مساعده في الطلب من النت

[mrym]

السلام عليكم ورحمه الله وبركاته
يسعد صباحكم بكل خير
اخواني واخواتي بغيت مساعدتكم انا ابي اطلب من النت وهاذي اول مره فاللي له خبره في مجال الطلب من النت ويقدر يساعدني ربي يجزاه كل خير وماعندي مشكله اذا ادلوني على شخص يطلب بعموله وربي يعطيكم العافيه

[فــهــ قطر ــد]

وعليكم السلام ورحمة الله وبركاته

الموضوع جدا سهل .. اول شي سجلي في موقع shope and ship هالموقع تبع ارامكس بيعطونج عنوان في امريكا
http://www.arabybuy.com/signupforshopshipp/

وعقب سوي لج حساب في amazon وحطي عنوانج تبع ارامكس واطلبي الي تبينه ..

[ya3coub]

اختي شنو تبين تشترين حطي الرابط اهني

ارامكس شركة طيبة و غالية و نصابة في بعض المرات حيث ان سعر الشحن يجي اكثر من قيمة الي بتشترينه.


حطي رابط الأشياء الي تبين تشترينها و امكانية التحدث للشركة او البائع بالإيميلات لشحن مباشر إلى الدوحة.

و اذا من ناحية الدفع بإمكانك استخدام بطاقه الـــPay & Go من مصرف الريان اذا ما عندج فيزا.

تطلع علطول و الحلو فيها تعبينها و تستخدمينها عالنت و ايضا تقدرين تسحبين منها باستخدام مكائن بنك الريان.



بالنسبة للطلب اسهل منه مافي كله يعتمد على الشيء الي تبين تطلبنه. اذا تحطينه ان شاء الله بنقدر نساعدج اكثر و احسن بدون عموله :tease:

[mrym]

جزاكم الله كل خير على المعلومات والمساعده وكل الشكر لاخواني اللي طرشولي على الخاص والسموحه منكم ماقدرت ارد عليكم لقله مشاركتي

[ya3coub]

عادي اختي كلنا هنا للمساعه و التعلم و نشر المعرفة

ان شاء الله طلبتي و اغراضج بتوصل.


ترا اذا من الصين في تأخير قريبا الأسبوع بسبب العطلة الوطنية عندهم تخلص بكرة

[mr_unknowns]

سؤال عن نفس الموضوع

انا استخدم ارامكس للشحنات الصغيرة

بس للشحنات الكبيره يطلع سعرها وايد واحيانا ماتسوه السالفه

شنو اسستخدم للشحنات الكبيره للي عنده خبره عن هالموضوع؟؟

انا سمعت عن myus بس شحنهم اغله من ارامكس وجربت بوردر لينك وتحسفت في السعر.. شنو بعد في اشياء ثانيه؟؟؟؟

[ya3coub]

سؤال عن نفس الموضوع

انا استخدم ارامكس للشحنات الصغيرة

بس للشحنات الكبيره يطلع سعرها وايد واحيانا ماتسوه السالفه

شنو اسستخدم للشحنات الكبيره للي عنده خبره عن هالموضوع؟؟

انا سمعت عن myus بس شحنهم اغله من ارامكس وجربت بوردر لينك وتحسفت في السعر.. شنو بعد في اشياء ثانيه؟؟؟؟

أحسن شي التواصل مع البائع بأنه يرسلهم دايركت للدوحة ارخص بكثير


بعضهم مستعد و الكثير ما يحبذون الفكرة خصوصا مع الأشياء الثقيلة انه يروح و يشوفلك بكم و يرجع مشوار بالنسبة للبعض


بس اذا تدفع الفلوس تبينله جديتك الكثير منهم يلين و يروافق خصوصا انك بترسله سعر الشحن مقدم

[mr_unknowns]

أحسن شي التواصل مع البائع بأنه يرسلهم دايركت للدوحة ارخص بكثير


بعضهم مستعد و الكثير ما يحبذون الفكرة خصوصا مع الأشياء الثقيلة انه يروح و يشوفلك بكم و يرجع مشوار بالنسبة للبعض


بس اذا تدفع الفلوس تبينله جديتك الكثير منهم يلين و يروافق خصوصا انك بترسله سعر الشحن مقدم

المشكله اذا بتستخدم مواقع تسوق الكترونية ويقولون لك مانشحن برع هني تضطر تحسب التكلفه وتشوف البدائل

شكرا ع الرد

[للصبر اخر]

في موقع اسمه
يو بي اس
فيه خدمة جمع الشحنات
للامانه ماجربته