برج 30 دور في دبي احترق بالكامل

[معماري قطري]

في دبي قرب الستي سنتر وصلني المقطع على الوتس أب بحاول انزله

[معماري قطري]

تصحيح البرج في الشارقة مقابل ستي سنتر الشارقة


https://www.youtube.com/watch?v=3Nhk8RhoJU0

[معماري قطري]

https://www.youtube.com/watch?v=0fs0stMkNr8

[معماري قطري]

https://www.youtube.com/watch?v=nwjqmXL9Buw

[معماري قطري]

https://www.youtube.com/watch?v=Cg7cJNrupRU

[العفراء]

صباح الخير
هالبرج بالشارجه و فعلا شب و احترق يوم الخميس حسب ما وصلنا حتى السيارات فالباركنات شبت

[العفراء]

ما انتبهت بردك رقم اثنين انك عدلت المعلومه
بس والله الحريجه صج تخوف وايد
دوم افكر يعني يمكن اي شخص يكون ساكن بشقه
و ماخذ احتياطاته من كل النواحي لكن اييي غيره بنفس العماره و يهمل اي شغله تتسبب بكارثه
و بالنهايه قضاء و قدر بس مثل هالفكره ترعب الانسان اشوف ان اللي يسكن بالشقق هذا ما يرتاح لا بالخصوصية و لا ع مستوى الامان الله يحفظ اليمييع

[بانغ بانغ]

مساكين الله ايشافيهم ... ويحفظ الامارات والشارجة بالذات

[BoFahed]

من الفيديوهات اللي شفتها الحريق بدا في دور وانتشر بسبب تاخر الاطفائيه ولامكانيات في الشارجه ضعيفه مقارنه بدبي وابوظبي اذكر مره خالفني شرطي تحريات والدوريه كامري ظ¢ظ*ظ*ظ¤ ����

المفروض يسوون شرطه اتحاديه مثل الدفاع

[المبرمج صلاح]

اخوي معماري الا يمكن في حالة حدوث حريق كبير مثل انه الحرارة والنار تؤثر هندسيا على هيكله الاساس الرئيسي للبرج ويؤدي الي سقوطه مثل ما حدث
في احداث برج التجارة العالمي 11 ستمبر ام ان الحريق والحرارة مستبعدة تماما انها تسقط برج بهذا الحجم

لان المفروض سيارات الدفاع المدني والمتفرجين يكونو على مسافة اكبر من اللي في الفيديو لانه لو قدر الله وسقط البرج هتحصل كارثة لا سمح الله

[معماري قطري]

اخوي معماري الا يمكن في حالة حدوث حريق كبير مثل انه الحرارة والنار تؤثر هندسيا على هيكله الاساس الرئيسي للبرج ويؤدي الي سقوطه مثل ما حدث
في احداث برج التجارة العالمي 11 ستمبر ام ان الحريق والحرارة مستبعدة تماما انها تسقط برج بهذا الحجم

لان المفروض سيارات الدفاع المدني والمتفرجين يكونو على مسافة اكبر من اللي في الفيديو لانه لو قدر الله وسقط البرج هتحصل كارثة لا سمح الله

ممكن اخوي صلاح وخصوصاً في الهياكل الحديدية الغير محمية .. الخرسانة والحديد يقوون بعض وعندنا دوم يستعملون النظام الأُوروبي في التصميم وهو نظام مبالغ فيه .. الأمريكي مرن أكثر حتى الجسور فيها هزة من دوس السيارات.

بالنسبة للبرج الطيارات طايرة توها ومحملة وقود سريع الاشتعال ومع الإصطدام القوي وقاوموها البرجين فترة .. بس ذوبان الحديد سبب هبوط دور على دور وصار الانهيار .. لو حريق عادي ما بينهار وبيتم اطفاؤه بسرعة

[معماري قطري]

ما انتبهت بردك رقم اثنين انك عدلت المعلومه
بس والله الحريجه صج تخوف وايد
دوم افكر يعني يمكن اي شخص يكون ساكن بشقه
و ماخذ احتياطاته من كل النواحي لكن اييي غيره بنفس العماره و يهمل اي شغله تتسبب بكارثه
و بالنهايه قضاء و قدر بس مثل هالفكره ترعب الانسان اشوف ان اللي يسكن بالشقق هذا ما يرتاح لا بالخصوصية و لا ع مستوى الامان الله يحفظ اليمييع

عادي الله يحفظج انا اللي لخبطني الستي سنتر ونسيت إن في كل مدينة هذا الاسم

[معماري قطري]

أتوقع فيه خسائر كبيرة في الأرواح والممتلكات

المفروض الدفاع المدني يتأكدون من استعدادات أبراجنا لمقاومة الحريق ومخارج الطواريء .. برج التخطيط دخلته ومخرج الطواريء حاطين جدامه عراقيل وبارتشنات ما يبين بسببها .. بعض الأبراج دخولها والخروج منها للعامة بدون حريق مأساة فكيف وقت الحريق .. بسنا خرابيط

[العفراء]

هلا اخويه
تصدق انا ما ادل وين هالستي بالشارجة
ما نطبها خير شر بسبة الزحمه و كنت اتحرى الحريجه شابه صوب صحاري مول

[<اضرب واشرد>]

https://twitter.com/atalla3/status/649986837163966464

^بوعبدالله شرايك في كلامه

[العفراء]

شو هالمادة الكلادينغ ؟

[<اضرب واشرد>]

شو هالمادة الكلادينغ ؟

معدن لواجهة المبنى .. شوفي الردود ع التغريدة

[العفراء]

هيه قريت الردود بصراحة شي يخوف يعني هالمعدن مب مطابق لمعايير السلامه فكيف يسمحون باستخدامه للبناء

شي يخووف والله

[معماري قطري]

https://twitter.com/atalla3/status/649986837163966464

^بوعبدالله شرايك في كلامه

إيه والله واضح يا اخوي النار تسري في البرج من الخارج .. لو نوعية التغليف الخارجي ( الكلادنغ ) جيدة ومقاومة للنار ما تنقل النار بهذا الشكل السريع .. هذي المواد بجانب مواصفاتها الفنية يجب فحص عينات منها في المختبرات الوطنية.

تذكرون برج النصر يوم احترق .. قالوا قصص وايد منها إن المالك اختار نوعية تغليف زجاجي خارجي رخيصة ومن الشمس اشتعل العازل تحتها وهذا كان رأي الاستشاري .. وأي استشاري ذمته نظيفة يعارض حتى المالك ما ياخذ توقيعه ويعتبره حجة عليه .. لو المكتب مكتبي كنت بانسحب من المشروع وباقدم تقرير للدفاع المدني .. في النهاية ما ادري شصار.

مشكور اخوي اضرب واشرد ما شاء الله عليك مطلع.

النوعيات الجيدة والمقاومة للحريق مناسبة ووزنها خفيف وسعرها معقول وسهلة التركيب .. برج بهذا الطول نسويه بالحجر شغلة صعبة ومكلفة وايد ولو انفكت قطعة حجر تكون كارثة .. الأبراج لازم تكون فيها شوية مرونة وتتحرك شوي من جنب لجنب وكل ما زاد الطول زاد تأرجح القمة لدرجة بعض الأوقات يصيد البعض دوار مزعج .. يعني يتحرك متر وحولها.

[معماري قطري]

هيه قريت الردود بصراحة شي يخوف يعني هالمعدن مب مطابق لمعايير السلامه فكيف يسمحون باستخدامه للبناء

شي يخووف والله

المعدن مطابق اختي بس المشكلة الحشوات اللي داخل .. وبعضها عالي الجودة يجيج كله مطابق وكنت اتمنى يسمحون به للبيوت عندنا

[معماري قطري]

حصلت هذا المقطع يوضح كيف للتكسية الخارجية دخل في الحريق


https://www.youtube.com/watch?v=6E1aZrBn_kk

[بصمة قطرية]

لا حول و لا قوة الا بالله ..

[العفراء]

اشكركم معماري و اضرب و اشرد و المبرمج صلاح
ع
النقاش المثمر

باجر بشوف الفيديو لان الحين بنااام
تصبحون على خير

[معماري قطري]

في قطر حصل عندنا سقوط لبعض القطع الزجاجية من الأبراج وهذي مشكلة ثانية

لازم تكون ثابتة ما يطيحها الهواء ولو انكسرت تتناثر مثل القطع الصغيرة وهذا للزلازل

[معماري قطري]

اشكركم معماري و اضرب و اشرد و المبرمج صلاح
ع
النقاش المثمر

باجر بشوف الفيديو لان الحين بنااام
تصبحون على خير

وانتي من أهل الخير