الاخـتـنـاق والـزحـمـة بـمـحـطات الـبـترول وقــــود

[LSBU]

صباح الخير للجميع

زحمة لا تطاق في محطات وقود خاصة الي بحذاء نادي الغرافة والله كم مرة بتصير حوادث وهوشات بين العالم بصراحة وايد مقصرين وقود في المحطات بالدولة

وايد حجم المحطات صغير يليت على الاقل يزيدون عدد المحطات والله الزحمة لا تطاق تطلع علشان تعبي سيارتك بترول 3 ساعات و اكثر شنو هذا
:cry2::cry2::cry2::cry2::cry2:

[بانغ بانغ]

صحيح حتى عندنا بالوكرة والمطار

اختناقات مرورية وطوابير واحيانا البترول امخلص

[حسن]

للاسف اداره وقود غايبه عن الرؤيا

[شموخ-qtr]

اما لي عند ملعب الغرافه مب طبيعييييي فالزحمه

[حمد 2002]

محطات وقود نعمه اذا ماتم مقارنتها بالمحطات العاديه والي ابها مليون محل ..


حمد 2002

[ضوى]

حتى محطة االوعب ومحطة التيسير اللي بطريق سلوى مب طبيعية الزحمة

صايرة أزمة والا في شي ؟\

ذكروني بأزمة الديزل اللي من كم سنة

[MAZEN37]

انا صرت اطلع بعد ال11 بالليل
صراحه اخفاق وفشل لادارة وقود
ملاحظه ترا قرب المونديال

[شيخ الديرة]

محطة الريان بدوار العطية تم اغلاقها لتطوير التقاطع, والفروسية بعدها تحت الأنشاء, ومثل ذلك الكثير, ومعارض السيارات تنزل بالألاف للشوارع كل شهر, لا غرابة من الزحمة, وستزيد

[السكين]

حتى محطة وقود أم صلال نفس الشي مع انهم محطتين مقابلين بعض !

الحل مبدأياً تصب بالليل عشان ما تنضغط الصبح .

[بوخميس]

صل الفجر وروح عب سيارتك ما تحصل زحمة.

[نيساني]

الصراحه شي مؤسف

حجم محطات وقود غلط في غلط

الله المستعان

[مستثمر_]

جميع المحطات زحمه في زحمه بدون تحديد
ذالك بسبب عملية اغلاق المحطات القديمه وافتتاح محطات وقود ولاكن النسبه تختلف
مع العلم ان قبل انشاء وقود كان النقص في عدد المحطات يبرر انشاء شركة وقود ولاكن للاسف

[ya3coub]

صحيح زايدة حاليا بس مقارنة ببعض الدول احنا ارحم.


لو يخلون كل واحد بنفسه يعبي بترول احسن.

قبل كان يصير و المكينة تشتغل الحين عامل واحد و لازم يحط المفتاح "rfid" الممغنط و تفتح و بعدها لما يشيل الهوز مرة ثانية ساااالفه.


من زمان كنت انزل بنفسي احط الهوز و اخليه يعبي و لين جا عطيته البملغ ريحته و ريحت نفسي و خلصت اموري بسرعه على حسب الي جدامي.


يسون كم محطة حق الي مستعد يتحرك و يسويه بنفسه عن طريق الفيزا مثلا يحط كرت البنك او الفيزا و يعبي بترول و بعدها تنخصم تماتيك و المحطة ما يكون فيها إلا عامل او مسؤول واحد للمساعدة في حالة المشاكل ولا عمال ولا هم و خردة ولا هم يحزنون


او يسمحون بدال ما وقود محتكره الي فهمته اي محطة جديدة يسمحون للي يبي يستثمر من القطرين بفتح محطات بترول تحت مواصفات و معاير محددة

[رجل الجزيرة]

حاليا بيبون محطة وقود جديدة في منطقتنا.

[حسن]

لويسون شبكه منزلية ابرك

[مختلفة عقليا]

السلام عليكم

انا اشوف الحل في تغيير المداخل والمخارج ., ووضع اماكن مخصصه للديزل بعيد عن المحطه الاساسيه .,

واشوف بعد لو في خزانات احتياطيه ., يكون احسن

ويسلموو

[مرتبش]

في كثير من المحطات ازدحام مايخف الا اخر الليل .

محطة الصقر بمنطقة الهلال وضعها استثنائي جدا.. المحطة زحمة واشغال ماقصروا ابدا.. افتحوا لفة اليمين لاشارة المول لتمر بالشارع الفرعي المؤدي للمحطة.. وصار اللي يلف يمين ينتظر الاخوان يعبون سياراتهم علشان يكمل طريقه.

حركة مقصودة للحسنات ههه

[مختلف جداََ]

زحمه وين !!!!
:omg:

[Mohammed2]

المشكله مب مع اداره وقود، المشكله كثرة عدد السيارات في الاونه الاخيره.
حتى محطات ثانيه تصير فيها نفس الزحمه، والحل موجود وهو زيادة عدد المحطات في الدوله وهذا اللي يصير حالياً محطات كثيره تحت الانشاء. بس نحتاج نصبر
ولحد يقولي اني ادافع عن وقود لان عندي اسهم فيها ولا اني اشتغل فيها
جان زين عندي اسهم فيها لكن الحق ينقال :)

[بانغ بانغ]

المشكلة كمان انهم حطوا فااحص في كثير من المحطات فبالتالي صارت زحمة مزدوجة

[سعادة الوزير]

للاسف هالشركة فاشلة من بدايتها ، ومثلها في ذلك مثل شركة كروة ، الي يجمعهم هو سياسة الاذن الصمخة وتجاهل اي مطالبات من المستهلكين وتطبيق سياسة (انت تقول ماتريد ونحن نفعل مانريد) ، وانا كان لي موضوع قديم في هذا الخصوص تحدثت فيه عن مشاكل هالشركة :

http://www.qatarshares.com/vb/showthread.php?588888-%D4%D1%DF%C9-%E6%DE%E6%CF-%E5%E1-%C7%E4%CA%E3-%CC%C7%CF%E6%E4-%DD%ED-%C7%E1%DA%E3%E1%BF&highlight=%E6%DE%E6%CF

[حرف]

انا قمت ادخل من مسار المخرج

[المبرمج صلاح]

منطقة الغرافة محتاجة محطة ثانية او ثالثة باسرع وقت ممكن ولكن للاسف لا يوجد اي خبر عن انشاء محطات في هذه المنطقة

مش من المنطق مناطق بني هاجر والغرافة والخريطيات والريان ومعيذر مافيها الا 4 محطات فقط وهذه تعتبر من اكبر احياء الدوحة

[Rashid554]

اتفق معاك بالموضوع لكن ان تنطر 3 ساعات هالشي مبالغ فيه مع احترامي لك
بالكثير 20 دقيقه

سبب هالزحمه زياده عدد السيارات واغلاق محطات الفروسيه والوجبه والشقب والريان ومحطات ثانيه بمدينه الريان

[المبرمج صلاح]

اتفق معاك بالموضوع لكن ان تنطر 3 ساعات هالشي مبالغ فيه مع احترامي لك
بالكثير 20 دقيقه

سبب هالزحمه زياده عدد السيارات واغلاق محطات الفروسيه والوجبه والشقب والريان ومحطات ثانيه بمدينه الريان

زحمة محطة وقود نادي الغرافة ممكن توصل ساعة بعض الاحيان وانت واقف ولكن اللي حافظ المنطقة لن ينتظر هذا كله في خلال 20 دقيقة بيكون حصل محطة اخرى في منطقة ثانية

وبصراحة استغرب من بعض السائقين عندما يجدون طابور ايش كبره امام المحطة ويوقف ياخي في محطات ثانية في طريقك معقولة ما تدل الا هذه المحطة

[معماري قطري]

العيب في محطات وقود إنها انتشارها قليل .. لو صغيرة مثل محطات أمريكا واوروبا ومنتشرة بتكفي .. بس كبيرة وطرق دخولها صعبة وطويلة وضيقة وتستوي عليها زحمة أوقات بدون ما تكون كل المكاين تصب بترول.

صورت صورة لعدد المحطات حول المنطقة اللي ساكن فيها صراحة عدد رهيب بانزلها وقت ثاني ان شاء الله .. وكلها محطات صغيرة ومداخلها قريبة من الشارع بس دوم اوقف واصب بسهولة

[بانغ بانغ]

العيب في محطات وقود إنها انتشارها قليل .. لو صغيرة مثل محطات أمريكا واوروبا ومنتشرة بتكفي .. بس كبيرة وطرق دخولها صعبة وطويلة وضيقة وتستوي عليها زحمة أوقات بدون ما تكون كل المكاين تصب بترول.

صورت صورة لعدد المحطات حول المنطقة اللي ساكن فيها صراحة عدد رهيب بانزلها وقت ثاني ان شاء الله .. وكلها محطات صغيرة ومداخلها قريبة من الشارع بس دوم اوقف واصب بسهولة

ما شاء الله محطات السعودية كأنها قرى صغيرة شرحة ومحلات ومسايد وفنادق صغيرة ( نزل ) وكل شي فيها

اهني هباب ما تكفي موتر موترين لا وحطوا الفحص الفني بعد

[Mr 3idany]

أخوي يانغ يانغ ترى الفحص الفني له مدخل بروحه ماله خص بالمحطه يعني لا تقنعني انه الزحمه من الفحص الفني ترى ماله خص كلش

والفحص الفني خلوه مع وقود عشان يوفر عليك الوقت وماتروح الصناعية وتضيع مع زحمتها وتعديلاتها هاي الفكره

نقص المحطات واكثر المحطات سكروا للاسف سبب زحمه للمحطات وقود

ياريت ما سكروهم وخلوهم لين يسون محطات وقود كافيه وعقب سكروهم بس مالنا الا الصبر وباذن الله تنحل المشكله لان الشكاوي منتشره

ويا كثر ما تكلموا عنها في التويتر والجرايد

[بانغ بانغ]

أخوي يانغ يانغ ترى الفحص الفني له مدخل بروحه ماله خص بالمحطه يعني لا تقنعني انه الزحمه من الفحص الفني ترى ماله خص كلش

والفحص الفني خلوه مع وقود عشان يوفر عليك الوقت وماتروح الصناعية وتضيع مع زحمتها وتعديلاتها هاي الفكره

نقص المحطات واكثر المحطات سكروا للاسف سبب زحمه للمحطات وقود

ياريت ما سكروهم وخلوهم لين يسون محطات وقود كافيه وعقب سكروهم بس مالنا الا الصبر وباذن الله تنحل المشكله لان الشكاوي منتشره

ويا كثر ما تكلموا عنها في التويتر والجرايد

تحياتي لك

ادعوك لزيارة الوكرة اليوم العصر لزيارة المحطة الجديدة عند دوار عبدالغني ..... وترى بأم عينيك

[شيخ الديرة]

أخوي يانغ يانغ ترى الفحص الفني له مدخل بروحه ماله خص بالمحطه يعني لا تقنعني انه الزحمه من الفحص الفني ترى ماله خص كلش

والفحص الفني خلوه مع وقود عشان يوفر عليك الوقت وماتروح الصناعية وتضيع مع زحمتها وتعديلاتها هاي الفكره

نقص المحطات واكثر المحطات سكروا للاسف سبب زحمه للمحطات وقود

ياريت ما سكروهم وخلوهم لين يسون محطات وقود كافيه وعقب سكروهم بس مالنا الا الصبر وباذن الله تنحل المشكله لان الشكاوي منتشره

ويا كثر ما تكلموا عنها في التويتر والجرايد

كيف ينتظرون؟ مشاريع الطرق والريل تستوجب غلق تلك المحطات, ولا يمكن الانتظار الى أن و أن

الحل أن تتأخذ شركة وقود الأمر بجدية بالغة وتفعل حالة طوارئ وتنشر خلال شهر واحد ما لا يقل عن 100 محطة متنقلة في أماكن داخل وخارج الدوحة, بحيث كل محطة توفر 5 مضخات على الأقل, وكذلك وضع تسعيرة حسب الوقت بحيث تكون أرخص 20 بالمئة بين الساعة 1 و 4 ليلا

[حرف]

الحين نبي نعرف الاسباب هل هي زيادة عدد السيارات ولا تخطيط محطات وقود الفاشل ولا اغلاق اكثر من محطة

[بانغ بانغ]

الاخ / عيداني

ما زلت انتظر موافقتك لزيارة الوكرة ... باعزمك على كرك بعد على حسابي .

[شيخ الديرة]

الحين نبي نعرف الاسباب هل هي زيادة عدد السيارات ولا تخطيط محطات وقود الفاشل ولا اغلاق اكثر من محطة

كلها مجتمعة. ولكن لا يمكن تقليل السيارات, ولا يمكن تأجيل غلق بعض المحطات.

[راعي الكورفت]

جميع محطات الدوله فيهم زحمه بسبب ارتفاع عدد السيارات



الحين كل من هب ودب عنده سياره



شي طبيعي تشوف الزحمه :secret:

[طلعة الروح]

زد على ذلك كثرة الباصات الطويله والي تاخذ 3/4 مساحة المحطة وتطول السيد:)

[QtrGate]

اتوقع فتح محطات خاصه في الشاحنات والباصات الكبيره هو الحل

[معماري قطري]

ما شاء الله محطات السعودية كأنها قرى صغيرة شرحة ومحلات ومسايد وفنادق صغيرة ( نزل ) وكل شي فيها

اهني هباب ما تكفي موتر موترين لا وحطوا الفحص الفني بعد

قصدك الرئيسية .. هذي تعتبر استراحات على الطرق الطويلة .. أما عندنا المفروض المساحة وكبرها حسب المكان والمفروض مداخلها ومخارجها قريبة من الطريق .. حطيت صور للمحطات في موضوع مساويء تخطيط الطرق في منتدى البناء

[معماري قطري]

اتوقع فتح محطات خاصه في الشاحنات والباصات الكبيره هو الحل

المفروض لها مسار خاص طويل يستوعبها وما يتقاطع مع مسارات السيارات الصغيرة .. ولو دعت الحاجة لعمل محطات خاصة بهم بعد أحسن خصوصاً ألحين على كثرتهم

[معماري قطري]

جميع محطات الدوله فيهم زحمه بسبب ارتفاع عدد السيارات



الحين كل من هب ودب عنده سياره



شي طبيعي تشوف الزحمه :secret:

الكورفيت عجيبة مسوية جو

[khalid525]

بصراحة صدقت زحمة في كل المحطات ، انا اذا عبيت موتري احس بالسعادة كأنهم معبين لي ببلاش

[المخفي]

زمن الاحتكار

[eXpert*]

اعتقد يجب وضع مسار مضخات التعبئة بحسب حجم السيارة ..

فيكون هناك مسار للسيارات تحت 50 لتر

ومسار للسيارات فوق 50 لتر

بحيث السيارات الصغيرة ذات ال 50 لتر ما تتعطل بسبب شخص يعبي ب 100 لتر فراح يكون في انسيابية في المسارات ..

ومن ثم يكون نسبة وتناسب في المسارات يعني بحكم السيارات الكبيرة تستغرق وقت أطول في التعبئة في يكون عدد المسارات مضاعف لها ..


بالمختصر المفيد : الفكرة مشاهدتها في الجمعيات والهايبر ماركت ،، إذا عندك أقل من 10 أغراض في كاشير مخصص لك واذا أغراضك أكثر من 10 توقف في كاشير مختلف ..


بالتوفيق :)

[بانغ بانغ]

يجب توفير محطات متنقلة احين موسم العنن جاي والعالم ضرب طوابير

[بومحمد المطاوعه]

طرحت مووضوع سابق عن هذا الكلام

[راعي الكورفت]

أفضل وقت الواحد يصب بترول بعد 10 بالليل :)

[حسن]

الحين مهب جذي وبس

نبي نعبي ديزل حق مكاين الكهرب مايعطونك
والله العظيم انا استغرب من هل المدير القطري اللي سم ضروسه هل قطر

يسون ولوال حق هل القطر هم في غني عنه

يامدير القروب هيييه نبي ديزل

لا حول ولا قوه الا بالله

[بعيد النظر]

صراحة ما حسيت فيها الا من يومين ..
فـ العادة اذا بغيت اصب .. اصب فالخور ولا لفان عقب الدوام ..


ذاك اليوم من محطة لي محطة .. ادور على محطة اصب فيها ..
المهم يوم صفيت الا يقولي الهندي بابا مافي سوبر .. يبغغي عادي ؟

قلت وشو .. لا لا ياخوك ..
وعودت البيت ورديت طلعت 11 فالليل عشان اصب بترول ..
واحنا حولنا بدون مبالغة 6 محطات بترول !!!!!






الله يكون فـ عون المضطر والمبتلش

[MMD]

او يسمحون بدال ما وقود محتكره الي فهمته اي محطة جديدة يسمحون للي يبي يستثمر من القطرين بفتح محطات بترول تحت مواصفات و معاير محددة

لقد دخلت في عظيم ... :secret:

[MMD]

في كثير من المحطات ازدحام مايخف الا اخر الليل .

محطة الصقر بمنطقة الهلال وضعها استثنائي جدا.. المحطة زحمة واشغال ماقصروا ابدا.. افتحوا لفة اليمين لاشارة المول لتمر بالشارع الفرعي المؤدي للمحطة.. وصار اللي يلف يمين ينتظر الاخوان يعبون سياراتهم علشان يكمل طريقه.

حركة مقصودة للحسنات ههه

:nice:

[MMD]

انا قمت ادخل من مسار المخرج

بتعين شرطي المخالفات عاللفه , لا تحاول كله محسوب :waiting:

[معماري قطري]

الحين مهب جذي وبس

نبي نعبي ديزل حق مكاين الكهرب مايعطونك
والله العظيم انا استغرب من هل المدير القطري اللي سم ضروسه هل قطر

يسون ولوال حق هل القطر هم في غني عنه

يامدير القروب هيييه نبي ديزل

لا حول ولا قوه الا بالله

عرفت الحين يالمثالي؟ وبعدين أي قروب