فن الإنارة الخارجية للفيلا

[بوخالد911]

مرحباً بكم
عندي بيت وحالياً ملبسه حجر سوري صدفي درجة أولى مع حجر مفجر بمناطق مختلفة وكذلك مركب حجر اكلاتيه / إجلاتيه
حبيت آخذ نصايحكم و خبرتكم بموضوع فن الإنارة الخارجية للفيلا.
هل عندكم أفكار / مقترحات / آراء
شخصياً أميل جداً الى الإنارة الخفيفة تحت الشباك
بمعنى ليتين تحت كل شباك والنور طالع لفوق بس
والمكان اللي مافيه شباك افكر أحط ليتات تنور وتضيء من فوق وتحت. بس الإنارة خفيفة.

هذا اللي ببالي
وانتظر ردودكم ومشاركاتكم الطيبة
:nice:

مع الشكر الجزيل

[معماري قطري]

والله يا بوخالد لو حاط صورة نتخيل الوضع أحسن

الإنارة من تحت لفوق خصوصاً على سطح الحجر تعطي شراحة وجمال .. ولو مسوي كرانيش على الدرايش والإنارة تجي مخفية وراها وخفيفة بس تحددها بعد تطلع حلوة

شوف فيه موضوع عن الحجر فيه صور بإنارة مخفية طالعة وايد حلوة .. الموضوع في هذي الصفحة باشوفه لك

[معماري قطري]

شوف مثال هنا وكان العضو ستون حاط صور كثيرة الظاهر مواضيعه نقلوها لسوق البناء والمقاولات

http://www.qatarshares.com/vb/showthread.php?608395-بغيت-اسماء-المحلات-اللي-تركب-حجر-اردني

[sweet qatar]

مرحبا بو خالد

مثل ما قال لك معماري محتاجين نشوف صورة للواجهة عشان نعطيك رأي يفيدك

بما إنك متكلف في الواجهة لازم تبرزها بالإضاءة

واسمح لي إذا بتحط ليتين تحت الشباك والإضاءة موجهة للشباك بيكون منظرها مب حلو

الأفضل تحط إضاءة مخفية تحت الشباك .. يبرز لك ستركشر الدريشة ويعطيها جمال و إضاءته خفيفة مثل ماتبيها

الإضاءة الموجهة للشباك بتكون مؤذية للي بيطل من الدريشة غير إنها تشف وتكشف ورا الستارة الخفيفة

إضاءة الكانز وايد حلوة لكن للأسف شفت بيوت كثيرة شينتها هالنوعية إما قياس الليت نفسه غلط أو إضاءته

علي كلامك الواجهة فيها أكثر من نوع وهذا بيسهل الاختيار

تبدا مثلاً من مناطق الحجر المفجر وتسلط عليها ضوء

عقب تشوف الأماكن المظلمة و تحط سكونسز

[بوخالد911]

والله يا بوخالد لو حاط صورة نتخيل الوضع أحسن

الإنارة من تحت لفوق خصوصاً على سطح الحجر تعطي شراحة وجمال .. ولو مسوي كرانيش على الدرايش والإنارة تجي مخفية وراها وخفيفة بس تحددها بعد تطلع حلوة

شوف فيه موضوع عن الحجر فيه صور بإنارة مخفية طالعة وايد حلوة .. الموضوع في هذي الصفحة باشوفه لك

[
مشQUOTE=معماري قطري;10218065]شوف مثال هنا وكان العضو ستون حاط صور كثيرة الظاهر مواضيعه نقلوها لسوق البناء والمقاولات

http://www.qatarshares.com/vb/showthread.php?608395-بغيت-اسماء-المحلات-اللي-تركب-حجر-اردني[/QUOTE]
مشكور جداً للمشاركة
ما تقصر

[$الملياردير$]

هلا اخوي بوخالد 911 الله يصبحك بالخير ... الملاحظ في تصاميم الحجر في الفلل من وجهت نظر فقيرة ان الناس تتعب في تكاليفه و بعدين تخرب المظهر العام له اما بالانارة او بزيادة النحت والديكورات للاسف بعظهم يفكرون كل مازادو شغل زين وهو تلاقيه يخلط نحت كلاسيك ع نباتي ع مودرن في نفس الواجهة .وراعي الحجر كلشي بحسابه ...كذلك للانارة دور مهم في ابراز العمل يعني دائما المفروض جسم الفيلا البودي الخارجي من و جهة نظري لاتخرج منه انارة لصعوبة الوصول في الصيانة و لانها سوف تقسم الفيلا لجزئين من خلال انعكاس الضوء الليلي ....يعني يكون امامك خيارين لايجتمعان اما تكون الاضاءة من الاسفل في ارضية الحوش توزع و تسلط على مواطن الجمال في التصميم لاخراجه بصورة جميلة مع التفضل للعلم ان الاضاءة الارضية المسلطة ع الفيلا تعطي ايحاء بطول المبنى و ارتفاعة ...اما الخيار الثاني تكون الاضاءة مسلطة من الاعلى للاسفل و هي سوف تعطي ايحاء بقصر المبنى ...فالجمع بينهم لما تخلط سوف يشوه المنظر ولن تكون هناك ملامح ....يمكن ان ترى بعض البيوت ليلا و كيف الاضاة الارضية تعطي ايحاء بجمال الفيلا .... وخاصة ع الاسوار و زوايا الفيلا ..... بخصوص وضع اطارات اناره او تيوب ع النوافد او الاعمده كالصورة المرفقة من وجهة نظري الشخصية بشعة ممكن تكون لمحل تجاري او صالون او الخ بس بالنسبة للبيت لا ينفع ....همسة اخيره اذا كان اللي ركب الحجر شركة عملت تصميم يقدر يسوي لك مقطع ليلي يغير فيه اماكن الاضاة لترى البعد الجمالي لكل وضع و مقطع من حيث الاضاءة و تقرر .... لك ودي و احترامي

معماري قطر الله يصبحك بالخير لك و حشة في انتظار تقيم الرد هههههه لاهنت .( تحت التدريب )

[بوخالد911]

مرحبا بو خالد

مثل ما قال لك معماري محتاجين نشوف صورة للواجهة عشان نعطيك رأي يفيدك

بما إنك متكلف في الواجهة لازم تبرزها بالإضاءة

واسمح لي إذا بتحط ليتين تحت الشباك والإضاءة موجهة للشباك بيكون منظرها مب حلو

الأفضل تحط إضاءة مخفية تحت الشباك .. يبرز لك ستركشر الدريشة ويعطيها جمال و إضاءته خفيفة مثل ماتبيها

الإضاءة الموجهة للشباك بتكون مؤذية للي بيطل من الدريشة غير إنها تشف وتكشف ورا الستارة الخفيفة

إضاءة الكانز وايد حلوة لكن للأسف شفت بيوت كثيرة شينتها هالنوعية إما قياس الليت نفسه غلط أو إضاءته

علي كلامك الواجهة فيها أكثر من نوع وهذا بيسهل الاختيار

تبدا مثلاً من مناطق الحجر المفجر وتسلط عليها ضوء

عقب تشوف الأماكن المظلمة و تحط سكونسز



هلا بك
فكرتك حلوة وهي اني أحط ليتات بداخل الديزاين مال الشباك
بس الحين ما ينفع هالكلام

لأن الفيلا انبنت واستوت
لو قبل البنيان كنت بعمل حسابي عدل

رحم الله والديك وما قصرت

[sweet qatar]

هلا بك
فكرتك حلوة وهي اني أحط ليتات بداخل الديزاين مال الشباك
بس الحين ما ينفع هالكلام

لأن الفيلا انبنت واستوت
لو قبل البنيان كنت بعمل حسابي عدل

رحم الله والديك وما قصرت

والدينا و والديك

ما قصدت الإضاءة الي تكون داخل التجويفات

أقصد الفكستشر الي ما تشوفها تحت الدريشة

علي العموم بحاول اوضح لك طريقة إبراز جمال الحجر بالصور



الملياردير

الإضاءة من فوق ما تقصر المبني ولا الي من تحت تطوله

مدي الإضاءة هو الي يعطيك الإيحاء هذا

و السكونسز في النص إذا وضعت في مكانها المناسب بتزيد جمال المبني

[شموخ دائم]

,

,



مرحبا

حياك الله

انا جاي اسلم على الجميع

واشكر الردود الطيبه واشيد بالفكر والحس الفني بهذا القسم واعضاءه الكرام
افكار رائعه جدا وكل فكره ولها جمالها ولها الشكل العام الجمالي

كل الافكار الي انطرحت مميزه وجميله لو تم تنفيذها وحسب شكل الفيلا

اميل اكثر الى الاضاءه الي من الخارج ومن اسفل الى بالحوش

اتفق اكثر مع ($الملياردير$ ) شرحه كان ممتاز باظهار الشكل الجمالي وايضا ذكر عيوب المحتمله لكل طريقه

وما شاء الله اصبح لدينا خبرات كثيره من الاخوان والاخوات بهذا القسم

نستمتع بتعليقاتهم وتجاربهم

بحط صور تقرب الافكار الي انطرحت

http://farm3.static.flickr.com/2285/2074614974_c693c9ddc9_z.jpg
اضاءه حائط بارزه من اعلى الى الاسفل

http://www.maxforums.net/attachment.php?attachmentid=58883
اضاءه وسط الفيلا والاناره اعلى واسفل

http://www.mexatk.com/wp-content/uploads/2015/04/%D8%A7%D8%AD%D8%AF%D8%AB-%D8%B5%D9%88%D8%B1-%D8%AA%D8%B5%D8%A7%D9%85%D9%8A%D9%85-%D9%81%D9%84%D9%84-3.jpg

اضاءه من الحوش مسلطه على الفيلا تبرزها كامله ( الاجمل من وجهه نظري )

http://arab-arch.com/uploads/posts/2013-09/1379520421_19f9cefdfb07230a68581d617885a3af_l.jpg
اضاءه من الكورنيش الاعلى ومن الاسفل فقيره نوعا ما

http://outdoorlightingdistributors.com/wp-content/uploads/2015/02/fold02.jpg

اخيرا
درجه اللون جدا مهمه اعتقد افضلها ( اللون ) الاصفر افضل من الابيض على الاضاءه الخارجيه




,

,

[$الملياردير$]

شكرًا اخوي شموخ دائم ... كنت و لازالت أتعلم منكم كإخوان لنا ... شهاده اعتز فيها

[معماري قطري]

انا شهادتي اعطيها اخوي شموخ دائم هو يوضح بالكامل وبالتفاصيل

إضافتي ممكن تكون نصيحة بسيطة أي تخطيط للإنارة لازم يكون مسبق ومن البداية والكهرباء لنوعية الإنارة محسوبة صح .. للخارج نهتم لنوعيات اللي ضد المطر والتثبيت يكون صح .. الشيء المهم أكثر هو نخلي عدة نوعيات كتغيير ولكل نوع تحكم منفصل بحيث نقدر نغير شدة الإضاءَة وتصميم الاضاءَة بلمسة زر.

[sweet qatar]

^
ماشالله كلن حصل شهادة وأنا لي الله :o



بالنسبة للاضاءة من أسفل للحجر.. إذا تبي البيت كله ينور بشكل جميل بتحط كشافات

شفتها في بيت قرايبي .. شكلها جميل لكن وجودها قلل من درجة الأمان

مع إن الحديقة ماشالله كبيرة .. إلا اني ما قدرت اخلي ولد اختي يركض براحته

ممكن لا سمح الله يتأذي حتي لو طيحته خفيفة

من جهة ثانية الإضاءة ماخذه مساحة و حرارتها عاليه ومادري عن LED ما قد شفت منها بهالحجم

يعني إذا البيت فيه يهال يفضل تشوف لك بديل يا بوخالد

[معماري قطري]

^
ماشالله كلن حصل شهادة وأنا لي الله :o



بالنسبة للاضاءة من أسفل للحجر.. إذا تبي البيت كله ينور بشكل جميل بتحط كشافات

شفتها في بيت قرايبي .. شكلها جميل لكن وجودها قلل من درجة الأمان

مع إن الحديقة ماشالله كبيرة .. إلا اني ما قدرت اخلي ولد اختي يركض براحته

ممكن لا سمح الله يتأذي حتي لو طيحته خفيفة

من جهة ثانية الإضاءة ماخذه مساحة و حرارتها عاليه ومادري عن LED ما قد شفت منها بهالحجم

يعني إذا البيت فيه يهال يفضل تشوف لك بديل يا بوخالد

انتي ما شاء الله عليج تستحقين كل الشهادات اللي تقدمت بس بشرط .. شهادة الحضور مهمة .. إنتي ضيفة تبينين أيام وتغيبين .. شموخ دائم حضوره دائم.

تذكرت بعد شيء مهم لو ممكن الواحد يضيفه .. الإضاءة اللي على الطاقة الشمسية واللي تجي خفيفة .. هذي تبقى شغالة طول الليل وتعطي الحوش نور حلو وهاديء.

بالنسبة للال اي دي اليوم شفت البلاستيك اللي مثل الواير وفيه ليتات صغار زرق .. لمستهم بيدي باردين .. بس أكيد ما نخليهم قريبين من اليهال ممكن يقصون الواير بشيء ويمسكهم شوط .. حتى للغرف ممكن هذا ينور مكان المشي ويكون حتى على السجاد في طرف الغرفة وشغال طول الليل.

[بوNasser]

انتي ما شاء الله عليج تستحقين كل الشهادات اللي تقدمت بس بشرط .. شهادة الحضور مهمة .. إنتي ضيفة تبينين أيام وتغيبين .. شموخ دائم حضوره دائم.

تذكرت بعد شيء مهم لو ممكن الواحد يضيفه .. الإضاءة اللي على الطاقة الشمسية واللي تجي خفيفة .. هذي تبقى شغالة طول الليل وتعطي الحوش نور حلو وهاديء.

بالنسبة للال اي دي اليوم شفت البلاستيك اللي مثل الواير وفيه ليتات صغار زرق .. لمستهم بيدي باردين .. بس أكيد ما نخليهم قريبين من اليهال ممكن يقصون الواير بشيء ويمسكهم شوط .. حتى للغرف ممكن هذا ينور مكان المشي ويكون حتى على السجاد في طرف الغرفة وشغال طول الليل.

دام انك توزع الشهادات، نجرب يمكن نحصل شي ... حتى لو رقم الجلوس لحضور الامتحان!!

مجرد اضافة ( ولو اني شبه متأكد انك تعرفها ) شريط ال ال اي دي البلاستيك LED STRIP Lights في منه كهربا منخفضة يعني يشتغل بمحول 12 او 24 فولت وهذا آمن بس عيبه انه ما يغطي مساحات كبيرة، يعني الشريط يغطي بين ال 5 الى 10 متر قبل الحاجة لمحول اضافي. وفي الغالب للإنارة الداخلية مثل ما تفضلت، بس فيه منه انواع ضد الماء وتتحمل الطقس الخارجي.

https://d114hh0cykhyb0.cloudfront.net/timthumb.php?h=300&src=https://d114hh0cykhyb0.cloudfront.net/images/uploads/waterproof-natural-white-led-flexible-light-strip-silicone-encased.jpg&w=500&zc=2

وفيه انواع تشتغل على الكهربا العادية بدون محول، وهذي ودك ما يقربونها اليهال لأنها في الاخير كهربا. لكن ميزتها انك تقدر تمد حوالي 50 متر في وصلة واحدة.

http://cdn.birddogdistributing.com/images/P/120v-led-strip-light-148ft-spool-colors.jpg

وأكيد شفت بعض الفلل عندنا في قطر مستخدمين اضاءة اللد ((بتوازن معقول)) في بعض توزيعات الانارة الخارجية وطالعة مميزة بعض الشيء.

تحياتي للجميع.

[بوخالد911]

الف شكر للكل
ومنكم نستفيد

[معماري قطري]

دام انك توزع الشهادات، نجرب يمكن نحصل شي ... حتى لو رقم الجلوس لحضور الامتحان!!

مجرد اضافة ( ولو اني شبه متأكد انك تعرفها ) شريط ال ال اي دي البلاستيك LED STRIP Lights في منه كهربا منخفضة يعني يشتغل بمحول 12 او 24 فولت وهذا آمن بس عيبه انه ما يغطي مساحات كبيرة، يعني الشريط يغطي بين ال 5 الى 10 متر قبل الحاجة لمحول اضافي. وفي الغالب للإنارة الداخلية مثل ما تفضلت، بس فيه منه انواع ضد الماء وتتحمل الطقس الخارجي.

https://d114hh0cykhyb0.cloudfront.net/timthumb.php?h=300&src=https://d114hh0cykhyb0.cloudfront.net/images/uploads/waterproof-natural-white-led-flexible-light-strip-silicone-encased.jpg&w=500&zc=2

وفيه انواع تشتغل على الكهربا العادية بدون محول، وهذي ودك ما يقربونها اليهال لأنها في الاخير كهربا. لكن ميزتها انك تقدر تمد حوالي 50 متر في وصلة واحدة.

http://cdn.birddogdistributing.com/images/P/120v-led-strip-light-148ft-spool-colors.jpg

وأكيد شفت بعض الفلل عندنا في قطر مستخدمين اضاءة اللد ((بتوازن معقول)) في بعض توزيعات الانارة الخارجية وطالعة مميزة بعض الشيء.

تحياتي للجميع.

عاد يا بو ناصر الشهادات هنا اشادات بالأفكار والمشاركات الطيبة وبالشرح الوافي من كثير من الأعضاء اللي إنت أكيد منهم ووضحت بالصور وبالشرح وما قصرت .. وانت وكبار من هم في هذا المنتدى توزعون شهادات وتستاهلون اشادات منا احنا صغار الأعضاء.

الكهرب والماء لازم نكون حذرين معاهم ومع الصغار ونفس الوضع مع كبار السن والباقيين من الحوادث العرضية.

الأرضيات لازم ما تزلق وتسبب سقوط .. الحواف والزوايا لازم تكون لافة أو مشطوفة حتى ما تكسر ولا تنكسر.

الحمامات لكبار السن لازم فيها حديد للتمسك به وقت الجلوس والوقوف .. والفرشات الخاصة ضرورية وللأطفال ضروري المغسلة تكون نازلة شوي.

[sweet qatar]

انتي ما شاء الله عليج تستحقين كل الشهادات اللي تقدمت بس بشرط .. شهادة الحضور مهمة .. إنتي ضيفة تبينين أيام وتغيبين .. شموخ دائم حضوره دائم.



رحم الله والديك أستاذ معماري الحق ينقال لولا تشجيعك و تقبلك لملاحظاتي ما تجرأت أنصح أو أحاول اصحح بعض المفاهيم الغلط شي من دراسة و شي من خبرة

يستاهلون أخواني شموخ دائم .. و الملياردير .. وكل من يساهم برأي أو معلومة مفيدة

الله يحفظكم ويكثر من أمثالكم


بخصوص إضاءة الطاقة الشمسية أعتقد إنها مكلفة بس تستاهل لازم نغير بيوتنا للبيوت الخضراء ..

نرجع لبيت بو خالد .. أعتقد الشريط led مابيكون حلو مع الحجر
الشريط يتصنف مودرن
والحجر كلاسيك


من المباني الجميلة في الدوحة والي محليتها الإضاءة .. فندق ويندام جراند ريجنسي

http://media-cdn.tripadvisor.com/media/photo-s/05/7e/ee/8e/wyndham-grand-regency.jpg

بو خالد لو تحط الإضاءة جنب الدريشة مثل الصورة بيكون أجمل
و بيبرز لك الحجر

و أرجع وأكرر أهم شي اختيار الحجم المناسب

[العفراء]

السلاام عليكم
والله انا ما عندي شي بس احب اقرا المشاركات و الردود و الاراء المختلفه علشان اتثقف و استفيد
و عيبتني الافكار بصراحه
و عساها بيوتكم عامره بالايمان يااااا ربي

[معماري قطري]

مشكورين على التفاعل والصور الجميلة

بالنسبة لفندق ويندام إضاءته عشوائية نقاط موزعة كتحصيل حاصل .. ميزتها إنها مخفية بس .. لو مخططة من الأساس بتكون موجودة تحت كل كورنيش وانتشارها بطريقة هندسية منظمة أكثر .. وانتشار النور أما يكون كشريط محفور له في الحجر وشبه مخفي أو كأشرطة فوق الكورنيش.

باختصار الإضاءَة الخارجية المدروسة تجي غير وأبسط أنواعها اللي تجي منتشرة على الحجر كامل من تحت لفوق للبيوت العادية وللارتفاع العادي وهذي طريقتها أسهل وايد .. ويستحسن تكون مرفوعة على أعمدة خاصة ومبعدة عن الصغار .. تركيز إنتشار النور على جزء من الواجهة يكون قريب من اتجاه رؤية الشخص الداخل للبيت لتعطي انطباع جميل ومركز مكان الرؤية.

البيوت يفترض المكونة من كتل وبروزات ومداخل مظللة هذي الإضاءَة لها تتركز في هذي الأماكن .. انا عندي على المدخل عمودين بينهم فراغ بسيط وركبت ليت بينهم ينور على فوق .. غير عن انارة الحديقة غير عن انارة السور غير عن انارة مظلات السيارة .. وكل انارة تشتغل بمفتاح بروحها وتعطي تغيير حسب التشغيل.

للزراعة الواحد يقدر يركب انارة على الشجر ولا من تحت تنور على فوق باتجاه الشجرة.

[sweet qatar]

اختلاف الأذواق لا يفسد للود قضية :o

لكن ما أتفق معاك علي كلمة عشوائية

إضاءة الفندق ابتداءً من الثريات المعلقة علي المداخل إلي الفيكستشرز فوق

حاطينها بشكل متوافق مع ديزاين المبني

والنتيجة النهائية رائعة جدآ وملفته ومريحة للنظر

[sweet qatar]

السلاام عليكم
والله انا ما عندي شي بس احب اقرا المشاركات و الردود و الاراء المختلفه علشان اتثقف و استفيد
و عيبتني الافكار بصراحه
و عساها بيوتكم عامره بالايمان يااااا ربي


عليكم السلام ويا هلا و مرحبا :)

[sweet qatar]

هذا مثال علي إضاءة غير ناجحة بالنسبة لي

أفضل تكون الإضاءة علي مستويات متعددة

http://www.microng.com/images/exterior-designs-accessories-and-furniture-cool-exterior-landscape-lighting-with-spot-light-and-with-mixed-wall-stone-classic-outdoor-lighting-collection-for-completing-your-design.jpg

[بوخالد911]

والله مشكورين كل ابوكم
وما قصرتوا

[معماري قطري]

اختلاف الأذواق لا يفسد للود قضية :o

لكن ما أتفق معاك علي كلمة عشوائية

إضاءة الفندق ابتداءً من الثريات المعلقة علي المداخل إلي الفيكستشرز فوق

حاطينها بشكل متوافق مع ديزاين المبني

والنتيجة النهائية رائعة جدآ وملفته ومريحة للنظر

يمكن انا ما عجبتني بسبب انها نقاط مضيئة وحولها فراغات كبيرة بدون انارة وفي هذا الحالة الأفضل تكون منتشرة أكثر أو على شكل خطي بتطلع أحسن من الشكل النقطي

بعدين من بعيد تبين لكن من قريب والواحد مار بالسيارة ما يقدر يدقق فيها عدل

أذكر شفت نور شريطي تحت قاعدة طوفة بإرتفاع بسيط .. والنور يتغير لونه كل شوي بألوان كثيرة على كورنيش طويل .. صراحة قمة الروعة مع إنها إضاءَة بسيطة.

شرايكم في كورنيشنا ما يلزمه تجديد واضاءَة أحلى؟

[معماري قطري]

هذا مثال علي إضاءة غير ناجحة بالنسبة لي

أفضل تكون الإضاءة علي مستويات متعددة

http://www.microng.com/images/exterior-designs-accessories-and-furniture-cool-exterior-landscape-lighting-with-spot-light-and-with-mixed-wall-stone-classic-outdoor-lighting-collection-for-completing-your-design.jpg

واحد من عيال عمي يزعل لو قلت واو بس هذي الانارة ينقال لها واو وواو وواو وكيفه يبي يزعل يزعل

[معماري قطري]

والله مشكورين كل ابوكم
وما قصرتوا

العفو إخوي بو خالد .. إحنا وصلنا للكورنيش

فكرة حلوة للإضاءَة بعد لو سويت مشربيات جي ار سي بتصميم معين ونقوشات وكانت الاضاءَة داخل وتنور الفتحات

[sweet qatar]

يمكن انا ما عجبتني بسبب انها نقاط مضيئة وحولها فراغات كبيرة بدون انارة وفي هذا الحالة الأفضل تكون منتشرة أكثر أو على شكل خطي بتطلع أحسن من الشكل النقطي

بعدين من بعيد تبين لكن من قريب والواحد مار بالسيارة ما يقدر يدقق فيها عدل

أذكر شفت نور شريطي تحت قاعدة طوفة بإرتفاع بسيط .. والنور يتغير لونه كل شوي بألوان كثيرة على كورنيش طويل .. صراحة قمة الروعة مع إنها إضاءَة بسيطة.

شرايكم في كورنيشنا ما يلزمه تجديد واضاءَة أحلى؟

عاجبني الكورنيش المظلم لأنه استر
وفي المناسبات نحس بالتغيير لأنهم يزيدون ليتات علي الشارع


وبالنسبة لتعليقك علي الفندق .. أنا تعمدت احط الصورة هذي عشان بوخالد يستفيد من الليتات و مكانها و توجيه الإضاءة

أما الفندق في الواقع المبني كله تحسه منور و فخم

آخر شي بالنسبة للاضاءة الي اعجبتك واعتقد انها نفس فكرة الملياردير و شموخ

أنا ما أفضل الإضاءة من أسفل فقط علي الحجر لأنها تعطي ظلال غير مستحبة
وهالشي بيبين لك المبني أصغر ..



بو خالد الشكر لك علي طرح الموضوع
وان شالله المعلومات تفيدك في الاختيار :o

[sweet qatar]

http://www.selut.co/wp-content/uploads/2015/09/architecture-outdoor-wall-lighting-ideas-with-home-lighting-design-exterior-lighting.jpg

[معماري قطري]

الأخيرة حلوة ومدروسة وكافية ومب مركزة في العين .. تبين خشونة الحجر وكذلك اللي في الفندق فوق

[$الملياردير$]

بارك الله فيكم جميعا ... لا خلا و لا عدم استفدنا من جميع مشاركاتكم في الموضوع ... وجهة نظري يكفي الأنامل الذهبية الي سخرتوها لمشاركاتكم ... من مبدأ حب لأخيك ماتحب لنفسك ... جزاكم الله خير

[معماري قطري]

بارك الله فيكم جميعا ... لا خلا و لا عدم استفدنا من جميع مشاركاتكم في الموضوع ... وجهة نظري يكفي الأنامل الذهبية الي سخرتوها لمشاركاتكم ... من مبدأ حب لأخيك ماتحب لنفسك ... جزاكم الله خير


الله يبارك في عمرك يا اخوي

عني انا هذي تسلية طيبة لي ومراجعة للمعلومات اللي استخدمها في حياتي العملية

واستفيد كثير من اخواني الموجودين من مقاولين وموردين ومهندسين ومن باقي اللي يبنون واللي يخططون يبنون

[مارون كلاسيه]

الله يحفطكم ويديمكم لهذا المنتدى ونستفيد منكم اكثر

[معماري قطري]

الله يحفطكم ويديمكم لهذا المنتدى ونستفيد منكم اكثر

ويحفظك ربي إخوي مارون