بخصوص الديكورات الداخلية

[Fahad Alqahtani]

السلام عليكم ورحمة الله وبركاته

ابني بيتي في الوقت الحالي ، ووصلت لمرحلة البلستر وقده بيخلص ان شاء الله , قال لي المقاول اذا بتركب جبس من الحين دور لك على شركة ..

مريت على محل قريب شارع ام الدوم ومدحه لي واحد ،،
فاللي عنده محل ومجربه لايبخل علينا
وللعلم الديكورات اللي بركب بتكون خفيفة بالمرة ومافيها طبقتين كلها طبقة وحده ..

[شموخ دائم]

,

,

مرحبا

اخوي الكريم

منزل مبارك يارب

الجبس هذا شغله سهله جدا خاصه للديكور البسيط
وتقدر تسويه عند أي مكان حتى لو صغير مافي مشكله
اذا العامل ماهر وجيد بيضبط لك الشغل

المشكله اذا عندك ( تصميم ورسم ) معين وتبي شركه تنفذه لك نفس الخريطه وبالمقاسات
هذا تحتاج شركه ممتازه للتنفيذ
لانه لازم يرسمه على السقف وبعدها ينفذ
وهذا يحتاج شركه فيها امكانيات وخبره بتوزيع المساحه والمقاسات والفنيات

وتحتاج ( كهربائي ) جيد يشتغل معاهم للاماكن الي فيها تركيب الاضاءه يعمل لها التمديدات والفتحات
واختيار المفاتيح الي تتحكم فيها

والنصيحه في الجبس
( عطه مكان واحد )
يسوي الجبس فيه غرفه او مكان عادي
واذا شفت شغله زين ( والفنش ) نظيف
كمل معاه

,

,

[السمسمه]

اتصل على 55800783
مسوي الفيلا كامله لي مع الملاحق سعره زين بالنسبه لي
والله يوفقك يارب

[السمسمه]

تأكد من الكهرباء قبل الشغل احتمال عقب ماتركب الكهرباء وتركب الجبس يطلع احد الليتات ماتشتغل فاا تظطر انك تكسر قطعه من الجبس بس تصلح الخلل الخاص في الليتات المتعطله ،،،
من اسبوعين صارلي هاي المشكله فاا حاسب ،،،
والي ارسلت رقمه عنده صور وتشكيلات ان شاء الله تنال اعجابك،،،

[معماري قطري]

ما خلى لي شيء اخوي شموخ دائم

عندك اتجاهين هو أما تسوي الجبس مودرن وتركز على الحوائط المستقيمة بزوايا 90 درجة وبدون كورنيش أو بكورنيش بسيط في بعض الأماكن ويكون الجبس لإضاءَة السبوتات .. أو تسويه كلاسيك خفيف بكورنيشات وسقف سيده

[$الملياردير$]

تدري اخوي معماري ولا يهونون الربع ... الفترة اللي راحت كنت اركز في شغل الجبس دائماً اللي ناعم و لا فية ألوان وكورنيشة بسيط يدوب ..... دائماً يكون أحلى و أريح للعين و لايمكن تمل منه ... مجرد رأي .... على قولة بنغالي مال جبس زحمة واجد مافيه زين و المقصود كثرة الديكورات هههههه طبعا باستثناء اذا كان هناك تصميم مغربي او أندلسي ... بس بعد يملل مع الوقت

[$الملياردير$]

والأسقف الناعمة ... تعطيك فرصة تشكل في الحوائط و الأثاث على راحتك يعني تختار خط المودرن او الكلاسك يمشي مايعيق التأثيث ... كذلك بعض الناس لما يروح لموضة الأسقف الملونة الجبس بورد يصبغة ألون بني او ذهبي او اخضر ..... احس انها ألون قوية و حادة .... لو كلش و ضروري ممكن يدخل سكاي البلو او الغري في بعض الأسقف كلمسات ناعمة في أماكن محدوده

[معماري قطري]

صادق اخوي الملياردير

كل شيء إن زاد عن حده إنقلب ضده

بالنسبة لبيوتنا عندنا عدة أدوار وعندنا أماكن أقل أهمية وأكثر أهمية

المطبخ الخارجي مثلاً ليتات على السقف مباشرة وصبغ زين مقاوم للرطوبة

المجلس لو سويته جبس مغربي بيكون له ديكور يختلف خاص به وفي العادة المجلس مغلق بروحه .. باقي المناطق المفتوحة نقدر نركز على ستايل مودرن .. غرف النوم يستحسن نحدد مكان السرير ونسوي الجبس حسب رغبة كل صاحب غرفة .. تحديدنا للمناطق الرئيسية يسهل لنا توزيع الانارة والكهرباء وعمل السقف.

حتى لو سوينا سقف جبس سيدة ومكان السرير شوي نازل بحدود السرير بالضبط وفي الجزء النازل نحط إضاءَة فايبر اوبتكس نقاط صغيرة مثل النجوم ونصبغ هذا الجزء أسود أو نيلي يعطينا تشكيلة السماء .. من أطراف الجبس نثبت قماش تور كستائر جانبية

[شموخ دائم]

,

,


مرحبا


http://www10.0zz0.com/2010/07/08/10/826983480.jpg

جبس بدون كورنيش

https://scontent.cdninstagram.com/hphotos-xpf1/t51.2885-15/e15/914753_937247673005505_932691189_n.jpg

هذا ( النيلي ) الي يقصده اخوي معماري
:)

http://i4.ytimg.com/vi/8ovWsXJdC_s/hqdefault.jpg

ترى يطلع (خطير) فوق السرير وقليل ما شفت ينفذونه في البيوت الا قله من الناس الي تبحث عن التميز

وسعره وتركيبه مو غالي سعره معقول

عجبني النيلي اخوي معماري الجيل الجديد مايستخدم الكلمه
هههه


,

,

[معماري قطري]

إيه خلاص يا اخوي شموخ راحوا النيليين

الصور ما شاء الله حلوة وخصوصاً الجبس المتموج هذا اللي بدون كورنيش .. بس يحتاج بعد فن في تصميمه وفن في تنفيذه .. قص الجبس سهل بس بعض العمال يستصعبونه.

زين من يسوي الفايبر اوبتكس بهذي الطريقة تعرف حد يشتغلها وفاهم؟

[مارون كلاسيه]

السلام عليكم ورحمة الله وبركاته

ابني بيتي في الوقت الحالي ، ووصلت لمرحلة البلستر وقده بيخلص ان شاء الله , قال لي المقاول اذا بتركب جبس من الحين دور لك على شركة ..

مريت على محل قريب شارع ام الدوم ومدحه لي واحد ،،
فاللي عنده محل ومجربه لايبخل علينا
وللعلم الديكورات اللي بركب بتكون خفيفة بالمرة ومافيها طبقتين كلها طبقة وحده ..

السلام عليكم ورحمة الله وبركاته ماقصرو الاخوان جزاهم الله خير الاخ شموخ دائم ومعماري الله يحفظهم ويبارك فيهم بجد استفدت منهم كثير في تشطيب البيت
شوف اخوي فهد انا درت على محلات الجبس واستقريت على ثلاث محلات شفت شغلهم في بيوت الاهل والاصدقاء وهم
1-فري لاين وهذا مكانه في معيذر وشغله روعة وتصميم ولا اروع واسعارة مقبولة والي يشتغلون فية جنسيتهم عربية
2- سوبر دزاين وهذا شغلة بعد روعة بس المشكلة عندة في التصميم يعني اتجيب له صور وهو ايطبقها ويعدل لك عليه بس شغلة مريح وتعاملة جدا سلسل وسعرة اشوي غالي اذا بتاخذ الجبس مع الصبغ بس الجبس بروحه سعرة جدا معقول والي يشتغلون فية هنود ومكانه في مجمع غرناطة مدينة خليفة
3- ماجستك وهذا شركة متكاملة تعطيك البيت على المفتاح بس طلبت منهم مهندس للحديقة وكان تعاملة مش ولا بد فكنسلت التعامل معاهم مع ان المدير كان وايد ذوق ومكانه في عمارة بروق في فريج بن محمود
واستقريت على سوبر دزاين من الناحية النفسيه احس مريح اكثر وضبط مواعيد التسليم
وهذا من تجربتي الشخصية وانت لك الاختيار

[معماري قطري]

ما شاء الله كثرت محلات الجبس والصبغ واللي ينفع هو عرض التجارب والتصاميم ويا ليت بالصور حتى الكل يستفيد .. واللي بيروح لهذي المحلات لازم بيشوف صور وكتلوجات

[Fahad Alqahtani]

ما شاء الله كثرت محلات الجبس والصبغ واللي ينفع هو عرض التجارب والتصاميم ويا ليت بالصور حتى الكل يستفيد .. واللي بيروح لهذي المحلات لازم بيشوف صور وكتلوجات

ابشر بس خلني اخلص منه ان شاء الله وبنزل صور قبل وبعد ..

[Fahad Alqahtani]

السلام عليكم ورحمة الله وبركاته ماقصرو الاخوان جزاهم الله خير الاخ شموخ دائم ومعماري الله يحفظهم ويبارك فيهم بجد استفدت منهم كثير في تشطيب البيت
شوف اخوي فهد انا درت على محلات الجبس واستقريت على ثلاث محلات شفت شغلهم في بيوت الاهل والاصدقاء وهم
1-فري لاين وهذا مكانه في معيذر وشغله روعة وتصميم ولا اروع واسعارة مقبولة والي يشتغلون فية جنسيتهم عربية
2- سوبر دزاين وهذا شغلة بعد روعة بس المشكلة عندة في التصميم يعني اتجيب له صور وهو ايطبقها ويعدل لك عليه بس شغلة مريح وتعاملة جدا سلسل وسعرة اشوي غالي اذا بتاخذ الجبس مع الصبغ بس الجبس بروحه سعرة جدا معقول والي يشتغلون فية هنود ومكانه في مجمع غرناطة مدينة خليفة
3- ماجستك وهذا شركة متكاملة تعطيك البيت على المفتاح بس طلبت منهم مهندس للحديقة وكان تعاملة مش ولا بد فكنسلت التعامل معاهم مع ان المدير كان وايد ذوق ومكانه في عمارة بروق في فريج بن محمود
واستقريت على سوبر دزاين من الناحية النفسيه احس مريح اكثر وضبط مواعيد التسليم
وهذا من تجربتي الشخصية وانت لك الاختيار


ماقصرت وبيض الله وجهك .. مريت على محلين
الاول اسمه فنتاج وشفت شغلهم في كم بيت وتعاملهم سريع ..
والمحل الثاني في شارع ام الدوم واسمه صروح او سروح ..
وشكلي باختار الاول ان شاء الله لاني شفت شغلهم وتعاملهم سريع .
والمحل الثاني والله ماشفت عليه شي ينفرني منه بس ارتحت للاول

[معماري قطري]

ابشر بس خلني اخلص منه ان شاء الله وبنزل صور قبل وبعد ..

الله يبشرك بالجنة .. افتح موضوع خاص للكل يحط تجربته مع الجبس والصبغ أحسن

[بوخالد911]

الله الموفق.