تعرف على سبب انتحار الهنود

[العفراء]

امس كنت اقرا بالجريده عن الدول اللي فيها اكبر نسبة للانتحار
من ضمنهم الهند
فسويت بحث بالجوجل ابعرف ليش ينتحرون هاييل بالهند
طبعا نحن انعرف ان الهند كبيره و متعددة الثقافات و المعتقدات
و اتضح ... ان بعض الهنود عندهم معتقد ان لو ما عيبتك الحياة انتحر و بترجع روحك وبتسكن بجسد ثاني و لحياة افضل من اللي كنت عايشنها

علشان جذي اييكم مثلا عامل لا دين و لا مذهب يوم يضيق به الفضا يقول
انا شو مصبرني على هالدنيا و يقوم ينتحر على اساس يرجع للحياة مهندس او دكتور

و سلمتو

[غير البشر]

ههههههههههه صباحج خير يا العفراء

شر البليه مايضحك الحمدلله على نعمه الدين
يعني الهندي قبل لاينتحر تجيه احلام ورديه ان ممكن يرجع مثلا استرالي عيونه زرق واشقر :taunt:

[khaldoon]

والله ما استبعد هالشي....كل شي هالايام جايز...... يعني المهم الحين نعتمد هالمعلومه و نتكلم فيها لو جات مناسبه عن الخدم و الانتحار و الا اشلون هههههه...please confirm

[العفراء]

والله المعلومه اكيده و على فكره مب شرط يرجع ادمي يمكن يرحع طير او يكون ورده فبستان

[khaldoon]

ما تستغربوا..... اذا بعض الطوائف المحسوبه على الاسلام تؤمن بهالشي و انه لو هو شخص سيء بتروح روحه لكلب او ما ادري شنو اجلكم الله ...و لو روحه طيبه بتنتقل لروح زينه فليش نستغرب انه الهنود اللي دينهم ارضي من صنع البشر و مب سماوي يؤمنون في هالاشياء

[H H]

اهاا يعني نظام اذا طاقتك ضعيفه وقربت تخسر سو ريستارت وارجع بالطاقه كامله وفوز.

[غايه الطواش]

اهاا يعني نظام اذا طاقتك ضعيفه وقربت تخسر سو ريستارت وارجع بالطاقه كامله وفوز.

ههههههههههههههههههههه

استغفرالله

[ya3coub]

امس كنت اقرا بالجريده عن الدول اللي فيها اكبر نسبة للانتحار
من ضمنهم الهند
فسويت بحث بالجوجل ابعرف ليش ينتحرون هاييل بالهند
طبعا نحن انعرف ان الهند كبيره و متعددة الثقافات و المعتقدات
و اتضح ... ان بعض الهنود عندهم معتقد ان لو ما عيبتك الحياة انتحر و بترجع روحك وبتسكن بجسد ثاني و لحياة افضل من اللي كنت عايشنها

علشان جذي اييكم مثلا عامل لا دين و لا مذهب يوم يضيق به الفضا يقول
انا شو مصبرني على هالدنيا و يقوم ينتحر على اساس يرجع للحياة مهندس او دكتور

و سلمتو

صحيح الموضوع بالإستراحه و قد يكون فيه بعض من الحقيقة لبعض الديانات او المعتقدات حيث ان الهند متعددة الثقافات و لا تزال عندهم ثقافه اصول المهراجا و العبيد مهما ارتفع شأن بعض الهنود و اصبحو مليونيرية يبقى يطلق عليهم مسمى العبيد او من اصل العبيد


ما علينا نرجع للإنتحار انا مهندس بالمشاريع و صادتنا حالة انتحار بالسايت.

و بعد التحقيق أغلب الي يرمون انفسهم او ينتحرون مو بسبب ضغط العمل بالعكس.
العملية "Process" الي يصير علشان يوصل العامل عندنا يكون من حي فقير و يروح يدفع فلوس لشركة "Agency" للعمالة على اساسه يسجل فيها و اي احتياج من الخارج او طلبات عقب يتصلون فيه و يرسلونه بدون التأكد من امكانياته او اي امتحان سباك عامل بناء عامل كهرباء فورمان كله واحد عندهم هدفهم الفلوس فقط.

علشان هالعامل يروح لازم يكون عنده فلوس و الأغلب بدون فيبتدون بالتسلف من القرية و الكل يساعد, و الأولوية للي عنده عيال او زوجة او والدين مرضى.
شيء طيب لا يزال موجود بالهند و النيبال.

نفس مكاتب الخدم تقريبا يعطونكم صورة و مؤهلات و لما تجيبونهم تتوهقون فيهم. العمال ايضا نفس الشي.


لما شركة تجيب من هالدول او تتعامل معاهم على اعداد كبيرة لمشاريع كبيرة نفس الي صاير عندنا بالدوحة ما شاء الله الإنشائات على افى من يشيل على قولة اخوانا المصرين.
يجيج العامل لا يقرى ولا يكتب ولا يعرف عربي ولا انجليزي ولا حتى ابسط المطلوب منه. هدفه ولا شي بس توفير المال و يمكن حتى اول مرة يركب طيارة بحياته.
كل همه انه يجيب فلوس ما عنده مانع يشتغل 10 ساعات يوميا 6 ايام بالأسبوع المهم انه يجيب الفلوس بسرعه و البعض يطلب انه يشتغل اكثر بماببل مادي.


عندهم بثقافتهم اول شي يرجع بما انه صار يشتغل و يدخل فلوس اول شي يرجع فلوس الناس الي من قريته قصرو على نفسهم علشان اهو يسجل و يروح يشتغل برع.

و لما يخلصها بعدها يبتدي بتحويل الأموال لأهله او السبب الرئيسي الي بسببة تغرب لجني المال. غير الي يحسن من وضع بيتهم و الخ الخ الخ....


تأتي الطامة الكبرى نفس ما صار عندنا انه الشخص الي انتحر كان جاي علشان ولده و مرته مريضين جدا جدا.
و وصله تلفون من الهند بأنه مرته و ولده توفو و اهو ما شافهم صارله سنة تقريبا.

ينهدم العالم كله عليه اهو ببلاد غربه شغال عند ناس ما يتكلمون لغته يترجمله و ياخذ اوامر من الفورمان الي ياخذها من السوبرفايزور ما يعرف يكلم من ولا شنو يسوي ما عنده إلا مجموعه العمال الي حوله و بيكون محظوظ لو انه في احد من قريته.


يحس تعبه و مجيئه كله عالفاضي و غير الديون الي لا تزال عليه.
حاول يرمي نفسه من الطابق الرابي " ارضي بس مشروعنا كان تحت الأرض حفر 4 طوابق" فكان في مسافة كافية للإنتحار امسكونه و هدوه و خلوه يطلع يرتاح شوي بالعيادة كون هول الصدمة ما خلته بحالته الطبيعية و لما استقر و على اساس بيرجع لعمله انتحر بطرقه موحشه جدا !!!!


و غيرهم الكثير الي ينتحرون لأوضاعهم من بعض الشركات الصغرى سوائا بتأخير الرواتب و الخ الخ الخ....


و عن معتقد حياة اخرى بصراحة احنا نعرف عندهم نسبة كبيرة بلا ديانة و قلة الثقافه العامة تؤدي إلى تصديق اي شيء روحاني بالله او الآلهة او الرب او مهما كان ما يسمونه على اختلاف الديانات و الطوائف و التقاليد الدينية و غير الدينية "الروحانية"
اغلب الي يصدقهم الفقراء لأنهم ما بيجادلن و ايضا يعطيهم الأمل دائما بأن هنالك حياة اخرى افضل و من الأمثة يقولون لهم قد تكون طبيب الخ.


حتى عندنا بالإسلام الكل يعرف بأن حياتنا الدنيوية عبارة عن ممر و امتحان لأفعالنا بعدها في القبر و البرزخ و من ثم الحساب و بعدها الخلود ما بعد الحساب. الواحد روحة تروح في مراحل و تنقطع عن الجسد و من ثم ترجع.


احس كتبت قصة طويلة بس هاي كواقع نسمع عندنا و بالدول المجورة و يهمنا التفاصيل و غير التحقيقات الي تصير عن اسباب الوفاة او الإنتحار و الخ لتفادي مثل هالمشاكل.
عندنا بشركتنا اذا العامل لنا ما يلمس شي قبل ما يتدرب بأكادمية عندنا و يتخرج. و معرفه وضعه كامل و بعدها يبتدي شغل و مع الشغل يتعلم العربية و الانجليزية ببطئ و اثناء وقت فراغه.

[العفراء]

ههههههههههه صباحج خير يا العفراء

شر البليه مايضحك الحمدلله على نعمه الدين
يعني الهندي قبل لاينتحر تجيه احلام ورديه ان ممكن يرجع مثلا استرالي عيونه زرق واشقر :taunt:

الظاهر جذيه ههههه الله يعين بس

[العفراء]

خلدون على طاري ان الروح ترجع علىة هيئة حيوان اتريا المعلومه القادمه بشوف هالكمن يوم بنزلها ان شاء الله : )

[العفراء]

ههه هذا مب ريستارت اتش اتش هذا شوتداون ابدي اعوذ بالله بس من سوء الخاتمة

[العفراء]

والله اخويه يعقوب ان وايد فئات بالهند يعورون القلب والله : ( يعني مع الفقر و العيشه الضنكه يؤمنون بمعتقدات تافهة
الحمدلله على نعمة الاسلام ,,,,,,,,,,,,مشكور وسلمك الله يا باشمهندس :discuss:

[معماري قطري]

انتحر مرة امام مسجد بنغالي .. الضغوط النفسية أوقات تحد الواحد ينتحر وأكيد يأس وقلة عقل

[العفراء]

صباح الخير ويييننننك عمي المعممماري عاششش من شافك والله
طولت علينا وحشتنا تراااك
و حرام والله ليش انتحر هالامام ها وين الايمان اللي بقلبه امام و ينتحر صج شي يحزن القلب

[qatarman8008]

موجود هالاعتقاد عن الهندوس والبوذيين..
يعني له علاقة بالديانة اكثر من علاقته بشعب او بلد..

[العفراء]

صح كلامك اخويه قطر مان ثمانيه صفر صفر ثمانيه
حتى انا ذكرت فضمون الرد ان بعض الهنود ...

صباااح الخير انزين : (

[<اضرب واشرد>]

السلام عليكم :)

هذي سلمج الله عقيدة اسمها (التناسخ) وهي أن الروح تنتقل بعد الموت لإنسان ثاني
لكن أول مرة أدري أنهم يؤمنون بانتقالها لإنسان أو حيوان أو نبات


والله المعلومه اكيده و على فكره مب شرط يرجع ادمي يمكن يرحع طير او يكون ورده فبستان

والعامل أو الفرَّاش في هذي الحالة يخاطر، يايكحلها يايعميها
ياصير مدير، يامزهرية في مكتب مدير :eek5:

بخصوص الإنتحار فهو محرم (بدرجات متفاوتة) في كل الأديان تقريبا

شكرا ع الموضوع الطريف، والله يحفظ الجميع

[نفسي عزيزه]

خلاص قررت انتحر :(

باروح فوق مبنى كنتاكي فوق عند مكتب بوحارب وباقول له ياتعطيني ربع ارباح كنتاكي يا اطب واوهقك طبعا ادريبه بيخليني اطب ولا يفتكر فيني :(

وبتروح روحي وبتسكن في فراشه :shy:

او ذبانه اطب بأذن بوحارب احسفه على موقفه مني :omen2:

جان مايذبحني

[.قطر.]

هههههههه شر البليه مايضحك
والله الاسلام نعمه اللي مايعرفها تايه

لا جان فكروا يحطون لهم منيو بعد عشان يختارون شنو يبون عقب ماينتحرون :omen2:
عشان لو انتحر وعاش ف جسد ثاني على طول يعجبه مب يقعد يلعب كل شوي ينتحر هههههههههه

[نفسي عزيزه]

انا فهمتكم