بو بثن محتل الحجره

[العفراء]

عندي مشكله ان شي بو بثن عود يزيييغ يدش الحجرة من فتحة المكيف
المكيف سبلت قالوا لي اجرب رش عازل للفتحات جربته احس خرب لي اليدار
المشكله هالبو بثن لين الحين كل مره ينتهز الفرص و يدش الحجره و يتم فوق وانا ما اقدر اتم بالحجره ان ريته على طول اربع للصاله و سبب لي ارق بالليل اخاف انام ايلس افكر انه بيدش الحجره و اتم اطالع المكيف و اقرا المعوذات
ابي شي عازل للفتحات الضيقه للمكيف لان هالرش ما فاد فشو تنصحوني

[مختلف جداََ]

شركة مكافحة حشرات و بتزين أمورج

[النهار]

احسن شي مادة السليكون
اشتري مسدس سيلكون واترسي الفتحات عدل مهب هذي اليزيع والا الجن الازرق يدش حتى الغبار مايدش
هههههههههههههههههه
بو بثن عود يزيييغ
بليز صورته لوسمحتي

[النهار]

هههههههههه
انا في البدايه قريتها بوتن قلت من سوريا جاء صوب بيتكم :eek5:

[مختلف جداََ]

يا جماعة لو صكرتوا الفتحات بيدش من الباب عااااااادي

[العفراء]

وين ينباع هالمسدس السيلكون اخوي مختلف
النهار بشوف لو لقيت بالجوجل صور له اما اني اصور اللي بالحجره والله اخاف يهجم علي

[مختلف جداََ]

مسدس السيليكون ينباع في محلات مراد البناء و أدوات السباكه

[النهار]

مسدس سليكون + سليكون
هاي المسدس مع السليكون ينباع في محلات البايب فيتر ومحلات النجاره حتى في الجمعيات موجدو

https://www.youtube.com/watch?v=67NDTkiGj1A

[العفراء]

94818

ها من الويب عاد الضيف اللي عندنا تقول تمساح ضخم

اليوم بمر كارفور ان شاء الله القى هناك هالمسدس

[qatarman8008]

انصحج اختي تروحين محل سباكة وتحلين فني مختص يسوي هالسليكون حق كل الفتحات..
غير السيليكون والافضل من السيليكون هو الفوم..

[العفراء]

ان شاء الله اخويه بنجرب الفوم بس كحل مؤقت هل ينفع استخدم السيلكون لان سالفه ان ايييب فني من المحل هذي يبالها وقت لين حد بالبيت يفضى و يجابل و يعابل

[النهار]

السليكون مايبي له فني كل العمليه بالكثير تكلفج 30 درهم تسوينها بروحج او حد عندكم في البيت ريال يتولى الموضوع
مسدس سليكون + الانوب الي يركب في المسدس

[العفراء]

المشكله ان بهالفتره ما عندنا حد يقدر يتابع و اييب فني لكن ان شاء الله انه السيللكون بيكون سهل الاستعمال و معاي اختي و الشغاله و الاتحاد قوه :victory: المهم التمساح ما نشوفه مره ثانيه

[jwar]

في شي احسن من السيلكون بوايد

شي اسمه فووم

مثل الرغوه لونها بني على اصفر

ترشينها في الفتحات ( او دور مادور المكيف ) من برع وهو سائل رغوي ينتفخ ويسكر المكان مضبوظ

بدون ريحه مثل السيلكون واضمن بالف مره

[العفراء]

هلا اخويه يزاك الله خير وين يبيعونه الفوم هذا
انا خذت السيلكون لقيته بمحل مواد البناء بس ما سلت عن الفوم تحريت يحتاي للفني يسويه بالحجره

[jwar]

هلا اخويه يزاك الله خير وين يبيعونه الفوم هذا
انا خذت السيلكون لقيته بمحل مواد البناء بس ما سلت عن الفوم تحريت يحتاي للفني يسويه بالحجره
في نفس المحل اللي خذتي منه السيلكون
قولي له ابي رغوه او فووم

[العفراء]

تسلم اخوي ما قصرت الله يحفظك بنشوف خلال هاليومين الفوم

[مختلف جداََ]

بشري ؟

عسى صدتوه أسود الويه :anger1:

[العفراء]

هلا مختلف
انا دشيت باليوتيوب و كتبت كيف تقضي على الوزغ
و لقيت واحد مصري حاط فيديو و يقول ان الوزغ بالاصل من الحشرات
و ان البف باف بيقضي عليه و حتى شرح كيف نسوي الكمين قال نطفي الليتات و نشغل الابجورة و نترياه اييي صوب نور الابجوره لانه يتغذا ع الحشرات و ساعتها نرشه بالفليت و بيموت مكانه بس اظنه غلطان باستنتاجه لكن لو تفكر فيها يمكن البف باف يعمي عيونه
لانه لو تلاحظ البوبثن ما عنده جفن فيمكن لو نرشه بفليت يمكن الرش يعمي عيونه بس انا ما عندي استعداد اخاطر و اصلا لمن حطيت السيلكون ع حواف المكيف ما ريناه و عسى العين ما تشوفه

[مختلف جداََ]

عندي شعور الليلة بيطلع لج بوبثن وردي :tease:

[بصمة قطرية]

أحييج على قوة قلبج بصراحة ..
تنامين في الغرفة عادي ..!!!
والله لو شنو مستحيييل أدخل الغرفة
سليكون .. فوم .. جبس .. اللي هو
حتى لو استلزم الامر اشيل المكيف و اسد كل الفتحات ..
انا طلع لي زهيوي يومين ما دخلت الغرفة
لين حصلوه الخدامات
تقول لي بريعصي و عادي تنام ..
طيري زين خخخخخخخخ
انتي مستحيل تكونين تخافين منه ..

[حسن]

بوبثن اخرتها طلع بريعصي

:(

انا قريت العنوان فكرت شي مثل بابا ناويل ولا شي
مكبره السالفه وهي طويله

سديه بعلك وخلاص احسن من السيلكون والفوم اقعدي انتي واختك والخدامه وتعلجو وكل شوي ناولي الخدامه
تسد الخبق

وانتهت السالفه
كارتون علوج من اقرب بقاله

:)

[العفراء]

مختلف انا هالايام مطمنه وااايد بس انت لا تيلس تذكرنا بالبوبثن


بصمة انا والله اموووت من الخوف من البوبثن و المشكله لما اتفاجأ و اشوفه اطب جذي و اركض و المشكله هو بعد يشرد ما ادري ليش


حسن اشحالك الشيخ و شحال البحر اوياك ،،،،، نبا نغر ما عليك امر ترى ويا العيش يطلع شي عجيب
اقولك شي حركه تعلمتها من الانترنت قالوا بتطرد البوبثن من محيط البيت اللي هي انك تفر قشر البيض ع السطوح لان البوبثن يتحرى ان القشر بيكون للحية و طلع البوبثن يموووت من الخوف من الحيه المهم انا شريت بيض و زقرت الشغاله و تمينا نفر البيض فوق سطح غرفتي و قلت بفتك لكن صبحت الصبح اسمع صوت غربان و يوم ظهرت الا بيتنا محتلينه الغربان و اتحرطموا عليه بالبيت قلت من يومها ما شي الا نحط المشكله هاي بالمنتدى و نستفيد من تجارب الاعضاء