تغيير بيانات في البطاقة الشخصيه

[بومحمد المطاوعه]

السلام عليكم ورحمة الله وبركاته

ليس انا الكاتب بل منقوووووول للأهميه !!!


رأي بخصوص تعديل البطاقة الشخصية للقطريين :

اذا صح نموذج البطاقة هذا فهو خطأ قد لا يستهان به قد تم أتخاذه من قبل إدارة الجوازات والجنسية ..
فمن الملاحظ ان عنوان المواطن القطري يوجد بالكامل على البطاقة وهذا أمنيا أجراء غير صحيح وغير سليم وقد يعرض بعض المواطنين لخطر السرقة أو الانتقام أو جرائم أخرى .
خاصة أن فينا الغني وفينا رجال أمن وضباط ومسئولين ورجال مباحث وتجار وخاصة عنوان حريمنا وأخواتنا وبناتنا ..
ويعتبر هذا خطر حقيقي قد يعرضهم للجريمة .

السؤال الذي يطرح نفسه :
اذا قلنا أن جميع المعلومات الخاصة بالمواطن موجودة في الحاسب الآلي وعدة أجهزة أمنية ، فلماذا أظهر معلومات المواطن والمواطنة كاملا للناس .

نرجو دراسة الموضوع من عدة جوانب أمنية .
والجميع يذكر ماحصل بدولة الكويت آبان الغزو حيث تم تجميع الناس من خلال البطاقة الشخصية .
وأكثر مايضر هذا الأجراء هو المواطن القطري .
ولن يفيد هذا الأجراء أمنيا كثيرا بالنسبة للمقيمين .
الأجنبي كل شهر له ملحق و سكن وعنوان جديد ورقم هاتف يتغير بأستمرار ومقر أقامة متنقل .

نحن لا نريد أن يكون المواطن والمواطنة صيده سهله للمتربصين وأصحاب النفوس الضعيفة والمجرمين وأصحاب السوابق والخارجين عن القانون والاستغلاليين والحراميه وغيرهم .

صور بطاقاتنا في كل وزارة وشركة ومستشفى وجامعة ومدرسة وبنك وفندق ومكاتب الخدم ومكاتب المعاملات ومكاتب الطباعة والابحاث والمخلصين والمندوبين ومكاتب الشحن والصراف والسفريات .. وغيرها الكثير من الأماكن .

نرجو دراسة الموضوع من جميع جوانبه الأمنية .

وشكر خااااص لجهود وزارة الداخلية على ماتبذله الوزارة لخدمة المواطن .

[aloosh]

نعم هذا خطاء اخوي بو محمد
او ان الشخص يحضر ويتم اخذ بياناته بدون اضافتها في البطاقه
اما بيانات كامله فهذا انتهاك صارخ للخصوصيه

[بانغ بانغ]

معقوووووووول ؟؟؟

اخبر بس شلو مكان الميلاد .

[طلعة الروح]

إذا كان العنوان مغلوط فلن تكون مشكلة،
مثال؛ معظمنا يعرف اسم منطقته وقد لا يعرف رقم المبنى او اسم الشارع ومايحدث هو وضع أرقام وعنوانين وهمية في معظم الحالات وذلك بدافع الجهل وعدم المعرفه وهذا الجهل قد يكون نقطه لصالح المواطن الذي لم يضع في الحسبان مشكلة اظهار محل السكن واحتمالية سوء استغلالها من قبل بعض ذوي النفوس الشريره.

[حسن]

مافيها شي يابومحمد

عنوان المنطقه والسكن

خرعتني

[حرف]

المفروض ما شالوا مكان الميلاد

[بوخالد911]

ضد اعطاء كل البيانات لتسجل ع البطاقة
مع تخزينها ع السيستم.

[حسن]

علشان المعايير
ههههههه

بومحمد شكلك مستهدف

[طلعة الروح]

معقوووووووول ؟؟؟

اخبر بس شلو مكان الميلاد .

ماعلاقة إزالة محل الميلاد من البطاقه بموضوع الأخ والقضية الأمنية المتناولة؟

[حمد 2002]

انا عادي عندي ايغيرون اي شيء ..

بس اهم شيء التغير مجاني ومافيه دفع فلوس :secret:

[حسن]

انا عادي عندي ايغيرون اي شيء ..

بس اهم شيء التغير مجاني ومافيه دفع فلوس :secret:

بفلوس

كلشي تبي بلاش انت ياحمد

تصدق البيانات ذي بتكشف الكثير

انا اشوف شي

خخخخخخخ

[بانغ بانغ]

ماعلاقة إزالة محل الميلاد من البطاقه بموضوع الأخ والقضية الأمنية المتناولة؟

لا انا قصدي توقعت التغيير في البطاقة الجديدة فقط ازالة مكان الميلاد

ما توقعت انهم حاطين العنوان

شكرا وجمعه مباركة

[بومحمد المطاوعه]

العنوان بيكون خلف البطاقه الشخصيه
مثل اللوحه الي على باب منزلك من البيانات ورقم الشارع

بيكون مكتوب على البطاقه من الخلف

[جبر ال جبر]

اتفق معاك خطاء كبير خله مخزن في السستم بس وفي البطاقه مب لازم

[بوخالد911]

گ
العنوان بيكون خلف البطاقه الشخصيه
مثل اللوحه الي على باب منزلك من البيانات ورقم الشارع

بيكون مكتوب على البطاقه من الخلف


صحيح
يعني موقعك بيكون معروف للناس

أمنياً ما بيحس الشخص بأمان.

[بومحمد المطاوعه]

گ


صحيح
يعني موقعك بيكون معروف للناس

أمنياً ما بيحس الشخص بأمان.

هذي المشكله

مافي الا احط موزيل ههههه

[بانغ بانغ]

مسكين هالمواطن ... صار شتري .

في كل شي مكشوف

[حسن]

مسكين هالمواطن ... صار شتري .

في كل شي مكشوف

ههههههه

عليك تعليقات يابانغ تونس
وخصوصا اليوم جمعه

المعلومات هذه مهمه جدا ونقله في المعلومات

اعتقد اللي مركب هدرز ومطلوب لشبكا الصناعيه على طول بيجكونه

[الحاقول]

هناك مثل قطري يقول

الشيوخ ابخص


و يقال هذا المثل عند ما يكون هناك سبب مخفي علينا

[ضوى]

مافهمت يعني وين المشكله ، بالعكس لو لاقدر الله يصير اي شي محد يتوهق بشي

شخصيا ماعندي اي مانع

[بومحمد المطاوعه]

مافهمت يعني وين المشكله ، بالعكس لو لاقدر الله يصير اي شي محد يتوهق بشي

شخصيا ماعندي اي مانع


اي شي مثل شنو مثلآ

يكفي الرقم الشخصي

البطاقه الجديده الي الحين بيطبقونها
تاريخ 10/10

ف ظهر البطاقه بتكون نفس البيانات الي على باب البيت

وهالشي ماله داعي
يعني بيكون سهل لكل من هب ودب يدل البيت
ويوصل للبيت وهو مغمض

[بومحمد المطاوعه]

نعم هذا خطاء اخوي بو محمد
او ان الشخص يحضر ويتم اخذ بياناته بدون اضافتها في البطاقه
اما بيانات كامله فهذا انتهاك صارخ للخصوصيه

المشكله البطاقه في كل مكان بتستخدمه
بتحجز فندق بطاقه
بتروح اي مكان تتشرى وعليه ضمان لازم بطاقه

يعني كل من هب ودب دل البيت بالضبط
ولو يبي يتصيد او اي شي لاسمح الله
يقدر يوصل للبيت بالسهوله

وفي ناس اصحاب ذمه وسيعه والله اعلم بخبثهم

[CH Engineer]

الحين فالمحلات يوم تشتري وتحط رقمك تشوف بعد فتره تجيك اعلانات على نفس الرقم من محلات ثانيه

قاعده البيانات الي يجمعها المحل يبيعها او يتبادل مع محلات ثانيه


الي لاحظ هالشي يعطيني لايك

[وحيد-الشوق]

سبق وقلتها من كم سنة في هذا المنتدى نفترض شخص عنده كذا بيت او ساكن ايجار او ملحق ويغير بيته كل فترة ماينفع يحطون عنوان البيت في البطاقة وعنوانه مب مستقر :)

[وليف الشوق]

بطاقه وفيها عنواني عشان يسهل الوصول لي من اي جهه طيب وش المشكله اذا احتوت البطاقه على جميع البيانات من الاسم بالكامل ومحل الاقامه ؟
وفصيلة الدم الخ
موضوعك غريب صراحه وانا للحين ماعرفت وش تقصد واي حرب واي غزوا

[حمد 2002]

سبق وقلتها من كم سنة في هذا المنتدى نفترض شخص عنده كذا بيت او ساكن ايجار او ملحق ويغير بيته كل فترة ماينفع يحطون عنوان البيت في البطاقة وعنوانه مب مستقر :)

صحيح كلامك يالذيب ..


أهم شيء فصيله الدم. .


لو واحد صارله حادث لاقدر الله ..

[حمد 2002]

لحظه ..


لحظه. .


الموضوع خطير والله ..

صادق بومحمد ..


لنفرض انه واحد نفسه ضعيفه من هالرسبشن بإحدى الأماكن والزبون حرمه ..


وجاف بطاقتها الشخصيه !! ..

وعنوان سكنها ..



والله هالموضوع خطيرررررر ..




الحين انا مع بومحمد بموضوعه وضد وضع البيانات ..

[بومحمد المطاوعه]

بطاقه وفيها عنواني عشان يسهل الوصول لي من اي جهه طيب وش المشكله اذا احتوت البطاقه على جميع البيانات من الاسم بالكامل ومحل الاقامه ؟
وفصيلة الدم الخ
موضوعك غريب صراحه وانا للحين ماعرفت وش تقصد واي حرب واي غزوا


ترى منقووول
مب انا الكاتب
واحد من الكواري

وبعدين وين الغزو فالموضوع
حد كتب غزو؟

وابشرك
مكان الميلاد وفصيله الدم شالوها من البطاقه
للعلم !!

في نظري ماله داعي اصلن بيانات البيت

يكفي رقم الشخصي اما مكان السكن ماله داعي الكل يشوف ويدري
وماعتقد في شخص عنده اكثر من رقم شخصي واحد

[بومحمد المطاوعه]

صحيح كلامك يالذيب ..


أهم شيء فصيله الدم. .


لو واحد صارله حادث لاقدر الله ..


على الي شفته
ان فصيله الدم شالوه

[بومحمد المطاوعه]

لحظه ..


لحظه. .


الموضوع خطير والله ..

صادق بومحمد ..


لنفرض انه واحد نفسه ضعيفه من هالرسبشن بإحدى الأماكن والزبون حرمه ..


وجاف بطاقتها الشخصيه !! ..

وعنوان سكنها ..



والله هالموضوع خطيرررررر ..




الحين انا مع بومحمد بموضوعه وضد وضع البيانات ..

ترى هذي المشكله ياحمد

البعض بيستغل
وبيصير سهل
لمعرفه البيت والسكن

واشياء كثيره

علمآ ان حاليآ البطاقات الشخصيه
البيانات من ناحيه السكن غير صحيحه تقريبآ

نفس بطاقتي الحاليه
غير عنوان السكن
الي انا ساكن فيه
لان ماله معنى اي شخص يتطلع على هذا الامر
والجهات المختصه تعرف وين ساكن وعندهم كل البيانات

ولكن محل نظارات ماله داعي يدري وين ساكن
او اي محل يحتاج يصور البطاقه

[بومحمد المطاوعه]

معقوووووووول ؟؟؟

اخبر بس شلو مكان الميلاد .

شلو مكان الميلاد وفصيله الدم

هذي اهم شي فصيله الدم

[بومحمد المطاوعه]

إذا كان العنوان مغلوط فلن تكون مشكلة،
مثال؛ معظمنا يعرف اسم منطقته وقد لا يعرف رقم المبنى او اسم الشارع ومايحدث هو وضع أرقام وعنوانين وهمية في معظم الحالات وذلك بدافع الجهل وعدم المعرفه وهذا الجهل قد يكون نقطه لصالح المواطن الذي لم يضع في الحسبان مشكلة اظهار محل السكن واحتمالية سوء استغلالها من قبل بعض ذوي النفوس الشريره.

هذي المشكله

وغير هذي في ناس
يشتغلون في اماكن حساسه
يعني المفروض مايكون شي واضح لأي انسان

[وليف الشوق]

انا من يومين مسوي البطاقة الشخصيه وفيها فصيلة الدم ومكان الميلاد ؟ ومن قال انهم الغوها ؟
وثاني شي والاهم والخطير اذا البطاقة الشخصيه مافيها فصيله دم فهذا يساعد على وفاة شخص يمكن يحتاج دم في حال وجوده في الشارع ملقى على الارض او وجود اصابه بالغه يحتاج الى نقل دم وانا من يومين مسوي تعديل على البطاقة الشخصيه ومجددها وفيها فصيلة الدم ومحل الميلاد

[بومحمد المطاوعه]

انا من يومين مسوي البطاقة الشخصيه وفيها فصيلة الدم ومكان الميلاد ؟ ومن قال انهم الغوها ؟
وثاني شي والاهم والخطير اذا البطاقة الشخصيه مافيها فصيله دم فهذا يساعد على وفاة شخص يمكن يحتاج دم في حال وجوده في الشارع ملقى على الارض او وجود اصابه بالغه يحتاج الى نقل دم وانا من يومين مسوي تعديل على البطاقة الشخصيه ومجددها وفيها فصيلة الدم ومحل الميلاد

الاصدار الجديد
بكره السبت
10/10
بيتطبق
وشلو مكان الميلاد


تفضل الخبر

http://www.raya.com/mob/getpage/f6451603-4dff-4ca1-9c10-122741d17432/0c5b303c-ea7c-4962-9449-86482d867da8

[بومحمد المطاوعه]

تفضلو رابط خبر تغيير البطاقه


http://www.raya.com/mob/getpage/f645...9-86482d867da8

[بانغ بانغ]

صادق بومحمد ومعك حق في اللي تقوله

[معماري قطري]

انا بيتي يا اخوان ما حطيت على بابه جرس ولا انتركم .. اللي بيجي يجي باتصال وبتلفون وينفتح له الباب وأغلب الوقت مفتوح .. أما وقت راحتي يجيني واحد يرن الجرس ويقول لي مبروك فزت معانا بشنطة عطور ولا بسفرة ولا بسيارة ولا غيرهم بس نبي نسوي لقاء معاك ويطلع من الكذابين.

معليش عنواني واضح ولو اتصلت اطلب شيء اقدر اقوله واللي بيجيني يحط العنوان في الجي بي اس ويوصلني .. لكن عنواني لكل من هب ودب هنا مشكلة أمنية حقيقية وواضحة.

بعدين تكلم الشرطة تقول لهم سايقي جن جنونه ويتهجم علي يقولون لك امسكه وجيبه لنا .. بكرة تقول لهم هذا متعادي لي وجايني البيت أو هذا يطالبني غرض وجايني البيت وهم يقولون لك تعال قدم بلاغ.

[بومحمد المطاوعه]

94922

الشكل للبطاقه
لايوجد محل الميلاد

http://store1.up-00.com/2015-10/1444418996191.jpg

[بومحمد المطاوعه]

صادق بومحمد ومعك حق في اللي تقوله

الله يجزاك خير
الكلام مب من مخباي الحمدلله

شي رسمي
ونازل فالجرايد وحطيت صوره ورابط للخبر

[حرف]

انا من يومين مسوي البطاقة الشخصيه وفيها فصيلة الدم ومكان الميلاد ؟ ومن قال انهم الغوها ؟
وثاني شي والاهم والخطير اذا البطاقة الشخصيه مافيها فصيله دم فهذا يساعد على وفاة شخص يمكن يحتاج دم في حال وجوده في الشارع ملقى على الارض او وجود اصابه بالغه يحتاج الى نقل دم وانا من يومين مسوي تعديل على البطاقة الشخصيه ومجددها وفيها فصيلة الدم ومحل الميلاد

لاتخاف الـ o+ الدم الكريم يعطي كل الفصايل

[طلعة الروح]

94922

الشكل للبطاقه
لايوجد محل الميلاد

http://store1.up-00.com/2015-10/1444418996191.jpg

هالبطاقه قديمه بالنسبه لي والدليل انى قبل 5 سنوات او اقل
ضاعت بطاقتي واستخرجت نفس هذا الشكل.

[ذكي جدااا]

سوْال اللي تنتهي بطاقته بعد خمس سنين اجباري يجدد البطاقه ولا ينتظر لين تنتهي الصلاحية

[MAZEN37]

بكل دول العالم العنوان موجود على اثبات الهويه والبطاقه بالعكس هذا تطور مهم ويحسب لهم
موقف صار معاي بخارج الدوله رحت افتح حساب في احد البنوك وطلب مني مكان اقامتى وعنواني بقطر وكان في استغراب كبير انه مافي عنوان رسمي لي بقطر ولا حتى صندوق بريد مسجل
اخر شي رجعت الدوحه ورحت البريد وروح وتعال وقدم طلب وتوقيع مليون مدير عطوني ورقه مختومه منهم تثبت صحة انه لي صندوق بريد
انا راءيي لازم عنوان مثلالسياره لها رقم على الاقل لازم صندوق بريد
بعد ينفع اذا الواحد رفع قضيه على احد
لانه القاضي بعد ما راح يعترف باي صندوق بريد غير مسجل او واضح وصارت معاي واخرتها اعلان باللصق واعادة اعلان واعلان بالجريده واعادة اعلان وهلمه جر

[حسن]

بكل دول العالم العنوان موجود على اثبات الهويه والبطاقه بالعكس هذا تطور مهم ويحسب لهم
موقف صار معاي بخارج الدوله رحت افتح حساب في احد البنوك وطلب مني مكان اقامتى وعنواني بقطر وكان في استغراب كبير انه مافي عنوان رسمي لي بقطر ولا حتى صندوق بريد مسجل
اخر شي رجعت الدوحه ورحت البريد وروح وتعال وقدم طلب وتوقيع مليون مدير عطوني ورقه مختومه منهم تثبت صحة انه لي صندوق بريد
انا راءيي لازم عنوان مثلالسياره لها رقم على الاقل لازم صندوق بريد
بعد ينفع اذا الواحد رفع قضيه على احد
لانه القاضي بعد ما راح يعترف باي صندوق بريد غير مسجل او واضح وصارت معاي واخرتها اعلان باللصق واعادة اعلان واعلان بالجريده واعادة اعلان وهلمه جر

هذا اللي اعرفه

الاخوان محتجين على العنوان حسسوني انا احنا في تورا بورا
معقوله

!!!

[بومحمد المطاوعه]

جزاكم الله خير

راجع لكم

[بومحمد المطاوعه]

جزاكم الله خير

راجع لكم

[Mr 3idany]

والله شي حلو ومب حلو في نفس الوقت

الحلو لو ضاعت عالاقل اللي يحصلها يوصلها لي البيت بدون ما اسوي بلاغ وعوار راس

واللي مب حلو يجوز انه هالمعلومات المفروض مب كل من هب ودب يصور البطاقة يعرف معلومات وين ساكن وكم رقم البيت

لكن اكيد وزارة الداخلية ما سوت هالشي الا انها درست كل الامور من كل الجوانب وحاطه كل الاحتمالات اللي قاعدين نتكلم عنها

[بومحمد المطاوعه]

والله شي حلو ومب حلو في نفس الوقت

الحلو لو ضاعت عالاقل اللي يحصلها يوصلها لي البيت بدون ما اسوي بلاغ وعوار راس

واللي مب حلو يجوز انه هالمعلومات المفروض مب كل من هب ودب يصور البطاقة يعرف معلومات وين ساكن وكم رقم البيت

لكن اكيد وزارة الداخلية ما سوت هالشي الا انها درست كل الامور من كل الجوانب وحاطه كل الاحتمالات اللي قاعدين نتكلم عنها

صدقت

الله كريم
بنشوف الأيجابيات ان شاءالله اكثر من السلبيات

[fzaa_qatar]

والله مادري ليش مكبرين الموضوع عادي عنوان وكله ارقام من اللي بيحفظ لك ارقام المدن والشوارع وبعدين فرضا حد عارف انا ساكن وين انزين وبعدين يعني شلي بيصير .. واستخدام البطاقه الشخصيه معروف ومحدد اماكن استخدامها .. عادي عادي ماحطته الدوله الا لاسباب اهي ادرى بها واعلم منا ومستحيل يحطون شي يضر المواطن وفيه دول شكثر حاطين العناوين .....

[fzaa_qatar]

وبعدين ولله الحمد تروا حنا فقطر امن وامان ولله الحمد معدل جرائم السرقه من اقل المعدلات العالميه وبعد الجرائم نفس الشي .. عادي جدا بالنسبه يحطون اللي يبون ....

[حسن]

الناس وصلوا القمر وبياناتنا وصورنا موزعه في النت وحنا لين الحين مختلفين عليه عنوان بيتنا

حسسونا انا احنا عايشين بين قبايل الهوتو والدوتسي

وثلاث ارباع الشعب عساكر بين جيش وشرطة وأمن دوله ومخابرات

وحداقه

وايد مكبرين الموضوع

[ya3coub]

ترا العنوان موجود اشفيكم !!! كل واحد يقلب بطاقته من ورى

بيحصل تاريخ الإصدار
و تحته فصيلة الدم
و التحته الرقم المتسلل
و تحته العنوان.


ان ما خاب ظني العنوان الي بيتغير فيه بيصير رقم العقار مع رقم الشارع و رقم المنطقة و اسم المدينة بدال ما كان رقم المنزل و اسم الشارع و اسم المنطقه و اسم المدينة

و تحتهم التوقيع

[حرف]

الي تغير شالوا مكان الميلاد
ياليتهم ماشالوه

[ملك المشاعر]

البلد أمن وامان وماشوف مشكلة في وضع العنوان

[ya3coub]

افا بيشلون امريكا من البطاقه :anger1:

ارجع ارفع الموضوع ابي الكل يجيك على بطاقته الشخصية العنوان موجود أصلن ورى البطاقة


الي بيتغير بيصير بنظام الأرقام رقم العقار و رقم الشارع و رقم المنطقة

بدال ما كان رقم البيت و اسم الشارع و اسم المنطقة

والله اعلم

اتمنى ما يشيلون مكان الميلاد بنفس الوقت يفيد يشيلون مكان الميلاد لأن في ناس غير محترمة جدا و تعاملها يختلف بنائا على مكان الميلاد