الي جرب يتعامل مع مصنع أثاث يفيدني

[sweet qatar]

السلام عليكم ورحمة الله وبركاته

حابة أتعامل مع مصنع ينفذ لي قطع أثاث حسب الطلب

و يكون ثقة و شغله نظيف

للأسف رفيجتي تعاملت مع منجرة في قطر مادري شركة

وطلبت منهم ينفذون تصميمها

و تفاجأت إن ناس من أهلها شروا قطعة الأثاث قبل لا تنزل بيتها !!


ياليت القي حد يفيدني .. و شكرآ

[معماري قطري]

التنفيذ عندنا سيء والزين مبالغ في سعره .. مثل منجرة السلام سعر خيالي لكن شغل دقيق للغاية وتصميم حسب ما تبين

أتوقع نابكو عندهم منجرة أثاث ويشتغلون تجميع وتصليح عندهم وممكن يسون والله أعلم

نصيحتي لو القطعة معروفة وممكن تاخذينها جاهزة شوفي الجاهز أفضل .. ولا إحنا جربنا كبتات بمقاسات خاصة وتقسيم لغرفة ملابس بعمل مراية كبيرة وأدراج وارفف للأحذية ( تكرمون ) وأرفف للشناط وسوينا ديكور للتلفزيون بخشب عادي بلايوود بقشرة زينة .. وسواه لنا مهندس ديكور بحول 8000 ريال والمنجرة من مزرعة العطية .. والشغل صراحة طلع عملي وزين .. حطيت مره صورة لكسرة التلفزيون وطلبت يسونها بتشكيلة قوس اسلامي وطلعت حلوة .. سووها بشكل شوي مغاير لكن مقبول.

المصمم محله في مبنى الجاكوار فوق قرب السنتر قرب رمادا .. اسمه اتيليه ورقم ما اذكر كم .. وميزته إنه يصمم بالرسم وتقدرين تطلبين عينة من الخشب ويسونه والسعر معقول.

[sweet qatar]

شاكرة لك ردك أخوي

السلام حطيته في بالي بس كنت متخوفة لأنه يمسك مشاريع كبيرة

وحسيت انه مثل مكتب هندسي تابع لمحل أثاث مشهور

سعر مبالغ فيه

انا بدفع للكواليتي لكن بدون مبالغة واستغلال

أشكرك مرة ثانية والظاهر بدور لي شركات أو مصانع برا

[Dana’1]

وعليكم السلام ورحمة الله وبركاته

أكثر المحلات ينسخون من بعض او من الماركات المعروفه بالأثاث والذكي منهم إلي يحط رتوش أو لمسات من عنده ومرات تعطينه فكره يروح يسويها ويعرضها بالمعرض بعد والأسعار مبالغ فيها للأسف هذا واقع السوق

عالعموم حبيبتي
فيه محل دخلته بالصدفه للأمانه ما تعاملت معه المحل بطريق سلوى
على كلام الموظف إنهم يصممون أي قطعه ممكن يجيبها العميل أثاث الثريات والابجورات وشغل النجاره والمصنع كله بلبنان*الجوده*
بحكم إني ماجربتها ما اقدر احكم 100% بس الي شفته كان ممتاز وفيه بعض القطع متوسطه الجوده

إذا للحين تدورين وحابه تاخذين فكره عامه عن المحل عند بعض الصور ممكن ارسلها لك عالخاص إذا تحبين ^_^

[Aozomblue]

عندك معرض اسمه سوان ديزاين طريق سلوى