ممكن نعرف ليش صيانة شارع الكورنيش كل سنة وفي ايام المدارس ؟

[قطري2022]

هل هي قلة خبرة في التنبأ بالمشاكل المستقبلية ام قلة جودة العمل وعلشان جذي يتم تصليح ماتم تخريبه في السنة السابقة ، وليش الصيانة ماتكون في ايام الاجازة ؟ ليش في ايام الدراسة بالذات ؟ ترانا نعاني الصبح علشان نوصل اشغالنا بسبة الزخمة ، يامسؤولين عن صيانة الكورنيش ارحمونا ترى تعبنا وتلفتو اعصابنا ، نبي عمالة كفؤة مانبي ناس ماتفهم تقعد تلعب في اعصابنا ، ترى السائقين امانة في اعناقكم

[بانغ بانغ]

يبون ايطلعون قيمة الريال من الموظفين

امس كنت في المطار والله العظيم من هالحفريات ... خذت ساعتين لين اوصل الوكرة

مافي تخطيط ولا احترام للناس

[بعيد النظر]

يبون حسنااااااااااااااااااااااااااااااااااااااااااااااا اات

[بومحمد المطاوعه]

لان المهندسين

يغنون ,,

جمبلووو جمبوليلي

جمبلوو جمبولالالا

[ضوى]

الا صج ثلاث شهور ماتسكر الكورنيش عسى ماشر الحين ضيقوا عالناس ؟؟

[][ الوحيد ][]

لان هم في اجازه مثل العالم :)

[بوخالد911]

بيكون الجواب هو : اجراءات ادارية روتينية مطولة ومعقدة
تمر بعدة مراحل ولازم موافقات وتعديلات
الى أن تتم الموافقة

[قطري2022]

بس لازم هالاجراءات الروتينية الي مالة الف وتسعمية وحطبة تتغير ، احنا بنستقبل كاس العالم وليلحين على سوالف الحطبة ؟
نبي عقول نيرة ونبي ناس عندهم ضمير وحسن تخطيط ونظرة مستقبلية ثاقبة ، والله تعبنا ، واذا وفرو طريق بديل يكون مكسر ، شنو شايفينا ماعندنا احساس ، مانترفز وما نعصب ومانتضايق ؟ نبي حل جذري ، واذا جات الموافقة ايام المدارس ، ممكن يتاجل العمل لين الصيف شالمانع ، ماهو كل سنة شغالين جات على تاجيل مثلا ؟

[حرف]

يمكن ينتظرون الجو يعتدل على شان العمال وساعات التوقف وقت الظهرية

[mzo7ya]

[ الوحيد ][;10219870']لان هم في اجازه مثل العالم :)

بالفعل هذا ما كنت اود قوله

لانهم كانو في اجازه مع بقية الموظفين
وعند الرجوع للعمل كلٍ اخذ موقعه وبدأ يعمل في مجاله
المدرس يدرس والمهندس يحفر

[راعي الكورفت]

http://www.raya.com/File/Get/e709e7eb-e63d-46a9-8d9f-c47c77817d87

[العنيده]

عشان الحسنات

[أسد الجزيرة]

عشان الحسنات

ههههههههه

[بصمة قطرية]

اليوم الوطني قرب ..
متى بيخلصون ..!!
و لا السنه ما في عرض عسكري و مسير ..!!!

[قطري2022]

اليوم الوطني قرب ..
متى بيخلصون ..!!
و لا السنه ما في عرض عسكري و مسير ..!!!

انا قلبي متروس وانتي قاعدة تحاتين المسير ؟��

[غير البشر]

يامرحبا بالي متعلقين في شارع 22 فبراير الحين

[غير البشر]

omen وقت الأرصفة والتجاوزات الحين

[راجي الْعفو]

اما عشان الحسنات ضحكتني!

بس انه صادق ، ذي الحجة شهر تضاعف فيه الحسنات ( بنحسن الظن في الكلمة )



والله بصراحه شي محير ، خلصت اوقات الدنيا و اشتغلوا في وقت الدوامات


مب كافيه الزحمه من غير هالتصليحات ؟

الموضوع بديهي انه المفروض ما يكون بهالوقت

بس نبي نشوف وجهة نظرهم ..

[حسن]

مادري عنه امر عليه الصبح والظهر
واشوف الوضع طبيعي فيه
تم الاعلان عن شغل بس مادري وين راحو

وبعدين يجب ان تتقبلون الزحمه في وقت الذروه وهذا شي اصبح علمي ليس في قطر
بس

[بصمة قطرية]

انا قلبي متروس وانتي قاعدة تحاتين المسير ؟��

:shy::secret:

[معماري قطري]

بس لازم هالاجراءات الروتينية الي مالة الف وتسعمية وحطبة تتغير ، احنا بنستقبل كاس العالم وليلحين على سوالف الحطبة ؟
نبي عقول نيرة ونبي ناس عندهم ضمير وحسن تخطيط ونظرة مستقبلية ثاقبة ، والله تعبنا ، واذا وفرو طريق بديل يكون مكسر ، شنو شايفينا ماعندنا احساس ، مانترفز وما نعصب ومانتضايق ؟ نبي حل جذري ، واذا جات الموافقة ايام المدارس ، ممكن يتاجل العمل لين الصيف شالمانع ، ماهو كل سنة شغالين جات على تاجيل مثلا ؟

العام اخوي قطري كنت في تامبا - فلوريدا .. وتامبا تعتبر مدينة متوسطة وهادئة مقارنة بمدن كبيرة في أمريكا .. صار حادث لشاحنة دخلت تحت جسر وحركت عارضة من العوارض الطوال اللي تحمل الجسر .. الحادث كان الصبح والجسر كان ممكن تحريك العارضة واعادتها لمكانها بجهاز أو شيء .. لكن من خوفهم وأمن الطرق عندهم خط أحمر قرروا يزيلون كل العوارض ويركبون غيرها ويسوون الطريق فوق هذي العوارض مرة ثانية .. الحادث كان الساعة 10 أو قبلها الصبح والمقاول وعد بانهاء الشغل قبل 12 الليل لكن تأخر ساعة ونص يمكن.

عاد شوف شسووا وكم محطة تلفزيون تصور وتقارير على طول .. صراحة شغل جبار اشتركوا فيه بدون مبالغة جهات كثيرة .. حتى الشرطة سووا موكب للعوارض هذي .. وهذي معملها كان يومياً تقريباً آمر عليه .. تحملها شاحنة براس تريلا وفي الأخير محور تنشبك عليه القطع الخرسانية وبعضها طولها يوصل 25 متر .. يعني الشاحنة بدون شاصي القطع الخرسانية هذي تكون هي الشاصي .. وتحرك هذي القطع وين ما يبغون وتتركب بسهولة بنيان جسر عندهم يتم في فترة سريعة حسب الحاجة له .. الأعمدة تغرس في الأرض بضربها بمطرقة بكرين .. Pile footings .. وتنعمل بداية ونهاية الجسر دفان مع الجدران الخرسانية الجانبية ومع الخرسانات بعد الدفان حتى ما يهبط الطريق .. وتركب هذي العوارض اللي تنعمل في معمل وتنشد بحديد مشدود .. وهي نفسها تنعمل عندنا بس تتركب بطريقة معقدة وتنعمل أقصر.

اللي صار إنهم بعد ما ركبوا وخلصوا وكان احتفالهم بانهاء العمل الساعة 1 ونص الليل واعتذار للجمهور عن التأخير ساعة ونص والشغل في الطرق في وقت غير اعتيادي .. عندهم أعمال الطرق كلها حتى التنظيف تبدأ 9 الليل وتنتهي قبل الشروق.

أشغال شكثر قعدت تشتغل في جسر تركيب وبسيط؟ وليش ما يكون فيه وحدات بناء وصيانة سريعة مجهزة من قبل أشغال طول ما مقاولينا شاطرين بس في السمسرة وأخذ عمولات .. استجلاب عمالة رخيصة ولا يعرفون يشتغلون .. آليات قديمة متهالكة ومستغرب شلون يرخصون لها وشلون تدخل البلاد .. وتعرفون الباقي أموال كثيرة تصرف ويستغلونها المحتاجين لبناء دولهم خارج قطر وتبقى قطر تستحق الأفضل في منظور أشغال

[معماري قطري]

نسيت أذكر كيف كان شكل الجسر بعد صيانته .. نقدر نقول تغيير جذري وتم استعمال عارضات معزولة بغطاء بلاستيكي ابيض .. نوع جديد وجاهز للتركيب .. صراحة اللي نشوفه من تطور في هذي البلدان وفي الطرق صج نقدر نقول شغلهم هو الأفضل .. وما نبي نباعد هناك مصر بنت جسور وزرتها سنة 83 أو 84 اندهشت من اللي شفته .. الأُردن بنت نفق في جبل ونفق فوق نفق تقاطع متعامد في شهرين وعشرين يوم بامكانيات بسيطة وبسعر مستحيل يصدقونه ربعنا.

[رجل مثالي]

اشدعوة كلهم في اجازة عن العمل والنَّاس تتعب ايام المدارس صراحة هاي غلط

[معماري قطري]

اشدعوة كلهم في اجازة عن العمل والنَّاس تتعب ايام المدارس صراحة هاي غلط

هم يقدرون يجهزون للشغل ويوقعون الاتفاقيات ويسافرون ومكاتب استشارية تتابع ولازم فيه ناس يشتغلون من أشغال ويتابعون

الحل الشغل في الليل .. حتى لو حفروا الطرق حفر عميق ينسد الحفر بحديد مؤقت وتمر عليه السيارات .. شفت الحديد المؤقت يسونه مفصل ويركبونه على الحفر بتثبيت قوي ما يتحرك ويكملون وقت ما يبون ووقت ما يكون المرور زحمة ويشتغلون في جزء ويسوون مكان مرور مؤقت للسيارات.

العام في تامبا اشتغلوا في طريق طويل وشغل شامل .. جسور جديدة وتوسعات ومداخل غير .. سووا تحويلات مدروسة واستوت زحمة بس معقولة .. شغل المقاول أغلبه في الليل وفي الليل يتسكر مسار يشتغل في المقاول تسكير صح وبخرسانات ومن الساعة 9 لين قبل زحمة الصبح ويرجعون كل شيء مثل ما كان.

[طلعة الروح]

هل هي قلة خبرة في التنبأ بالمشاكل المستقبلية ام قلة جودة العمل وعلشان جذي يتم تصليح ماتم تخريبه في السنة السابقة ، وليش الصيانة ماتكون في ايام الاجازة ؟ ليش في ايام الدراسة بالذات ؟ ترانا نعاني الصبح علشان نوصل اشغالنا بسبة الزخمة ، يامسؤولين عن صيانة الكورنيش ارحمونا ترى تعبنا وتلفتو اعصابنا ، نبي عمالة كفؤة مانبي ناس ماتفهم تقعد تلعب في اعصابنا ، ترى السائقين امانة في اعناقكم


فعلآ ظاهرة مريبة ومثيرة للشك.
الشارع هذا نفسه تم تعبيده من أقل من خمس سنوات
يرجعون يشرحونه بدون سبب واضح
ناهيك عن اللي يحفر ويكسر الشارع ويروح
وانت كمواطن ومن باب المصلحه العامه يقع على كاهلك تبليغ هيئة الأشغال للتعامل مع المسأله.

[حسن]

هو صحيح كان هناك فجوه من المسؤلين وبين رؤيه قطر
لو جبت اي مسؤل ووتقوله شنهر رؤيه قطر مهب عارف
لكن الحين يمكن بعد الاختناق اللي حصل بدو يدركون الوضع ويتلاحقون بسرعه لذالك تشوف الشغل في كل مكان
حسب روئيه 2030 ان بيكون عدد السكان في حدود ال 5 الى 6 مليون
يعني الحين احنا حروه ال2 وزياده حبيتين
يمكن لان المكتب الهندسي هو اللي كان يخطط للمشاريع ويسندها للتخطيط العمراني
يعني هناك جهتين تتولى العمليه جهه امر وجهه تنفيذ وجهه اخري تنفيذ
وتحليلي يمكن ماكان بينهم تنسيق معرفه بخططه الاخري
والله اعلم

[حسن]

وعلى فكره مشروع الريل بيحل الزحمه بشكل كبير جدا حسب رؤيتي الي شفتها من شبكه
عملاقه وضخمه جدا

[يوسف0]

وعلى فكره مشروع الريل بيحل الزحمه بشكل كبير جدا حسب رؤيتي الي شفتها من شبكه
عملاقه وضخمه جدا

ما اضن انه بيقلل من الزحمه

بيحل الزحمه صعبه جدا :secret:

[حسن]

ما اضن انه بيقلل من الزحمه

بيحل الزحمه صعبه جدا :secret:

هلا هلا

لا يايوسف شبكه جباره ومفخره لنا في قطر انا شفتها وهم شغالين في صمت
ولما شفتها انصعقت منها وكتبت عنها في المنتدي هذه المشاريع العملاقه
ليش ماندري عنها وليش مايتم تسليط الاعلام عليها
واالنتقال الى المواقع وتصويرها علشان نعرف وين رايحين
وفعلا
قمت اشوف قناه قطر مادري الريان قامت تعمل حلقات عن هذه المشاريع العملاقه
ومنها الريل والميناء الجديد ومشيرب
الاعلام له دور كبير في توضيح رؤيه قطر
لكن الحين اشوف تلفزيون قطر ينقلون كل التطورات في الدوله ولكن اتمنى اعادتها
باكثر من مرات لان القليل اصبح يتابع التلفزيون بعد الوسائل الحديثه

القطار يوقف كل 90 ثانيه محطه
تخيل عدد المحطات والان شغالين تحت الارض واحنا مانعم بشغلهم لانهم
في باطن الارض
ولا كان يتشوف عدد الحفارات اللي تحفر

[معماري قطري]

أمس يسولف أحد الإخوة العراقيين في ميونخ عن برنامج شاهده في قناة ألمانية عن قطارات الأنفاق في قطر .. كان مدهوش ومستغرب ومعجب بهذا التطور .. إحنا كأشخاص عاديين نتمنى تكون فيه حلول سهلة وواضحة لطلاب بيروحون مدارسهم مثلاً .. بحيث ما يمشي الطالب مسافات في الحر ويكمل للمدرسة من محطة القطار بوسيلة سهلة وسريعة أُخرى .. الطالب لازم له مكان مخصص في الريل ومحمي ومراقب بالكاميرات وأي تجاوز أو تحرش لازم يكون وراه عقاب قوي .. ولا بنصفي على قطارات خاصة بفئة العمال بس مثل ما حصل مع كروة وباصات كروة.

[يوسف0]

هلا هلا

لا يايوسف شبكه جباره ومفخره لنا في قطر انا شفتها وهم شغالين في صمت
ولما شفتها انصعقت منها وكتبت عنها في المنتدي هذه المشاريع العملاقه
ليش ماندري عنها وليش مايتم تسليط الاعلام عليها
واالنتقال الى المواقع وتصويرها علشان نعرف وين رايحين
وفعلا
قمت اشوف قناه قطر مادري الريان قامت تعمل حلقات عن هذه المشاريع العملاقه
ومنها الريل والميناء الجديد ومشيرب
الاعلام له دور كبير في توضيح رؤيه قطر
لكن الحين اشوف تلفزيون قطر ينقلون كل التطورات في الدوله ولكن اتمنى اعادتها
باكثر من مرات لان القليل اصبح يتابع التلفزيون بعد الوسائل الحديثه

القطار يوقف كل 90 ثانيه محطه
تخيل عدد المحطات والان شغالين تحت الارض واحنا مانعم بشغلهم لانهم
في باطن الارض
ولا كان يتشوف عدد الحفارات اللي تحفر

هلا ومرحبا

ان شاء الله ننطر ونستبشر خير

2018 قالو بيفتتحون جزء من المشروع صح ؟