مريت سوق الذهب قصدي اشتري دبله

[العفراء]

يوم الاربعا اللي فات رحت سوق الذهب
لان شفت بالاخبار ان الذهب نازل سعره
و طرا ع بالي احمد الشقيري يوم قال بحلقه من خواطر
ان لازم نستغل الذهب كودايع بدل ما تكون الفلوس جذا طايحه بالبنك
:vampire: <<<<<< طلع عندها فلوس ههههه
المهم انا رحت و شليت الاله الحاسبه وياي و تميت احسب
ان غرام الذهب عيار 24 كان ب 136 درهم بالسوق العالمي
لو خذت بخمسين الف و عقب اتريييت فترة و رد ارتفع السعر
انا كنت طماعه حطيت فبالي ان السعر مثلا بيوصل 240 درهم عقب فترة
و حسبت و اول ما شفت كم بتظهر لي الفايده جان ارفع ايديني و ادعي للشقيري بالخير
المهم وصلت محلات سوق الذهب و مريت المحلات ادور هالسبايك طلعوا يبيعونها حسب السوق
المحلي مب العالمي يعني ب 138 مش ب 136 قلنا ما عليه و ما فرقت و انا ادور السبايك و حاطه فبالي
باخذ بخمسين الف المهم انا قبل ما قد خذت سبايك فهم يحسبون غير جيمة السبيكه يحسبون ستين درهم زياده يعني الغرام بيطلع بدل ب 138 بيطلع ب 198 اونه جيمة الباكيج او الغلاف اللي مغلفين ابها السبيكه فقلت لهم بس احمد الشقيري جدام عيني طلع من مكينة بيع الذهب بسعر السوق العالمي و الهنود مستغربين منو ها بعد الشقيري
المهم قلت لهم يعني لو رديت ابيع السبيكه بتحسبون هالباكيج ما ادري شسمه قالوا لا طبعا بنحسب بس قيمة الذهب قلت يلا برايه بخسر ستين و لا سبعين درهم مومشكله تراني ربحانه ربحانه بالنهاية
قلت لهم لو بغيت اخذ بخمسين الف كم غرام بيطلع لي قالوا حدود الثلاثميه و شي فقلت انزين عيل يلا نتوكل على الله و نشتري و طلعت بطاقة البنك فقالوا اذا بتشترين بلبطاقه فعلى كل عملية بيع نحسب 3 بالميه بعد فايده المهم هنا انا قلت لهم ابويه خلوا ذهبكم عندكم لا بركتن فيكم و لا بالساعه الللي ييتكم فيها
و ظهرت و ركبت السياره و انا زعلانه ان وقتي كله ضاع و فريت شنطتي ع السيت و جان اتطيييح من الشنطه وايد كرووت محلات الذهب هههه كنت كل ما اطلع من اي محل يعطوني كرتهم ع بالهم تاجرة
المهم حاليا ادور مكينة الذهب هذي اللي الشقيري اشترا منها سالت عنها قالوا اما بتلقينها باتلانتس او بقصر الامارات فبوظبي و بنشوف لنا يوم و بنهجم ع المكينه مثل ما تهجم الثعالب ع الدياي بس لازم يكون سعر الذهب نازل
و هذي و الله قصتي
و سلمتوا

[مختلف جداََ]

وين الدبله في الموضوع كله !!!!

[العفراء]

هذا مانشيت اعلامي علشان الموضوع يلفت الانتباه يا المختلف
الشو بلاك انته ما تعرف حركات الصحفييييين

[مختلف جداََ]

هذا مانشيت اعلامي علشان الموضوع يلفت الانتباه يا المختلف
الشو بلاك انته ما تعرف حركات الصحفييييين


حركاااات ها
:tease:
مممممم

حد يعطيها باند لين عقب الصلاة

[العفراء]

هههههه

[بشائر]

ههههههههههههههه الله يسعدج يالعفراء
ضحكتيني ! أسلووبج عجيب !

معوضة خير حبيبتي

[بوحارب]

الموضوع طويل

نبي اختصار ؛)

[مختلف جداََ]

الموضوع طويل

نبي اختصار ؛)

العفرا راحت سوق الذهب و اكتسفت انهم نصابين

ينفع هالإختصار:anger1:

[بوحارب]

العفرا راحت سوق الذهب و اكتسفت انهم نصابين

ينفع هالإختصار:anger1:
قسم بالله انت احسن واحد :)

عيل ليش العفراء كاتبه لنا قصه اشطوووول والموضوع بهذي البساطه

شو بلاها :(

[حسن]

العفرا راحت سوق الذهب و اكتسفت انهم نصابين

ينفع هالإختصار:anger1:

الاخت العفراء
تعرضت الى عمليه ابتزاز ذهبي

ههههههههههههه

[حسن]

قسم بالله انت احسن واحد :)

عيل ليش العفراء كاتبه لنا قصه اشطوووول والموضوع بهذي البساطه

شو بلاها :(

هلا هلا

حيالله بوحارب وش مصحيك بدري

اقول شفت شلون هذه طبيعه في النساء انهم يحبون يسولون وايد
عكسنا احنا كلمتين ورد غطاها
ههههههههههههههه

ترامزحه ياللعفراء اذا مهب قدها قولي من الحين مهب ناقصين
زعل حد
انا واضح وصريح

[بوحارب]

هلا هلا

حيالله بوحارب وش مصحيك بدري

اقول شفت شلون هذه طبيعه في النساء انهم يحبون يسولون وايد
عكسنا احنا كلمتين ورد غطاها
ههههههههههههههه

ترامزحه ياللعفراء اذا مهب قدها قولي من الحين مهب ناقصين
زعل حد
انا واضح وصريح

الله وكيلك قاعد الساعة 6 ونص والدنيا للحين فجر والحرارة 8 ;)

مادري اشفيني


ههههههههههههه آي والله كلامهم كثير :funny:

[نفسي عزيزه]

ذهب ولم يعد :(

اريد اكتلكم كتل واخذ بيزاتكم وذهبكم واشتري فيها طياره خاصه لي :tease:

[العفراء]

ههههههههههههههه الله يسعدج يالعفراء
ضحكتيني ! أسلووبج عجيب !

معوضة خير حبيبتي

و يسعدج الغاليه بشاير
ربي يديم هالضحكة الحلوة على محياج

[العفراء]

حرااااام عليك بو حارب انا تعبت لين كتبت الموضوع
و بالتيلفون بعد كاتبتنه و كان الجو بارد هنا فبيتنا
اقرا الموضوع علشان نتناقش بسعر الذهب
ترى حسن خبرني انك تاجر معادن هههه

[نفسي عزيزه]

بوحارب وكيل كنتاكي بقطر

[العفراء]

مختلف جدا هههه والله احرجتني تراك

لان اختصارك شكله صدق ياب زبدة الموضوع

[العفراء]

حسن الشيييخ
في ذمتك اللي انا كتبته مب مختصر ؟
بعدين انت بالذات انا ما ازعل منك يا الواضح الصريح
اقول تعال نتاجر بالذهب بدال السمج ههههه

[حسن]

حسن الشيييخ
في ذمتك اللي انا كتبته مب مختصر ؟
بعدين انت بالذات انا ما ازعل منك يا الواضح الصريح
اقول تعال نتاجر بالذهب بدال السمج ههههه




:eek2:

:nop:

escape

[حسن]

حرااااام عليك بو حارب انا تعبت لين كتبت الموضوع
و بالتيلفون بعد كاتبتنه و كان الجو بارد هنا فبيتنا
اقرا الموضوع علشان نتناقش بسعر الذهب
ترى حسن خبرني انك تاجر معادن هههه



من كثر مايروح الصناعيه كنت افكره تاجر معادن
لكن
طلع
تاجر

خررررررررررررررررده


:funny:

[مختلف جداََ]

مختلف جدا هههه والله احرجتني تراك

لان اختصارك شكله صدق ياب زبدة الموضوع



:victory::victory::victory::victory::victory::vict ory:

[العفراء]

نفسي عزيزة اشتر ذهب و بيعه يوم يرتفع الذهب عقب بتروم تشتري طياره خاصة
هاي كانت فكرتي و انا رايحه السوق بس هونت لما تذكرت انهم رفعوا عنا دعم سعر البترول
و محظوظين عيل ربع بو حارب اكيد مسولهم بطايق يتعشون ببلاش بالكنتاكي هههه

[نفسي عزيزه]

العفراء والله شكلنا بنلحقكم بيرفعون عنا سعر البترول :weeping:

يقولوون والله اعلم


كنتاكي حق عوار البطن هههههه

وفكرتج حلوه بموضوع الذهب الله يكملج بعقلج حلو الواحد يستثمر ماله ويشغل عقله بالمفيد

الى امااااااام لارجووع :victory:

[حسن]

العفراء والله شكلنا بنلحقكم بيرفعون عنا سعر البترول :weeping:

يقولوون والله اعلم


كنتاكي حق عوار البطن هههههه

وفكرتج حلوه بموضوع الذهب الله يكملج بعقلج حلو الواحد يستثمر ماله ويشغل عقله بالمفيد

الى امااااااام لارجووع :victory:


هي الموضه الان يانفسي شراء الذهب انت ماتدري

خلاص شبعو من الماركات
كلن الذهب ابرك
بس ماعرف شنهو المصنعيه مادري شنهو

يعني يقصون عليهم مافي فايده

بس في واحد يقول انا اشتري من الصرافه سبايك ذهب

[العفراء]

والله يا حسن انا ما عندي خبره بهالسوالف بس اذكر حلقة خواطر عن الذهب اقتنعععت بالفكرة
و يوم الاربع بالصدفه شفت بالاخبار ان سعر الذهب حادر تحت حتى كنت توني راده من الدوام بس تذكرت كلام الشقيري و رحت اوني بشتري سبايك و بنستوي تجار و احمدوا ربكم ما شريت و الا جان كل سوالفي عن الذهب بكل المواضيع ههههه
انزين بنسال بمحلات الصرافه مع ان مكينة الذهب يقولون تعطيك بسعر السوق العالمي بس هالمكينة ما ادري بها وين
ما عندكم رقم الشقيري ننشده وين المكينه ههه

[نفسي عزيزه]

هي الموضه الان يانفسي شراء الذهب انت ماتدري

خلاص شبعو من الماركات
كلن الذهب ابرك
بس ماعرف شنهو المصنعيه مادري شنهو

يعني يقصون عليهم مافي فايده

بس في واحد يقول انا اشتري من الصرافه سبايك ذهب

حسن خل يعلمونا نبي نتعلم ولا شقولك يالذيب نبي نستفيد :(

[نفسي عزيزه]

راجع لكم دقايق بالشارع اسوق ههههه

[العفراء]

الله يسلمك الشيخ نفسي عزيزه ليش تغلط ع الكنتاكي بتزعل الوكيل تراااك
انا بطاقتي لعضوية اللي عشاهم ببلاش بالكنتاكي يا بو حارب عطها للمختلف بدال الوجبه هنتين هني و عافيه عليييه

[شموخ دائم]

,

,


مرحبا

الله يسعد اوقاتك

عقبال ما يصير محلات ذهب العفراء

احنا دائما صايدينا الهنود اذا بتشترين يطلعون 100 قصه حتى يرفعون السعر
واذا بتبيعين الذهب يقولون السوق نازل او ما عليه طلب

الذهب يبقى ذهب بكل عصر وكل زمن

لو الانسان قدر كل كم شهر يشتري شوي ذهب ولو بالقطع الصغيره جنيهات

بعد كم سنه بيكون عمل ( استثمار ) وجمع مبلغ وقدره

لان الفلوس ( تطير ) لو تركناها بالبنك

خاصه احنا تعودنا من نشوف الرصيد مرتفع

اما نفكر نسافر او نفكر نشتري سياره او نفكر نغير ( الاثاث ) البيت

:)

لذلك الذهب يحفظ الفلوس وافضل وسيله توفير لان مانقدر نصرفه بسهوله مثل الكاش

ننتظر المحاوله القادمه

وهجوم كاسح قريبا على الذهب

انا اذا شريت ذهب اصور ( سلفي ) معاها

هههه

,

,

[.قطر.]

يالشقيري عن الحركات رد علينا عاد هههههههههه :tease:
ماتوقع المكينه اللي تطلع ذهب موجوده ف الخليج ولا شرايكم :telephone:

[ضوى]

عزيزتي العفرا

الله يبارك لج بفلوسج وتستثمرينها ان شاء الله فيما يرضي الله وخليني اقولج تجربتي

من كم اسبوع طق براسي الذهب تمللت من الالماسات والاحجار ، وعندي مبلغ محترم يالله من فضلك ، ورحت سوق الذهب كان نازل وحلو للمشترا ، طبعا ماشتري عشان ابيع عقب لا اشتري لاني البس مع بناتي ، المهم يوم اخترت وجيت احاسب قالي نفس الكلام اني بادفع 2% على المبلغ ، والمصرف كان محذرني وقالي اتصلي فينا لاي محل يقول هالكلام عشان نسحب الماكينه منه لانه هالنسبه ياخذونها البنك من المحل مب من الزبون قلت له مب دافعه والا باتصل بالبنك تتفاهم معاه اعتذر وسحب مبلغ الذهب بس ، والله يبارك لنا فيما رزقنا يارب

المراد كلمي البنك وقولي له اللي حصل وبيفهمج الموضوع

موضوعج مهم اختي العفراء وحاولي تديرين مواضيعج بحنكه ولا تخلينه يفقد اهميته بالحوارات الجانبيه الا ماوراها الا تخريب الموضوع بس ، خليج في صلب الموضوع لاتعطين مجال يتحور الموضوع لسوالف وضحك لانه راح يفقد اهميته

[مختلف جداََ]

الله يسلمك الشيخ نفسي عزيزه ليش تغلط ع الكنتاكي بتزعل الوكيل تراااك
انا بطاقتي لعضوية اللي عشاهم ببلاش بالكنتاكي يا بو حارب عطها للمختلف بدال الوجبه هنتين هني و عافيه عليييه
:thumbup::thumbup::thumbup::thumbup::thumbup::thum bup:
شوفوا الكرم

[<اضرب واشرد>]

موضوعج مهم اختي العفراء وحاولي تديرين مواضيعج بحنكه ولا تخلينه يفقد اهميته بالحوارات الجانبيه الا ماوراها الا تخريب الموضوع بس ، خليج في صلب الموضوع لاتعطين مجال يتحور الموضوع لسوالف وضحك لانه راح يفقد اهميته

إذا العفراء مستوية شرات هالمدرس :funny: شو تتريون من بوحارب غير أنه يصور فيديو ويكرك في الصف :tooth:

https://www.youtube.com/watch?v=Dv-Elej_UQ8


صدقتي أختي مع فلوس المصنعية وغيرها راح الإستثمار، راعي الذهب يبي يطلع فلوس الإيجار وغيره، اشتري سبايك أو ريالات ذهب. ونوعي اشتري فضة وذهب. أشوف الفضة أفضل لأن نزل سعرها أكثر، من 2008 ، ويقال أنها أساسيا أفضل من الذهب.

اسلوبج في الكتابة ممتع وجميل

[مختلف جداََ]

ضوى تقصدني أدري

فيس معصب

هذي موضوع بالإستراحه
لازم نفرفش شوي

[العفراء]

مراحب والله بالشيخ شموخ دايم طولت علينا ما ريناك من فترة و المشكله انت
ما تنزل مواضيع علشان نقرا لك ع الاقل لكن انا مسمتنك ابو الردود الدسمه

شوف هالهنود انا ما ادري ليش قلبي يحن عليهم حتى لو يقصون علينا بس احس ضميرهم
حي اكثر من باجي الاسيوييين لكن يمكن هاللي علمهم معنى التجارة شطاره كان منحرف شوي


انا يمكن استعيلت و رحت على طول ادور بمحلات الذهب كان المفروض اثقف عمري قبل بالانترنت
او حتى كان المفروض انزل موضوع استشيركم هنا بالمنتدى قبل ما اروح لكن والله تحمست للفكره و قلت نلحق ما نلحق عن يرتفع السعر و حطيت فبالي هالمكينه ما ادري شو يسمونها و كنت اتحرى بلقاها بسوق الذهب و انا ع فكره رحت مركز الذهب بشارع الشيخ زايد و رحت سوق الذهب اللي بنايف بديره و ما ريتلها اثر بس يقولون انها موجوده باتلانتس و بقصر الامارات

و كلامك درر شموخ دايم احس مثلا لو الواحد يحط له لو مبلغ بسيط من عشرين الف لخمسين الف
و يشتغل فيهم بيع و شرا و بيع شرا بالذهب و يتابع هبوط الاسعار و الارتفاع اعتقد بعد عشر سنين هالعشرين او الخمسين بتصير ثروه فليش نحن ما نشتغل بهالامور دام ان رب العالمين فاتح علينا من خيره و ما بتكلفنا مثل هالمبالغ شي بالنسبه لمدخولنا الشهري

انا ناويه بالبدايه اخذ بخمسين و عقب بشوف شهريا بقتطع مبلغ بسيط من الراتب و بتم اشتري سبايك حتى لو بخمسمية روبيه المهم اني استمر جذي بتكون ودايعي ذهب بدل ما تكون مجرد غوازي بالبنك

ياليت صدق نستفيد من تجارب الاعضاء هنا اكيد وايدين خاضوا بهالمجال


ربي يحفظك شموووخ

[العفراء]

مرااحب اخويه قطر
ما ادري رد عليك و الا ؟
المكاين هذي موجوده اذكر حلقة خواطر كانت بدبي او بوظبي
ما عليك بشوفها لكم اتريوو مني الخبر الاكيد

[.قطر.]

مرااحب اخويه قطر
ما ادري رد عليك و الا ؟
المكاين هذي موجوده اذكر حلقة خواطر كانت بدبي او بوظبي
ما عليك بشوفها لكم اتريوو مني الخبر الاكيد



مرحبتين
هههههه لا وين رد علي بس جي اقول نفس ماقلتي في رد قبل ماعندكم رقم الشقيري ننشده
والله زين عندكم ف البلاد مكاين الذهب
اذا دليتيهم مايمنع تهدين اخوج الصغير كم غرام ذهب :shy:

[العفراء]

مرااااحب بالغاليه ضوى انا وااايد احترممج حتى بقلبي اناديج خالوه ضوى و الله يبارك بعمرج و يزيدج من فضله و مشكوووره على عرض تجربتج لانها وايد نورتني و فادتني عاد انا صج ما كنت اعرف ان البنك مانعين المحلات من سالفة الفايده اللي يدفعها الزبون و ماادري هل هالنظام معمول به بالامارات و الا بس يوم الاحد بتصل الدائرة الاقتصاديه بتاكد لو بالامارات جذي بعد النظام و على فكره انا اصلا كنت مترددده اني اشتري لان حاطه فبالي ادور هاللجهاز مال الذهب و كنت ادور اي فجه علشان ما اشتري ما ادري حسيت لقيت لي حجه مع انهم بالمحل حاولوا معاي وانا ظاهره من عندهم

و يزاج الله خير ع النصيحه الطيبه انا بكون صادقه مع نفسي و معاج عزيزتي الموضوع لو انحرف للضحك و السوالف فانا السبب بهالشي يمكن انا اكون محبطه شوي تدرين اول ما دخلت المنتدى كنت احط مواضيع سياسيه و ثقافيه بس طلعت ممنوعه و جربت انزل مقالات ثقافيه ما كان فيها تجاوب و عقب شفت كم موضوع لي بالحوار العام يا اما ينغلق او ينحذف لاني كنت غلطانه و انقل مقالات مب من اختصاص القسم و عقب شليت بعمري و يييت هالقسم و حسيت ان الناس هنا يحبون الفضفضه اكثر من السوالف الجديه شرات الحوار العام

انا من طبعي اني اقرا اي خبر او معلومه و عقب اوصلها عن طريق الفضفضه و الغشمره احس بهالطريقه توصل للقلوب و العقول و هالشي اسويه من زمان كنت بقروب ايميلات و عقب بايام البلاك بيري و حتى بالواتساب و قلت بجرب هنا بالاستراحه و جذا والله ياالغااااليه

و ها الموضوع صح هادف و فيه فايده و انتم بوجودكم اكيد بتزيد فايدته و لا تحرميني منج بالاخص بموضوع الخواطر اللي بالانجليزي اوكي اترياااج تراني هونيييك :shy:


:

[<اضرب واشرد>]

و يزاج الله خير ع النصيحه الطيبه انا بكون صادقه مع نفسي و معاج عزيزتي الموضوع لو انحرف للضحك و السوالف فانا السبب بهالشي يمكن انا اكون محبطه شوي تدرين اول ما دخلت المنتدى كنت احط مواضيع سياسيه و ثقافيه بس طلعت ممنوعه و جربت انزل مقالات ثقافيه ما كان فيها تجاوب و عقب شفت كم موضوع لي بالحوار العام يا اما ينغلق او ينحذف لاني كنت غلطانه و انقل مقالات مب من اختصاص القسم و عقب شليت بعمري و يييت هالقسم و حسيت ان الناس هنا يحبون الفضفضه اكثر من السوالف الجديه شرات الحوار العام


هههههههههههههههههههههههههههههههه

بعطيج نصيحة عشان تزيدين القراء والمتابعة، اخلطي الجد بالهزل، والكلام الدسم بالخفيف والمضحك، يعني فقرة تقول للقراء (انتباااه..إلى الأمام سر، للخلف در) والفقرة(أو المشاركة) اللي بعدها تقول (عاشو .. دمبك دمبك) :)

أو سطر جد وسطر هزل في نفس المشاركة، على حسب :)

[Charisma]

هههههههههههههههههههههههههههههههه

بعطيج نصيحة عشان تزيدين القراء والمتابعة، اخلطي الجد بالهزل، والكلام الدسم بالخفيف والمضحك، يعني فقرة تقول للقراء (انتباااه..إلى الأمام سر، للخلف در) والفقرة(أو المشاركة) اللي بعدها تقول (عاشو .. دمبك دمبك) :)

أو سطر جد وسطر هزل في نفس الموضوع، على حسب :)

هههههههههه عجبني التحليل ، واقعي جدا

[ضوى]

عزيزتي العفرا

شاكرة لج تقبلج وان شاء الله بامر على موضوعج هذاك

كل التوفيق عزيزتي

[العفراء]

مرااحب استاذي اضرب و اشرد

ههههه والله صج اتخيل بو حارب وياهم و حاط ريل ع ريل و يصور المدرس و يقول بقلبه الحمد لله و الشكر

بس هالمدرس شو سالفته يعطيهم درس بالعروض هو اكيد شافهم مب منتبهين
قال باكشنها و بيندمجون معاي و قدر يمشيها عليهم بالحيله


يبيييلنا والله نتثقف بسوالف الذهب و الفضه الفكرة بالنسبه لي ليش ما اتكون لنا ودايع و لو بسيطة من الذهب احس لو كل شهر نحط مبلغ بسيط راح نتشجع مع الايام اكثر و بنعرف جيمتها مع الايام

و ااشكرك يا استاذي ع الاشادة ... لقد اخجلتني فيما صبوت إليه في قولك :shy:

[بوحارب]

ولايهمج خالتو

تم الحذف

تبين شي من لندن قولي ;)

[ضوى]

شكرا يابو حارب

حبايبنا الله يردهم بالسلامه بلندن بس مايمنع لو بغيت شي اطلب منك

شكرا ياخوي ماقصرت

[بوحارب]

العفو اوي اوي

والله يرد حبايبكم بالسلامة


نرجع لموضوعنا

ليش يالعفرا ما كتبتي ان الذهب غالي وخلاص

يعني لازم هالقصة كلها :( هههههه

[نفسي عزيزه]

مرحبتين
هههههه لا وين رد علي بس جي اقول نفس ماقلتي في رد قبل ماعندكم رقم الشقيري ننشده
والله زين عندكم ف البلاد مكاين الذهب
اذا دليتيهم مايمنع تهدين اخوج الصغير كم غرام ذهب :shy:

صدتك أتاجر من وراي وتاخذ لكزس وتخليني انا ع الهولكس :(

ماكو احساس فيك :weeping: ابي بيزات :tease:

[بوحارب]

^

هيلكس وكنتاكي

وش يعطيك ؟؟:(

[.قطر.]

صدتك أتاجر من وراي وتاخذ لكزس وتخليني انا ع الهولكس :(

ماكو احساس فيك :weeping: ابي بيزات :tease:

اوووووه صادني :eek5:
خلاص بعطيك شوي ع الاقل تشتري لك كروزر 2016 احسن من الهلكس :shy:

[نفسي عزيزه]

^

هيلكس وكنتاكي

وش يعطيك ؟؟:(

هههههههههههههههههاي

يخض بطنك خض يخليك بسرعه تروح الحمام تكرم :secret:

[نفسي عزيزه]

اوووووه صادني :eek5:
خلاص بعطيك شوي ع الاقل تشتري لك كروزر 2016 احسن من الهلكس :shy:

مابي كروزر عندي خاطري تشتري لي شي غير نيسان او فورد 150 نغير شوي :shy:

اصبر شوي قطر بوحارب قريب بيوزع ارباحه مالت كنتاكي يمكن يشتري لنا او يعطينا هديه كيا استيشن عليها استيكر راس دجاجة الكنتاكي :)

أناسه :shy: مال مفت

حرامي مايطلع منه شي هههههههههههههههههه ذكي

[بوحارب]

ههههههههههههههه.


علي الحرام ماتذوق ريال :happy:

[.قطر.]

ههههههههههه الموضوع قلب سوالف شكله بيتسكر :secret:

[العلياا]

هههههههههههههههههههههههههههههههه

بعطيج نصيحة عشان تزيدين القراء والمتابعة، اخلطي الجد بالهزل، والكلام الدسم بالخفيف والمضحك، يعني فقرة تقول للقراء (انتباااه..إلى الأمام سر، للخلف در) والفقرة(أو المشاركة) اللي بعدها تقول (عاشو .. دمبك دمبك) :)

أو سطر جد وسطر هزل في نفس المشاركة، على حسب :)

هههههههههههههههههههههههه مش ممكن
سوري يالعفراء ماقدرت امسك عمري :o

بالنسبة لموضوعج انا ماعرف فالذهب واجد
ف اذا بغيت اروح اخذ اختي معاي لان ادري انهم بينصبون علي
وانا مافهم خصوصا في موضوع المصنيعه :'(

الله يرزقج ويزيدج من فضله

[ameeer3]

الموضوع بأي لغة !!!

ما فهمت الا كلمة ذهب

[bohilal191]

أبدعتي

[المحاميه]

اممم

طيب ش نستفيد احنا من هالكلام

[sara jsm]

مرحبا اختي العفرا
نصيحه اذا بغيتي سبايك ذهب روحي محلات الصرافه افضل مكان ..
بيعطونج بسعر الذهب بنفس اليوم وماعليه مصنعيه ولاشي

[العفراء]

اسمحوا لي اتجاوز الردود بس حابه اشكر اختي سارا ع نصيحتها و بسال عن المصارف عندنا و مشكوره يزاج الله خير عزيزتي