فتاة غائبة

[العفراء]

اظن وايد منكم شافوا فيلم Gone Girl او فتاة غائبة

القصة تقول ان احد الاشخاص رجع البيت و ما لقى زوجته وشاف بالبيت مثل آثار تكسير و آلة حادة وفيها دم
فقام وبلغ الشرطة اللي بدت اتحقق بالموضوع و استنتجت من خلال الآثار بمسرح الجريمة ( اللي هو البيت ) انه الزوجة راحت كضحية لجريمة قتل

و الغريب ان كل آثار الجريمة و الأدلة و مع الاختفاء الغامض لجثة الزوجة .. كليات هالامور كانت تدل بشكل قاطع ان الزوج هو القاتل

و بناء على ذلك .. الشرطة بهدلت الريال ........ تحقيقات و مضايقات و توقيف و خروج بالكفاله و ملاحقة من الصحفيين والاعلاميين و المحاكم و مكاتب المحاماة و الخ ,,


المهم بنهاية الفيلم الزوجة تطلع حيه ترزق :omen2::omen2:
و اتضح انها .. هي اللي رتبت لكل هالاشياء والجريمة الوهمية ...
و يوم زوجها قالها ليش جي سويتي قالت له لانك دوم تطفر فيني :(
( و طلعت جاكتنه يغازل من وراها بعد)

فانا اتمنى من الرياييل ما يطفرون بحريمهم علشان المكر ما يوصل لهالمراحل و سلمتوا :shy:

[المخفي]

تراه فلم مب صج

[العفراء]

يا ريته كان صج المخفي :cool:

[الصغيره]

مدري احس الموضوع ماله داعي ....وجهة نظر

[معماري قطري]

يحليلكم يالجنس اللطيف تندمجون مع فلم ولا مسلسل وتبنقحون وتاكلون أظافركم وتصدقون تعيشون الحدث

إحنا نندمج مع الكورة

[حبر وقرطاس]

ههههه لا يجي حد يقول كيدهن عظيم ..ترى بالمقابل للرجال كيد اخس هههه والدليل سوره يوسف عليه السلام واخوانه اللي كادوا له وكذبوا على ابوهم ...هااا وصلت ؟
لازم نعرف خلفيه المجتمع الي انتج الفيلم .المسيحيين ماعندهم تعدد واذا الواحد تزوج ممكن يطلق مافي مشكله بس الاملاك ففتي ففتي بالضبط والظاهر زوجته كدت واتعبت وجمعت فلوس فلو طلبت الانفصال زوجها بياخذ نص الاملاك وهو خاين وهي قلبها محروق منه فحبت تنتقم منه . كان راحت خانته بدال وجع الراس هههههه

[white bird]

ههههههههههههههههههههههههههههههههههه

للأسف ماشفته

يعطيج العافية يالعفراء ^-^

[نفسي عزيزه]

تراكم ماعرفتو مكر الرجال عدل ههههههه قصص عبر التاريخ

انشغلو بنفسكم وبطاعة الرحمن وعبادته وتربية ابنائكم

وخلو عنكم مكر الرجال لان شديد ماتتحمله انفسكم وارواحكم الرقيقه

وصباحكم قشطه

[العفراء]

وجهة نظرج يالصغيره على عيني و راسي بس انا اقصد بالموضوع سالفة التقصير او الظلم و الاجحاف و الخ و قلت بننزل الموضوع بقالب كوميدي و بطريقه غير مباشره نوصل الاف الرسايل من مغزى الموضوع

[العفراء]

صباح الخير اخويه المعماري ترى صج صج ما ادري الشو تحبون بالكوره انا بس اتابع كاس الخليج مع الاهل و اذكر مره غلبونا السعوديه ولد اخوي صغيرون قال اكيد بيغلبونه عندهم الشيخ السديس و الشيخ الشريم يدعون لهم احنا منو يدعي لنا هههه

[العفراء]

ههههه حبر و قرطاس ترى الزوجه بالنهاية رجعت لزوجها يعني ما بغت تطلق منه بس عطته قرصة اذن علشان ايوز و يجابلها و يهتم فيها

[العفراء]

وايت بيرد عيل انصحج تشوفين هالفيلم بيعزز ثقافة المكر عندج هههه لالا اتغشمر بس عيبتني القصه احس فيها انتصار للمرأة في النهاية

[العفراء]

صباحك خير و بركه نفسي عزيزه
الله لا يشغلنا عن طاعته اخويه و بالنسبة لمكر الرجال ما اظن يوصل لمكر النسا
الله يديم عليك السعادة

[نفسي عزيزه]

شكلج صغيره بعدج ماعرفتي مكر الرجال

تثقفي بهالامور افضل لج عشان ماتنصدمين لما تكبرين ههههه

الله يسعدج ويبعد عنج مكر الرجال

[النهار]

هاي شنوووووووو فلم هندي يالعفراء هههههههههههههههههه

[العفراء]

امين امين يا نفسي عزيزه الله يحفظنا واياك من كل شر

[العفراء]

لا يالنهار هذا فيلم اجنبي بطولة بن افليك و الممثلة فازت بجوائز عالميه عن دورها بالفيلم ظنتي فازت بالاوسكار لان دورها كان خطير باحداث الفيلم

[بونووف]

حرقتي علي الفلم :anger1:

[غير البشر]

ان كيدكم عظيم :anger1:

بس وووين الشرطه ماتهموها ببلاغ كاذب هااا :waiting:

لازم نتهم العفراء بمحرضه البنات

[<اضرب واشرد>]

كان راحت خانته بدال وجع الراس

أخوي هالعبارة غير مناسبة تذكرها في منتدى أو حتى عند ربعك المسلمين.

[العفراء]

بو نووف عادي شوف الفيلم ترى من بداية الفيلم بيوضحون ان السالفه كانت خطه من الحرمه لكن في وايد احداث بتستوي خطيره

[العفراء]

غير البشر اترى هي لما رجعت لزوجها و برئته سوت خطه بديله على اساس ما تورط عمرها