لو انت جرئ قول ...

[عثرة جواد]

السلام عليكم

كثيرة هي المواقف الي تمر علينا ف حياتنا وتترك بصمة ايجابية او سلبية .

ويكون التغير من شخص او موقف او حتى صدمة ...

بس سوالي وشو الموقف الي غير حياتك ؟؟؟

منهو الشخص الي اثر فيها ؟؟

انا بعد كان لي موقف غير مجراء حياتي ...بذكرة عقب ماسمع واتحاور معاكم.


............التغيير داامااا صعب ..............

[مختلف جداََ]

يوم اكتشفت انه ناس من هلي يحجون بظهري كلام الله المستعان

ويضحكون في وجهي

[مختلفة عقليا]

السلام عليكم

وايد مواقف اتكون صغيره او كبيره او حتي كلمة اتغير فيني وااااااايد .,

بس اخر شي .,

يوم تزوجت تغيرت نظرتي في الحياة ., حسيت بقيمة الاسره ., وتغير تفكيري كثيررر .,

ويسلموو

[عثرة جواد]

يوم اكتشفت انه ناس من هلي يحجون بظهري كلام الله المستعان

ويضحكون في وجهي

هلا مختلف انت جرئ وشجاع

بس اشلون تغيرت حياتك

اسعدتني المشاركة اسعدني المرور

[مختلف جداََ]

لأني اقتنعت انه مب عشان هم هلك لازم بحبون لك الخير .
ممكن يكون عندك شخص غريب ويتمنى لك الخير أكثر منهم بوايد.

فقررت احاسب على كلامي و تصرفاتي مع الجميع و خصوصاً هلي .

[مختلف جداََ]

على فكره هم يعرفون معرفي في المنتدى

[عثرة جواد]

السلام عليكم

وايد مواقف اتكون صغيره او كبيره او حتي كلمة اتغير فيني وااااااايد .,

بس اخر شي .,

يوم تزوجت تغيرت نظرتي في الحياة ., حسيت بقيمة الاسره ., وتغير تفكيري كثيررر .,

ويسلموو

هلا وغلا

الله يهنيج بحياتج ويبعد عنج الحساد

اكيد الزواج انتقال من مرحلة الى اخرى

وطبعا مارح اقول انت شجاعة لاني اعرف قوتج
اسعدتني المشاركة واسعدني المرور

[عثرة جواد]

لأني اقتنعت انه مب عشان هم هلك لازم بحبون لك الخير .
ممكن يكون عندك شخص غريب ويتمنى لك الخير أكثر منهم بوايد.

فقررت احاسب على كلامي و تصرفاتي مع الجميع و خصوصاً هلي .

بصراحة انت قوي جدا الله يوفقك

وصج تراء ساعات الاهل يكونو اقسى من الغريب

وكل الي انصحك فية لاتقطعهم وحذر من الكل

سعيدة بحوارك

[عثرة جواد]

على فكره هم يعرفون معرفي في المنتدى


قلت لك انك قوي

دام هم ويانا اتمنى يفهمونه صح

[المهاجر]

شخصين غيروا مجرى حياتي يوم حطيت ثقتي فيهم وغدروا وطعنوا بالظهر

وبعد ما ابتعدت عنهم تغيرت حياتي تغيير كامل والحمد لله للأفضل

واصبحت اعرف كيف اختار من الناس من يستحقون الثقه

وبكل صدق حياتي تغيرت وايد من جميع النواحي والله عوضني بناس فعلا كانوا سبب في سعادتي ونسيان كل الم مريت فيه

[عثرة جواد]

شخصين غيروا مجرى حياتي يوم حطيت ثقتي فيهم وغدروا وطعنوا بالظهر

وبعد ما ابتعدت عنهم تغيرت حياتي تغيير كامل والحمد لله للأفضل

واصبحت اعرف كيف اختار من الناس من يستحقون الثقه

وبكل صدق حياتي تغيرت وايد من جميع النواحي والله عوضني بناس فعلا كانوا سبب في سعادتي ونسيان كل الم مريت فيه

هلا وغلا المهاجر لك وحشة من زمان مختفي

اهنيك ع شجاعتك واهنيك ع استطاعتك تغير مسار حياتك

والحمدلله الي عوضك خير

اهم شي انك سعيد والا تنسى طعنات الظهر تدل ع انك ف المقدمة

اسعدتني مداخلتك واسعدني المورو

[مختلف جداََ]

قلت لك انك قوي

دام هم ويانا اتمنى يفهمونه صح


عثرة ،،،
مب مسألة قوة
الإنسان قناعات
احترمك و تحترمني
لا اغلط عليك و لا تغلط علي



خلني ساكت أحسن.

[عثرة جواد]

عثرة ،،،
مب مسألة قوة
الإنسان قناعات
احترمك و تحترمني
لا اغلط عليك و لا تغلط علي



خلني ساكت أحسن.

بقولك شي اخوي

لازم تعرف ان النفس امارة بسؤ والحقد والاحسد موجود وكبر مثال

سيدنا يوسف والي سوو فيه اخوانه فلا تزعل والا تحزن عيش حياتك

حقق احلامك وتاكد انه بيجي اليوم الي بيعرفون قيمتك هاي الدنيا دوارة

ارد وقول لك انت قوي

مستمتعة بحوارك

[حسن]

اشارات دحل الحمام

غيرت مجري طريقي

:)

[المهاجر]

هلا وغلا المهاجر لك وحشة من زمان مختفي

اهنيك ع شجاعتك واهنيك ع استطاعتك تغير مسار حياتك

والحمدلله الي عوضك خير

اهم شي انك سعيد والا تنسى طعنات الظهر تدل ع انك ف المقدمة

اسعدتني مداخلتك واسعدني المورو

هلا بج زود ياعثره جواد ومايوحشج غالي يارب

موجودين بس خبرج تغيرت امورنا كثير وللأفضل بفظل الله

الحمد لله سعيد جدا بمن هم حولي الله لايحرمني منهم

ونعم الطعنات استفدت منها كثير وقدرت اكسب ناس بصراحه ما في مثلهم

ذهب بصفاتهم واخلاقهم وصدقهم وحبهم الخالي من المصالح

واحنا سعداء اكثر اختي الكريمه

[راعي الكورفت]

اعتقد ان الخيانه هي أصعب موقف يمكنك تمر على الإنسان :(

[معماري قطري]

اشارات دحل الحمام

غيرت مجري طريقي

:)

هههههههههه عجييب أكيد بيتك قريب وسهلت طريقك

بس شفيك سكت عن الدفاع عن أشغال يالله اشتغل

[معماري قطري]

انا تغيرت حياتي من كنت 17 حياتي اقدر اقسمها قسمين ما قبل مرض السكري وبعد مرض السكري وعندي من الدرجة الأُولى ويحتاج متابعة وعلاج متواصل.

الحمد لله قبل كنت نملة كبيرة تمشي على الأرض ونص أكلي سكريات

بعد السكر نسيت الكوافي وأنواعها والحلويات والكيك .. قبل الأنواع محدودة وألحين آشوف بعيوني اتعذب .. لكن الحمد لله عندي صمود طول هالسنين من 82 للحين

[بانغ بانغ]

الانسان بطبعه نفس المركب في المحيط .. قد ينقلب من هبة هوا ... او يثبت في اعصار

كل انسان يتأثر من بيئته بما معرض هو منها

موقف ايجابي ... الله يذكره بالخير احد اساتذتي مادري حيت او ميت بس الله يرحمه في اي حال ... كان دايما ايشجعني في الانجليزي ويمدحني جدام الطلاب وفي الطابور وانا ويههي طماطة .... لين ما كبرت وتخصصت انجليزي وكملت دراستي بالانجليزي وتحصلت على اعلى الوظايف وتعلمت لغات ثانية وثالثة ورابعة ... تذكرت تشجيعه لي

لحين اذكره الله يجزيه خير .... موقف تشجيع ترك بصمه في مسيرتي ...

الله يوفقك يا استاد / بديع هادي

[عثرة جواد]

اشارات دحل الحمام

غيرت مجري طريقي

:)

هلا حسن

هههههه

اهمي شي التغيير ايجابي والا سلبي

اسعدني المرور

[عثرة جواد]

هلا بج زود ياعثره جواد ومايوحشج غالي يارب

موجودين بس خبرج تغيرت امورنا كثير وللأفضل بفظل الله

الحمد لله سعيد جدا بمن هم حولي الله لايحرمني منهم

ونعم الطعنات استفدت منها كثير وقدرت اكسب ناس بصراحه ما في مثلهم

ذهب بصفاتهم واخلاقهم وصدقهم وحبهم الخالي من المصالح

واحنا سعداء اكثر اختي الكريمه

هلا اخوي

ممتاز يعني التغيير كان اايجابي وهااي اهم شي

الله يديمها عليك اسعدني حوارك

[عثرة جواد]

اعتقد ان الخيانه هي أصعب موقف يمكنك تمر على الإنسان :(

هلا اخوي

صح الخيانة هي المصيبة

بس وشو الي غير حياتك

اسعدني المرور

[حسن]

هلا حسن

هههههه

اهمي شي التغيير ايجابي والا سلبي

اسعدني المرور

لا ابشرك إيجابي الحمدلله
وانا انسان إيجابي واحب الايجابين

احب الايجابين لا اقصد احد في المنتدي لكي لايساء ضني
إنما تعبيرا عن رأي
لذا وجب التنويه

[عثرة جواد]

انا تغيرت حياتي من كنت 17 حياتي اقدر اقسمها قسمين ما قبل مرض السكري وبعد مرض السكري وعندي من الدرجة الأُولى ويحتاج متابعة وعلاج متواصل.

الحمد لله قبل كنت نملة كبيرة تمشي على الأرض ونص أكلي سكريات

بعد السكر نسيت الكوافي وأنواعها والحلويات والكيك .. قبل الأنواع محدودة وألحين آشوف بعيوني اتعذب .. لكن الحمد لله عندي صمود طول هالسنين من 82 للحين

هلا اخوي معماري

اجر وعافية

وعساة ف ميزان حسناتك

وع فكرة السكر يسمونة مرض الرشااقة ...يعني شكلك مرتب :)

اسعدتني المشاركة واسعدني المرور

[عثرة جواد]

الانسان بطبعه نفس المركب في المحيط .. قد ينقلب من هبة هوا ... او يثبت في اعصار

كل انسان يتأثر من بيئته بما معرض هو منها

موقف ايجابي ... الله يذكره بالخير احد اساتذتي مادري حيت او ميت بس الله يرحمه في اي حال ... كان دايما ايشجعني في الانجليزي ويمدحني جدام الطلاب وفي الطابور وانا ويههي طماطة .... لين ما كبرت وتخصصت انجليزي وكملت دراستي بالانجليزي وتحصلت على اعلى الوظايف وتعلمت لغات ثانية وثالثة ورابعة ... تذكرت تشجيعه لي

لحين اذكره الله يجزيه خير .... موقف تشجيع ترك بصمه في مسيرتي ...

الله يوفقك يا استاد / بديع هادي

هلا اخوي بانغ بانغ

رااائع الحمد لله التغييرات كلها ايجابية

كنت خايفة انه ف تغيرات سلبية

بخصوص الطماطه اعجبتني هههه

كثير هم الي يتركون بصمة من غير قصد لاكن تاثر في حياتنا

سؤؤايجابية اوسلبية .

الله يوفقك .

اسعدتني المشاركة واسعدني المرور

[حمد 2002]

السلام عليكم

كثيرة هي المواقف الي تمر علينا ف حياتنا وتترك بصمة ايجابية او سلبية .

ويكون التغير من شخص او موقف او حتى صدمة ...

بس سوالي وشو الموقف الي غير حياتك ؟؟؟

منهو الشخص الي اثر فيها ؟؟

انا بعد كان لي موقف غير مجراء حياتي ...بذكرة عقب ماسمع واتحاور معاكم.


............التغيير داامااا صعب ..............



الزواج غير حياتي

وحبيت الزواج ..

وان شاء الله اذا تحسنت ضروفي بالمستقبل بتزوج 4 بدال 1 ،،


واشجع كل الشباب على الزواج ،،



ومن الي غير حياتي بعد ..


حسن بوعلي ..


لاني احس بقربه بالامان وبالقوه وهو صاحب رؤيه فذه وصاحب بعد نظر ..


ونعم الرجال والله ومليار كفووو ..


شكرا ..

[بصمة قطرية]

السلام عليكم

المواقف اللي تغير و تأثر ما أعتقد إنها تخلص ..
الواحد طول ما هو عايش ممكن يتعرض في أي لحظة
لأي موقف يأثر فيه سلباً أو إيجاباً ..
في الفترة الأخيرة أكثر من موقف ترك بداخلي ( كسر ) ..
و عرفت إن الدنيا ما فيها خير و أن الناس
أغلبهم عايشين لنفسهم حتى القراب واللي نعزهم
ممكن يخذلونا و يكسرونا في أي لحظة ..
فعلاً المواقف تبين معادن الناس ..

[غريب الدّار]

مرحبا اختي عثرة

انا جرئ :)

بس ماراح اذكر تفاصيل بعد اذنج

اللحظة اللي غيرت حياتي واثرت فيني وفي حياتي كلها بشكل كبير جدا هي لما فارقت شخص الله يذكره بالخير ويوفقه ويسعده وين ماكان

[عثرة جواد]

السلام عليكم

المواقف اللي تغير و تأثر ما أعتقد إنها تخلص ..
الواحد طول ما هو عايش ممكن يتعرض في أي لحظة
لأي موقف يأثر فيه سلباً أو إيجاباً ..
في الفترة الأخيرة أكثر من موقف ترك بداخلي ( كسر ) ..
و عرفت إن الدنيا ما فيها خير و أن الناس
أغلبهم عايشين لنفسهم حتى القراب واللي نعزهم
ممكن يخذلونا و يكسرونا في أي لحظة ..
فعلاً المواقف تبين معادن الناس ..

هلا حبيبتي

كلامج صحيح بس جرح عن جرح او موقف غير عن موقف

زمان كانت القلوب طاهرة لقربها من الله والتربية الصالحة

بس الحين نسال الله السلامه فلا تتاثرين ولا تزعلين خلج قوية

واجهي كل العواصف لانة زمن المفاجائات الله يعطيج ع قد نيتج

اسعدتني مشاركتج ومرورج

[عثرة جواد]

مرحبا اختي عثرة

انا جرئ :)

بس ماراح اذكر تفاصيل بعد اذنج

اللحظة اللي غيرت حياتي واثرت فيني وفي حياتي كلها بشكل كبير جدا هي لما فارقت شخص الله يذكره بالخير ويوفقه ويسعده وين ماكان

هلا اخوي

الله ييسر دربة ...اهم شي التغيير كان اايجااابي


بعد انت جري

اسعدتني المشاركةاسعدني المرور

[غريب الدّار]

هلا اخوي

الله ييسر دربة ...اهم شي التغيير كان اايجااابي


بعد انت جري

اسعدتني المشاركةاسعدني المرور

ايجابي؟ ؟؟؟ !!!

الحمدلله على كل حال

الحمدلله

[عثرة جواد]

ايجابي؟ ؟؟؟ !!!

الحمدلله على كل حال

الحمدلله

الحمد لله

الله يوفقك ...

اسعدني الحورا

[غريب الدّار]

الحمد لله

الله يوفقك ...

اسعدني الحورا
وياج اختي عثرة
وانا اسعدني (الحورا) اكثر
:)

[عثرة جواد]

انا وعدتكم اني اذكر الحدث الي غير حياتي


كان عندي اخو كن توم روحي وحبيب قلبي

كنت من كثر حبي لة داما اردد"

8ـ يذكرني طلـوع الشمس.((.....))وأذكــره لـــكـــل غـــروب شـمــس
9ـ ولــولا كثـرة البــاكين حولـــي ...علــى إخــوانــهــم ، لقتــلت نفسـي
10ـ ولـكن لا أزال أرى عـجـــولا ...وبــاكيـــة تنــــوح ليـــــوم نـحــس
11ـ أراهـا والهـــا تـبــكـي أخـاها عـشيــة رزئــه ، أو غـــب أمــــس
12ـ ومــا يبكون مثل أخي ، ولكن أعــزي النـفــس عنـــه بـالتـأســـي
13ـ فــلا والله لا أنســاك ، حـتــى أفــارق مهجتــي ، ويـشـق رمسـي

فارق الحياة بدون مرض او علة ..

تغيرت حياتي 90 درجة تعلمت دروس وعرفت ناس كانو لابسين اقنعة

الله يرحمة ويغفرلة

[مختلف جداََ]

انا وعدتكم اني اذكر الحدث الي غير حياتي


كان عندي اخو كن توم روحي وحبيب قلبي

كنت من كثر حبي لة داما اردد"

8ـ يذكرني طلـوع الشمس.((.....))وأذكــره لـــكـــل غـــروب شـمــس
9ـ ولــولا كثـرة البــاكين حولـــي ...علــى إخــوانــهــم ، لقتــلت نفسـي
10ـ ولـكن لا أزال أرى عـجـــولا ...وبــاكيـــة تنــــوح ليـــــوم نـحــس
11ـ أراهـا والهـــا تـبــكـي أخـاها عـشيــة رزئــه ، أو غـــب أمــــس
12ـ ومــا يبكون مثل أخي ، ولكن أعــزي النـفــس عنـــه بـالتـأســـي
13ـ فــلا والله لا أنســاك ، حـتــى أفــارق مهجتــي ، ويـشـق رمسـي

فارق الحياة بدون مرض او علة ..

تغيرت حياتي 90 درجة تعلمت دروس وعرفت ناس كانو لابسين اقنعة

الله يرحمة ويغفرلة

رحمه الله رحمة واسعة

[MaRuKoO]

الي غير حياتي مشكله كبيره طحت فيها وكان فيها تحديد مصير لانه كشف لي ناس على حقيقتهم وبين لي انه لاتصدق اي احد لانه كلن يبي مصلحته صدق عقلك وقلبك انت وبس لانه الي يقولك شوره ورايه اليوم عادي بكره يغير رايه ويقولك انا مالي شغل
وبين لي انه مهما كان راي امك مايعبجك ترى الام طول عمرها ماتتكلم الا خوف عليك ولمصلحتك ومثل مايقولون Mothers always right

[عثرة جواد]

رحمه الله رحمة واسعة


جزاك الله خير

[عثرة جواد]

الي غير حياتي مشكله كبيره طحت فيها وكان فيها تحديد مصير لانه كشف لي ناس على حقيقتهم وبين لي انه لاتصدق اي احد لانه كلن يبي مصلحته صدق عقلك وقلبك انت وبس لانه الي يقولك شوره ورايه اليوم عادي بكره يغير رايه ويقولك انا مالي شغل
وبين لي انه مهما كان راي امك مايعبجك ترى الام طول عمرها ماتتكلم الا خوف عليك ولمصلحتك ومثل مايقولون Mothers always right

هلا اختي

مؤلم جدا لين تثقين ف حد وتكتشفين انه هو سبب شقاء وعناء

بس الحمدلله انه اعطانا القدرة ع التحمل والنسيان

دام اخذي من كل تجربة الحكمة ومن الطيحه عصاء قوي ترتكزين علية

الله خلقنا للاختبار ويا بخت من نجح ...

اسعدتني المشاركة واسعدني المرور