حتى المراكز الصحيه صارت بمواعيد !! ..

[حمد 2002]

عميلنا العزيز،
ستقوم مؤسسة الرعاية الصحية الأولية بتطبيق نظام المواعيد اعتبارا من 7 أكتوبر / تشرين الأول 2015 في مركز الخور الصحي.
تنصح مؤسسة الرعاية الصحية الأولية بحجز موعدك مقدما بالاتصال على الرقم 107 ابتداء من 7 أكتوبر / تشرين الأول 2015.
الرجاء الوصول قبل 15 دقيقة من الموعد. ستتم معالجة المرضى الذين يحضرون من غير موعد مسبق حسب حالتهم الطبية، و حسب الموعد المتوفر.



هاي المسج واصل للأشخاص الي يتعاملون مع مركز الخور الصحي وابشركم شكله جاي لبقيه المراكز! !


ايعقل أذا فيني زكام وصخونه احجز لي موعد قبل ههههههه هذا إذا أحد رد على تلفوني هههههههههه



انا الحين يالس اصفق يد على يد والله يعين على الي نجوفه ونسمعه !! ..


شكرا ..

[ضوى]

الخور اللي توهم جاي هالنظام

النظام معمول به في باقي المراكز من شهور

[مختلف جداََ]

صح النوووووم

لهم سنة مطبقينة في باقي المراكز

شكلك اخر شي مركز الخور

وينك يالكاتب الصحفي

شكلك في اي بي

ما تمر صوب مراكز الفقارى !!!!

[حسن]

جزاهم الله خير على هذا التطور ياحمد تصدق هذا البرنامج ممتاز والله وانا في البيت واحجز موعدي واروح على راحتي
وبعدين من صجك على زكام بتروح المركز الصحي !!!
اي صديليه بندول كول بعشره ريال وانت ماشي

[حمد 2002]

ضوى .. مختلف ..

شكرا لكم ..

يمكن لاني من فتره ماتعاملت مع المراكز الصحيه مع تطبيق النظام الصحي = التأمين :shy:


شكرا لكم ..

[مختلف جداََ]

بعدين النظام جدا ممتاز

تلفون تاخذ موعدك حتى لو زكام ، وغالباً الموعد في نفس اليوم لا تحاتي

صدقا النظام مميز

[@north_star@]

انا اللي أعرفه انه المواعيد موجودة أصلا أول ما تدخل المركز الصحي يعطونك موعد على حسب كم شخص قبلك يعني يمكن ربع ساعة ويمكن نص ساعة أو أكثر ...... وبالنسبة لحجز موعد بالتلفون فأعتقد انه هذا شي طيب
علشان لما تروح المركز الصحي تحصل موعدك جاهز وروح قبل موعدك بربع ساعه أو نص ساعة

[مختلف جداََ]

انا اللي أعرفه انه المواعيد موجودة أصلا أول ما تدخل المركز الصحي يعطونك موعد على حسب كم شخص قبلك يعني يمكن ربع ساعة ويمكن نص ساعة أو أكثر ...... وبالنسبة لحجز موعد بالتلفون فأعتقد انه هذا شي طيب
علشان لما تروح المركز الصحي تحصل موعدك جاهز وروح قبل موعدك بربع ساعه أو نص ساعة

صحيح والرقم هو 107

[حمد 2002]

جزاهم الله خير على هذا التطور ياحمد تصدق هذا البرنامج ممتاز والله وانا في البيت واحجز موعدي واروح على راحتي
وبعدين من صجك على زكام بتروح المركز الصحي !!!
اي صديليه بندول كول بعشره ريال وانت ماشي


ياخوك انا اذا صادتني صخونه اروح عياده خاصه والصبح علشان اخذ لي اجازه طبيه ههههههههههههه

ولا ادوى الصخونه والزكام انا خبره فييه ..

اتدهن بفكس خضر واكل بندول عدد 2 واتلحف ابرنوص بالصاله ..


شكرا لك ..

[حسن]

بعدين النظام جدا ممتاز

تلفون تاخذ موعدك حتى لو زكام ، وغالباً الموعد في نفس اليوم لا تحاتي

صدقا النظام مميز

لي موضوع نزلته شكر لوزاره لصحه
على النظام الجديد
الصراحه تطور رهيب
رغم ان الكثير محتج ويصارخ لانه جاي من فوضى ويبي بلادنا تسير فوضي
اذا احنا قطرين مهب عاجبنا هذا اللي يسير لان ماكانت قطر بهذه الفوضى

[حمد 2002]

بعدين النظام جدا ممتاز

تلفون تاخذ موعدك حتى لو زكام ، وغالباً الموعد في نفس اليوم لا تحاتي

صدقا النظام مميز

اها ..

شكرا لك ..

[بانغ بانغ]

سلامات ما تشوف شر

[حمد 2002]

انا اللي أعرفه انه المواعيد موجودة أصلا أول ما تدخل المركز الصحي يعطونك موعد على حسب كم شخص قبلك يعني يمكن ربع ساعة ويمكن نص ساعة أو أكثر ...... وبالنسبة لحجز موعد بالتلفون فأعتقد انه هذا شي طيب
علشان لما تروح المركز الصحي تحصل موعدك جاهز وروح قبل موعدك بربع ساعه أو نص ساعة

صحح ، حتى انا اذا رحت المركز الصحي قبل ..

اجوف عند الباب جهاز ..

رقم للصيدليه .. ورقم للغيار .. ورقم للقطرين .. ورقم لغير القطرين ..

وتاخذ الرقم ..


وتنتظر الدور ..

[حمد 2002]

سلامات ما تشوف شر

ربي يسلمك يالشيخ

[حسن]

انا اللي أعرفه انه المواعيد موجودة أصلا أول ما تدخل المركز الصحي يعطونك موعد على حسب كم شخص قبلك يعني يمكن ربع ساعة ويمكن نص ساعة أو أكثر ...... وبالنسبة لحجز موعد بالتلفون فأعتقد انه هذا شي طيب
علشان لما تروح المركز الصحي تحصل موعدك جاهز وروح قبل موعدك بربع ساعه أو نص ساعة


وين خبرك عتيج يانورث ستار هذا النظام نقله كبيره في وزراره الصحه
ولكن الخبر تمو البشمرقه واللويا جرقا يسبون في وزاره الصحه سب
انا الوحيد اللي مدحت النظام وتم وطني الحبيب الفوضويون القادمون الجدد
يسبون النظام
وقلت انا لازم يصمون اذانهم عن هؤلاء لانهم فوضويون ويبون قطر تسير فوضى

قبل قطر جدا في نظام محترم اما الحين سارت فوضى
وكلها وافده وليست فوضى محليه
انا ابن البلد واعرف قطر كيف كانت وكيف اصبحت

[khaldoon]

هذا الكلام على عيادة الاسنان و الا كل العيادات ارجو التوضيح

[مختلف جداََ]

وين خبرك عتيج يانورث ستار هذا النظام نقله كبيره في وزراره الصحه
ولكن الخبر تمو البشمرقه واللويا جرقا يسبون في وزاره الصحه سب
انا الوحيد اللي مدحت النظام وتم وطني الحبيب الفوضويون القادمون الجدد
يسبون النظام
وقلت انا لازم يصمون اذانهم عن هؤلاء لانهم فوضويون ويبون قطر تسير فوضى

قبل قطر جدا في نظام محترم اما الحين سارت فوضى
وكلها وافده وليست فوضى محليه
انا ابن البلد واعرف قطر كيف كانت وكيف اصبحت


من قال انت الوحيد اللي مدحت النظام الجديد :waiting:

روح موضوعك وشوف تعليقي

[khaldoon]

صراحة في سوء توزيع واضح و صارخ و صادم للمرضى على المراكز الصحيه....معقول يعني انا ساكن في النصر و المركز الصحي اللي انا تابع له هو مركز ابونخله اللي يبعد 29 كيلو عن بيتي ....هذا تطفيش للذهاب للمراكز الصحيه ...طبعا ما رحت عليه

[حسن]

من قال انت الوحيد اللي مدحت النظام الجديد :waiting:

روح موضوعك وشوف تعليقي

ههههههههه

والله مادري نسيت اقصد انا اللي نزلت موضوع شكر
ماتقصر
اوه اسكت قاكت القيامه ذاك اليوم على هذا الموضوع
امس قاعد اشوف تلفزيون قطر الصراحه
يتكلمون عن الصحه الاوليه ومقابلات مع دكاتره وافدات
الصراحه الدوله تقدم شي مهب طبيعي مهتمه بالصحه بشكل كبير
لكن المواطن مايهم بصحته
تصدق هذا النظام الجديد رتب المراكز الصحيه وخلاها فاضيه

شوف خذها حقيقه
اي نظام تطويري بتلقى معارضه في بدايته بس عقب مايدخل خلاص تعودوعليه

[شبيه الريح]

نظام سيئ

1- دعم للتامين الصحي والمستشفيات الخاصة

2- زيادة دخل الصيدليات - والخوف لايخلون كل شي بوصفة طبية

[ذكي جدااا]

النظام هذا قديم من زمان مطبقينه بمراكز الدوحة

[حسن]

صراحة في سوء توزيع واضح و صارخ و صادم للمرضى على المراكز الصحيه....معقول يعني انا ساكن في النصر و المركز الصحي اللي انا تابع له هو مركز ابونخله اللي يبعد 29 كيلو عن بيتي ....هذا تطفيش للذهاب للمراكز الصحيه ...طبعا ما رحت عليه
هههههههههههه

هلا هلا

حيالله خلدون
وين غايب طلعك هذا الموضوع شكلك عندك مشكله في اسنانك
يارجل زين ابوخله هناك تلقاه فاضي
ومافي حد
والخط عندك سالك لا زحمه ولا شي
يارجل عطني مكان اروحله لو في الرويس ولا في الدوحه

الله يحبك يااستاذ خلدون

[بوخميس]

حسن انت تمدح المراكز الصحية اللي محد يروحها الا عشان الاجازة

لكن روح المستشفى وشوف المواعيد الحلوة.

كان فيني مشكلة في البطن واسهال وجفاف الله يعزكم. عطوني موعد بعد 3 شهور.

يعني يتوقعون يتم عندي الاسهال ثلاث شهور وانا انطر موعدهم. طبعاً قلت لهم خل الموعد لكم.

[@north_star@]

هذا الكلام على عيادة الاسنان و الا كل العيادات ارجو التوضيح

عيادة الاسنان شي ثاني لازم تروح المركز الصحي وفي قسم خاص للاسنان يعني كاونتر ثاني غير تروح تسجل موعد ويمكن بعد اسبوعين أو شهر أو أكثر يجيك رسالة نصية بالموعد

[ضوى]

هذا الكلام على عيادة الاسنان و الا كل العيادات ارجو التوضيح

على كل العيادات اخوي خلدون ومن ضمنها الاسنان

[بومحمد المطاوعه]

عادي
بدال لاتروح مركز صحي

روح عياده خاصه ابرك

نفس الشي
ومواعيد وانتظار ,,

والمراكز الصحيه تروح لهم فيك كحه
يعطونك ادول
فيك حكه يعطونك ادول
فيك جرب يعطونك ادول


مادري ليش يسوون جذي

[khaldoon]

هههههههههههه

هلا هلا

حيالله خلدون
وين غايب طلعك هذا الموضوع شكلك عندك مشكله في اسنانك
يارجل زين ابوخله هناك تلقاه فاضي
ومافي حد
والخط عندك سالك لا زحمه ولا شي
يارجل عطني مكان اروحله لو في الرويس ولا في الدوحه

الله يحبك يااستاذ خلدون

دوم الضحكه ان شاء الله ....والله لا يحرمنا التواصل معاك يا الغالي...... شوف هو انا ما عدت استعمل الاب توب الا نادرا بس استعمل الجوال و صراحة الكتابه من الجوال في المنتدى صعبه جدا .... بس مستحيل اترككم لاني ما استغني عنكم والله


فعلا انا جيت اسوي موعد للاسنان بس مب لي من قبل العيد بكم يوم رموني ل 25/10!! قولت هذه للاسنان بس ...الحين حبيت اعرف هي للاسنان و الا لكل شي...

فعلا الخط سالك و انا اشهد بس 29 كيلو وايد يا اخوي خاصه لو مستعجل...... ابشرك انا الحين بداوم بابو سمره هههههههه

[Qtr37]

حسن انت تمدح المراكز الصحية اللي محد يروحها الا عشان الاجازة

لكن روح المستشفى وشوف المواعيد الحلوة.

كان فيني مشكلة في البطن واسهال وجفاف الله يعزكم. عطوني موعد بعد 3 شهور.

يعني يتوقعون يتم عندي الاسهال ثلاث شهور وانا انطر موعدهم. طبعاً قلت لهم خل الموعد لكم.

الاعتراض على النظام بسبب هالمواقف اللي ممكن تصير والغير معقولة!!
والزحمة في كل مستشفى سواء خاص او حكومي ، والله المستعان.

[مختلف جداََ]

عادي
بدال لاتروح مركز صحي

روح عياده خاصه ابرك

نفس الشي
ومواعيد وانتظار ,,

والمراكز الصحيه تروح لهم فيك كحه
يعطونك ادول
فيك حكه يعطونك ادول
فيك جرب يعطونك ادول


مادري ليش يسوون جذي
حرام عليك يا بو محمد ذاك أول أدول

لا تظلمهم بليز

الحين غيرو السيستم
قامو يعطون أدول بس معاه دوا ثاني للتمويه http://store1.up-00.com/2015-05/1432647722011.gif

[لـبـيـه]

مع نظام التطفيش من المراكز الصحيه الحكوميه

نشوف تزايد على المستشفيات الخاصه والحسابه بتحسب

[بومحمد المطاوعه]

حرام عليك يا بو محمد ذاك أول أدول

لا تظلمهم بليز

الحين غيرو السيستم
قامو يعطون أدول بس معاه دوا ثاني للتمويه http://store1.up-00.com/2015-05/1432647722011.gif

هههههههههه ياخي والله صج
مادري عندهم ادول وايد
يبون يخلصونه على ظهر الناس ,,

الحين تروح يعطونك موعد

قمت ماروح لهم ياريال خلاص
ولا ادري عن النظام اليديد اشلون صار

[ضوى]

عادي
بدال لاتروح مركز صحي

روح عياده خاصه ابرك

نفس الشي
ومواعيد وانتظار ,,

والمراكز الصحيه تروح لهم فيك كحه
يعطونك ادول
فيك حكه يعطونك ادول
فيك جرب يعطونك ادول


مادري ليش يسوون جذي

وايد طايحة من عينك المراكز الصحية مع اني اشوفها رائعة وبأحيان كثيرة احسن من الخاص

[بومحمد المطاوعه]

وايد طايحة من عينك المراكز الصحية مع اني اشوفها رائعة وبأحيان كثيرة احسن من الخاص

اي لان تخبط

وصار مثل اي عياده خاصه
مواعيد
وانتظار غير عن قبل
ف ليش اروح مركز صحي
بروح اي عياده قريبه من البيت
ابرك

[khaldoon]

عيادة الاسنان شي ثاني لازم تروح المركز الصحي وفي قسم خاص للاسنان يعني كاونتر ثاني غير تروح تسجل موعد ويمكن بعد اسبوعين أو شهر أو أكثر يجيك رسالة نصية بالموعد

بارك الله فيك يا الغالي على التوضيح....الله يرحم اول تروح بدري تحصل دور و تدخل على طول و بعدين صرنا ناخذ موعد قبل بيوم و الحين قبل بشهر ....الناس تتقدم و احنا العرب نتقدم اكثر منهم

[بومحمد المطاوعه]

بارك الله فيك يا الغالي على التوضيح....الله يرحم اول تروح بدري تحصل دور و تدخل على طول و بعدين صرنا ناخذ موعد قبل بيوم و الحين قبل بشهر ....الناس تتقدم و احنا العرب نتقدم اكثر منهم

اي بعد
كم شهر

تاخذ موعد حق سنتين قدام
ههههههه

الله المستعان بس

[النهار]

حتى لوماعندك موعد تروح لهم بس تنطر بمعنى تتنقع وبعدين ادش على الطبيب داش داش على الطبيب وحسب الاوليات
لان في ناس تحجز وماتجي على الموعد يدخولونك مكانهم
والحالات الطارئه يدخلونك على طول
النظام ممتاز وعملي

[khaldoon]

على كل العيادات اخوي خلدون ومن ضمنها الاسنان


بارك الله فيكي اخت ضوى على التوضيح ...كل الشكر و التقدير ...يعني الحين لو احد مريض ما ينفع اوديه الدكتور و يدخل على طول على الدكتور ....مثل زكام و امراض باطنيه و اشياء يبيلها دوا و السلام ؟؟............... هالاشياء الخفيفه هذه بنروح للعيادات الخاصه بعد؟

[النهار]

بارك الله فيكي اخت ضوى على التوضيح ...كل الشكر و التقدير ...يعني الحين لو احد مريض ما ينفع اوديه الدكتور و يدخل على طول على الدكتور ....مثل زكام و امراض باطنيه و اشياء يبيلها دوا و السلام ؟؟............... هالاشياء الخفيفه هذه بنروح للعيادات الخاصه بعد؟

خلدون اقراء ردي الي فوق ردك

[ضوى]

بارك الله فيكي اخت ضوى على التوضيح ...كل الشكر و التقدير ...يعني الحين لو احد مريض ما ينفع اوديه الدكتور و يدخل على طول على الدكتور ....مثل زكام و امراض باطنيه و اشياء يبيلها دوا و السلام ؟؟............... هالاشياء الخفيفه هذه بنروح للعيادات الخاصه بعد؟

لا ينفع بس حسب الزحمة ، اذا مافي زحمة بتدخل خلال نص ساعة بالكثير وعالأغلب هذا اللي يصير ، واذا ماصار ممكن يأجلونك ليوم ثاني

[khaldoon]

اي بعد
كم شهر

تاخذ موعد حق سنتين قدام
ههههههه

الله المستعان بس

يا الغالي كلامك صحيح 100% لو نتكلم عن عيادة الاسنان في الرميله و الدكتور قالي يمكن يقعد 3 او 4 سنين للتقويم مثلا....... علاج العصب ياخد بالرميله 6 شهور موعد ع الاقل و هالكلام مسؤول عنه ...حسب الحاله اذا تستعدي و الا لا ...لانه عندهم نقص شديد جدا جدا بدكاترة الاسنان ....اما المراكز الصحيه فشهر الى شهرين بالكثير

[khaldoon]

لا ينفع بس حسب الزحمة ، اذا مافي زحمة بتدخل خلال نص ساعة بالكثير وعالأغلب هذا اللي يصير ، واذا ماصار ممكن يأجلونك ليوم ثاني



الله يجزيكي كل خير على التوضيح..... الحين خلصنا خمس مراكز صحيه للدوله اعتقد من اصل خمسين ناويين يسوونها في كل مناطق دولة قطر بس ما اعرف تستمر النيه و الا لا مع هذه الاوضاع الاقتصاديه بسبب البترول اللي تلف العالم

[بومحمد المطاوعه]

يا الغالي كلامك صحيح 100% لو نتكلم عن عيادة الاسنان في الرميله و الدكتور قالي يمكن يقعد 3 او 4 سنين للتقويم مثلا....... علاج العصب ياخد بالرميله 6 شهور موعد ع الاقل و هالكلام مسؤول عنه ...حسب الحاله اذا تستعدي و الا لا ...لانه عندهم نقص شديد جدا جدا بدكاترة الاسنان ....اما المراكز الصحيه فشهر الى شهرين بالكثير

طابخهم ياخوي وعارف
ما اتكلم من مخباي طال عمرك
وهذي الي صاير للأسف

نفس ماقلت انت

والحين عيادات خاصه ومعروفه على مستوى الدوله
وفيها صحه
يعني الي قبل كان مايقدر يدفع يروح الحين ولا يدفع ريال

ولا مذله رميله وتأخيرهم

لأن برع صار ببلاش
ف الأغلبيه شافو لهم عيادات خاصه معروفه وشغلهم نظيف

[حرف]

امس واحد في برنامج وطني الحبيب يشتكي
يقول وديت المدام لمركز الوكرة التابع لهم قال له لازم تاخذ موعد بالتلفون
قال طيب طلع بيروح يخلص بعض الاشغال في الدوحة وهو على الخط كلم يحجز موعد قالوا تعال الحين فوراً المركز فاضي

[khaldoon]

حتى لوماعندك موعد تروح لهم بس تنطر بمعنى تتنقع وبعدين ادش على الطبيب داش داش على الطبيب وحسب الاوليات
لان في ناس تحجز وماتجي على الموعد يدخولونك مكانهم
والحالات الطارئه يدخلونك على طول
النظام ممتاز وعملي

جزاك الله كل خير على التوضيح يا صديقي العزيز ....

[khaldoon]

ازيدكم من الشعر بيت.....اللي زعلانين انهم يتصلون و ما احد يرد عليهم ...انا بريحكم و بعطيك الحل الصافي النهائي.....ما تقدر تحجز عل التليفون في المراكز الصحيه الاوليه في الوقت الحالي و لازم تحضر شخصيا..... قولت لهم ليش يعني بكذب لو حجزت ع التليفون و الا بتاخذون اوراق ثبوتيه مني لو شفتوني ...ايش ضماناتكم لو جيت بنفسي...قالوا لا بس الحين ما ركبنا السيستم مثل المستشفيات لهالسبب بتيجي بنفسك مثل الارنب و تسوي موعد علشان نعطيك بطاقة مكتوب فيها الموعد

[ضوى]

امس واحد في برنامج وطني الحبيب يشتكي
يقول وديت المدام لمركز الوكرة التابع لهم قال له لازم تاخذ موعد بالتلفون
قال طيب طلع بيروح يخلص بعض الاشغال في الدوحة وهو على الخط كلم يحجز موعد قالوا تعال الحين فوراً المركز فاضي

شر البلية مايضحك

الله يستر اليوم وايد ضحكت

[لـبـيـه]

ودي الف وادور واعرف من الي دخل النظام عندنا بغض النظر اذا كان سلبي او ايجابي بس فيني فضول اعرف شسمه الي قالهم عن النظام وكم خذ على فكرته

[عثرة جواد]

مادري عنة من زمان مارحت

يعطيك العافية

[بومحمد المطاوعه]

الله يبعدني ويبعدكم من المرض

وان شاءالله محد محتاج للمستشفيات
سواء خاص او حكوميه

اللهم امين

[حرف]

شر البلية مايضحك

الله يستر اليوم وايد ضحكت

ضحكتي على المركز ولا على الموطن ؟

[ضوى]

ضحكتي على المركز ولا على الموطن ؟

على كل شي ياخوي حرف ، مواطن مسكين وهو اقليه في بلاده ، ومركز جنب بيته وببلاده ، ويبونه ياخذ موعد عشان يجيب زوجته المواطنة تتعالج ، مو اقولك شر البليه مايضحك

ولاعزاء للمواطن

[حرف]

على كل شي ياخوي حرف ، مواطن مسكين وهو اقليه في بلاده ، ومركز جنب بيته وببلاده ، ويبونه ياخذ موعد عشان يجيب زوجته المواطنة تتعالج ، مو اقولك شر البليه مايضحك

ولاعزاء للمواطن

اي والله
حتى انا ضحكت من القهر

[بومحمد المطاوعه]

اي والله
حتى انا ضحكت من القهر


وتلومونا لو شردنا ورحنا مستشفيات خاصه

الله كريم بس
ونشوف ان شاءالله الأولويه للقطريين

[ضوى]

وتلومونا لو شردنا ورحنا مستشفيات خاصه

الله كريم بس
ونشوف ان شاءالله الأولويه للقطريين

مشاكلنا بكل مكان حتى الخاص

[بومحمد المطاوعه]

مشاكلنا بكل مكان حتى الخاص

اكيد

الخاص بعد فيه مشاكل وفي تخبطات
بس شردونا من الحكومي
وخلونا نرجع الخاص وندفع قبل
الحين التأمين يغطي ولله الحمد

والله المستعان

[Q ابو تركي Q]

نظام متخلف مصخره من المؤسسة الطبيه هذا واحنا في دوله متقدمه

اشلون مريض حاله طارئه دخل المستشفى اتقوله خذ موعد موت انقهر لين ما نتذكرك

ولدي عنده البلاعيم حالته حال راح المركز الصحي قالو له خذ موعد ! يعني علشانه مجانا تبون تلعووزن المواطن

هذي خطه لتطفيش المواطن من المراكز الصحيه الي المراكز الخاصه ليستفيد تجار البشر الجشعيين

اصلا الغلط اني جاي مراكز يتبع مؤسسه متخلفة حتي الدول الفقيره يستقبلونك مباشرة

التقدم بسرعة التشخيص وتقديم العلاج والتنظيم

وليس بالتنظيم فقط وتأخير العلاج يا متخلفيين

[Riku3]

كل هذا علشان يرضون جهة كندية وتعطيهم شهادة وما ادري ايش !! ..

انا ما يرفع ضغطي الا هالجهات الي تبي اعتراف جهات اجنبيه ما بتقدمله شي !! .. جهة حكومية ثانيه من فترة ذابحه نفسها .. اخرتها المدير طالع بتصريح حصلنا الايزو !! .. وبعدين يعني شتبي ؟؟ .. شنو استفدت وكم كلفك ؟؟ .. ونظامهم ولا تغير ولا عدلوا شي بس خذ الشهادة علشان يحسس نفسه انه مهم ..

ليش ذابحين نفسكم علشان اعتراف جهات خارجية ؟؟ .. شدخلنا في النظام الكندي في المراكز الصحية .... قبل ادخل المركز ما اكمل ربع ساعة الا انا طالع شفت الدكتور وخذت الدواء .. الحين يبيلك ربع ساعة علشان البرنسيسات الي في الرسبشن يضربون الرقم ..

لا واخرتها بس دكتور واحد الي زين في المركز والباقي يذكروني بالمدرسين قبل يدخل الحصه وهو كاره عيشته .... فلو ما لقيت هالدكتور انا امشي بنظام من ادخل على اي دكتور لازم اول جمله اقولها قبل لا اشرح حالتي .... دكتور شوفلي حل عندي شغل وايد وما ابي اغيب عن الدوام !! .... بس علشان ياخذني بجديه لان دايماً نظرتهم انت جاي تبي اجازة خصوصا ربع بص حضرتك .

[ضوى]

كل هذا علشان يرضون جهة كندية وتعطيهم شهادة وما ادري ايش !! ..

انا ما يرفع ضغطي الا هالجهات الي تبي اعتراف جهات اجنبيه ما بتقدمله شي !! .. جهة حكومية ثانيه من فترة ذابحه نفسها .. اخرتها المدير طالع بتصريح حصلنا الايزو !! .. وبعدين يعني شتبي ؟؟ .. شنو استفدت وكم كلفك ؟؟ .. ونظامهم ولا تغير ولا عدلوا شي بس خذ الشهادة علشان يحسس نفسه انه مهم ..

ليش ذابحين نفسكم علشان اعتراف جهات خارجية ؟؟ .. شدخلنا في النظام الكندي في المراكز الصحية .... قبل ادخل المركز ما اكمل ربع ساعة الا انا طالع شفت الدكتور وخذت الدواء .. الحين يبيلك ربع ساعة علشان البرنسيسات الي في الرسبشن يضربون الرقم ..

لا واخرتها بس دكتور واحد الي زين في المركز والباقي يذكروني بالمدرسين قبل يدخل الحصه وهو كاره عيشته .... فلو ما لقيت هالدكتور انا امشي بنظام من ادخل على اي دكتور لازم اول جمله اقولها قبل لا اشرح حالتي .... دكتور شوفلي حل عندي شغل وايد وما ابي اغيب عن الدوام !! .... بس علشان ياخذني بجديه لان دايماً نظرتهم انت جاي تبي اجازة خصوصا ربع بص حضرتك .
ولا ذابحني الا هالاعترافات الاجنبية يكون خذوا صك الغفران

[لبيبة]

السلام عليكم ورحمة الله وبركاته،

بمناسبة الحديث عن الاعتراف الكندي، أعرف صديقة لي تعيش من أكثر من 6 سنوات في كندا، أكثر شكواها لي لما تكلمني من النظام الصحي الفاشل في كندا، لدرجة مستعدة تطبب نفسها وعيالها عن طريق نصائح الأهل والأصحاب ولا تلجأ للطبيب في كندا. تقول كله نظام فاشل ولا يعالجون حد عدل. واحنا ننتظر الفاشلين يعترفون فينا. الحمد لله والشكر.