة أفضل مكان برايي شركة NVC في قرية بروة ويعطونك ضمان لمدة سنة ان احترقت ترد وتبدل بوحدة جديدة. أعتقد اللمبة الوحدة 4-7 واط بقيمة 40-50 ريال والفريم ب15-20 ريال والهولدر ب4-5 ريال
يعني الطقم الواحد يكلف 55-75 ريال

السبوت لايت خذت موديلين من دبي.. الأول SYV قال لي صناعة ألمانية لكن طلع قاص علي ممكن قطعة من مكوناته أو تصميمه ألماني وصناعته ماليزي طلع علي ب 45 ريال الواحد ضمان 3 سنوات، من أصل 275 سبوت يمكن 6 أو 7 طلعوا خربانين

والموديل الثاني ماركة V-tac شركة بريطانية صناعة الصين.. قوة السبوت 6 واط واشعاع الاضاعة على ما اذكر 450Lm وزاوية التوزيع 120 درجة ب12 ريال مع ضمان 3 سنوات لحد الان من سنة ما اخترب اي ليت منهم

أما الفريم فخذت نوع زينك ب 10 درهم أماراتي والهولدر صناعة هندية بدرهمين

يعين الطقم كامل طلع علي للنوع الأول (SYV) ب57 درهم والنوع الثاني VATC ب24 درهم

ليتات الحوش خذت ماركة Fumagalli صناعة ايطالية وكيلهم في الشارقة (كريستال القصور) لهم فرع في الدوحة لكن المصري اللي فيه نصاب في الاسعار مقارنة بالل يلقيته في الشارقة ولما حكرت له عطاني نفس سعر الشارقة +10% زيادة اتعاب جمارك وشحن
بس اللمبة نوع فورسنت ما تطول أكثر من 6 شهور إلى سنة بالكثير لذلك قبل اسبوع مريت السوق الصيني في بدي على محل عنده وكالة لمبات LED صينية خذت اللمبة ب 11 درهم اماراتي مع ضمان سنة


الليتات المخفية داخل اسقف الجبس strip Light خذت ماركة V-max من دبي طلع علي ب9 ونص درهم اماراتي ع المتر مع ضمان سنة والمحول الاضافي ب 4 درهم للواحد، في قطر لقيته في قرية بروة المتر ب 20 ريال والمحول ب 12 ريال!!
بيتي كبير في المساحة ولله الحمد وعندي بيسمنت وبينت هاوس لذلك احتجت 600 متر طلعوا علي ب 6000 ريال من دبي بدال 12000 من الدوحة.. لحد الآن سنة شغالين عندي وما واجهت أي مشاكل.


والله يوفقك

مشكور جداً اخوي عبدالله:nice:
رحم الله والديك
شرح ولا أروع
الله يوفقك دنيا وآخرة.