طبيب لنزيف الانف

[العملة النادرة]

السلام عليكم ورحمه الله وبركاته

عندي الولد عمره تقريبا 6 سنوات يعاني من نزيف في الانف ما يسمى ب طنان ينزل دم لمده كم دقيقه ويوقف ومرات يكون نايم ويصحى الدم على المخده .. من تقريبا سنه في البحرين سويتله عمليه كي توقف النزيف لمده طويله بعد العملية ولكن تقريبا قبل اسبوع رجع النزيف بشكل يومي ولكن لدقايق بسيطه وبصراحه اخاف على الولد على كثره فقد الدم خصوصا ان بنيته ضعيفه ..

ما دري في احد جرب دكتور زين لهذي الموضوع في الدوحه احتاج كي للولد لانه انسب حل حتى لو اضطريت اعيده بشكل سنوي لان في البحرين كان بدون اي تخدير وخلال دقايق ولكن حاليا ما عندي نيه لسفر هناك .

[دايموند]

وعليكم السلام...

الله يشفيه يارب ويخليه لج ان شاء الله

انا كنت عاني من هالشي ومازلت لكن اللحين اخف بواااايد

من 18 سنه اخبر ابوي الله يرحمه وداني لدكتور هندي اعتقد اسمه توماس واعتقد فالسد مب متأكده
وسوالي الكي وفعلا فتره مانزل مني شي لكن بعد فتره بدا ينزل مني دم لكن قليل ويوقف من نفسه مب نفس قبل الكي كان الدم مايوقف الا اذا انا وقفته بالضغط ع الانف ووضع ثلج وماء بارد


اصبري عليه بتبين النتيجه ان شاء الله وراح تلاحظين كميه النزيف اقل من قبل بواااايد..


ومايشوف شر..

[MAZEN37]

عندي الولد نفس الاعراض
احد يفيدنا

[لبيبة]

وعليكم السلام ورحمة الله وبركاته،

عيادة د. ناجي كمال ناجي 44422511

والله يشافي الجميع

[aloosh]

سلام عليكم
اذا نزل الدم من الانف لا تخليه يرفع راسه للخلف هذا خطاء
بل العكس ينزل راسه لتحت

[بصمة قطرية]

السلام عليكم
هالحالة تسمى الرعاف
من صغري أعاني منها
و من صغري اسوي كي و لا في فايدة ..
يمكن سويت الكي أكثر من ست مرات
آخر مرة بعد الكي بدقايق بسيطة عطست
و صار لي نزيف فتح الكي و عاد لي الدكتور ناجي الكي
بعدها حرمت أسوي كي ..
بصراحة عذاب جداً مؤلم حتى مع التخدير ..
ليش كان يصيبني رعاف لأن الشرايين اللي في الأنف
دقيقة جداً و مع كثرة العطس و قوة العطس
تنقطع و هاي اللي يسبب الرعاف ..
لازم تعالج السبب أول شي ..
تشوف ممكن الولد يعاني من حساسية أنفية
و لا جفاف في الأنف و لا جيوب و لا إنحراف ..
كانت معاي حساسية أنفية جداً قوية
كانت متعبتني اللي يشوفني يقول طول السنه مزكمة
عطس مستمر طول اليوم و الفاين ما يطيح من يدي ..
خذت من كم سنه إبرة الكورتيزون عند الدكتور ناجي
كعلاج للحساسية
والحمدلله من يومها واااايد خفت الحساسية
و خف العطاس ..
و من سبع شهور سويت العملية و ارتحت ..
يعني في مسببات للرعاف*..
سويت العملية عند الدكتور حندوسة في مغربي
جداً ممتاز ..