تكاليف ترتيبات العنن .... معقوولة حق كم شهر بالملايين

[بانغ بانغ]

قلنا انغير الموجة اشوي ... عن الاجانب والفساد والضرب والملابس


موضوع اليوم عبارة عن تحقيق اجرته جريدة العرب عن مصروفات موسم التخييم - معقولة صكت نص مليون وبعدين الشباب ايقولون ماعندنا بيوت ولا اراضي ولا امكانية زواج

- بعض الشباب يتقاسمون التكاليف

- وين البيئة والبلدية وأشغال عن توفير شاليهات افضل وامكانيات ارقى

وبعدين اتم المخالفات والتجاوزات ..

[عاشق العديد]

يعني قصدهم كل مخيم يصك نص مليون .؟

يعني عاد قلنا خل يحققون ويسون حركات عاد مب يبالغون لهادرجه .؟ يعني شبحط فمخيمي .
ولو بيكلف لو بتحسب الكباين لانه هي الشي الوحيد الغالي بيكون ام باقي الأشياء ماتععدا العشره ..

[بانغ بانغ]

يعني قصدهم كل مخيم يصك نص مليون .؟

يعني عاد قلنا خل يحققون ويسون حركات عاد مب يبالغون لهادرجه .؟ يعني شبحط فمخيمي .
ولو بيكلف لو بتحسب الكباين لانه هي الشي الوحيد الغالي بيكون ام باقي الأشياء ماتععدا العشره ..

مرحبا الشيخ

بالفعل اتوقع المقصود الكباين وحتى الترتيبات الكاملة من ليتلت وامور تسليك وشبك ..

العام الربع كلفتهم العنة تقريبا 200 الف ...

هباب ما يروحون لها ..

بارسل لكم التحقيق بعد شوي

[asulaiti]

زين والله نص مليون !!!

بعدين الأراضي والبيوت فوق الـ 5 ملايين أخوي ...
من كم شهر أدور بيت للبيع حق واحد من الأهل في مناطق قريبة من ضواحي الدوحة ..

مساحة الأرض والبيوت حوالي 450 متر مربع - 600 متر مربع والأسعار تقريباً مابين 4 ملايين ونص إلى 5 ملايين وزود بعد ..

كل شيء غلا في الدوحة أخوي .. الله المستعان ..

[بانغ بانغ]

زين والله نص مليون !!!

بعدين الأراضي والبيوت فوق الـ 5 ملايين أخوي ...
من كم شهر أدور بيت للبيع حق واحد من الأهل في مناطق قريبة من ضواحي الدوحة ..

مساحة الأرض والبيوت حوالي 450 متر مربع - 600 متر مربع والأسعار تقريباً مابين 4 ملايين ونص إلى 5 ملايين وزود بعد ..

كل شيء غلا في الدوحة أخوي .. الله المستعان ..

صادق والله كل شي غلا ... بس اني احط نص مليون حق خمس شهور اشوفها وايد لو ايسوون شاليهات مجهزة بساتر وخيام وبيوت شعر وملعب طائرة .. كان ابرك

تحياتي لك

[بانغ بانغ]

مواطنون: موسم «التخييم» للقادرين فقط.. والمصروفات تكفي لبناء منزل

حجم الخط: ع ع ع
امير سالم
الأربعاء، 07 أكتوبر 2015 02:00 ص
تسارعت وتيرة الاستعدادات لموسم التخييم الجديد الذي ينطلق مع بداية شهر نوفمبر القادم، ويستمر حتى نهاية مارس من العام المقبل. وأعرب مواطنون لـ «العرب» عن جاهزيتهم لبدء الموسم وفق الضوابط والاشتراطات التي حددتها وزارة البيئة، لكنهم شكوا من ارتفاع تكاليف الموسم الذي يتواصل على مدار 5 شهور كاملة، لافتين إلى أن فاتورة التجهيزات تتراوح بين 400 و500 ألف ريال في المتوسط.. وأكدوا ضرورة أن تدرس وزارة البيئة -على سبيل التجربة- مد الموسم فترة إضافية لما قبل انطلاق امتحانات نهاية العام الدراسي، لافتين في الوقت نفسه إلى أهمية تكثيف حملات التوعية بقواعد التخييم الهادفة إلى الحفاظ على البيئة، وطالبوا بضرورة توقيع عقوبات صارمة تصل إلى سحب موقع التخييم فوراً من مرتكبي التجاوزات.
كما أكد مواطنون لـ «العرب» ضرورة تسيير حملات دورية لضمان تحقيق الانضباط المطلوب خاصة بمخيمات الشباب، وتوفير الخصوصية لدى المخيمين من الأسر والعائلات، وطالبوا بالحسم مع من يقومون بالتخييم قبل الحصول على تصريح من وزارة البيئة، وتحقيق تكافؤ الفرص بين الجميع في توزيع أماكن التخييم، ومنع تسلل العزاب إلى المخيمات.
بالمقابل -وفي وقت سابق- حددت إدارة الحماية بوزارة البيئة 23 موقعا «براً- وبحراً» للتخييم هذا الموسم، واستحدثت إجراءات جديدة للتخييم، وهي منع التقدم بطلب التخييم لمن تقل أعمارهم عن 25 عاماً، ومنع حصول الشخص الواحد على أكثر من تصريح.

مصروفات ضخمة
«يحتاج التخييم لمصروفات ضخمة قد لا تتوافر لدى الكثيرين، وبالتالي لم يعد لدى غير القادرين مادياً الفرصة للمشاركة في هذا الموسم السنوي، وبات هذا التقليد المتوارث عن الأجداد متاحا فقط للقادرين».. هذا ما أشار إليه المواطن ناصر الشهراني، موضحاً أن هناك إقبالا كبيرا من جانب أصدقائه من هواة التخييم، وأن هناك استعدادات خاصة للمشاركة في الموسم رغم ارتفاع التكاليف.
وقال: «صراحة لست مستعداً لقضاء أيام الإجازة الأسبوعية بالموسم الممتد لمدة 5 شهور، ودفع هذه التكاليف التي تعادل بناء منزل جديد، ومن غير المعقول استمرار زيادة هذه التكاليف في شراء وبناء الخيام والتجهيزات وسداد الرسوم والتأمين، والوفاء بباقي الاشتراطات التي حددتها وزارة البيئة للراغبين في المشاركة بهذا الموسم.
ووصف «الشهراني» هذه الاشتراطات بأنها إيجابية للغاية ولا تستهدف عرقلة أو تقييد حرية المخيمين، موضحاً أنها توفر قدراً من الانضباط المطلوب، والحفاظ على البيئة نظيفة، فضلاً عن تحسين سلوكيات المشاركين في التخييم، والحد من التجاوزات السلوكية المرتكبة خلال المواسم الماضية، معرباً عن أمله في أن يكون موسماً ناجحاً للمشاركين فيه، وأن يكون بأقل قدر من التجاوزات، وأن يساهم في توفير أجواء إيجابية لدى هواة التخييم، تدفعهم لمزيد من العمل والإنجاز كل في موقعه بما يصب في مصلحة قطر المقبلة على مشروعات عملاقة خلال الفترة المقبلة.

[][ الوحيد ][]

صادق والله كل شي غلا ... بس اني احط نص مليون حق خمس شهور اشوفها وايد لو ايسوون شاليهات مجهزة بساتر وخيام وبيوت شعر وملعب طائرة .. كان ابرك
تحياتي لك

الموسم اللي راح مريت على عنه والله ما ابالغ ان تكاليفها فووق المليونين بالراااااااحه .. شي خيااالي الله يبارك لهم ..

[بانغ بانغ]

http://m.alarab.qa/Story/674234

[بانغ بانغ]

[ الوحيد ][;10218414']الموسم اللي راح مريت على عنه والله ما ابالغ ان تكاليفها فووق المليونين بالراااااااحه .. شي خيااالي الله يبارك لهم ..

بالفعل في عنن ما شاء الله اتقوول فندق .. كباين مجالس مفتوحة وكم ملعب طائرة وغرف كباين ..

الله يوفقهم

[وحيد-الشوق]

لو علي انا 10000 ما ادفعها حق العنن ومواسم التخييم الحمدلله لاعمري رحت عنن فلان ولاعلان كافي خيري شري

[بعيد النظر]

مبالغة ..
ويعتمد على شباب العنة ..
اللي يبي كباين والله مقدره .. فـ الله يوفقه ..
و في ناس عننها والله تنافس فنادق .. وقطيتهم 200 الف ما شاء الله ..
لكن ذول عندهم خير والله يزيدهم يعني القطية ولا شي ..


اما ربعنا للحين على الخيام .. والعام تجهيز عنة كاملة من الزيرو ..
كلفت حروة الـ 70 الف ريال ..


والسنة التجديد .. ب 15 الف ..


ومثل ما قال السليطي .. كلل شي غالي في قطر !
الحين ارض في ام عبيرية .. 500 متر .. ب 2 مليون ..
تعال احسب البنيان وحالة .. جوف كم بتصك ..

[بانغ بانغ]

لو علي انا 10000 ما ادفعها حق العنن ومواسم التخييم الحمدلله لاعمري رحت عنن فلان ولاعلان كافي خيري شري

والله اللوم ( مرة ثانية ) على المسئولين بلا ضوابط ولا معايير لانشاء العنن وكأن الشباب ما صدقوا هالفسحة بو كم شهر....

[بانغ بانغ]

مبالغة ..
ويعتمد على شباب العنة ..
اللي يبي كباين والله مقدره .. فـ الله يوفقه ..
و في ناس عننها والله تنافس فنادق .. وقطيتهم 200 الف ما شاء الله ..
لكن ذول عندهم خير والله يزيدهم يعني القطية ولا شي ..


اما ربعنا للحين على الخيام .. والعام تجهيز عنة كاملة من الزيرو ..
كلفت حروة الـ 70 الف ريال ..


والسنة التجديد .. ب 15 الف ..


ومثل ما قال السليطي .. كلل شي غالي في قطر !
الحين ارض في ام عبيرية .. 500 متر .. ب 2 مليون ..
تعال احسب البنيان وحالة .. جوف كم بتصك ..

لو في مجمع عنن مثل مجمع العزب ... كان احسن

استمرارية تحت اشراف البيئة ولو رسوم عالية مب مشكلة

[النهار]

يعني قصدهم كل مخيم يصك نص مليون .؟

يعني عاد قلنا خل يحققون ويسون حركات عاد مب يبالغون لهادرجه .؟ يعني شبحط فمخيمي .
ولو بيكلف لو بتحسب الكباين لانه هي الشي الوحيد الغالي بيكون ام باقي الأشياء ماتععدا العشره ..

هههههههههههههههه
اخوي عاشق العديد النصف مليون ولاشي لبعض العنن هاي بس قيمة جنرترين فقط
ترى بعض العنن تعدت 5 ملاين وا 6 ملايين

[][ الوحيد ][]

اما ربعنا للحين على الخيام .. والعام تجهيز عنة كاملة من الزيرو ..
كلفت حروة الـ 70 الف ريال ..


والسنة التجديد .. ب 15 الف ..



احنا جذي لحد الحين و مرتاحين والله

[شبح الصمت]

صحيح وتوصل اكثر ..

احسبها كم بورت كابن موجوده في العنه خلنا نقول 5 كل بورت كابن قيمتها ما يقارب الـ 80 الف

80 ضرب 5 = 400.000

الميلس بعد يكلف قريب الـ 30 الف اذا خيمه اوكي
المطبخ

الشيل والحط والتمديدات


الدراجات الموجوده كل دراجة قيمتها ما تقل عن الـ 70 ألف


يعني توصل نص مليون وطوفها بعد

[بانغ بانغ]

صحيح وتوصل اكثر ..

احسبها كم بورت كابن موجوده في العنه خلنا نقول 5 كل بورت كابن قيمتها ما يقارب الـ 80 الف

80 ضرب 5 = 400.000

الميلس بعد يكلف قريب الـ 30 الف اذا خيمه اوكي
المطبخ

الشيل والحط والتمديدات


الدراجات الموجوده كل دراجة قيمتها ما تقل عن الـ 70 ألف


يعني توصل نص مليون وطوفها بعد

غير الطباخ والاكل والاغراض ...

الله يعين

[غايه الطواش]

عليهم بالعافيه وكلن يمد رجله على قد لحافه

[بومحمد المطاوعه]

اشدعوووووووووووه
نص مليون

الله اعلم

ولكن انا العام حاط 3 عنن
مادفعت حتى 20 ألف

قطيه بين الربع ولله الحمد وعيال عمي
ومع صرف كل شهر
20 الف ماوصلت



500 الف عيل ها

جميل جمااااااالووو

[Riku3]

كل واحد ومقدرته .. الي اعرفهم بنفسهم يحطون كل شي بس يجيبون 2 باكستانيين يساعدونهم وكل الخيم والسور والتوصيلات بنفسهم يحطونها والجنريترات والمكيفات والثلاجة والمطبخ والمعدات كلها موجوده عندهم من السنين الي فاتت .. فهي تكلفة مره وحده بس ..

وواحد اعرفه بنى بورتكبن متحرك بنفسه وحط فيه غرفة نوم وحمام الله يعزكم .. كلفه 11 الف بس .. من 2011 يستخدمه لين يومك .. وبنى حمام منفصل متنقل بعد بنفسه ..

اكثر الصرف على الاكل بس بعد ما يكلف الا قطية 1000 لين 2000 في الشهر .

اما الي يبي يحول المكان فندق 5 نجوم فهذي مشكلته .

[Dana’1]

صحيح وتوصل اكثر ..

احسبها كم بورت كابن موجوده في العنه خلنا نقول 5 كل بورت كابن قيمتها ما يقارب الـ 80 الف

80 ضرب 5 = 400.000

الميلس بعد يكلف قريب الـ 30 الف اذا خيمه اوكي
المطبخ

الشيل والحط والتمديدات


الدراجات الموجوده كل دراجة قيمتها ما تقل عن الـ 70 ألف


يعني توصل نص مليون وطوفها بعد

الأمور إلي ذكرتها تقريبا هذي أمور ملك لأصحابها ممكن تستخدم كل سنه وممكن تباع أو تؤجر..يعني مو خساره أبدا

[حسن]

مشروعي الجاي عنه في البحر متحركه
وتفتك من فلتان وعلان
وتخبطاتهم الى هذا محسوب على فلان وهذا محسوب على علان
كان بروي مهب دوله

[بوحارب]

الله يرحم ايام المزروعة

يمكن تكاليف العنه من والى ما يوصل 4000 ريال :(

ومستانسين اخر وناسه ويوم فيه عشا ويوم لا

والربع دوم موجودين

اما الحين العنن صارت كلها مناحس وتحدي من عنده كبينه احلى واكبر

[راجي الْعفو]

مسا الخير استاذنا


والله ياخوي احس فيها مبالغه في الصرف على اشيا مؤقته


الا لو بتعمر معاه .. ممكن ..


بس مثل ما ذكرت في امور اولى و اهم ..


تخيل لو تقاططوا على بناء مسجد ؟



في أفكار كثيره للأسف تفوتنا و هي وراها مكسب ما له نهاية .....


تحياتي

[النهار]

مسا الخير استاذنا


والله ياخوي احس فيها مبالغه في الصرف على اشيا مؤقته


الا لو بتعمر معاه .. ممكن ..


بس مثل ما ذكرت في امور اولى و اهم ..


تخيل لو تقاططوا على بناء مسجد ؟



في أفكار كثيره للأسف تفوتنا و هي وراها مكسب ما له نهاية .....


تحياتي

والله ياراجي اثنين من ربعي سوا عنه العام اصرافوا عليها مبالغ تقدر تقول مهب واجد بس كل شي جديد
اقصد عنتين بعد انتهاء الموعد اشوفهم يدورن لهم مكان للتخزين ماحصلوا اطلبوا منى اشوف لهم حد يأخذهم مجانا ( الجمل بما حمل )

[راجي الْعفو]

والله ياراجي اثنين من ربعي سوا عنه العام اصرافوا عليها مبالغ تقدر تقول مهب واجد بس كل شي جديد
اقصد عنتين بعد انتهاء الموعد اشوفهم يدورن لهم مكان للتخزين ماحصلوا اطلبوا منى اشوف لهم حد يأخذهم مجانا ( الجمل بما حمل )

يلا خذ ، هذا مثال واقعي من شخص واقعي

[Qatari In Us]

بذخ محاسبين عليه يوم ما

[][ الوحيد ][]

اشدعوووووووووووه
نص مليون
الله اعلم
ولكن انا العام حاط 3 عنن
مادفعت حتى 20 ألف
قطيه بين الربع ولله الحمد وعيال عمي
ومع صرف كل شهر
20 الف ماوصلت
500 الف عيل ها
جميل جمااااااالووو

بدون كباين اوكي .. مع كباين لا ..

500الف حق عنه لـ 6 اشخاص بالكباين و الحمام و المطبخ ..
سعر وايد زين حق عنه من الصفررر ..


طبعا فالنهايه كل واحد يمد رجله على قد لحاافه ..
والاغراض عقب لو فكرت تبيعهم بجيبون له فال400 بالراحه ..
و في شباب يخلونها حق الموسم اللي بعده و اللي بعده يعني مافيها خساره

[Boost]

إذا التكاليف وصلت لهالدرجة أظن الواحد يشتري زرع أو شاليه أبرك له! عالأقل تبني وتجهز وتستخدمة طول فترة الصيف والشتاء بدون غثى البيئة

[حسن]

قزرنا سنين على خيمه ولكن الحين وبعد زياده الرواتب
الحمدلله الناس قامت تصرف وتطور في التخيم
وين اول وين الحين فرق السماء ولارض
بس هذه تعتبر اصول يعني موجوده عندك وبتعيش عشرات السنين
عكس الخيمه تنتهي بسرعه
وبعين تعال شوف كرفانات اروبا مئات الاولوف الكرفان الواحد
وبعدين تخيل
لو تجيب عايلتك 5 شهور مهب احسن من سفرات دبي ولا لندن كل ويكند
بتصرف بالهبل
بالنسبه لي احط فلوسي في عنه وفي بلادي ولا اصرفها دوله برع كل ويكند او شهر

الرواتب العاليه لها دور في الصرف على العننن
والبعض حسب علمي يشتري خيام ويترك المخيم بما حمل ومايشيل شي
الفلوس يبا زايده
ولا قزرنا على خيمه ام حمار ونرقعها مليون رقعه

[حمد 2002]

الي بيجهز كرفان فايف ستار وفي اي بي خله يجلس في بيته احسن ..

التخيم المقصود منه تعويد النفس على الحياه القاسيه والمتعه والسهر على النجوم في برد الشتاء .


اما بلايستيشن وبرجر باللحم وماكدونالدز هذا خله في بيته احسن .


راحو الطيبين الي يسكنون الخيام ويعيشون على رعي الإبل ويتنقلون من مكان الى مكان ، وجو = يو الي يسكنون بالبورت كابن وايركبون مكيف سنترال !! ..

[حمد 2002]

مشروعي الجاي عنه في البحر متحركه
وتفتك من فلتان وعلان
وتخبطاتهم الى هذا محسوب على فلان وهذا محسوب على علان
كان بروي مهب دوله

اشتر لك باص مدرسه قديم الاصفر !! ، وشيل الكراسي الي فيه ، وحوله بورت كابن !!

[بانغ بانغ]

بس حلو لو ايسوون مجمع اعنن ... مب احسن

منها بحر ومنها بر .. ملاعب طائرة وقدم وسياج امرتب ...

دكان صوب كل مجمع ... احسن من العشوائية المنثرة وكل اشوي ثبوت وزحمة

اتذكر المزروعة لحينها مثل قبل ما تغيرت ... المكان اشرح وانظف واهدأ

[بومحمد المطاوعه]

بس حلو لو ايسوون مجمع اعنن ... مب احسن

منها بحر ومنها بر .. ملاعب طائرة وقدم وسياج امرتب ...

دكان صوب كل مجمع ... احسن من العشوائية المنثرة وكل اشوي ثبوت وزحمة

اتذكر المزروعة لحينها مثل قبل ما تغيرت ... المكان اشرح وانظف واهدأ


انا لليوم انصب فالمزروووعه

واحلى الأجواء وقريب البيت

[بومحمد المطاوعه]

الله يرحم ايام المزروعة

يمكن تكاليف العنه من والى ما يوصل 4000 ريال :(

ومستانسين اخر وناسه ويوم فيه عشا ويوم لا

والربع دوم موجودين

اما الحين العنن صارت كلها مناحس وتحدي من عنده كبينه احلى واكبر



بوووووووو ايام

تخبر يوم امر عليك
واشرب ذاك الكرك
ههههههههه

مالك حل الصراحه

[بومحمد المطاوعه]

[ الوحيد ][;10219534']بدون كباين اوكي .. مع كباين لا ..

500الف حق عنه لـ 6 اشخاص بالكباين و الحمام و المطبخ ..
سعر وايد زين حق عنه من الصفررر ..


طبعا فالنهايه كل واحد يمد رجله على قد لحاافه ..
والاغراض عقب لو فكرت تبيعهم بجيبون له فال400 بالراحه ..
و في شباب يخلونها حق الموسم اللي بعده و اللي بعده يعني مافيها خساره

والله يالغالي

بعد وايد
قول الكبينه سعرها 70 مثلآ هذي التوووب

والكبينه بتم معاك
اما باقي الأشياء لازم تتبدل
من شبك وتور وتوصيلات وكشافات حزات

وبخصوص البيع من يشتري ياخوك

بس هياط والبعض ينزل من القيمه ولا يقدر صاحب البيع للأسف

[بانغ بانغ]

والله يالغالي

بعد وايد
قول الكبينه سعرها 70 مثلآ هذي التوووب

والكبينه بتم معاك
اما باقي الأشياء لازم تتبدل
من شبك وتور وتوصيلات وكشافات حزات

وبخصوص البيع من يشتري ياخوك

بس هياط والبعض ينزل من القيمه ولا يقدر صاحب البيع للأسف

صحيح كلامك

اخواني والربع .. يتوهقون فيها اخر الموسم .. تحذف من بيت لبيت واول الموسم امطيحين في الحسا لاغراض يديدة

[حمد 2002]

انا لليوم انصب فالمزروووعه

واحلى الأجواء وقريب البيت

تنصب غزل نيسر ولا شعري هه هه هه امزح معاك :shy: ،،

المهم

مممم مب شيء الواحد ايخيم جنب بيتهم ،،


حلاه التخيم يكون بعيد عن البيت لكي تحس بالمتعه !!


شكرا ..

[حسن]

اشتر لك باص مدرسه قديم الاصفر !! ، وشيل الكراسي الي فيه ، وحوله بورت كابن !!

لا مستواي الفكري اعلى من الباص
اقولك عنه في البحر تقول باص
عرضو علي فكره الباص من زمان ولكن لم اتقبلها نهائيا
يازين الرقده في البورت كبن ياحمد لا تحس بالهوا ولا البرد ولا الاغبار
ومكيفي ويندو لان الاسبيلت فاشل في الكباين ولا في البيوت
لذاك بيتي سنترال ماعندي ولا سبيلت

[مضارب دوسري]

في ناس يستخدمون العنن للاهل والربع

وفي ناس يستخدمونها لسواد الوجه

وبس والله

[حمد 2002]

لا مستواي الفكري اعلى من الباص
اقولك عنه في البحر تقول باص
عرضو علي فكره الباص من زمان ولكن لم اتقبلها نهائيا
يازين الرقده في البورت كبن ياحمد لا تحس بالهوا ولا البرد ولا الاغبار
ومكيفي ويندو لان الاسبيلت فاشل في الكباين ولا في البيوت
لذاك بيتي سنترال ماعندي ولا سبيلت

بوعلي انت خبير في البورت كابن واتصنعه بيدك واتاجر فيه لذلك تمدحه وماشاء الله بيتك يطرد فيه الخيل ، لذلك عادي عندك تخزنه في بيتكم اذا خلص التخيم ..


وايقولك مايمدح السوق الا من ربح فيه ..


شكرا لك ..

[حمد 2002]

في ناس يستخدمون العنن للاهل والربع

وفي ناس يستخدمونها لسواد الوجه

وبس والله


كل شيء بالحياه وبالدنيا من

جوال . مخيم . سفر . وووووووووووووو


استخدام سلبي ، ايجابي ..


والثمن ..


جنه ونار ..


هذا شيء طبيعي اخوي مضارب ..


شكرا لك ..

[بعيد النظر]

اي والله .. اهم شي مكان التخزيين ..
العام يوم شلنا .. تلفتنا .. بس الحمدلله ..
وزعنا السامان بالتساوي عند الربع ..

وسجلنا شحطينا .. لان الواحد ينسسسسسى !

[][ الوحيد ][]

والله يالغالي
بعد وايد
قول الكبينه سعرها 70 مثلآ هذي التوووب
والكبينه بتم معاك
اما باقي الأشياء لازم تتبدل
من شبك وتور وتوصيلات وكشافات حزات
وبخصوص البيع من يشتري ياخوك
بس هياط والبعض ينزل من القيمه ولا يقدر صاحب البيع للأسف

كل شي يتم معاك ! حطهم فالتيدر و صفهم فالمكان اللي مسويينه البيئه حق الشباب صوب سيلين !
اغراضنا كلها هناك و بنروح ناخذها قبل الموسم و ونحط كل شي في مكانه ..
الكبينه تقعد معاك + المكينه موجوده + الخيام لو تحطهم و تحافظ عليهم

[حسن]

في ناس يستخدمون العنن للاهل والربع

وفي ناس يستخدمونها لسواد الوجه

وبس والله

سواد الوجه العام ارقدو عليهم والسنه هذه يقولون بعد
ماتشوف سيلين السنه محد يبيها
اللوخيا مسويا شغل

الله يقويهم ويعطيهم العافيه

بعض القطرين قلبو بلادنا مصخره

السنه هذه ياويلهم وسواد ليلهم والبنات على طول يتحولون الى قسم البوليس يستلمونهم اهاليهم من هناك
احسن خلهم يعرفون اهاليهم عن بناتهم وين يروحون مهدودين بسارتتهم بدون حسيب ورقيب

ماقصرتو يالخويا والله يعطيكم العافيه
ونسمع عنكم كل خير

تحييه صباحيه لهم من رئيسهم الى اصغر موظف

[حمد 2002]

سواد الوجه العام ارقدو عليهم والسنه هذه يقولون بعد
ماتشوف سيلين السنه محد يبيها
اللوخيا مسويا شغل

الله يقويهم ويعطيهم العافيه

بعض القطرين قلبو بلادنا مصخره

السنه هذه ياويلهم وسواد ليلهم والبنات على طول يتحولون الى قسم البوليس يستلمونهم اهاليهم من هناك
احسن خلهم يعرفون اهاليهم عن بناتهم وين يروحون مهدودين بسارتتهم بدون حسيب ورقيب

ماقصرتو يالخويا والله يعطيكم العافيه
ونسمع عنكم كل خير

تحييه صباحيه لهم من رئيسهم الى اصغر موظف

يمكن هذولا اجانب بوعلي مب قطرين !! :shy:

[بانغ بانغ]

فالامارات على طول بعد ما تطوف مركز الغويفات قبل السلع بشوي

في شاطئ عند مضمار الهجن ... مساحات اراضي على البحر

تمليك للمواطنين وتقدر تبني عليهم بنيان بو دور واحد ومنها شااليه وبحر

تقريبا مساحة 60 متر في 60 متر ..

والله احلى منها مافي

واحنا عندنا شواطئ كبيرة ومحد مستغلها

[بعيد النظر]

سواد الوجه العام ارقدو عليهم والسنه هذه يقولون بعد
ماتشوف سيلين السنه محد يبيها
اللوخيا مسويا شغل

الله يقويهم ويعطيهم العافيه

بعض القطرين قلبو بلادنا مصخره

السنه هذه ياويلهم وسواد ليلهم والبنات على طول يتحولون الى قسم البوليس يستلمونهم اهاليهم من هناك
احسن خلهم يعرفون اهاليهم عن بناتهم وين يروحون مهدودين بسارتتهم بدون حسيب ورقيب

ماقصرتو يالخويا والله يعطيكم العافيه
ونسمع عنكم كل خير

تحييه صباحيه لهم من رئيسهم الى اصغر موظف

صحيييح ..

بس اتمنى السنة تكون اكبر و اوسع ..
وما يغاضون عن احد .. ولا ينظرون للفعل صغير ولا كبير !

لان الحملات العام كان هدفها شي وحيد ..
حسب علمي .. واللي سمعته ..




وبيض الله ويووهم ..

[حسن]

يمكن هذولا اجانب بوعلي مب قطرين !! :shy:

العلم بين ضلوعم

يقولك السنه ياويلهم ترا هم يعرفون ان معلوماتي ماتخرش المايه

هههههههههههه

خل ينظفون بلادنا من هل الوساخه

[بانغ بانغ]

الله يعطيهم العافية صراحة الجهات الامنية

بس لو قطر للبترول اتعدل الشوارع عشان الحوادث واتصير نفس دخان

ايكون زين

[بومحمد المطاوعه]

صحيح كلامك

اخواني والربع .. يتوهقون فيها اخر الموسم .. تحذف من بيت لبيت واول الموسم امطيحين في الحسا لاغراض يديدة

صحيح البعض جذي

انا عن نفسي
كل سنه ابدل السناح والتور والتوصيلات

اما باقي الأشياء نفسها بالضبط
وعنتي في المزروعه مافيها اي كبينه الا غير الحمام الله يعزكم

اما الي في سيلين فيها كباين

ولكن اكثر اوقاتي في المزروعه
قريب البيت ههههههه

[حسن]

صحيييح ..

بس اتمنى السنة تكون اكبر و اوسع ..
وما يغاضون عن احد .. ولا ينظرون للفعل صغير ولا كبير !

لان الحملات العام كان هدفها شي وحيد ..
حسب علمي .. واللي سمعته ..




وبيض الله ويووهم ..

السنه لا تحاتي
الصراحه خبرو سمعتنا واحنا اصحاب العنن القديمه من 30 سنه يجون هذولا يقلبون البلاد سمردحه ليش
ويقطون وصاختهم وعربده مهب جذي عاد قلوبها قرندول
الحمدلله سنوات ونحن نروح البحر ونترك بصمه جميله لنا واهتمانا بالبيئه

[بومحمد المطاوعه]

تنصب غزل نيسر ولا شعري هه هه هه امزح معاك :shy: ،،

المهم

مممم مب شيء الواحد ايخيم جنب بيتهم ،،


حلاه التخيم يكون بعيد عن البيت لكي تحس بالمتعه !!


شكرا ..

يامسلم
قريب البيت مب شرط طوفه بطوفه

وين بيوت فالمزروعه ,,.؟


اقصد كلها كم جسر و اوصل للعنه

[بومحمد المطاوعه]

[ الوحيد ][;10219656']كل شي يتم معاك ! حطهم فالتيدر و صفهم فالمكان اللي مسويينه البيئه حق الشباب صوب سيلين !
اغراضنا كلها هناك و بنروح ناخذها قبل الموسم و ونحط كل شي في مكانه ..
الكبينه تقعد معاك + المكينه موجوده + الخيام لو تحطهم و تحافظ عليهم

صح كلامك في اشياء اتم في اشياء لابد التبديل
مثل السناح والتور وهذي الاشياء الي تهلك من الهوا

الحمدلله احنا عندنا مكان نحط الأغراض
والخيام نلحفهم عدل

لكن للأسف البعض ياخوي يحذف كل شي

في اشياء تقدر تخليها لكم سنه وفي اشياء ماتقدر لانها تتلف

تصدق الكشافات هذي السنه الثالثه بركبهم ماشاءالله

بس نظفتهم وبدلت اللمبات وخلاص رجعو يداد

وان شاءالله خير

[jwar]

صار لي عشر سنوات تقريبا
وانا كل كل سنه اخيم

لا نص مليون ولا حتى ربع مليون

كلام فاضي وبعيد عن الواقع جدا جدا


واذا تبون تفاصيل التفاصيل حق التكاليف من الالف الى الياء انا حاضر

من الوتد لين الكباين لين المكاين لين البصل والكركم حق الطباخ

[qatarman8008]

الصراحة في ناس يكلفون اكثر من اللازم عشان مخيم مؤقت لمدة 6 شهور..
انا بالنسبة لي عندي كرفانين والخيام والاغراض كلها استخدمها سنة ورى سنة تقريبا..