التدخين في مقاهي المجمعات التجاريه

[مهره]

السلام عليكم ورحمه الله وبركاته
صار لي مده طويله وانا الاحظ تدخين بعض الشباب في مقاهي المجمعات التجارية مثلا ستاربكس الند مارك و كوستا لاندمارك و ستاربكس فيلاجيو و1881 فيلاجيو علما ان البعض يرمي رماد الدخان في الجندول المائي فهل هذا تصرف حضاري أبلغت حمايه المستهلك وللاسف عالفاضي حدث ولا حرج فماهو الحل في رأيكم علما انه اذا سألنا الكوفي المسؤل يقول لنا اتصلو بحمايه المستهلك او صوروهم احنا تعبنا منهم ومن الرائحة هذا رد اصحاب المقاهي
فأخيرا وليس اخراااا ماهو الحل مع هذه الفئه أرجو مشاركتنا بايجاد حل قطعي لهذه الظاهره

[حمد 2002]

صباح الخير

شدخل حمايه المستهلك بتدخين الشباب للزقاير ؟


شكرا ..

[حسن]

إهمال مفتشين البلديه

وتقاعسهم عن دورهم في عمليه الضبط

[طبيب قطري]

صحيح وشي مقرف جدا .. توني امس شفتهم يدخنون بأرغوى كوفي اللاند المشكله ان الويك اند يكون اغلب المجمع عوايل ومعاهم اطفال والمكان مغلق وريحه الدخان تخنق وجدا ضاره..
الله يهديهم ويفتح عين المسوولين !

[العفراء]

ممنوع التدخين اصلا بالكوفيات و هذا تصرف مب حضاري موليه

[مهره]

اخ حمد أنا سالت اصحاب المقاهي هم قالولي تواصلي معاهم وإذا انت عارف الجهه المسؤله ياليت تفيدني شاكره لك

[ضوى]

ابتلينا بهالمدخنين ، اخبر قبل كان في كافييه بحياة بلازا وكنت وايد اشتكي عليه ، لانهم مب محترمين علامه ممنوع التدخين فوق راسه وهو يدخن بكل وقاحه ، والوقاحة الالكبر انه اجنبي عربي يعني اخرق القانون وتحت عيونكم يالقطريين ، المهم بعد كثرة الشكاوي المقهى بكبره تسكر ويوم سالنا قالوا لنا لعدم التزامه بالقانون والانذارات ، عسى كل من هم على شاكلتيه الدمار

[راعي الكورفت]

انا دخلت كوستا كوفي فرع الوكره و عنده غرفه مغلقه للمدخنين لكني ماشفت احد يدخن داخل مجمع تجاري لان المجتمع واعي انه شي مخالف للقانون

[بومحمد المطاوعه]

تكلمنا مليون مره
سوينا هشتاقات ف تويتر شكثر
تكلمنا ف وطني الحبيب
اشتكينا ف كل مكان


باقي بس نشوف اي مدخن داخل المجمع نروح ونسحب منه الزقاره

[السكين]

قبل كم يوم بعد شايفهم شلة يدخنون في كافيه بالسلام ، والله قلة أدب ومسخرة .

وبو محمد قبل كم يوم حط موضوع مفصّل على أمل الحد من هالمشكلة .

أذكر مرة بتايلند طلبنا من كافيه وقعدنا بره ،صديقي المدخن قاعد يدخّن إلا شوي واحد جاي لنا من الشباب اللي يدخنوا وقال لصديقي ممنوع التدخين على مسافة ما اذكرها كم متر ، وقال له لو حابب ارجع لهذا الخط ودخن ، يعني الكافيه مانع التدخين بحدود الكافيه وقال له سعر المخالفة وكانت غالية .

[بومحمد المطاوعه]

قبل كم يوم بعد شايفهم شلة يدخنون في كافيه بالسلام ، والله قلة أدب ومسخرة .

وبو محمد قبل كم يوم حط موضوع مفصّل على أمل الحد من هالمشكلة .

أذكر مرة بتايلند طلبنا من كافيه وقعدنا بره ،صديقي المدخن قاعد يدخّن إلا شوي واحد جاي لنا من الشباب اللي يدخنوا وقال لصديقي ممنوع التدخين على مسافة ما اذكرها كم متر ، وقال له لو حابب ارجع لهذا الخط ودخن ، يعني الكافيه مانع التدخين بحدود الكافيه وقال له سعر المخالفة وكانت غالية .


والله يالغالي مشكله
الانسان لو مايحشم الناس
ولا يتعض من نفسه
صعب يسمع لكلام اي واحد

المفروض يكون عارف ويقدر ويحشم الاخرين
مب يضرهم

استغفرالله لين تسلم على انسان مدخن
اعوذ بالله من ريحته

حتى ثوبه مب نظيف
ياتشوفه مبقع
او مبطوط من الزقاير

ولو تقوله اشفي ثوبك جذي
يرد بكل فخر
والله من الزقاير

لا ياااشييييخ

شطووورحبيبي

الله يهديهم يارب

[السكين]

والله يالغالي مشكله
الانسان لو مايحشم الناس
ولا يتعض من نفسه
صعب يسمع لكلام اي واحد

المفروض يكون عارف ويقدر ويحشم الاخرين
مب يضرهم

استغفرالله لين تسلم على انسان مدخن
اعوذ بالله من ريحته

حتى ثوبه مب نظيف
ياتشوفه مبقع
او مبطوط من الزقاير

ولو تقوله اشفي ثوبك جذي
يرد بكل فخر
والله من الزقاير

لا ياااشييييخ

شطووورحبيبي

الله يهديهم يارب

الله ينور عليك انت قلتها بنفسك ، الانسان ( لو ) يحشم نفسه .

شوف يا بو محمد أنا شغلى بمبنى ممنوع فيه التدخين ، والكل يطلع يدخن برّه ‘ باستثناء موظفة وموظف غير ملتزمين .

بالنسبة للموظفة عشان ما أحرجها ، كلمتها كذا مرة بالطيب مافي فايدة ، تدخن بمكتبها بس الريحة تطلع ، أرسلت لها ايميل شديد شوي وانه لازم تحترمي البقية مافي فايدة ‘ إلتزمت فترة ورجعت ، بعدها أرسلت إيميل عني وعن بقية الموظفين غير المدخنين للادارة ضدها وضد هالموظف بالأخير إلتزموا ..بس ما ما بين كل فترة وفترة يرجعوا للتدخين بالمكتب .

هذا سلوك .. وتصحيح سلوك الغير صعب ما ييجي إلا بالقانون خاصة مع هالأشكال.

[بوحارب]

اللي يدخن في كوفي الصراحة انسان قليل ادب

المفروض يقدر وجود الناس والأطفال

يا ليت يشوفون لنا حل معاهم

وايضاً العمال اللي يدخنون عن مداخل المجمعات

شكلهم مقرف ووجودهم مسوي زحمه ومضر على الجميع

[شبح الصمت]

بوحارب ممكن كلمة من القلب ..

ياخي صج انك متملل ياخي روح افتر دور

مسافر لندن وشابك لي اهنيه ..

هاهاي ..

ياخي روح لاحق لك بط
والا سنجاب ..

وسلم على الربع الي معاك ..

[شبح الصمت]

وبخصوص المدخنين ..

سوو حملة في تويتر على طوول الي تشوفونه يدخن

سوو هشتاق واذكرو اسم المكان الي فيه

وترى اهي سالفة احترام للموجودين ..
الي ما عنده ثقافة احترام الغير ومطنش اش تبوون ..

في ناس مع احترامي والله ما تستحي

ي العزء ويطلع زقارته ويدخن
لا حول ولا قوة الا بالله ..

اخاف في يوم فالمقبرة الناس تدفن وواحد يطلع لنا يدخن .

استغفر الله العظيم

اللهم لا تؤاخذنا بما فعل السفهاء منا

احنا مب احسن منهم بس ياخي لا تضر غيرك
اذا في اماكن مخصصة انا بكون غلطان اني جيت صوبكم ..

اما مكان عام اطفال
حريم
حمل
كبار فالسن
ناس مصابين في الربو ..

احترمهم

[فريج النجادة]

اللي يدخن في كوفي الصراحة انسان قليل ادب

المفروض يقدر وجود الناس والأطفال

يا ليت يشوفون لنا حل معاهم

وايضاً العمال اللي يدخنون عن مداخل المجمعات

شكلهم مقرف ووجودهم مسوي زحمه ومضر على الجميع

اذا كان المدخن في المقاهي قليل ادب

طيب وش تقل من يدخن مع اطفال الصغار

اثناء توصيلهم للمدارس !!!!

[طلعة الروح]

لو أن قانون المجمعات متفعل نفس قانون المرور ،كنا بنشوف كاميرات مراقبه فوق الكوفي وقوات أمنية مسؤوله عن طردهم من المجمع في لحظة تصوير الجرم المشهود.

[مهره]

شكرًا لتفاعلكم اخواني أنا من رأي يغلق الكوفي ويتم تصوير الشخص والتشهير فيه ملييييييييييينا والله ولا الكوفي الي في المول شواب لحيته الواحد منهم بيضا لا أدب ولا تقدير
وفيلاجيو حدث ولا حرج من تروح تبي أغراض من كارفور لازم نمر علي ستاربكس تعال شم الريحه أنا مثل ماقلت يتم إغلاق الكوفي عشان يتادبون والي يشوفونه يدخن يطردونه من الكوفي خساره شخص ولا إغلاق الكوفي

[نيساني]

مره شفت واحد يدخن في كوفي شوب في اللاند والله اني انصدمت


الله المستعان

[حرف]

فيه اشياء كانت موجودة واختفت من عشر سنوات مادري هل لاحظتوا مثلي
1- الامن الوقائي في المجمعات التجارية ضد المغازلة والتحرش اختفى
2- مفتشين البلدية الي يعطون المدخنين مخالفات اختفوا
3- مراقبة الفنادق مقبل جهاز امن الدولة اختفى
شسالفة

[بوخالد911]

يبيلهم حزم أكثر المدخنين
وعقوبات كبيرة.

[معماري قطري]

ما عليكم إن شاء الله قطر 2022 خالية من التدخين ألحين تو الناس

[معماري قطري]

انا ما ادخن بس نحاسة شكلي بادخن في المجمعات

[بوخالد911]

ما عليكم إن شاء الله قطر 2022 خالية من التدخين ألحين تو الناس

والله شاقولك يا اخوي
خوفي لذاك الوقت ان الغالبية هي اللي تدخن.

[معماري قطري]

والله شاقولك يا اخوي
خوفي لذاك الوقت ان الغالبية هي اللي تدخن.

بتستوي غصب ذاك الوقت الحين القوانين كلام بس بعدين قول وفعل علشان محد يزعل وينتقدنا أما الانتقاد والكلام ألحين عادي محد يسمعه

[العفراء]

معماري خلك عن العناد و المناحس هههه
شوف معشر المدخنين هاييل حالتهم صعبه و نفسيتهم مثل ما اقرا
تكون زفته طول الوقت
تخيل ........ انسان يشتري الهلاك لنفسه
انفاسه تكون غير نقيه و اسنانه تكون حليانه و مصديه
بصراحه انا صح ان مالي قرار لكن عندي فكره وايد حلوه
ان يللقون القبض على كل المدخنين و يخيرونهم بين انهم يودرون عنهم الجقاره او ينقلونهم لوكالة ناسا
علشان يطبقون عليهم ابحاث الفضاء
و جذا بتستفيد منهم البشريه

[بانغ بانغ]

احنا شعب نتأثر بالعاطفة يومين ثلاثة وعقب القلب خضر

اتذكر يوم نزل تعميم عدم التدخين وقاموا المعنيين بصك مخالفات في المجمعات ... اشوي اشوي خف الايقاع

يعني يتأثرون بفترة وبعدين يرجعون لسابق حالهم

فوضى في سن القوانين العشوائية وعدم استمرارية تنفيذها

[شيخ الديرة]

التدخين في الأماكن العامة ظاهرة غير صحية ومنبوذة
أتمنى ان تأخذ الجهات الصحية وخاصة جمعية السرطان دور اكبر في الحد من هذه الظاهرة
الغريب ان اغلب المخالفين من مقيمين عرب من دولة دولتين معروفة

[العفراء]

هذي مشكله اخويه بانغ بانغ
احيانا القوانين تحتاج لنظام رادع و ثابت باتخاذ اساليب الردع علشان تستمر آلية التنفيذ من دون انه يحيل بينها و بين الاستمراريه اي تهاون و اهمال
انا مستغربه كيف اذا في قانون يمنع التدخين بالمجمعات كيف يدخنون
بدبي لما شافوا ان حوادث السير مع المشاة قامت تزيد
لاحظوا ان اصحاب السيايير مب هم اللي يغلطون
الغلط من المشاه انفسهم يعبرون من اماكن غير مخصصه
فقاموا يخالفون اي شخص يعبر من مكان غير مخصص للعبور
غرامه 500 درهم ع ليسن الشخص او على هويته يعني باحر بيروح يجدد ليسنه بيلقون عليه غرامه انه مشى فمكان غير مخصص للعبور و لو ما عنده ليسن فعلى بطاقة هويته يوم بيروح ايددها بيلقون هالغرامه
المهم انهم وصلوا لحل مع مشكلة المشاة
و القصد ان مثل هالاحراء يطبقونه ع المدخنين بالاماكن الممنوعه
انت تدخن اوكي تعال ترى التدخين ممنوع بالمجمع و لو سمحت هات بطاقتك و عطه مخالفه و انتهى الموضوع
ليش ما نحترم قوانين بلادنا و نحافظ ع المصلحه العامة يعني صج انه شي يحز بالنفس ان بعض الناس هداهم الله مش مفتكرين باهمية القرارات و احترامها مع انها تعود لمصلحة الوطن و المواطن و المقيم بالبلاد

[بانغ بانغ]

هذي مشكله اخويه بانغ بانغ
احيانا القوانين تحتاج لنظام رادع و ثابت باتخاذ اساليب الردع علشان تستمر آلية التنفيذ من دون انه يحيل بينها و بين الاستمراريه اي تهاون و اهمال
انا مستغربه كيف اذا في قانون يمنع التدخين بالمجمعات كيف يدخنون
بدبي لما شافوا ان حوادث السير مع المشاة قامت تزيد
لاحظوا ان اصحاب السيايير مب هم اللي يغلطون
الغلط من المشاه انفسهم يعبرون من اماكن غير مخصصه
فقاموا يخالفون اي شخص يعبر من مكان غير مخصص للعبور
غرامه 500 درهم ع ليسن الشخص او على هويته يعني باحر بيروح يجدد ليسنه بيلقون عليه غرامه انه مشى فمكان غير مخصص للعبور و لو ما عنده ليسن فعلى بطاقة هويته يوم بيروح ايددها بيلقون هالغرامه
المهم انهم وصلوا لحل مع مشكلة المشاة
و القصد ان مثل هالاحراء يطبقونه ع المدخنين بالاماكن الممنوعه
انت تدخن اوكي تعال ترى التدخين ممنوع بالمجمع و لو سمحت هات بطاقتك و عطه مخالفه و انتهى الموضوع
ليش ما نحترم قوانين بلادنا و نحافظ ع المصلحه العامة يعني صج انه شي يحز بالنفس ان بعض الناس هداهم الله مش مفتكرين باهمية القرارات و احترامها مع انها تعود لمصلحة الوطن و المواطن و المقيم بالبلاد


صحيح اللي ترمسينه

المشكلة في تطبيق القوانين

يعطيك العافية