توحيد المناهج التربويه في دول الخليج للحد من التطرف

[العفراء]

اليوم قريت خبر استغربت منه
و طبعا ياني الخبر من خدمه اخباريه بتويتر

مضمون الخبر يقول ان دول الخليج قررت
توحد المناهج التربويه و الغرض هو الحد من التطرف و الارهاب في عقول الاجيال القادمه

عنبوا لهالدرجة وصلت ان مناهجنا كانت تشجعنا ع الارهاب و التطرف ؟

[Dana’1]

مناهجنا بالسعوديه حيث درست كل المراحل مافيها أي تطرف طبعا اقصد على وقتي،،
مع العلم إن كانت المواد الدينيه كل ماده بكتاب القرآن الكريم طبعا وفقه تفسير حديث توحيد مو بكتاب واحد يعني كانت مفصله ودقيقه و مافيها تطرف
الحين غيروها عاد ما اعرف عنها بس ما اتوقع فيها تطرف

بس بعض اتباع المذاهب عندنا ماكان يعجبهم بعض الامور ويشوفنها عنصريه!

أظن لو ركزوا على المعلمين والمعلمات يكون أفضل
للأسف كان التطرف من بعض المعلمات في نقلهم للمعلومه ونظرتهم للبنات الي من مذاهب ثانيه
والسبب إن المعلمه تجي من منطقه مافيها إلا مذهب واحد وفكر واحد
ويجون لمدن ومناطق فيها تعدديه بين ابناء السنه نفسهم وأيضا مع اتباع المذاهب الاخرى


والي هم كمعلمين مايتقبلونهم ولا يبغون الا فكرهم وعاداتهم وبس!

[بانغ بانغ]

سبحان الله توحيد المناهج عشان الحد من التطرف والعالم تآمر علينا

المفروض نتحد عسكريا واقتصاديا وسياسيا مب مناهجيا

[العفراء]

صبااح الخيير ديور و بانغ بانغ

يمكن انها ضغوطات خارجيه بجانب اصوات داخليه من قبل تنادي بهالتغيير و انتهزت الفرصه الحاليه لاوضاعنا مع اتهام منطقتنا بتصدير الارهاب مع ان والله ما نصدر غير الرطب على ما اظن

[Dana’1]

بصراحه ابغاهم يوحدون الاجازه^_^
عشان يعرفون الارهاب على اصوله !

[العفراء]

اظن الاجازات بكل الخليج حاليا الجمعه و السبت و الا قصدج المناسبات الثانيه
هيه صح الخميس الياي اجازة راس السنه الهجرية بالامارات اظن حتى بدول الخليج

[Dana’1]

^^
ماعندنا اجازه راس السنه الهجريه مع إن بالسعوديه يستخدمون الهجري^_!

كنت اقصد إجازات عطلة الربيع والصيف والمناسبات وكلو

[راعي الكورفت]

سبب توحيد المناهج هو ظهور الجماعات الارهابيه كداعش وغيرها.
ودول المنطقه تريد الحد من الفكر المتطرف والتكفيري للاجيال القادمه.


المشكله ليست بالمناهج بل بالمشايخ الذين يقومون بغسل ادمغة الشباب.



تقبلوا تحياتي

[ضوى]

الله يالدنيا صارت مناهجنا متطرفة

اخبر من زمان كانت مناهج الخليج موحدة شصار الحين ؟

[مشاكل]

اتمنى توطين وظايف المدرسين والمدرسات

[الحاقول]

المشكله ليس في المنهج المشكله في مدرس المنهج

[مختلف جداََ]

المناهج براء من التطرف

بس يمكن تكون المناهج ضعيفة من ناحية تحصين النشىء من غسيل الأدمغة .

المناهج ليست سبباً في التطرف ، بل قد تكون سببا في عدم محاربة التطرف لضعفها .

[بوخميس]

المتطرفين مع داعش والقاعدة وغيرها من دول مافيها مناهج شرعية اصلا أو دول كافرة.

هذيلة من وين جاهم التطرف؟؟ يعني اللي جاي من اوروبا وامريكا وتونس وغيرها من الدول العلمانية. هذيلا تطرفوا بسبب مناهجهم الدراسية؟؟

التطرف من الجماعات والاحزاب اللي جات بلداننا وعندها افكار خارجية ومعتزلية وتكفيرية.

بلادنا (قطر) والسعودية من زمان ومذهبها الفقهي حنبلي والعقدي سلفي، وجدد الدعوة فيها الامام محمد بن عبدالوهاب.

ومرت علينا سنوات والاجانب هم اللي يحكمون المنطقة سواء بمعاهدات حماية او غيرها، وما شفنا تطرف او قتل للاجانب او دعوة لاقامة الخلافة.

هذي الدعوات طلعت من الاحزاب الدينية اللي طلعت من السجون المصرية خاصة.

[حسن]

موضع يستحق المتابعه

اشوفه من امس والموضوع ميت الحين باحاول اسويله اب ديت
بس صبرو شوي