ماذا تعرف عن انثى البطريق ؟

[العفراء]

انثى البطريق حليلها اكثر وحده تكسر الخاطر بهالدنيا

اولا هي تحمل و عقب تحط البيض
و عقب ايييي زوجها يشل البيض و يحطهم بحضنه و يقول لها
روحي البحر يمعي لنا مؤنة الشتاااا

انزين و هي طالعه تشوف كل الذكور قايلين لحريمهم البطاريق نفس الرمسه

فيتمعن و يروحن البحر و يواجهن الاهوال و الاخطار و المصاعب و طول هالوقت يخزنن الاكل حق فروخهم و رياييلهم اللي هم يالسين فمرعاهم كل واحد حاضن البيض و يتريوون الامهات يعودن

لما يردون بعض الامهات يموتن بالطريج و من وصل بالسلامه يكونن محظوظات بسلامة فروخهم و الزوج المصون

و بعضهن يا حرام يتفاجئن ان الذيابه او الثعالب او اسد البحر هجموا على مرعاهم و كلوا البيض و الفروخ الصغار

بتقولون وين ازواجهن كانوا يحرسون البيض؟

ابوي هاييل من يشوفون حد هاجم عليهم على طول كل واحد شل بعمره و قام يتزحلق ع الثلج لانه يوم يتزحلق يكون اسرع من انه يركض ركضته بطيئه شرات يوم احلم ان عزكم الله جلب منهد علي و اركض الركضه البطيئه بالحلم

المهم جذا والله السالفه ... انثى البطريق تكد و تشقى و الذكر مثل ما يقولون اكل و مرعى و قلة صنعة :weeping:

و سلمتوا

[مختلف جداََ]

نفس الحريم عندنا

الله يعينكم الصراحه

[العفراء]

شوف اخويه مختلف اللي اتضح لي هو
ان التضحيه و العطاء غريزة بالفطرة الانثوية بشكل عام

[<اضرب واشرد>]

هههههههههههههههه

الحين هذي المعلومات صحيحة؟ وين المصدر :)

هذي مثلا أنقلها من ويكيبيديا: https://ar.wikipedia.org/wiki/%D8%A8%D8%B7%D8%B1%D9%8A%D9%82#.D8.A7.D9.84.D8.BA. D8.B0.D8.A7.D8.A1_.D9.88.D8.A7.D9.84.D8.B3.D9.84.D 9.88.D9.83

"عندما يفكر في الزواج يسير ذكر البطريق فوق الجليد على غير هدى متفحصاً كل ما يمر أمامه من إناث جنسه باحثاً عن فتاة أحلامه لهذا فهو يسير منتصب القامة منتفخ الصدر شارد النظرات. ‏ ولكنه إذا ما شاهد إحدى الاناث الجميلات تقبل ناحيته فإنه يعتدل ويرسل إليها إشارات جانبية، إذا ما مرت بجانبه دون اهتمام ولكنه يلتفت إليها بكبرياء، وإذا رضيت يبدأ بالعدة لخطبتها، وهنا يبدو غريب الأطوار هذا ما أكده عالم الطبيعة« د. كونور» الذي يقول: إن كثيراً من الحيوانات تعرف فترة الخطوبة ومنها طائر البطريق. ‏ البطاريق تتخذ رفيقا واحدا طوال حياتها ويقوم ذكر البطريق بتقديم حجرة ملساء للانثى كرمز لطلب يدها"


وين مصادرك؟

[العفراء]

ههههههه
شوف اخويه اضرب واشرد

انا تراني وايد اتابع قناة ناشونال جيوغرافيك واذكر اني مره شفت اربع او ثلاث حلقات ورا بعض عن حياة البطريق
بطلع لك اسم المسلسل اوكي بس يبالي ادور باليوتيوب بقناتهم خلني الحين بدور اترياني لا تروح لان المعلومة صحيحه ميتين بالميه

[qatarman8008]

عذي انثى البطريق..
لكن الانسان غير..
ميزه الله بالعقل المدبر واللسان المعبر..
ف تجد الذكر واللنثى كلهم طيبين وحبوبين ومتفاهمين..
كل واحد فيهم يضحي من اجل الثاني..
وهالشي مش غريب عليهم..

[العفراء]

والله صادق اخويه قطر مان ثمانتالاف وثمانيه
والتضحيه تراها ملح الحياة بين كل اثنين متحابين وهالشي لازم نفهمه و نعمل به
حياك الله الشيخ :victory:

[نفسي عزيزه]

ضحوا عشاني اشتروا لي شاليه او فيلا ومرسيدس والخ :(

واشترو لي بيك اب هههههعههههههههههههههههههه ----> خربها



ذكر البطريق يحط البيض ع رجله واذا فرخو يتمون ع رجله تفاديا لبرد الثلوج ولايتحرك مسكين الذكر دايما يضحي والنثيه كالعاده قاعده تزط وتاكل فالبحر الشريره :weeping:

والذكر جوعان مسكين :weeping:

مع تحيات ذكر مسكين :weeping:


ها ها ها :sneaky::sneaky::fight::fight::fight:

[مختلف جداََ]

ضحوا عشاني اشتروا لي شاليه او فيلا ومرسيدس والخ :(

واشترو لي بيك اب هههههعههههههههههههههههههه ----> خربها



ذكر البطريق يحط البيض ع رجله واذا فرخو يتمون ع رجله تفاديا لبرد الثلوج ولايتحرك مسكين الذكر دايما يضحي والنثيه كالعاده قاعده تزط وتاكل فالبحر الشريره :weeping:

والذكر جوعان مسكين :weeping:

مع تحيات ذكر مسكين :weeping:


ها ها ها :sneaky::sneaky::fight::fight::fight:

:nice: في منتصف القطب الجنوبي :nice:

[نفسي عزيزه]

:shy:



مختلف اذا اهجمت علينا العفراء بشي خل نتعافر معاها ونهزمها ونقدمها طعام لفروخ البطريق :(

[مختلف جداََ]

فروخ البطاريق بيجيهم عسر هضم

ممممم

خل نعطيها حق الدبين مال القطب الجنوبي

هااااهاااااهاااا

[العفراء]

هذا هو المسلسل اخويه اضرب و اشرد

Frozen Planet

http://ia.media-imdb.com/images/M/MV5BMTU5MDI2NjU0N15BMl5BanBnXkFtZTcwNDMwMTA0Nw@@._ V1_SY317_CR15,0,214,317_AL_.jpg

سووري انا قلت انه بقناة الناشونال جيوغرافيك بس طلع من البي بي سي و كنت اتحرا اربع حلقات اتضح انه عشر حلقات

تقدر تشوفه باليوتيوب حط اسم المسلسل

و هو وايد يركز على الحياة بالقطب الشمالي و الجنوبي

بسرعه تندمج فيه لان الغموض هو سيد الموقف بصراحة احس ان عوالم الجن ساكنين بالقطبين

و بتلقى فيه معلومة ان الانثى تكد و تشقى :weeping: و الذكر بس يالس ع البيضه لكن مثل ما قال نفسي عزيزة يكون بالشتا القارص واقف و البيض بين ريوله طول الوقت بو الشباب

[العفراء]

يا جماعه خذوووا لولدنا نفسي عزيزة سياره او فيلا يستاهل تراه
بس من وين عرفت معلومة ذكر البطريق تراها صحيحه لا يكون تربي بطاريق بمزرعتكم ؟

و بعدين انت و مختلف تبون تتقاشرون علي وانا حليلي والله مب راعية مشاكل انا اميرة الثلج شايفين رسوم اسمه فروزن
هاللي تقبض اي شي بيدها يتحول ثلج؟ هذي انا على فكره

[بوحارب]

هذي الحرمة السنعه

[نفسي عزيزه]

العفراء

كنت اتابع فلم وثائقي ف الجزيره الوثائقيه وحطوا عن البطريق الذكر والانثى وعن حياتهم

اعتقد يمممممممكن موجود باليوتيوب يمكن مش اكيد

احب الجزيره الوثائقيه تحط عن الحيوانات والطبيعه والتاريخ


وبس والله شرايكم فيني شاطر صح

انا ومختلف اشطر اثنين في المنتدى :o:o

[مختلف جداََ]

المفروض يرقوني أصير مميز

خلوني مميز و لا بنتحر صياح :eek3::eek3::eek3::eek3::eek3:

[العفراء]

هي عن سنعه سنعه بو حارب بس بعد تعور القلب حياتها شقا بشقا :cry2:

[العفراء]

شطور والله نفسي عزيزه و مختلف بعد شراتك شطور

حلو زين انك تتابع و شي وايد معلومات حلوة تصدق ان الغراب مثلا بالهند يسرق فلوس وسوع و ذهب ويفره ع حبيبته و شي هنود قاموا يربون غربان من ورا هالسوالف علشان يترزقون

مختلف اتريا بنترقى كلنا رباعه احسن

[العفراء]

هذي الحرمة السنعه

بو حارب لو كنت تقصدني انا فجزاك الله خير شيخي :shy:

[مختلف جداََ]

انتي من 2014 عضو

أنا غاسل يدي منج :tease:

[بوحارب]

هي عن سنعه سنعه بو حارب بس بعد تعور القلب حياتها شقا بشقا :cry2:
خليها اكيد تطالب بالمساواة لازم تكدح شوي :)



بو حارب لو كنت تقصدني انا فجزاك الله خير شيخي :shy:

هالمره بمشيها لج :cool:

[.قطر.]

مسكينه تروح ف البحر وتخاطر بحياتها ويمكن تموت واخر شي ياكلون فروخها :weeping:

الظاهر مايعرفون المثل اللي يقول اللي جوعان ياكل حصا :tease:
ص صبر لاتضحك خل نشوف طريقه نترجم المثل الى لغتهم :tease: