استفسار عن روضه اطفال

[كلاسيك قطر]

السلام عليكم ورحمه الله وبركاته

مطلوب روضه اطفال قريبه من منطقه النصر والسد
ذات مستوى عالي

[كلاسيك قطر]

للرفع والمتابعه

[busnaidah]

إذا تلقى Star Fish مستواهم ممتاز عن تجربه وبالتوفيق

[كلاسيك قطر]

إذا تلقى Star Fish مستواهم ممتاز عن تجربه وبالتوفيق

هاي في وين أي منطقه

[المناعي1]

والله أخوي ودي أخدمك بس أنا صوب أزغوى و اعيالي صوب الدفنة

[كلاسيك قطر]

نبغي مساعده يا شباب

[معماري قطري]

أي روضة أطفال انصحك تدخل وتشوف تجهيزاتها ولا تخلي مكان لتدخله .. عند بيتي روضة بشوف عيني كل شوي مسوين قرقور حديد في الحوش حق عيالنا .. لا يقدرون يطلعون وقت الطواريء ولا شيء

[Ms. London]

مثل ماقال الاخ معماري قبل ماتقرر كلم الروضه انك تروح تتفقد الروضه وتشوف المبنى ومستواهم لان بعضهم لهم اوقات معينه في اليوم ... انا صار لي فتره ماخليت حضانه مادخلتها وقارنت بينهم والحمدلله اتخذت القرار وهذي بعض النقاط اللي لازم اي حد عنده اطفال في سن الحضانه لازم ينتبه لها واللي عنده ملاحظات بعد ممكن يفيدنا:
1/ الصاله المخصصه للعب واللي يسمونها ( indoor area ).. تكون مخصصه للعب الاطفال اذا طلعوهم من الصف الخاص فيهم لازم تكون واسعه كفايه وفيها العاب متنوعه وفيها ارضيه مخصصه للعب اذا لاسمح الله في حالة سقوط الاطفال محد يتأذى. ولازم قبل اي حد يدخل هالمنطقه يتم خلع الحذاء كرمكم الله وهذا الشي لاحظت ان الكثير مايسوونه والمسؤولات عن الاطفال يتمشون بأحذيتهم وهالشي اكبر خطأ.

2/ الحمام اعزكم الله...لازم يكون فيه كل وسائل النظافه..واهم شي القفازات وفي حالة الاطفال الي مايعرفون يروحون الحمام لحالهم يعني اصغر من سنتين وفي احد بيغير لهم لازم تتأكدون من نظافة المكان الي بيتم التغيير فيه ويكون في بلاستك على طاولة التغيير يتبدل بعد كل طفل واذا الطفل يستخدم صابون معين او كريم طبي لازم تبلغونهم.

3/ غرفة نوم الاطفال... لازم تكون مهيأه يعني لازم يكون في أسره خاصه لنوم الاطفال وكل طفل له مفرشه الخاص... دخلت حضانات وايد اليهال اللي يصيح واللي يلعب وبعضهم حرام نايمين في نفس المكان.. وفي حضانات يقولون وقت ما الطفل ينام يطلعون باقي اليهال منطقة اللعب بس هالشي مش مضمون ان كل مره يطلعونهم.. شفت حضانات اذا الطفل بينام يودونه غرفه كلها اسره وهاديه ويكون فيها وحده تباشرهم وماتطلع من هالغرفه اذا فيها حد نايم.

4/ الكاميرات...وهذا راي شخصي.. انا ارتاح من الحضانات الي فيها كاميرات والافضل انها تسمح لأولياء الامور انهم يقدرون يدخلون على نظام الكاميرا من الموبايل ويشوفون طفلهم اي وقت ويتطمنون.


5/ في بعض الحضانات تجذب الطفل من خلال التصميم سواء الداخلي او الخارجي... بعض الحضانات اول ماتدخلها ينبهر منها الكبير قبل الصغير من الالوان والرسومات والالعاب الي فيها وبعضها اول ماتدخلها تحس بالملل والكآبه.

6/ وفي اشياء كثيره بعد منها الانشطه والاكل وفي بعض الحضانات يحطون برك سباحه كنوع من الترفيه للاطفال بس انا ماحبذ هالشي... وبالنسبه لمنطقة اللعب الخارجيه لازم تكون مهيأه كفايه للعب..

اسفه عالإطاله بس هالنقاط كنت اركز فيها وايد لما ادخل كل حضانه لان مهم المكان الي بنخلي فيه عيالنا نص يوم يكون مهيأ كفايه وثقه...


اتمنى تلقون المكان المناسب لهم