نصور حمود عبود ......اليوم الخميس يالله نروح نلعب قمـــار

[jwar]

تخيلوا ان الواحد يسمع واحد من عياله او عيال اخوه يقول حق اليهال او عيال عمه او عيال خاله ................. يالله تعالوا نروح نلعب قمار ..؟؟

ايش بتكون ردة فعلكم ؟ وايش بيكون تصرفكم ؟

هل بتهاوشون اليهال وبتقولون لهم من وين تعلمتوا هالالعاب؟ او من وين جبتوا هالاسم ومن علمكم اياه ؟

وهو في هالعصر اسم منتشر في التلفزيون والمسلسلات الخليجيه او العربية او الاجنبيه والافلام في زمن فيه الا نترنت وكل شى صار سهل وجيل هالايام يعرفون كل شي ؟

او بتشوفون باقي ( موضوعي ) وبتحاولون توصلون حق اللي سهل ونشر هالاشياء بين اليهال وبتحاسبونه او تشتكون عليه؟


من فتره مش بسيطه كنت اودي اليهال احد اماكن الالعاب في مجمع تجاري معروف في قطر ولاحظت وجود مكينه ( اونها لعبه ) هي عباره عن دولاب للحظ ممكن الواحد يلعبها ويفوز بعدد معين من البطاقات اللي كل مازاد عددها توهلك للحصول على هديه اكبر واغلى من المحل.

ومع الوقت اشوف عدد هالاجهزه وأنواعها في ازدياد ( في اغلب ملاهي الاطفال) في المجمعات التجارية .

والشي الغريب انها تعلم عيالنا وتزرع في نفوسهم هالنوع من الالعاب او ( القمار تحديدا ) بدون مايحسون او بدون مايحسون الاهل بالخطورة الكبيرة لهذا الشي


هذه صور لبعض الاجهزة الموجوده في ( ا لمنطقه المخصصه لالعاب الاطفال ) في احد المجمعات المعروفه عندنا



http://cdn.top4top.co/i_bc703f67ed1.jpg (http://up.top4top.net/)


http://cdn.top4top.co/i_e3533b031c2.jpg (http://up.top4top.net/)


http://cdn.top4top.co/i_e3533b031c3.jpg (http://up.top4top.net/)

http://cdn.top4top.co/i_e3533b031c4.jpg (http://up.top4top.net/)



وفي لعبة بعد لكن كنت مستعجل وطلعت وماقدرت اصورها لان ( كان عليها زحمه)
وهي لعبه قمار 10000%
محطوطه حق عيالنا في هالمكان

المشكله ان احيانا الناس تستصغر هالامور وتقول يالله عادي ( شدعوه لعبه ) بتخلي عيالنا لين كبروا يروحون يلعبون قمار ؟
لكن المشكله ان الاشياء الصغيره اللي تنزرع داخل عيالنا على انها عاديه يكبرون ويكبرون ويكبر معاهم هالشي ويكون صعب تغيره لين كبروا
او انهم حتى يلعبونها في البيت مستقبلا باي طريقه مختلفه كانت

طبعا مدري ماحط في ذمتي هل صاحب المكان عنده علم بالهشي ولا لا او متعمد ان يحطها ويقول اهم شي اني اربح بدون الالتفات لخطورة الاثـر اللي يزرعه داخل عيالنا بسبب هالنوع من الالعاب


ومدري صح اني انزل هالموضوع او لا ... او حتى اذا تم طرحه في المنتدى من قبل

لكن شفت هالشي وقهرني وحبيت اشاركم واسمع رايكم في الموضوع

[ضوى]

انت صح

موضوعك مكانه مب الاستراحة مكانه الحوار العام ولاول مرة احد يتطرق له احييك عليه بصراحه واتوقع ان شا ءالله ينزل بالصحف المحلية صدقا موضوعك جدا مهم

ياريت احد من المشرفين ينقله للحوار العام

[بومحمد المطاوعه]

جزاكم ربي الجنه

موضوع جدآ مهم
والكثيييير غافل عنه

نسأل الله السلامه
والله يهدي الجميع يارب

[العفراء]

بصراحه شي محد كان منتبه له فنشكرك انك فتحت عيونا و بصيرتنا على شي مهم وااايد
و مثل ما قالت ضوى الموضوع مكانه الحوار العام و ان شاء الله يتناولونه الصحف و يوصلونه للمسؤليين

[غايه الطواش]

والله نفس الالعاب الي في فيغاس !!!

[بومحمد المطاوعه]

والله نفس الالعاب الي في فيغاس !!!

شكثر هني فالمجمعات

ازدان مول
ومول الخليج
واللاند مارك

ونشوف اليهال
يلعبون وياخذون الاوراق ويجمعونهم وعقب يبدلونها بالالعاب

تجمع كم ورقه وتحصل كذا

[بعيد النظر]

هذي موجودة عندنا في مجمعاتنا ؟!!!!!!!!


حسبي الله علييهم

[jwar]

والله نفس الالعاب الي في فيغاس !!!

:secret: كلام صحيح للاسف

[jwar]

شكثر هني فالمجمعات

ازدان مول
ومول الخليج
واللاند مارك

ونشوف اليهال
يلعبون وياخذون الاوراق ويجمعونهم وعقب يبدلونها بالالعاب

تجمع كم ورقه وتحصل كذا

المشكله مش في الاوراق او الكوبونات اللي تجمعها بالعكس .. هذه عاديه .. الاوراق هذه تطلع لك بعد ماتلعب اي لعبه ويكون عدد هالبطاقات حسب سكورك او نتيجتك في اللعبه

لكن المشكله اللي اقصدها هي المكاين ( اللي مب لعبه ) اصلا مافيها لعبه . تددفع فلوس ويدور الدولاب وتفوز ببطاقات فقط انت وحظك نظام قمار 100%

[المهاجر]

موضوع في غاية الاهميه وبالفعل مكانه الحوار العام

هالالعاب خطر كبير على الأجيال القادمه وراح يخليهم يستسهلون هالشي ولانقول اذا كبروا بيتعلمون ويبعرفون

لا والله

فاللي نشوفه الحين شي يحزن له القلب وتدمع له العين

ناس كبار ومش صغار واصبح القمار عندهم شي سهل لدرجة انهم يسافرون ويك اند عشان يروحون اماكن لعب القمار

ويلعبون ويكسبون الاموال

واذا قالوا لهم حرام وهذا رجس من عمل الشيطان

يجيك الرد الصاعق واللي يخليك ما تقدر توقف من هول الصدمه

ناخذ هالفلوس بالحرام ونصرفها على الحرام !!!!!!!!!

وما ناكل عيالنا منها !!!

بل لين هالدرجه وصل التفكير عند الناس

يعني يسوي الحرام ويجمع المال من الحرام عشان يصرفها على الحرام ويقول عادي

يعني حياته صارت حرام في حرام

واللي يقهر يقول ما أأكل عيالي منها

ياخي انت شتقول !! ما تخاف من ربك يقبض روحك وانت تستهين وتستهتر بأحكامه وأوامره ونواهيه

لاحول ولا قوة الا بالله

يالله سترك ورضاك

[بومحمد المطاوعه]

المشكله مش في الاوراق او الكوبونات اللي تجمعها بالعكس .. هذه عاديه .. الاوراق هذه تطلع لك بعد ماتلعب اي لعبه ويكون عدد هالبطاقات يكون حسب سكورك او نتيجتك في اللعبه

لكن المشكله اللي اقصدها هي المكاين ( اللي مب لعبه ) اصلا مافيها لعبه . تددفع فلوس ويدور الدولاب وتفوز ببطاقات فقط انت وحظك نظام قمار 100%

عرفت هذي الكباين تطلع لك اوراق بدون هدف بعد

صحيح قمار والله

مره ولدي يبي يلعب قلت له لا بابا هذي مب زين

يشوف يهال يلعبون وتطلع لهم اوراق شكثر
يقولي شوف وايد اوراق

وهو في سن 4 سنوات
قلت له مب زين يايبه هذي الله تعالى يزعل عقب ويعصب علينا

احنا مسلمين مب زين

[ضوى]

الله يبعد عيالنا عن هالالعاب ، ونصيحة اللي يقط عياله مع شغاله والا بروحهم عند الالعاب لازم ينتبه ترى محد يدري شيصير وشيلعبون ووين وصلوا في افكارهم

[أسد الجزيرة]

نفس الشي اولدي عور راسي يبي يلعبها و رفضت يقول ليش قلت له هذي قمار

[بنت مريخ]

جزاك الله خير ع التوضيح
اشكثر وولدي يلعبها
اول مره اعرف انها قمار
ليش يحطونها وهم يعرفون انها قمار
ملاك المجمعات مايدرون؟؟؟

[راجي الْعفو]

بيض الله وجهك و جزاك الله خير عالتنبيه المهم جداً


مثل هـ الألعاب لها وجود من زمان


كانت هناك اجهزة تدخل فيها نصوص و تلعب لعبة انك تشيل الحلويات الموجودة ب ( رافعة ) مصغرة

وانت و حظك ، يا انك تقدر تشيل شي

او انك تطلع منها خالي اليدين !


وهذا اللي طرحته تطور لما في السابق


كأنهم كانوا يتدرجون لين ما أوصلوا للي يبونه !!



ما ادري من الجهة المسؤولة بالضبط ، بس اتمنى اذا قدرت تبحث عنها و تتواصل معها و تفيدهم بهالموضوع

فبيكون الموضوع في حيّز اتخاذ الاجراءات

والله يبارك فيك

[بصمة قطرية]

موضوعك جداً مهم أخوي
و فعلاً هالألعاب موجودة بكثرة في المجمعات
الأطفال يلعبونها و يخسرون فلوسهم عشان يربحون
ما يدرون إن هالألعاب حرام
و هي في الأساس ( قمار ) ..
تعال فهم الطفل انها قمار و شوف ردة فعله ..!!
راح يقول لك اذا هاي قمار ليش موجودة عندنا
مب قطر بلد مسلم و المسلمين ما يلعبون قمار ..!!!!
هاي رد ولدي يوم قلت له عن هاللعبة
شفته مشتط و يقول لي ابي اربح آيفون ..!!
استغربت قلت له شلون قال يمه عبي لي البطاقة
توني معبيتها المفروض تكفيه يلعب في كل الألعاب
إنصدمت يوم شفته تارك كل شي وواقف قدام هاللعبة ..!!!
قلت له يا حبيبي
صحيح احنا مسلمين وقطر بلد مسلم الحمدلله
لكن بتحصل اشياء ما يسوونها المسلمين
قال اي كله من الكفار لأنهم ما يحبونا .. !!!

[بومتعب]

جزاك الله خير اخوي ........... بالفعل هذي المكاين تعود الواحد على ادمان لعب القمار دون ان يشعر .........

اضرب لكم قصة حقيقية انا عايشتها بنفسي .... نسأل الله المغفرة

منذ سنوات كنت مغادر من مطار هيثرو وكان في جيبي مجموعة كبيرة من النقود المعدنية الانجليزية .... ووجدت منطقة للالعاب في المطار يوجد بها هالمكاين ...... تقريبا نفس هذي المكينة

http://cdn.top4top.co/i_bc703f67ed1.jpg

وبما أن النقود مثقلة جيبي وكل شوي تخرخش ولا لي حاجة فيها لاني مغادر ورايح اركب الطائرة ..... لعبة في هالمكينة ورميت مجموعة من النقود المعدنية وربحت ..... وكل مرة اربح ارجع العب مرة ثانية وانا مستانس ....... ولكن للاسف مع تكرار اللعب قل ربحي بصورة كبيرة .... لين ما خسرت كل الي ربحته اضافة الى النقود الي استخدمتها في البداية ..... تكدرت وايد لاني خسرت ..... وقلت لازم اطلع فلوسي منهم ......... رحت للكاشير وقلت له يصرف لي ورقة من عشر جنيهات الى عملات معدنية ....... وقمت العب باستمرار .... لين ما راحت فلوسي كلها دون ان اشعر ........

استغفر الله العلي العظيم

[نفسي عزيزه]

العالم لعب قمار ف اروبا انا ع بالي غشمره ترى من صجهم وتحديات وجذي وعيال قبايل

صج مكار بقطر كروزر بوالين حتى زقاره مايشرب وهناك لعب قمار ويشرب شسمه :omg:

انا مادي هل لانهم تاثروا بالغرب او هم خمه الله اعلم

[حسن]

العالم لعب قمار ف اروبا انا ع بالي غشمره ترى من صجهم وتحديات وجذي وعيال قبايل

صج مكار بقطر كروزر بوالين حتى زقاره مايشرب وهناك لعب قمار ويشرب شسمه :omg:

انا مادي هل لانهم تاثروا بالغرب او هم خمه الله اعلم

يعني تقصد يانفسي عزيزه ان السفرات هذه وراها بلاوي بتدخل علينا في المجتمع ؟؟
يعني يتعلمون من السفر هذه الشغلات ؟

[نفسي عزيزه]

يعني تقصد يانفسي عزيزه ان السفرات هذه وراها بلاوي بتدخل علينا في المجتمع ؟؟
يعني يتعلمون من السفر هذه الشغلات ؟

بالظبط

الله يستر علينا ياحسن بالذيب

[طبيب قطري]

لاحول ولاقوة الابالله، اتمنى موضوعك يوصل للجرايد نبي نشوف رد المسؤولين

[دنيا الاسهم]

اللهم احفظ هالبلد واهلة من كل فساد

[العقل المدمر]

تعلمت فالمدرسة ان القمار لعبة فيها تبادل فلوس وحرام
وفنفس الوقت هالالعاب موجودة فقطر من زمان والعب فيها من صغري
وكبرت ولين اليوم العبهم واستانس عليهم واول مرة ادري انهم قمار ماطرى فبالي كلش
اثر فيني وحببني فالقمار كوني لعبته ؟ لا .. ليش ؟ لاني ماسافر برى اصلا
بياثر في غيري ؟ الله اعلم .. بس الاكيد دام عرفنا الحكم حرام نخلي اليهال يلعبون .. وحرام العبهم بعد :weeping:

[معماري قطري]

موضوعك جداً مهم أخوي
و فعلاً هالألعاب موجودة بكثرة في المجمعات
الأطفال يلعبونها و يخسرون فلوسهم عشان يربحون
ما يدرون إن هالألعاب حرام
و هي في الأساس ( قمار ) ..
تعال فهم الطفل انها قمار و شوف ردة فعله ..!!
راح يقول لك اذا هاي قمار ليش موجودة عندنا
مب قطر بلد مسلم و المسلمين ما يلعبون قمار ..!!!!
هاي رد ولدي يوم قلت له عن هاللعبة
شفته مشتط و يقول لي ابي اربح آيفون ..!!
استغربت قلت له شلون قال يمه عبي لي البطاقة
توني معبيتها المفروض تكفيه يلعب في كل الألعاب
إنصدمت يوم شفته تارك كل شي وواقف قدام هاللعبة ..!!!
قلت له يا حبيبي
صحيح احنا مسلمين وقطر بلد مسلم الحمدلله
لكن بتحصل اشياء ما يسوونها المسلمين
قال اي كله من الكفار لأنهم ما يحبونا .. !!!

الله يحفظه ونشوفه دين وتقي ويبر بكم

رحنا مرة لاس فيغاس 3 أيام بس وسكنا فندق وفنادقهم هناك كلها فيها صالات قمار وفي اللوبي .. عيالي الحمد لله كبار بس عندهم فضول يبون يشوفون .. قلت لهم اللي بيوقف بتستوي له مشكلة كلكم تمشون ولا تفكرون في القمار .. إقتنعوا والحمد لله.

الغريب إن القمار محرم عند المسيحيين في الأصل وأغلب ولايات أمريكا ما فيها .. عندنا إحنا بطريقة واضحة ومفتوحة

[بشائر]

جزاك الله الجنة اخوي على هالموضوع الخطير !
لفتت انتباهي لأمر كنت غافلة عنه !
طوال هالسنوات ولا درينا ؟!! حسبنا الله ونعم الوكيل !

[aloosh]

هذا القمار بعينه علنآ في قطر لاطفالنا
وين الجهات المسؤله لا يحد يقول ما يدرون هذي توقع لها اوراق ومعاينه لها قبل تركيبها
هل وصلت الدنائه بالمسؤل الموافقه على لعبه قمار للاطفال هل مات الوازع الديني فيهم

الصراحه البلد في انحدار قويه والمسؤل غايب

كل يوم نشوف المحرمات تكثر في البلد

[بانغ بانغ]

احين ما اوقفت على العاب اطفال ... نعم حرام

بس المسابقات الهاتفية في البرامج ... ايش مكانها في الاعراب وباشراف الدولة

[aloosh]

احين ما اوقفت على العاب اطفال ... نعم حرام

بس المسابقات الهاتفية في البرامج ... ايش مكانها في الاعراب وباشراف الدولة

بعد حرام اقول لك كل شي صار عندنا مباح
مفروض المشياخ والاوقاف هم من يحاربون ها الاشيا ويكون فيه توعيه من طرفهم
اذا الكل بيسكت بتشوف ما يذهلك ان الله عطنا وياكم عمر

انتظر كاس العالم وراح تشوف العجب

[بوخالد911]

الله يعين
هالالعاب موجودة بكثرة.

[jwar]

لاحول ولاقوة الابالله، اتمنى موضوعك يوصل للجرايد نبي نشوف رد المسؤولين

ان شاء الله نشوف ردهم

[jwar]

اللهم احفظ هالبلد واهلة من كل فساد

اللهم امين

[jwar]

تعلمت فالمدرسة ان القمار لعبة فيها تبادل فلوس وحرام
وفنفس الوقت هالالعاب موجودة فقطر من زمان والعب فيها من صغري
وكبرت ولين اليوم العبهم واستانس عليهم واول مرة ادري انهم قمار ماطرى فبالي كلش
اثر فيني وحببني فالقمار كوني لعبته ؟ لا .. ليش ؟ لاني ماسافر برى اصلا
بياثر في غيري ؟ الله اعلم .. بس الاكيد دام عرفنا الحكم حرام نخلي اليهال يلعبون .. وحرام العبهم بعد :weeping:

هذه مشكله من المشاكل .. انت ماتسافر وتاثرت بهذه الالعاب .... فما بالك بالجيل الصغير اللي من صغره وهو يشوف هالالعاب قدامه وكانها شئ عادي ؟

[jwar]

احين ما اوقفت على العاب اطفال ... نعم حرام

بس المسابقات الهاتفية في البرامج ... ايش مكانها في الاعراب وباشراف الدولة

كلامك صحيح اخوي ..

لكن خل هالمسابقات على جنب .. مب لانها اهون او حلال ..

لكن قول شوي موضوعها مب واضح ومنتشـر

لكن هذه بلــوى لانها قمار صافي وواضح بدون اي شك ولا يمكن لاحد يشوفه وماينتبه له .. والتساهل فيها مصيبه كبيره

[jwar]

جزاك الله الجنة اخوي على هالموضوع الخطير !
لفتت انتباهي لأمر كنت غافلة عنه !
طوال هالسنوات ولا درينا ؟!! حسبنا الله ونعم الوكيل !
ويجزيج بمثله

[eXpert*]

لاحول ولا قوة الا بالله ..

أتمنى وكل رجاء وأمل أن يكون لهذا الصرح (منتدى شبكة الأسهم القطرية) ،، الأثر الفاعل والسريع في صد هذا النوع من الألعاب ..

يا ريت يتم تفعيل عريضة ترفض هذا الدخيل جملة وتفصيلاً ..

حسبي الله ونعم الوكيل :(

[ضوى]

امس كنا بازدان وشفت الالعاب الشبيهه بالقمار ، واليهال مستمتعين مايحصلون شي بس المتعة ، مسكتهم ووضحت لهم انه هذا قمار ويغضب رب العالمين ، فديتهم تركوا الللعبة وقالوا لي ان شاء الله الله يحميهم يارب ويحفظهم من شر اليهود

[عثرة جواد]

السلام عليكم

عيل الي يصير ف المجالس وشو مب قمار

لعبة الورقة وتكون بتحدي ع مبلغ او اشياء واايد الله يستر عليهم

والا لان كلمة القمار كبيرة شفتوها ...

عساك ع القوة

[ضوى]

لعب الورق برهان وفلوس حرام وقمااار صريح

احنا نحافظ على أطفالنا مايعرفون شي اسمه قمار هذولي اطفال ، اليهود واحفادهم دخلوا لهم من مداخل تحبها هالنفس البريئة ، العاب حلاوة للاسف

وكلمة قمار اساسا كبيرة مب شفناها كبيرة

[jwar]

لاحول ولا قوة الا بالله ..

أتمنى وكل رجاء وأمل أن يكون لهذا الصرح (منتدى شبكة الأسهم القطرية) ،، الأثر الفاعل والسريع في صد هذا النوع من الألعاب ..

يا ريت يتم تفعيل عريضة ترفض هذا الدخيل جملة وتفصيلاً ..

حسبي الله ونعم الوكيل :(

أتمنــى

[jwar]

امس كنا بازدان وشفت الالعاب الشبيهه بالقمار ، واليهال مستمتعين مايحصلون شي بس المتعة ، مسكتهم ووضحت لهم انه هذا قمار ويغضب رب العالمين ، فديتهم تركوا الللعبة وقالوا لي ان شاء الله الله يحميهم يارب ويحفظهم من شر اليهود

جزاج الله خير .. واتمنى من كل من يودي عياله او يمر هناك .. يقوم بالمثل

[jwar]

السلام عليكم

عيل الي يصير ف المجالس وشو مب قمار

لعبة الورقة وتكون بتحدي ع مبلغ او اشياء واايد الله يستر عليهم

والا لان كلمة القمار كبيرة شفتوها ...

عساك ع القوة

السلام عليكم
ياخوي صار لنا 30 سنه في المجالس ماشفنا اللي تقول عنه

المجالس السنعه مايصير فيها هالكلام

يمكن مجالس شباب طايشين او صغار بالعمر .. وين رقابة االاباء والاخوان ؟؟

الغلط مشترك ومتعدد الجهات

[jwar]

لعب الورق برهان وفلوس حرام وقمااار صريح

احنا نحافظ على أطفالنا مايعرفون شي اسمه قمار هذولي اطفال ، اليهود واحفادهم دخلوا لهم من مداخل تحبها هالنفس البريئة ، العاب حلاوة للاسف

وكلمة قمار اساسا كبيرة مب شفناها كبيرة


كلام صحيح اختي
الكبير تعلم وانتهت اموره .. نحاول معاه بالنصيحه ...

لكن

الخوف على الصغير ... اللي قاعدين يغرسون فيه هالقيم .. والعاده

[ضوى]

السلام عليكم
ياخوي صار لنا 30 سنه في المجالس ماشفنا اللي تقول عنه

المجالس السنعه مايصير فيها هالكلام

يمكن مجالس شباب طايشين او صغار بالعمر .. وين رقابة االاباء والاخوان ؟؟

الغلط مشترك ومتعدد الجهات

وانا معاك ماشفت عيالي غير يلعبون ورقة هاند على قولتهم ، اصلا منين لهم فلوس يقامرون بها الحمد لله الله يبعدهم عن هالمنكر وجميع عيال المسلمين

[jwar]

وانا معاك ماشفت عيالي غير يلعبون ورقة هاند على قولتهم ، اصلا منين لهم فلوس يقامرون بها الحمد لله الله يبعدهم عن هالمنكر وجميع عيال المسلمين

هند .. برازيليه .. لكن على فلوس او غيره .. شي نادر جدا جدا