اعاده تقيم السواقين من وحي الخيال ؟؟

[حسن]

السلام عليكم ورحمه الله وبركاته

موضوعي اليوم عن تقيم السواقين

طبعا في الفتره السابقه كان اختبارات السواقه اي كلام صراحا مماادي الى الفوضى اللي نشوفها
من تصرفات في السواقه تخلو من الفن والذوق
اما الان الوضع تغير فاصبح الحصول على الرخصه صعب المنال
وهذا يشكرون عليه المرور حيث سبق ان طرحت عن مدارس السواقه
ومدى ردائه التعليم فيه
فلذا وحسب رؤيتي

فاني
اتمنى ان يكون وضع سستم في المرور لكل من يتجاوز قدر معين من المخالفات
والحوادث
ان يعاد تقيمه مره اخري وتحويوله الى جهه الاختصاص
سؤاء المدراس او التقييم النفسي

هل هذا مطبق في العالم لا اعلم
لكن بالنسبه للسواقين في الامارات يجب المتقدم للحصول على الرخصه يخضع لاختبار نفسي
وهذه من افاكاري الامارات اخذت بها


هل سوف نرا مثل هذه الايجابيات في المستقبل
لكي يستقيم الوضع

ااتمنى ذالك

اتمنى سماع ارائكم في الموضوع


تحياتي للجميع

:)

[غريب الدّار]

س1: ماهي التصرفات اللي ممكن نطلق عليها لفظ (قليلة ذوق)؟
س2: كيف ممكن نحسبها عليهم ؟
س3: هل هي موجودة في قانون المرور؟ لانك تعرف يابو علي ان صعب تتم المخالفة بدون وجود نص يتم الاستناد عليه
س4: هل إعادة التقييم شاملة المخالفات؟ يعني في حالة تم تطبيق السستم هذا ، هل تشوف ان لازم تتم مخالفة قليل الذوق اول شي عقب تتم مسألة إعادة تقييمه ؟ غير النقاط طبعا اللي ممكن تكون عليه!!

وشكرا اخوي العزيز بو علي

[العفراء]

صارت صعبة المنال ع الكل و لا بس فئة معينة ؟
لان اكيد في ناس ما يستاهلون ان التعامل معاهم يكون بعسر و صعوبه و الدنيا تراها سهالات يالشيخ حسن

[حسن]

هلا هلا

ياغريب الدار
المقصود بالفن والذوق اعني فيها مهاراه القياده والتعامل في الشارع
يعني يجيك يضرب بريك بدون سبب يجيك يغلق الحاره وماشي بطئ كانه الشارع له
يتنقل من الحارات بدون تقدير للغير

يعني انا لما اسوق احترم حقوق الاخرين واعرف كيف اتجاوز بسلاسه وفن وذوق
ولما اسلك المسار يكون الايمن هو مساري
مااسبب ربكه للاخرين
تفتح الاشاره اطلع بسرعه اكون منتبه لا اشغل نفسي بتلفون وكتابه واتس اب وغيره
يعني السواقه فن وذوق

وبسيطه تحسب بعدد المخالفات والحوادث مثل النقاط
واذا زادت تحول الى جهه التقيم والاختصاص
ان كان نفسي وسلوكي او تدريبي على السواقه واتباعه اشارات المرور

[بانغ بانغ]

اتفق مع مبدأ ان المرور لازم ايقيمون السواقين بين فترة وفترة ان زادت المخالفات .

المشكلة ان كل من هب ودب ... اخذ ليسن وفي بلادهم سيكل ما يعرفون يركبونه

التقييم مهم ..

اما موضوع التهيأة النفسية ... اتوقع مطلب مهم

[حسن]

صارت صعبة المنال ع الكل و لا بس فئة معينة ؟
لان اكيد في ناس ما يستاهلون ان التعامل معاهم يكون بعسر و صعوبه و الدنيا تراها سهالات يالشيخ حسن

مرحبا يالعفراء

مافهت على ماتقصدين في الرد
ياريت يابنت الاجواد
تعيدين صيغه السؤال او المعني المطلوب

شكرا لك

:)

[راعي الكورفت]

السلام عليكم.

المشكلة في المقام الأول من الطريق والشوارع الضيقه المكسره والزحام فهي التي تسبب الاختناقات المروريه والتجاوزات .

في الطريق ستشاهد نوعيه من السائقين التي ترفع الضغط بغباءهم ومدى غشامتهم لا تصدق خاصة من الآسيويين والنساء .

الآسيوي يخاف من السرعه والمخالفه .
يقود السياره ببطء شديد وكأنه يقود دراجه هواءيه


أما النساء فسواقتهن للسياره غشامه متناهيه وتراها تلعب بالموبايل أو مشغولة بوضع المكياج .

أكثر الذين صدموني من النساء .

للأسف وانا واقف لحالي في المواقف واتعرض للصدمه.

أما الشباب فيسرعون برعونه وأنواع التجاوزات وكأن الشارع ملكا لهم.

أيضا هذا يحدث وبشكل ملحوظ عندنا ..

لو موترك فخم ومحترم ستجد الكل يحترمك ويهابك ويفتح لك الطريق من دون ماتطلب ذلك .

أما لو موترك على قد حالك فسوف تسمع أنواع الإهانات وقلة الأدب وحتى لو لم تكن مخطا في شي .

أعتقد أن حتى لو تجاوز الفرد الاختبار بنجاح لكنه عندما يقود في مثل هذه الظروف صعب ان يتحكم باعصابه .


للاسف لا توجد ثقافة في الطريق .. همجيه في الشارع وكأنك عايش في غابه والبقاء للأقوى .



تقبلوا مروري.

[حسن]

اتفق مع مبدأ ان المرور لازم ايقيمون السواقين بين فترة وفترة ان زادت المخالفات .

المشكلة ان كل من هب ودب ... اخذ ليسن وفي بلادهم سيكل ما يعرفون يركبونه

التقييم مهم ..

اما موضوع التهيأة النفسية ... اتوقع مطلب مهم


هلا هلا

حيالله بانغ بانغ
موضوع الفحص النفسي خلاص طبيق في الامارات واصبح حقيقه
يعني تعدى الخيال
قالي عنها احدى المدراء واتصلي بي هاتفيا وكان متفاجاء بالخبر
فا كان يؤكد على ان فكرتي طبقتها الامارات
ويقول ماتوقعت انك تربط الكثير من لاامور بالنفسيه كنت افكرك مازحا بها
ولكن لما استمع لمحطه الامارات واعلن عن تطبيقه فتذكرتك على طول واتصلت بك لاخبرك
قلت له
ماقلت لك انا اشوف شي ماتشوفه
:)

انت تشوف قله ادب السواقين مع سياره العنبلوص

:(

المشكله مثل ماذكرت اختبارات السابق كانت واسطات ومش حالك
الحين لو يموتون مايمشونه
وهذه تحسب للمرور وانا اشكرهم عليهم

تحياتي لك

[العفراء]

خالي انت تقول ان الرخصه حاليا صارت صعبةالمنال
فانا اقول هل صارت صعبة المنال على كل شرايح المجتمع و الا بس شي عمر افتراضي يتوجب انه ايطبقون عليهم التشدد باصدار الرخصه

حسن انت صاحب رؤيه غرد يالشيخ و سمعنا رؤيتك لان انا اشوف ان التشدد يكون بس مع فئة معينه اللي هم المراهقين وو اي شخص ما يتجاوز الاختبار النفسي*

[مرتبش]

نظام النقاط طبقوه؟
خلهم اول يطبقونه وبعدين يصير خير مع اعادة التقييم ..ياحليلهم يسألونك قبل لاتدفع المخالفة " تبي ننزلها على رقمك الشخصي" ؟

[بانغ بانغ]

هلا هلا

حيالله بانغ بانغ
موضوع الفحص النفسي خلاص طبيق في الامارات واصبح حقيقه
يعني تعدى الخيال
قالي عنها احدى المدراء واتصلي بي هاتفيا وكان متفاجاء بالخبر
فا كان يؤكد على ان فكرتي طبقتها الامارات
ويقول ماتوقعت انك تربط الكثير من لاامور بالنفسيه كنت افكرك مازحا بها
ولكن لما استمع لمحطه الامارات واعلن عن تطبيقه فتذكرتك على طول واتصلت بك لاخبرك
قلت له
ماقلت لك انا اشوف شي ماتشوفه
:)

انت تشوف قله ادب السواقين مع سياره العنبلوص

:(

المشكله مثل ماذكرت اختبارات السابق كانت واسطات ومش حالك
الحين لو يموتون مايمشونه
وهذه تحسب للمرور وانا اشكرهم عليهم

تحياتي لك

احيي فيك النظرة الثاقبة والحدس العميق

وان شاء الله تصيب معك بخصوص الشواطئ والبيئة والمنتجعات

[حسن]

خالي انت تقول ان الرخصه حاليا صارت صعبةالمنال
فانا اقول هل صارت صعبة المنال على كل شرايح المجتمع و الا بس شي عمر افتراضي يتوجب انه ايطبقون عليهم التشدد باصدار الرخصه

حسن انت صاحب رؤيه غرد يالشيخ و سمعنا رؤيتك لان انا اشوف ان التشدد يكون بس مع فئة معينه اللي هم المراهقين وو اي شخص ما يتجاوز الاختبار النفسي*



قلنالك بلاش الكلام ده يابنت الامارات
:(

هو اللي اعرفه عندنا تم التشديد في استخراج السواقه
والمشكله اللي ناني منها اساسا
هم السواقين والوافدين من جنسيات الاسيويه بالذات
بالنسبه لنا
بعد يختبر بكل شي يعني الكل سواء وبعدين احنا سواقتنا ماتقارن يعني انا ولدي من صف الثالث بتدائي
تعلم يسوق السياره والحمدلله سواق محترم ولكن مايسوق لانه صغير
بس سواقته الحمدلله ادب واخلاق وهدؤ واتزان

اخليه يسوق لما انكون في البر والحمدلله بدون ولع ولا حنه
يعني مشاء الله عليه لو يوصل الى السن القانون بيكون محترف مثل ابوه
:victory:
ومستعد انا اعطيه رخصه دوليه بعد
هذا متخرج من تحت معلمممممممممممممممم
اذا السواقين اللي اجيبهم انا اعلمهم يوميا ساعه غير المدرسه
واعلمه على اجزاء السياره ملها ووظيفه كل جزء بالسياره
مهب بس اجيبه يتعلم كيف يسوق وهو مايعرف عن السياره
والله اعلمهم على الشم والسمع والنظر كلن وله وظيفه
حتى ريحه الكلج اشممهم اياها

:)

[مختلفة عقليا]

السلام عليكم

كثفوا الثقافة المرورية بطرق سلسه وترسخ في عقل الناس .,

واذا اكثرت المخالفات يعيدون التقييم ., :victory:

ويسلموو

[حسن]

السلام عليكم

كثفوا الثقافة المرورية بطرق سلسه وترسخ في عقل الناس .,

واذا اكثرت المخالفات يعيدون التقييم ., :victory:

ويسلموو


مررحبا يامختلفه

اممممممممم

العقوبات هذه اشوفها ليست الحل النهائي
يعني قبل ايام قرات ان حول 107 الف مخالفه رادار في شهر
اعتقد

!!!!
الصراحه هذا الرقم يخوف على عدد السيارات
وفي ضل ان ان الدخل عالي عندنا وفي ضل ان الكثير من المخالفات يتحملها الطرف الاخر وهو الكفيل
فا في هذه الحاله هذه العقوبات لن تردع احد
ذكرتيني بمريم ال سعد مسويه حمله مقاطعه القطريه قلت لها يام غسان
لان يتسجب احد لك

فاعاده التاهيل هو الحل

شكرا لك

[السكين]

قلنالك بلاش الكلام ده يابنت الامارات
:(

هو اللي اعرفه عندنا تم التشديد في استخراج السواقه
والمشكله اللي ناني منها اساسا
هم السواقين والوافدين من جنسيات الاسيويه بالذات
بالنسبه لنا
بعد يختبر بكل شي يعني الكل سواء وبعدين احنا سواقتنا ماتقارن يعني انا ولدي من صف الثالث بتدائي
تعلم يسوق السياره والحمدلله سواق محترم ولكن مايسوق لانه صغير
بس سواقته الحمدلله ادب واخلاق وهدؤ واتزان

اخليه يسوق لما انكون في البر والحمدلله بدون ولع ولا حنه
يعني مشاء الله عليه لو يوصل الى السن القانون بيكون محترف مثل ابوه
:victory:
ومستعد انا اعطيه رخصه دوليه بعد
هذا متخرج من تحت معلمممممممممممممممم
اذا السواقين اللي اجيبهم انا اعلمهم يوميا ساعه غير المدرسه
واعلمه على اجزاء السياره ملها ووظيفه كل جزء بالسياره
مهب بس اجيبه يتعلم كيف يسوق وهو مايعرف عن السياره
والله اعلمهم على الشم والسمع والنظر كلن وله وظيفه
حتى ريحه الكلج اشممهم اياها

:)

تعجبني والله ، بس حتى لو ابنك ما يحن علىك بسواقة السيارة توه صغير يا بو علي لا تخليه يسوق بالبر سبحان الله ما تعرف الظروف.

أنا من رأيي التقييم لازم يكون بأولوية المخالفات اللي يرتكبها الغشيم ... يعني ضرب بريكات التسبب بحوادث تجاوز من اليمين عرقلة سير .. ترى اللي يسرعوا - ولا تفهموا اني اشجع السرعة وأدافع عنهم - أغلبهم محترفين .. ما يحتاجوا اعادة تقييم محتاجين حجز سيارة وعقوبات مثل سجن غرامات قائمة سوداء ونقاط ..

لازم يكون فيه توعية مكثفة خاصة للآسيويين .. حرام أدعم واحد وأتحمل خطأ وقوفه المفاجيء وتردده في السواقة وغشامته ..لازم يفهموا معنى الاشارة الذكية والخط اللي لازم يتجاوزه ولو وقف ووراه الاشارة بتم حمرا للصبح..وما تفتح الا لمن واحد ينزل ويقوله قدم شوي قدام هذا لو فهم بعد يحسب التمديدات اللي بالأرض تابعة للرادار ،والف مرة صارت معاي وأغلبهم آسيويين وأنزل أشرح له يقدّم شوي..لازم يفهم ان الاشارة تشب ثلاث مرات بالأخضر وبعدها اصفر وبعدين أحمر يعني ما يضرب بريك .. لازم يفهم انه فيه مرايات عالجنب وقدام وجهه للاستخدام مش ديكور .. الخط اليسار خط سريع ومش معناته انه الشارع ثمانين انك ما تفتح لحد ..وتمسك الخط والخطوط فاضية ..فتح الطريق للمخارج والابتعاد عن المداخل بسلاسة وفن .. كشف الطريق بعد الخروج من اللفة وتعليمهم انه بامكانهم المشي على اليمين بالتدريج مش يضرب بريك من اللفة ويوقف ..على الاشارات ياخذ يساره شوي وهو واقف حتى يفتح الطريق للخط االيمين الفرعي ..تشوف زحمة على الشارة قدم شوي لا تخلي مسافة 20 متر والخط ورا واقف بسبتك ..

كثير أمور لازم يتعلموها ..المدرسة تعلمك واحد زائد واحد يساوي إثنين .. بس الشارع هو الاختبار الكبير ..أذكر بالسد واحد جاي طاير وقبل ما يضرب بريك عند الاشارة ..والناس قدامه .. لاحظت انه رنج روفر شايفه بالمراية وشرد منه .. قبل ما يسمع صوت البريك ..وهذا دليل الخبرة بالسواقة والا كان أكلها بين حادث ومرور وتأمين وكراج ..

رفعت الجلسة :nice:

[حرف]

انا اقترح عند كل تجديد يكون فيه اختبار

[بانغ بانغ]

انا اقترح عند كل تجديد يكون فيه اختبار

كان زين والله عشان نص البلد تنسحب لياسنهم وبتخف الزحمة

[شيخ الديرة]

نعم مطبق في بعض الدول اذا تخالف مخالفة كبيرة او عدة مخالفات في وقت قصير, تروح مدرسة من جديد وتمتحن.

المشكلة ان المدارس عليها قائمة انتظار 3 اشهر, والأمتحان شهر

مادام نطلب سواق رخيصين السعر, معناها قبلنا ان تكون شوارعنا ساحات تعليم. اللي ياخذ الرخصة مثل اللي توه متخرج من الكلية, ما يعرف شي بالحياة العملية.

الخيار الأخر ان يكون السايق سايق قبل ان يدخل البلد, حاله حال المهندس مهندس, والطبيب طبيب. الاستخفاف بمهنة السائق أحد أسباب مشاكل الزحمة والحوادث والضغوطات النفسية

[حسن]

تعجبني والله ، بس حتى لو ابنك ما يحن علىك بسواقة السيارة توه صغير يا بو علي لا تخليه يسوق بالبر سبحان الله ما تعرف الظروف.

أنا من رأيي التقييم لازم يكون بأولوية المخالفات اللي يرتكبها الغشيم ... يعني ضرب بريكات التسبب بحوادث تجاوز من اليمين عرقلة سير .. ترى اللي يسرعوا - ولا تفهموا اني اشجع السرعة وأدافع عنهم - أغلبهم محترفين .. ما يحتاجوا اعادة تقييم محتاجين حجز سيارة وعقوبات مثل سجن غرامات قائمة سوداء ونقاط ..

لازم يكون فيه توعية مكثفة خاصة للآسيويين .. حرام أدعم واحد وأتحمل خطأ وقوفه المفاجيء وتردده في السواقة وغشامته ..لازم يفهموا معنى الاشارة الذكية والخط اللي لازم يتجاوزه ولو وقف ووراه الاشارة بتم حمرا للصبح..وما تفتح الا لمن واحد ينزل ويقوله قدم شوي قدام هذا لو فهم بعد يحسب التمديدات اللي بالأرض تابعة للرادار ،والف مرة صارت معاي وأغلبهم آسيويين وأنزل أشرح له يقدّم شوي..لازم يفهم ان الاشارة تشب ثلاث مرات بالأخضر وبعدها اصفر وبعدين أحمر يعني ما يضرب بريك .. لازم يفهم انه فيه مرايات عالجنب وقدام وجهه للاستخدام مش ديكور .. الخط اليسار خط سريع ومش معناته انه الشارع ثمانين انك ما تفتح لحد ..وتمسك الخط والخطوط فاضية ..فتح الطريق للمخارج والابتعاد عن المداخل بسلاسة وفن .. كشف الطريق بعد الخروج من اللفة وتعليمهم انه بامكانهم المشي على اليمين بالتدريج مش يضرب بريك من اللفة ويوقف ..على الاشارات ياخذ يساره شوي وهو واقف حتى يفتح الطريق للخط االيمين الفرعي ..تشوف زحمة على الشارة قدم شوي لا تخلي مسافة 20 متر والخط ورا واقف بسبتك ..

كثير أمور لازم يتعلموها ..المدرسة تعلمك واحد زائد واحد يساوي إثنين .. بس الشارع هو الاختبار الكبير ..أذكر بالسد واحد جاي طاير وقبل ما يضرب بريك عند الاشارة ..والناس قدامه .. لاحظت انه رنج روفر شايفه بالمراية وشرد منه .. قبل ما يسمع صوت البريك ..وهذا دليل الخبرة بالسواقة والا كان أكلها بين حادث ومرور وتأمين وكراج ..

رفعت الجلسة :nice:


مرحبا بعودتك يالسكين نورت المنتدي

امممممممم

بالنسبه لولدي الحمدلله والفضل لله انه جدا هادي في السواقه ولا احس فيه ذره طيش
كان صدقني ماشجعته نهائيا لان هذا ابني واخاف عليه والضنى غالي
معاملتي معاه اعامله كارجل ولا استصغره حتى بالاسم ان هذا يغرس فيه
الرجوله من الصغر وغير النصح والارشاد
بتليت بطبطه من اخوي والحمدلله اني ذلفتها بعد ماتمت في الشمس سنوات يراشيني
على اصلاحها وانا رافضها من الاساس
قلت له يبا الحين انت كبير ووشلك بالبطبطه تبي اوديك سيلين تركب واركب معاكم نسوق
بهدؤ وتشبعون منها ولا اشترى لكم بطبطه
بالنسبه للسواقه

ماقصرت ذكرت امثله كثيره ولم تغب عني بس طرحت جزء منها وفعلا كثير ماالاحظ
ترك مسافه كبيره بين السيارات امام الاشاره مما يغلق الطريق احيانيا لسالكي اليمين للعبور
ولا تنسى ايظا كثرت الرادارت اربكت الطريق ومستخدميه وايظا سؤ تقيم سرعات الطرق
ادى الى ذالك
وبالنسبه للسرعه انا رجل اسرع ومثل ماقلت انت محترف واقدر واحس بالشخص اللي اامامي
هل منتبه او مركز للطريق او لا واتحذر من التقاطعات يعني تركيزي جدا عالي
والحمدلله عدينا فتره الحوادث من زمان بس ماانصح بالسرعه لكل من هب ودب
باقولك شي في المانيا الشوارع عندهم سرعاتها متغيره وتصل بعضها الى الاوبن في السرعه
هذول الامان ماسوها من عبث اوغباء لان مخوخهم مشهوره بالتفكير وكانها كمبيوتر مبرمج
فانا ضد تقيد السرعه نهائيا وخصوصا على الخطوط الكبيره
ومثل ماذكرت الخبره تلعب دور
يعني ياما تجاوزنا حوادث كثيره لولا فن المهاره اللي اكتسبناها وتوقع اخطاء الاخرين
يجب ان يكون هناك اختبار لسرعه البديهه والتصرف في المواقف مهب يرتبك ويسوي حادث

الاسويين وخصوصا البنغال لما كنت اعلمهم واذا واحد قد اخطا عليه في السواقه يقول الشارع لي
فكنت اقوله كنت تقدر تتجاوز خطاء الغير
فهم يفتكرون ان انا صح هذاك الغلطان وانا اقوله صح ولكن الفن والعقل يجنبك كثير من الامور
ترا هذه اكتشفتها في روسهم وخصوصا هم روسهم ايبس من حصى غاف مكيين منطقه شمال قطر

شكرا لك يالسكين


تحياتي

[النهار]

انا اقترح عند كل تجديد يكون فيه اختبار

ليش ياخوي احنا الشياب عيل راحت علينا :weeping:
ردوا الاختبارات مثل اول يأخذك من عند مسجد الشيوخ لين توصل ارميله عند المحدرانه يقولك
رد ريوس لين اخر المحدرانه يقولك انزل ويقول لك رد ريوس وفي نصف المحدرانه وقف اسحب الهند بريك
وانت ساحب الهندبريك يقولك نزل الهند بريك ورد ريوس لو الموتر سلب معاك ونزل شويه جدام
يقول لك انزل على المرور على طول ساقط
عاد لواجتزت المحدارانه مهب معناته ناجح لا رد صوب المرور يدخلك دواعيس وشوارع رئيسيه
ولازم تعطي اشاره باليد اذا توقف تمد يدك لو تلف ترفع يدك
اقل شي سواقه 45 دقيقيه روحه ورده
مهب الحين معاه 3 في السياره يمشي 200 متر والي بعدوووووه والباص وراهم ترس
ردوا الاختبارات على القير الاعادي للكل ماعداء اصحاب ذوي الاحتياجات الاتوماتيك
شرط ماينجح الا السواق المحترف والبقيه خلهم يدورن لهم ليسن سيكل
تصدق حسن في الهند عندهم في السابق اختبار لقيادة السيكل :nice:

انا اختبرني الكس منه لله ساعه ونصف خلاني افتر حتى سوق واقف دخلني
كل شويه يسألني انت من متى تسوق :eek5: اعترف :weeping:
وانا اقول له من شهرين

[السكين]

تصدق حسن في الهند عندهم في السابق اختبار لقيادة السيكل :nice:


والله انهم محتاجين لياسن واختبار للمشي على الرجول بعد :nice:

[النهار]

والله انهم محتاجين لياسن واختبار للمشي على الرجول بعد :nice:

ياخوي السكين انت ماشفت السواقين في الهند اتحدى اي واحد فينا يسوق مثلهم ياخوي بمبي العاصمه التجاريه فيها
20 مليون سياره نفس الشارع تحصل الباصات والنجاجيل والريكشه ( توكتك ) ماعمرك تشوف حادث واحد
وكل سواقتهم تزيرقات
هذول الي تحصلهم عندنا من الارياف والقرى البطبطه بالنسبه له حلم

[حسن]

اعتذر لمتابعين اين ماكانو سوف اخذ قسطا من الراحه الفكريه

تابعنا وفالك طيب

النهار خل بالك على الدكان مهب تروح تشتري سبال ملح

:telephone:

[معماري قطري]

هلا هلا

ياغريب الدار
المقصود بالفن والذوق اعني فيها مهاراه القياده والتعامل في الشارع
يعني يجيك يضرب بريك بدون سبب يجيك يغلق الحاره وماشي بطئ كانه الشارع له
يتنقل من الحارات بدون تقدير للغير

يعني انا لما اسوق احترم حقوق الاخرين واعرف كيف اتجاوز بسلاسه وفن وذوق
ولما اسلك المسار يكون الايمن هو مساري
مااسبب ربكه للاخرين
تفتح الاشاره اطلع بسرعه اكون منتبه لا اشغل نفسي بتلفون وكتابه واتس اب وغيره
يعني السواقه فن وذوق

وبسيطه تحسب بعدد المخالفات والحوادث مثل النقاط
واذا زادت تحول الى جهه التقيم والاختصاص
ان كان نفسي وسلوكي او تدريبي على السواقه واتباعه اشارات المرور

عجبني ردك هذا وعجبتني فكرتك وانت مرشح مني لتكون مستشار للمرور على أفكارك الطيبة

انا خالفت مخالفة سرعة مرة وخيروني بين ادفع 150 دولار وعلي عدد من النقاط .. أو ادفع نص المخالفة وتلغى النقاط ويعطوني كورس تثقيفي لفترة 4 ساعات متواصلة .. كانت رواتبنا وقتها 960 دولار اعتقد و150 تهز الميزانية فأخترت المحاضرة

المحاضرة كان عنوانها السياقة الدفاعية .. كيف تتوقع الخطر وشالاحتياطات اللي تسويها وكلها منسجمة مع روح القانون .. وكان معانا شيبة مخالفينه لأَنه يسوق شوي شوي ومحتج المسكين .. اشتئذن بيقضي حاجته ويرجع ويوم قام مسكين الا بصعوبة يمشي وعلق عليه المحاضر بأن هذا صعب يمشي شلون يسوق .. وسئل واحد أَي سن يمنع فيه السائق من السواقة؟ ومان رد المحاضر بأن هذي قدرات تختلف من شخص لشخص وهناك تأَهيل طبي هو اللي يحدد نهاية صلاحية السائق.

هناك فيه شرطة مفتحين وعارفين القانون حافظينه حفظ ويطبقونه أول بأول ومخالفاتهم حضورية وبعد توقيف المخالف .. ومنتشرين في كل مكان وكل وقت وحتى لو بسياراتهم الخاصة وخارج الدوام تطبيق القانون هو شغلهم الدائم .. عندنا الوضع اسبوع مرور وبعدها الكل كيفه ومخالفات غيابية ما تردع السائق .. هناك نظام التأمين مربوط مع المخالفات وكل ما خالفت زاد تأمينك غير عن اللي عندنا .. هناك لو واحد عليه منع سواقة وحصلوه يسوق سيدة السجن ووضعه يكون صعب .. عندنا يهال يسوقون في الشوارع ويسون حوادث والعقاب بسيط جداً.

أَتمنى نفس هذا النوع من المحاضرات والحضور والانتباه الزامي أو تعاد له المحاضرة ويجبر لحضورها بآلية معينة.

[السكين]

ياخوي السكين انت ماشفت السواقين في الهند اتحدى اي واحد فينا يسوق مثلهم ياخوي بمبي العاصمه التجاريه فيها
20 مليون سياره نفس الشارع تحصل الباصات والنجاجيل والريكشه ( توكتك ) ماعمرك تشوف حادث واحد
وكل سواقتهم تزيرقات
هذول الي تحصلهم عندنا من الارياف والقرى البطبطه بالنسبه له حلم

عارف يا خوي بس انا من رأيي القانون قانون حتى لو الكل متفق ويعرف يخارج نفسه بالسواقة الفوضى فوضى .

أكثر الدول تصدر للخليج العمالة اللي تزعجها أو الغير مأسوف عليها ترك البد ، واحنا المتضررين من هالشي .

حياك الله يالنهار.

[حسن]

عجبني ردك هذا وعجبتني فكرتك وانت مرشح مني لتكون مستشار للمرور على أفكارك الطيبة

انا خالفت مخالفة سرعة مرة وخيروني بين ادفع 150 دولار وعلي عدد من النقاط .. أو ادفع نص المخالفة وتلغى النقاط ويعطوني كورس تثقيفي لفترة 4 ساعات متواصلة .. كانت رواتبنا وقتها 960 دولار اعتقد و150 تهز الميزانية فأخترت المحاضرة

المحاضرة كان عنوانها السياقة الدفاعية .. كيف تتوقع الخطر وشالاحتياطات اللي تسويها وكلها منسجمة مع روح القانون .. وكان معانا شيبة مخالفينه لأَنه يسوق شوي شوي ومحتج المسكين .. اشتئذن بيقضي حاجته ويرجع ويوم قام مسكين الا بصعوبة يمشي وعلق عليه المحاضر بأن هذا صعب يمشي شلون يسوق .. وسئل واحد أَي سن يمنع فيه السائق من السواقة؟ ومان رد المحاضر بأن هذي قدرات تختلف من شخص لشخص وهناك تأَهيل طبي هو اللي يحدد نهاية صلاحية السائق.

هناك فيه شرطة مفتحين وعارفين القانون حافظينه حفظ ويطبقونه أول بأول ومخالفاتهم حضورية وبعد توقيف المخالف .. ومنتشرين في كل مكان وكل وقت وحتى لو بسياراتهم الخاصة وخارج الدوام تطبيق القانون هو شغلهم الدائم .. عندنا الوضع اسبوع مرور وبعدها الكل كيفه ومخالفات غيابية ما تردع السائق .. هناك نظام التأمين مربوط مع المخالفات وكل ما خالفت زاد تأمينك غير عن اللي عندنا .. هناك لو واحد عليه منع سواقة وحصلوه يسوق سيدة السجن ووضعه يكون صعب .. عندنا يهال يسوقون في الشوارع ويسون حوادث والعقاب بسيط جداً.

أَتمنى نفس هذا النوع من المحاضرات والحضور والانتباه الزامي أو تعاد له المحاضرة ويجبر لحضورها بآلية معينة.


اهاااااااا

يعني حظرتك درست لنا في امريكا وفي عهد مضى زين ليش مانقلتو لنا هذه الافكار الجميله
وتخلوني اقعد استنتج وابحث وادور افكار سبقتنا دول فيها من عشرات السنين

انا لودرست في الدول المتقدمه كان الحين سرت بروفوسير فوق العاده

زاد اشوف تطورنا بطئ جدا رغم ما تقدمه الدوله من دعم مادي رهيب وضخم جدا
انا اطالب الحكومه يطرشون عيالنا زنجبار يتعلمون سواحيلي احسن من اروبا
ماشفنا تطور منها يمكن نستفيد من اللغه وكيفيه استخراج ماي جوز الهند من القرعه

:telephone:

[طلعة الروح]

السلام عليكم ورحمه الله وبركاته

موضوعي اليوم عن تقيم السواقين

طبعا في الفتره السابقه كان اختبارات السواقه اي كلام صراحا مماادي الى الفوضى اللي نشوفها
من تصرفات في السواقه تخلو من الفن والذوق
اما الان الوضع تغير فاصبح الحصول على الرخصه صعب المنال
وهذا يشكرون عليه المرور حيث سبق ان طرحت عن مدارس السواقه
ومدى ردائه التعليم فيه
فلذا وحسب رؤيتي

فاني
اتمنى ان يكون وضع سستم في المرور لكل من يتجاوز قدر معين من المخالفات
والحوادث
ان يعاد تقيمه مره اخري وتحويوله الى جهه الاختصاص
سؤاء المدراس او التقييم النفسي

هل هذا مطبق في العالم لا اعلم
لكن بالنسبه للسواقين في الامارات يجب المتقدم للحصول على الرخصه يخضع لاختبار نفسي
وهذه من افاكاري الامارات اخذت بها


هل سوف نرا مثل هذه الايجابيات في المستقبل
لكي يستقيم الوضع

ااتمنى ذالك

اتمنى سماع ارائكم في الموضوع


تحياتي للجميع

:)
وضعنا ف السواقه هالأيام 10% سواقة و90% تجنب الحمقى من السواقين خصوصا مع زحمة الصبح وبريكاتهم الغبية او الفجائية.

[بانغ بانغ]

وضعنا ف السواقه هالأيام 10% سواقة و90% تجنب الحمقى من السواقين خصوصا مع زحمة الصبح وبريكاتهم الغبية او الفجائية.



سألوا بريطاني كان قد فاز بجائزة احسن سايق بدون حوادث

قال السر اني يوم اسوق ... اتخيل كل السواقين بالشارع مجانين فاتجنبهم فبالتالي ما اعمل حادث

[طلعة الروح]

سألوا بريطاني كان قد فاز بجائزة احسن سايق بدون حوادث

قال السر اني يوم اسوق ... اتخيل كل السواقين بالشارع مجانين فاتجنبهم فبالتالي ما اعمل حادث

نظريته 100%

وف النهاية الله الحافظ ع كل الاحتياطات الي يسويها الواحد.

[حسن]

سألوا بريطاني كان قد فاز بجائزة احسن سايق بدون حوادث

قال السر اني يوم اسوق ... اتخيل كل السواقين بالشارع مجانين فاتجنبهم فبالتالي ما اعمل حادث

ارجع لردي على السكين على مااضن وقلت له انا انسان راعي سرعات عاليه
ومحترف
وذكرت اني اركز على اللي جدامي وحولي هل هم منبهبن ولا غافلين
لاني اتحذر منهم بشكل كبيرر
وثانيا تواتيري ممتازه والبريك عندي تمام
هذه من اساسيات الحيطه اما يجيك بالون مصلع ويسرع هذا انتحار
دائما اعمل زوم وفوكس على المحيط اللي حوالي
مثل اللي ذكرته البريطاني

[حسن]

وضعنا ف السواقه هالأيام 10% سواقة و90% تجنب الحمقى من السواقين خصوصا مع زحمة الصبح وبريكاتهم الغبية او الفجائية.

صدقتي
هذا الوضع اللي وصلنا له انه الفوضى
مساعه قابلت وحده من الحمقى اللي ذكرتيها امشى وراها وتتمختر على السيد الايسر
كان تكع بريك مره وحده دون سبب
طفتها من اليمين ولما شفتها اجنبيه في منتصف العمر وزودد وكملت طريقي
يعني لو واحد من هل الغشاما كانت راحت شنطته موترها عند راسها
دائما احذر مفاجات السائقين

[معماري قطري]

اهاااااااا

يعني حظرتك درست لنا في امريكا وفي عهد مضى زين ليش مانقلتو لنا هذه الافكار الجميله
وتخلوني اقعد استنتج وابحث وادور افكار سبقتنا دول فيها من عشرات السنين

انا لودرست في الدول المتقدمه كان الحين سرت بروفوسير فوق العاده

زاد اشوف تطورنا بطئ جدا رغم ما تقدمه الدوله من دعم مادي رهيب وضخم جدا
انا اطالب الحكومه يطرشون عيالنا زنجبار يتعلمون سواحيلي احسن من اروبا
ماشفنا تطور منها يمكن نستفيد من اللغه وكيفيه استخراج ماي جوز الهند من القرعه

:telephone:

كتبت الاقتراح كم مرة يا بو علي بس محد يهتم

بس انا الحين عرفت الهدف من اقتراحك تبي يسحبون ليسني

[رجل مثالي]

ممكن في طريقة لمعرفة السايق


جهاز مراقبة السائق
http://youtu.be/Rv5b29Q4wwc

[معماري قطري]

صدقتي
هذا الوضع اللي وصلنا له انه الفوضى
مساعه قابلت وحده من الحمقى اللي ذكرتيها امشى وراها وتتمختر على السيد الايسر
كان تكع بريك مره وحده دون سبب
طفتها من اليمين ولما شفتها اجنبيه في منتصف العمر وزودد وكملت طريقي
يعني لو واحد من هل الغشاما كانت راحت شنطته موترها عند راسها
دائما احذر مفاجات السائقين

اليوم افكر في هالشيء .. الحوادث في ألمانيا قليلة جداً الا نادرة .. الناس كلهم قانونيين حتى المشاة وراكبي السياكل الكل عارف شله وشعليه وبعدين ما عندهم شيء اسمه نحاسه واستفزاز.

توني راجع ومطر قوي الرؤية شبه معدومة لكن تتبع الخطوط الأرضية الواضحة .. ولا تتفاجأ بنقعة ماي تغرق سيارتك فيها .. يمكن الغالبية حذرين من أغصان الشجر وتاركين مسافة أمان ومخففين السرعة شوي .. الشارع السريع تماتيك لافتات السرعة 80 بدل ما كانت السرعة مفتوحة في الظروف العادية.

ما تشوف سيارة كشرة تمشي في الشارع وتوقف .. النظام والقانون مفروض ومتبع من الكل .. ولا سعة الشوارع إحنا المسار عندنا يكفي سيارتين وهم مسارتهم ضيقة وأوقات سيارتين متقابلتين لازم وحدة توقف حتى تمر الثانية بسلام.

[بانغ بانغ]

اليوم افكر في هالشيء .. الحوادث في ألمانيا قليلة جداً الا نادرة .. الناس كلهم قانونيين حتى المشاة وراكبي السياكل الكل عارف شله وشعليه وبعدين ما عندهم شيء اسمه نحاسه واستفزاز.

توني راجع ومطر قوي الرؤية شبه معدومة لكن تتبع الخطوط الأرضية الواضحة .. ولا تتفاجأ بنقعة ماي تغرق سيارتك فيها .. يمكن الغالبية حذرين من أغصان الشجر وتاركين مسافة أمان ومخففين السرعة شوي .. الشارع السريع تماتيك لافتات السرعة 80 بدل ما كانت السرعة مفتوحة في الظروف العادية.

ما تشوف سيارة كشرة تمشي في الشارع وتوقف .. النظام والقانون مفروض ومتبع من الكل .. ولا سعة الشوارع إحنا المسار عندنا يكفي سيارتين وهم مسارتهم ضيقة وأوقات سيارتين متقابلتين لازم وحدة توقف حتى تمر الثانية بسلام.

هذول شعوب تعودوا على النظام والتفاني واحترام الاختلاف في المسارات
واحنا لحينا انركب مطبات واشارات ودوار في شارع طوله كيلو وامطعم بالرادارات الحلوة

لا ويجونك البتان ناسين ور ور وايكسرون الشارع مرة ثانية

[حرف]

ليش ياخوي احنا الشياب عيل راحت علينا :weeping:
ردوا الاختبارات مثل اول يأخذك من عند مسجد الشيوخ لين توصل ارميله عند المحدرانه يقولك
رد ريوس لين اخر المحدرانه يقولك انزل ويقول لك رد ريوس وفي نصف المحدرانه وقف اسحب الهند بريك
وانت ساحب الهندبريك يقولك نزل الهند بريك ورد ريوس لو الموتر سلب معاك ونزل شويه جدام
يقول لك انزل على المرور على طول ساقط
عاد لواجتزت المحدارانه مهب معناته ناجح لا رد صوب المرور يدخلك دواعيس وشوارع رئيسيه
ولازم تعطي اشاره باليد اذا توقف تمد يدك لو تلف ترفع يدك
اقل شي سواقه 45 دقيقيه روحه ورده
مهب الحين معاه 3 في السياره يمشي 200 متر والي بعدوووووه والباص وراهم ترس
ردوا الاختبارات على القير الاعادي للكل ماعداء اصحاب ذوي الاحتياجات الاتوماتيك
شرط ماينجح الا السواق المحترف والبقيه خلهم يدورن لهم ليسن سيكل
تصدق حسن في الهند عندهم في السابق اختبار لقيادة السيكل :nice:

انا اختبرني الكس منه لله ساعه ونصف خلاني افتر حتى سوق واقف دخلني
كل شويه يسألني انت من متى تسوق :eek5: اعترف :weeping:
وانا اقول له من شهرين

احمد ربك ماقلت اقترح بعد ستين سنة يسحبون الليسن

[رجل مثالي]

اليوم افكر في هالشيء .. الحوادث في ألمانيا قليلة جداً الا نادرة .. الناس كلهم قانونيين حتى المشاة وراكبي السياكل الكل عارف شله وشعليه وبعدين ما عندهم شيء اسمه نحاسه واستفزاز.

توني راجع ومطر قوي الرؤية شبه معدومة لكن تتبع الخطوط الأرضية الواضحة .. ولا تتفاجأ بنقعة ماي تغرق سيارتك فيها .. يمكن الغالبية حذرين من أغصان الشجر وتاركين مسافة أمان ومخففين السرعة شوي .. الشارع السريع تماتيك لافتات السرعة 80 بدل ما كانت السرعة مفتوحة في الظروف العادية.

ما تشوف سيارة كشرة تمشي في الشارع وتوقف .. النظام والقانون مفروض ومتبع من الكل .. ولا سعة الشوارع إحنا المسار عندنا يكفي سيارتين وهم مسارتهم ضيقة وأوقات سيارتين متقابلتين لازم وحدة توقف حتى تمر الثانية بسلام.


صح وهم على طول شغال عندهم الإضاءات السيارة ليل نهار
بسبب الجو ترى هاي في جميع اوروبا

[معماري قطري]

صح وهم على طول شغال عندهم الإضاءات السيارة ليل نهار
بسبب الجو ترى هاي في جميع اوروبا

الحين حلوها بأنوار الرؤية النهارية .. قبل صح لازم تولع النور في الجو السيء .. وقبل قبل كان واحد حامل مشعل يركض جدام السيارة يحذر الناس مع إن السيارات سرعتها بطيئة وقليلة

[معماري قطري]

هذول شعوب تعودوا على النظام والتفاني واحترام الاختلاف في المسارات
واحنا لحينا انركب مطبات واشارات ودوار في شارع طوله كيلو وامطعم بالرادارات الحلوة

لا ويجونك البتان ناسين ور ور وايكسرون الشارع مرة ثانية

يا اخوي تعيش مرتاح في وجود النظام .. الطريق أوقات يسون فيه شغلة معينة ويحولون كل المسارات بانحناءَة بسيطة لو عندنا تحصل الواحد يمشي سيدة يتخطى كم مسار .. هنا لا الكل يلف مع الخطوط .. ما تهتم للي حولك تهتم بنفسك وبقائك في مسارك

[حسن]

اليوم افكر في هالشيء .. الحوادث في ألمانيا قليلة جداً الا نادرة .. الناس كلهم قانونيين حتى المشاة وراكبي السياكل الكل عارف شله وشعليه وبعدين ما عندهم شيء اسمه نحاسه واستفزاز.

توني راجع ومطر قوي الرؤية شبه معدومة لكن تتبع الخطوط الأرضية الواضحة .. ولا تتفاجأ بنقعة ماي تغرق سيارتك فيها .. يمكن الغالبية حذرين من أغصان الشجر وتاركين مسافة أمان ومخففين السرعة شوي .. الشارع السريع تماتيك لافتات السرعة 80 بدل ما كانت السرعة مفتوحة في الظروف العادية.

ما تشوف سيارة كشرة تمشي في الشارع وتوقف .. النظام والقانون مفروض ومتبع من الكل .. ولا سعة الشوارع إحنا المسار عندنا يكفي سيارتين وهم مسارتهم ضيقة وأوقات سيارتين متقابلتين لازم وحدة توقف حتى تمر الثانية بسلام.

هلا هلا

تعلمني يامعماري
هناك غير وحتى الرادارات ماتشوفها عكس عندنا انت تخيل اتحداك تجيب لي عندهم مطبه
وشوف الفوضى عندنا شلون من المطبات كل بدون ضوابط
شوف الرادارت عندنا شي يخوف والصراحه هي صحيح انها مربحه جدا ولكن مهب بهذه الطريقه
سمعت ان بيكون هناك رادارات جويه من فوق يخافلونك والله اعلم
بالنسبه للنحاسه شفت الفرق بينا وبينهم
شنهو عندنا نحسين بشكل غير طبيعي حتى الكفار مهب مثلهم

يمكن يرجع للوعي بدور الصحه النفسيه عندهم

شكرالك يامعماري